நா கொடுக்கு..

கொட்டிவிட்டு மட்டுமல்ல

விதைத்துவிட்டும் செல்கிறது

அடுத்த கோபத்தை..

இஸ்திரிக்காரரின் மகள்..

இஸ்திரிக்காரரின் மகள்..:-

********************************

வீடு வீடாய்ச் சென்று படியேறி

உடுப்பு சுமந்து சுமந்து

பழுக்காய்கள் நீக்கி

வெள்ளாவி வைத்து

உவர்மண்ணில் துவைத்து

கரை மண்ணில் உலர்த்தி

பெட்டி போட்டுக்

காய்ப்பேறிப் போன கைகளை

நீவி விட்டுக் கொள்கிறாள்..

உடுப்பெடுக்கச் சென்ற

மாடி வீட்டு அம்மாவின்

வேலையற்றுச் சிவந்திருந்த

ரோஜாப்பூக் கரங்களைப்

பார்க்கும்போதெல்லாம்..

அப்போதெல்லாம்

அவள் கண்கள் கனலும்

இஸ்திரிப்பெட்டியின் கங்குகளாய்..

அதிகச் சூட்டில் தீய்ந்த

ஓட்டையாய்.. துளையிட்டுச்

செல்லும் பார்வையோடு..

சென்ற பின்னும் உடுப்புக்களில்

கறுப்புத் தீற்றலாய்..

அங்குமிங்கும் பறந்து கிடக்கிறது

அவள் கோபத்தின் சாம்பல்..

டிஸ்கி:- இந்தக் கவிதை ஜனவரி மாத வல்லினத்தில் வெளிவந்துள்ளது.. நன்றி வல்லினம் ..:))

லேடீஸ் ஸ்பெஷல்., தேவதை.,வல்லினம்., திண்ணை., கழுகு....

இந்த மாத லேடீஸ் ஸ்பெஷலில் என்னுடைய அம்மா அருமை அம்மா என்ற பகிர்வு வந்து இருக்கு ..