முகநூலில் நட்பாகி அம்மா என்று அழைப்பவர் அருண் கருப்பையா. இவர் ஆஃப்கானிஸ்தான் மஸாரில் செஃபாக இருக்கிறார். குழந்தை போன்று நல்ல சிரித்த முகம். மனித நேயப் பகிர்வுகள்தான் அவர் பக்கம் முழுதும் இருக்கும். அதேபோல மருத்துவம், தாய் மீது அன்பும் பெற்றோரிடம் பாசம், குழந்தைத் தொழிலாளி எதிர்ப்பு, வேலைக்காரர்களை அடிமை போல் வேலை வாங்குவதற்கு எதிர்ப்பு உள்ள ஸ்டேடஸ்களைப் பகிர்ந்து இருப்பார்.
ஆஃப்கானிஸ்தானா.... அங்கே இருப்பது ரிஸ்க் இல்லையா .. அதோடு எப்படி வேலை செய்ய முடிகிறது என்று இன்பாக்ஸில் கேட்டிருந்தேன். பதில்களைப் படித்ததும் ஆடிப் போய்விட்டேன். வெளிநாடுகளுக்குச் சென்று பணிபுரிந்து பணம் சம்பாதிப்பது ஒன்றும் எளிதான காரியம் அல்லவே. ரிஸ்க் எடுப்பது ரஸ்க் சாப்பிடுவது போல அருண் சொல்லிச் சென்றிருந்தாலும் பட்ட சிரமங்கள், தொடர் முயற்சி ஆகியன மிகவும் யோசிக்க வைத்தன. அவரிடம் கேட்ட கேள்வி இதுதான்
/// ஆஃப்கானிஸ்தானில் செஃபாக இருக்கும்
உங்கள் அனுபவங்கள், மற்றும் கேக் செய்ததில் ஏற்பட்ட வித்யாச அனுபவங்களை
என்னுடைய வலைத்தளம் “சும்மா” வாசகர்களுக்காகப் பகிர்ந்துகொள்ளுங்கள். ///
வணக்கம் அம்மா என் அனுபவங்கள் ரொம்பக் கஷ்டமானது. இருந்தாலும் ரிஸ்க் எடுத்துத்தான் செய்கிறேன். என்னுடைய முழுப் பெயர் கே அருண்ராஜ். சொந்த ஊர் திருச்சியிலிருந்து
27 கிமீ தூரத்தில் உள்ள புலிவலம். நான் பிறந்து வளர்ந்து படித்தது எல்லாம் அங்கேதான்.
