அழகப்பா பல்கலையில் எனது கவிதை சூலும் சூலமும்.

மகிழ்வுடன் பகிர்கிறேன். அழகப்பா பல்கலைக்கழகத்தில் எனது கவிதை ஒன்றும் பாடத்திட்டத்தில் இடம்பெற்றுள்ளது. :)

சூலும் சூலமும் என்ற தலைப்பில் அன்னபட்சி கவிதைத் தொகுதியில் வெளியான அக்கவிதை அழகப்பா பல்கலைக் கழகத்தின் தொலைதூரக் கல்வியின் முதலாமாண்டு முதல்பருவப் பாடத்திட்டத்தில் இக்கால இலக்கியம் என்ற தலைப்பில் ( 2018 - 2019 )  இடம் பெற்றுள்ளது.

பாரதியார், பாரதிதாசன், கண்ணதாசன், மீரா, மேத்தா, இளம்பிறை, வெண்ணிலா, சீராளன்  ஜெயந்தன், பிருந்தா சாரதி, தங்கம் மூர்த்தி, இரா. மோகன், வ.சுப. மாணிக்கனார் - ( கம்பர் ), அய்க்கண், புதுமைப்பித்தன், ஜெயகாந்தன், ராஜம் கிருஷ்ணன், பிரபஞ்சன், வண்ணதாசன், பாரதிபாலன், அகிலன் கண்ணன், அம்பை, எஸ். இராமகிருஷ்ணன், சு.தமிழ்ச்செல்வி ஆகியோரது படைப்புகளுடன் என் கவிதையும் இடம் பெற்றுள்ளது பெரும் பேறு. நன்றி அழகப்பா பல்கலைக்கழகம் & தமிழ்த்துறை உயராய்வு மையத் தலைவர் திருமதி செந்தமிழ்ப்பாவை அம்மா.

இக்கவிதை அன்ன பட்சி கவிதைத் தொகுதியில் 32 ஆம் பக்கத்தில் இடம் பெற்றுள்ளது. அன்ன பட்சி நூலை வெளியிட்ட அகநாழிகை பதிப்பகத்துக்கும் திரு. பொன்வாசுதேவனுக்கும் நன்றிகள்.