ஒரு வெறுத்தலின் முடிவில்..

பட்டியலிட்டுப் பார்க்கிறேன்
உன் அலட்சியத்தை.,
அகங்காரத்தை ., ஆணவத்தை.,
எள்ளலை ., கோபத்தை..
தேவையோ .,தேவையற்றோ.,
பூதக் கண்ணாடி கொண்டு விரித்து..
வெறுப்பதற்கான எல்லைகளை
வரையறுத்துக் கொள்கிறேன்..
நீ கீறியது ஒரு முறை..
நான் கிளறிக் கொண்டது பலமுறை..

திரிசக்தியின் திரைச்சீலை.. எனது பார்வையில்..

திரிசக்தியின் திரைச்சீலை

திரைச்சீலை காட்டும் பரிமாணங்களை சாதாரண ரசிகனாய் தனது பார்வையில் அசாதாரண நுணுக்கத்தோடு விவரிப்பதே ஜீவாவின் பாணி..
மிகச் சரளமான நடையில் ரசனை இதழில் நண்பர் மரபின் மைந்தன் முத்தையா ஊக்குவிக்க எழுதப்பட்ட இந்நூல் திரிசக்தி பதிப்பகத்தின் வெளியீடு.. விலை ரூ 90/-

தம்பி மக்கள்

கரும்புச்சாறோ., கன்னல் பாகோ
இரும்பு கூட உருகும் சிரிப்பு..
தேவதைகள் கூப்பிடும்
தேனத்தை அமிர்தமாய்..

வாசம் பொதிந்த
வளையல் துண்டுகளும்.,
கழுத்து மணிமாலைகளும்
வந்து சென்ற பின்னும்
வீடு கூட்ட ஏலாமல்...

சீட்டுக் கட்டில் சிதறிய ஜோக்கரும்
வாய் வைத்துக் குடித்த
குளிர்பானக் கோப்பைகளும்..
சுவற்றோரம் அப்பிக் கிடக்கும்
கோகோ கோனின்
குளிர் பனிக்குழைவுகளும்..

பாலை...

ப்ரியங்கள் தொலைந்த காடொன்றில்
கிளைத்துக் கிடந்தது மொட்டைமரம்.,
வசந்தத்தின் எச்சமாய்...

வேம்பும் குயிலுமாய்
வேதனையில் கழிந்த இடம்
கழுகுகளும் வல்லூறுகளும் அமர...

அவள் ஒரு தொடர் (பாதிப்பு) பதிவு...

விதூஷும் தமிழ்மகனும் ஒரு தொடர் பதிவெழுத அழைத்து இருந்தார்கள்.. விதி யாரை விட்டது .. அட மக்காஸ் உங்களைத்தான் பார்த்து பரிதாபப் படுறேன்.. ம்ம் என்சாய்ய்ய் ...!!!

1. வலைப்பதிவில் தோன்றும் உங்கள் பெயர் என்ன..?
Thenammai Lakshmanan என்று இருந்தது.. உங்கள் கேள்வி பார்த்து தமிழுக்கு மாறிட்டேன்.. இப்போ நான் உஜாலாவில் ...மன்னிச்சுக்குங்க உவர்மண்ணில் போட்ட சுத்த தமிழச்சி தேனம்மை லெக்ஷ்மணன்..

2. அந்தப் பெயர்தான் உங்கள் உண்மையான பெயரா ? இல்லையெனில் பதிவில் தோன்றும் பெயர் வைக்கக் காரணம் என்ன..?
அப்பா அம்மாவைதான் கேக்கணும் தவிட்டுக்கு வாங்கும் போது வேறு பேர் இருந்துச்சான்னு.. ( எங்க வீட்டுல அப்போ வேலை செய்த சிகப்பி அக்கா அப்பிடி சொல்லியிருக்கு .. உன்னை தவிட்டுக்கு வாங்கி இருக்குன்னு) ..
தேனம்மை என்பது என் அப்பத்தா பேரு.. அப்பிடி இனிப்பா இருப்பேன்னு வைச்சு ஏமாந்து இருக்கலாம்.. லெக்ஷ்மணன் என்பது என் கணவர் பேரு .. அவரோட பேரு காரணம் எல்லாம் சொல்லணுமா.. !!