செவ்வாய், 31 அக்டோபர், 2017

அசடன் – ஒரு பார்வை.

அசடன் – ஒரு பார்வை.


மொழிபெயர்ப்பு நூல்களை விமர்சிக்கும்போது மொழிபெயர்ப்பை விமர்சிப்பதா அல்லது நூலை விமர்சிப்பதா என்ற குழப்பம் அடிக்கடி ஏற்படுவதுண்டு. ஏனெனில் மொழிபெயர்ப்பை விமர்சிக்க அது பற்றி வெவ்வேறு மொழிகளிலோ அல்லது ஆங்கிலத்திலேயே வெவ்வேறு ஆசிரியர்களாலோ எழுதப்பட்டதை வாசித்திருக்க வேண்டும். நூலை விமர்சிக்கும்போது அந்நூலின் மூலக்கதை ஆசிரியர் எழுதிய காலகட்டத்தை ஒட்டியும் தெரிந்திருக்க வேண்டும். மொழிபெயர்ப்பாளர் மிகச் சரளமாக மொழிபெயர்த்திருந்தால் அது அவர் எழுதியதோ என்னும் இலக்கியமயக்கம் நம்மை ஆட்கொண்டுவிடும்.

திங்கள், 30 அக்டோபர், 2017

ஸ்ரீ மஹா கணபதிம். பிள்ளையார் சுழிபோட்டு செயல் எதையும் தொடங்கு.

ஓரானைக் கன்றை, உமையாள் திருமகனை,
போரானைக் கற்பகத்தைப் பேணினால்
வாராத புத்தி வரும், வித்தை வரும்
உத்திர சம்பத்து வரும் சக்தி தரும் சித்தி தரும் தான்.
சுழி போட்டு செயல் எதையும் தொடங்கு
பிள்ளையார் சுழி போட்டு செயல்
எதையும் தொடங்கு அதன் துணையாலே 
சுகம் கூடும் தொடர்ந்து
அழியாத பெருஞ்செல்வம் அவனே
தில்லை ஆனந்த கூத்தனின் மகனே
வழியின்றி வேலனவன் திகைத்தான்
குற வள்ளியவள் கைபிடிக்கத் துடித்தான்
மறந்துவிட்ட அண்ணனையே நினைத்தான்
மறு கணத்தினிலே மகிழ்ச்சியிலே திளைத்தான்
கேட்டதெல்லாம் கொடுக்க வரும் பிள்ளை
அவன் கீர்த்தி சொல்ல வார்த்தைகளே இல்லை
ஆட்டமென்ன பாட்டுமென்ன அனைத்தும்
அவன் நாட்டமின்றி எவ்வாறு நடக்கும்
தும்பிக்கை நம்பிக்கை கொடுக்கும்
வரும் துயர் யாவையும் முன் நின்று தடுக்கும்
அஞ்சேலென்றொரு பாதம் எடுக்கும்
அவன் அசைந்து வர
அருள் மணிகள் ஒலிக்கும்
பிள்ளையார் சுழி போட்டு
செயல் எதையும் தொடங்கு.

ஸ்ரீ மஹா கணபதிம். 
இவர் சூரியனார் கோவில் அல்லது கஞ்சனூர் கோவிலின் முன்பு தனிக்கோயிலாகக்  குடி கொண்டவர்.

தூத்துக்குடி ராமநாதபுரம் உப்பளங்கள்.

”உப்பில்லாப் பண்டம் குப்பையிலே” என்பதும் ”உப்பிட்டவரை உள்ளளவும் நினை” என்பதும் பழமொழி. !

நெய்தல் நிலத்துக்கே உரிய ஒரு தொழில் உப்பு விளைவித்தல். அந்தக் காலத்தில் பண்டமாற்று முறைக்கும் உதவிய ஒரு பொருள் உப்பு. களர்நிலம், உவர்நிலம் என்று உப்பு விளைவிக்கப்படும் பூமி அழைக்கப்படுகிறது. உப்பு அளம் என்றும் கோவளம், பேரளம் என்று கடற்கரைக் கிராமங்களில் பெயர் அமைந்திருப்பதும் இதற்கு எடுத்துக்காட்டு.

உப்பு விற்றவர்களை உமணர்கள் என்று பண்டைஇலக்கியக்கியங்கள் குறிப்பிடுகின்றன. கழுதைகளின் முதுகில் உப்பை மூட்டையாகக் கட்டிச் சென்று விற்பவர்களை  உப்புக் குறவர்கள் என்று கூறுவதும் உண்டு.

உப்புப் பெருகுவதுபோல் பணம் பெருகும் என்பதால் உப்பை பூஜை அறையில் வைத்து வணங்குவோரும் உண்டு. உப்பு என்பது பணத்துக்குச்/தனத்துக்குச் சமமாகக் கருதப்படுகிறது.

உப்பு என்றதும்  காந்தியடிகளின் தண்டி யாத்திரையும் வேதாரண்யம் உப்பு சத்யாக்கிரகமும் நினைவுக்கு வரலாம். 

உணவு வகைகளில் (தற்காலத்தில் உப்பு சேர்க்காவிடினும்) இயற்கையாகவே சில காய்கறிகளில் உப்புச் சத்துகள் உறைந்துள்ளன என்று கண்டுபிடிக்கப்பட்டுள்ளது.

உப்பில் அயோடின் இருக்கவேண்டும் என்பதற்காகவே கல் உப்பின் பயன்பாடு (  சுத்திகரிக்கப்படாத  கடல் உப்பு ) வலியுறுத்தப்படுகிறது. டேபிள் சால்ட் எனப்படும் நைஸ் உப்பு/தூள் உப்பு/ பொடி உப்பில் இந்த அயோடின் கொண்டது என்று விளம்பரப்படுத்துகிறார்கள். அப்போது இதில் இயற்கையாக இருக்கும் அயோடின் என்னாச்சு ?

ராக்சால்ட், இந்துப்பு, ப்ளாக்சால்ட்,  சைனீஸ் சால்ட் எனப்படுபவை, பாறையில் இருந்து கிடைப்பவை, நாம் உபயோகப்படும் கல் உப்பே கடலில் இருந்து கிடைக்கும் உப்பாகும்.

இவை தூத்துக்குடி திருச்செந்தூர் செல்லும்வழியில் அமைந்த உப்பளங்கள்.

கடற்கரை அருகில் உள்ள நிலங்களை வயல் பாத்திகள் போலப் பிரித்து அதில் கடல் நீர் கொட்டப்பட்டு ஆவியாக்கப்படுகிறது.

நால்வரும் நடுத்தம்பியும் வெள்ளைக்காரத் தம்பதியினரும்.

காரைக்குடியில் இறைப்பணி ஆற்றிவரும் திருநாவுக்கரசர் நற்பணி மன்றத்தினர் பல வருடங்களாக திருவாசக முற்றோதல் செய்து வருகிறார்கள். இல்லம் செழிக்கவும், நிம்மதி நிலைபெறவும், நன்மை ஓங்கவும் இம்முற்றோதல் நிகழ்த்தப்பட்டு வருகிறது.

திருமணம், சாந்தி, சதாபிஷேகம், கனகாபிஷேகம் , புதுமனை புகுவோர் ஆகிய சுபநிகழ்வுகளிலும் இம்முற்றோதல் செய்கிறார்கள். மேலும் கோயில்களிலும் திருவாசகம் பாடப்படுகின்றது.

இதில் பன்னிரு திருமுறைகளுடன் எட்டாம் திருமுறையில் உள்ள  ”திருவாசகமும்” முழுமையாக ஓதப்படுகிறது. சந்த நயத்தோடு கூடிய இப்பாடல்களை செவிமடுத்தாலே யாக்கை நிலையாமை பற்றிய தெளிவும் பேரின்பப் பரம்பொருளைப் பற்றும் அவாவும் தோன்றும். 
நால்வரின் புகைப்படத்தைத் தாங்கி நிற்பவர் என்னுடைய நடுச்சகோதரர் வள்ளியப்பன் என்ற பாபு என்ற சேவுகன்செட்டி. இவர் தற்போது இல்லை. 2013 ஏப்ரல் மாதம் ஆறாம் தேதி சிவபதவி அடைந்துவிட்டார். ஆகையால் இப்படம் எனக்கு முக்கியமான ஒன்றாகிறது.

உலாவந்த காசி ஈசன்.

காசியிலிருந்து உலா வந்த 400 கிராம் ( 3 1/2 கிலோ தங்கத்திலாலான ) சொர்ணலிங்கேஸ்வரரைப் பற்றி முன்பே ஒரு இடுகை வெளியிட்டிருக்கிறேன். மானகிரிக்கு வந்திருந்தபோது அங்கே சென்று எடுத்த இன்னும் சில புகைப்படங்களைப் பகிர்ந்துள்ளேன்.

காசி நகர சத்திரத்தில் சொர்ணத்திலாலான விசாலாக்ஷி சமேதராய் 2011 இல் இருந்து காட்சி அளிக்கிறார் சொர்ணலிங்கேஸ்வரர்.

இங்கே சம்போ பூஜை பிரசித்தம். தீபாவளிஅன்று லட்டுத் திருவிழா காண கூட்டம் அலைமோதும். இங்கே இறந்தால் முக்தி என்பதால் இந்தச் சத்திரத்துக்குச் சென்று  (ஆன்மவிடுதலை அடைய எண்ணி)  முதியவயதினர் சிலர் பல்லாண்டுகளாகத் தங்குவதும் உண்டு.

பக்கத்திலேயே காசி விசுவநாதர் கோயிலும் தஸஸ்வமேத யாகக் கட்டமும் இருப்பது குறிப்பிடத்தக்கது.

76 நகரத்தார் ஊர்களுக்கும் 9 நகரத்தார் கோயில்களுக்கும் கொண்டு செல்லப்பட்டு அபிஷேக ஆராதனைகள் நிகழ்த்தப்பட்டு பிரதிஷ்டை செய்யப்பட்டுள்ளது.

வெள்ளி, 27 அக்டோபர், 2017

அன்னப்பறவை - ஒரு பார்வை.

குழந்தைக் கவிஞர் அழ வள்ளியப்பா, செல்லகணபதி வரிசையில் நான் விரும்பி வாசித்த குழந்தைக் கவிதைகள் பாலசுப்ரமண்யன் அவர்களது கவிதைகள். இவரது ஆறாவது அல்லது ஏழாவது தொகுப்பாக இந்நூல் இருக்கவேண்டும். நடைவண்டி , வெள்ளைத் திமிர் போன்ற ஐந்து நூல்கள் முன்பே படித்திருக்கிறேன். அவற்றில் ஒன்று ஹைக்கூ தொகுப்பு என்றும் ஞாபகம்.

பாண்டிச்சேரியில் வசித்துவரும் பொறியாளரான இவர் கவிதைகள் குழந்தைகளுக்கு அறிவியல் அறிவு, தமிழ்ப்பற்று, தேசப்பற்று, தலைவர்களின் மேல் அபிமானம் , இயற்கை, விலங்குகள், பறவைகள்  பற்றிய நேசம் ஆகியவற்றை உருவாக்கக் கூடியவை.

இந்நூலில் அட்டைப்படம் வெகு அழகு. இதை வரைந்தவர் ஓவியர் இரா அன்பழகன். அன்று நாம் விளையாடிய அன்னப்பறவை ( ஆடுகுதிரை டைப் விளையாட்டுச் சாதனத்தில் ) யில் இரு குழந்தைகள் ஆடி மகிழ்வது அழகு. சாகித்ய அகாதெமி விருதாளர் ம. இலெ. தங்கப்பா அவர்கள் அணிந்துரை நல்கியுள்ளார்கள். கோனேரி பா. இராமசாமி வாழ்த்துரை அளித்துள்ளார்.

இரா வேலுச்சாமியின் மறுபடியும் பூக்கும் - ஒரு பார்வை.

கல்லூரிப் பருவத்திலும் கல்யாணப் பருவத்திலும் கொடுக்கப்பட்ட நூல்களை இப்போதுதான் முழுமையாக வாசிக்கிறேன். அவற்றில் ஒன்று இரா வேலுச்சாமியின் மறுபடியும் பூக்கும்.  1981 களில் வந்த கவிதைகள். இன்றைய காலகட்டத்தில்  இவற்றில் சில சாதாரணத் தன்மையோடு இருந்தாலும் பெரும்பாலானவை அன்றே துணிச்சலாக எழுத்தப்பட்டவை என்பது என்னைக் கவர்ந்தது.
லீவ்ஸ் ஆஃப் ஐவிக்கு  அதிகம் ஆர்ட்டிகிள் கொடுத்ததுக்காக கிடைச்ச பரிசு.
இரா வேலுச்சாமியின் இத்தொகுப்பு பற்றி பல்வேறு பிரபலங்கள்  கருத்துகள் கூறி இருக்கிறார்கள். மேத்தா, சேவற்கொடியோன், வலம்புரி ஜான், ஜெயதேவன், துவாரகா, கிருஷ்ணன் பாலா, திருநாவுக்கரசு, வண்ணமுத்து, சிவசங்கரன், டாக்டர் இரா. மோகன் ஆகியோர். இதில் இரா மோகனின் முன்னுரை அழுத்தமாக இருந்தது.

காகிதச் சங்கிலிகள். - ஒரு பார்வை.

நேற்று பழைய புத்தக அலமாரியை அடுக்கி வைத்துக் கொண்டிருந்தேன். அப்போது சுஜாதாவின் புத்தகம் கையில் சிக்கியது.  முகநூல் சகோ கல்யாண்குமார் சொல்லியபடி நம் பால்யத்தில் படித்த (கல்லூரிப்பருவத்தில் ) எழுத்தாளர்கள் பற்றியும் சொல்லியாக வேண்டும் என்ற அவாவில் இந்த இடுகை போட்டிருக்கிறேன். :)

அநேகமாக தமிழ் படிக்கத் தெரிந்த அனைவருக்கும் தெரிந்த எழுத்தாளர் சுஜாதா. ரங்கராஜனாகிய அவர் தன் மனைவி சுஜாதாவின் பெயரில் எழுதி வந்தார். சட்டென விஷயங்களைக் கடத்தும் எழுத்து அவருடையது. இவருடைய கணேஷ் வசந்த் இல்லாத தொகுப்பு இது. இத்தொகுப்பில் நான்கு கதைகள் இடம்பெறுகின்றன.

வியாழன், 26 அக்டோபர், 2017

மருதமலை முருகன் கோயில்.

மருதமலை மாமணியே முருகையா
தேவரின் குலம் காக்கும் வேலய்யா நீயா

மருதமலைக்கு நீங்க வந்து பாருங்க
தேவன் மகனோடு மனம் விட்டுப் பேசிப்பாருங்க
தீராத வினையெல்லாம் தீர்ந்துபோகுங்க
அது தீராவிட்டால் வந்து என்னைக் கேளுங்க.

என்ற இரு பாடல்களும் பள்ளிப்பருவத்தில் விரும்பிக் கேட்டவை. .

கோயமுத்தூர் சென்றால் மறக்காமல் தரிசிக்கும் இடங்களில் முதன்மையானது மருதமலை. கோவை அண்ணா பேருந்து நிலையத்திலிருந்து 15 கிமீ தொலைவில் உள்ளது. இந்த வழியில்தான் வடவள்ளி, அக்ரி காலேஜ் ஆகியன அமைந்துள்ளன. கோயிலுக்கு அருகில் காலேஜ் இருப்பதால் இளவட்டங்கள் குன்றிலிருக்கும் குமரனைச் சுற்றுவார்கள்.

வல்லக்கோட்டை முருகன் கோயில்

சென்னையிலிருந்து செங்கல்பட்டு செல்லும் வழியில் அமைந்துள்ளது வல்லக்கோட்டை முருகன் கோயில் . திருத்தணி செல்லும்  முன் இங்கே சென்று வணங்கிவிட்டுத்தான் சென்றோம் . அழகன் முருகன் ஆறடி உயரத்துக்கும் மேலே ( ஏழடி உயரம் என்கிறார்கள். ). வள்ளி தெய்வானையுடன் சுப்ரமணியனாக அழகுற நின்று அருள்பாலிக்கிறான். ஆயிரம் ஆண்டுகளுக்கு முற்பட்ட கோயில் என்கிறார்கள்.
அங்கே வேல் மட்டுமல்ல மயில்களும் கண்டோம். ஒன்றல்ல பல.

புதன், 25 அக்டோபர், 2017

காரைக்குடியில் ஸ்கந்தர்சஷ்டி விழாவும் திருப்புகழ் பாராயணமும்.

கடந்த ஆறு நாட்களாக காரைக்குடி நகரச் சிவன் கோயிலில் ஸ்கந்தர்சஷ்டி விழா நடைபெற்றது. முதல் நாள் திருமதி பாலாம்பாள் ஆச்சி அவர்கள் ஸ்கந்தபுராணம் படித்தார்கள். 
அதன் பின் காரைக்குடி திருவாசகம் முற்றோதல் குழுவின் திருப்புகழ் பாராயணம் நடைபெற்றது. இவர்களைத் திருக்கோயில் நிர்வாகத்தினர் மரியாதை செய்து சிறப்பித்தார்கள்.

ஸ்ரீ மஹா கணபதிம். - திருப்புகழ் அமுதம்.

தத்ததன தத்ததன தத்ததன தத்ததன
     தத்ததன தத்ததன ...... தனதான

......... பாடல் .........

பக்கரைவி சித்ரமணி பொற்கலணை யிட்டநடை
     பட்சியெனு முக்ரதுர ...... கமுநீபப்

பக்குவம லர்த்தொடையும் அக்குவடு பட்டொழிய
     பட்டுருவ விட்டருள்கை ...... வடிவேலும்

திக்கதும திக்கவரு குக்குடமும் ரட்சைதரு
     சிற்றடியு முற்றியப ...... னிருதோளும்

செய்ப்பதியும் வைத்துயர்தி ருப்புகழ்வி ருப்பமொடு
     செப்பெனஎ னக்கருள்கை ...... மறவேனே

இக்கவரை நற்கனிகள் சர்க்கரைப ருப்புடனெய்
     எட்பொரிய வற்றுவரை ...... இளநீர்வண்

டெச்சில்பய றப்பவகை பச்சரிசி பிட்டுவெள
     ரிப்பழமி டிப்பல்வகை ...... தனிமூலம்

மிக்கஅடி சிற்கடலை பட்சணமெ னக்கொளொரு
     விக்கிநச மர்த்தனெனும் ...... அருளாழி

வெற்பகுடி லச்சடில விற்பரம ரப்பரருள்
     வித்தகம ருப்புடைய ...... பெருமாளே.

---- ஸ்ரீ மஹா கணபதியே நமஹ. 

மகாபலிபுரம் சிற்பங்களால் நிரம்பியது. ஐந்து ரதம் போகும் வழியில் பல்வேறு கடைகளிலும் காணக்கிடைத்த சிற்பங்களில் நம்ம புள்ளையாரும் :) மாக்கல், மார்பிள் என்று விதம் விதமான பிள்ளையார்கள் காணக்கிடைத்தார்கள்.

ஷிர்டி சாய்  பாபாவும் பிள்ளையாரும்.

இன்னும் சில மரச்சிற்பங்கள்.

உறவினர் ஒருவர் வீட்டில் கதவின் கைப்பிடியை சுற்றி வித்யாசமாக அமைந்திருந்த மரவேலைப்பாடு. பூக்கள் இலைகள் வளைவுகளை  சிற்பம்போல் எப்படி இப்படி நுண்ணியமாக செதுக்க முடிந்தது எனத் தெரியவில்லை. அதன் பக்கமே சாவிக்கான துவாரமும் செதுக்கப்பட்டிருக்கிறது !

வார்ப்பிரும்பில் செய்யப்பட்டு சில்வர் வண்ணம் அடிக்கப்பட்டிருக்கும் கைப்பிடியின்  கொண்டியிலும் எத்தனை நெளிவு சுளிவுகள்.

பூக்கள். மை க்ளிக்ஸ். FLOWERS, MYCLICKS.

பூக்கள்  மனம் குளிர்விப்பவை. (அழகு) கொஞ்ச(சு)ம் பூக்கள் பார்த்து மனதை இலகுவாக்குவோம்.
இதுஅந்தி மந்தாரை. மஞ்சள் அந்திமந்தாரை.

சிவன் கோலங்கள்.

சிவனுக்குரிய சிறப்புக் கோலங்கள்.

இந்தக் கோலங்கள் 2. 11. 2017 குமுதம் பக்தி ஸ்பெஷலில் வெளியானவை. ‘’

ஞாயிறு, 22 அக்டோபர், 2017

இந்திய நதிநீர் இணைப்பு.

எத்தனை நதிகள் எத்தனை நதிகள்
அத்தனை நதியும் பெண்ணின் பெயர்கள்.
தாய்மைப் பண்பில் பெருகிடும் அன்பில்
வாய்மை தவறா மனிதர்கள் போலே
பொங்கிப் பெருகிய புதுப்புனல் ஆறுகள்
மங்கிப் போனதே மண்ணாய் ஆனதே
தவஞ்செய்து பெற்ற தவத்திரு நதிகள்
அவஞ்செய்த காரணம் காணாமல் போனதே
இடிப்பார் இல்லாமல் உரைப்பார் கேளாமல்
இந்திய நதிநீர் இழிந்தே கழிந்ததே.

ஆகலாம் அப்துல்கலாம்.

அக்கினிச்சிறகுகள் கொண்டு
கனவுகளைச் செதுக்கு
ஆகலாம் அப்துல்கலாம்.

உயரவேண்டுமென்ற உத்வேகம்
குறிக்கோளில் பிடிவாதம் கொள்
ஆகலாம் அப்துல்கலாம்.

சாதாரண மனிதனிலிருந்து
அசாதரணாய் வெளிப்படு
ஆகலாம் அப்துல்கலாம்.

விவசாயம் காப்போம்.

வேரில் கொஞ்சம் வெப்பம் பிண்ணாக்கு
தூரில் கொஞ்சம் தோட்டச் சருகுகுகள்.
மாட்டுச் சாணம் மண்புழுக் கழிவுகள்.
மக்கிய தழைகள் மகசூல் பெருக்கும்.

வயலைக் கொல்லும் பூச்சிக் கொல்லிகள்
காயம் ஆக்கும் சாயத்தண்ணீர்

ஊரணிக்கு உயிர் கொடுப்போம்.

ஊருக்கு அணி செய்யும்
பயிருக்கு உயிர் செய்யும்
உயிருக்கு நீர் வார்க்கும்
ஊரணிக்கு உயிர் கொடுப்போம்.

பாரெல்லாம் பயன் பெறவே
தூரெடுத்துத் தூர் வார்த்து
கரைகொண்டு கரை சேர்த்து
ஊரணிக்கு உயிர் கொடுப்போம்.

இளம் தொழில் முனைவோருக்கு சில ஆலோசனைகள்.

சர்வதேச நகரத்தார் வர்த்தக சபை சென்ற வருடம் துபாயை மையமாகக் கொண்டு இயங்கியபோது  தொழில் வளர்ச்சியில் முன்னணி வகிக்கும் தொழில் அதிபர்களை இனம் காட்டியதோடு இளம் தொழில் முனைவோரையும் உருவாக்கத் திட்டமிட்டது.
இளம் தொழில் முனைவோருக்கு என்னென்ன குணாதிசயங்கள் தேவை , என்னென்ன திறமைகளைக் கைக்கொள்ள வேண்டும் என வழிகாட்டத் திட்டமிட்டது. இதற்கென ஒரு குழு உருவாக்கப்பட்டது.

அக்குழு அதன் முதல் படியாக  அமீரகம் மற்றும் வெளிநாடுகளில் வசித்துவந்த செட்டிநாட்டுக்  குழந்தைகளுக்கு நம் வேர் பற்றியும், கலாச்சாரப்  பாரம்பரியப் பெருமைகள் பற்றியும், முக்கியமாக நம் சமூகக் கட்டமைப்பு & வியாபாரத் திறமைகள் பற்றியும் கற்றுக்கொள்ள வாய்ப்பு ஏற்படுத்தித் தரப்பட்டது.

சனி, 21 அக்டோபர், 2017

கறிக்குழம்பு.


கறிக்குழம்பு.

வெசம் வைக்கத்தான் காசு வாங்கிட்டுப் போனியா “ முகமெல்லாம் ஜிவுஜிவுக்க வாசலிலேயே நிற்கவைத்து கேள்விச் சவுக்கால் விளாசிக் கொண்டிருந்தாள் புவனா.

“யக்கா என்ன அக்கா இப்பிடி கேக்குறீங்க. என்னய போய் இப்பிடிக் கேட்டீங்களே அக்கா.. “ திக்கித் திக்கி அழுது கொண்டிருந்தாள் கங்கம்மா.

“ஆத்தாளைப் பாத்துக்குறேன், ஆத்தாளைப் பாத்துக்குறேன்னு காசு வாங்கிக்கிட்டு கடோசீலஅண்ணன் தம்பி வீட்ல கொண்டு போய்த் தள்ளுனது பத்தாதா. சொத்த வாங்கக் கையெழுத்துக் கேட்டீங்க சரி. அது ஏண்டி ஒத்தப் பொட்டப்புள்ளயா ஒன்னப் பெத்தவளுக்கே வெசம் வைச்சுக் கொன்னு போட்டே பாவி “ கண்கள் கலங்க ஓங்கிக் குரலெடுத்து ஆங்காரமாய்க் கத்திக்கொண்டிருந்தாள் புவனா. கோபத்தில் அவள் உடல் அதிர்ந்து ஆடிக்கொண்டிருந்தது.

”யக்கா என்ன நம்புங்கக்கா. நான் வெசம் எல்லாம் வைக்கல. அது ஆசைப்பட்ட கறிக்கொழம்பைத்தான் கொண்டு போனேன். சோத்துல போட்டு ஊட்டும்போது கூட கண்ணீர் விட்டுக்கிட்டே சாப்பிட்டுச்சுக்கா.. யக்கா. நானே எங்காத்தாளுக்கு வெசம் வைப்பனா..”

“இத எல்லாம் நம்பச் சொல்றியா. அப்பிடியே வெளிய போயிரு. எனக்கு ஆளும் வேணாம் தேளும் வேணாம். ஒம் மூஞ்சீல முழிக்கக்கூடப் பிடிக்கல. நீயெல்லாம் ஒரு மனுசியா. நீ சமைச்சத இனி எனக்குத் திங்கப் பிடிக்குமா. எங்க எனக்கும் வெசம் வைச்சிருவியோன்னுதான் பயமா இருக்கும் .. போ வெளியே “ என்று கத்தினாள் புவனா.

அவளது மூர்க்கத்தின் முன் நடுங்கி மயக்கம் வந்தவளாய்த் தடுமாறி எழுந்து சுவரைப் பிடித்து கதவைப் பிடித்து அழுது வடிந்த கண்களை முந்தானையால் துடைத்தபடி வெளியேறினாள் கங்கம்மா.

தீபாவளிக் கோலங்கள்.

தீபாவளிக் கோலங்கள்.

வெள்ளி, 20 அக்டோபர், 2017

வீரமங்கை ராணி வேலுநாச்சியார்.

வீரமங்கை ராணி வேலுநாச்சியார்.

இந்தியாவின் ”ஜோன் ஆஃப் ஆர்க்” என்று சரித்திர ஆய்வாளர் வேங்கடத்தால் புகழப்பட்டவர், தனது ஐம்பதாவது வயதில் வாளேந்திப் போராடி சிவகங்கைச் சீமையை மீட்டு அரசோச்சியவர் வீரமங்கை ராணி வேலுநாச்சியார்.  

”பதினெட்டாம் நூற்றாண்டில் ஆங்கிலேயர்களை எதிர்த்துப் போரிட்ட ராணி லெக்ஷ்மிபாயின் வீரம் பேசப்பட்ட அளவு தென்னிந்திய ராணி வேலுநாச்சியாரின் வீரம் பேசப்படவில்லை. ஆனால் லெக்ஷ்மிபாயின் போராட்டத்துக்கு 85 ஆண்டுகளுக்கு முன்பே ஆங்கில ஏகாதிபத்தியத்தை எதிர்த்தவர் வேலுநாச்சியார்” என்று கூறுகிறார் சரித்திரப் பேராசிரியர் சஞ்சீவி.

செவ்வாய், 17 அக்டோபர், 2017

சனி, 14 அக்டோபர், 2017

சாட்டர்டே ஜாலி கார்னர். ராதிகா யோகேந்தரின் புத்தகப் பையோடு மறைந்த பாட்டி

என் அன்பிற்குரிய (முகநூல் ) தங்கை ராதிகா யோகேந்தர். அசப்பில் என் இன்னொரு தங்கை லல்லி மாதிரியே இருப்பார். குறும்பிலும் கூட. நிறைய வாசிப்பார். தினம் போடும் ஸ்டேட்டஸ்களில் நகைச்சுவை அள்ளும். அவ்வப்போது கணவரிடம் வாங்கிய பல்புகளையும் பகிர்ந்து சிரிக்க வைப்பார். மொத்தத்தில் உற்சாகப் பந்து. அன்பின் உருவம்.

இவரிடம் நான் சாட்டர்டே ஜாலிகார்னருக்காக அவங்க பள்ளிபருவ நினைவுகள் அல்லது கார் ஓட்ட கற்றுக்கொண்ட அனுபவங்கள் பத்திக்  கேட்டிருந்தேன். இந்த வாரம் கேட்டதுக்கு உடனே வரமளித்து விட்டார்ப்பா. அதிலும் புதன் இரவு கேட்டதுக்கு வியாழன் இரவே அனுப்பி விட்டார். நிறைய பேரிடம் கேட்டு எல்லாம் பெண்டிங்கில் இருக்கு. ( அவங்கள எல்லாம் பின்னாடி கவனிச்சுக்குறேன். கிர்ர்ர்ர் ) :) தாங்க்ஸ் டா ராதி உடனே அனுப்பிச்சதுக்கு
.


வணக்கம் நான் ராதிகா யோகேந்தர் ..நான் கோவைல வசிக்கிறேன் ..பிறப்பால் மலையாளி ஆனால் தமிழ் மேல் உள்ள ஆர்வத்துல தமிழ் லிட்ரேச்சர் முடிச்சு இருக்கேன்..அப்புறம் முகநூல், வாட்ஸ் ஆப்,இன்ஸ்டாகிராம் இதுல எல்லாம் களமாடிட்டு ,ஸ்முல் அப்டிங்கிற ஆப்ல பாட்டும் பாடிட்டே, வீட்டையும் கவனிச்சு,கணவர், குழந்தையை நல்லா பாத்துக்கிற ஒரு நல்ல குடும்பத்தலைவி..கணவர் அரசு பள்ளி ஆசிரியர், ஒரே மகள் சின்ன அளவான மகிழ்ச்சியான குடும்பம்.

வெள்ளி, 13 அக்டோபர், 2017

அறுபடை முருகன் கோயில்கள் :- திருத்தணி.

திருச்செந்தூரில் போர்புரிந்து வினையெல்லாம் தீர்த்த கந்தன்
திருத்தணி கோயில் கொண்டானாம்
அவன் பக்தர்கள் எல்லாம் காவடி தூக்கி வந்தாராம்

நெருங்கிச் செல்லுங்கள் முருகனின் ஊரை
உருகிச் சொல்லுங்கள் முருகனின் பேரை.
வேல்முருகா வெற்றி வேல்முருகா
வேல்முருகா வெற்றி வேல்முருகா ... அரோகரா .

அழகெல்லாம் முருகனே
அருளெல்லாம் முருகனே
தெளிவெல்லாம் முருகனே
தெய்வமும் முருகனே.. ! தெய்வமும் முருகனே.
சென்னையில் இருந்து 87 கிமீ தூரத்தில் இருக்கிறது திருத்தணிகை. சுவாமிமலையில் தமிழ் வருடத்தின் 60 படிகள்  (என்றால் இங்கே ஒரு வருடத்தின் 365 நாட்களையும் குறிக்கும்படி 365 படிகள் உள்ளன என குறிப்பிட்டு இருக்கிறார்கள். ஆனால் படிகள் குறைவுதான். இன்னொரு இணைப்பில் 60 படிகள்தான் உள்ளதாக குறிப்பிடுகிறார்கள். காரில் சென்றதால் தெரியவில்லை.  ) நடக்க எளிதானவைதான்.  ஒரு மாலையில் சென்றோம். மிக இனிமையாகவும் குளுமையாகவும் இருந்தது.

அறுபடை முருகன் கோயில்கள் :- சுவாமிமலை/திருவேரகம்

ஈசனோடு பேசியது போதுமே
என்னோடும் பேசுசாமி நாதனே
ஆசையோடு தமிழெடுத்துப் பாடினேன்
ஐயாஉன் திருவடியை நாடினேன்


கண்சீறும் பொறியூறி பிறந்தவா
கமலத்தில் அன்று நீயும் தவழ்ந்தவா
தண்ணீரில் சளியுனக்குப் பிடிக்குமே
சரவணத்துப் பொய்கைவிட்டு எழுந்துவா 


கடலோரம் நிற்பவனே சண்முகா
கடல் நீரால் உடல் அரிக்கும் அல்லவா
நடமாடும் மயிலேறி இங்குவா
நல்ல மனக் கோயிலுண்டு தங்கவா

குன்றத்திலே கல்யாணம் ஆனதால்
குவலயத்தை நீமறத்தால் நியாயமா
குன்றத்தையும் விட்டிறங்கி ஓடிவா
கொஞ்சு தமிழ் இசைகேட்டு ஆடிவா

பன்னிரண்டு கண்களாடுந் தெய்வமே
என்னை மட்டும் காணமனம் இல்லையோ
உன்னை விட்டு யாரை இனி நம்புவேன்
சண்முகனே என்னுடனே வம்புஏன்

ஒன்றிரண்டு விழியேனும் திறந்திடு
ஓரவிழிப் பார்வையேனும் புரிந்திடு
என்றுமுனை நம்பிநின்றேன் வரங்கொடு
ஏற்றமுடன் யான் வாழ வரங்கொடு. 


-- நன்றி பஜனை.காம். 

 அப்பனுக்குப் பாடம் சொன்ன சுப்பையா,

நாடறியும் நூறுமலை நானறிவேன் சுவாமிமலை.
கந்தன் ஒரு மந்திரத்தை..
கந்தன் ஒரு மந்திரத்தை
தந்தையிடம் சொன்ன மலை.. சுவாமி மலை.

கந்தன் திருநீறணிந்தால் கண்டபிணி ஓடிவிடும்.
சிறுவயதில் மன்னார்குடியில் இருந்து ஒவ்வொரு கிருத்திகைக்கும் அப்பா டாக்சி எடுத்து குடும்பத்தோடு அழைத்துச் சென்று சுவாமிமலை சுவாமிநாத சுவாமியை தரிசனம் செய்துவைப்பார்.
தமிழ் வருடத்தின் 60 படிகள் கொண்ட குட்டி மலையில் சென்று அந்த சுவாமிநாதனை அதிகாலைக் குளிரில் தரிசிக்கும் சுகம் அற்புதம். மாபெரும் கோயிற்கதவுகள். மிகப் சந்நிதியில் அருள்பாலிக்கும் அழகு முருகனைக் காணக் கண்கோடி வேண்டும்.

அறுபடை முருகன் கோயில்கள் :- பழனி/திருஆவினன்குடி

அறுபடை முருகன் கோயில்கள் :- பழனி

பழனி மலை முருகா
பழனித் திருக்குமரா
பழம் ஒன்று எந்தனுக்குத் தா
ஞானப் பழம் ஒன்று எந்தனுக்குத் தா

முருகனைக் கூப்பிட்டு
முறையிட்ட பேருக்கு
முற்றிய வினை தீருமே
பழனி முருகனைக் கூப்பிட்டு

பழனி என்னும் ஊரிலே
பழனி என்னும் பேரிலே
பவனி வந்தான் தேரிலே
பலனும் தந்தான் நேரிலே
முருகன் பலனும் தந்தான் நேரிலே.
இராக்கால மடத்தில் வழிபடப்படும் தெண்டாயுதபாணி 
"ஆண்டிக் கோலத்தில் அமர்ந்தாய் தண்டுடனே" என்று பாடல் பாடினாலும் எல்லாரும் தரிசிக்க விரும்புவது பழம் நீ இராஜ அலங்காரனையே. காலையில் பழனி தெண்டாயுதபாணி  பாலதண்டாயுதபாணியாகவும் மதியம்  வைதீகக்  கோலத்திலும் மாலை இராஜ அலங்காரத்திலும்  காட்சி அளிக்கிறார் முருகப் பெருமான்.
இது கீழே இருக்கும் திருவாவினன்குடி கோயில்.

வியாழன், 12 அக்டோபர், 2017

அறுபடை முருகன் கோயில்கள் :- திருச்செந்தூர்.

அறுபடை முருகன் கோயில்கள் :- திருச்செந்தூர்.

"திருச்செந்தூரின் கடலோரத்தில்
செந்தில்நாதன் அரசாங்கம்.
தேடித் தேடி வருவோர்க்கெல்லாம்
தினமும் கூடும் தெய்வாம்சம்.

இது அசுரரை வென்ற இடம்
இது தேவரைக் காத்த இடம்
ஆவணி மாசத்திலும் வரும் ஐப்பசி திங்களிலும்
அன்பர்  திருநாள் காணுமிடம்.  "

இந்தப் பாடலை கேட்காத குழந்தைகளே இருக்க முடியாது 80களில். 85களில் கல்லூரிப் பருவத்தில்  ( தாழையூத்து சிமிண்ட் பேக்டரி, தாரங்கதாரா NaOH FACTORY  , ஸ்பிக் ஆகியவற்றுக்கு எஜுகேஷன் டூர் செல்லும்போது வழியில் மணப்பாடு, உவரி, தூத்துக்குடி துறைமுகம், திருச்செந்தூர் முருகன் கோயில், கன்னியாகுமரி ஆகியன சென்றுவந்தோம். ) ஒரு முறை திருச்செந்தூர் சென்றிருக்கிறேன். அப்போது தாயத்தில் ஒரு ரூபாய்க்குள் உருளும் சாமி என ஒரு கவிதை  எழுதி இருக்கிறேன்.

மிக நீண்ட நடையில் சென்றபின் கோயில் வரும். அதற்கு அணைவாய் அலைகளுடன் துள்ளும்  கடல். அங்கே வள்ளி ஒளிந்த இடம் சென்றிருக்கிறோம் அப்போது. சிறு குகை போன்றிருக்கும்.


2000 ஆண்டுகளுக்கு முற்பட்ட கடற்கரைக் ( கடல் அழிக்காத ) கோயில். ஒன்பது நிலை ராஜகோபுரம் கம்பீரமாக நம்மை வரவேற்கும். இரு சுற்றுப் பிரகாரங்கள். குழந்தை வடிவில் சேயோன் கோயில் கொண்ட கருவறை,  குகை போலக் காட்சி அளிக்கிறது.

இந்தக்  கோயில் கடற்கரையில் இருந்தாலும் இது சந்தனமலையில் ( கந்தமாதான பர்வதம்  என்ற மலையில் ) அமைந்திருக்கிறதாம். "மாப்பிள்ளை சுவாமி"யாகவும் சிவனை வணங்கும் தவக்கோலத்தில் கையில் மலர் வைத்த நிலையிலும்  இருவேறு வடிவங்களில் ( கருவறையின் பின்னே சிவலிங்கமும் உண்டு ) காட்சி அளிக்கிறார் முருகன். 

தேவர்களை வாட்டிய சூரபதுமனை அழிக்க தேவர்கள் சிவனை வேண்டினர். அவர் நெற்றிக்கண்ணில் இருந்து தோன்றிய அறுபொறிகளும் ஒன்று சேர்ந்து முருகப்பெருமான் உருவாகினார். சூரபத்மனை அழிக்க வந்த வேலனைக்காண வியாழன் தவம் இருந்தார். தவமாய் தவமிருந்த அவருக்குக் காட்சி அளித்தார் வேலன். வியாழபகவான் விஸ்வகர்மாவை அழைத்து தனக்கு தரிசனம் அளித்த முருகப் பெருமானுக்காக இக்கோயிலைக் கட்டுவித்தாராம்.

சூரனை சுப்ரமணியன் வென்றதால் செயந்திநாதர் என்று அழைக்கப்பட்டு அதுவே மருவி செந்தில்நாதன் என்றானதாம். அதேபோல் இந்த இடமும் திருஜெயந்திபுறம் என்பது மருவி திருச்செந்தூர் என அழைக்கப்படுகிறதாம்.

கோயில் கோபுரத்தில் மயில். மயிலோன் இருக்கும் இடத்தில் எல்லாம் மயில் உலவுகிறது ! ( இந்திரமயில்களும் தேவமயில்களும் இங்கே உலவுகின்றனவாம். ! )

தம்பி  குடும்பத்தாரோடு சிலவருடம் முன்பு இங்கே  சென்றேன். பழமுதிர்சோலையில் சோலை மலையானை வணங்கிவிட்டு மதியம் மதுரையிலிருந்து புறப்பட்டு திருநெல்வேலி, தூத்துக்குடி வழியாக திருச்செந்தூரை வந்தடைந்தோம். அங்கே இரவாகி விட்டதால் உடன் கோயிலுக்குச் சென்று இராக்கால பூஜை பார்த்தோம்.

அறுபடை முருகன் கோயில்கள். :- பழமுதிர்சோலை

சின்னஞ்சிறு முருகா சீர் முருகா
வண்ணமயில் முருகா மால் மருகா
......................................................
சுட்ட பழம் வேண்டுமா
சுடாத பழம் வேண்டுமா என்று
ஒளவையைக் கேட்டவனே  

என்று சிறுவயதில் பாடுவதுண்டு. தமிழ்ப் பாட்டி ஒளவையைச் சிறுவனாய் வந்த முருகன் சோதித்த இடம் இது. ஓளவைக்காக நாவல் பழங்களை முருகன் உதிர்த்த ஸ்தலமாதலால் இது சோலை மலை என்றும். பழமுதிர் சோலை என்றும் அழைக்கப்படுகிறது.

அறுபடை வீடுகளில் மதுரையில் முதல் வீடான திருப்பரங்குன்றத்தைத் தரிசித்தவுடன் மறுநாளே ஆறாம் படைவீடான பழமுதிர்சோலைக்குச் சென்றோம். இது கள்ளழகர், சோலைமலை முருகன், பதினெட்டாம்படிக் கருப்பர், ராக்காயி அம்மன் கோயில் ஆகிய நான்கு கோயில்கள் இணைந்த ஸ்தலமாகும். இது திருமாலும் அவர் மருமானும் கோயில் கொண்ட இடம். சைவ வைணவ ஒற்றுமைக்கு எடுத்துக்காட்டான இடம்.

அழகன் முருகனைப் பார்க்கப் போனால் வேலும் மயிலும்தானே கூட வரவேண்டும். ஆனால் இங்கோ அரிவாள் கூட வந்தது. அதுவும் அங்கே முதலில் பதினெட்டாம்படிக்கருப்பருக்கு  அரிவாள் வேண்டுதல் செலுத்தச் சென்ற மக்கள் கூட்டம் இது.

அம்மாடியோவ் எவ்வளவு பெரிய அரிவாள்கள். அதை பத்துப் பன்னிரண்டு பேர் சுமந்து சென்றார்கள். இதேபோல் பல அரிவாள்கள் ஒன்றன்பின் ஒன்றாக அணிவகுத்தன.அத்தனையும் ஆண்களே சுமந்து சென்றார்கள்.

புதன், 11 அக்டோபர், 2017

சாரல்கவரியும் மழைச்சலங்கையும்

1601. avoid bubble busters and work for progress.. happy morning makkass..

1602. தலைவர் சிலமுறை முட்டாளே என்று திட்டி இருக்காரு. சீறி எழுந்து சினக்கும் நான் இன்று சிரித்து அனுபவித்தேன். ஒருவேளை பழகிருச்சோ

1603. அன்பை அதிகம் ஊற்றினாலும் நட்புத்தாவரம் பட்டுவிடும்.

1604. தனக்குத்தானே சாரல்கவரி வீசிக்கொள்கிறது மழை.ஒரு கையில் மிஷ்கின், இன்னொரு கையில் இதமான சூட்டில் நரசூஸ், பால்கனி சேரிலும் குட்டிமுத்தம் இட்டு இழுக்கிறது மழை. கொசுவலைத் தடுப்பின் பின் பின் சேரில் விழுந்து ஆடி மடிசாயும் மிளகாய்ச்செடியின் பூவும் நானும் மழையுடன் கைகோர்க்க காற்றும்  குளிருடன் நடனமாடத் துவங்குகிறது. 

1605. சரம் சரமாய்க் குதித்திறங்குகிறது மழை , ஒருமுறை ஆமோதிப்பாய் "ம்" என்று சொன்னதற்கு.  தேர்வடமாய் என்னைச்சுற்றி முறுக்கி இழுத்தாட்டுகிறது . மூழ்கி எழுந்து இலையைப் போல மிதந்து மிதந்து பின்னே போகிறேன்.

1606. அளவற்ற பெருவெளி நீர்த்திப்பியால் நெகிழ, சந்தோஷமாய்க் கரைந்தோடுகிறது சேறு, சுயமிழத்தலில் இவ்வளவு இன்பமா

1607. பால்கனிச்சுவரில் ஒண்டி துளசியும் மிளகாயும பாலக்கும் ஆச்சார்யக் கண்கொண்டு எட்டிப்பார்த்துக் கொண்டிருக்கின்றன திடீரென நடனத்தை நிகழ்த்திய மழையை. எனக்குத்தான் பதக் பதக் என்கிறது எங்கே மழை தன் சலங்கை உதறி அவற்றைத் தள்ளிவிடுமோவென.

திரு உத்திரகோசமங்கை

ராமேஸ்வரம் செல்லும் வழியில் இக்கோயிலுக்குச் செல்லாதவர்கள் குறைவு. ஆதியில் தோன்றிய  சிவன் கோயில் என்று இதைச் சொல்கிறார்கள். இந்த உத்திரகோசமங்கை மண்ணை மிதித்தாலே முக்தி என்கிறார்கள்.
மாபெரும் ஏழுநிலை, ஐந்துநிலை கோபுரங்கள். நீண்ட பிரகாரங்கள். பல சுற்று அமைந்திருக்கின்றன இப்பிரகாரங்கள். நிறைய தனிச்சந்நிதிகள்.

செவ்வாய், 10 அக்டோபர், 2017

லலித் கலா அகாடமியில் விகடனின் ஓவியங்கள். - 3.

லலித் கலா அகாடமியின் வாயிற்புறம் நிறைய சிற்பங்கள் பார்வைக்கு வைக்கப்பட்டுள்ளன. அங்கேதான் ஓவியர் வீரசந்தானத்தை முதன் முறையாகப் பார்த்தேன். தாடி மீசையுடன் ஜிப்பா போட்டிருந்தவர் புகைத்துக் கொண்டிருந்தார். உள்ளே ஊர்ப்பட்ட ஓவியங்கள் பார்வைக்கு வைக்கப்பட்டிருந்தன. பாதி விற்பனையும் ஆகி இருந்தன.  

அங்கே நான் பார்த்த மிச்ச ஓவியங்கள் உங்கள் பார்வைக்கு இங்கே.
உள்ளே சென்றதும் விகடன் ஆசிரியர் ரா கண்ணன், சந்திரா, கவின்மலர்  ஆகியோர் இருந்தார்கள்.  நாணயம் விகடனில் என் மாமா நாகப்பன் எழுதுவது பற்றி கண்ணன் குறிப்பிட்டுப் பேசினார். சந்திரா, கவினோடு கைகுலுக்க ஆசைப்பட்டேன் . அணுக்கமான சூழ்நிலை தென்படாததால்  நகர்ந்து சென்று ஓவியங்களை பார்வையிடத் துவங்கினேன். அதன்பின் ஓவியர் கோபுலுவை நடுநாயகமாக அமரவைத்து புகைப்படக்காரர்கள் படம் எடுத்துக் கொண்டிருந்தார்கள்.
விதம் விதமான மனித முகங்கள் சிற்பங்களில் .

லலித் கலா அகாடமியில் விகடனின் ஓவியங்கள். - 2

தானே துயர் தீர்க்க நீண்ட விகடனின் ஓவியக் கரங்கள் என்ற தலைப்பில் முன்னேயே ஒரு போஸ்ட் போட்டிருக்கிறேன். அதில் தப்பிப் பிழைத்த இன்னும் சில ஓவியங்கள் இங்கே உங்கள் பார்வைக்கு. நண்பர்கள் ஜீவாநந்தன் பி ஆர் ராஜன் ஆகியோரின் ஓவியங்களை அதிலேயே பகிர்ந்துள்ளேன்.
ராம் அடைக்கலசாமியின் ஓவியம் மரங்களையும் இயற்கையையும்  பாதுகாக்கச் சொல்கிறது.
பாஸ்கரனின் ஓவியம். மீன்கள் இலைகள் என்று கலவையான படிநிலை ஓவியம்

இரணியூரில் குபேர ஹோமமும் பச்சைக் குங்குமமும்.

இரணியூரில் வளர்பிறை அஷ்டமி விசேஷம். தேய்பிறை அஷ்டமி பைரவருக்கு உகந்ததுபோல் வளர்பிறை அஷ்டமி குபேரனுக்கு உகந்தது என்கிறார்கள். ஆட்கொண்டநாதர் சிவபுரந்தேவியை குபேரன் வணங்கி அருள் பெற்ற ஸ்தலம் என்பதால் விசேஷம். நாமும் அவரை வணங்கினால் அருளும் பொருளும் வழங்கி செழிப்படைய வைப்பார் என்பது நம்பிக்கை

இந்த ஹோமம் ஓவ்வொரு மாதமும் வளர்பிறை அஷ்டமியில் அங்கே இருக்கும் யாக/ஹோம மண்டபத்தில் நிகழ்கிறது. முன்பே இதற்குப் பதிவு செய்திருக்கிறார்கள். எங்கள் உறவினரின் அழைப்பின்பேரில் சென்றிருந்தோம்.

திங்கள், 9 அக்டோபர், 2017

மகர்நோன்பும் மண்டகப்படியும் வாழைப்பழ மாலையும்.

நெல்லிமரத்துப் பிள்ளையார் கோவிலில் கும்பாபிஷேகம் முடிந்த 48 நாட்களுக்குள் ( ஒரு மண்டலத்துக்குள்  - மண்டகப்படிக்குக்  ) அபிஷேக ஆராதனைக்குக் கொடுத்திருந்தோம். அப்போது நவராத்திரி சமயமாதலால் கோயிலில் கொலு வைக்கப் பட்டிருந்தது. நவராத்திரியை இங்கே மகர்நோன்பு என்பார்கள்.

காரைக்குடியில் மகர்நோன்பு சிறப்பு. அதிலும் 4 சாமிகள் ஒரு சேர மகர்நோன்புப் பொட்டலில் அம்புபோடும் திருவிழா நடக்கும். ( திருநிலை அம்மன், சிவன், கொப்புடையம்மன், பெருமாள் ) ஆகிய தெய்வங்கள் குதிரை வாகனங்களில் எழுந்தருளி இருக்கும்போது மக்கள் இந்த நான்கு கோயில்களுக்கும் பகலில்  போய் மாவிளக்குப் போடுவார்கள்.

அதன் பின் மாலையில் சுவாமிகள் உலா வந்து மகர்நோன்புப் பொட்டலில் அம்பு போடுவார்கள். சுவாமி போட்ட இந்த அம்பு கிடைத்தால் விசேஷம் என்று கூட்டம் அள்ளும். சிறுகுழந்தைகளும் அன்று எண்ணெய் தேய்த்துக் குளித்துவிட்டு பெற்றோருடன் வந்து ( அறுபத்துமூவர் மடம் அருகில் ) கட்டப்பட்டிருக்கும் வாழை மரத்தில் அம்பால் குத்துவார்கள். இதற்குக் கிலுக்கி எடுத்தல் என்று பெயர். ஆண்குழந்தைகள் பிறந்த முதல் வருடத்தில் அம்பு போடுவது ( கிலுக்கி எடுத்தல்) மிக விசேஷம். எல்லா ஊர்களிலும் இருக்கும் காரைக்குடிக்காரர்கள் இந்த சமயம் காரைக்குடியில்தான் இருப்பார்கள்.

இந்த சமயம் அநேகமாக எல்லாக் கோயில்களிலும் கொலு வைக்கப்பட்டிருக்கும்.
தசாவதாரம் அருமை என்றால் அஷ்ட லட்சுமிகளும் கொள்ளை அழகு.
மேல் படியில் ஸ்ரீராமர் பட்டாபிஷேகமும் ஆஞ்சநேயரும் வெண்ணைக் கிருஷ்ணனும் எழுந்தருளி இருந்தார்கள்.

தலைச்சீலையில் முடிவதும், தலவு/தலைப்பு முடிவதும். - காரைக்குடி கைவேலைப்பாடு.

தலைச்சீலையில் முடிவதும்,  தலவு/தலைப்பு முடிவதும். - காரைக்குடி கைவேலைப்பாடு.

*861.திருமண நடைமுறைகளில் தலைச்சீலையில் முடிவது என்று ஒரு சடங்கு உண்டு. மணவறையில் மாப்பிள்ளையும் பெண்ணும் அமர்ந்திருக்க அவர்கள்பின் நின்று மாப்பிள்ளை, மணமகளின் மாமன்மார்கள் , திருமணம் செய்துவைக்கும் வேதியர் சொன்னபடி வெற்றிலை பாக்கை இருவர் தலையிலும் மாற்றி மாற்றி வைத்து எடுப்பார்கள். ( இதை என் உறவினர் ஒருவர் சொன்னார் )

*862.திருப்பூட்டி முடிந்ததும் மாமியார் சடங்கு, நாத்தனார் சடங்கு முடிந்து அந்த வெற்றிலை பாக்கை இடுப்பில் செருகி வைத்துக் கொள்ளச்சொல்வார்கள். அது என்று நினைத்து எழுதி இருக்கிறேன் முன்னொரு இடுகையில்.

திருப்பூட்டிய  பின்பு மணவறையை வலம் வரும்போது மாப்பிள்ளையின் அங்கவஸ்த்ர நுனி & பெண்ணின்  திருமணப் பட்டின் முந்தி  இரண்டையும் முடிச்சிட்டு இருப்பதையும் தலைச்சீலையில் முடிவது என்று எண்ணி இருக்கிறேன்.  பொதுவாக இங்கத்திய திருமணங்களில்  கிடையாது. அது வடநாட்டார் பழக்கம்.

நிற்க.

தலைச்சீலையில் முடிவதற்கும் இந்த தலைப்பு முடிவதற்கும் எந்த சம்பந்தமும் கிடையாது. சிண்டு முடிவதற்கு கூட :)

*863.பட்டுப்புடவை வாங்கியதும் கடைக்காரர்கள் கசவு பிரித்து முடிந்து கொடுப்பார்கள் அது குஞ்சலமாகத்  தொங்கும்.

நாம் *864 முந்திமுடியச்சொல்லிக் கொடுத்தால் இதற்கென காரைக்குடியில் இருக்கும் கைவினைக் கலைஞர்கள் ( பெண்கள்)  புடவைக்கு முதலில் ஓரம்  அடிப்பார்கள். அதன்பின் இந்தக் குஞ்சலத்தைப் பிரித்து நன்கு நீவி சிறிய சீப்பால் சீவுவார்கள். *865இரு வரிசையில் இருந்து ஏழு வரிசை வரைமுடிந்து கொடுப்பார்கள். இந்த ஏழு வரிசை முடிந்து கொடுக்க  ஒரு வரிசைக்கு 50 ரூபாய் வீதம் மொத்தம் 350 ரூபாய் ஆகும். ஓரம் அடிக்க இருபது ரூபாய் தனி.

ஆனால் ஏழுவரிசை முடிய நூல் பத்தாவிட்டால் முந்தியில் நிறைய பிரித்து விட்டு முடிவார்கள். இவ்வாறு முடிந்தால் *866.சித்திரமாய் அழகாய் இருக்கும்.

இவ்வாறு இதை முடியாவிட்டால் ஓரம் எல்லாம் பிரிந்து விடும் என்பதெல்லாம் இல்லை. இது காரைக்குடிப் பக்கட்டு மட்டுமே இருக்கக்கூடிய ஒரு கைவேலைப்பாடு. ஒவ்வொரு ஊரிலும் ஒரு எம்பிராய்டரி, பின்னல் வேலை இருப்பது போல் காரைக்குடிக்கே உரித்தான கைவேலை இது.

முன்பெல்லாம் யாரிடமாவது கொடுத்துத்தான் முடிவது வழக்கம். இதை நானே பின்ன கற்றுக் கொண்டேன். இங்கே இருக்கும் புடவைகள் ( 20 பட்டுப்புடவைகள் இருக்கும் ) நானே முடிந்ததுதான். ( தற்பெருமை. )

ஆனால் சிலவற்றை இரு வரிசைகளும். அதிகபட்சம் நான்கு வரிசைகளும் முடிந்துள்ளேன்.  ஒவ்வொரு குஞ்சலமாகப் பிரித்து *867முக்கோணமாகவும். எல்லா குஞ்சலத்தையும் பிரித்து வரிசையான *868செயின் முடிச்சாகவும் முடிந்துள்ளேன். 

கல்யாணம் ஆனதிலிருந்து ஊசி நூல் பின்னுறது, பிரிக்கிறது , முடியிறது.. ஸ்வெட்டர், க்ரோஷா, எம்பிராய்டரி,  ப்ளவுஸ் ஹெம்மிங் என்று டிவி பார்க்கும்போதெல்லாம் இதுதான் என் வேலைகள். ரங்க்ஸ் கொஞ்சம்  தள்ளியே அமர்ந்துகொள்வார். ஊசி நூலால் குத்தி விடக்கூடாது அல்லவா :)  :)

காய்கனி பூ பழம் மை க்ளிக்ஸ். MY CLICKS.

நிறைய பேர் முக நூலில் சமையல் குறிப்பு பகிர்ந்த காலத்தில் என்னிடம் சுண்டைக்காய், தூதுவளைக்கீரை இதெல்லாம் படம் போட சொல்லி கேட்டிருக்காங்க. அப்போ போடமுடியலை. அதுனால இப்போ போட்டிருக்கேன்.
இதில் முளை கட்டிய பயறு எங்கே வந்ததுன்னு பார்க்கிறீங்களா. ( ( குக்கிங் ஆல்பத்துல முதல்ல இருந்தது. ) இயற்கை உணவு என்பதால் போட்டேன். :)

பீட்ருட் தோசைக்காக முளைகட்டியது.
நாவல் பழமா சீட்லெஸ் கிரேப்ஸான்னு மறந்துடுச்சு

ஞாயிறு, 8 அக்டோபர், 2017

கடலுக்கு அப்பால். ஒரு பார்வை.



கடலுக்கு அப்பால். ஒரு பார்வை.

"மனிதனால் தாங்க முடியாத துயரம் என்று சொல்வதற்கு எதுவுமே இல்லை. மனதை இழக்காதவரை  நாம் எதையும் இழப்பதில்லை". இதுதான் சிங்காரம் சொல்லும் செய்தி என்கிறார் முருகேச பாண்டியன். அது உண்மைதான் ஆனால் எதையும் தோற்றுவிடுவோமோ அதிலும் காதலில் என்ற ஈகோதான் இக்கதையைச் செலுத்துகிறது.  புயலிலே ஒரு தோணியின் நாயகன் பாண்டியன் கவர்ந்ததைவிட இதின் நாயகன்  செல்லையா நம்மை மிகவும் கவர்கிறார்.

ஆரம்பத்திலும் நடுவிலும் புலம்பெயர் வாழ்வின் துயரங்களும் உலகப்போரின் கொடுமைகளும் வந்தாலும் இதில் செல்லையா மரகதத்தின் பால் கொண்ட மென்மையான காதல் சித்தரிக்கப்படுகிறது. எங்குமே எல்லை மீறாத காவியக் காதல்.  

காதல் என்பது கூட நான் என்ற அகந்தைதான். அந்த அகங்காரத்தை அடுத்தவர்மேல் திணித்து அதையும் காதல் என்று எண்ணி திரும்ப அவரிடமிருந்து வலுக்கட்டாயமாக நாம் விரும்பும் பதிலை செய்கையை. விளைவுகளை எதிர்பார்க்கிறோம், பிடிக்குள் வைத்துக்கொள்ள விரும்புகிறோம்  என்று தோன்றுகிறது.

சனி, 7 அக்டோபர், 2017

புராதன வீடுகளும் புதுப்பித்தலும்

புராதன வீடுகளும் புதுப்பித்தலும்.

*841இந்தப் புராதன வீடுகள் சுமார் 500 ஆண்டுகளுக்குள் கட்டப்பட்டவைதான். பெரும்பாலானவை 200 ஆண்டுகளுக்கு முற்பட்டதாக  இருக்கும். இவற்றைக் கட்டியவர் கொள்ளுப்பாட்டையா.  தன் ஒரே வருமானத்தில் அவர்கள் கட்டிய இவ்வீடு இன்று அவர்களது பிள்ளைகுட்டி பேரன்பேத்திகளால் நிரம்பி *842.பங்கு வீடாகி விட்டது. ஆனால் ஒருவரே ரிப்பேர் பார்க்க இன்றைய வருமானத்தில் இயலுவதில்லை. எனவே அனைவரும் பங்கேற்று பழுது பார்க்கின்றார்கள். ஓரளவு பழுது உள்ள வீடுகள் தப்பிப் பிழைக்கின்றன. ஆனால் நிறைய*843 அளவில் சேதமான வீடுகளை *844மேங்கோப்பைப் பிரித்துவிட்டு இடத்தைப் பிரித்துக்கொண்டு பிளாட் கட்டி விடுகிறார்கள்.


*845மீனாக்ஷி சொக்கர் திருமணம். விஷ்ணு தாரை வார்க்கிறார்.

கீழே பிரம்மா  அமர்ந்திருக்கிறார். நடுவில் ஹோமத்தீ. மிக அற்புதமான முன்கோப்பு அமைந்த இல்லத்தில் என் சகோதரனுக்கும் பங்கிருக்கிறது.
*846மேலே உச்சியில் மஹாலக்ஷ்மி அருள்பாலிக்க இருபுறமும் கவரிப் பெண்கள்.

*846அதன் கீழ் பக்கவாட்டில் இருபுறமும் காவலர்கள்.

*847இடி விழாமலிருக்க உச்சியில் வைத்த வரகு சாமை பொதித்த கலசங்கள் முறிந்துள்ளன.

*848வேதியர் வேள்வியில் நெய் வார்க்கிறார். இரு பக்கமும் தும்புருவும் நாரதரும் இசைக்கிறார்கள். அவர்கள் இருபுறமும் இரு குழந்தைகள் அமர்ந்திருக்கிறார்கள்.

சாட்டர்டே ஜாலி கார்னர் - இப்னு ஹம்துனின் கடவுள் தேடலும் வாழ்க்கைப் பயணமும்.


முகநூல் சகோ ஃபக்ருதீன் இப்னு ஹம்துன். நான்கைந்து ஆண்டுகளாகத் தெரியும். நேரில் பார்த்ததில்லை. ஆனால் கல்யாண் நினைவுக்கவிதைப் போட்டியில் - நாங்கள் -  நான் இருமுறை பெற்ற பரிசுப் பணத்தை இந்தியா வந்திருந்தபோது மெயில்முலமாகக் கேட்டு எங்கள் வங்கி அக்கவுண்டில் செலுத்தியவர். 

இவரது வெண்பாம்கள் பிரசித்தம். அதுபோல் இவர் வல்லமை இணையம் வைத்த ஒரு கடிதப் போட்டிக்கு எழுதிப் பரிசும் பெற்றிருக்கிறார். எழுத்தாற்றல் மிக்க ஆசாத் ஜி, ஜமாலன், ஷேக் சகோ , கனவுப் பிரியன் போன்ற வளைகுடா வாழ் தமிழர்களில் இவரும் ஒருவர்.

வெள்ளி, 6 அக்டோபர், 2017

ஷில்பாராமில் பாரம்பரிய நடனக் காட்சிகள் .

ஹைதை ஷில்பாராமத்தில் ( கலாச்சாரக் கிராமம்)  கோடைத்திருவிழாவின்போது பரதநாட்டியம் போன்ற பாரம்பரியக் கலைகளை வளர்த்தெடுக்கப் போட்டிகள் நிகழ்த்துகிறார்கள்.
 வரவேற்கும் நடனப் பெண் சிலைகள் அற்புதம்.

கற்பக விநாயகர் கல்வி நிறுவனத்தில் சில கலைநிகழ்ச்சிகள்.

புதுக்கோட்டை கற்பக விநாயகர் கல்வி நிறுவனத்தில் சில கலை அறிவியல் கல்லூரிகளும் , நர்சிங் கல்லூரி ஒன்றும் , ஒரு பாலிடெக்னிக்கும் , ஒரு பள்ளியும் இணைந்து செயல்படுகிறது.

அங்கே மகளிர் தினத்தில் உரையாற்ற அழைப்பு வந்தது. சிறப்பான உரை என்று ஆசிரியர்கள் சிலர் பாராட்டினார்கள். தீசிஸ் மாதிரி இருக்கிறது என்றும் அதை மாணவிகள் புரிந்துகொண்டு  சிறப்பாகக்  கைக்கொள்ளவேண்டும் என்ற தங்கள் ஆதங்கத்தையும் வெளிப்படுத்தினார்கள்.

Related Posts Plugin for WordPress, Blogger...