எனது 24 நூல்கள்

எனது 24 நூல்கள்
எனது இருபத்து நான்கு நூல்கள்
புத்தக விமர்சனம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
புத்தக விமர்சனம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 5 ஜூன், 2026

யூ ட்யூபில் 5881 - 5890 வீடியோக்கள். புத்தக மதிப்புரைகள்.

5881.காதல் அந்தாதி l கனவுதாசன் l  தேனம்மைலெக்ஷ்மணன்

https://www.youtube.com/watch?v=P2LAwoASYcE


#காதல்அந்தாதி, #கனவுதாசன், #தேனம்மைலெக்ஷ்மணன்,

#kathalanthathi, #kanavudasan, #thenammailakshmanan,



5882.சூளாமணி கதைச்சுருக்கம் l ஒளவை துரைசாமிப் பிள்ளை l  தேனம்மைலெக்ஷ்மணன்

https://www.youtube.com/watch?v=EAYk8VSlcSo


#சூளாமணி, #ஒளவைதுரைசாமிப்பிள்ளை, #தேனம்மைலெக்ஷ்மணன்,

#choolamani, #avvaiduraisamipillai, #thenammailakshmanan, 

வியாழன், 14 மே, 2026

யூ ட்யூபில் 5751 - 5760 வீடியோக்கள். புத்தக விமர்சனங்கள்.

5751.என் வாழ்க்கைப் பயணம் ராஜபாட்டை அல்ல முள்ளில் ரோஜா l முனைவர் சே.குமரப்பன் l  தேனம்மைலெக்ஷ்மணன்

https://www.youtube.com/watch?v=cWCmpf8ip4A


#குமரப்பன், #தேனம்மைலெக்ஷ்மணன்,

#BOOKREVIEW, #THENAMMAILAKSHMANAN,



5752.ஆறு நூல்கள் l தேவி நாச்சியப்பன் l  தேனம்மைலெக்ஷ்மணன்

https://www.youtube.com/watch?v=AEBj34SFMfk


#ஆறுநூல்கள், #தேவிநாச்சியப்பன், #தேனம்மைலெக்ஷ்மணன்,

#SIXBOOKS, #DEVINACHIYAPPAN, #THENAMMAILAKSHMANAN, 

சனி, 18 பிப்ரவரி, 2023

சாதனை அரசி சாஸ்த்ரிபவனின் ஸ்ரீசக்தி மணிமேகலை - அணிந்துரை

சாதனை அரசி சாஸ்த்ரிபவனின் ஸ்ரீசக்தி மணிமேகலை


சாஸ்த்ரி பவன் பெண்கள் சங்கத் தலைவி &  தலித் பெண்கள் நல சங்கத் தலைவி மணிமேகலை மேடம் என் முதல் நூல் சாதனை அரசிகளில் இடம் பெற்ற சாதனை அரசி. சாஸ்திரி பவனில் ப்ரஸ் பகுதியில் வேலை பார்த்து வந்த தோழி கீதா இளங்கோவன் மூலம் பத்தாண்டுகளுக்கு முன் அறிமுகமானவர். அன்றிலிருந்து இன்று வரை அன்போடும் பாசத்தோடும் தொடர்ந்து வருகிறது எங்கள் நட்பு. மனித நேயம் மிக்கவர். இவர் எங்கே இருந்தாலும் அங்கே பாஸிட்டிவ் வைப்ஸ் இருப்பதை நாம் உணரலாம். அவரது அகத்தின் அழகு முகத்தில் தெரியும். இவரின் நூலைப் படித்தேன். படித் தேன். இவரது அனுபவங்கள் பரந்துபட்டவை.

அரும்பாக்கம் மிடில் ஸ்கூலில் அம்பேத்கார் பிறந்தநாளில் உரையாற்ற தோழி மணிமேகலை அழைப்பு விடுத்திருந்தார்.  சாஸ்த்ரி பவனில் அம்பேத்கார் சிலை அமையப் பெரும்பாடு பட்டு  அதை நிகழ்த்தியும் உள்ளார்.  சென்னைத் தமிழில் அவர் ஃபோனில் உரையாடும்போதெல்லாம் மனதில் மகிழ்ச்சி பொங்கும். உடன்பிறவா சகோதரி போன்றவர்.  அட்சய பாத்திரம் கொண்டு மணிமேகலை அனைவருக்கும் புரந்தளித்ததுபோல் இவர் அட்சயா ஃபவுண்டேஷன் மூலம் அரசுப்பள்ளி சிறார்களை மேம்படுத்துகிறார்.

செவ்வாய், 24 ஜனவரி, 2023

பனிக்குடம் - ஒரு பார்வை

 

பனிக்குடத்தில் இன்னுமொருமுறை தோய்ந்து பிறந்தேன்


ஜெர்மனியின் ஷோலிங்கனில் நான் சந்தித்த இலக்கிய முத்து கௌசி. அங்கே தாய்மையோடு எங்களுக்கும் விருந்தோம்பினார்கள் கௌசியும் அவர் கணவரும் மகளும். அதன் முன்னரே வலைப்பூ எழுத்துக்களில் கௌசியின் பல்பரிமாணங்கள் கண்டு வியந்திருக்கிறேன். செய்திகளையும் வித்யாசமான சிறுகதைகளாக்கும் அவர் பாணி என்னை ஆச்சர்யப்படுத்தியதுண்டு. அவரின் இத்தொகுப்பில் மகளாய், இளம் மனைவியாய், தாயாய் உணர்ந்தேன். அவரின் எழுத்துக்கள் நம் உள்ளத்தோடு பேசுகின்றன. அதுவே அவரின் எழுத்தாற்றலுக்குச் சாட்சி. தொய்வில்லாத மன ஓசையின் வெளிப்பாடு. எதுகை மோனை சந்தத்தோடு புதுக்கவிதையிலும் எடுத்தி இயம்பி இருப்பது சிறப்பு. அவர் எழுத்துக்கள் பற்றித் தெரிந்திருந்தும் இது ஒரு எதிர்பாரா வாசிப்பனுபவம். இன்ப அனுபவம்.  

பலரைத் தோற்கடித்து எனக்குள்
உரிமையுடன் நுழைகின்றாய் நீ

என்ற வரிகளில் குழந்தை உருவாகும் போது ஏற்படும் அறிவியல் போராட்டத்தை அறவியலுடன் எடுத்தியம்புகிறார் கவிஞர். உடல் மாற்றங்களில் மார்பகங்கள் மெல்ல வீங்கி மகவுக்கு உணவு தயாரிக்கும் என்று கூறியுள்ளது அனுபவ அற்புதம்.

சனி, 21 நவம்பர், 2020

அண்ணாவின் ஆறு கதைகள் – ஒரு பார்வை

 

அண்ணாவின் ஆறு கதைகள்

அறிஞர் அண்ணாவின் ஆறு கதைகளைப் படிக்கும் வாய்ப்புக் கிடைத்தது. கிருஷ்ணலீலா, சிங்களச் சீமாட்டி, வள்ளி திருமணம், பாமா விஜயம், குற்றவாளி யார், சொல்வதை எழுதேண்டா என்ற ஆறு கதைகள் உள்ள 84 பக்கங்கள் கொண்ட தொகுப்பு அது.

யதார்த்தத்தைப் பற்றிய நையாண்டியும் மனித சுபாவங்களைப் பற்றிய கேலியுமாக நகைச்சுவையாகத் தொடர்கின்றன கதைகள். குற்றவாளி யார் என்ற கதை மட்டுமே இறப்பில் முடிகிறது. மற்றைய கதைகளில் எல்லாம் மனிதருக்குள் எதிர்பார்ப்பும் ஏமாற்றமும் இருந்தாலும் அதை அவர்கள் சமாளிக்கும் விதத்தை நையாண்டியாகக் கையாண்டிருப்பது புன்னகையை வரவழைத்தது.

வெள்ளி, 13 நவம்பர், 2020

தடங்கள் – ஒரு பார்வை

 தடங்கள் – ஒரு பார்வை

தடங்கள் 

நம்மை நாமே திரும்பிப் பார்த்துக் கொள்ளச் செய்கிறது தடங்கள். சுசீலாம்மாவின் கல்லூரிப் பருவ, பேராசிரியக் காலங்களில் நிகழ்ந்த பல்வேறு நிகழ்வுகள் அழகான மொழியில் எழுத்தாக்கம் பெற்றுள்ளன.

பெண்களுக்குத்தான் எவ்வளவு பிரச்சனைகள் சில இடங்களில் பெண்களே பிரச்சனைகள். நந்தா, சிந்து என்ற இருவரின் கடித உரையாடலாகத் தொடர்கிறது புதினம். அநேகம் சிந்து நந்தாவுக்கு எழுதும் அறிவுசார் மின்னஞ்சல்கள். இது புதினத்தில் புதுவகை உத்தி.

சனி, 29 ஆகஸ்ட், 2020

வெக்கை – ஒரு பார்வை

 வெக்கை – ஒரு பார்வை.


வெக்கை

சிறுவன் ஒருவன் ஒரு கொலை செய்துவிட்டு சட்டத்தின் பிடியில் அகப்படாமல் சென்று முடிவில் குடும்பத்தாரின் கட்டாயத்துக்காகச் சரணடையச் செல்லும் கதை. அவனாவது பிழைத்துக் கிடக்கவேண்டுமே என்ற ஆதங்கத்தில் அவர்கள் சட்டத்துக்குத் தம்மை உட்படுத்திக் கொள்ளச் செய்கிறார்கள். பூமணி அவர்களின் பல்வேறு கதைகளைப் படித்திருந்தாலும் இந்த நூல் என்னை மிகவும் கவர்ந்தது. ஒரு அசல் நிகழ்வைக் கதையாக்கிய பாணிதான் காரணம். இவரின் மொழி அழகுக்காகவும் விறுவிறுப்பான நடைக்காகவும் தனி விருதே கொடுக்கலாம். 

வியாழன், 30 ஜூலை, 2020

மாயக்குதிரை - ஒரு பார்வை.

மாயக்குதிரை - ஒரு பார்வை. 

மாயக்குதிரை 

தமிழ்நதியின் கதைகள் மனதோடு பேசும் ரகம். அவருடைய கதாநாயகிகள் வித்யாசமானவர்கள். யதார்த்தமானவர்கள். அப்பட்டமாய்த் தங்கள் நிறைகுறைகளைப் போட்டுடைப்பவர்கள். சிலர் வெகு கம்பீரமானவர்கள். அதனாலேயே அவர்கள் வெகுஜனத்தைக் கவர்கிறார்கள். 

தாழம்பூ மிகவும் ரசித்த கதை எனினும் கமலஹாசனின் திறமைகள் போல் அதீதமாகப் போய்க்கொண்டே இருக்கிறது அக்கதை. ஹே ராம், தசாவதாரம் போல் மிக நீண்ட ஆனால் சுவாரசியமான கதை. எதையும் விலக்கவோ எடிட் செய்யவோ முடியாது. ரொம்பப் பிடித்தது. குறுந்தொகை சொல்லும் கதாநாயகி. அவள் மனங்கவர்ந்த ராஜகுமாரன். மதுவா,இவளா, தாழம்பூவா என்று இனம் பிரிக்க முடியாத கதாநாயகி. அந்தக் காதல், அந்த ஏக்கம், அந்த குருதி கிழிந்த இதயம் கொண்ட இரவு. கொஞ்சம் நடுக்கம். எனக்கும் இதழ்களில் அல்ல (தாழம்பூவையோ இவளையோ )நெற்றியில் உச்சிமோர்ந்து முத்தம் கொடுக்கத் தோன்றியது இக்கதையின் வலிமை. 

ஞாயிறு, 26 ஜூலை, 2020

நிலமெலாம் முள் மரங்கள் - ஒரு பார்வை.



நிலமெலாம் முள் மரங்கள் 

சமீபத்தில் நான் வாசித்த நூல்களில் என்னை மிகவும் கவர்ந்தது இந்நூல். எளிய மனிதர்களின் அவசத்தை இதைவிடச் சிறப்பாக எந்த நூலும் கூறியிருக்க முடியாது. எளிமையான வார்த்தைகளில் மண்ணின் மணம் வீசும் இயல்பான கதைகள். 

மொத்தம் 17 கதைகள். தமிழ்நாடு முற்போக்கு எழுத்தாளர் சங்கத்தின் காரைக்குடி கிளையின் தலைவர் திரு. ஜீவசிந்தன் அவர்கள் எழுதிய சிறுகதைகளின் தொகுப்பு இந்நூல். நாம் அன்றாடம் காணும் மக்களின் வாழ்க்கையை, அவர்களின் வாழ்வியல் துயரங்களை, அதோடும் கூட அவர்களைச் செலுத்தும்  மனிதநேயத்தை வெகு யதார்த்தமாகப் பதிவு செய்துள்ள கதைகள் இவை. 

செவ்வாய், 30 ஜூன், 2020

அரியநாச்சி – ஒரு பார்வை.


அரியநாச்சி – ஒரு பார்வை.

அரியநாச்சி

குற்றப் பரம்பரை, பட்டத்து யானை தந்த ஆசிரியரின் இன்னொரு படைப்பு அரியநாச்சி. ஆனால் குற்றப்பரம்பரை தந்த ஆச்சர்ய வீச்சை பட்டத்து யானையும் அரியநாச்சியும் தரவில்லை.

கதை என்னவோ விறுவிறுப்புத்தான். மதியம் எடுத்து மாலையில் படித்து முடித்ததும்தான் வைத்தேன். ஆனால் ஒரு குறுநாவல் படித்த பாதிப்புத்தான் இருக்கிறது. அரியநாச்சி பற்றி பொதுப்படையான விவரணைகள் தவிர ஒரு கதாநாயகியாகப் படைக்கத் தேவையான பெறுமதியான விவரங்கள் எதுவும் இடம்பெறவில்லை.

செவ்வாய், 18 பிப்ரவரி, 2020

சொல் எனும் வெண்புறா - ஒரு பார்வை.


சொல் எனும் வெண்புறா  - ஒரு பார்வை.


சொல் எனும் வெண்புறா

சொல் எனும் வெண்புறா தத்தித் தத்திப் பறந்து பிரிந்து இணைந்து பல்வேறு அர்த்தங்களைக் கொடுக்கிறது. கவிஞரின் கைச்சொடுக்கில் அது நம் அருகே நின்று தம் பாதரசநிறக் கண்களால் ஊடுருவுகிறது. அதில் உண்மை வாய்மை இவற்றோடு பெண்ணின் மென்மை, மெய்மையும் புலப்படுகிறது.

பதின்பருவக் கவிதைகள் என்று எவையுமேயில்லை. எல்லாம் குழந்தைப்பருவம் அதனிலிருந்து குடும்பத்தலைவி என்ற பரிமாணத்தில் தாவி விடுகின்றன. பிள்ளையாருடன் கொண்ட குழந்தைப் பருவ நட்பையும் பருவம் வந்து முறித்துப்போட்டு விடுகிறது. அவர் கடவுளாகவோ ஆணாகவோ ஆகிப் பிரிந்துவிடுகிறார். பெண்ணின் அக உலகில் அவருக்கும் இடமில்லாமல் போகிறது .

ஞாயிறு, 9 பிப்ரவரி, 2020

இராம கீதை - ஒரு பார்வை.


இராம கீதை – ஒரு பார்வை.

பகவத்கீதை படித்திருக்கிறோம். அதென்ன இராம கீதை. கிருஷ்ணன் அர்ஜுனனுக்கு உபதேசித்ததே பகவத் கீதை. இராமன் உதாரபுருஷனாய் வாழ்ந்து காட்டியதே இராம கீதை. அப்படி லட்சியபுருஷனாய் வாழ்ந்து வரும்போது உறவுடையோருக்கு, உறவு கொண்டோருக்கு ஏன் பகைவருக்குமே வழங்கியதுதான் இராம கீதை.

உரையாடலே உபதேசமாகக் கூறப்பட்டுள்ளதனால் இது இராமோபதேசம் என்றும் குறிப்பிடப்படுகிறது. பகவத்கீதையின் சுலோகங்களுடன் இராமனின் மொழியாடலும் ஒப்புமை சொல்லப்பட்டுள்ளது இதில். செயல், கடமை, கடவுள் ஆகியன பற்றிய விளக்கங்கள் அற்புதம்.

புதன், 5 பிப்ரவரி, 2020

சூல் – ஒரு பார்வை

சூல் – ஒரு பார்வை

சூல்

இந்த நூலின் கதாநாயகன் கதாநாயகி எல்லாம் கண்மாய்தான். கம்பர் சரயூ நதியைத் தெய்வமாகப் புனைந்து பாடிய பாடல்கள்போல் இந்தக் கண்மாயும் தெய்வதத் தன்மை பெறுகிறது. அற்ற குளத்து அறுநீர்ப் பறவைகள் போல் கண்மாய் வரண்டதும் அனைவரின் வாழ்வும் வரண்டு போய்க்கொண்டே இருக்கிறது என்பதைக் கறாராகப் பதிய வைத்த சுற்றுச்சூழல் நாவல் இது

பழங்கதைகள், தொன்மங்கள், நம்பிக்கைகள், வரலாறு, அரச குடும்பம், கிராமத்து வாழ்வியல், வழிபாடுகள் அனைத்தும் கருக்கொண்டது.  யதார்த்தமான பாணியில் சொல்லப்பட்டுள்ளது.

திங்கள், 13 ஜனவரி, 2020

பட்டாளத்து வீடு :- ஒரு பார்வை


பட்டாளத்து வீடு :- ஒரு பார்வை

பட்டாளத்து வீடு

சமீபத்தில் படித்த மிகச் சிறந்த சிறுகதைத் தொகுப்பு சாம்ராஜின் பட்டாளத்து வீடு. வெகுஜன வாசிப்புக்கு ஏற்ற அதே சமயம் நுண்ணிய இலக்கியத் தரமும் இயைந்து இருக்கும் நூல் இது.

மொத்தம் பத்துச் சிறுகதைகள். நவரசம் என்பது போல் பத்தும் பத்துவிதம்.  குழந்தைகளின் வாழ்வியல் பார்வையிலிருந்து சொல்லப்பட்டுள்ளன அநேகம் கதைகள். குழந்தைகள் எதிர்கொள்ளும் துயரம், அவர்களின் மனப்பாடுகள், அவர்கள் சமூகத்தினாலும் தனிமனிதர்களாலும் எதிர்கொள்ளும் அபாயங்கள் என வித்யாசமான கதைக் களங்கள். ஆனால் புள்ளிவிவரமாக அடுக்காமலே ஒவ்வொன்றிலும் துல்லியம். சுவாரசியம் குன்றாது ஒரே மூச்சில் படித்து முடித்தேன்.

வெள்ளி, 10 ஜனவரி, 2020

காக்கைச் சிறகினிலே - ஒரு பார்வை.

காக்கைச் சிறகினிலே - ஒரு பார்வை.


காக்கைச் சிறகினிலே

விருது அரசியலை விரிவாக அலசுகிறது தலையங்கம். கல்விக்கூடக் கொலைகள்/தற்கொலைகள் பற்றிக் காட்டமாய்த் தாக்குகிறது ஒரு கட்டுரை. கவிஞர் சேரனுடன் நேர்காணல் ஈழ இனப் படுகொலையைக் கண்டிக்கிறது.

இராணுவ முகாம்களுக்குள் இருக்கும் எனது வீடு என்ற தீபச்செல்வன் கட்டுரை பூமி யாருடையது என்ற கேள்விகளை எண்ணமெங்கும் நிறைத்தது. இன ஒடுக்குமுறை என்பது எவ்வளவு மலினமான செயல்பாடு. யதீந்திராவின் இந்தியாவும் ஈழத்தமிழர் பிரச்சனையும் விரிவான அலசல்.

செவ்வாய், 7 ஜனவரி, 2020

மனோசக்தி - ஒரு பார்வை.

மனோசக்தி - ஒரு பார்வை.


மனோசக்தி

கட்டுப்பாடு பற்றியும் கணக்குப் பார்த்து செலவழிப்பது பற்றியும் இயம்புகிறது தலையங்கம்.  இது ஒரு உடலியல் உளவியல் மாத இதழ். ஏமாறாதே ஏமாற்றாதே நல்ல விழிப்புணர்வுக் கட்டுரை.

நினைவாற்றலை வளர்த்துக்கொள்வது, மற்றவர்களை அளவோடு பாராட்டுவது ஆகிய கட்டுரைகளோடு தாழ்வு மனப்பான்மை இருப்பவரிடம் ஈகோவும் இருக்கும் என்பதைத் தெளிவு படுத்திய கட்டுரை என்னை ஆச்சர்யப்பட வைத்தது.

ஒரு ரியல் கேஸ் ஹிஸ்டரியை எடுத்துக் கொண்டு சிறுவயதில் பாதித்த அனுபவங்கள் காரணமாக திருமண வயதில் ஒரு பெண்ணுக்கு ஏற்பட்ட டிப்ரஷன், ஃபோபியா, ஸ்ட்ரெஸ், கான்ஃப்ளிக்ட்ஸ், அனரெக்ஸியா, கெமிக்கல் இம்பாலன்ஸ், சைக்கியாட்ரிக் இல்னெஸ்  ஆகியவற்றை கௌன்சிலிங் கொடுத்து எப்படிச் சரிசெய்தோம் எனக் கூறியிருக்கிறார் டாக்டர் சிவசைலம்.

சூழ்நிலையின் தவறுகளால் மனதுள் தன்னைப் பற்றிய நெகட்டிவ் எண்ணங்கள் பெருகப் பெருக எதிர்காலமே எதிர்மறையாய் உருப்பெறும் வரைபடம் போட்டு விளக்கியிருக்கிறார்.

காரிய வெற்றி பெற வேண்டுமானால்  தீர்மானத்தில் தெளிவு வேண்டும் என்ற அம்சத்தை வலியுறுத்துகிறது ஒரு கட்டுரை. கோபம் பயம் ஏற்படுத்தும் விளைவுகள், சைக்கோ டெஸ்ட் , ஆழ்மனமும் நம்பிக்கைகளும்,  விடியலை நோக்கி, பொறுமையால் கிடைக்கும் வெற்றி என  வரிசைப்படுத்துகிறார்கள்.

துன்பங்களும் வாழ்வின் அம்சமே என ஆற்றுப்படுத்துகிறது ஒரு கட்டுரை. ஆழ்மனத்துக்கு என்ன கட்டளை இடுகிறோமோ அதை அது செயல்படுத்தும் என்று ஆல்ஃபா மைண்ட் பவர் பற்றிக் கூறுகிறார்  டாக்டர் விஜயலெக்ஷ்மி பந்தையன்.

புதிய சிந்தனைகள், செயலாற்றும் வலிமை, விடாமுயற்சி  ஆகியன வெற்றிக்கான பண்புகள் என்கிறார்கள். தெளிந்த சிந்தனை இருந்தால் சிறந்த முடிவு கிட்டும் என நம்பிக்கை ஊட்டுகிறது ஒரு கட்டுரை. நோக்கம் சிறந்ததாய் இருந்தால் ஜெயிப்போம் என்றும் நம்பிக்கையும் அளிக்கிறார்கள்.

வார்த்தைகள் செய்யும் அற்புதத்தையும் இவர்கள் விவரித்து இருப்பதால் நாமும் நம் நயமான வார்த்தைப் ப்ரயோகங்களால்  வெற்றி பெற முயல்வோம். அத்தோடு மனித உறவுகளும் குடும்ப உறவுகளும் சீராக இருந்தாலே நாம் வெற்றியின் படிக்கட்டுக்களில் ஏறிக்கொண்டிருக்கிறோம் என்கிறார்கள்.

நூல் :- மனோசக்தி  ( மாதாந்திரி)
ஆசிரியர்:- விக்கிரவாண்டி வி. ரவிச்சந்திரன்.
விலை :- ரூ. 15.