சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு
சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

வெள்ளி, 31 மார்ச், 2017

சரண்யா - முதியோர் ( பெண்கள் ) இல்லத்தில் திருப்புகழ் அமுதம்.

சென்ற மாதம் ஒருநாள் மதுரை கருப்பாயி ஊரணியில் இருக்கும் சரண்யா முதியோர் இல்லத்துக்குத் திருப்புகழ் பாராயணக்குழுவினருடன்  சென்றிருந்தேன்.

முழுக்க முழுக்கத் தன்னார்வலர்களாலும் ரோட்டரியாலும் மிக அருமையாக நிர்வகிக்கப்பட்டு வருகிறது இந்த முதிய பெண்கள் இல்லம். அனைவரும் சீருடை போல மஞ்சள் புடவையும் சிவப்பு ரவிக்கையும் அணிந்திருந்தனர். அங்கே பல மதத்தைச் சேர்ந்தவர்களும் சிறப்புரை ஆற்ற வருவார்கள் என்றும் ஃபாதர், போன்றவர்களும் உரையாடுவார்கள் என்றும் சொன்னார்கள். மருத்துவரும் அடிக்கடி வந்து பார்த்துக் கொள்வார்கள் என்று கூறினார்கள்.  இரண்டு பெண்கள் இங்கே பணி புரிகிறார்கள். இதனை நிர்வகிப்பவர் வீடு அருகிலேயே இருப்பதால் அடிக்கடி வந்து பார்த்துக் கொள்கிறார். 

முதுமை, உடல் நலக்கோளாறுகள், மூட்டுவலிகள் போன்றவை இருந்தும் அந்தக் காலை நேரத்தில் குளித்துவிட்டு அழகாக அனைவரும் காத்திருந்த காட்சி மறக்க இயலாதது.
வாசலில் விதம் விதமாக வண்ணக் கோலங்கள்.

வியாழன், 30 மார்ச், 2017

காவடியாம் காவடி. கந்தவேலன்காவடி.

தைப்பூசத்துக்குப் பழனி முருகனிடம் ப்ரார்த்தனை செய்துகொண்டு காவடி எடுப்பவர்கள் காரைக்குடியில் அநேகம் பேர். சுமார் 70 காவடிகளாவது வருடா வருடம் புறப்படும். பழனிக்கு போற ஐயா வீடு என்றும் அரண்மனைச் சிறுவயலார் வீடு என்றும் சொல்லப்படக் கூடிய ஒருவரின் இல்லத்தில் இந்தக் காவடிகள் வருடம் முழுமையும் பாதுகாக்கப்படும். தைப்பூசத்துக்கு 20 நாட்கள் முன்பு தமிழகத்திலும் அயல் மாநிலங்களிலிருந்தும், அயல் தேசத்தில் இருந்தும் பக்தர்கள் காவடி எடுக்க வேண்டிக்கொண்டு இவர்கள் இல்லத்தில் பெயர் பதிந்து வைப்பார்கள்.

தைப்பூசத்துக்கு இருபது நாட்கள் முன்பு பழனிக்குப் போற ஐயா வீட்டிலிருந்து காவடியை எடுத்து வந்து ( அவை வில் போல தனியாக இருக்கும்.  அவர்கள் இன்னும் பலவற்றைத் தனித்தனியாகக் கொடுப்பார்கள்.  நாம்தான் அந்த பேஸ், வில், காவடித் துண்டு போர்த்தி மயில் தோகை, பக்கவாட்டில் விநாயகர் எல்லாம் கட்ட வேண்டும்.  ) நல்ல உறுதியான நூல் கயிறு கொண்டு பிரம்புப் பட்டையில் வில்லாக வளைத்த காவடியில் அனைத்தையும் பொருத்திக் கட்டுவார்கள். இதைக் கட்டுமுன்பு வைராகியிடம் பூசை செய்து தீபம் காட்டி அதன் பின் கட்டுவார்கள். ( சிலர் வீட்டில் எடுத்து வந்து காவடி பூசை செய்து தீபதூபம் ஆராதனை செய்து ஊரோடு அனைவரையும் அழைத்து பூசைச் சாப்பாடு போடுவார்கள் ) . மாலையில் பானக பூசை நடக்கும். அதன் பின் வீட்டில் சொல்லிக் கொண்டு காவடியை எடுத்து வந்து சிவன் கோயிலில்  வைப்பார்கள்.( தாயார் அல்லது மனைவி மெயின் வாசல் நடையிலும் சாமிவீட்டிலும் நடுவீட்டுக் கோலமிட்டுக் குத்து விளக்கேற்றி நடையில் ஸ்லேட்டு விளக்கு வைத்து அதன் முன் காவடியோடு நிற்க வைத்து ஆலாத்தி எடுத்து விபூதி பூசி அனுப்புவார்கள். )

சிலர்  நகரச் சிவன் கோவிலிலேயே கட்டுவதும் உண்டு. காவடி கட்டுவதற்கென்று உள்ள நியமயங்கள் பல கடைப்பிடிக்கப்படுகின்றன . இங்கே சிவன் கோயில் பிரகாரத்தில் மயில் மேல் வீற்றிருக்கும் சுப்ரமண்யர் முன்பு காவடி கட்டுகிறார்கள். அநேகர் வெல்லக் காவடி கட்டுவதால் ( பழனி சென்றபின் செய்யப்படும் பஞ்சாமிர்தத்தில் இதைச் சேர்ப்பார்கள் ) சின்னச் சின்ன செம்புகளில் வெல்லத்தைக் கிட்டித்து வைராகியைக் கூப்பிட்டு தீப தூபம் போடச் செய்து அதைத் துணி வைத்துக் கட்டி காவடியின் இருபுறமும் இறுக்கக் கட்டுகிறார்கள்.
முதலில் விக்னம் தீர்க்கும் விநாயகரைக் கட்டுகிறார்கள். காவடிகள் விக்னமில்லாமல் சென்றுவர விநாயகரின் அருள் காவடிக்குக் கிட்டுகிறது.

தொலைந்த அசலும் துரத்தும் வட்டியும்.

நீராதாரங்களை ஆக்கிரமித்து வீடுகள் கட்டினோம். நீரை விலைக்கு வாங்குகிறோம். கேனிலிருந்து குடிக்கும் ஒவ்வொரு டம்ளர் தண்ணீரும் அடுத்தவருக்குச் சொந்தமானதைத் திருடுகிறோமோ என்ற கழிவிரக்கத்தை உண்டாக்குகிறது.

வெள்ளமாய் மழை பெய்தும் தகுந்த சேமிப்பின்றி வரண்டு கிடக்கிறது நீராதாரங்கள். நீரின்றி விவசாயம் பொய்க்க வாங்கிய கடன் எல்லாம் சாவியானது.

இரணிக்கோயில் தூண்சிற்பத் திருமூர்த்தங்கள்.

புகைப்படக்காரர்களின் டிலைட் என்றால் அது இரணிக்கோயில் என்றால் மிகையாகாது. காரைக்குடிக்கு அருகில் இருக்கும் ஒன்பது நகரக் கோயில்களில் இந்த சிற்பக் கலையில் மாத்தூர், வைரவன் கோயில், நேமம், இரணிக்கோயில் ஆகிய சிறப்பிடம் பிடிக்கின்றன. அதிலும் இரணிக் கோயில் புராணக் கதையின் படியும் சரி, சிற்பவேலைப்பாடுகளிலும் ஓவியங்களிலும் சரி முதலிடம் பிடிக்கிறது. யாம் பெற்ற இன்பம் பெறுக இவ்வையகம் என அவற்றைப் படம் பிடித்துப் பகிர்ந்துள்ளேன்.

சிவனின் 108 திருமூர்த்தங்களும் இடம் பெற்றிருக்கலாம். ஆனால் நான் சிலவற்றையே படம் பிடித்திருக்கிறேன். நல்ல கரவு செறிவான சிற்ப வேலைப்பாடுகள். கல்லில் சங்கிலி , நகம், முடி போன்றவற்றைக் கூட யதார்த்தத்தைப் போல அச்சு அசலாக வடித்திருக்கிறார்கள். அந்தக் காலத்தில் அப்பிடியாப்பட்ட ஸ்தபதிகள் இருந்திருக்கிறார்கள். இப்போது எங்கே எனத் தெரியவில்லை.

இக்கோயில்கள் பெரும்பாலும் கற்றளிக்கோயில்கள்தாம். இங்கே பிக்ஷாடணர் காட்சி அளிக்கின்றார். அவருடைய பாதரட்சைகளைக் கூடப் பாருங்களேன்.நாணம் மீறிய ஆசையால் தன்னிலை மறக்கும் ரிஷி பத்தினிகளும் வடிக்கப்பட்டிருக்கிறார்கள்.
முயலகனும் சூரசம்ஹார மூர்த்தியும். அவரது சிரசைப் பாருங்கள். தீ லாவுகிறது.

புதன், 29 மார்ச், 2017

அஞ்சா நெஞ்சன் தீரன் சின்னமலை:-

ஏப்ரல் 17 ஆம் தேதி பிறந்தவர் தீரன் சின்னமலை.

அஞ்சா நெஞ்சன் தீரன் சின்னமலை:-

பதினெட்டாம் நூற்றாண்டில் வியாபார நிமித்தமாக வந்து இந்தியாவை ஆக்கிரமித்த பிரிட்டிஷ் கிழக்கிந்தியக் கம்பெனியை எதிர்த்து அரசர்கள் மற்றும் அரசிகள் போலவே நிறைய பாளையக்காரர்களும் போரிட்டிருக்கிறார்கள். அவர்களுள் வீரம் விளையும் கொங்கு நாட்டைச் சேர்ந்த பாளையக்காரரான தீரன் சின்னமலை மிக முக்கியமானவர். புகழ்பெற்ற ஓடாநிலைக் கோட்டையைக் கட்டி ஆண்டவர்.


செவ்வாய், 28 மார்ச், 2017

முயலும் மானும் மயிலும் பூக்களும் .

1341. எதைச் செய்யவேண்டும் என குழந்தைகளுக்குப் பெற்றோர் கற்பிக்கிறார்கள். எதைச் செய்யக்கூடாது எனப் பெற்றோருக்குக் குழந்தைகள் கற்பிக்கிறார்கள்.

1342. எலக்கணம் தலக்கணம் ரெண்டும் ஒண்ணா

1343. "I'll be back" - Terminator. Arnold.

"I'll find you and kill you"- Taken. Liam Neeson.

"The world is your oyster. Its up to you to find the pearls. - Pursuit of happiness. Will Smith.

“The only thing standing between you and your goal is the bullshit story you keep telling yourself as to why you cant achieve it. - The Wolf Of Wallstreet. Decaprio.

-- The dialogues which i remember the most.

1344. நான் ஒரு மேடைப்பாடகன். ஆயினும் இன்னும் மாணவன்.

1345. தான் பிடித்த முயலுக்கு மூன்று கால்தான் என்பதை நிரூபிக்க அதன் ஒரு காலை உடைத்தலே போதுமானது. இலட்சம் சாத்யக்கூறுகளையும் முயன்றுபார்த்தால் முயலின் கதி அதோகதிதான்.

1346. வரட்டுப் பிடிவாதமும் வெட்டுப் பேச்சும் நட்பைப் பட்டுப் போகச் செய்யும்.

சில மொக்கைக் குறிப்புகள் :- 4.

**பப்பு மம்மு பிசைந்து
புஜ்ஜுவுக்கு ஊட்டும்
பாட்டியின் கன்னமெங்கும்
பப்பு மம்மு.

**பாண்டவர்களுக்குப் பன்னிரெண்டு
ராமனுக்குப் பதினான்கு
எனக்கு நானே
விதித்துக் கொள்ளும் ஆரண்யவாசம்
ஆயுள் வரை.

**பண்பாடு வேண்டாம்
கலாச்சாரம் வேண்டாம்
சுதந்திரமாய் இருக்கிறது வாழ்வு.
அதிரப் பறக்கும் விமானத்திலிருந்து
பூர்வகுடிகளின் நிலத்தில்
ஞாபகம் பிறழ விழுந்தது.

சில மொக்கைக் குறிப்புகள் :- 3.

**நீரற்ற உலகில்
வாழக் கற்கிறேன்
நீரற்ற உலகில்
வாழப் பழகுவேனா.

**ஒளிந்து ஒளிந்து
உன்னை ரசிக்கிறேன்.
திருட்டுக் கண்காணிப்புக்கும்
ருசி அதிகம்தான்.

**தாவும் குறுஞ்செய்திகளால்
தம்மைத் தாமே
ஊஞ்சலாட்டிக் கொள்கிறது
நமது காதல்.

சில மொக்கைக் குறிப்புகள் - 2.

**கூடு என்னுடையதுதான்
கோபித்துக்கொண்டு
கட்டியிருக்கிறேன் உன்னுடைய மரத்தில்

**என் பேரையும் உன் பேரையும்
இணைத்து இணைத்து எழுதுகிறாய்
நடுவில் வேறு யார் பேரோ
இருப்பதுபோல் துழாவுகிறேன்
கண்ணில் கோளாறா
கண்ணுக்குத் தெரியாததையும்
படிக்கக் கற்றுவிட்டேனா ?

**கோயிலுக்குப் போய்
தரிசனம் முடித்தாயிற்று
வீடு திரும்பவேண்டும்
சாமிகள் கூட வருவதில்லைதான்.

சில மொக்கைக் குறிப்புகள். - 1

**கவிதை மயிலாட
காதல் மேகம் பொழிய
மனமெங்கும் மழை.

**நூறு மணி நேரத்துக்குப் பிறகு
முகமனுப்பி இருக்கிறாய்.
போட்ட நூறு நொடிகளுக்குள்
நூறாயிரம் தரம் நான் இரசித்ததறியாமல்.
நன்றி இப்பவாவது நினைவில் வந்தேனே.

**சாரல் மழை சாய்ந்தாடும் பூ
சுடச் சுட சாயா, சுற்றிவரும் உன் வாசனை
என்னன்னமோ சொல்ல நினைக்கிறேன்
உன்னைப் பார்த்ததும் விழிக்கிறேன்
ஒரு புன்னகை மட்டுமே வீசி
எப்படி ஞாபகமறதி நோயை உண்டாக்குகிறாய்.

காரைக்குடிக்கு அருகே கல்வி, செல்வம் , சந்தோஷம் அளிக்கும் கோயில்கள்.

காரைக்குடிக்கு அருகில் இருக்கும் பிள்ளையார்பட்டி, குன்றக்குடி உலகப் புகழ் வாய்ந்த கோயில்கள். ஆனால் இங்கே குன்றக்குடி பிள்ளையார்பட்டி சாலையில் இருக்கும் லெக்ஷ்மி குபேரர் கோயில்( வாஸ்து கோயில் ), ஞான சரஸ்வதி கோயில் மற்றும் பாதரக்குடி அருகே இருக்கும் சந்தோஷி மாதா கோயில்களும் சிறப்பு வாய்ந்தவைதாம்.

விநாயகருக்கு அருகில் லெக்ஷ்மி , சரஸ்வதி இருப்பதைப் பார்த்திருப்பீர்கள் புகைப்படங்களில் . அதே போல் சந்தோஷி மாதா விநாயகரின் மகள். இம்மூவரும் பிள்ளையார் பட்டியின் அருகருகே கோயில் கொண்டிருப்பது வெகு சிறப்பு.   குபேர (லெக்ஷ்மி), ஞான சரஸ்வதி, சந்தோஷிமாதா ஆகிய கோயில்கள் ஒரு சீரற்ற அஃகன்னா போல் அமைந்துள்ளன.

கல்வியும் செல்வமும் இன்றியமையாதன. கல்வியும் செல்வமும் இருந்து குடும்ப ஒற்றுமை இல்லாமல் இருக்கிறது. குடும்பத்தில் நிரந்தர ஒற்றுமையும் மகிழ்ச்சியும் நிலவுவது அத்யாவசியமானதுதானே.

இதற்கு முன் சில இடுகைகளில் இந்த வாஸ்து கோயிலில் இருக்கும் விநாயகர்களைப் பகிர்ந்திருப்பேன். கோயிலில் படம் எடுக்க அனுமதி இல்லையாததால் கடைகளையும் வாஸ்து மீனையும் எடுத்திருந்தேன்.

காரைக்குடியில் இருந்து பதினாலுகிலோமீட்டரில் உள்ள குன்றக்குடியில் இருந்து பிள்ளையார் பட்டி செல்லும் வழியில் இடப்புறம் பிரியும் சாலையில் சிறிது திரும்பி உள்ளே சென்றால் இக்கோயில் அமைந்திருக்கிறது.
தாமரை பீடமும், முன்னே வாஸ்து மீன்கள் நீந்தும் தொட்டியும் இருக்கிறது. மேலேறி சென்றால் குபேரன் சந்நிதி. மிக அருமையான சோலையின் நடுவே அமைந்துள்ள இக்கோயில் தரிசிக்க வேண்டிய ஒன்று. பக்கங்களில் குழந்தைகள் விளையாட பூங்காவும் உள்ளது.
குபேர பூஜை யந்திரங்கள் , தாமரை பீடங்கள் கிடைக்கின்றன.

வள்ளல் அதியமான் கோட்டையும் கோட்டமும்

தர்மபுரி என்றழைக்கப்படும் ஊரின் அந்நாளைய பெயர் தகடூர். நான் பாடப்புத்தகங்களில் படித்த கடையெழு வள்ளல்களில் முதல் வள்ளலான அதியமான் நெடுமான் அஞ்சிக்குக் கட்டப்பட்ட கோட்டத்தைக் கண்டோம் ஹோசூர் செல்லும் வழியில்.அந்த வள்ளல் கோட்டை கட்டி ஆண்ட ஊர்தான் தகடூர் என்னும் தர்மபுரி.

தனக்குக் கிடைத்த நீண்ட நாள் வாழ்வழிக்கும் நெல்லிக்கனியை  தமிழின் பால் கொண்ட காதலால் ஔவைக்கு  அளித்தவன் அதியமான் நெடுமான் அஞ்சி . பொதுவாக வள்ளல்கள் எல்லாரும் குறிஞ்சியை - செழிப்பமான மலைப்பகுதியைச் சேர்ந்த அரசர்களாகவே இருக்கிறார்கள். ( ஆய் - பொதிய மலை , ஓரி  - கொல்லி மலை, காரி - மலையன் ( கோவலூர் ),  நள்ளி - நளிமலை, பாரி - பறம்பு மலை, பேகன் - பொதினி மலை. இன்னும் ஆதன் ( மருதநில அரசன் )  , எழினி, கிழான், கிள்ளி, குமணன் , நன்னன், மாறன் ஆகியோரும் இன்னும் பலரும் உண்டு. புறநானூற்றில் இவர்களது வீரமும் புகழப்படுகிறது.

என்றைக்கு இருந்தாலும் இந்த வள்ளல்கள் பற்றிப் படிக்கும் போது ஏற்படும் பிரமிப்பு சொல்லில் சொல்லி மாளாது. அவர்களை ஓவியங்களாகவும் உருவங்களாகவும் சமைத்திருப்பதைக் கண்டபோது மகிழ்ச்சி பன்மடங்காகப் பெருகிற்று. அங்கே எடுத்த சில புகைப்படங்களை இங்கே பகிர்கிறேன்.


அஹா எப்பேர்ப்பட்ட தமிழ்க்காதல் . தன்னினும் தமிழின்மேல் கொண்ட பிரியத்தால் வாழ்நாள் நீட்டிக்கும் நெல்லிக்கனியை ஔவைக்கு அதிகன் வழங்கும் அழகுக் காட்சி. மாபெரும் மனம் கொண்ட மன்னன் வாழ்க.
கோட்டத்தின் நுழைவு வாயில்

திங்கள், 27 மார்ச், 2017

ஞாயிறு, 26 மார்ச், 2017

புகை நம்விழிகளுக்கும் பகை

எனது மதிப்பிற்குரிய முகநூல் நண்பர் திரு அ போ இருங்கோவேள் அவர்கள் கண்கள் பராமரிப்புப் பற்றி எழுதி இருக்கும் விழிப்புணர்வுக் கட்டுரைகளை அவ்வப்போது என் வலைத்தளத்தில் பகிர்ந்து வருகிறேன். சுற்றுச்சூழல் மாசுபாட்டில் மட்டுமல்ல நம் விழிகளுக்கும் பகையாகும் புகை பற்றி விரிவாக அவர் எழுதி இருப்பதைப் படித்துப் பாருங்கள். நன்றி இருங்கோவேள் சார்.

*********************

புகை நம்விழிகளுக்கும் பகை


கட்டுரை ஆசிரியர் :  
அ போ இருங்கோவேள்,
சங்கர நேத்ராலயா, சென்னை


ங்கிங்கெனாதபடி எங்கும் வியாபித்திருக்கும் ஒரு கொடிய நோய் புகைபிடித்தல் -  மற்றும் புகையிலை பொருட்களுக்கு அடிமையாக இருப்பது.

”புகைபிடித்தல் புற்று நோயை உருவாக்கும் என்பது ஒரு அப்பட்டமான பொய், புகை பிடிக்காதவர்களுக்கும் புற்று நோய் வருகிறது” -  என்று விவாதம் செய்பவர்கள் இப்போது அதிகரித்து வருகிறார்கள்.



அது மட்டுமல்ல, பொது இடங்களில் புகை பிடிப்பது தண்டனைக்கு உரிய குற்றம் என்பது தெரிந்தும், அந்த குற்றத்தினை எந்தவொரு குற்ற உணர்வும் இன்றி செய்யும் மெத்த படித்த மேதாவிகளும் , உயர்ந்த பதவிகளில் இருக்கும்  மேல் தட்டு மக்களும் -  வேலை நேரத்தில் ரிலாக்சேஷனுக்காக கூட்டமாக வெளியே வந்து புகைபிடிப்பதும், படிப்பறிவே இல்லாத பாமர ஜனங்களும் புகைபிடிப்பதை தொடர்வதும், திரைப்படங்கள் மற்றும் தொலைக்காட்சிகளில் - புகைபிடிப்பது போன்ற காட்சிகளில் - புகை பிடிப்பது உடல் நலத்திற்கு கேடு என்று  எச்சரிக்கை வாசகங்களை ஒளிபரப்பி தனது சமுதாய பொறுப்பினை தட்டிக்கழிப்பதும்  தான் உச்சகட்ட வேதனை.

சனி, 25 மார்ச், 2017

சாட்டர்டே போஸ்ட். – டயர்களிலிருந்து ரப்பர் டைல்ஸ் தயாரிப்புப் பற்றி இளங்கோவன் பி பாசிட்டிவ்.

சாட்டர்டே போஸ்ட். – வீணாகும் டயர்களிலிருந்து ரப்பர் டைல்ஸ் பற்றி இளங்கோவன் பி பாசிட்டிவ். 

என் முகநூல் நண்பர் இளங்கோ பி பாசிட்டிவ் . இளங்கோ ரப்பர் பூக்கள் என்ற பெயரில் இருந்தபோதிலிருந்தே தெரியும். இரண்டு தேவதைகளின் தந்தை. பி.எஸ்.சி, பி.டெக், எம்.பி.ஏ முடித்தவர்.  25 ஆண்டுகாலப் பணி அனுபவம். கதை, கவிதை, படிப்பதிலும் எழுதுவதில் ஆர்வமுள்ளவர். 25 தொலைக்காட்சி சீரியல்களில் மட்டுமல்ல விரைவில் ( மார்ச் 31 )  வெளியாகப் போகும் கவண் என்ற படத்திலும் வில்லனின் லீகல் அட்வைஸராக நடித்திருக்கிறார். 

அவரிடம் சாட்டர்டே போஸ்டுக்காகக் கேட்டபோது வித்யாசமான ஒரு விஷயத்தைச் சொன்னார். வேஸ்ட் ப்ளாஸ்டிக் பைகள் சேமிக்கப்பட்டு ரோடு போடுவதில் உபயோகப்படுகின்றன என்று முன்பு கேள்வியுற்றிருக்கிறேன். ஆனால் பழைய டயர்களை என்ன செய்வார்கள் என்று தோன்றியதில்லை. 

வெள்ளி, 24 மார்ச், 2017

காரைக்குடி கம்பன் கழகத்தின் கம்பன் திருநாள் அழைப்பு

காரைக்குடிக் கம்பன் கழகத்தின் திருவிழாவில் கலந்து கொண்டு கம்பரசம் பருகி இன்புற வாருங்கள்.

///அன்புடையீர்
வணக்கம்
இதனுடன் காரைக்குடி கம்பன் கழகம்  கிருஷ்ணா கல்யாண மண்டபத்தில் ஏப்ரல் 7,8,9,10 ஆகிய நாட்களில்  நடத்த உள்ள கம்பன் திருவிழா அழைப்பினை  இணைத்துள்ளோம். அனைவரும் முன்னதாக வந்திருந்து கம்பன் தமிழ் பருகி இன்புற வேண்டுகிறோம்.  

செட்டிநாடும் செந்தமிழும், உலகத்தமிழ்க் கருத்தரங்க அழைப்பு.

செட்டிநாடும் செந்தமிழும் என்ற தலைப்பில் உலகத்தமிழ்க் கருத்தரங்க அழைப்பைப் பகிர்ந்திருக்கிறேன்.

////அன்புடையீர்

வணக்கம்
 
 காரைக்குடி கம்பன் கழகத்தின் கம்பன் திருவிழா  ஏப் 7.8.9.10 ஆகிய நாட்களில் காரைக்குடி கிருஷ்ணா திருமண மண்டபத்தில் நிகழ உள்ளது. அதில் 9.4.2017 அன்று செட்டிநாடும் செந்தமிழும் என் ற தலைப்பிலான கருத்தரங்கு நடைபெற உள்ளது . அனைவரும் வருக. 
 

வியாழன், 23 மார்ச், 2017

அருகி வரும் காரைக்குடி வீடுகள். KARAIKUDI HOUSES.

கிட்டத்தட்ட ஐநூறு ஆண்டுகள் பழமையான காரைக்குடி வீடுகள் சில சிதைந்து வருகின்றன. இடித்து ஃப்ளாட்ஸ் ஆகிவரும் அவற்றை ஆவணப்படுத்த இவற்றை எடுத்தேன்.
அதே வீடுதான்
லாங்க் ஷாட்டில்

புதன், 22 மார்ச், 2017

சின்னவள் – ஒரு பார்வை.



சின்னவள் – ஒரு பார்வை.


அப்பாக்களுக்குத் தங்கள் பெண்கள் என்றுமே தேவதைகள். ஒவ்வொரு மனிதனும் அப்பாவாகும்போது ஆசீர்வதிக்கப்படுகிறான். அதிலும் பெண்குழந்தைகளின் அப்பாவுக்கு தாய், தாரம் மகள் என மூன்று தாய்கள். தாயிடமும் மனைவியிடமும் கடுமையாகக் கோபிக்கும் ஆண்கள் தங்கள் மகளின் கிள்ளை மொழியின் முன் குழந்தையாகிவிடுவார்கள். தந்தைக்கு வாய்த்த குட்டி சிநேகிதியாகிறாள் மகள்.


தான் தன் மனைவிக்குச் சுதந்திரம் கொடுக்கிறோமா என்று நினைத்துப் பார்க்காத ஆண்கள் கூட தன் மகள் வேலைக்குச் செல்லவேண்டும். சொந்தக் காலில் சுதந்திரமாய் நிற்க வேண்டும். அவள் மனங்கவர்ந்த ஆணை மணக்க வேண்டும் என நினைப்பதுண்டு. மகள் செய்யும் சின்னஞ்சிறு தவறுகள் கூட கண்ணில் படுவதில்லை. J மனைவியின் முன் கடுமைக்காரக் கணவன்கள் கூட மகளின் முன் விரும்பியே வெகுளித் தகப்பன்களாகிறார்கள்.

காதல் வனம் – பாகம்7. முதல் கனவே.. முதல் கனவே.. மறுபடி ஏன் வந்தாய்.



காதல் வனம் – பாகம்7. முதல் கனவே.. முதல் கனவே.. மறுபடி ஏன் வந்தாய். 

ஸ்வர்யா கருத்தரிப்பு நிலையத்தில் அமர்ந்திருந்தார்கள் தேவியும் சாமும். திருமணமாகி ஐந்தாண்டாகிவிட்டதே பிள்ளைப் பூச்சி ஏதும் வைக்கலியா என உறவினர்கள் கேள்வி மேல் கேள்வி எழுப்ப சாமின் அம்மா இருவரையும் செக்கப் செய்யச் சொல்லித் தொணத்திருந்தார். 

இன்னும் நான்கு பேர் கன்சல்டேஷனுக்குக் காத்திருந்தார்கள். அவர்களுக்குப் பின் தான் இவர்களது டோக்கன் என்பதால் டாக்டருக்காகக் காத்திருந்த நேரத்தில் இருவரும் எதிரே இருந்த தொலைக்காட்சியைப் பார்த்துக் கொண்டிருந்தார்கள். டிஸ்கவரி சேனலில் ப்ளாட்டிபஸ்கள் நீந்திக்கொண்டிருந்தன. முட்டையிட்டுப்  பால் கொடுக்கும் இனம் என்று சொல்லிக்கொண்டிருக்கும்போது நர்ஸ் டாக்டரைப் பார்க்க அழைத்தாள்.

திங்கள், 20 மார்ச், 2017

புயலிலே ஒரு தோணி – ஒரு பார்வை.



புயலிலே ஒரு தோணி – ஒரு பார்வை.

”உண்மையாகப் பார்த்தால் எல்லாரும் தனிமையில்தான் இருக்கோம்.” என்று என்னை நச்சென்று அறைந்த வரிகள். ந. முருகேச பாண்டியனுக்கு அளித்த நேர்காணலில் கடலுக்கு அப்பால் & புயலிலே ஒரு தோணி என்ற அற்புதமான இரு நாவல்களின் ஆசிரியர் ப. சிங்காரம் அவர்களின் கூற்று அது. வெகுஜன மக்களால் இனம் காணப்படாமல் மறைந்த நூற்றாண்டுக்கான எழுத்தாளரில் சிங்காரம் அவர்களின் பெயர் பொன்னெழுத்தில் பொறிக்கப்பட வேண்டிய ஒன்று . 

தமிழின் முதல் புலம்பெயர் நாவல்கள், புதிய வாசிப்பனுபவத்தை உண்டாக்கிய நாவல்கள், தென்கிழக்கு ஆசியாவின் இன்னொரு முகத்தையும் இரண்டாம் உலகப் போரின் பாதிப்புகள் பற்றியும், இந்திய தேசிய ராணுவத்தைப் பற்றியும் ( போஸ் பற்றி சிறிது ) விரிவாகச் சொல்லிய நாவல்கள், ஏகாதிபத்திய நாடுகளின் காலனி ஆதிக்க அரசியல் பின்புலத்தில் அமைந்தது என பல்வேறு சிறப்புகள் உண்டு இவ்விரு நாவல்களுக்கும். உலக எழுத்தாளர் வரிசையில் சிங்காரம் அவர்களுக்கென்று தனி இடம் கொடுக்கவேண்டியது காலத்தின் கட்டாயம்.

இராவணன் மாட்சியும் வீழ்ச்சியும் - ஒரு பார்வை.

ராமனுக்கு நிகராகவும் ஒரு துளி அதிகமாகவும் கம்பனே மாந்தி மயங்கிப் புகழும் ஒரு பாத்திரமும் கம்பராமாயணத்தில் உண்டென்றால் அது இராவணன்தான்.  அ. ச. ஞான சம்பந்தனாரின் இராவணனின் மாட்சியும் வீழ்ச்சியும் படித்தேன். சில கருத்துக்களை உங்களோடு பகிர்ந்து கொள்கிறேன்.

மாட்சி பற்றிக் கூறும்போது இலங்கையின் மாட்சி பற்றியும் , அவன் செய்த பாவம் அல்லவாம் , “குலஞ்செய்த பாவத்தாலே கொடும்பழி தேடிக்கொண்டான் “என்றும்  “இந்திரப் பெரும்பதம் இழந்தான் “, “இடிக்குநர் இல்லான் “, ”நாளை வா எனப்பட்டான் “ எனவும் வருந்துவது, ”வெலற்கு அரியான்” எனக் கம்பன் பெருமிதம் கொள்வது கூறப்பட்டுள்ளது. அதே போல் தீமை வரும் விதம் அதை அவன் எதிர்கொள்ளும் விதம் எல்லாம் சிறப்பாக ஆய்வு செய்யப்பட்டிருக்கும் இந்நூல் ஒரு பொக்கிஷம்.

சும்மா சில க்ளிக்ஸ். CHUMMA. MY CLICKS.

சும்மா சில க்ளிக்ஸ்.

எல்லாத்தையும் பொறுப்போடதான் செய்யணுமா. சிலதை அப்பிடியே எடுத்துப் போட்டா என்ன. பல மாதங்களுக்கு முன்னாடி  சுத்தம் செய்யாம வைச்சிருந்த ஷோகேஸ் பொம்மைங்களைப் பார்த்தேன். எடுத்தேன்.

ஞாயிறு, 19 மார்ச், 2017

காகிதம் பதிப்பகம்

நன்றி ராம் :)

////திறமையான எழுத்தாளர்களுக்கு ஆதரவாக, மாற்றுத்திறனாளிகள் நடத்துகிற காகிதம் பதிப்பகம் வழிகாட்டுகிறது. புதிய நவீன தொழில்நுட்பம் கொண்ட அச்சக இயந்திரம் மூலம் குறைந்தபட்சம் 52 நூல்களை அச்சிடலாம். 


சனி, 18 மார்ச், 2017

சீதா – மகிழினியின் புல்லாங்குழலும் இருபது துளைகளும் – நூல்முகம்.



சீதா – மகிழினியின் புல்லாங்குழலும் இருபது துளைகளும் – நூல்முகம்.

கவிதைத் தொகுதி என்பது அருகிவரும் காலம் இது. இப்போது முகநூல் கவிஞர்கள் 20 பேரின் கவிதைகளில் சிலவற்றைத் தொகுத்து அழகான புத்தகமாக்கம் செய்திருக்கிறார்கள் சீதா யாழினி. ஒவ்வொருவரின் கவிதைகளும் அழகும் அற்புதமாகவும் இருந்தாலும் அதில் ஒரு சில கவிதைகள் வெறும் வார்த்தை வர்ணனைகளாகவும் இருக்கின்றன. கவிஞர்கள் இன்னும் நன்றாக இருக்கும் தங்கள் கவிதைகளில் சிலவற்றைத் தொகுத்துக் கொடுத்திருக்கலாம். ஆனாலும் தொகுப்பு முயற்சிக்கு அன்பும் வாழ்த்துக்களும். !



சித்ரா சுகுமாரின் அட்டைப்பட ஒவியம் அழகு. பின்னட்டையில் இருபது கவிஞர்களும் இடம் பெற்றிருக்கிறார்கள். அணிந்துரை வழங்கியவர்களின் புகைப்படமும் வெளியிட்டிருப்பது சிறப்பு. என் முகநூல் நட்புக்களான மனுஷி, யோ. புரட்சி, இயக்குநர் எழில், யாழிசை மணிவண்ணன், வலங்கைமான் நூர்தீன் ஆகியோர் அணிந்துரை வழங்கி இருக்கின்றார்கள். அப்துல் கலாம் பற்றி மூவர் எழுதி இருக்கின்றார்கள். சில அன்றன்றைய நிகழ்வுகள் பற்றிப் பேசுகின்றன. தாய், குழந்தை, பாசம், அன்பு, மனிதநேயம் பற்றிப் பேசும் கவிதைகளில் அஃறிணையின் வாய்மொழியாக ஆடு சொல்லும் கவிதையும் இருக்கிறது. 

லேடீஸ் ஸ்பெஷல் கோலமயில் போட்டியில் வென்ற கோலங்கள்

மார்ச் மாத லேடீஸ் ஸ்பெஷலின் மகளிர் தின ஸ்பெஷலில் கோலமயில்போட்டியில் வென்ற கோலங்கள்.



பெண் விடுதலை.



திரு. கந்தையா முருகதாசன் அவர்கள் கேட்டிருந்த கேள்வி. 

பெண் விடுதலை பற்றி உங்கள் கருத்தை சுருக்கமாக எழுதி அனுப்ப முடியுமா?

நன்றி முருகதாசன் சார் !
 

Kanthaiah Murugadasan 

////உலக பெண்கள் தினத்தை முன்னிட்டு பலரிடம் பெண் விடுதலை பற்றிய அவரவரின் பார்வையை எழுதி அனுப்புமாறு கேட்டிருந்தேன். 26 எழுத்தாளர்களில் ஒருவராக எம்மோடு இணைந்து 'விழுதல் என்பது எழுகையே' என்ற கதை எழுதியவரும், கவிதைத் தொடரில் பங்குபற்றியவரும் எனது முகநூல்: வட்டத்தில் இருப்பவருமாகிய திருமதி.தேனம்மை லக்ஷ்மணன் அவர்களிடமும் இவ்வேண்டுகோளை வைத்தபோது இந்தியா கைதராபாத்திலிருக்கும் அவர் நேரமின்மைக்கு மத்தியிலும் எழுதி அனுப்பியிருந்தார். அவருக்கு எனது மனமார்ந்த நன்றியைத் தெரிவித்து அவர் எழுதி அனுப்பிய அவரது பார்வையைப் பதிவு செய்கிறேன்.////

------------------------------------------------------------
பெண் விடுதலை, பெண் சமத்துவம், பெண் உரிமை போன்றவை இக்கால கட்டங்களில் அடைந்து வரும் மாறுபாடு சிந்தனைக்குரியது. 

சென்ற நூற்றாண்டில் இருந்த அடக்குமுறையும் அடிமைத்தளையும் இப்போது அவ்வளவாக இல்லை. பெண் சுதந்திரம் என்ற பெயரில் பெண்கள் தாங்கள் எண்ணியதை எய்துகிறார்கள். ஆனால் இது நகர்ப்புற மெட்ரோபாலிடன் நகரப் பெண்களுக்கும் வேலைக்குச் சென்று வரும் பெண்களுக்கும் மட்டுமே பொருந்தும்.

கல்விக் கடவுள்கள் - கோலங்கள்.

கல்விக் கடவுள்கள் , கோலங்கள்.

வியாழன், 16 மார்ச், 2017

ஜியோவுக்கு முன்னும் பின்னும். ஜீயோ மேரே லால்.

1321.ஜியோ வரும்முன்னாடி

நான்..:- ஐயோ ரோமிங்ல யார் பேசினாலும் எனக்கு பாலன்ஸ் டகால் டகால்னு போயிடுதேடா..

பையன் :- 24 மணி நேரமும் பேசணும், 365 நாளும் பேசணும்னா நீங்க நேர்ல போயித்தாம்மா பேசணும். ( ஒரு படத்துல சந்தானம் ஆர்யாகிட்ட சொல்வாராம்..)

நான்.. :- ஹிஹி..


1322. தற்கொலை என்பது முடிவல்ல.. மற்றவர்களுக்கு நாம் கொடுக்கும் துன்பத்தின் ஆரம்பம்.

பிடித்தவர்களை விட்டு செல்வது என்பது கோழைத்தனம் என்பதை விட நம்மை விட்டு அவர்கள் தவிக்கட்டும் என்ற சுயநலமே ஆகும்.

1323. oru mokkai joke..

person 1:- physically, mentally healthy aa iruntha disease varathu..

person 2:- ennathu physical aa mentala iruntha health disease varatha..

hahaha munnadiyee soliten ithu mokkai joke nu.. so dont have kolaiveri makkas.

1324. முக்கியமான வேலை செய்துகிட்டு இருக்கும்போது டவுட் வந்தா அது அறிவுக்கோளாறா இல்ல ஆர்வக் கோளாறா.

1325. PSYCHOS..
,

Bus aa oturanga. Pakathu bus, container, truck, lorry, petrol tank ethulayavathu namala kondey adichuruvanga pola. Highways , byepass riders kku speed limit iliya

1326. WHITE KNIGHTS WITH WHITE LIES. :)

புதன், 15 மார்ச், 2017

பட்டாம்பூச்சியின் மென்சோகமும் வன்சோகமும்.

பீட்டில்ஸின் மனம் கரைக்கும் பாடல்களில் ஒன்று.

YESTERDAY ALL MY TROUBLES

https://www.youtube.com/watch?v=2uneYz201p0


இந்த ஹல்லேலூயாவைக் கேட்கும்போதெல்லாம் மனம் கசியும்.

Rufus Wainwright - Hallelujah (shrek)

https://www.youtube.com/watch?v=kB67HO8tkQs



லீலா பேலஸில் ஒரு ரிசப்ஷனும் தேன் பூ செடியும்.

நண்பர் ஒருவரின் மகனது திருமண ரிசப்ஷன் சென்னை எம் ஆர் சி நகரில் உள்ள லீலா பேலஸில் நடந்தது. சினிமாக்களில் வருவது போல உள்ளே நுழைந்ததும் ரொம்ப க்ராண்ட் பால் ரூம். அங்கங்கே தீ லாவுவது போன்ற செட்டிங்ஸ் ’கொஞ்சம் நெருப்பு, கொஞ்சம் நிலவு” பாடல் பார்த்தது போன்ற சிலிர்ப்பையும் பரபரப்பையும் ஊட்டியது. சென்னையில் இருக்கும் மிகப் ப்ரமாதமான ஹோட்டல்களில் ஒன்று.
கலைமாமணி ராஜேஷ் கவுரவிக்கப்படுகிறார். வெளிநாட்டு விருந்தினர்கள் கூட்டம் அதிகம். என்னைஅதிகம் கவர்ந்தது பர்ப்பிள் கலரில் அமைக்கப்பட்ட திருமண மேடையும் அந்த ஷாண்ட்லியர்களும் . :)

செவ்வாய், 14 மார்ச், 2017

ஆறு வித்யாசம்.

இந்த ஆறு வித்யாசம் , எட்டு வித்யாசம் எல்லாம் குமுதம், தினமலர் பார்த்து வந்ததுதான்னு ஒப்புக்குறேன். அத கண்டுபிடிக்கிறதுல ஒரு குறுக்கெழுத்துப் புதிரையோ, சுடோகுவையோ போட்ட திருப்தி கிடைக்குது. :)

பொதுவா பயணப் பொழுதுகள் சுகமா இருக்கணும்னு நினைப்போம். அதுவும் இரவுப் பயணத்தில் ஏசி ட்ரெயின் என்றால் ரொம்பவே கன்வீனியண்ட். ஏசி பஸ்ஸும் கன்வீனியண்ட்தான். ஆனால் கொஞ்சம் குடலைப் புரட்டும் குலுக்கல் இருக்கும். ட்ரயின் எப்பவுமே தாலாட்டும். :) ரெண்டுலயும் போர்வை, தலையணை எடுத்துப் போக வேண்டாம்.

சாப்பிடக் கொள்ள, புக் படிக்க, பாத்ரூம் இன்னபிற வசதிகள் ட்ரெயினில் ( ஏசி ) ஆஹா ஓஹோதான். ப்ரைவசியும் கூட . சைட் லோயர் பர்த் கிடைத்தால் கொண்டாட்டம்தான். நம்ம ராஜாங்கம். திரையை மூடிக் கனவில் ஆழலாம். திரையை விலக்கி உலகைக் கண்டும் களிக்கலாம். 

ஏசி பஸ்ஸுக்கும் ஏசி ட்ரெயினுக்கும் ( செகண்ட் ஏசி, தேர்ட் ஏசி ) எடுத்த புகைப்படத்தில் உள்ள வித்யாசத்தைப் பார்த்தேன். ஹிஹி ஒரு இடுகை தேறிடுச்சு. :)

அப்புறம் ரெட் பஸ்ஸுல புக் பண்ணேன்பாங்க. ஆனா பஸ் ப்ளூ கலர்ல இருக்கும். ப்ளூ மவுண்டன்ல புக் பண்ணேன்பாங்க. உள்ள பூரா டிசைன் ரெட்டா இருக்கும் :)

பஸ்ஸுலயும் ட்ரெயின்லயும் உள்ள ஒரு ஒத்துமை அப்பர் பர்த் &  லோயர் பர்த். அதுக்கு ஏறப் படி இருக்கு ! . ஆனா பஸ்ஸுல ஏறி இறங்கினா கொஞ்சம் குடிகாரன் மாதிரி தடுமாற வேண்டி இருக்கும். ஏன்னா திடீர்னு ஒரு வளைவுல வளைப்பாங்க. கம்பியைப் பிடிச்சிட்டே போகணும் வரணும்.

ட்ரெயின் எல்லாம் சிங்கிள் பர்த் & பெட்தான். பஸ்ஸில் ஒரு சைட் சிங்கிள், இன்னொரு சைட் டபுள். இதுல வேறு வேறு ஆளுங்களுக்கு அலாட் ஆனா கஷ்டம். ஒரே ஃபேமிலின்னானும் வேறு வேறு ஆட்களுக்குக் கிடைச்சா கஷ்டம்தான். ஹஸ்பெண்ட் வைஃப்னா பரவாயில்லை. 

சனி, 11 மார்ச், 2017

சாட்டர்டே ஜாலி கார்னர். தேனு சந்தித்த அழகு நிலைய அட்ராசிட்டீஸ்.

புலிக்குப் பிறந்தது பூனையாகுமா. இல்ல தெரியாமத்தான் கேக்குறேன். மன்னை சதிரா அவங்களோட பொண்ணு தேனுவோட எழுத்தும் கூட நகைச்சுவைல பட்டயக் கிளப்புது. 

தேனு என்னோட பள்ளித்தோழி. முகநூல்ல என் தோழி அவங்க அம்மா சரஸ்வதி ராஜேந்திரன் அவங்க . ஃப்ரெண்டானதோட மட்டுமிலாம நான் அவளோட செட் அப்பிடீங்கிறதையும் கண்டும் பிடிச்சிட்டாங்க. அவங்க பெரிய எழுத்தாளரா இருந்தும் நம்ம ப்லாக் & எழுத்தைப் படிச்சி நம்மையும் அவ்வப்போது ஊக்கப்படுத்தித் தட்டிக் கொடுப்பாங்க. 

அவங்ககிட்ட சாட்டர்டே போஸ்ட் எழுதி வாங்கியாச்சு. அடுத்து யார்கிட்ட வாங்கலாம்னு இன்பாக்ஸ்ல தொடர்ந்து சாட்டர்டே போஸ்ட் அனுப்பவும்னு கெஞ்சிக் கேட்டு ( ஹிஹி )  காப்பி பேஸ்ட் பண்ணிட்டு இருந்துட்டு மறந்துட்டேன். அதுல சிலர் பல நாள் கழிச்சுப் பார்த்துட்டு ரிப்ளை பண்ணாங்க. அதிர்ச்சி & ஆனந்த வைத்தியம் மாதிரி என் தோழி தேனுகிட்டேருந்து போனு வேற.

’டீ நீ யாரோன்னு நினைச்சு என்கிட்ட கேட்டியான்னு. இல்லடி நீதான்னு தெரிஞ்சே உன்கிட்ட கேட்டேன். ஏதாவது எழுதி அனுப்புன்னு ஒரே கெஞ்சா கெஞ்ச அவ எனக்கென்னடி தெரியும்னு மிஞ்ச. ப்ளீஸ் ப்ளீஸ் எனக்காக என் ப்லாகுக்காகன்னு ஐஸப் போட்டு யம்மாடி. ஒரு வழியா வந்தாச்சு ‘

அவகிட்டேருந்து ரிப்ளை வந்ததும் செம சுறுசுறுப்பாயிட்டேன். அவ அனுப்புனத பலமுறை படிச்சு ரசிச்சி சிரிச்சிட்டே இருக்கேன். அந்த இன்பத்தை நீங்களும் அடைய போஸ்ட் பண்ணிருக்கேன். 

“யாம் பெற்ற இன்பம் பெறுக இவ்வையகம் “. இதப் போயி நல்லால்லைன்னு சொன்னீங்களாமே சரஸ் மா. போங்க உங்களுக்கு வயசாயிட்டு. :) ஹாஹா. 

சரி இனி தேனு வெர்ஸஸ் தேனுவுக்காக எழுதியது.


////நான் பாட்டுக்கும் ஒரு மூலையிலே ஊர் பேர் தெரியாம
நானுண்டு என் வேலையுண்டுனு
இருந்தா...

வெள்ளி, 10 மார்ச், 2017

சாஸ்த்ரி பவனில் மகளிர்தினக் கொண்டாட்டம்.



சாஸ்த்ரி பவனில் இந்த வருடமும் மகளிர் தினக் கொண்டாட்டத்தின் போது செண்டரல் கவர்ன்மெண்ட் விமன் எம்ப்ளாயீஸ் வெல்ஃபேர் அசோஷியேஷன் & சாஸ்த்ரி பவன் எஸ் சி/எஸ் டி விமன் எம்ப்ளாயீஸ் வெல்ஃபேர் அசோஷியேஷன் சார்பில் கலந்து கொள்ளும்படி அழைப்புவிடுத்திருந்தார்கள். 

வியாழன், 9 மார்ச், 2017

கயல்விழியின் பார்வையில் சிவப்புப் பட்டுக்கயிறு நூல் விமர்சனம் யூ ட்யூபில்.


https://www.youtube.com/watch?v=8QcyYRRQxvw
Thenammai Lakshmanan Book Review By Kayalvizhi - Segment 2/3



https://www.youtube.com/watch?v=_0l6UyE-VsQ
Thenammai Lakshmanan Book Review By Kayalvizhi - Segment 1/3



https://www.youtube.com/watch?v=GK5v4twOcG8
Thenammai Lakshmanan Book Review By Kayalvizhi - Segment 3/3



அன்பும் நன்றியும் அணைப்புகளும்டா கயல். யூட்யூபில் பதிவேற்ற நாளாகிவிட்டது. மிக அருமையான உரை. எதிர்பாராத இன்ப அதிர்ச்சி கொடுத்துவிட்டாய் கயல். எப்போதும் எனக்கு ஊக்கமளித்து வரும் தங்கை கயலுக்கும்,  மணிமேகலை மேம், லதானந்த் சார் & இளங்கோ சார் , வேடியப்பன் ஆகியோருக்கும் ( பத்மா இளங்கோ மேமுக்கும்  ) மனம் நிறைந்த அன்பும் நன்றியும். வாழ்க வளமுடன்.

புதன், 8 மார்ச், 2017

உங்கள் கருணையே எங்கள் வாழ்வு.

மகளிர் தின நல்வாழ்த்துகள் மங்கைஸ், தங்கைஸ் , அம்மாஸ் & பாட்டீஸ் :)
'''இம்மகளிர் தினத்தில் எம் மூதாய் கிழவிகளுக்கு எம்மாலான சமர்ப்பணம்'''
-வரிகளுக்கு நன்றி -அக்கா Thozhar Jeevasundari Balan & மங்கை குழுவினருக்கும் கீதாமதிக்கும் அன்பும் நன்றியும்.

ஆயா அப்பத்தா பாட்டியாயா பேர் முதற்கொண்டு கேட்டுப் பதிவு செய்து வாழ்த்தி இருக்கும் மங்கை குழுவினருக்கு அன்பும் நன்றியும் அணைப்பும்.

நீரை சேமியுங்கள், பூமியைக் காப்பாற்றுங்கள். என்று மகளிர் புகைப்படங்களைக் கொண்டே மனதைத் தொடும் அழகிய நீலவண்ணத்தில் கொண்டு வந்திருப்பதும் சிறப்பு.

மாபெரும் காரியங்களை ஆற்றிவரும் அன்பின் மங்கையருக்கு வாழ்த்துகள். மென்மேலும் சிறக்க அன்பின் பிரார்த்தனைகள்.

அப்பத்தாக்கள் - தேனம்மை, மெய்யம்மை என்ற கோதை.

ஆயாக்கள் -  முத்துக்கருப்பாயி, அலமேலு

சின்னாயாக்கள் - கமலம், லெட்சுமி , ராசு , மீனி

பாட்டி ஆயாக்கள் :- விசாலாட்சி, சீதாலெக்ஷ்மி, மீனாட்சி ஆகியோருக்கும் மற்றுமுள்ள அன்பின் ஆத்தாக்களுக்கும் மனம் நிறை வணக்கங்கள். நீங்கள் இல்லாமல் நாங்கள் இல்லை. உங்கள் கருணையே எங்கள் வாழ்வு.

திங்கள், 6 மார்ச், 2017

வீரம் மிக்க ராணி அப்பக்காதேவி சௌதா. கோகுலம் - விடுதலை வேந்தர்கள்.


ராணி அப்பக்காதேவி சௌதா:-

பதினாறாம் நூற்றாண்டிலேயே போர்த்துகிசியர்களின் காலனி ஆதிக்கத்தை எதிர்த்து போரிட்டவர், கர்நாடகாவின் உல்லால் ராஜ்ஜியத்தின் சௌதா குடும்பத்தைச் சேர்ந்த வீரதீரமிக்க ராணி அப்பக்காதேவி சௌதா. ஜான்சி ராணிக்கு 300 ஆண்டுகளுக்கு முன்பே முதன் முதலில் விடுதலைப் போராட்டத்தில் ஈடுபட்ட ராணி இவர்

கிட்டூர் சென்னம்மா, கிலாடி சென்னம்மா, ஒனகே ஒப்பாவா ஆகிய சுதந்திரப் போராட்ட வீராங்கனைகள் இவர் காலத்தவர்கள்பயம் என்றால் என்னவென்றே அறியாதவர் என்ற பொருளில் அபய ராணி என்றும் அப்பக்கா ராணி என்றும் அழைக்கப்படுகிறார்

இவருடைய தாய்மாமா திருமலாராயா சிறுவயதிலேயே இவருக்கு முறையான போர்ப்பயிற்சிகளை அளித்தார். இவர் வில் வாள் வேல் வித்தைகளில் மட்டுமல்லஅக்னி வாணா” என்ற தீ அம்புகள் விடுவதிலும் வல்லவர்

ஞாயிறு, 5 மார்ச், 2017

காதல் வனம் - பாகம் 6. காதல் யானை ரெமோ



காதல் வனம்  - பாகம் 6. காதல் யானை ரெமோ


காதல் யானை வருகிறான் ரெமோ  என்று பாடிக்கொண்டிருந்தது தொலைக்காட்சி. பார்த்தபடியே தூங்கி இருந்தார் சாம். எழுந்து ரிமோட்டை எடுத்து டிவியை ஆஃப் செய்துவிட்டுப் படுத்தார்.

நினைவுகள் குழம்பிக் குழம்பி முத்தழகியைச் சுற்றி ஓடின. மயக்கத்தில் இருக்கும் மனச்சிற்பம். எப்போது எழுவாள். என்ன என்ன எண்ணங்கள் ஓடிக்கொண்டிருக்கும் அவள் மனதில். கூடுவிட்டுக் கூடு பாய முடியுமோ. முடிந்தால் எவ்வளவு நன்றாக இருக்கும்.

வேனில் காலம் ஆரம்பித்திருந்தது. தோட்டத்தில் முன் தினம் பறிக்காமல் விட்ட ஜாதி, முல்லை, மல்லிகைகளின் வாசம் கிளர்ந்தெழுந்து கொண்டிருந்தது. பூவைப்போன்ற முத்தழகியின் முகமும் அவளின் பிரியமும் மனமெங்கும் நிறைந்திருந்தது. 

முன்பொருநாள் முத்தழகி எழுதிய டைரிக்குறிப்பொன்று மனமெங்கும் இனிப்பாய் இறங்கிக் கிறங்கிக் கிடந்தது. 

அன்பின் கண்ணனுக்கு,

கோதையின் குங்கும மடல். ஆம். குங்குமம் கொடுத்தென்னை ஆட்கொண்டாய். காலம் கடந்து காமம் கடந்து காதலும் கடந்தது நம் காதல். அதைப் பேரன்பு என்போமா. இதென்ன ஜுரவேகத்தில் பிதற்றுகிறேனா.

இல்லை சொல்ல நினைத்தவற்றை இன்றேனும் சொல்லி விடுகிறேன். இனி இப்படி மனநிலை வாய்க்குமோ என்னவோ. அதென்ன கோதை கண்ணன் என்கிறாயா.ராதை பாமா ருக்மணி எல்லாரும் உன் கூடவே க்ரீடை செய்ய கோதை மட்டும் தனியாகக் காதலித்தாள் அல்லவா. 

அவள் சூடிய மாலையை நீ சூடி.. அவள் பெரியாழ்வாரா கோதையா அறிகிலேன். ஆனால் நான் கோதை. நீ கண்ணன் யதுகுல திலகமே. அந்தக் கண்ணனாய்ப் பிறப்பெடுக்க நான் பிறவிகள் தோறும் கோதையாய்த் தேடி அலைகிறேன். 

சனி, 4 மார்ச், 2017

நடுவீட்டுக் கோலமும் பொங்கல் கோலமும் போடுவது எப்படி ?!

ஒவ்வொரு விசேஷத்துக்கும் 716* நடுவீட்டுக் கோலம் முக்கியமான ஒண்ணு. பொங்கல், பிள்ளையார் நோம்பு, தீபாவளி, குடி புகுதல், சுவீகாரம், சமைதல் , கல்யாணம் சொல்ல வந்தால் வரவேற்க, திருமணம், தீர்த்தம் குடித்தல், கணபதி ஹோமம், சாந்தி, சதாபிஷேகம்,   கனகாபிஷேகம் என்று இன்ன பிற நல்லதுக்கெல்லாம் கோலம் போடுவது உண்டு.

இளைய தலைமுறைப் பெண்களுக்கு நடுவீட்டுக் கோலமும் 717* பொங்கல் கோலமும் போடுவது பற்றிப் படம் கொடுத்து இடம் ஒதுக்கிப் போடவும் சொல்லிக் கொடுத்தாங்க ஒரு ஈவண்ட்ல. அப்ப எடுத்த சில அழகான புகைப்படங்களைப் பகிர்கிறேன். அவங்க ஆர்வத்தோடயும் அழகாவும் போட்டு பட்டயக் கிளப்பிட்டாங்க. :)

நடுவீட்டுக் கோலம் மாடல் பேப்பர். இதுல 718* நாலு பக்கமும் கூம்பா இருப்பது தேர்க் கோபுரம், 719* நாலு கார்னரிலும் இருப்பது கால், 720* அதன் பக்கம் இருப்பது சங்கு.
வீட்டில் வைக்கப்படும் பொங்கல் பானைகளுக்கு ஏற்ப ( புள்ளிகள் ) அகலவாக்கில் 721* கோபுரங்கள் அதிகப்படும். பொங்கலுக்கான அடுப்புக் கோலத்தை இன்னொரு இடுகையில் பகிர்கிறேன். 722* முறித்தவலை, 723* விளக்கிடுற சட்டி,  ( 724* அடுப்பு, மனை, கலவடை, பொங்கலிடும் இடம், படைக்கும் இடம் , சாமி வீடு , படி ) எல்லாவற்றுக்கும் கோலமிடுவதுண்டு.

சாட்டர்டே போஸ்ட். திருக்குறளும் எதிர்காலச் சந்ததியும் பற்றி பண்ணாகம் திரு. கிருஷ்ணமூர்த்தி.


 மிகச் சிறப்பாக இயங்கிவரும் பண்ணாகம். காம் இணையத்தின் பிரதம ஆசிரியர் திரு கிருஷ்ணமூர்த்தி அவர்கள் ஜெர்மனியில் வசித்து வருகிறார்கள். இவர்கள் நமது இலக்கு என்ற பத்ரிக்கையின் முன்னாள் ஆசிரியரும் கூட.  பன்னாட்டுப் புலம்பெயர் எழுத்தாளர் ஒன்றியத்தின் அங்கத்தினரும் கூட. அவர்கள் சில நாட்களுக்குமுன் ஜெர்மனியில் நடைபெற்ற திருக்குறள் மாநாட்டில் வாசித்தளித்த கட்டுரையை சாட்டர்டே போஸ்டாக வெளியிடுவதில் மகிழ்கிறேன்.

///திருக்குறளும் எதிர்காலச்சந்ததியும் - கட்டுரை
பண்ணாகம்.கோம் ஆசிரியர் திரு.கிருஷ்ணமூர்த்தி 2 வாரங்களுக்கு முன் ஜெர்மனி எஸ்ஸன் நகரில் நடைபெற்ற திருக்குறள் மாநாட்டில் வாசித்தளித்த கட்டுரையை நமக்காக வழங்கியுள்ளார். அதனை பகிர்ந்து கொள்கிறேன்.
-சுபா-

திருக்குறளும் எதிர்காலச்சந்ததியும்
கிருஷ்ணமூர்த்தி,  பண்ணாகம் இணைய பிரதம ஆசிரியர், ஜெர்மனி
வள்ளுவர் கண்ட திருக்குறள் கடைச்சங்க காலமான கி.மு. 300 க்கும் கி.பி. 250 க்கும் இடைப்பட்ட காலத்தில் மதுரையை நெடுஞ்செழியன் எனும் பாண்டிய மன்னன் ஆண்ட பொழுது வள்ளுவர் என்ற நபர் வாழ்ந்ததாக நம்பப்படுகிறது.  திருவள்ளுவர் இயற்றிய திருக்குறளை தமிழ்ச்சங்கத்தில் அரங்கேற்றம் செய்ய மிகவும் சிரமப்பட்டதாகவும் முடிவில் ஔவையார் துணையோடு மதுரையில்  அரங்கேற்றியதாகவும் நம்பப்படுகிறது. 

வியாழன், 2 மார்ச், 2017

ஐந்தொகையும் பேரேடும் முறைச்சிட்டைகளும், அந்தக்கால எழுத்துக்களும்.

கொஞ்சம் கணக்குப் பார்க்கலாம் வாங்க. !

ஒவ்வொரு விசேஷத்தின் போதும் நோட்டுப் போட்டு செலவைக் 661*கணக்கெழுதி வைப்பது அந்தக்காலத்து வழக்கம். பைசா சுத்தமாக டாலி ஆகிவிடும். 662.வெண்ணலை என்ற பேச்சே கிடையாது.

பொதுவாகவே செலவுக் கணக்கெழுதி வைப்பதால் வேண்டாததை வாங்கும் பழக்கம் குறைகிறது. அநாவசிய செலவு எது எனத் தெரிந்து விடுகிறது.  வீட்டுச் செலவைக் கூட 663*ஐந்தொகை 664* பேரேடு போட்டு எழுதி வைப்பார்கள் சிலர்.

வருடத்துக்கு 665* உப்பு புளி வாங்குவது முதல் கொண்டு துணி மணி , நகை நட்டு, சொந்த 666.*அனுவல் செலவுகள், அன்றாட செலவுகள், கோயில் செலவுகள், திருப்பணிகள், அன்னதானம் செய்வது, படைப்பு, பூசை, பொங்கல், காவடி, மகேசுவர பூஜை, தானம் கொடுப்பது, கொடுக்கல் வாங்கல், அடுத்தவர் வீட்டு அனுவலில் 667*முறை கொடுத்தது கொண்டது, நோய் நொடிச் செலவு, பிரயாணச் செலவு, மளிகை, சந்தை, கரண்ட், தண்ணீர், பால், வேலைக்காரர் சம்பளம்,அவ்வளவும் 668*புள்ளி விவரத்தோடு நோட்டுப் புத்தகங்களில் குறிக்கப்பட்டிருக்கும்.

முன்பு 669*ஓலைகளில் குறித்து வைப்பார்கள். அது 670*நாற்பது பக்க நோட்டாக மாறி விட்டது. இப்போது மடிக்கணினி. ஆனால் யாரும் அதிகம் புள்ளி விவரத்தோடு எழுதி வைப்பதில்லை.

இடம், வீடு, மனை, வண்டி வாங்கிய/விற்ற விபரங்களும்  தனித்தனி நோட்டுகளில் வரவு செலவுக் கணக்குகளாக எழுதி வைக்கப்பட்டிருக்கும்.! கையிருப்பு, வங்கி இருப்பு, சொத்து விபரம் அனைத்தும் மனப்பாடமாக சொல்லக்கூடிய மனிதர்கள் இப்போது இல்லை. எல்லாம் கணினி மயம். 671*கோயில் இடத்தை லீசுக்கு எடுத்து வீடுகள் கட்டி வாடகைக்கு விடுவதுண்டு. அந்த நோட்டுகளும் இதில் இருக்கும்.

திருப்பூரில் ஒரு இல்லம். TIRUPUR - THE HOME !

திருப்பூரில் ஆரவாரமிக்க குமரன் ரோட்டில் உள்ள மிக அமைதியான ஹோட்டல் தி ஹோம். ELIGANT ROOMS. அழகான காரிடார். ரிஸப்ஷன் தான் சின்னமா இருக்கு. நாம் என்ன அங்கேயேவா ஃபுல் டைமும் உக்காந்திருக்கப் போறோம்.பட் நல்ல வெல்கமிங் ரிஸப்ஷன். 

மிக அழகான ரிஸைடிங் ப்ளேஸ். விசாலமான ரூம்.  நல்ல வசதியான கௌச். ரீடிங் அண்ட் காஃபி சாப்பிட ஏதுவான இடம்.
டைனிங் டேபிள் வித் சேர். கீழே சில்வர் டஸ்ட் பின்.
இண்டர்காமுக்கு மேல் அலங்கார விளக்கு.
Related Posts Plugin for WordPress, Blogger...