எனது பதிமூன்று நூல்கள்

புதன், 5 ஆகஸ்ட், 2020

குவாலியர் சூரியனார் ரதக்கோவில்.

குவாலியர் சூரியனார் கோவில் பற்றி முன்பே எழுதி இருக்கிறேன். 

குவாலியரில் மொரார் என்னுமிடத்தில் இது அமைந்திருக்கிறது. சூரியனுக்காகவே அமைக்கப்பட்ட கோவில்களில் இது முக்கியமானது. பிர்லா மந்திர் எல்லாம் பெருமாளுக்காக அர்ப்பணிக்கப்பட்டிருக்க இதுவோ சூரியனுக்கு அர்ப்பணிக்கப்பட்டிருக்கிறது. வெகு தேஜஸான கோயிலை ஒருமுறை வலம் வருவோம் வாங்க. சுத்தி தோட்டம் வேறு அழகூட்டுகிறது. கூடவே மயிலும் புறாக்களும். 

செவ்வாய், 4 ஆகஸ்ட், 2020

எங்கே செல்லும் இந்தப் பாதை - 2

பயணங்கள் நம்மைப் புதுப்பிக்கின்றன. பயணங்கள் முடிவதில்லை. எனவே வாங்க இன்னும் சில பயணங்களையும் பாதைகளையும், மேலும் கட்டிடக்கலையின் அதிசயமான  இருபக்கமும் ஒரே ஒரு தூணில் கட்டி நிறுத்திய பாலத்தையும் பார்ப்போம், ரசிப்போம்.

இது திருச்சி ரயில்வே ஸ்டேஷன். ஜங்ஷன் என்பதால் நிறைய தண்டவாளப் பாதைகள். இந்த மேம்பாலமும் ட்ரெயின் செல்லும் வரும் வழித்தடமும் அதன் மேல் பொன் நிறம் பூசும் மாலை வெய்யிலும் என்னை மயக்க இந்தப் புகைப்படம் எடுத்தேன்.




கோவை டாடாபாத்தின் ஆறுமுக்கு. ஆறு பிரிவாகப் பிரியும் பாதைகள் இங்கே வித்யாசம். அதில் ஒரு முக்கில் இந்த அம்மன் அருளாட்சி புரிகிறாள். கொள்ளை அழகு இல்ல :)

திங்கள், 3 ஆகஸ்ட், 2020

துபாய் - சில டெக்ஸர்ட் ஷாட்ஸ். DUBAI .MY CLICKS.

துபாயில் பயணம் செய்யும்போது எதை எடுப்பது எதை விடுப்பது எனத் தெரியாது. பாலை தேசத்தை சுமார் 30  ஆண்டுகளுக்குள் சோலைவனமாக்கி இருக்கிறார்கள்.

இது குடியிருப்புப் பகுதி.

வெள்ளி, 31 ஜூலை, 2020

நகுலன் தேர்ந்தெடுத்த சிறுகதைகள் – ஒரு பார்வை.

நகுலன் தேர்ந்தெடுத்த சிறுகதைகள் – ஒரு பார்வை.


பூமிச்செல்வம் அவர்கள் நகுலனின் 16 கதைகளைத் தேர்ந்தெடுத்து நேர்த்தியாக அளித்துள்ளார். நகுலனின் கதைகளில் நாம் ஆத்ம தரிசனத்தை அடையலாம். இயற்கையின் மீதான காதல், சுசீலா என்ற அரூப ரூபத்தின் மேலுள்ள ப்ரேமை, தனிமை, உள்நிறைவுடன் விலகி இருத்தல், குதியாட்டம்போடும் மனது, மன விசாரங்கள், பிரமை அல்லது சித்தப் ப்ரமை எனக் குறிக்கப்படும் விஷயம் குறித்தான விவாதம், வாழ்க்கையை அதன் போக்கில் கடந்து செல்லும் ஞானம், வெறுமே அமர்ந்து மரத்தைக் காணும் காற்றை உணரும் மனம் எனக் கலவையாக இருக்கிறார் நகுலன்.

தெருவின் கதை ஆத்மவிஞ்ஞாபனம். சவப்பெட்டி தயாரிப்பவன் அதற்கும் சலுகைகள் கொடுப்பதும் ஏமாந்துவிடாமல் இருக்கச் சொல்வதுமான இவரது எள்ளல் பிடித்திருந்தது. சிதம்பர ரகசியத்தை யாரும் தெரிந்து கொள்வதில்லை. ஏனெனில் திரை விலகுவதில்லை என முத்தாய்ப்பாகக் கூறுகிறார். உண்மைதான் இல்லாவிட்டால் கோடீஸ்வரனோ, தெருவில் நிற்பவனோ இவ்வளவு பாடுகளும் ஏது ?

பயிர்ப்பச்சை, மை க்ளிக்ஸ் - 1. GREENS. MY CLICKS - 1.

பயணப் பொழுதுகளிலும் சரி, உறவினர் வீட்டிற்குச் செல்லும்போதும் சரி. மிக அழகாய்த் தலையசைத்து வரவேற்கும் , புன்னகைக்கும் பூச்செடிகளையும் பயிர்பச்சைகளையும் படம் பிடிப்பது எனக்குப் பொழுது போக்கு.

இன்றைக்கு இந்தப் பயிர்பச்சைகளைப் பார்த்துக் கண்களைக் குளிர்வித்துக் கொள்வோம் வாங்க.

மயிலாடுதுறை மைசூர் எக்ஸ்ப்ரஸ்ஸில் செல்லும்போது எடுத்தது இந்தப் படம். அநேகமாய் தஞ்சாவூர் அல்லது கும்பகோணமாய் இருக்கலாம். தென்னைகள் வரிசை கட்டி நின்று தலையாட்டி வரவேற்றது இன்பமாய் இருந்தது.

ஔவையாரின் மூதுரை ஞாபகம் வந்தது.

///நன்றி ஒருவர்க்குச் செய்தக்கால் அந் நன்றி
'என்று தருங்கொல்?' என வேண்டா- நின்று
தளரா வளர் தெங்கு தாள் உண்ட நீரைத்
தலையாலே தான் தருதலால்.///



வியாழன், 30 ஜூலை, 2020

மாயக்குதிரை - ஒரு பார்வை.

மாயக்குதிரை - ஒரு பார்வை. 


தமிழ்நதியின் கதைகள் மனதோடு பேசும் ரகம். அவருடைய கதாநாயகிகள் வித்யாசமானவர்கள். யதார்த்தமானவர்கள். அப்பட்டமாய்த் தங்கள் நிறைகுறைகளைப் போட்டுடைப்பவர்கள். சிலர் வெகு கம்பீரமானவர்கள். அதனாலேயே அவர்கள் வெகுஜனத்தைக் கவர்கிறார்கள். 

பிறந்தநாள் வாழ்த்துக்களும் ஃபோரம் மாலும்.

2721. ப்லாகர் டாஷ்போர்ட், ஃபேஸ்புக் ஹோம்பேஜ் இதெல்லாம் மாத்துறேன் மாத்துறேன்னு ஏன் அப்பப்போ குடைச்சல் குடுக்குறாங்க. இருக்கதே நல்லாத்தானே இருக்கு. எழுதவே நேரம் கிடைக்கலியாம். இது வேற இம்சை

2722. நாளும் கிழமையும் நலிந்தோருக்கு இல்லை. விடுமுறை நாளும் வலைப்பதிவருக்கு இல்லை. 

2723. விவசாயக் கடனை தள்ளுபடி செய்யலாம். அது இயற்கைப் பேரிடரினால் மீளமுடியாதது.

கல்விக்கடனைக் கட்டாமல் இருப்பது நியாயமா? பெற்று வளர்த்த பெற்றோரைப் புறக்கணிப்பது போன்றது அது.

வீட்டுக்கடனை வட்டியோடு மூன்று மாதம் தள்ளுபடி செய்யச் சொல்வதும் சரிதானா? அந்தப் பணமே பலர் போட்ட டெபாசிட்டிலிருந்து கடன் கொடுப்பதுதான். அப்போ அவர்களுக்கும் ( ஏற்கனவே 5.5 பர்சண்ட் ஆகக் குறைந்து விட்டது வட்டி ) மூன்று மாதம் வட்டி தர முடியாது என்று சொன்னால் ஏற்றுக் கொள்வார்களா ?

வங்கிகளை திவாலாக்கி விடாதீர்கள். ஏற்கனவே நன்றாக சேவை செய்த பல வங்கிகள் மெர்ஜ் ஆகிவிட்டன.

திங்கள், 27 ஜூலை, 2020

கார்த்திகை பூசையும் மாவிளக்கும்.

கார்த்திகை பூசையன்று முருகனுக்கு மாவிளக்கு வைப்பது காரைக்குடி மக்களின் பழக்கம். மாவிளக்கு மகாத்மியத்தைச் சொல்ல ஆரம்பித்தால் நீண்டுகொண்டே போகும்.

மகர்நோன்பு, திருவிழா காலங்களில், கார்த்திகை சோம வாரங்களில் , அம்மன் கோவில்களில்,  சாமி எழுந்தருளப் பண்ணும்போது,  மாவிளக்கு வைப்பது இங்கே வழக்கம். இதற்கெனவே எல்லார் வீட்டிலும் மாவிளக்குச் சட்டி என்றொரு பாத்திரம் இருக்கும். மாலையில் மாவிளக்கு வைத்துவிட்டு வீட்டுக்கு வந்ததும் திரியும் நெய்யும் பட்டு முருகிய அந்த மாவிளக்குத் துண்டைத் தேங்காய்ச் சில்லோடு உண்ணப் போட்டி நடக்கும்.


ஞாயிறு, 26 ஜூலை, 2020

நீரின்றி அமையாது உலகு - 1.

நீரின்றி அமையாது உலகு. உண்மைதான். நதிக்கரையோர நாகரீகம் மட்டுமல்ல. இன்றைய மெட்ரோ சிட்டி வாழ்விலும் கூட புழல் நிரம்பியதா வீராணம் வருமா என்றெல்லாம்தான் யோசிக்க வேண்டி இருக்கு. எனவே பயணப் பொழுதுகளிலும் ஆன்மீகத் தலங்களிலும் நான் பார்த்த புஷ்கரணி, தீர்த்தங்கள், நீர் நிலைகள், கம்மாய்கள், ஊருணிகள், நதிகள், கடல் இவற்றை ( பம்ப்செட், கிணறு கூட வரலாம். ) ஆகியவற்றைக் க்ளிக்கி இங்கே பகிர்ந்துள்ளேன். 

இது வைவரன் கோவில் புஷ்கரணி. வைரவ தீர்த்தம். தீர்த்தக் கரைதனில் ஐந்து ரிஷபங்கள் காவல் வேறு. இதுவே அழகாக இருந்ததால் இப்படி எடுத்துள்ளேன். 

நிலமெலாம் முள் மரங்கள் - ஒரு பார்வை.



நிலமெலாம் முள் மரங்கள் .

சமீபத்தில் நான் வாசித்த நூல்களில் என்னை மிகவும் கவர்ந்தது இந்நூல். எளிய மனிதர்களின் அவசத்தை இதைவிடச் சிறப்பாக எந்த நூலும் கூறியிருக்க முடியாது. எளிமையான வார்த்தைகளில் மண்ணின் மணம் வீசும் இயல்பான கதைகள். 

சனி, 25 ஜூலை, 2020

எங்கே செல்லும் இந்தப் பாதை - 1.

"LIFE IS A JOURNEY WITH PROBLEMS TO SOLVE AND LESSONS TO LEARN BUT MOST OF ALL EXPERIENCES TO ENJOY. "

பயணங்கள் பலவிதம். நீரின் பயணத்தைப் பற்றி ஒரு பாடல்வரும். அனைவரும் கேட்டிருப்பீர்கள். “தீம்தனனா தீம்தனனா.. நதியே நதியே..”. அதேபோல் சேதுவில் வரும் இப்பாடலும் ”எங்கே செல்லும் இந்தப் பாதை.. யாரோ யாரோ அறிவார்..” பிடிக்கும். ஹைவேஸ், பைபாஸ் சாலைகள் ஓரளவு பரவாயில்லை. ஊருக்குள் செல்லும் மற்ற சாலைகள் எல்லாம் ஒன்னும் சொல்லிக்கிறமாதிரி இல்லை.

அவ்வப்போது பயணங்கள் மேற்கொள்ளும்போது எடுத்த படங்கள் என் கமெண்ட்ஸுடன் உங்கள் பார்வைக்கு. முடிந்தவரை சென்ற பாதைகளை அடையாளப்படுத்த முயல்கிறேன். ( வலைத்தளம் ஆரம்பித்ததே நம் பாதைகளை ஒழுங்குபடுத்தி எழுத்துப் பாதையில் செல்லத்தானே. :) ! இதை வலைப்பதிவர் அனைவரும் ஒப்புக் கொள்வீர்களென நினைக்கிறேன்.


காரைக்குடி டு குன்றக்குடி. பைபாஸ் வழியாக சென்றபோது எடுத்தது.

வியாழன், 23 ஜூலை, 2020

வொண்டர்பஸ்ஸிலிருந்து மை க்ளிக்ஸ் - 2.

துபாயில் வொண்டர்பஸ்ஸில் பாதியிலேயே விட்டு விட்டுப் போயிட்டேனே போன வாரம். வாங்க மிச்சத்தையும் பார்த்துட்டுக் கரையேறுவோம்.


புதன், 22 ஜூலை, 2020

நூற்றாண்டுகள் கடந்த அலங்கார விதானம் . மை க்ளிக்ஸ். DECORATIVE CEILING. MY CLICKS.

நூறாண்டுகளுக்கு மேலாக ஒரு வீட்டின் விதானம் அன்று வைத்த மேனிக்கு அழிவில்லாமல் அப்படியே இருக்க முடியுமா. இருக்கும் என்று நிரூபித்திருக்கிறது சாமி வீட்டில் காணப்படும் இந்த விதானம்.


ஒருமுறை படைப்பு சமயம் சாமி வீட்டிற்குச் சென்றபோது மதிய வேளையில் உணவுக்குப் பின் படுத்திருந்து மேல்நோக்கிப் பார்த்தவாறு பேசிக்கொண்டிருந்தேன் உறவினரோடு. அப்போது இந்த  விதானம் கண்ணையும் கருத்தையும் கவர்ந்தது.

செவ்வாய், 21 ஜூலை, 2020

அஸ்டில்ப் , டயாந்தஸஸ் & மாஸஸ் ப்ளூ.

இவைதான் அஸ்டில்ப்ஸ். இதுக்கு பேர் தேடி காடு மேடெல்லாம் அலைஞ்சேன். ஹாஹா. ஆனா இது வயலோரம் வளரும் செடியாம். மேலும் கம்மாக்கரை ( வெளிநாட்டில் ) யை ஒட்டி வளரும் புதர்ச் செடி வகை. இதை புஷஸ், ஷ்ரப்ஸ், நீடில் ஃப்ளவர் என்றெல்லாம் செர்ச் செய்து அதன் பின் ஃபோட்டோவை அப்லோடிக் கண்டுபிடித்தேன். :)



திங்கள், 20 ஜூலை, 2020

பிதார் - மூன்றடுக்கு அகழியும் இரண்டடுக்குக் கோட்டைச் சுவர்களும்.

ஏழு தர்வாஜாக்கள் அமைந்திருக்கும் பிதார் கோட்டையில் நாம் இப்போது ஏழாவது தர்வாஜாவிலிருந்து திரும்பி முதல் தர்வாஜா வரை வரப்போகிறோம். முன்பே தர்வாஜாக்களைப் (வாயில்கள் )  பார்த்துவிட்டதால் இப்போது அங்கே மினி கோட்டைகளைப் போலக் காட்சி அளிக்கும் களஞ்சியங்களை, கருவூலங்களைப் பார்வையிட்டு வருவோம்.

மண்டூ தர்வாஜா, கல்மகடி தர்வாஜா, டெல்லி தர்வாஜா, கல்யாணி தர்வாஜா, கர்நாடிக் தர்வாஜா எனச் சில வாயில்களுக்குப் பெயர். இவற்றில் நாம் கர்நாடிக் தர்வாஜா பகுதியிலிருந்து திரும்பி மண்டூ தர்வாஜா வரப்போகிறோம் .

இங்கே காபா முறையில் கட்டப்பட்ட மினி கோட்டை ஒன்று காட்சி அளிக்கிறது.

இக்கோட்டையில் மூன்றடுக்கு அகழியும் இரண்டடுக்குக் கோட்டைச் சுவர்களும் நான் கண்ட வித்யாசமான காட்சி.


பாஸ்டியன்ஸ் எனப்படும் மதிற்சுவர்கள். டைனோஸரின் முதுகெலும்பு போல மிக விரிவானவை, அடுக்கடுக்கானவை.

ஞாயிறு, 19 ஜூலை, 2020

மிளகாய் காந்தாரியும் மல்லிகை மாலதியும்.


கொஞ்சம் ஹெல்த் டிப்ஸ். எனவே மருத்துவ உணவுகள் பற்றி. 

1. மிளகாய் , காந்தாரி :- அதிகம் உண்டால் வயிற்றுப் புண், குடற்புண் வரும்.



காலராவுக்கு :- 4 மிளகாய் மண்சட்டியில் போட்டு நெய்விட்டு வறுக்கவும். புளியங்கொட்டை அளவு கற்பூரம் போட்டு 500 மிலி நீர் விட்டு 50 கிராம் நெற்பொரி போட்டு நன்கு காய்ச்சவும். இந்த குடிநீரை 5 – 10 மிலி அளவு மூன்று வேளையும் குடிக்க வாந்தி பேதி குணமாகும்.

சனி, 18 ஜூலை, 2020

வெள்ளி மயிலில் வேல் முருகன்.

கார்த்திகை பூசையின்போது வெள்ளி மயிலில் வேல்முருகன் எழுந்தருளுவார். கார்த்திகை சோம வாரங்களில் நடைபெறும் பூசையின்போது தண்டாயுதத்துக்கும் வேலுக்கும் அபிஷேக ஆராதனைகள் நடைபெறும். அதன்பின் வெள்ளிமயிலில் வேல்முருகனை வைத்து அலங்கரிப்பார்கள். இருபக்கமும் மயில்தோகையும் தண்டாயுதமும் வேலும் வைக்கப்படும். இரு குத்துவிளக்குகளும் ஏற்றி வைக்கப்படும். காலையிலிருந்து சாமிக்குப் படையல் தீப தூபம் ஆகும்வரை ஒருவர் மாற்றி ஒருவர் முருகன் பாமாலைகள் பாட மற்றவர்களும் பின் தொடர்வார்கள். வீடே முருகன் அருளால் விபூதியோடு மணக்கும்.

முதலில் விநாயகப்பானையில் பொங்கலிடுவார்கள். இது இரட்டைப் பானையாகப் பொங்கப்படும். அதன்பின் பூசைச்சாப்பாடு ஏழெட்டுக் காய்கறி வகைகளுடன் தயாராகும். பருப்பு மசியல், கத்திரி முருங்கை அவரைகாய் சாம்பார், முட்டைக்கோஸ் துவட்டல், சௌ சௌ கூட்டு, பரங்கிக்காய் புளிக்கறி, வாழைக்காய் பொடிமாஸ், கருணைக்கிழங்கு மசியல், வெண்டைக்காய் மொச்சை மண்டி, ரசம், பலாக்காய் பிரட்டல், மோர், பாயாசம், வடை, அப்பளம் ஆகியன இடம்பெறும்.

சாதத்தை வடித்துப் பெரிய ஓலைப்பாயில் கொட்டி வைப்பார்கள். விநாயகப்பானைக்கும், சாதம், பொரியல், கூட்டு குழம்பு வகையறாவுக்கும் தூப தீபம் பார்த்தபின் முருகனுக்கு எதிரில் படையல் இடப்படும். பண்டாரம் வந்து சங்கு ஊதி தீபம் காட்ட அனைவரும் வணங்குவார்கள். பெண்கள் மாவிளக்கு வைப்பார்கள். ( அது அடுத்த இடுகையில்) . அதன் பின் ஊரோடு அனைவரும் உணவருந்திச் செல்வார்கள்.

மாலையில் பான(க்)க பூசை நடைபெறும். பூசைக்குழம்பை ( மிஞ்சிய அனைத்தையும் ஒன்றாக்கிச் சுடவைத்து ) புள்ளிக்கணக்குக்கு ஏற்பக் கொடுப்பார்கள்.

விடையேறுபாகன்.

வெள்ளி, 17 ஜூலை, 2020

வொண்டர்பஸ்ஸிலிருந்து மை க்ளிக்ஸ் - 1.

துபாய் சென்றிருந்தபோது வொண்டர் பஸ்ஸில் ( ஜேம்ஸ்பாண்ட் பட மகிழுந்து போல் நீரிலும் நிலத்திலும் ஓடும் பேருந்து ) பயணித்துப் பரவசித்தோம். அப்போது எடுத்த சில புகைப்படங்கள் உங்கள் பார்வைக்கு.

வொண்டர்பஸ் அலுவலகம் மிக அழகாகக் காட்சி அளித்தது. அதன் பேரெல்லாம் தெரியவில்லை.



செவ்வாய், 14 ஜூலை, 2020

அந்தூரியம் நாஸ்டுர்டியத்துடன் பான்ஸி.

அந்தூரியம் பூக்களை நான் வெண்மை நிறத்தில்தான் பார்த்துள்ளேன் அநேக இடங்களில் ஆனால் லால் பாகில் லால் அந்தூரியம் பார்த்தேன். கொள்ளை அழகு. 

திங்கள், 13 ஜூலை, 2020

கனவான் பாக்ஸர்ஸும் மிடில்க்ளாஸ் முதியவர்களும்.

2701.மகிழமரமொன்று காவலாய் நிற்கிறது. வீசும் காற்றில் உயர்ந்து வளைந்து ஆடும்போதுதான் கவனித்தேன். அதேபோல் இன்னும் சிலவும் சாலை எங்கும். வாசனையாய் நிரம்பிக் கிடக்கிறது மனிதம் தீண்டாத காற்று.

2702. திரும்பவும் ஒரு தாது வருடப் பஞ்சத்தை எதிர்பார்க்கலாம். உத்தரகாண்டில் வெள்ளம். அடுத்து இங்கே பயிர்பச்சை எல்லாம் தண்ணீரின்றிக் காயும். ஹ்ம்ம். அரிசி விலை உயர்வு. சாதாரணத் தக்காளி 60 ரூபாய் கிலோ, காய்கறி வாங்கவே சம்பளம் பத்தாது போல. கிலோ கணக்கில் வாங்கிப் பொறித்தவர்கள் இப்போ கிராம் கணக்கில் சுருக்கிக் கொண்டிருக்கிறோம். அடுத்த தலைமுறை காய்கறி மாத்திரை சாப்பிடுவார்கள்...

2703. சீட்டு விளையாட்டைவிட சுவாரஸ்யம் தீராமலே இருக்கிறது முகநூல் விளையாட்டு

2704. The wise man seeks little joys, knowing that life is long and that his quota of great joys is distinctly limited. -William Feather.

2705. இன்பாக்ஸ் மைண்ட்வாய்ஸ் நு நினைச்சு சிலர் அவுட்பாக்ஸிலேயே பாக்ஸிங் போடுறாங்க.

#கனவான்_பாக்ஸர்ஸ் 

ஞாயிறு, 12 ஜூலை, 2020

விதுரநகரா என்ற மஹமூதாபாத் என்ற பிதார்.

கர்நாடகாவில் அமைந்துள்ள கவின்மிகு கோட்டைகளுள் ஒன்று பிதார். ஹைதையிலிருந்து 130 கிமீ தூரத்திலும் குல்பர்காவிலிருந்து 116 கிமீ தூரத்திலும் உள்ளது. பஹாமனி மன்னர்களின் ஆட்சியில் செழித்துத் தழைத்தோங்கிய கோட்டை இது. சுல்தான் அஹமது வால் என்பவரால் பதினாலாம் நூற்றாண்டில் தக்காணப்பீடபூமியில் கட்டப்பட்டது இக்கோட்டை.  17 ஆம் நூற்றாண்டில் அஹமது ஷா பஹாமனி என்ற அரசர்தான் இதை விரிவுபடுத்தியவர்.

இதுபற்றிப் பல்வேறு இடுகைகள் வெளியிட்டுள்ளேன். 5.5 கிமீ சுற்றளவு உள்ள மதிலால் சூழப்பட்டது இக்கோட்டை.  சிதைந்த கோட்டையே பொக்கிஷம் என்றால் முழுமையான கோட்டை எவ்வளவு சிறப்பாக இருந்திருக்கும் !.

பாரசீக இஸ்லாமியக் கட்டிடக் கலையின் உச்சம் இக்கோட்டை.சோலா கம்பா மாஸ்க், தாரகேஷ் மஹால், முகல் கார்டன், கல்வீணை, ஏழு வாயில்கள், எண்ணற்ற சுரங்கங்கள் , கரேஸ் என்ற நீர்வரத்து முறை கொண்டது இக்கோட்டை. 15 ஆம் 16 ஆம் நூற்றாண்டுகளில் செழித்துக் கிடந்ததுதான் இன்று சிதைந்திருக்கும் இக்கோட்டை.

மஹமூதாபாத் என்று பஹாமனி சுல்தான்களின் காலத்தில் பெயர்பெற்ற இந்நகரம் மகாபாரதத்தில் விதுரர் இங்கே வாழ்ந்ததால் விதுரநகரா எனப் பெயர் பெற்றிருக்கிறது.  ராஜ பீமா மன்னரின் மகளான தமயந்தியும் நளனும் கூட இங்கேதான் சந்தித்துக் கொண்டார்கள் என்று இன்னொரு கதை சொல்கிறது. பித்ரி வேலைப்பாடுகள் என்று சொல்லப்படக்கூடிய உலோகச் சித்திரக் கைவேலைப்பாடுகள் இங்கே ஸ்பெஷல் என்பதால் இந்நகரம் பிதார் என்று அழைக்கப்படுகிறது. !



சனி, 11 ஜூலை, 2020

மாத்தூர்க் கோவிலில் பிரமோற்சவம்.

மாத்தூர் பெரியநாயகி சமேத ஐநூற்றீசுவரர் கோவிலில் வருடந்தோறும் மாசி மாதம் பிரமோற்சவம் நடைபெறும். அப்போது சுவாமிகளை ஊர்வலமாக எழுந்தருளப் பண்ணுவார்கள். மாத்தூர்க் கோவிலில் புள்ளிகள் அதிகம் என்பதால் அந்தப் பத்து நாட்களுக்குள் இரண்டு ஊர்க்காரர்கள் சேர்ந்து மண்டகப்படி செய்வது வழக்கம்.

கானாடுகாத்தான் பங்காளிகள் ( எங்கள் ) மண்டகப்படி அன்று ஒருமுறை நானும் சென்று கலந்துகொண்டேன். ஒவ்வொரு நாளும் ஒவ்வொரு வாகனம். ரிஷபம், காமதேனு, யானை, சிங்கம், மயில் என்று விதம் விதமாய் உலா இருக்கும்.


நாங்கள் சென்ற அன்று ரத ஊர்வலம்.

வெள்ளி, 10 ஜூலை, 2020

பிருந்தாவன்.மை க்ளிக்ஸ். BRINDAVAN. MY CLICKS.

பிருந்தாவனத்தில் பூவெடுத்து.. என்ற பாடலைக் கேட்டிருக்கலாம். இன்னும் தமிழ்சினிமாவின் 70 களில் பல்வேறு பாடல்கள் இங்கேதான் எடுக்கப்பட்டுள்ளன. டைரக்டர்களின் டிலைட்டான பிருந்தாவனைச் சுற்றிப் பார்ப்போம் வாங்க. 

கூடவே நடிக நடிகையரும் உங்க மனக்கண்ணில் தட்டுப் படலாம். அதேபோல் அவர்கள் பாடி ஆடிய பாட்டும். மறக்காம பின்னூட்டத்துல அதையெல்லாம் குறிப்பிடணும் சொல்லிட்டேன் :)

மைசூரில் வண்ணமயமான கோடை என்ற தலைப்பில் முன்பே இங்கே மாலையில் ஒலி/ஒளி பரப்பு செய்யப்படும் மியூசிக் ஃபவுண்டன் பற்றி எழுதி இருக்கிறேன். 


இது பிருந்தாவனின் வெளிப்புறம். கீழே பார்ப்பது உட்புறம். வாங்க எண்ட்ரன்ஸ் டிக்கெட் வாங்கிக்கிட்டு உள்ளே போய் உலா வருவோம்.

வியாழன், 9 ஜூலை, 2020

அம்மா இல்லாத திண்ணை. - நூல் முகம்.

தாயுமானவன்.
தன் முகத்தில் தாயின் முகமும் மகள் முகத்தில் தன் முகமும் காண விழையும் தாயுமானவன் இக்கவிதைகளின் நாயகன். ஆண்டுகள் பலவானால் என்ன கவிஞன் என்பவன் உணர்வுபூர்வமாய் உள்மனதிலேயே வாழ்ந்துகொண்டுதான் இருக்கிறான். காகிதத்திலோ கணினியிலோ இறக்கி வைக்காவிடினும் காலம் கனியும்போது அவன் தன் மன இச்சைகளையும் இற்றைகளையும் கவியாக்கிக் கனியத்தருவான் என்பதற்கு இத்தொகுப்பு ஒரு சான்று.
எண்பதுகளில் உள்ள இளமனதைப் புதுப்பித்ததோடு இன்றைய இளசுகளின் உள்ளக் கிடக்கையையும் வரைந்து காட்டுகின்றன கவிதைகள். விவசாயம், பாழாகும் இயற்கை, உணவு, உறவு, ஊர் நிலைமை, அரசு யந்திரத்தின் மெத்தனம், அறியாமையை எள்ளல், காதல், தந்தைமை, தாய்மை என ஒன்றையும் விட்டுவைக்காமல் ஹைக்கூ, க்ளெரிஹ்யூ, புதுக்கவிதைகள் எனப் படைத்திருக்கிறார் கவிஞர்.
பூக்களை உதிர்க்கும் காற்றைப் படிக்காத அறிவிலியாக்குதல் கவிஞருக்கே சாத்தியம். கிளி ஜோதிடம் பற்றி நல்ல எள்ளல். ”ஒற்றைமணி நெல்லுக்குக் கூட்டில் அடைபட்ட கிளிப்பிள்ளை பற்றியெடுக்கும் அச்சடித்த தலைவிதிப் பாட்டுச் சீட்டினை” அறியாமையின் தலையில் இடிவிழ வைத்த இக்கவிதை யதார்த்த இழிவரல்.

புதன், 8 ஜூலை, 2020

பலவான்குடி நகரச் சிவன்கோவிலில் தெய்வீகச் சிற்பங்கள்.

பலவான்குடி நகரச் சிவன்கோவில் 150 ஆண்டுகளுக்கு முன் கட்டப்பட்டது. இந்த வருடம் ஒன்பதாவது முறையாகக் கும்பாபிஷேகம் நடைபெற்றது.பலவான்குடிப் பெருமக்கள் ஊரோடு உணவிட்டு மகிழ்ந்தனர். கும்பாபிஷேகத்திலும் பல்வேறு சிறப்புகள்.

ஐந்து நிலை ராஜகோபுரம் புதிதாகக் கட்டப்பட்டுள்ளது. மீனாக்ஷி சுந்தரேசுவரர் சந்நிதி எதிரே அனைத்துத் தெய்வீகச் சிற்பங்களும் சுதைச் சிற்பங்களாய் இடம்பெற்றுள்ளது சிறப்பு.

நால்வருடன் காரைக்காலம்மையாரும் பட்டினத்தாரும் கூட இடம்பெற்றிருக்கிறார்கள். பள்ளி கொண்ட பெருமாளும் சிவன் சந்நிதியின் முன்புறம் வலப்பக்கமாக எழுந்தருளி இருக்கிறார்.


முந்தி முந்தி விநாயகன் முன்னிருந்து வரவேற்கிறான். சிதம்பரத்தின் ஆடலரசரன் ஓவியமாக ஊழிக் கூத்தில்.

திங்கள், 6 ஜூலை, 2020

இரட்டை நிறப் பெட்டூனியா..

ஒரே நிறத்தில்தான் பெட்டூனியாவைப் பார்த்திருக்கிறேன். ஆனால் லால் பாகில் இரட்டை நிறப் பெட்டூனியாக்களையும் பார்த்தேன். கொள்ளை அழகு. ஏப்ரல் பூப் போல ஒரு காகிதப் பூத் தன்மை இவற்றின் இதழுக்கு.  அந்தப் பூக்களின் அழகை நீங்களும் கண்டு களியுங்கள்.



சிவப்புப் பெட்டூனியாவும் வெள்ளை ரோஸ் பெட்டூனியாவும் ஜோடியாய். 

சனி, 4 ஜூலை, 2020

கல்புராகி புத்தவிஹார், பிதார் அம்ரித்குண்ட். GULBARGA BUDDHA VIHAR, BIDAR AMRITGUNT.

குல்பர்காவின் எல்லா சாலைகளும் மாபெரும் புத்தவிஹாரை நோக்கியே செல்கின்றனவாம். இந்த புத்தவிஹார் 75 ஏக்கர் நிலத்தில் பரந்து விரிந்திருக்கிறது. குல்பர்கா செடாம் செல்லும் ஹைவேஸ் சாலையில் சென்றால் இதை அடையலாம்.

ஒரு பொன்னிறமாலையில் கல்புராகியின் ( குல்பர்கா ) கந்தூர் மாலின் மதுரா இன்ன் ஹோட்டலில் இருந்து இந்த விஹாரைப் பார்க்கப் புறப்பட்டோம். 

மிகப் பிரம்மாண்டமான புத்தவிஹாரத்தின் முன்னால் அம்பேத்காரின் தம்மகிரந்தி யாத்ராவைச் சித்தரிக்கும் சிலைகள் கொள்ளை அழகு. 



புத்த விஹாரை நோக்கி அண்ணல் அம்பேத்கார் செல்வது போலும் அவரைப் பின்பற்றி அவருக்கு நெருக்கமான அநேக தலைவர்கள் புத்தமதத்தைத் தழுவச்செல்வது போலும் சிலைகள் வடிவமைக்கப்பட்டுள்ளன. அம்பேத்கார் சிலை செம்பிலும் மற்றையோர் சிலை சிமிண்டிலும் அமைக்கப்பட்டுள்ளது. இது அக்டோபர் 14, 1956 இல் நாக்பூரில் நடைபெற்ற தம்ம கிராந்தி யாத்ராவை நினைவூட்ட அமைக்கப்பட்டுள்ளது.

வெள்ளி, 3 ஜூலை, 2020

விந்திய, சாத்புரா, நர்மதா. மை க்ளிக்ஸ். VINDHYA, SATPURA NARMADA . MY CLICKS.


உயரமான மலைகளைப் பார்த்திருப்பீங்க. நீளமான மலையைப் பார்க்கணுமா என்னோட இந்த இடுகையில் பயணம் செய்யுங்க. பார்க்கலாம்.  

ஹைதையிலிருந்து குவாலியர் செல்லும்போதும் குவாலியரில் இருந்து ஹைதை திரும்பும்போதும் விந்திய சாத்புரா மலைத்தொடர்களையும், நர்மதை நதியையும் தரிசிக்கும் வாய்ப்புக் கிட்டியது. நான் பெற்ற இன்பத்தை இங்கே பகிர்கிறேன்.

வியாழன், 2 ஜூலை, 2020

முருகன் பூசையும் மழலைகளின் குறும்பும்.

முருகன் பூசையும் மழலைகளின் குறும்பும்.

காரைக்குடியில் கார்த்திகை மாத முதல் சோமவாரத்தில் ( திங்கட்கிழமை ) தண்டாயுதபாணி பூசை நடைபெறும். முருகனின் தண்டத்துக்கும் வேலுக்கும் அபிஷேக ஆராதனைகள் நடைபெற்று விநாயகபானையில் பொங்கலிட்டு அதன்பின் மாபெரும் அளவில் பூசைச் சாப்பாடு செய்யப்பட்டு ஊரோடு உணவிடும் நிகழ்வு நடக்கும். 

நடுவில் முருகன் பாடல்கள், பாமாலைகள் அனைத்தும் பாடப்படும். அதோடு வெள்ளி மயில் வாகனத்தின் பக்கமிருக்கும் வேலுக்கும் தண்டாயுதத்துக்கும் ( முருகன் சமேதமாக ) மாவிளக்கு வைத்துப் பூசை செய்யப்பட்டுப் படையல் இடுவார்கள். 

அந்த நிகழ்வுக்கு வந்திருந்த குட்டிப் பிள்ளைகளின் குறும்பையும் அதோடு பெரியவர்களின் பொங்கலிடுதலையும் படம்பிடித்தேன். அவை உங்கள் பார்வைக்கு.


பூப்போலப் பூப்போலச் சிரிக்கும் :)

செவ்வாய், 30 ஜூன், 2020

அரியநாச்சி – ஒரு பார்வை.


அரியநாச்சி – ஒரு பார்வை.

குற்றப் பரம்பரை, பட்டத்து யானை தந்த ஆசிரியரின் இன்னொரு படைப்பு அரியநாச்சி. ஆனால் குற்றப்பரம்பரை தந்த ஆச்சர்ய வீச்சை பட்டத்து யானையும் அரியநாச்சியும் தரவில்லை.

விதம் விதமாய் சில டெய்ஸிக்களே..

டெய்ஸிக்களில் இத்தனை வகை இருப்பதை அன்றுதான் பார்த்தேன். எல்லா நிறத்திலும் இருக்கின்றன டெய்ஸிக்கள். மலர்ப் புன்னகையில் வீழுந்து எழுந்தேன். அந்த மென்னகையில் நீங்களும் கொஞ்சம் தோய்ந்து எழுங்களேன். 



திங்கள், 29 ஜூன், 2020

யாகசாலை - பலவான்குடி சிவன் கோவில்.


மார்ச் நான்காம் தேதியன்று பலவான்குடி நகரச் சிவன்கோவில் கும்பாபிஷேகத்துக்கான ஐந்தாம் கால யாகசாலையில் கலந்து கொள்ளும் பேறு கிட்டியது. 150 ஆண்டுகளுக்கு மேற்பட்ட கோவில் இது.புதிதாக ஐந்துநிலை ராஜகோபுரம் கட்டப்பட்டுக் ( ஒன்பதாவது ) கும்பாபிஷேகம் நடைபெற்றது. ஊரை அடைத்துப் பந்தல் போட்டு விருந்தும் விசேஷமும் அமர்க்களப்பட்டது. 

இரட்டையானைகள் உலா வந்தன.இரட்டைக் குதிரைகள் நாட்டியமிட்டன. கேரள செண்டை மேளத்தின் அதிரடிச் சத்தம். சிவாச்சாரியார்கள் உரையாற்றினார்கள். அதன் பின் ஹோம திரவியங்கள் சமர்ப்பிக்கப்பட்டுப் பூரணாகுதி. ட்ரோன் வைத்து வீடியோவும் புகைப்படமும் எடுத்துத் தள்ளிக்கொண்டிருந்தார்கள்.

ஒவ்வொரு தெய்வத்துக்கும் விதம் விதமான யந்திரங்கள் மந்திரங்கள் இருப்பதுபோல் விதம் விதமான ஷேப்பில் ஹோம குண்டங்கள் வண்ண வண்ணமான வடிவங்களில் கண்ணைக் கவர்ந்தன. ( அக்னிதான் எல்லா அவிர்பாகங்களையும் எல்லா தேவதைகளுக்கும் கொண்டு சேர்ப்பவர். பொதுவாக நன்கு உலர்ந்த சமித்துக்களையும் சாண உருண்டைகளையும் பயன்படுத்த வேண்டும். விதம் விதமான உருவங்களில் அந்தந்த ஹோம குண்டங்களில் தெய்வக் காட்சியைக் காணலாம். ஹோமம் செய்யும்போது கண் கலங்கி ஓடும் அளவு நெருப்பே இல்லாமல் புகை வரக் கூடாது. )

அந்த யாகசாலைக் காட்சிகள் உங்கள் பார்வைக்காக .



ஒவ்வொரு சாமிக்கும் தனித்தனி யாக சாலை. ஒவ்வொரு காவல் தெய்வமும் கூட.

சனி, 27 ஜூன், 2020

வாரா வாரம் ஆரவாரம்.

2681. ஆதிசங்கரர் கனகதாரா ஸ்தோத்திரம் பாடி லெக்ஷ்மி தங்க நெல்லிகனி பொழிந்த கதையும், பட்டினத்தார் கதையும், சபரியின் கதையும் என்றுமே அலுப்பதில்லை. துறவு என்பது அவ்வளவு எளிதானதுதானா ? அதிலும் சபரியின் பக்தி பற்றிச் சொல்ல வார்த்தைகள் இல்லை..

2682. தத்வமஸியாக இருக்க விரும்புகிறோம்.. நிஜத்தில்.. நாமும் காமக் க்ரோத லோப மத மாச்சர்யங்களில் சிக்கிச் சீரழிகிறோம். தெய்வதத்தை உணர்கிறோம். ஆனால் அதாகவே மாற எத்தனை கல்பகோடி காலமோ.. எத்தனை பிறவியோ..

2683. பள்ளியில் தவறு செய்தால் முட்டி போடுவோம். பிரார்த்தனையின் போது முட்டி போடுவோம். இங்கே ப்ராணனை எடுக்க முட்டி போட்ட காட்சி கொடூரம். கொரோனா அவலங்களை திசைதிருப்ப ஒரு உயிரை பலியாக்கிட்டாங்களா ? இரவு முழுதும் தூக்கமில்லை. என்ன வாழ்க்கை இது. ? எங்கோ தொடங்கி எங்கோ முடியுது.

2684. நட்டநடு ரோட்டுல நாலு பாவிங்க கழுத்துமேல முட்டிய வச்சு கொல்ற வீடியோ.. பதறுது பாவிகளா. என்னாலயும் மூச்சுவிட முடில.. அப்பிடி என்ன கொலவெறி..

2685. ஒரு ஆட்டுக்குட்டி மாதிரி அந்தாள் செத்துப் போனான் . இப்ப நெனைச்சாக்கூட விதிர்விதிர்க்குது. ஒரு மாதிரி குழப்பமா இருக்கு. எந்த உறுத்தலுமில்லாம ஒருத்தன் மேல எப்பிடி முட்டி போட முடியும். அந்த முழங்காலை எல்லாம் வெட்டி எறியணும்னு கூட அன்னிக்குக் கோவம் வந்தது.

வெள்ளி, 26 ஜூன், 2020

காரைக்குடி டு குன்றக்குடி மை க்ளிக்ஸ். KARAIKUDI TO KUNDRAKKUDI.MY CLICKS.

காரைக்குடியிலிருந்து குன்றக்குடிக்குப் பாதரக்குடி வழியாகச் செல்லலாம். இன்னொரு வழி கழனிவாசல் வழியாக ஓ. சிறுவயலைக் கடந்து செல்லலாம்.

நடைப்பயணம் ஒன்று இந்தப் பாதை வழியாக மேற்கொண்டுள்ளோம் நானும் ரங்கமணியும் முன்பொருமுறை.



புதன், 24 ஜூன், 2020

பூத்துச் சிரிக்கும் காய் கனி பொம்மைகள்.

காய்கனி உண்ணச் சொன்னா சாப்பிடாம ஓடும் பிள்ளைகளை இந்த லால்பாக் காய்கனிக் காட்சிக்குக் கூட்டிட்டுப் போனா நிச்சயம் விரும்பிச் சாப்பிடுவாங்க. வாங்க பூக்களால் செய்யப்பட்ட  காய் கனி பொம்மைகளைப் பார்த்து ரசிப்போம். 




எடுத்தவுடனே இரண்டு பூ(ண்டு)க்குண்டர்கள் வரவேற்கிறாங்க. GARLIC VANAKKAM. :) 

செவ்வாய், 23 ஜூன், 2020

சிக்கனம் பழகுவோம்.


சிக்கனம் பழகுவோம்.



கொள்ளைநோய் கொரானா பரவிவரும் காரணத்தால் ஏற்படும் பொருளாதார வீழ்ச்சியை சரிக்கட்ட நிறுவனங்கள் ஆட்குறைப்பு, வேலைக்குறைப்பு, சம்பளக் குறைப்பு செய்துவருகின்றன. இந்தச் சூழ்நிலையில் கொரோனாவோடு பழகி வாழக் கத்துக்கிட்ட நமக்கு சிக்கனம் பழகுறது கஷ்டமா என்ன. தேவையற்றவைகளை வாங்கிக் குவித்தால் தேவையானவைகளை விற்க நேரிடும் என்கிறார் உலகின் மாபெரும் பணக்காரரான வாரன் பஃபே. வாங்கும் சம்பளத்தில் செலவுபோக மிஞ்சியதை மட்டுமே சேமிப்பதென்று இருக்காமல் குறிப்பிட்ட தொகையை சேமிப்பில் போட்டுவிட்டு மிச்சத்தையே செலவழிக்க வேண்டும் எனவும் சொல்கிறார்.
சிக்கனம் என்றால் என்ன? செலவே செய்யாமல் இருப்பதா சிக்கனம். இல்லை. அநாவசியச் செலவுகளைக் குறைப்பது, ஆடம்பரச் செலவுகளைத் தவிர்ப்பது இவைதான்  சிக்கனம். தனிமனித சிக்கனம் வீட்டை மட்டுமல்ல நாட்டையும் மேம்படுத்தும். பொருட்கள் விலை உயர்வதையும் அந்நியச் செலாவணி உயர்வதையும் உள்நாட்டுப் பணவீக்கத்தையுமே சிக்கனம் கட்டுப்படுத்தும்.  
சிங்கப்பூரின் பொருளாதாரம் உயர்ந்ததற்குக் காரணமே சிக்கனமும் சேமிப்பும்தான். ஏனெனில் கிராஸ் டொமஸ்டிக் ரேட் – மொத்த உள்நாட்டு உற்பத்தியுடன் பார்க்கும்போது சிங்கப்பூர் மக்களின் சேமிப்பு குறிப்பிடத்தக்க அளவு உயர்ந்துள்ளதாக நேஷனல் யூனிவர்சிட்டி ஆஃப் சிங்கப்பூரின் எகனாமிஸ்ட் BY TOH MUN HUNG சொல்கிறார்.

திங்கள், 22 ஜூன், 2020

இரணிக்கோவிலின் சிற்பக்கூட்டம்.

இரணிக்கோவிலைப் பற்றிப் பல்வேறு தருணங்களிலும் எழுதியாயிற்று. 1500 ஆண்டுகளுக்கு முற்பட்ட கோவில் இது. இங்கே இருக்கும் காளி, பெருமாள் கோவில், ஆட்கொண்ட நரசிம்மர், அஷ்டலெக்ஷ்மி மண்டபம், நவ துர்க்கைகள், தூண் சிற்பங்கள், குபேரர், விதான வண்ண ஓவியங்கள்  என.

இங்கே இருக்கும் பைரவருக்கு ஷண்பக சூர சஷ்டி சிறப்பாகக் கொண்டாடப்படுகிறது. மேலும் மூன்று கல் தூண்கள் நிறுவப்பட்டு மழை நீர் சேகரிப்பும் அந்தக் காலத்திலேயே செய்யப்பட்டுள்ளது.

இன்னும் ராட்டையும் தேசியக் கொடியும் காந்தி அடிகளுமே விதானச் சிற்பமாக இருந்த அதிசயத்தையும் பார்த்தோம்.

இனி தூண்களிலும் பக்கச் சுவர்களிலும் இருக்கும் எழிலார்ந்த சிற்பத்தொகுதிகளைப் பார்ப்போம்.

கம்பீரமான ஐந்துநிலை ராஜகோபுரம் இக்கோவிலின் எழிலுக்கு முதல் சாட்சி. முன்னே இருப்பது அஷ்டலெக்ஷ்மி மண்டபம்.

கருவறையில் அபிஷேகம், அலங்காரம், ஆட்கொண்ட நாதருக்கு.

சனி, 20 ஜூன், 2020

கைகேயி ஏன் அப்படிச் செய்தாள்.

கைகேயி ஏன் அப்படிச் செய்தாள்.
ஒருவர் ஒரு விஷயத்தைச் செய்யும்போது ஏன் செய்தார்கள் என்று அறிந்துகொண்டோமானால் நமக்கு அவர்கள் மேல் ஏற்பட்ட வெறுப்பு சிறிதாவது குறையும்.இப்படித்தான் கேகய நாட்டு மன்னனும் தயரதனின் மனைவியுமான கைகேயி அனைவராலும் வெறுக்கப்பட்டாள். ஆனால் அவள் மகன் ராமனோ அவளுக்காகத் தந்தையிடம் பரிந்து பேசினான். அது என்ன என்று பார்ப்போம் வாருங்கள் குழந்தைகளே.
அயோத்தியே ஒளிமயமாய் மின்னிக் கொண்டிருந்தது. மக்கள் தங்கள் இல்லங்களைக் கோலங்களாலும் மாவிலை தோரணங்களாலும் அழகுபடுத்திக் கொண்டிருந்தார்கள். விடியற்காலையிலேயே பம்பையும் எக்காளமும் ஒலிக்க அனைவரின் உள்ளத்திலும் மகிழ்ச்சி பொங்கிக் கொண்டிருந்தது. ஏனெனில் அவர்கள் சக்கரவர்த்தி தயரதன் தன் இளவல் ராமனுக்கு முடிசூட்டப் போகிறார். அந்த இனிய காட்சியைக் காண அரண்மனை நோக்கி சாரி சாரியாக மக்கள் வந்து கொண்டிருந்தார்கள்.

வெள்ளி, 19 ஜூன், 2020

லால்பாகில் ஒரு சாரல் நடை.

லால்பாகில் தினம் காலையில் நடைப்பயிற்சி மேற்கொள்வோர் ஏராளம். வாங்க நாமும் போய் ஒரு ரவுண்ட் அடிச்சிட்டு வரலாம். :) 





வியாழன், 18 ஜூன், 2020

உல்லாசிகளும் உழைப்பாளிகளும்.

ஹைதையில் உள்ள கலாச்சார கிராமமான ( கைவினைப் பொருட்கள் விற்பனை அங்காடிகளும் உண்டு ) சில்பாராமத்தில் கைவினைக் கலைஞர்களையும் உழைப்பாளி மக்களையும் கௌரவப்படுத்தும் விதத்தில் டாப்ளோ போல சிலைகள் அமைத்துள்ளார்கள்.

அங்கேயே வெய்யில் கால உல்லாச விளையாட்டுகளும் இடம் பெற்றுள்ளன. போட்டிங் இருக்கிறது. அதோடு இந்த மாதிரி ஏர் பலூனில் தண்ணீரில் ஆட்டமும் போடலாம். இது குழந்தைகளுக்கு மட்டுமே.

காற்று நிரப்பிய இந்தப் பந்து/பலூனில் பிள்ளைகள் ஏறியவுடன் இந்த கறுப்பு ஜிப்பை ஒட்டி விடுகிறார்கள். அதன் பின் பிள்ளைகள் உள்ளே தவழலாம், உருளலாம், ஓடலாம். இணைப்பாக கயிறும் உள்ளது. அவர்கள் தடுமாறினால் இழுத்துப் பிடித்து நிறுத்தி வெளியே கொண்டு வரலாம். இந்த உல்லாச பலூனில் ஏற கட்டணம் உண்டு.

பணம் படைத்தவர்க்கான உல்லாச விளையாட்டுகள் இன்னும் பல உண்டு. :)


புதன், 17 ஜூன், 2020

பேர் பெற்ற வீடு.

காரைக்குடி கானாடுகாத்தான் மற்ற செட்டிநாட்டு ஊர்களில் வீட்டுக்கெல்லாம் பெயர் உண்டு. இது பற்றி முன்பே குறிப்பிட்டு இருக்கிறேன். இது 1581.மல்லுப்பட்டியார் வீடு. பொதுவாக செட்டிநாட்டு ஊர்களில் வீடுகள் மேற்குப் பார்த்துத்தான் கட்டப்படுகின்றன. கிழக்கில் பின் வாசல் இருக்கும். 

திங்கள், 15 ஜூன், 2020

ரோஜாப் பூந்தோட்டம் - 2.

ரோஜா என்றதும் நேரு மாமா நினைவுக்கு வந்தால் நீங்கள் 70ஸ் கிட் என்று அர்த்தம். :) இங்கே அநேக நிற ரோஜாக்கள் வரிசை கட்டி நிற்கின்றன.  

ரோஜா இதழ்களை நீரில் போட்டு அருந்தினாலே சுவாசப் புத்துணர்ச்சியும் வாயில் நறுஞ்சுவையும் கிடைக்கும். 


திருமணங்களில் ஜோதிகா மாலை என்று ஒன்று ரோஜாவின் இதழ்களைக் கொண்டு தயாரிப்பதுதான். 

கோவில் மாலை அல்லது திருமண மாலையில் உதிர்ந்த ரோஜா இதழ்களைக் காயவைத்து ஸ்நானப் பொடி, சீகைக்காய்ப் பொடி ( இதனுடன் போட்டு அரைப்பார்கள் )  தயாரிக்க உபயோகிப்பார்கள். 


அலமாண்டா சைஸ்லில் மஞ்சள் ரோஜாக்கள். 

சனி, 13 ஜூன், 2020

யட்சிணிகளும் யட்சர்களும் சிம்மயாளியும்.

தூண்களில் சிம்மங்களும் சிம்மயாளிகளும் அணிவகுக்கும் நகரத்தார் கோவில்களில் இரணியூரும் மாத்தூரும் முக்கியமானவை.

நேமமும் இரணியூரும் மாத்தூரும் சிற்ப அழகுக்காகவும் இறையருள் பெறவேண்டியும் தரிக்கத்தக்க ஸ்தலங்கள். வாருங்கள் இச்சிற்பங்களைக் கண்டு களித்து வருவோம். 

இந்த நிலைவாசல் சிற்பத்தில் கல்லிலே கலைவண்ணம் கண்ட அழகு அதிசயிக்க வைக்கிறது. மரச்சட்டத்தில் செதுக்குவதுபோல் கல்லிலே விதானம் வித்யாசம். 

தழைந்திருக்கும் தாமரை மொக்குகளும் கஜலெக்ஷ்மியும் சிம்மங்களும் ஆட்கொண்டநாதர் சந்நிதிக்குக் கட்டியம் கூறுகிறார்கள். 



மிருகங்கள்மேல் மனிதாபிமானத்தோடு அன்பு செலுத்துவதை இச்சிற்பங்கள் காட்சிப்படுத்துகின்றன.

வெள்ளி, 12 ஜூன், 2020

கூம்பு ஆலாத்தியும் சதுராலாத்தியும்.

கூம்பு ஆலாத்தியும் சதுராலாத்தியும். 

1571. சுவாமிக்குக் காசு முடிந்து வைத்தல் -  திருமணம் போன்ற நல்ல நிகழ்வுகளின் போது ஊரில் இருக்கும் எல்லாச் சாமிக்கும் நிகழ்வு நல்லபடியாக நிறைவேற வேண்டுமென்று காசு முடிந்து வைப்பார்கள். இது அந்தக்காலத்தில் நாலணா, எட்டணா என்ற அளவில் இருந்தது. சோமண்ணன் என் அம்மாவிடம் இந்தப் பணத்தைப் பெற்று ( விட்டுப் போன சாமிகளையும் அவரே சொல்லுவார் – நெல்லிமரத்துப் பிள்ளையார் கோவில், கீழ ஊரணிப் பிள்ளையார் கோவில், முத்தாளம்மா, முத்துமாரி, அத்திமரத்துக்காளி என்று இன்னும் பல சாமிகள் உண்டு ) கோவில்களில் செலுத்தி விடுவார்.

1572. படிஅளத்தல் :- உக்கிராணத்துக்குப் பொருட்களைக் கொடுக்கும் முன் தலைமைச் சமையல்காரரிடம் அரிசி அளந்து கொடுப்பார்கள். வீட்டின் பெரியவர் தலைப்பாகை கட்டிச் சாமி வீட்டில் எதிரில் தடுக்குப் போட்டு அமர்ந்து இருப்பார். அவர் முன் அரிசி நிறைந்த பாத்திரமும் மரக்கால் அல்லது படியும் இருக்கும். தலைமைச் சமையற்காரர் வீட்டுப் பெரியவரிடம் ஒரு பெரிய அண்டாவில் அரிசி அளந்து போடச் சொல்லி வாங்கிக் கொள்வார். சாமியைக் கும்பிட்டு விட்டு வீட்டுப் பெரியவரும் ஒரு கைப்பிடி முதலில் போட்டுவிட்டு அதன்பின் மரக்காலிலோ படியிலோ அரிசி அளந்து அண்டாவில் போடுவார்.
Related Posts Plugin for WordPress, Blogger...