எனது பதிமூன்று நூல்கள்

ஞாயிறு, 25 அக்டோபர், 2020

வாழ்நாள் சாதனையாளர் சுபாஷிணிக்கு வாழ்த்து.

 திருவள்ளுவர் நற்பணி மன்றம் 


பங்களா புதூர்.  ஈரோடு மாவட்டம். தமிழ்நாடு 

திருமதி சுபாஷிணி திருமலை அவர்களுக்கு வாழ்நாள் சாதனையாளர் விருது வழங்கும் விழா.

நாள்: 08.11.2020. ஞாயிற்றுக்கிழமை  நேரம்: காலை 11.00 மணி.

நிகழ்ச்சி நிரல்

11.00. இறை வணக்கம்.
11.05 வரவேற்புரை: திரு. பாமா. மனோகரன் தலைவர் திருவள்ளுவர் நற்பணி மன்றம் 
11.10. தலைமை உரை: திரு. பாரதி மணி எழுத்தாளர் மற்றும் திரைப்பட நாடகக் கலைஞர் பெங்களூரு, அவர்கள்.

வெள்ளி, 23 அக்டோபர், 2020

ஃபாஸ்ட் ஃபார்வேர்ட் - FAST FORWARD - ஒரு பார்வை.

 ஃபாஸ்ட் ஃபார்வேர்ட் - ஒரு பார்வை. 

திருமணமானதும் கணவருடன் பார்த்த படங்களில் இதுவும் ஒன்று. 1985 களில் வெளிவந்தது. 1986 இல் கோவையில் பார்த்தோம். கேஜியா அர்ச்சனா தர்சனாவா மாருதியா, செண்ட்ரல் தியேட்டரா தெரியவில்லை. ஆனால் ஆரம்பம் முதல் முடிவு வரை ஒரே டான்ஸ் டான்ஸ் டான்ஸ்தான். பேருக்கேற்றாற்போல் ஃபாஸ்ட் ஃபார்வேர்ட் டான்ஸ். இதன்பின் நான் பல்லாண்டு காலம் கழித்து ரசித்த நடனப் படம் டேக் தெ லீட். ஆந்தானியோ பாந்தாரஸ் நடித்தது. நடிப்பு ராட்சசன். 

அரும்பாக்கம் மிடில் ஸ்கூலில் குழந்தைகள் நிகழ்த்திய விழிப்புணர்வு நாடகம்.

அம்பேத்கார் பிறந்தநாளில் தோழி மணிமேகலை அட்சயா ஃபவுண்டேஷன் சார்பாக அரும்பாக்கம் மிடில் ஸ்கூலுக்குச் சிறப்பு விருந்தினராக அழைத்திருந்தார். அம்பேத்கார் பற்றிக் குழந்தைகளுக்குச் சொல்ல முடிந்ததில் மகிழ்ச்சி. ஆசிரியைகளுக்கு அட்சயா ஃபவுண்டேஷன் சார்பாக விருதுகள் வழங்கினோம். 

மிக அருமையா உரையாற்றினார் தோழி மணிமேகலை. இவர் சாஸ்திரிபவன் யூனியன் லீடர் ( பெண்கள் சங்கம் & தலித் பெண்கள் சங்கம் ) என்பதால் மிக அருமையான உரையாக அது அமைந்தது. 


வியாழன், 22 அக்டோபர், 2020

கொலோன் கதீட்ரலுக்குள் கல்லறைச்சிற்பங்களும் ஜெரோ சிலுவையும்.

 பன்னிரெண்டாம் நூற்றாண்டில் கோதிக் கட்டிடக்கலை பாணியைப் பின்பற்றிக் கட்ட ஆரம்பிக்கப்பட்ட கொலோன் சர்ச் (ஜெர்மனி ) பத்தொன்பதாம் நூற்றாண்டில்தான் ( 1880 ) பூர்த்தி செய்யப்பட்டது. ரோமன் கத்தோலிக்க சபையினரால் நிர்வகிக்கப்படும் இந்தக் கதீட்ரலில் சில புனிதர்களின் உடல்கள் உள்ளேயே வைக்கப்பட்டு அதன்மேல் அவர்களின் சிற்பங்களும் வடிக்கப்பட்டுள்ளன. 

வடக்கு தெற்கு என்று இரண்டு கோபுரங்கள் கொண்ட இந்த சர்ச் பதினெட்டாம் நூற்றாண்டில் பூர்த்திசெய்யப்பட்டபோது உலகிலேயே உயரமான கோபுரமாக இருந்ததாம் !. 

பிள்ளை எடுக்கிக் கொடுக்கும் துண்டும் சிட்டிச்சாமான்களும்.

 156. 1641. தடுக்கு. இவை சிகரெட் அட்டைப்பெட்டிகளினால் செய்யப்பட்டவை. கீழே இருப்பது ஓலைத் தடுக்கு. பட்டி தைப்பது இங்கே ஸ்பெஷல்.


1642. சாமி எழுந்தருளப் பண்ணுதல். கானாடு வள்ளிமயில் அவர்கள் வீட்டில் சஷ்டியப்த பூர்த்திக்காக சிவனையும் அம்பாளையும் எழுந்தருளப் பண்ணியிருந்தார்கள். ஓம் சிவோஹம். 

புதன், 21 அக்டோபர், 2020

சுவடு மின்னிதழ் – ஒரு பார்வை.

சுவடு மின்னிதழ் – ஒரு பார்வை.


அண்ணாவின் வார்த்தைகளை மேற்கோள் காட்டும் தலையங்கம் நல்ல சாட்டையடி.. இரும்புப் பட்டாம்பூச்சி, கவிஜி, பாரியன்பன் ஆகியோரின்  கவிதைகள் இடம்பெற்றுள்ளன.

கருநீல நிறத்துக்கு அவுன்ஸ் வீதம் (1:3) தங்கம் கொடுத்து வாங்கினார்கள் பதினெட்டாம் நூற்றாண்டில் என ஓவியர் சிவா தரும் தகவல்கள் வித்யாசம். பவா சமத்துவத்தின் மனிதர்கள் எங்கும் இருக்கிறார்கள் நெகிழ வைத்தது. லதாவின் உளவியல் கட்டுரை புதுமையாக சிந்திக்க வைத்தது.

வூபர் நதியின் மேல் தொங்கு ரயிலில் ஒரு த்ரில்லிங் சவாரி.

 அன்றைக்குத் தொங்கும் ரயிலில் பாதியில் விட்டுட்டுப் போயிட்டேனே. வாங்க வூபர் நதியின் மேல் ஒரு சவாரி போவோம். 

ஜெர்மனியின் நார்த் ரைன் வெஸ்ட்பேலியா மாகாணத்தில் ஓடும் ஒரு நதிதான் வூபர். இது ரைன் நதியின் கிளை நதிதான். 

செவ்வாய், 20 அக்டோபர், 2020

இன்னும் சில சந்திப்புகள்.

 

ஜம்முவுடன் இரண்டாவது சந்திப்பு வைல்ட் அமேஸானில் :) 

பார்பக்யூ உணவுகள். மிக அருமையான விருந்து. புன்னகை அரசி ஜம்மு என்ற ராஜேஸ்வரி மலரவனுக்கு நன்றி :) 


ஜம்முவுடன் வைல்ட் அமேசானின் அல் அராபில்... ஜூலை 10 2011 இ்ல்.. என முகநூலில் பதிந்திருக்கிறேன் :) 

திங்கள், 19 அக்டோபர், 2020

இராமனின் முன்னோர்கள்.


இராமனின் முன்னோர்கள் :-

நாம் நம்முடைய முன்னோர்களை அறிந்திருக்கிறோமா. அப்பா, தாத்தா, கொள்ளுத் தாத்தா பெயரை அறிந்திருப்போம். அதிகபட்சமாக எள்ளுத் தாத்தாவின் பெயரை அறிந்தவர்கள் அபூர்வமே. ஆனால் இராமன் தோன்றின சூரிய குலத்தில் இட்சுவாகு வம்சத்தில் இராமனுக்கு முன்னே அரசாண்ட அவனது தாத்தாக்கள் யார் அவர்களது வீர தீரப் பராக்கிரமம் என்ன என்று பார்ப்போம் வாருங்கள் குழந்தைகளே.
இராமனுடைய குலமுன்னோர்கள் பற்றி அவனாகவும் பெருமை அடித்துக் கொள்ளவும் இல்லை. விசுவாமித்திரர் ஜனக முனிவரிடம் இராமனின் முன்னோர்கள் அறுபத்தி எட்டுப் பேரில் மிகச் சிறந்த பதினேழு பேர் பற்றிக் கூறி இராமனின் சிறப்பையும் கூறுகிறார்.
விஷ்ணுவிடம் இருந்து பிரம்மாவின் மகன் மரீசி. இவரது மகன் கஷ்யப் இவரது மகனே விவஸ்வான் எனப்படும் சூரியன். இவர் மகன் வைவஸ்வத மனு. இவரது மகன் இஷ்வாகு. இனி இஷ்வாகு வம்சத்தில் பிறந்த அரசர்கள் பெயரை வரிசையாகக் கூறுகிறேன். விகுஷி, புரஞ்சயன் ( காகுஸ்த்தன்), அனேனா, பிருது, விஷ்தரஸ்வன், சந்திரன், யுவனக்ஷ்வன், ஷபஸ்தன், பிரஹத்தஷ்வன், குவலயஷ்வன், த்ரீதஷ்வன், ஹர்யஷ்வன், நிகும்பன், அமிதஷ்வன், கிருஷஷ்வன், பிரசேன்ஜித், யுவனஷ்வன், மாந்தாதா, முசுகுந்தன், தராஸாதஸ்யூ, அனாரன்யன், ப்ரீஷாதஸ்வன், ஹர்யாஷ்வன், ஹஸ்தியன், சுமனா, த்ரிதன்வா, த்ரயாருணி, சத்யவிரதன் ( திரிசங்கு ), ஹரிஷ்சந்திரன், ரோஹித்தாஷ்வன், ஹரீதா, சஞ்சு, விஜயன், ருருக், வ்ரீக், பாஹூ, சகரன்,  அஸமான்ஜஷ், அம்ஷுமான், திலீபன், பகீரதன் , சுகோத்ரன் , சுருதி, நாபாக், அம்பரீஷன், ஷிந்துதுவிப் , அயுதயு, ரிதுபர்ணா, சர்வகாமன், சுதாஸ், சௌதாஸன், அஸ்மகன், முலகன், தஸதரன், சிபி, விஷ்வாசாகன், கத்வங்கன், தீர்க்கபாகு, ரகு, அஜன், தசரதன், ராமன். ராமனது புத்திரர்களே  லவனும் குசனும். இன்னும் மகாபாரதப் போருக்குப் பின்னும் இவரது பேரன்கள் தொடர்கிறார்கள்.

சனி, 17 அக்டோபர், 2020

மும்மூர்த்திகளையும் குழந்தைகளாக்கிய அன்னை அனுசூயா.

மும்மூர்த்திகளையும் குழந்தையாக்கிய அன்னை அனுசூயா.
பொறாமை வந்துவிட்டால் முப்பெரும் தேவியரும் மானுடர் போலத்தான் நடந்து கொள்கிறார்கள். அவர்கள் பொறாமையால் மும்மூர்த்திகளும் குழந்தையாக நேர்ந்தது. அதுவும் ஒரு முனிவரின் மனைவியான அனுசூயா அம்மூவரையும் குழந்தையாக்கி விட்டாள். நம்பமுடியவில்லைதானே. அது எப்படி நிகழ்ந்தது என்று பார்ப்போம் வாருங்கள் குழந்தைகளே.
மேலோகத்தில் ஒருநாள் நாரதர் சஞ்சரித்து வரும்போது சரஸ்வதியைக் கண்டு வணங்கினார். அப்போது லெக்ஷ்மியும் பார்வதியும் கூட வந்து அவர்கள் உரையாடலில் சேர்ந்து கொண்டார்கள். நாரதர்தான் கலகக்காரர் ஆயிற்றே. சும்மா இராமல் பூலோகத்தில் இருக்கும் அனுசூயா என்ற ரிஷிபத்தினி பற்றி சிலாகித்துக் கூறினார்.
“பிரம்மாவின் மானச புத்திரர்களுள் ஒருவர் அத்திரி மகரிஷி. அம்மகரிஷிக்கேற்ற பத்தினி அனுசூயாதேவி. அவள் யார்மேலும் அசூயை, கோபம் கொள்ள மாட்டாள். அதனால்தான் அவள் பெயர் அனுசூயா. நற்குணங்கள் நிரம்பியவள். இவள் எவ்வளவு திறமையானவள் என்றால் இரும்புக் கடலையைக் கூட வறுத்துக் கொடுத்துவிடுவாள் “ என்று பாராட்டிக் கொண்டே சென்றார்.

வெள்ளி, 16 அக்டோபர், 2020

ஸ்ரீதனப் பணமும், காய்ச்சி ஊற்றுதலும்

155. 1631. பெண் அழைத்துக் கொள்ளல்.:-  பெண்ணையும் மாப்பிள்ளையும் தங்கள் வீட்டுக்கு அழைத்துக் கொள்ளுதல். பெண்வீட்டார் அனைவரும் வந்ததும் பெண்ணையும் மாப்பிள்ளையையும் அருகில் இருக்கும் உறவினர் வீட்டில் இருந்து அழைத்துக் கொள்வார்கள். அப்போது பெண் தேங்காய்ச்சட்டி வைதிருப்பார். பால்சட்டி கெண்டிச் செம்பை நாத்தனார் வைத்திருப்பார். பெண்ணுக்கு மாமியார் அல்லது பையனின் அப்பத்தா அல்லது சகோதரி குத்துவிளக்கு வைத்து ஆலாத்தி எடுத்து அழைத்துக் கொள்வார்கள்.

1632. பெண் அழைத்த சடங்கு :- இதுவும் சிலேட்டு விளக்கு, குழவி, நிறைநாழி கத்திரிகாய், சடங்குத்தட்டு வைத்துச் செய்யும் சடங்கு. இதை நாத்தனார், மாமியார் அல்லது அப்பத்தா செய்து கொள்வார்கள்.

1633. பூ, ரொட்டி மிட்டாய் கொடுப்பது- வந்தவர்களை வரவேற்று, பூ, ரொட்டி, மிட்டாய் கொடுப்பார்கள் பங்காளி வீட்டுப் பெண்கள்.


1634. குலம்வாழும் பிள்ளை எடுப்பது :- சாமி வீட்டில் எதிரே மூன்று பாத்திரங்களில் நீர் நிரப்பி இருப்பார்கள். அதைச் சுற்றி நாற்புறங்களிலும் இலை போட்டுப் பொங்கல் வைத்து வாழைப்பழம் சுற்றிலும் வைத்துப் படைத்திருப்பார்கள். பெண் அழைத்ததும் பெண் அழைத்த சடங்கு முடிந்ததும் மாப்பிள்ளை பெண் இருவரின் மாமக்காரருடன் வந்து இந்த இடத்தில் நிற்பார்கள். இங்கேயும் பெண்ணைத் தடுக்கில் நிற்கவைத்து நான்கு பக்கங்களிலும் பெண் அழைத்த சடங்கு செய்துவிட்டு மூன்று பாத்திரங்களிலும் உள்ள நீரில் கைவிட்டு குலம் வாழும் பிள்ளையை எடுக்கச் சொல்வார்கள். பொதுவாக பையன் எடுத்துப் பெண் கையில் கொடுக்க அவள் அதைத் தன் முந்தானையில் வைத்து இடுப்பில் முடிந்து கொள்ள வேண்டும்.  

வியாழன், 15 அக்டோபர், 2020

2010 : THE YEAR WE MAKE CONTACT. – சினிமா ஒரு பார்வை.

 2010 : THE YEAR WE MAKE CONTACT. – சினிமா ஒரு பார்வை.



1984 இல் வந்த இந்தப் படத்தை 1986 இல் திருமணமானவுடன் கணவருடன் சென்று பார்த்தேன். கோவை செண்ட்ரல் தியேட்டர் என்று நினைவு. முதன் முதலா பார்த்த சயின்ஸ் ஃபிக்‌ஷன் படம். ஆர்தர் சி க்ளார்க்கின் நாவல்களில் ஒன்று. முதலில் வந்தது 2001: A SPACE ODYSSEY. ( ஆர்தர் க்ளார்க்கின் 2010: ODYSSEY TWO என்ற நாவலைத் தழுவி எடுக்கப்பட்டது ) இயக்கியவர் பீட்டர் ஹைம்ஸ்.

புதன், 14 அக்டோபர், 2020

பிஸ்கட் வியாபாரமும் பெர்பெண்டிகுலர் திங்கிங்கும்.

 2781. சில இடங்களிலாவது சுயம் துலங்க நாம் நாமாகத்தான் இருக்க வேண்டும். சார்பு என்றைக்கும் மதிப்புத் தராது.

2782. அடுத்தவர்களின் நம்பிக்கையை மதித்துப் புண்படுத்தாமல் இருப்பதே ஆகச்சிறந்த குணம்.

2783. கண்ணாலமாம் கண்ணாலம்


2784. நாற்பது வருஷப் பாரம்பரியத்தைப் பத்து வருஷம் முன்னே உடைக்காம இருந்தா இன்னிக்கும் மார்க்கெட்ல கோலோச்சலாம். 

கட்டம் கட்டமா என்னிக்கு டிசைன் மாறிச்சோ அன்னிக்கே நான் மில்க் பிக்கீஸ் சாப்பிடுறத வெறுத்துட்டேன். 

பாக்கிங் & மூவிங் வசதிக்காக பார்பாரா டிசைன் மாத்துறது, ரெண்டரை நிமிஷம் ப்ரமோ ஆட் போடுறது 

இதெல்லாம் விட்டுட்டு பொதுமக்கள்கிட்டே சர்வே பண்ணி டிஸைனை பழையபடி ஆக்குங்க. பிஸ்குட் வெபாரம் பிச்சிக்கிட்டு ஓடும்.

செவ்வாய், 13 அக்டோபர், 2020

பணத்திருப்பேடும் குடிவழியும்.

 1621. கும்பிட்டுக் கட்டிக் கொள்ளுதல் :- திருமணம் முடிந்ததும் பெரியோர் அனைவரின் காலிலும் விழுந்து ஆசி பெறுதல். இச்சமயம் அவர்கள் பணமோ பொன்னொ கொடுத்து ஆசீர்வதிப்பார்கள். மற்றையோரும் பொருளோ பணமோ கொடுத்து ஆசி வழங்குவார்கள்.


1622. திருமண வாழ்த்துப்பா படித்தல். :- இச்சமயம் திருமணத் தம்பதிகளை வாழ்த்தி அவர்களின் சகோதர சகோதரியரோ, அவர்களின் குழந்தைகளோ வாழ்த்துப் பாக்களைப் படிப்பார்கள். இதை அவர்களேயும் இயற்றி இருக்கலாம். அல்லது தமிழறிஞர்களிடம் எழுதி வாங்கியும் படிப்பார்கள். இவ்வாழ்த்துப் பாக்களை 200, 300 என்ற அளவில் அச்சிட்டு வந்திருந்தோருக்கும் கொடுத்து மகிழ்வார்கள்

1623. பொட்டலம் பிரித்தல். :- இது ஒரு கேளிக்கை நிகழ்ச்சி. மணமக்கள் இருவருக்கும் உறவுக்குழந்தைகள் இரு பொட்டலங்களைக் கொடுத்துப் பிரிக்கச் சொல்வார்கள். யார் முதலில் பிரிக்கிறார்கள் என்பதைக் கண்டறிய. இக்குழந்தைகள் அதில் சாக்லேட், குழந்தைகளின் பாட்டில், ரப்பர், ஜால்ரா, விசில் போன்ற பொருட்களைப் பேப்பர்களில் பலமுறை சுற்றிக் கட்டிப் பொட்டணமாகக் கொடுத்துப் பிரிக்கச் சொல்வார்கள். இந்நிகழ்ச்சியை உறவுக்காரர்கள் அனைவரும் கண்டு களிப்பார்கள்.  இதேபோல் வாழைப்பழத்தையும் மணமகனுக்கும் மணமகளுக்கும் ஐத்தை மக்கள், அம்மான் மக்கள் தடவுவார்கள்.

திங்கள், 12 அக்டோபர், 2020

அரும்பாக்கம் மிடிஸ் ஸ்கூலில் அம்பேத்கார் பிறந்தநாளில்.

அரும்பாக்கம் மிடில் ஸ்கூலில் அம்பேத்கார் பிறந்தநாளில் உரையாற்ற தோழி மணிமேகலை அழைப்பு விடுத்திருந்தார். இவர் சாஸ்திரிபவன் பெண்கள் & தலித் பெண்கள் நலச் சங்கத் தலைவி. பொதுத்தொண்டில் ஈடுபாடு உள்ள இவர் பள்ளிகளுக்குத் தேவையான உதவிகள் செய்து வருகிறார். கோடைகாலங்களில் பறவைகளுக்கு நீரும் உணவும் அளிக்கும் திட்டத்தைப்  பள்ளி கல்லூரிகளில் செயல்படுத்தி விழிப்புணர்வு ஏற்படுத்தி வருகிறார். சாஸ்த்ரி பவனில் அம்பேத்கார் சிலை அமையப் பெரும்பாடு பட்டு அதை நிகழ்த்தியும் உள்ளார். பெண்கள் உடல் மன நலன்களுக்காகப் பல்வேறு பெண் பிரபலங்களை சாஸ்திரி பவனில் உரையாற்ற அழைத்துள்ளார். உடல் நலனுக்குப் பல்வேறு முகாம்களும் ஏற்படுத்தி எல்லாப் பெண்களுக்கும் உற்ற தோழியாக விளங்கி வருகிறார். பெயரைப் போலவே பொதுமக்கள் தொண்டாற்றிவரும் அவர் வாழ்க பல்லாண்டு. வாழ்க அவர்தம் புகழ்.

அரும்பாக்கம் பள்ளியில் கலந்து கொண்டது பற்றி முன்பே எழுதி உள்ளேன்.

இப்பள்ளியின் தலைமை ஆசிரியை திருமதி லூர்து ராணி என் சாதனை அரசிகளில் ( முதல் நூல் ) ஒருவர். இப்பள்ளி மாணாக்கர்களின் செயலூக்கம் பாராட்டத்தக்கது. முதல்வர் அறையில் இச்சிறார்களின் கைவண்ணத்தில் பல்வேறு வேலைப்பாடுகளையும் பார்த்தேன். 

வெள்ளி, 9 அக்டோபர், 2020

வூபர்டால் வோஹ்விங்கல் சஸ்பென்ஷன் மோனோரயில்

 தொங்கு தோட்டம் கேள்விப்பட்டிருப்பீங்க. தொங்கும் ரயில் கேள்விப்பட்டிருக்கீங்களா. வாங்க பார்ப்போம். ஜெர்மனியின் வூபர்டால் வோஹ்விங்கல் சஸ்பென்ஷன் மோனோ ரயில்தான் அது. 

இரும்பு விளைச்சல் அதிகம் (!) என்பதால் ஜெர்மனியில் நூற்றைம்பது ஆண்டுகளுக்கு முன்பே மாங்ஸ்டன் ரயில்வே பாலம், வூபர்டால் சஸ்பென்ஷன் ரயில் என இரும்பைக் கொட்டி இருப்புப் பாதையை மேலே கீழேன்னு கட்டி ரயில் ஓட்டி இருக்காங்க.

பதினெட்டாம் நூற்றாண்டில் அவங்க தொங்கு ரயில் என்னும் புதிய முயற்சியில் இருந்தபோது இங்கே நாம் அப்போதான் போர்பந்தரில் இருந்து தானே வரை இருப்புப்பாதை அமைச்சு முதன் முதலா ரயில் ஓட்டி இருக்கோம். 



கௌசியும் அவர் கணவரும் அவர்கள் வீட்டில் விருந்தளித்தபின் மாங்க்ஸ்டன் ரயில்வே பாலம், ஷோலாஸ் கேஸில் எல்லாம் காண்பிச்ச பின்னாடி இங்கே கொண்டு வந்து இறக்கி விட்டாங்க. 

நவராத்திரிக் கோலங்கள்

 நவராத்திரிக் கோலங்கள்.



வியாழன், 8 அக்டோபர், 2020

நித்யகல்யாணி – 2.

 நித்யகல்யாணி – 2. 

“கல்யாணி கல்யாணி. வெய்யில் வந்திருச்சு பாரு “ என்று எழுப்பினார் பாட்டி பகவதி. “என்ன பாட்டி இப்பவே எழுப்புறீங்க.. இன்னும் கொஞ்சம் தூங்குறேன். அதான் ஸ்கூல் இல்லீல்ல. தாத்தா எங்கே ? “ என்றபடி புரண்டு படுத்தாள் கல்யாணி.

”தாத்தா மாளய அமாவாசை தர்ப்பணம் கொடுக்கப் போயிருக்காரு. நீ எந்திருச்சுப் பல் தேய்ச்சுட்டு வா. “ என்றபடி பாட்டி உள் சென்றார். கல்யாணி எழுந்து பல் தேய்த்துவிட்டு பாட்டி கொடுத்த நாட்டுச் சர்க்கரை போட்ட பாலை அருந்திக் கொண்டிருக்கும்போது தாத்தா நித்யதேவன் வீட்டிற்குள் நுழைந்தார்.

“தாத்தா எங்கே போனீங்க. தர்ப்பணம்னா என்ன ? “ என்றாள் கல்யாணி. தாத்தா பேத்தியின் கைபிடித்துப் பக்கத்தில் அமர வைத்துக் கொண்டார். “ இறந்துபோன நம்ம முன்னோர்களுக்குக் கொடுப்பதுதான் தர்ப்பணம்.”

“அப்பிடின்னா என்ன செய்வாங்க தாத்தா “.

”இறந்து போன நம்ம முன்னோர்களுக்கு மாதம் ஒரு முறை அவங்க இறந்த திதியில் கொடுப்பது திவசம். வருடமொருமுறை கொடுப்பது தர்ப்பணம். எள்ளும் அரிசிமாவும் கலந்து தர்ப்பைப் புல்லின் மேல் வைத்து நம்முன்னோர்களை நினைத்து நீர் நிலைகளில் கரைத்து விடுவதுதான் தர்ப்பணம்.”

“நாம அதை ஏன் செய்யிறோம் தாத்தா”.

புதன், 7 அக்டோபர், 2020

சிவப்புப் பட்டுக்கயிறு நூல் வெளியீடும், அறிமுகமும்.

 ஒவ்வொரு நூல் வெளியீட்டின் போதும் எத்தனையோ பேருக்கு நன்றிக்கடன் பட்டிருக்கிறேன். சிவப்புப் பட்டுக்கயிறுநூலைச் செம்மையாகக் கொண்டு வந்த சகோதரர் டிஸ்கவரி புக்பேலஸ் அதிபர் வேடியப்பனுக்கும் இந்நூலைச் செம்மையாகச் சீர்திருத்தித் தந்த திரு. கிருஷ்ணப்ரபுவுக்கும் என் மனமார்ந்த நன்றிகள். 

புத்தகக் கண்காட்சியில் இந்நூலை வெளியிட்டுப் பத்துப் பிரதிகள் வாங்கிய நண்பர் இளங்கோவுக்கும் தங்கை கீதாவுக்கும் மனமார்ந்த பிரியங்கள். முதலில் 200 பிரதிகள் அச்சடித்து அடுத்தும் 200 பிரதிகள் அச்சடித்ததாகக் கூறினார் வேடியப்பன். என் உறவினர்களும் நண்பர்களும் கூட இந்நூலைத்தான் என் முகவரியாகக் கூறுகின்றார்கள். :) ராசியான கரங்களுக்குச் சொந்தக்காரரான இளங்கோ மச்சிக்கும் கீத்ஸுக்கும் நன்றி. 

தோழி கீதா வெளியிட முதல் பிரதி பெற்றுக் கொண்டவர் அன்புத்தங்கை புவனா. இரண்டாம் பிரதியை நண்பர் இளங்கோவிடமிருந்து நண்பர் செல்வா பெற்றுக் கொள்கிறார். 

செவ்வாய், 6 அக்டோபர், 2020

ஸ்ரீ மஹா கணபதிம். வரணும் வரணும் கணபதியே.

  ஸ்ரீ மஹா கணபதிம்.

வரணும் வரணும் கணபதியே. 

குங்குமச் சிமிழ், பொட்டு ஆணி. இதில் குங்குமச் சிமிழில் விநாயகர். 

தேங்காய்ச்சட்டி, அர்ச்சனைத் தாம்பாளம், மிட்டாய் ஸ்டாண்டு, வேவுக்கடகாம் , குடம் அனைத்திலும் விநாயகர். 

மணவறைச்சடங்கும் மாமவேவும்.

 1611. மாலை மாற்றிக் கொள்ளுதல் :- திருப்பூட்டியதும் மாப்பிள்ளை மாலை அணிவிக்க மாப்பிள்ளையும் பெண்ணும் மூன்று முறை மாலை மாற்றிக் கொள்வார்கள். திருப்பூட்டும் சமயங்களில் மேளதாள நாதஸ்வர இசை உச்சஸ்தாயியில் மங்களகரமாக ஒலிக்கும். மாப்பிள்ளையும் பெண்ணும் மிட்டாய்களை ஊட்டிக் கொள்வார்கள்.

1612. கும்பிட்டு வருதல்:-. திருப்பூட்டியபின் இரு மாமக்கார்களும் அழைத்துச் செல்ல முகப்புக்குச் சென்று வளவு அடுப்படி வரை அனைவரையும் மாப்பிள்ளையும் பெண்ணும் கூப்பிய கரங்களுடன் வணங்கியபடி வருவார்கள். இப்படி வரும்போது பெண் மாப்பிள்ளையின் வலப்புறத்தில் பெண் நடந்து ஜோடியாக வரவேண்டும்.

இதுவரை அங்கே புரோகிதர் வரமாட்டார். பகவணம் செய்ததும் அவர் போய்விடுவார். திரும்ப திருப்பூட்டி முடிந்ததும்தான் அவர் வருவார்.


1613. இசைகுடிமானம்.:- திருமண ஒப்பந்தத்திற்கு இசைகுடிமானம் என்று பெயர். இதை மாப்பிள்ளை பெண் இருவரின் அப்பத்தா வீட்டு ஐயாக்களோ அல்லது மாப்பிள்ளை பெண் இருவரின் அப்பாக்களோ கையெழுத்திட்டு வைத்துக் கொள்வார்கள். மாப்பிள்ளை பெண் இருவருக்கும் அதன் பின் ரிஜிஸ்டர் ஆஃபீஸ் சென்று பதிவு செய்து வருவார்கள். இன்றைய மேரேஜ் ரிஜிஸ்டரேஷனின் முன்னோடிதான் இசைகுடிமானம்.

1614. திருப்பூட்டிய சடங்கு :- சடங்குத் தட்டு, குழவி, கத்திரிக்காய், நிறைநாழி, சிலேட்டு விளக்கு வைத்துச் செய்யப்படும் இச்சடங்கை மாமியார் முதலில் செய்து கொள்வார். சடங்குத்தட்டு என்பது ஒரு வெள்ளித்தட்டும் ஏழு கிண்ணங்களும் அடங்கியது. இதில் விநாயகர், பஞ்சு, விபூதி, மஞ்சள், பச்சரிசி, புளி  போன்றவை இருக்கும். எனக்குக் கிடைத்த பாக்கியமெல்லாம் உனக்கும் கிடைக்கட்டும் என்று ஒவ்வொரு கிண்ணத்திலும் மூன்றுமுறை கையால் தொட்டுத் தன் கழுத்தில் வைத்து மணமகள் கழுத்திலும் வைப்பார்கள். அடுத்து சிலேட்டு விளக்கைப் பிடித்துக் கொண்டு கெண்டிச் செம்பில் நீர் ஊற்ற அதைப் பெண் வெற்றிலையில் வாங்கித் தன் காலடிக்குப் பக்கத்தில் ஊற்றுவார். நீங்கள் இட்ட பணியை சிரமேற்கொண்டு நிறைவேற்றுவேன் என்பதைப் போலிருக்கும் அது. அதேபோல் நிறைநாழி கத்திரிக்காய், பட்டுத்துண்டில் சுற்றிய குழவி ஆகியவற்றைக்கொண்டும். வீட்டில் தனம் தான்யம் நிரம்பி இருக்க வேண்டும். மக்கட் செல்வம் பெருக வேண்டும் என இச்சடங்குகள் நிகழ்த்தப்படுகின்றன.

திங்கள், 5 அக்டோபர், 2020

கயலுடன்..

 கயலுடன் எத்தனையோ சந்தர்ப்பங்களில் எடுத்த ஃபோட்டோக்கள் இருக்கு. சுமார்100க்கு மேல் தேறும். அவற்றில் சிலதை மட்டும் இங்கே பகிர்கிறேன் :) 

இது கயல் பிறந்தநாளின் போது எடுத்தது. லாமிக்கிளில்தான். நிறைய பிரபலங்கள் இருக்காங்க. யார்னு சொல்லுங்க பார்ப்போம் :) 

நடந்தாய் வாழி காவேரி - 2.

அதே காவிரிதான். அதே படித்துறைதான். 

இது கரூர்  திருச்சி செல்லும் வழியில் உள்ள காவிரிப் படித்துறை. 



வியாழன், 1 அக்டோபர், 2020

ஸ்ரீ ப்ரம்மம் & ஏழைதாசன் - ஒருபார்வை

 ஸ்ரீ ப்ரம்மம் :- மாதாந்திரி. எட்டு வருடங்களாக கோயமுத்தூரில் இருந்து வெளி வருகிறது. சமூக முன்னேற்றத்துக்கான மாத இதழ். ஆசிரியர் அயிளை அ. நடேசன். 


ஆரிய வைசியர் வரலாறு, பஞ்சராம க்ஷேத்திரங்கள்,,வாசவி க்ளப், பூஜை, பிரார்த்தனை , ஹோமம், திருமண வாழ்த்து, சஷ்டியப்த விழா இவற்றோடு தன்னம்பிக்கைக் கட்டுரைகளும் மாதவிடாய் பற்றிய கட்டுரைகளும் மனோதத்துவக் கட்டுரைகளும் ஆரோக்கியக் கட்டுரைகளும்  பாரம்பரிய விளையாட்டுகளும் ஆரோக்கிய உணவுகளும்  இடம்பெற்றுள்ளன. தூக்கம் ஏன் இன்றியமையாதது என விளக்குகிறது ஒரு கட்டுரை. விதம் விதமான தாலிகள் பற்றிச் சித்தரிக்கிறது ஒரு கட்டுரை. 

புதன், 30 செப்டம்பர், 2020

எதிஹாடில் பதிநான்கு மணிநேரம்

 ஜெர்மனிக்கு இந்தியாவில் இருந்து செல்லப் பல்வேறு விமானங்களும் பல்வேறு விமானத்தளங்களும் இருந்தும் நாங்கள் பெங்களூருவைத் தேர்ந்தெடுத்தோம். ஏனெனில் அங்கே எங்கள் பெரிய மகன் வேலை செய்து வருகிறார். 

அபுதாபி வழியாகச் செல்லும் எதிஹாட் ஏர்லைன்ஸில் டிக்கெட்டும் வாங்கியாச்சு. விசா, டிக்கெட், இன்சூரன்ஸ் எல்லாம் உட்பட ஒரு நபர் சென்று வர ஒன்றரை முதல் இரண்டு லட்சம் வரை செலவானது. சின்ன மகன் அழைத்துச் சென்றார் என்பதால் எனக்கு இதன் செலவு விபரங்கள் எல்லாம் சரியாகத் தெரியாது :) :) :)  


ஜெர்மனி சென்றாச்சு. இருமாதம் தங்கி ஐரோப்பா டூர் எல்லாம் முடித்து ஜெர்மனியில் இருந்து திரும்பும்போது எதிஹாடில்  ஏறியபோது எடுத்த படம் இது. 

செவ்வாய், 29 செப்டம்பர், 2020

பூரங்கழித்தலும் பெண் எடுக்கிக் காட்டுதலும்.

 1601. கழுத்துருவுக்குப் பொன் தட்டல் :- கல்யாணம் பேசி முடித்துக் கொள்ளும்போது ஆசாரியிடம் பவுன் காசைக் கொடுத்து சாஸ்திரத்துக்கு மூன்று முறை தட்டச் சொல்லி வாங்கிக் கொள்வார்கள். பெண்வீட்டார் ஏற்கனவே கழுத்துரு செய்துவைத்துவிடுவதால் இந்தப் பொன் தட்டுதல் சாஸ்திரத்துக்குத்தான். பெண்வீட்டாருக்கு மாப்பிள்ளைவீட்டார் தோதுக்குத் தகுந்தாற்போல 1, 3, 5, 7, 9, 11, 16 என்ற அளவில் பவுன் காசு கொடுப்பார்கள்.

1602. பூரங்கழித்தல் :- திருமணத்தன்று காலை நடைபெறும் முதல் நிகழ்ச்சி இது. பெண்ணைக் காக்கும் பூரம் என்னும் காவல் தெய்வத்திடம் பெண்ணைக் காக்கப் புருஷன் வந்துவிட்டார் அதனால் நீ நீங்கிக் கொள்வாயாக என்று செய்யப்படும் சடங்கு. ( இதுவே பெண் பூப்படையும்போதும் பூரம் என்னும் தெய்வத்தைக் காவலாக நியமிப்பதுபோல் அமையும் ) அதிகாலையில் தலைக்கு நீராடச் செய்து திருமணப் பெண்ணைச் சாமி வீட்டின் எதிரில் போடப்பட்ட பாப்பாரக் கோலத்தின்மேல் தடுக்குப் போட்டுக் கிழக்குப் பார்த்து நிற்கச் செய்து அத்தை, மாமி உறவுடைய பெண்கள் பூரம் கழிப்பார்கள். இதற்காகப் பெண்ணின் உடலில் ஏழு இடங்களில் ( தலை, தோள்பட்டை, மடித்த முழங்கைகள்/இடுப்பு, இரண்டு மேற்பாதங்கள்) வேப்பிலை வைத்து அதன்மீது அடை அல்லது பிஸ்கட்டை வைத்து இரும்புச் சத்தகத்தாலோ நொச்சி அல்லது வேப்பங்குச்சியாலோ தட்டி விடுவார்கள். இதன் பிறகு விநாயகபூசை, வர்ணபூசை செய்து புரோகிதர் பூரம் கழிப்பார்.

திங்கள், 28 செப்டம்பர், 2020

குழந்தை மாந்தமும் கறுப்புத் தங்கமும்.

 இது பிடிக்கும் அது பிடிக்காதுன்னு சாப்பாட்டை ஒதுக்குபவர்கள் இதைக் கட்டாயம் படிச்சே ஆகணும். எல்லா உணவிலும் என்ன சத்து இருக்குன்னு தெரிஞ்சிக்கிட்டோம்னா அதைத் தவிர்க்காம சாப்பிடப் பழகிக்குவோம். இன்னும் கொஞ்சம் மருத்துவ உணவுகள் பற்றிப் பார்ப்போம். 

1. கருணை:- மூலநோய், மலச்சிக்கல், போக்கும். பசியைத் தூண்டும். குடலுக்கு ஆற்றல். நீரிழிவு நோயாளிகளும் சாப்பிடலாம். புளி, காரம், புலால், மது நீக்க வேண்டும். 


கருணைக்கிழங்கு இது நம் உணவில் இன்றியமையாதது. மூலத் தொந்தரவு உள்ளவர்கள் கட்டாயம் உண்ணவேண்டிய கிழங்கு இது. வேறு எந்த உடல் உபாதை உள்ளவர்களும் உண்ணலாம். நன்கு வேகவைத்து லேசாகப் புளி விட்டுச்செய்ய வேண்டும் இல்லாவிட்டால் நாக்கை அரிக்கும். குழம்பு , மசியல் போன்றவை நல்லது. 

ஞாயிறு, 27 செப்டம்பர், 2020

சனி, 26 செப்டம்பர், 2020

சிட்டுவுடன்.

 சிட்டு தன் கணவர் சாலமன் குழந்தைகளுடன் சென்னைக்கு வந்திருந்தபோது சந்தித்தோம். 

எங்கள் அன்பிற்குரிய தங்கை, ப்லாகர் சித்ரா சாலமன் சென்னை வந்திருந்தபோது போரூர் க்ராண்ட் ரெசிடன்ஸியில் மே 31., 2011 அன்று விருந்தளித்தார். 

 எக் ஃப்ரைட் ரைஸ், வெஜ் ஃப்ரைட் ரைஸ், மஞ்சூரியன், ஜூஸ், ஐஸ்க்ரீம், இன்னும் நிறைய ஐட்டம்ஸ். ரொம்ப நாளானதால மறந்தே போச்சு :) 

சிட்டுவின் அன்புக் குழந்தைகள். 


வெள்ளி, 25 செப்டம்பர், 2020

எனது இருபத்தி ஏழாவது மின்னூல், “ விவ..சாயம்”

 எனது இருபத்தி ஏழாவது மின்னூல். “விவ..சாயம்”. அமேசானில் விற்பனைக்கு உள்ளது. விலை ரூ. 49/-


///சுற்றுச்சூழல் விழிப்புணர்வுக் கவிதைகள். வ(ள)ரும் தலைமுறையினரின் எதிர்காலத்துக்குச் சேமித்து வைக்கவேண்டிய இயற்கைவளம்.கொஞ்சம் சுயமும்.///

விவ..சாயம்

https://www.amazon.in/dp/B08GJ5BST1

செல்ஃபோனில் கூட டவுன்லோட் செய்து படிக்கலாம். வாங்கியும் பரிசளிக்கலாம்.( ஈமெயில் ஐடிக்கோ, ஃபோன் நம்பருக்கோ பரிசாக அனுப்ப முடியும் 

இந்த நூலுக்கான அட்டையை வடிவமைத்த எனது மகன் சபாலெக்ஷ்மணனுக்கு நன்றிகள். 

புதன், 23 செப்டம்பர், 2020

ஓபர்ஹௌஸனில் ஒரு விருந்து

ஓபர்ஹௌஸனில் இருக்கும் திரு கந்தையா முருகதாசன் சார் அவர்கள் தங்கள் இல்லத்துக்கு விருந்துக்கு அழைத்திருந்தார். அவரும், அவர் மனைவி லைலாவும் மிகவும் தன்மையானவர்கள். முதல் முறை என்னைப் பார்க்க வரும்போதே அவர் எங்களுக்கு இனிப்புகளும் வடையும் கொண்டு வந்திருந்தார்கள். தங்கள் வீட்டுக்கும் அழைத்துச் சென்றார்கள். 

நான் இந்தியா திரும்பும் நாள் நெருங்க நெருங்க மகனிடம் அவர் இல்லத்துக்குச் சென்று வர வேண்டும் எனக் கேட்டேன். தினமும் இருவரும் நடைப்பயிற்சி செல்வோம். ஆரோக்கிய உணவுகள், திருப்புகழ் பாராயணம், சாய் வரலாறு படித்தல்,மகனுக்குப் பிடித்த உணவு வகைகளைச் செய்து கொடுத்தல், அளவளாவுதல், ஹம் காமாட்சி அம்மன் கோவில், மகனது நண்பர்களின் வீட்டில் விருந்து, சாய் பூஜைகள், பண்ணாகம் கிருஷ்ணமூர்த்தி சார், நிம்மி சிவா,  சந்திரகௌரி சிவபாலன் வீட்டிற்குச் சென்றது என நாளும் பொழுதும் ஓடி விட்டது. இவர்கள் எல்லாருமே தங்கள் அன்பினால் எங்களை மூழ்கடித்து விட்டார்கள். 

எனவே ஊருக்குச் செல்வதற்கு  முந்தைய வாரத்தில் செப்டம்பர் முதல் வாரத்தில்   ஓபர்ஹௌஸன் சென்று லைலா மேடத்தின் விருந்தில் களித்து அவர்கள் என் மகனுக்காகச் செய்து அனுப்பிய இனிப்பு பான்& இனிப்பு சிப்ஸ் ஆகியவற்றை வாங்கி வந்தோம். 



கீழிருந்து மேலாக ஃபோட்டோக்கள் அப்லோடியதால் உங்களுக்கும் லைலா மேம் கொடுத்த பான் & சிப்ஸ். எடுத்துக்கொள்ளுங்கள். 

செவ்வாய், 22 செப்டம்பர், 2020

அரசாணிக்கால் ஊன்றுதலும் மாத்துக் கட்டுதலும்.

 1591. அரசாணிக்கால் ஊன்றுதல்:- திருமணத்துக்கு முதல் நாள் பங்காளி வீட்டு ஆண்கள் அரசாணிக்கால் கட்டுவார்கள். உள்ளூர்த் திருமணமாக இருந்தால் மாப்பிள்ளை வீடு, பெண் வீடு இரண்டிலுமே அரசாணிக்கால் கட்டுவார்கள். வெளியூர்க் கல்யாணமாக இருந்தால் பெண் வீட்டில் மனைபோடும் இடத்தில்,, மனைக்கு எதிரில் (சாமி வீட்டின் எதிரே) அரசாணிக்கால் ( கறுப்புநிற – கிரானைட் கல்லில் படி வைத்துக் குழியுடன் இருக்கும் ஒரு கனமான சதுரக் கல்) வைத்து அதில் சிறிது பால் ஊற்றிப் பவளம் போடுவார்கள். இதில் ஒரு நீண்ட குச்சியை வைத்து அதில் கிளுவை பாலை மரக் கம்புகளை உத்தரத்தின் வளையத்தையும் இணைத்து சேர்த்துக் கட்டுவார்கள். இதில் மாவிலைகளையும் அரச இலைகளையும் சுற்றிக் கட்டி அழகுபடுத்துவார்கள். வீட்டார் சங்கு ஊத இதைப் பங்காளி வீட்டு ஆண்கள் வந்திருந்து ஊன்றுவார்கள். அரசன் ஆணை பெற்று அதன் அடையாளமாக அரசாணிக்கால் ஊன்றி இத்திருமணம் நடைபெறுவதாக ஐதீகம். 

1592. மாத்துக் கட்டுதல்:- சிலப்பதிகாரத்தில் இந்த மாற்றுக் கட்டுதல் பற்றிக் குறிப்பிடப்படுகிறது. மாலைகள் தொங்கும் உச்சியைக் கொண்ட வயிரமணித் தூண்களை உடைய மண்டபத்தில் நீல மேற்கட்டியின் கீழ் அமைந்த அழகிய முத்துப் பந்தலில், (“நீலவிதானத்து நித்திலப்பூம்பந்தர்க் கீழ் ” என்ற வரியின் மூலம் புலப்படுகிறது.) திருமணம் நடந்ததாம்.

திங்கள், 21 செப்டம்பர், 2020

கீரை உணவுகள் - 2.

 கருவேப்பிலைக் குழம்பு. இது பற்றி முன்பே எழுதி இருக்கிறேன். சின்ன வெங்காயம் பூண்டைப் பொடிப்பொடியாக நறுக்கி எண்ணெயில் வதக்கி அரைத்த கருவேப்பிலை சாம்பார்பொடி உப்பு புளி மஞ்சள்தூள் போட்டு வேகவைக்கவும். கருவேப்பிலையோடு சோம்பு சீரகம் சேர்த்து அரைக்க வேண்டும். நன்கு பசியைத் தூண்டும் குழம்பு இது. 

பொரிச்சுக் கொட்டித் தேங்காய்த்துவையல் ( கருவேப்பிலை கொத்துமல்லி சேர்த்தது ) 

ஞாயிறு, 20 செப்டம்பர், 2020

ஸ்ரீ மஹா கணபதிம். சரணம் சரணம் கணபதியே.

 ஸ்ரீ மஹா கணபதிம். 

சரணம் சரணம் கணபதியே. 

இவர் கொஞ்சம் ஸ்பெஷல் ஜெர்மனியில் என் மருமகள் சென்றவருடம் விநாயகர் சதுர்த்திக்காகச் செய்த விநாயகர். 

ஒரு நண்பரின் கிரஹப் ப்ரவேசத்துக்காக தேர்ந்தெடுத்த  விநாயகர்கள். 

சனி, 19 செப்டம்பர், 2020

சாட்டர்டே போஸ்ட். தென்றல் சாயின் வாசல் பள்ளி.

 காரைக்குடி கார்த்திகேயன் பள்ளியின் ஆசிரியையான தென்றல் சாய் இந்தக் கொரோனா தினத்திலும் தன் மாணவர்களை எப்படிச் சந்தித்தார் எனச் சொல்கிறார் . அண்ணஞ்சார் பள்ளி என நூறாண்டுகளுக்கும் மேலாய் காரைக்குடியில் நடத்தப்பட்டு வரும் ( இவரது தாத்தா ஆரம்பித்துத் தந்தையும் நடத்தி வந்த பள்ளி ) கார்த்திகேயன் பள்ளியில் சுவேதா, லெக்ஷ்மி, தென்றல் ஆகிய மூன்று சகோதரிகளும் ஆசிரியப் பணி புரிகிறார்கள். இந்தப் பள்ளியின் தூண்களே இவர்கள்தான் என்றால் மிகையில்லை. 

எழுத்துப் பணியிலும் சக்கைப்போடு போட்டு வரும் இம்மூவரும் சென்ற ஆண்டு ஒரே தினத்தில் நந்தவனம் பதிப்பகம் மூலம் நூல் வெளியிட்டு உள்ளார்கள். இவர்களில் ஸ்வேதா முதல்வராக இப்பள்ளியைக் கட்டிக் காக்கிறார். லெக்ஷ்மி அப்துல் கலாமின் கனவுப் பள்ளிக்கூடத்தை இப்பள்ளியிலேயே நிகழ்த்துகிறார். தென்றலோ ஒருபடி மேலே போய் இந்தக் கொரோனா காலத்திலும் மாணவர்களை அவர்கள் இல்லங்களிலேயே சென்று சந்தித்துப் பாடம் நடத்தி வருகிறார். 

வாட்ஸப்பில் தேவதைக்கூட்டம் என்று ஆரம்பித்த அவர் லாக்டவுன் பின்னும் தொடரவே வாசல் பள்ளி என்று தன் மாணவர்களைச் சந்தித்து அவர்கள் அறிவுக்கண்ணைத் திறந்துள்ளார். எட்டு பத்து மாதங்கள் இவர்கள் வீட்டிலேயே இருந்து விட்டால் கற்றுக்கொள்வதில் இடர்  அவர்களுக்கு மட்டுமல்ல. ஆசிரியர்களுக்கும் அவர்களைப் புரிந்து கொள்ள வைப்பதில் தடை ஏற்பட்டு விடும். எனவே அந்த இடைவெளியைப் போக்க அவர் என்னென்ன செய்தார் எனப் பார்ப்போம் வாங்க. 

//வாசல் பள்ளி

***************

கோடை விடுமுறை முடிந்து பள்ளி திறந்த முதல் நாளில் பட்டாம்பூச்சிகளாய்க் குழந்தைகள் பள்ளியில் கூடியதும் தான் எங்களுக்குப் புதிய கல்வியாண்டும் மகிழ்ச்சியும் பிறக்கும்.
இந்த ஆண்டு கோவிட்19 நோய்த்தொற்று பரவல் காரணமாகப் பள்ளிகள் திறக்கப்படாத நிலையில்
மனம் தவிப்பிற்கு உள்ளானது.

வெள்ளி, 18 செப்டம்பர், 2020

அக்கார்ட், மேரி ப்ரவுன், வஸந்தபவன் சந்திப்புகள்.

 முகநூல் நட்புகள் சந்திப்பு சென்னையில் தொடர்ந்து நடந்துகொண்டு இருந்தது நான் அங்கே இருக்கும் வரை. அதன் பின் கொஞ்சம் கொஞ்சமாக அருகிவிட்டது என்றே சொல்லலாம். 

இது வடபழனி நம்ம வீடு வஸந்தபவனின் இளங்கோ மச்சி, தங்கை கீதா அழைப்பிற்கிணங்கக் கலந்து கொண்டது. கையில் கட்டு இருந்தாலும் ( லெகமெண்ட்ஸ் டிண்டான் கிழிந்து சர்ஜரி ) . மதுமிதா, வாணி, பாபு, மகி, நிதீஷ், மோகன், பாகி, கேபிபி நவீன், ஆகியோர் கலந்து கொண்டோம். அக்டோபர் 2 ஆம் தேதி இந்தச் சரித்திரப் பிரசித்தி வாய்ந்த சந்திப்பு நிகழ்ந்தது :) இவர்கள் எல்லாருமே மிகப் பெரிய ஆளுமைகள் என்பது நான் சொல்லாமலே தெரிந்திருக்கும். 



இதில்தான் ஜேபி எனப்படும் ஜெயராஜ் பாண்டியன் இருக்கிறார். எல்லாப் புகைப்படமும் இவர் எடுத்ததாகவே இருப்பதால் எந்தப் புகைப்படத்திலும் இவர் இருக்க மாட்டார். இது நான் எடுத்த படம். ஒற்றைக் கையால். :) வாணிக்கு செண்டாஃப் பார்ட்டி :) 

எனது சில நூல்கள் பற்றி திரு துரை அறிவழகன் அவர்களின் பார்வை.

அன்புள்ள தேனம்மை அவர்களுக்கு,

வணக்கம்.

தங்கள் எழுத்துக்களை வாசித்த வரையிலான கருத்துக்களை பகிர்ந்து கொள்கிறேன்.

ஆராவமுதனும் ஆதித்யாவும் ஆத்திச்சூடிக் கதைகளும் : குழந்தைகளின் கதை கேட்கும் ஆர்வத்தைப் புரிந்து ஆத்திச்சூடி அறநெறியை கதைவடிவில் குழந்தைகளுக்காகப் படைத்துள்ளீர்கள். மாத்திரையை தேனில் குழைத்துக் கொடுக்கும் குழந்தை வளர்ப்பு, பெண் என்பதையும் தாண்டி இலக்கிய வடிவில் இயங்கும் தன்மை சிறப்பு. குழந்தைகளின் உரையாடல் அவர்கள் மொழியிலேயே அமைந்துள்ளது.

வியாழன், 17 செப்டம்பர், 2020

ஓபல் இன்னில் ஒரு பிறந்தநாள் கொண்டாட்டம்.

2010 ஜூலை 14 என் பிறந்தநாள் அன்று ஓபல் இன்னில் என்னவர் என் நட்புக்களுக்கு ஒரு மதிய விருந்து அளித்தார். அதன் படங்கள் இங்கே. வாங்க நீங்களும் உணவருந்திச் செல்லலாம். 

ரோஷிணியின் ஓவியங்களும் முபின் ஸாதிகாவின் உரையும்

 2761. நேற்றைக்கு வாங்கின ரோஜாச்செடி. பூத்ததும் பரவஸித்து அவசரத்தில் முள்ளின் முத்தமும் வாங்கினாய்.அனுமதித்தும் நீ பறித்தது வலித்தது அதற்கும். பேச வாயற்றுப் பொறுமை காத்தது. வெட்டின வெட்டில் மொக்குகளும் மரித்துப் போயின. நேற்றையமுன் தினம் எப்படி இருந்ததோ அப்படியே இருக்கப் போகிறது உன் வீடு வாசமற்ற சுவாசத்தோடு. . வெளியேற்று தொட்டிச் செடியை.  தலையைச் சுற்றித் தூக்கித்தூரப் போடு. விட்டு விடுதலையாகு.

2762. ஓடம் கடல் ஓடும்..:) ( இது வட்டு/பரிசல்னு தெரியும்.. சும்மா பாடினேன்.


2763. துங்கபத்ரா.


புதன், 16 செப்டம்பர், 2020

மித்தாய், வேஃபர்ஸ், கேக். மை க்ளிக்ஸ். CHOCOLATES, WAFERS, CAKE. MY CLICKS,

 மிட்டாய் , கேக், கூல்டிரிங்க்ஸ் , ஐஸ் விரும்பாதவர்கள் இருக்க முடியுமா. அதுவும் ஆரஞ்ச் ஐஸ்.. ஆமா ஆரஞ்ச் ஐஸேதான் அது என்னன்னு பார்க்கலாம் வாங்க. அதுபோக ஐஸ்க்ரீம் கேக்கும். 


முன்ன எல்லாம் ஃப்ளைட்டில் ஏறினவுடனே மிட்டாய் கொடுப்பாங்களாம். சரி போஸ்டுக்குப் போறதுக்கு முன்னாடி இனிப்பா இருக்க ஆளுக்கொண்ணு எடுத்துக்குங்க.

செவ்வாய், 15 செப்டம்பர், 2020

இரண்டாம் மூன்றாம் நான்காம் சந்திப்புகள்

சென்னையில் இருந்தபோது முகநூலிலும் வலைப்பதிவிலும் எழுதி வந்ததால் நிறைய நண்பர்கள் சந்திக்க விரும்புவார்கள். அப்போது ஸ்டார் ஹோட்டல்களில் முகநூல் சந்திப்பு என்பது பிரபலம். முதன் முதலில் எங்கள் வட்டத்தின் நண்பர்களைச் சந்திக்க புருனேயிலிருந்து வந்திருந்தார் ஜம்மு. இவர் மயிலாடுதுறையைச் சேர்ந்தவர். பெயர் இராஜேஸ்வரி மலரவன். இனி எங்கள் ஜம்முவுடனும் கயல், அன்புடனும்.

இந்த சந்திப்பு ஜூன்1,  அன்று ராதா பார்க் இன்னில் நடந்தது. அன்றைக்கு நாகா, செல்வா, வசு , ஜம்முவின் சகோதரியும் வந்திருந்தார்கள்.தொலைக்காட்சி நடிகர் போஸும் அந்த ஹோட்டலுக்கு வந்திருந்தார்.



துபாய் - குளு குளு பேருந்து நிறுத்தமும் வீடுகளும்.


ஃபோட்டோ அப்லோடும்போது ஏர்போர்ட் ஃபோட்டோ முதலில் வந்துவிட்டது. சரி வாங்க ஏர்போர்ட்டிலிருந்து இறங்கிப் போய் எக்ஸலேட்டர்களில் மிதந்து போய் வெளியேறி டாக்ஸி பிடித்து நகரைப் பார்ப்போம். 2015 களில்தான்  நான் ஹைதராபாத்தில் ஏசி பேருந்து நிறுத்தத்தைப் பார்த்துள்ளேன். அதுவும் ஏர்போர்ட் போவது மட்டும். ஆனால் 2009 இலேயே துபாயில் ஏசி பேருந்து நிறுத்தத்தைப் பார்த்து வியந்தேன். 

துபாய் கிட்டத்தட்ட 30 ஆண்டுகளில் மாபெரும் வளர்ச்சியடைந்த ஊர். பெட்ரோலை மட்டும் நம்பியிராமல் ஷாப்பிங் மால்கள், உலகத்தர சுற்றுலாக்களுக்கு ஏற்றபடி டால்ஃபின் ஷோ, சாண்ட் சஃபாரி, பெல்லி டான்ஸ், ஸ்நோ வேர்ல்ட், ஐஸ் விளையாட்டுகள், வான் விளையாட்டுகள் ( க்ளைடிங், பாரா க்ளைடிங், ) மற்றும் ( Dune bashing, Quad biking, Sky diving, Skiing, Scuba diving, Hot air balloon, Water theme parks, Deep sea fishing .) எனத் தொழில் வளத்தைப் பெருக்கி வைச்சிருக்காங்க. 


திங்கள், 14 செப்டம்பர், 2020

மந்திராலயம் - 2.

ஸ்ரீ ராகவேந்திரரின் பிருந்தாவனத்தில் வெளித்தாழ்வாரத்தில் காத்துக் கிடக்கிறோம். அவரை தரிசித்ததைப் பற்றிக் கூறுகிறேன். 


வெள்ளி, 11 செப்டம்பர், 2020

கட்டுமானங்கள். மை க்ளிக்ஸ். ARCHITEXTURE . MY CLICKS.

கட்டுமானங்கள். மை க்ளிக்ஸ். 

திருச்சி ரயில்வே ஸ்டேஷன். ! அண்டர்க்ரவுண்ட் டனல் ஒவ்வொரு ப்ளாட்ஃபார்முக்கும் செல்ல அமைக்கப்பட்டுள்ளது. 

வியாழன், 10 செப்டம்பர், 2020

நடந்தாய் வாழி காவேரி - 1

ஆடி பதினெட்டை ஒட்டிக் காவிரியைக் கடக்க நேர்ந்தது. 

யாருமில்லாமல் காவிரி ஓடியது அன்றுதான் பார்த்தேன். 

ஆதிமந்தி ஆட்டனத்திதான் என் நினைவுக்கு வருவார்கள் ஆதி பதினெட்டென்றால். கரூரில் இருந்து திருச்சி செல்லும் வழியில் பாதி தூரம்  கூடவே ஓடிவருகிறது காவிரி. இராமகிருஷ்ணா மடம், பள்ளிகள் எனத் தொடர்ந்து காவிரியின் அரசாட்சிதான். 

திட்டுத் திட்டாகப் புதர்கள் முளைத்திருக்க அவற்றைச் சுற்றிச் சுழித்துக் கொண்டு ஓடியது காவிரி. 

செவ்வாய், 8 செப்டம்பர், 2020

நித்யகல்யாணி - 1.

நித்யகல்யாணி

“தாத்தா..தாத்தா எங்கே இருக்கீங்க “என்றபடி வீட்டுக்குள் ஓடி வந்தாள் கல்யாணி. ஸ்ரீவாரி அபார்ட்மெண்டில் இருக்கும் குட்டி சுட்டிகள் எல்லாம் இன்னும் வெளியில் ஆரவாரமாக விளையாடிக் கொண்டிருந்தன.

திங்கள், 7 செப்டம்பர், 2020

நீரின்றி அமையாது உலகு - 4. துங்கபத்ரா.

மந்திராலயத்துக்கு இருமுறை சென்று வரும் வாய்ப்புக் கிட்டியது. அப்போது அங்கே துங்கபத்ரைக்குச் சென்று ப்ரோக்‌ஷணம் செய்து கொண்டோம். அன்று கண்ட மேனிக்கு அழிவில்லாமல் இருக்குது. எனவே இரண்டாம் முறை ஹைதையில் இருந்து சென்றபோது மந்திராலயம் & துங்கபத்ராவை எடுத்த படங்கள் பார்வைக்கு. 


சனி, 5 செப்டம்பர், 2020

தினமலர், தினமணி, குமுதம் வாசகர் கடிதங்கள்.

 தினமலரில் இதுவரை 60 க்கும் மேற்பட்ட வாசகர் கடிதங்கள் இடம்பெற்றுள்ளன. கடந்த இரண்டாண்டுகளாக கிட்டத்தட்ட 110 சிறுகதைகள் ( இதிகாச புராண கதைகள் ) எழுதும் வாய்ப்புப் பெற்றேன். அதற்காக திரு. தேவராஜன் ஷண்முகம் சார் அவர்களுக்கு நன்றி. அதற்கு ஓவியம் வரைந்து எழில் கூட்டிய ஓவியர்கள் திரு அஷோக் & திரு ரஜினி ஆகியோருக்கும் நன்றி. ! 

நான்கு சிறுவர் மலர்களில் அட்டைப்படமாக என்னுடைய கதைக்கரு இடம் பெற்றது குறித்தும் மகிழ்ச்சி. 

குமுதம் பக்தி ஸ்பெஷல், தினமணி ( வாடாமலர் மங்கை என்ற ஆறுதல் பரிசு பெற்ற கதைக்கான வாசகர் கடிதங்கள் ) தினமலர் திண்ணையில் இடம் பெற்ற விமர்சனம் ஆகியவற்றையும் இங்கே பகிர்வதில் பெருமையடைகிறேன். 


இதிகாச புராணக் கதைகள் நல்ல வழிகாட்டியாகத் திகழ்கின்றன என்று கூறிய மணச்சநல்லூர் வாசகி திரு பால அபிராமி அவர்களுக்கு மெத்த நன்றி. 
Related Posts Plugin for WordPress, Blogger...