நேற்றைய மீனும் ஞாபகக் கொக்கும்.

1441. வழக்கப்படி சுளைகளை உண்டு விதைகளையாவது தோட்டத்தில் வீசுங்கள். ஆம்பியும் அழுகியும் சுழண்டும் கிடக்கும் நிலத்தின் கருணை அவற்றை உயிர்ப்பிக்கக்கூடும்.

1442. சத்தம் வழக்கமானதுதான். அது எப்போதுமே ஆட்டின் கூக்குரலில் ஆரம்பித்து ஓநாயின் கும்மாளத்தில்  முடிவது.

1443. கலங்கரை விளக்கங்கள் மனிதர்களுக்கானவை. கால்பாவாத கப்பல்களுக்கு கடல்தான் தாய்மடி.

1444. பிணவறைக் காவலாளி போல் இருக்கிறது குளிரூட்டப்பட்ட வாழ்க்கை.

1445. குருதிக்கறைகள் போராட்டத்தின் வெளிப்பாடு மட்டுமல்ல. மௌனம் கிழித்த உள்ளத்தின் சாயமாகவும் இருக்கலாம்.