மன்னார்குடி நினைவுகள் !
கணபதி விலாஸும், செயிண்ட் ஜோசப்பும், லெக்ஷ்மி காலனியும்.
மன்னார்குடி என்னும் ராஜ மன்னார்குடியில் நாங்கள் கிட்டத்தட்டப் பன்னிரெண்டு வருடம் இருந்தோம். எனது முதலாம் வகுப்பிலிருந்து ப்ளஸ்டூ வரை நான் அங்கேதான் செயிண்ட் ஜோசப்பிலும் பின்னர் கணபதி விலாஸிலும் அதன் பின்னர் திரும்ப செயிண்ட் ஜோசப்பிலும் படித்தேன்.
நாங்கள் குடியிருந்த வீட்டின் பக்கவாட்டுத் தோற்றம். வனஜாக்கா, சித்ராவின் வீட்டிலிருந்து நாங்கள் 2022 இல் மன்னார்குடிக்குச் சென்றிருந்தபோது எடுத்த படம்.
முன்புறம் தெரிவது முகப்பு, முதல் ஜன்னல் பக்கம் முதல் ரூம், இரண்டாம் மூன்றாம் ஜன்னல்கள் சாமி ரூம். அதன் அந்தப் பக்கம் நடு ரூம், கடைசி ஜன்னல் அடுப்படி. இதே ஓட்டுக் கட்டிடம். ஒருவேளை ஓடு மட்டும் மாற்றி இருக்கலாம், !
