லேடீஸ் ஸ்பெஷல்..-- பாதுகாப்பான முதலீடு .. சில ஆலோசனைகள்...

பெண்கள் சுய உதவிக் குழுக்கள் வந்த பிறகு.. எளிய பெண்களின் வாழ்க்கைத்தரம் மேம்பட்டிருக்கிறது எனலாம்.. சிக்கனம் சிறந்த சேமிப்பு.. பெண்கள் அதில் சிறந்தவர்கள்..கையில் இருக்கும் சிறிதளவு பணத்தையும் சீட்டுப் பிடிப்பது.. சிட் ஃபண்ட்களில் போடுவது முதல்.. பங்கு சந்தையில் முதலீடு செய்வது வரை பெண்கள் ஏதோ ஒரு வழியில் சேமித்துக் கொண்டுதான் இருக்கிறார்கள்..

என் அம்மாவுக்கு 65 வயதாகிறது .. அவர் சி என் பி சி டிவியிலும் என் டி டிவியிலும் வரும் பங்குச் சந்தை விலை விபரங்களைப் பார்த்து (share prize movements).. ஃபோன் மூலமாக .. பங்குகளை வாங்கி விற்று லாபம் பார்த்து வருகிறார்..

ரவிகுல திலகன்..-ஒரு பார்வை..

ரவிகுல திலகன்

வானதி பதிப்பகத்தின் வரலாற்று நூல் இது... அணிந்துரை சுந்தா..

சரித்திரப் புதினங்களில் சாண்டில்யன் ராஜா என்றால் கோவி மந்திரி எனலாம். ஆனால் சக்கரவர்த்தி என்றால் அது கல்கிதான்.. அல்லியும் ஆம்பலும் கொட்டிக்கிடக்கும் வாவிகளைப் பார்க்கும் போதெல்லாம் எனக்கு வலிமையான மாமல்லரும்.. நளினமான சிவகாமியும்தான் நினைவில் மலருவார்கள்..அவரின் இளவல் கல்கி கி. ராஜேந்திரன் (இவரை தளபதி எனலாம்) எழுதிய சரித்திரப் புதினம் ரவிகுல திலகன்..சிங்கக் குட்டியல்லவா பதினாறு அடி பாயாவிட்டாலும்..சிங்கம் பாய்ந்த தூரத்தைத் தொட முயன்றிருக்கிறது..

விளையாட்டு பொம்மை.....

கடைக்கு வந்தாய்..
எல்லா பொம்மைகளிலும்
சொல்பேச்சு கேட்பது போலிருந்த
என்னைத்தான் விரும்பினாய்..

பேசுவதற்கு என்று
எனக்கு அதிக பலமிருப்பது
உனக்குத் தெரிந்திருக்கவில்லை..

வீடு வந்தவுடன் நான்
உன்னை விளையாடிக்
கொண்டிருக்கிறேன்..

துர்கா லெக்ஷ்மி சரஸ்வதிப்யோ நமஹ:

புன்னகை நிலவு பெற்ற
இரு பால் நிலவுகள்....
ஒன்று செல்லக் குட்டி.,
ஒன்று வெல்லக் கட்டி..

சிங்கக் குட்டிகளின்
சர்க்கரை தோய்ந்த சிரிப்பில்.,
சந்தோஷமாய்ச் சிதறுகிறது மனசு..

பிள்ளை நிலாக்கள்., பிஞ்சு நிலாக்கள்..
பிறைச்சந்திரனை ஒட்டி வைத்ததாய்..
நம்மையும் தொற்றும் புன்னகை..

கிராமத் திருவிழா..

கட்டை வண்டி
சக்கர இதழ்களினால்
ரோட்டுக் காதலனை
முத்தமிடும்..

புழுதி
உல்லாசமாய்...
விசிலடித்துப் பறக்கும்..

மந்தைகள்
மஞ்சள் பூசிக்குளித்துக்
குங்குமமிட்டு
மங்கலப் பெண்களாக வரும்..