யுத்தம் செய்யும் சேரன்

 யுத்தம் செய்யும் சேரன்

”நானே தொலைந்த கதை நானறியேன் கண்மணியே””,”மனசுக்குள்ளே காதல் வந்தல்லோ”, “இருவிழியோ இறகடிக்கும் இமைகளிலே வெடி வெடிக்கும்” இந்தப் பாடல்களை முணுமுணுக்காதவர் இருக்க முடியாது. “ஒவ்வொரு பூக்களுமே சொல்கிறதே வாழ்வென்றால் போராடும் போர்க்களமே” என்ற தன்னம்பிக்கைப் பாடல்கள் இவர் படங்களில் சிறந்த அம்சம்.

முதலில் இயக்குநராக ஆகி அதன் பின் நடிகரானவர்களில் இவரும் ஒருவர். வெள்ளலூரின் சலூனில் முடிவெட்டியபின் அப்போதைய இளைஞர்களின் ரோல்மாடல் நடிகரான கமலைப் போலத் தலையை வாரி வாரிச் சீவிக் கண்ணாடியில் பார்த்து ரசித்ததையும், பதின்பருவத்தில் கண்ட மேலூரின் இளம்பெண்களை ஏதென்ஸ் நகரத்துத் தேவதைகள் போல் உலா வருவார்கள் எனச் சிலாகித்தும், முறைப்பெண்ணான செல்வராணியைச் சந்திக்க ஒரு கூடை மல்லிகைப்பூவை வாங்கிச் சென்றதையும் விகடனில் வெளியான இவரின் கட்டுரைகள் அழகாகச் சித்தரித்தன.

யுத்தம் செய் - சில நினைவுகள்.

 யுத்தம் செய் படத்தின் ப்ரிவ்யூ ஷோவை எங்களுக்குத் தனியாக ( முகநூல் நண்பர்கள் ) போட்டுக்காட்டினார்கள் நண்பர் சேரனும் இயக்குநர் மிஷ்கினும். 

தன் மகளுக்குத் தீங்கு நேரும்போது மத்யதர வகுப்பைச் சேர்ந்த ஒரு சாத்வீகத் தாய் சீறியெழுந்து நியாயம் கேட்பதுதான் கதை. இதற்கு என ஒரு கலந்துரையாடலும் கலைஞர் டிவியில் நடைபெற்றது. அதிலும் பங்கேற்க அழைப்பு வந்தது. 

இயக்குநர் மிஷ்கினிடம் கறுப்பு உடை பற்றியும்,  மஞ்சள் உடைப் பெண்களின் நடனம் பற்றியும் கேட்டோம். அது பற்றி எல்லாம் முன்பே எழுதி இருக்கிறேன். 

டாக்டர் ஷர்மிளா, கயல், இயக்குநர் நந்தினி, ஐஸ்வர்யா ராகவ் ஆகியோர் பங்கு பெற்றோம். இந்த நிகழ்வு சத்யம் தியேட்டர் மாடியில் நடைபெற்றது. 

சத்யமும்.. யுத்தம் செய்யும்.. கலைஞர் தொலைக்காட்சியில் ..

நண்பர் சேரனின் யுத்தம் செய்.. திரைப்படம் பற்றி பெண்கள் கருத்து மற்றும் கலந்துரையாடல் ஒன்று கலைஞர் தொலைக்காட்சிக்காக சென்னை சத்யம் தியேட்டரின் மாடியில் ஏற்பாடு செய்யப்பட்டிருந்தது.