கசியும் மௌனம்- மலீக்கா ஃபாருக்கின் கவிதை நூலுக்கு முன்னுரை.

கூடிய விரைவில் வெளிவர இருக்கும் அன்புத்தங்கை மலீக்கா ஃபாருக்கின் கவிதை நூலுக்கான முன்னுரையை எழுதி ஓரிரு வருடங்கள் ஆகிறது. அதை இங்கே பகிர்வதில் மகிழ்கிறேன். புத்தகம் சீக்கிரம் வெளிவந்து வெற்றியடைய வாழ்த்துகள். அன்பும் மகிழ்ச்சியும் மலீக்கா :)

 தமிழ்ப் பெண்களின் வாழ்வியலை அதன் உயிர்த்துடிப்பை இவ்வளவு அருமையாக ரத்தமும் சதையுமாகப் பகிர முடியுமா என வியக்க வைக்கிறார் மலீக்கா ஃபாரூக். என் வலைப்பதிவ சகோதரியான இவர் நீரோடை என்ற வலைப்பதிவு மூலம் அறிமுகம். கன்னடக் கவிஞர் பி லங்கேஷின் கவிதைகளைப் படித்தபோது ஏற்பட்ட உணர்வு எனக்கு இவரின் கவிதைகளைப் படிக்கும்போதும் ஏற்பட்டது. 

நிறைய விருதுகள் பெற்றிருக்கும் இவர் இந்நூலுக்குத் தேர்ந்தெடுத்திருக்கும் கவிதைகள் திருமணமான பெண்ணின் மனையியலையும் மனவியலையும் பேசுகின்றன கசியும் மௌனம் மூலம். ஓரிரு கவிதைகள் ஆண்களையும் தாங்கிப் பிடிக்கின்றன. 

”ஆணின் அத்தனை
லாமுக்கு அடியிலும்

ஆரா சுமையின்

லாடங்கள் அடித்திருப்பதை “

“ஆண் மகன் அழுவது

அழகல்ல என்ற காரணத்தால் “

“அன்பிருந்தும்

அதை அழுத்தி அழுத்தியே

அழுத்தக்காரனாய் ஆக்கப்பட்டதென”

பாராவின் கருவேல நிழலும் மண்டூகம் துப்பும் மொழியும்.

பாராவின் கருவேல நிழலும் மண்டூகம் துப்பும் மொழியும்

சிவகங்கைச் சீமையில் கருவை மரங்கள் அதிகம். அதன் நிழல் என்று ஏதுமில்லை. அதன் நிழலில் யாரும் அமர முடியாது. வெக்கையும் புழுக்கமும் நிரம்பிய கரம்பைக் காட்டில் அடர்ந்து முளைத்திருக்கும் கருவைகள்.

வெட்டிய யாருக்கும் முள் குத்தாமல் இருந்திருக்க முடியாது.அந்தக் கருவேல நிழல் தலைப்பில் தொகுக்கப்பட்ட வலையுலக நண்பர் ராஜாராம் அவர்களின் கவிதைத் தொகுப்புப் படித்துப் பலகாலம் ஆயிற்று.

அகநாழிகையில் அன்னபட்சி.

அகநாழிகையுடனான அறிமுகம் எனக்கு டிஸ்கவரி புக் பேலஸில் ஏற்பட்டது. டிசம்பர் 2009 இல் வலைத்தளம் ஆரம்பித்து 6 மாதங்களில் நான் கலந்து கொண்ட முதல் புத்தக வெளியீடு அதுதான்.

சுஜாதா நினைவுப் புனைவு 2009 எனது பார்வையில்..

சுஜாதா நினைவுப் புனைவு 2009

அறிவியல் புனைகதைகள் என்றாலே மிக ஆழமாக நம்முள் பதிந்து போயிருக்கும் பெயர் சுஜாதா. அவரின் எழுத்தை மீறி நம்மால் எதையும் ரசிக்க முடியுமா என்ற சந்தேகத்தோடே இந்தப் புத்தகத்தை வாசிக்க ஆரம்பித்தேன்.

உண்மையிலேயே மிக அருமையான கதைகளைப் போட்டியின் மூலம் தேர்ந்தெடுத்துப் பரிசு வழங்கி இருக்கிறது ஆழி பதிப்பகம். இதன் தொகுப்பாசிரியர் சந்திரன் , இரா. முருகன் அவர்களின் துணையோடு தேர்வு செய்திருக்கிறார்.

தேவந்தியும் நானும்.. ஒரு மகளின் பார்வை.

தேவந்தியும் நானும்.. ஒரு மகளின் பார்வை.

அம்மாவை விமர்சிக்கலாமா.. உள்ளும் புறமும் அறிந்த அம்மாவாய் இருப்பின் விமர்சிக்கலாம் என்றே தோன்றுகிறது. பிடித்தது பிடிக்காதது எல்லாம் அவர்களுக்குத் தெரிந்தாலும் மகளாய் இங்கே ரசனைப் பார்வை மட்டுமே மிச்சமிருக்கிறது.. அம்மாக்கள் விமர்சனங்களுக்கு அப்பாற்பட்ட தேவதைகள் என்பது இன்னொரு முறை நிரூபணமாகி இருக்கிறது.

பணம் செய்ய விரும்பு...

பணம் செய்ய விரும்பு...

அறம் செய விரும்பு என சொல்லி இருக்காங்க பெரியவங்க.. ஆனா இந்த கார்ப்பரேட் உலகத்துல நாம பணம் செய விரும்பணும்னு நாணயம் நாகப்பனும் புகழேந்தியும் சொல்றாங்க. நாணயம் நாகப்பன் சென்னை பங்குச் சந்தை இயக்குநர். புகழேந்தி பொறியாளர்.

ஒரு நாட்டோட பொருளாதாரத்தை நிர்ணயிக்கும் விஷயங்களில் பங்குச் சந்தை முக்கியமானது. தனி மனிதன் உயர்வதற்கும் நாட்டை உயர்த்துவதற்கும் கூட பொருளாதாரம் இன்றியமையாதது. பணத்தைப் பணத்தால் பெருக்கும் உபாயத்தை இதில் சொல்லி இருக்காங்க. நம்ம நாட்டுல இரண்டு சதவீதம் மக்கள்தான் பங்குச் சந்தையில் ஈடுபட்டு இருக்காங்கன்னு சொல்லி இருக்காங்க இவங்க.

அமேசான் காடுகளும் சஹாரா பாலைவனமும் எப்படித் தோன்றின.?..

அமேசான் காடுகளும் சஹாரா பாலைவனமும் எப்படித் தோன்றின.?..

நாம் சின்னப் பிள்ளையில் அம்புலிமாமா, கோகுலம், பாப்பா மலர், பாலமித்ரா,அணில், முயல்  போன்ற புத்தகங்கள் படித்திருக்கிறோம்.   அழ. வள்ளியப்பாவின் குழந்தைக் கவிதைகளும், வாண்டுமாமாவின் கதைகளும் என்றால் நேரம் காலம் தெரியாமல்  படித்து ரசித்திருக்கிறோம்.

இதுபோக தாத்தா பாட்டி போன்றோரும் அம்மா, அப்பாவும் கதை சொல்லி ஊட்டி வளர்த்திருப்பார்கள். இன்று நகரங்களில் வாழும் ஏன் கிராமங்களில் வாழும் குழந்தைகளுக்குக் கூட கல்வியைத் தாண்டி ஏதும் சிந்திக்க முடியவில்லை.