எனது பதிநான்கு நூல்கள்

வியாழன், 31 டிசம்பர், 2020

செவ்வாய், 29 டிசம்பர், 2020

தன்னையே தரணிக்கீந்த லோபாமுத்ரா.

தன்னையே தரணிக்கீந்த லோபாமுத்ரா.

அன்னதானம் செய்வார்கள் பலர். கல்விதானம் செய்வார்கள் சிலர். இரத்ததானம் செய்வார்கள் மிகச்சிலர். ஆனால் தான் உயிரோடு இருக்கும்போதே தன்னை இந்த உலகுக்கு ஈந்தாள் ஒரு பெண். அதுவும் நீராக மாறி இவ்வுலக மக்களின் தாகம் தீர்த்தாள். யார் அந்தப் புனிதவதி எனப் பார்ப்போம் வாருங்கள் குழந்தைகளே.
பிரம்மகிரிக் குன்றத்தில் வாழ்ந்து வந்தார் கவேர மகரிஷி என்பவர். அவர் தனக்கு ஒரு மகள் வேண்டுமென்று பிரம்மனைக் குறித்துத் தவமியற்றி வந்தார். மிகக் கடுமையான தவம். அந்தத் தவத்தின் நெருப்பு பிரம்மலோகத்தை எட்ட பிரம்மன் ஓடோடி வந்து “ என்ன வரம் வேண்டுமோ வாங்கிக் கொள்ளுங்கள். இந்த தவத்தை நிறுத்துங்கள் “ என்றார்.
“பிரம்ம தேவரே.. எனக்கு ஒரு மகள் வேண்டும். “ என்றார் கவேர மகரிஷி.
மகள் வேண்டுமா. உடனே எப்படி உருவாக்க முடியும்.. யோசித்தார் பிரம்மா. மகாவிஷ்ணு முன்பொருமுறை உருவாக்கித் தன்னிடம் வளர்த்துவரும்படித் தந்த லோபாமுத்ரா என்ற பெண் குழந்தையின் ஞாபகம் வந்தது. அப்போதுதான் அவள் பதின்பருவத்தை எட்டியிருந்தாள்.

உடனே பிரம்மா கவேர மகரிஷியிடம் “ மகரிஷியே உங்கள் தவத்தை மெச்சி உடனே இந்த மகளை உங்களுக்குத் தருகிறேன். இவள் விஷ்ணுவால் உருவாக்கப்பட்டு என்னால் வளர்க்கப்பட்டவள் “

ஞாயிறு, 27 டிசம்பர், 2020

அன்பிற்கினிய ஆசிரியை அலமு அத்தை.




என் காதல்வனம் புத்தக வெளியீட்டின் போது எங்கள் உறவினரும் ஆசிரியையுமான அலமு அத்தையிடம் பாராட்டுக் கிடைத்தது. அம்பத்தூரில் வாழ்ந்து வரும் அவர் பட்டிமன்றங்களிலும் தலைமை ஏற்றிருக்கிறார். தீர்க்கமான சிந்தனைக்கும் சொல்லுக்கும் செயலுக்கும் சொந்தக்காரர். 

திங்கள், 21 டிசம்பர், 2020

அன்பொளி ANBOLI, தர்ம சக்கரம், நகரத்தார் மலர் – ஒரு பார்வை

 அன்பொளி ANBOLI, தர்ம சக்கரம், நகரத்தார் மலர் – ஒரு பார்வை


அன்பொளி ANPOLI - வாழ்க வையகம் வாழ்க வளமுடன் என்ற கேப்ஷனுடன் வெளியாகும் நூல் அன்பொளி. இதன் 339 ஆவது இதழை வாசித்தேன். திரு. வேதாத்ரி மகரிஷி அவர்களின் தலையங்கத்துடன் வெளியாகி உள்ளது..

காதல் வனத்தில் உறவினர்கள்

 காதல் வனத்தில் உறவினர்கள்.


சனி, 19 டிசம்பர், 2020

வீழ்தலின் நிழல் - நூல் திறனாய்வு.

 தமிழர் வாழ்வியல் ஆய்வு அறக்கட்டளையும் சிட்னி தமிழ் வளர்ச்சி மன்றமும் இணைந்து பல்வேறு நூல்களை ஆய்வு செய்கிறார்கள். நம் தோழி திருமதி. பவளசங்கரி தமிழர் வாழிவியல் ஆய்வு அறக்கட்டளையின் நிறுவனர். ஈழத்துக் கவிஞர் திரு. ரிஷான் ஷெரீஃப் அவர்களின் நூலை  (முன்பே வலைத்தளத்தில் விமர்சனம் வெளியிட்டுள்ளேன் ) நூல்களின் நண்பர்களின் குழுமத்துக்காக ஆய்வு செய்யும் வாய்ப்புக் கிடைத்தது. 

ஞாயிறு, 6 டிசம்பர், 2020

நமது மண்வாசமும் பெண்மொழியும்

 நமது மண்வாசம் மதுரையில் இருந்து வெளிவரும் மாத இதழ். தானம் அறக்கட்டளையின் ரிஃப்ளெக்‌ஷன் பதிப்பகத்தின் மூலம் இன்று வரை இடையறாது ஆறாண்டுகளுக்கும் மேலாகப்  பயணம் செய்து சமூக மாற்றத்தை உண்டாக்கி  வரும் இதழ். இதில் கிட்டத்தட்ட 50 இதழ்களுக்கும் மேலாகக் கதை, கவிதை, கட்டுரை எனப் பங்களிப்புச் செய்யும் வாய்ப்புக் கிட்டியது. 





சனி, 28 நவம்பர், 2020

மனத்தின் பேராற்றல் - ஒரு பார்வை.

 மனத்தின் பேராற்றல் - ஒரு பார்வை.


தனது யோக வாழ்க்கையை அடிப்படையாக வைத்து யோகாசார்யா எஸ் ஜனார்த்தனன் என்பவர் எழுதிய நூல்தான் மனத்தின் பேராற்றல். உடல் நலத்தோடு உள்ள நலனையும் கைக்கொண்டால் மனதின் பேராற்றலை உணரலாம் அதனை செயல்படுத்தலாம் என்கிறார் இவர். மூன்றில் ஒருபங்கு மூளையையே நாம் இதுவரை உபயோகித்து வருகிறோம் என்கிறார். மூளையின் முழுமையான செயல்பாட்டுக்கு இவர் தரும் வழிமுறைகளைப் பார்ப்போம். 

புதன், 25 நவம்பர், 2020

ஜெகஜ்ஜாலப் புரட்டனும் இரிசி மட்டையும்.

 161. 1731. கமறுதல், காந்துதல், காய்வான்/ள்.. - தாளிக்கும் கார வாசனை பட்டுத்தொண்டையைச் செறுமுதல் கமறுதல் எனப்படும். தீயைக் கொறைச்சு வையி. கமறுது என்பார்கள். மிளகாய்த்துவையல் போன்றவற்றை அம்மியில் அரைத்தால் கை சுடுவதுபோல் காந்தல் = எரிச்சல் எடுக்கும். காய்ச்சல் அடிச்சாலும் தொட்டுப் பார்த்தால் உடம்பு சுடுவதைக் காந்துது என்பார்கள். சட்டியில் அடிப்பிடித்ததையும் காந்தல் என்பார்கள். அடுத்தவர் வாழப் பொறுக்காதவரை அவன்/ள் அடுத்தவுகளைப் பார்த்துக் காய்வான்/ள்( கடுப்பாவான்/ள், எரிச்சலாவான்/ள் , கோபப்படுவான்/ள்)  என்பார்கள். 

1732*நறுங்கிப் போய் - வயசுக்கேத்த வளர்ச்சி இல்லாமல் இருப்பவரை அது நறுங்கிப் போய்க் கிடக்கும் என்பார்கள். 

1733*பாய்ச்சுருட்டு - மெத்தைச் சுருட்டு பாய்ச்சுருட்டு . நான்கைந்து பாய்களை ஒன்றாக அடுக்கிச் சுருட்டிக்கட்டி வைப்பதுதான் பாய்ச்சுருட்டு. 

1734*சிலாகை - மரச்சாமான் பெயர்ந்து வந்தால் சிலாகை வந்திருச்சு என்பார்கள். முள்போல் குத்திவிடும் என்பதாலும் சாப்பாட்டில் விழுந்து விடலாம் என்பதாலும் அது பயன்பாட்டுக்கு ஆகாது என்று அர்த்தம். 

1735*வரட்டுவரட்டுன்னு - வரளித்தனமாக இருப்பது. வரட்டு என்று வெறிச்சோடி இருப்பது. இருப்பதை எல்லாம் சுரண்டி வரட்டி எடுப்பது. 

திங்கள், 23 நவம்பர், 2020

எண்ட்லெஸ் லவ் - சினிமா ஒரு பார்வை.

எண்ட்லஸ் லவ்


1981 இல் வெளிவந்த இந்த சினிமாவை நாங்கள் 1986 இல் கோவையில் பார்த்தோம். ஃப்ரான்கோ ஸெஃப்ரெலி இயக்கிய படம். 1979 இல் ஸ்காட் ஸ்பென்ஸர் என்பவர் எழுதிய நாவலை அடிப்படையா வைச்சு எடுக்கப்பட்ட படம். 

நண்டு

 நண்டு


கடற்கரையோர நகரம் ஒன்றில் வேலை பார்த்து வந்தார்கள் மாலதியின் தம்பிகள். இன்னும் திருமணமாகவில்லை. அவர்களுக்கு சமைத்துப் போட அவர்கள் பாட்டி வீட்டில் இருந்து சிகப்பி அக்காவை அனுப்பி இருந்தார்கள். தன் பிள்ளைகளோடு கோடை விடுமுறைக்குத் தம்பிகள் வீட்டுக்கு வந்திருந்தாள் மாலதி. 

நண்டைச் சுத்தம் செய்து கொண்டிருந்தார் சிகப்பி அக்கா. ”வெள்ளையாத்தானேக்கா இருக்கு இந்த நண்டு. இது எப்பிடி சமைச்சோடனே சிவப்பா ஆகுது ” என்று கேட்டாள் பக்கத்தில் அமர்ந்து நண்டு சுத்தம் செய்வதை வேடிக்கை பார்த்துக் கொண்டிருந்த மாலதி.

“இது கடல் நண்டு. சட்டில போட்டு வதக்குனவோடனே சூட்டுக்கு செவப்பாயிரும். அம்மாப்பொண்ணு இங்க உக்காராதே. சுத்தம் செய்யும்போது பார்த்தாச் சாப்பிட மாட்டே “ என்று சொல்லிக் கொண்டே நண்டின் கால்களைப் பிரித்து ஓட்டை உடைத்து மஞ்சள் பகுதியைக் கையால் தேய்த்துக் கழுவினார் சிகப்பியக்கா.

தண்டட்டிக் காது அசைய அமர்ந்திருந்த சிகப்பியக்கா பேருக்கேற்றாற்போல வெள்ளைச் சிகப்பு. மாலதியின் பாட்டி வீட்டில் கிட்டத்தட்ட 30 வருடமாக சமையல் வேலை செய்தவர். பாட்டி வீட்டுக்கு விடுமுறைக்கு வரும்போதெல்லாம் சிகப்பி அக்காளின் கைவண்ணத்தில் விதம் விதமான உணவுகளை ருசித்திருக்கிறார்கள் மாலதியும் அவள் தம்பிகளும். திடீரென எவ்வளவு பேர் வந்தாலும் அவ்வளவு பேருக்கும் உணவு தயாரிப்பதில் அசந்ததேயில்லை சிகப்பியக்கா.

வேலை ஓய்ந்த பகல்பொழுதுகளிலும் திருகையில் உப்புமாவுக்கு உடைப்பது, குந்தாணியில் சிவப்பரிசி போட்டு உரலால் புட்டு இடிப்பது , சாயங்காலமானால் பச்சரிசி மாவில் தேங்காய் திருகிப் போட்டு சீடை உருட்டுவது, கயிறில் கோர்த்து உப்புக்கண்டம் காயப்போடுவது, வற்றல் போடுவது  என ஏதாவது செய்து கொண்டே இருப்பார். ஒருநாள் கூட மதியத்தில் அந்த அக்கா ஓய்ந்து உறங்கிப் பார்த்ததேயில்லை மாலதி.

சனி, 21 நவம்பர், 2020

அண்ணாவின் ஆறு கதைகள் – ஒரு பார்வை

 


அண்ணாவின் ஆறு கதைகள் – ஒரு பார்வை

அறிஞர் அண்ணாவின் ஆறு கதைகளைப் படிக்கும் வாய்ப்புக் கிடைத்தது. கிருஷ்ணலீலா, சிங்களச் சீமாட்டி, வள்ளி திருமணம், பாமா விஜயம், குற்றவாளி யார், சொல்வதை எழுதேண்டா என்ற ஆறு கதைகள் உள்ள 84 பக்கங்கள் கொண்ட தொகுப்பு அது.

வியாழன், 19 நவம்பர், 2020

கொண்டோலா ரைட். பெகாஸஸ். வெனிஸ்.

 ஆறு பேர் செல்லக்கூடிய வெனிஸின் பாரம்பரியப்  படகுச் சவாரிதான் கொண்டோலா ரைட். யூரோப் டூரின் போது நான்காம் நாள் இத்தாலி வந்தோம். அங்கே இந்தத் தட்டையான நீளமான படகில் சவாரி செய்து என் வாழ்நாள் ஆசையை நிறைவேற்றிக் கொண்டேன். 

மர்ச்செண்ட் ஆஃப் வெனிஸ் படித்தபோதும் சரி, ஜேம்ஸ்பாண்ட் படங்களிலும் ஜாக்கி சான் படங்களிலும் இந்தக் கொண்டோலா போட்டைப் பார்த்தபோதும் சரி இதில் ஒருதரமாவது சவாரி செய்தே ஆகணும்னு அக உணர்வால் தூண்டப் பெற்றேன். 

எங்க குட்டிப் பையன் எங்களை எல்லாம் யூரோப் டூருக்கு அனுப்பும்போது கூட நாம கொண்டோலா போட்டில் வெனிஸில் சுத்தப் போறோம்னு தெரில. அதுனால ரொம்பவே த்ரில்லிங்கா இருந்தது இது. 

செவ்வாய், 17 நவம்பர், 2020

பே இட் ஃபார்வேர்ட் - ஒரு பார்வை.

 ஒருவர் நமக்கு ஒரு உதவி செய்கிறார். நாம் அதை மூன்று பேருக்குத் திரும்பிச் செய்வோம். இதுதான் கான்செப்ட். அந்த உதவி பெருகிப்பல்கி பலருக்கும் நன்மை அளிக்கும். இதை வைத்து எம் எல் எம் , பொருள் விக்கிறதுன்னு ( பலரை ஏமாத்துறதுல்ல) மேலும் பலர் இதில் இறங்கி நஷ்டமடைஞ்சிருக்காங்க. இது அதுவல்ல. ரியல் உதவி. உடம்பாலோ மனதாலோ தேவை ஏற்படின் பொருளாலோ உதவுதல்.இதை 2000 இல் வெளிவந்த இந்தப் படம் எப்பிடி அழகா சித்தரிக்குதுன்னு பார்ப்போம். ஆனா முடிவுதான் கொஞ்சம் இல்ல ரொம்பவே அழ வைச்சிடுச்சு. 


சென்னை சங்கமம் சில நினைவுகள்.

 சென்னை சங்கமம் சில நினைவுகள். 

ஆதி மூர்க்கம் 
விலா கொய்து செய்த 
பாதி மூர்க்கம் நான்.

என்றும் இருக்கும்
சாதிச் சண்டையில் 
சமரசப் பெண்சாதி நான். 

என்று ஆரம்பித்துக் கவிதை வாசித்தேன். 

திங்கள், 16 நவம்பர், 2020

ட்ரான்சிட்

 ட்ரான்சிட்


திஹாடின் டிவியில் 2, 4, 8, 16 என்று எண்களைச் சேர்த்துக் கொண்டிருந்தான் பக்கவாட்டில் அமர்ந்திருந்த ஜெர்மானியன். 2048 என்றோரு எண் விளையாட்டு. காகுரே சுடோகு போல் அகிலாவுக்குப் பிடித்த எண் விளையாட்டு. நூற்றுக்கணக்கான முறை விளையாடியிருப்பாள் அவள். முப்பத்திஐயாயிரத்துச் சொச்சம் மதிப்பெண்களோடு அவளின் செல்ஃபோனில் உறைந்திருந்துக்கிறது அந்த ஆன்லைன் விளையாட்டு. நேரே நின்று லைஃப்ஜாக்கெட்டை எப்படி அணிவது எனச் சொல்லத் தொடங்கி இருந்தாள் பணிப்பெண்.

ஞாயிறு, 15 நவம்பர், 2020

முன்னோர்களின் ஓவியங்களும் ஓவியப் படங்களும்.

 160. 1711. கோட்டையூரில் பனா ஆனா ஆனா சினா தானா வீரப்ப செட்டியார் அவர்கள் வீட்டை உலா வந்து கொண்டிருந்தோம். தொடர்ந்து பார்ப்போம் வாங்க. இந்த வீட்டாருக்கு 1712. ஆங்கிலேயர் கொடுத்த பட்டயம், அதுபோக ஜவஹர்லால் நேரு, இந்திராகாந்தி அம்மையார் ஆகியோரின் படத்தையும் பார்ப்போம் வாங்க. 


1713* டர்பன் கோட்டு சூட்டு அணிந்த ஐயாக்கள். 

சனி, 14 நவம்பர், 2020

பணிவிலும் கனிவிலும் உயர்ந்த கௌதமி வேம்புநாதன்.

 ராஜிக்கா சென்னை வந்தபோது அவங்களைப் பார்க்க எங்க வீட்டுக்கு வந்த ஸ்பெஷல் கெஸ்ட் கௌதமி வேம்புநாதன். தொலைக்காட்சித் தொடர்களில் சூப்பர் வில்லியாகக் காட்சிதரும் இவர் நேரில் வெகு கனிவு, பாந்தம்.

எல்லாரும் கெஸ்டுக்கு ஐஸ்க்ரீம் கொடுப்பாங்க. எங்களுக்கு க்ரீமி இன்னின் ப்ளாக் கரண்ட் ஐஸ்க்ரீம் மெகா சைஸ் கப்போட வந்து இன்ப அதிர்ச்சி கொடுத்தவர் இவர். இது பற்றி முன்னேயே எழுதி இருக்கேன்.  


வெள்ளி, 13 நவம்பர், 2020

தடங்கள் – ஒரு பார்வை

 தடங்கள்ஒரு பார்வை


நம்மை நாமே திரும்பிப் பார்த்துக் கொள்ளச் செய்கிறது தடங்கள். சுசீலாம்மாவின் கல்லூரிப் பருவ, பேராசிரியக் காலங்களில் நிகழ்ந்த பல்வேறு நிகழ்வுகள் அழகான மொழியில் எழுத்தாக்கம் பெற்றுள்ளன.

வியாழன், 12 நவம்பர், 2020

பிஸாவுடன் ஒரு செல்ஃபி.

 யூரோப் டூரின் ஏழாம் நாள் இரவு ஜெனிவாவுக்குப் போனோம். பகலில் பிஸா டவரைப் பார்த்தோம். பார்த்தவுடன் செல்ஃபி எடுத்துக் கொண்டோம். பின்னே இது பன்னிரெண்டாம் நூற்றாண்டில் கட்டப்பட்டு பதிநான்காம் நூற்றாண்டில் நிறைவடைந்த பெல் டவர் ஆச்சே !. ஜெர்மனி மற்றும் ஐரோப்பிய நாடுகளில் சர்ச்சுடன் இணைந்து பெல் டவர் ஒன்றும் காணப்படுகின்றது. ஏழு நூற்றாண்டு கடந்தும் விழாம சாஞ்சே நின்று பெயர் வாங்கிருச்சு இந்த டவர். இதை உருவாக்கியவர் டியோட்டிசால்வி என்ற கட்டிடப் பொறியாளர். 

இங்கே பிஸா பாப்டிஸ்ட்ரி, பிஸா கதீட்ரல் ( சர்ச்) & பிஸா டவர் ( பிஸா பெல் டவர் ) மூன்றும் அடுத்தடுத்துக் காணப்படுகின்றன. இந்த பிஸா டவர் 55.86 மீட்டர் உயரம் உள்ளது. தோராயமா 184 அடி உயரம். இதோட அடியின் விட்டம் 57 அடி. தரைத் தளம் ( பூமி ) இந்தக் கட்டிடத்தோட எடையைத் தாங்கும் அளவு பலமா இல்லாததால இது நாலு டிகிரி சாஞ்சிருக்குன்னு சொல்றாங்க. ஐஞ்சரை டிகிரி வரை சாஞ்ச இதை 2001 வாகில் நாலு டிகிரி அளவு நிமிர்த்தி சரி செஞ்சிருக்காங்களாம். 

ஏழு மாடியோட சேர்த்து மொத்தம் 8 தளம் உள்ள கட்டிடம் இது. இரண்டரை அடி கனமுள்ள சுவர்கள், 296 படிகள். மழையும் அதுவுமா உள்ளே சுத்தி சுத்திப் போறதுக்குள்ள வழுக்குது. மேலே போனா ரெண்டு டைப் பெல் இருக்கு.  

பில்டிங் ஸ்ட்ராங்கு, பேஸ்மெண்ட்தான் வீக்கு என்னும் வடிவேலு வசனம் அசந்தர்ப்பமாக ஞாபகம் வந்து புன்னகைக்க வைத்தது. 

வருடா வருடம் சில இஞ்சுகள் சாய்ந்து வரும் இந்த பிஸா டவர் வருடந்தோறும் கோடிக்கணக்கான உல்லாசப் பயணிகளை ஈர்த்து வருகிறது. இங்கே லெமன் செல்லா என்ற ட்ரிங்க் நன்றாக இருக்கும் என எங்கள் டூர் கைட் சந்தோஷ் ராகவன் பரிந்துரைத்தார். ( ஒரு பத்துத் தரமாவது சொன்னாரே என்று வாங்கிவிட்டு ரங்க்ஸ் அது ஒரே புளிப்பு. மனுஷன் குடிப்பானா என்று யாருக்கோ பரிசளித்துவிட்டார் :)


பிஸா டவருக்கு முன்னால் இருக்கும் பிஸா பாப்டிஸ்ட்ரி.இவை அமைந்திருக்கும் இடம் இத்தாலியின் டஸ்கனி. இதை பியாஸா டெல் டுமோன்னும் சொல்றாங்க. 

செவ்வாய், 10 நவம்பர், 2020

படைப்பு வீடு சில க்ளிக்ஸ்.

 159. காரைக்குடியில் பல்வேறு 1691*படைப்பு வீடுகள் உண்டு. 1692*அக்கினியாத்தா, 1693*மெய்யாத்தா, 1694*பாப்பாத்தி, 1695*அடைக்கியாத்தா, 1696*மாறத்தி படைப்பு வீடு என்று. இங்கு நான் அக்கினியாத்தா படைப்புவீடு பற்றி எழுதி உள்ளேன். 

அக்கினியாத்தாவைப் பல்லாண்டுகளாக வணங்கி வருகிறார்கள் இரணிக்கோவிலைச் சேர்ந்த 1697*ஆவுடையான் செட்டியார் வகையறாக்கள்/பங்காளிகள். இந்தப் படைப்பு வீடு ஃபைவ் லாம்ப்ஸில் உள்ளது. 

சனி, 7 நவம்பர், 2020

லல்லியுடன்.

முகநூலில் நாங்கள் மிகவும் நட்பாக இருந்ததோடு மட்டுமல்ல. லல்லியின் வீட்டுக்கும் ஒருமுறை சென்றிருக்கிறேன்.அடையார் ஆனந்தபவனில் அவளுடன் லஞ்ச் சாப்பிட்டிருக்கிறேன். 

வெள்ளி, 6 நவம்பர், 2020

யுவைடிஸ்

 யுவைடிஸ்


டுப்படிப் பத்தியில் ஐயாவுக்குச் சாப்பாட்டைக் கட்டிக் கொண்டிருந்தாள் ஒமையா. அப்பத்தா இல்லாததால் ஐயா வீட்டில் தங்குவதில்லை. கிணற்றடிக் காளியம்மன் கோவில் பக்கம் உள்ள ஒரு வீட்டை வாடகைக்கு எடுத்திருந்தார்கள் ஐயா. அங்கே நண்பர்களோடு அவ்வப்போது சீட்டுக் கச்சேரியும், அரட்டைகளும், தினசரிகள் பார்த்து அரசியல் அலசல்களும் நடக்கும். எப்போதும் எல்லாரும் சீட்டு விளையாடும் இடம் என்பதால் அதற்கு சங்கம் என்று பெயரிட்டு இருந்தார்கள் ஐயாவின் நண்பர்கள். 

கீழ்வாசலில் நின்று கண்ணைச் சுருக்கியபடி ”சீக்கிரம் கொடாத்தா “ என்று பரபரத்து கொண்டிருந்தார் சோமண்ணன்.

வெற்றிலை பொகையிலை போட்டுச் சிவந்திருந்த வாய்க்கு ஈடாக ராத் தூக்கமில்லாமல்  செக்கச் செவேலனக் கிடந்தன சோமண்ணனின் கண்கள்.


எப்போது பார்த்தாலும் அவர் முகத்தில் ஒரு சிரிப்பு ஒட்டிக் கொண்டிருக்கும். மாநிறம்தான் என்றாலும் சூரியனை உலவ விட்டதுபோல் இரண்டு கண்ணும் ஜொலிக்கும். எல்லாருக்கும் வாய் சிரிக்கும் என்றால் சோமண்ணனுக்குக் கண்ணுதான் முதலில் சிரிக்கும். ஐயாவுக்கு அமையும் ஆட்களும் ஐயாவைப் போலவே.

ஐயாவின் கண்கள் போல சாந்தமானவை அண்ணனின் கண்களும். ஒற்றை நாடி சரீரம். லேசாய் வழுக்கை விழுந்த தலை. ஒரு ப்ளெயின் சட்டை, கட்டம்போட்ட லுங்கி இதுதான் அவர் அணிவது.

வியாழன், 5 நவம்பர், 2020

யுத்தம் செய் - சில நினைவுகள்.

 யுத்தம் செய் படத்தின் ப்ரிவ்யூ ஷோவை எங்களுக்குத் தனியாக ( முகநூல் நண்பர்கள் ) போட்டுக்காட்டினார்கள் நண்பர் சேரனும் இயக்குநர் மிஷ்கினும். 

தன் மகளுக்குத் தீங்கு நேரும்போது மத்யதர வகுப்பைச் சேர்ந்த ஒரு சாத்வீகத் தாய் சீறியெழுந்து நியாயம் கேட்பதுதான் கதை. இதற்கு என ஒரு கலந்துரையாடலும் கலைஞர் டிவியில் நடைபெற்றது. அதிலும் பங்கேற்க அழைப்பு வந்தது. 

இயக்குநர் மிஷ்கினிடம் கறுப்பு உடை பற்றியும்,  மஞ்சள் உடைப் பெண்களின் நடனம் பற்றியும் கேட்டோம். அது பற்றி எல்லாம் முன்பே எழுதி இருக்கிறேன். 

டாக்டர் ஷர்மிளா, கயல், இயக்குநர் நந்தினி, ஐஸ்வர்யா ராகவ் ஆகியோர் பங்கு பெற்றோம். இந்த நிகழ்வு சத்யம் தியேட்டர் மாடியில் நடைபெற்றது. 


புதன், 4 நவம்பர், 2020

நாலு கட்டு உள்ள கோட்டையூர் வீடு.

 158. 1661. இன்று கோட்டையூரில் உள்ள ஒரு வீட்டை முழுமையாகப் பார்ப்போம் வாங்க.  இந்த வீட்டுக்கு பனா ஆனா ஆனா சித வீரப்ப செட்டியார் வீடு என்று பெயர். இது நாலு கட்டு உள்ளது. 


செவ்வாய், 3 நவம்பர், 2020

ஜெர்மனி தமிழ்ச் சங்கத்தினருடன்.

///ஜெர்மன் தமிழ் கல்விச் சேவை தலைவர் திரு அம்பலவன் புவனேந்திரன் அவர்களும், உபதலைவர் திரு சிறி ஜீவகன் அவர்களும் எங்கள் டூயிஸ்பர்க் இல்லத்துக்கு வருகை தந்து வாழ்த்தினார்கள். இந்தச் சந்திப்புக்கு வழிகோலிய அன்புத்தோழி ஜெர்மனி தமிழ் எழுத்தாளர் சங்கத்தின் செயலாளர் , மூன்று நூல்களின் ஆசிரியர், பிரபல வலைப்பதிவர் திருமதி கௌரி சிவபாலன்.  அவருக்கு முதலில் என் நன்றிகள்.

இச்சங்கத்தில் 30 பேர் உறுப்பினராக உள்ளனர். அவர்களுள் தலைவரும் உபதலைவரும் எங்கள் இல்லத்துக்கு வந்திருந்தார்கள். ஜெர்மனிக்கு வந்துள்ள தமிழக எழுத்தாளர் என்ற முறையில் எனக்குப்  பொன்னாடை போர்த்திக் கௌரவித்து நூல்கள் அளித்துச் சென்றார்கள்.////

சனி, 31 அக்டோபர், 2020

கொலோன் கதீட்ரலில் கண்ணாடி ஓவியங்களும் கடைசி விருந்தும்.

 ஜெர்மனியின் கொலோன் கதீட்ரல் ரோமன் கத்தோலிக்கத் திருச்சபையினரால் நிர்வகிக்கப்படுகிறது. இங்கே  உள்ள ஜன்னல்களின் கண்ணாடிகளில் பதிமூன்றாம் நூற்றாண்டைச் சேர்ந்த வண்ண ஓவியங்கள் காணப்படுகின்றன. யேசுவின் வாழ்க்கை, அவர் நிகழ்த்திய அற்புதங்கள். அபோஸ்தலர்கள், கடைசி விருந்து, சிலுவையில் அறைதல் ஆகியன ஓவியங்களாகி உள்ளன. 1996 இல் யுனெஸ்கோ இதைப் பாரம்பரிய இடமாக அறிவித்துள்ளது. 

வியாழன், 29 அக்டோபர், 2020

குளுதாடிகளும் காய்கறி மரவைகளும்.

 157. 1651. அம்பு/கருது. சத்தகம். மகர்நோன்பில் அம்பு போட அம்பு பயன்படும். சத்தகம் தேங்காய் கீற உதவும். அரிவாளின் மினியேச்சர். சமைந்த பெண்கள் தூரம் கிடக்கும் சமயம் பெரிய வீடுகளில் பாத்ரூம் போவதானால் கூட பயப்படாமலிருக்க இதைக் கையில் பிடித்துச் செல்வார்கள். 


1652. ஊறுகாய்க் கிண்ணங்கள். மங்குச்சாமான் செட். கல்யாண வீடுகளில் நான்கு வகையான ஊறுகாய்கள் போடுவார்கள். காய்கறி ஊறுகாய், கும்பகோணம் ஊறுகாய், பச்சையாக எலுமிச்சை ஊறுகாய் ஊறிய உப்புத்தண்ணீரில் மசாலா இல்லாமல் வெள்ளைமிளகாய் ஊறுகாய், இதில் சுண்டைக்காய், காலிஃப்ளவர், குட்டிக் கத்திரிக்காய் எல்லாம் போடுவார்கள். பொடிமாங்காய் ஊறுகாய். காரட் ஊறுகாய். 

புதன், 28 அக்டோபர், 2020

க்ரீமி இன்னில் சில இனிப்பான சந்திப்புகள்

 சென்னை கே கே நகரில் இருக்கும் க்ரீமி இன்னில் ஆஸ், லதா, அருண் ஆகியோரைச் சந்தித்தேன். ஆஸ்வின் என் சாதனை அரசிகள் நூலில் இடம் பெற்றவர். டாக்டர் ஆஸ்வின் ஸ்டான்லி. நீங்க நினைக்கிற டாக்டர் இல்ல இவங்க. டாக்டரேட் பட்டம் பெற்றவங்க. மிக அருமையான எழுத்தாளர். என் ப்லாகுல சாட்டர்டே போஸ்ட்ல இயற்கை பற்றி அற்புதமா எழுதிக் கொடுத்திருக்காங்க. மிகச் சிறந்த கவிதாயினி. ஒரு கவிதைத் தொகுதி வெளிவந்திருக்கு. (டிஸ்கவரியில் கிடைக்கும் ) அகமதாபாத்தில் இருக்காங்க. அங்கே ( வதோதராவுக்கு )  நான் வந்திருக்கேன்னு சொன்னவுடனே தன்னோட வண்டிய எடுத்துக்கிட்டு எங்களப் பார்க்க வந்தாங்க. கை நிறைய அமுல் சாக்லேட்டுகளோட. 

CREAMY INN WITH OSWIN 21 JULY 2011

என்ன ஐஸ்க்ரீம் ஆர்டர் கொடுக்கலாம்னு அருண் பேசிக்கிட்டு இருக்காரு ஆஸு கூட. எனக்கு கஸாட்டாதான் பிடிக்கும். ஆனா இங்கேயோ விதம் விதமான ஐஸ்க்ரீம்ஸ். சாப்பிட்டா வயிறு ரொம்பிரும். டாப்பிங்க்ஸும் பலவிதம். ஸாஸ், நட்ஸ் என்று க்ராண்டா இருக்கும். 

செவ்வாய், 27 அக்டோபர், 2020

வில்ஹெல்ம் ll பயணித்த பாதையில்..

ஜெர்மனியில் வூபர்டால் வோஹ்விங்கல் சஸ்பென்ஷன் மோனோரயிலில் பிரயாணம் செய்துக்கிட்டு இருந்தோம். இது வூபர் நதியின் மேல் பயணிக்குது. அங்கேயே உங்களை விட்டுட்டுப் போயிட்டேன். வாங்க தொடருவோம். 

கார்ல் யூஜின் லாங்கன் என்ற பொறியாளர் வடிவமைச்சாலும் அரசாங்கப் பொறியாளரான வில்ஹெல்ம் ஃபெல்ட்மென் என்பவரின் மேற்பார்வையில்தான் இந்தத் தொங்கு ரயில் திட்டம் செயல்படுத்தப்பட்டிருக்கு. 


இந்தப் பாதையும் ரயிலும் தயாரானதும் சோதனை ஓட்டம் 1900 அக்டோபர் 24 இல் நடைபெற்றபோது வில்ஹெல்ம் 2 என்ற ( ஜெர்மனியின் கடைசிச்) சக்கரவர்த்திதான் இதில் பயணம் செய்தாராம்.! 

சக்கரவர்த்தி பயணம் செய்த பெட்டிக்குப் பேரு கைஸர்வேகன் ( எம்பரர்ஸ் கார் ) இது சிவப்பு நிறத்தில் இருக்கும். 

சக்கரவர்த்தி வில்ஹெல்ம் ll பயணித்தபாதையில் நாமும் போய் வருவோம் வாங்க. 

ஞாயிறு, 25 அக்டோபர், 2020

வாழ்நாள் சாதனையாளர் சுபாஷிணிக்கு வாழ்த்து.

 திருவள்ளுவர் நற்பணி மன்றம் 


பங்களா புதூர்.  ஈரோடு மாவட்டம். தமிழ்நாடு 

திருமதி சுபாஷிணி திருமலை அவர்களுக்கு வாழ்நாள் சாதனையாளர் விருது வழங்கும் விழா.

நாள்: 08.11.2020. ஞாயிற்றுக்கிழமை  நேரம்: காலை 11.00 மணி.

நிகழ்ச்சி நிரல்

11.00. இறை வணக்கம்.
11.05 வரவேற்புரை: திரு. பாமா. மனோகரன் தலைவர் திருவள்ளுவர் நற்பணி மன்றம் 
11.10. தலைமை உரை: திரு. பாரதி மணி எழுத்தாளர் மற்றும் திரைப்பட நாடகக் கலைஞர் பெங்களூரு, அவர்கள்.

வெள்ளி, 23 அக்டோபர், 2020

ஃபாஸ்ட் ஃபார்வேர்ட் - FAST FORWARD - ஒரு பார்வை.

 ஃபாஸ்ட் ஃபார்வேர்ட் - ஒரு பார்வை. 

திருமணமானதும் கணவருடன் பார்த்த படங்களில் இதுவும் ஒன்று. 1985 களில் வெளிவந்தது. 1986 இல் கோவையில் பார்த்தோம். கேஜியா அர்ச்சனா தர்சனாவா மாருதியா, செண்ட்ரல் தியேட்டரா தெரியவில்லை. ஆனால் ஆரம்பம் முதல் முடிவு வரை ஒரே டான்ஸ் டான்ஸ் டான்ஸ்தான். பேருக்கேற்றாற்போல் ஃபாஸ்ட் ஃபார்வேர்ட் டான்ஸ். இதன்பின் நான் பல்லாண்டு காலம் கழித்து ரசித்த நடனப் படம் டேக் தெ லீட். ஆந்தானியோ பாந்தாரஸ் நடித்தது. நடிப்பு ராட்சசன். 

அரும்பாக்கம் மிடில் ஸ்கூலில் குழந்தைகள் நிகழ்த்திய விழிப்புணர்வு நாடகம்.

அம்பேத்கார் பிறந்தநாளில் தோழி மணிமேகலை அட்சயா ஃபவுண்டேஷன் சார்பாக அரும்பாக்கம் மிடில் ஸ்கூலுக்குச் சிறப்பு விருந்தினராக அழைத்திருந்தார். அம்பேத்கார் பற்றிக் குழந்தைகளுக்குச் சொல்ல முடிந்ததில் மகிழ்ச்சி. ஆசிரியைகளுக்கு அட்சயா ஃபவுண்டேஷன் சார்பாக விருதுகள் வழங்கினோம். 

மிக அருமையா உரையாற்றினார் தோழி மணிமேகலை. இவர் சாஸ்திரிபவன் யூனியன் லீடர் ( பெண்கள் சங்கம் & தலித் பெண்கள் சங்கம் ) என்பதால் மிக அருமையான உரையாக அது அமைந்தது. 


வியாழன், 22 அக்டோபர், 2020

கொலோன் கதீட்ரலுக்குள் கல்லறைச்சிற்பங்களும் ஜெரோ சிலுவையும்.

 பன்னிரெண்டாம் நூற்றாண்டில் கோதிக் கட்டிடக்கலை பாணியைப் பின்பற்றிக் கட்ட ஆரம்பிக்கப்பட்ட கொலோன் சர்ச் (ஜெர்மனி ) பத்தொன்பதாம் நூற்றாண்டில்தான் ( 1880 ) பூர்த்தி செய்யப்பட்டது. ரோமன் கத்தோலிக்க சபையினரால் நிர்வகிக்கப்படும் இந்தக் கதீட்ரலில் சில புனிதர்களின் உடல்கள் உள்ளேயே வைக்கப்பட்டு அதன்மேல் அவர்களின் சிற்பங்களும் வடிக்கப்பட்டுள்ளன. 

வடக்கு தெற்கு என்று இரண்டு கோபுரங்கள் கொண்ட இந்த சர்ச் பதினெட்டாம் நூற்றாண்டில் பூர்த்திசெய்யப்பட்டபோது உலகிலேயே உயரமான கோபுரமாக இருந்ததாம் !. 

பிள்ளை எடுக்கிக் கொடுக்கும் துண்டும் சிட்டிச்சாமான்களும்.

 156. 1641. தடுக்கு. இவை சிகரெட் அட்டைப்பெட்டிகளினால் செய்யப்பட்டவை. கீழே இருப்பது ஓலைத் தடுக்கு. பட்டி தைப்பது இங்கே ஸ்பெஷல்.


1642. சாமி எழுந்தருளப் பண்ணுதல். கானாடு வள்ளிமயில் அவர்கள் வீட்டில் சஷ்டியப்த பூர்த்திக்காக சிவனையும் அம்பாளையும் எழுந்தருளப் பண்ணியிருந்தார்கள். ஓம் சிவோஹம். 

புதன், 21 அக்டோபர், 2020

சுவடு மின்னிதழ் – ஒரு பார்வை.

சுவடு மின்னிதழ் – ஒரு பார்வை.


அண்ணாவின் வார்த்தைகளை மேற்கோள் காட்டும் தலையங்கம் நல்ல சாட்டையடி.. இரும்புப் பட்டாம்பூச்சி, கவிஜி, பாரியன்பன் ஆகியோரின்  கவிதைகள் இடம்பெற்றுள்ளன.

கருநீல நிறத்துக்கு அவுன்ஸ் வீதம் (1:3) தங்கம் கொடுத்து வாங்கினார்கள் பதினெட்டாம் நூற்றாண்டில் என ஓவியர் சிவா தரும் தகவல்கள் வித்யாசம். பவா சமத்துவத்தின் மனிதர்கள் எங்கும் இருக்கிறார்கள் நெகிழ வைத்தது. லதாவின் உளவியல் கட்டுரை புதுமையாக சிந்திக்க வைத்தது.

வூபர் நதியின் மேல் தொங்கு ரயிலில் ஒரு த்ரில்லிங் சவாரி.

 அன்றைக்குத் தொங்கும் ரயிலில் பாதியில் விட்டுட்டுப் போயிட்டேனே. வாங்க வூபர் நதியின் மேல் ஒரு சவாரி போவோம். 

ஜெர்மனியின் நார்த் ரைன் வெஸ்ட்பேலியா மாகாணத்தில் ஓடும் ஒரு நதிதான் வூபர். இது ரைன் நதியின் கிளை நதிதான். 
Related Posts Plugin for WordPress, Blogger...