எனது பதிமூன்று நூல்கள்

வியாழன், 30 ஜனவரி, 2020

”எழுத்தும் நானும்.” உரை சவுண்ட் க்ளவுடில்.

எழுத்தும் நானும்.

தமிழ்நாடு முற்போக்கு எழுத்தாளர் சங்கத்தில் கடந்த டிசம்பர் மாதம் ”எழுத்தும் நானும் “ என்ற தலைப்பில் உரையாற்ற அழைப்பு வந்தது.

அப்போது பேசியவற்றை சவுண்ட் க்ளவுடில் மகனார் பதிந்து அனுப்பி உள்ளார். அது இதோ உங்கள் பார்வைக்கு. அதாவது கேளுங்க, கேளுங்க கேட்டுக்கிட்டே இருங்க  :)

https://soundcloud.com/sabalaksh/thennamai-lakshmanan-ezhuthum-naanum-speech?fbclid=IwAR2GtL18PY2kU3Ku3NyVKG-v1xyFUdbV2NmVppr8PVcdRwYo2n1J7Z-q540

இதையும் பாருங்க.

”எழுத்தும் நானும்” தமிழ்நாடு முற்போக்கு எழுத்தாளர் சங்கம்.

ஸ்லேட் மெனு கார்டும், மரப்பெட்டியில் பில்லும்.

சுவாமிமலை ஸ்டெர்லிங் ஹோட்டலில் வித்யாசமான ஒரு காட்சி.

புராதனப் பொருட்கள் வைக்கப்பட்டுள்ள பாரம்பரிய மியூசியம் போல இருக்கு. அதோடு ஸ்லேட்டில் மெனு கார்ட், மரப் பெட்டியில் பில் என்று பழமையின் அம்சங்கள் கவர்ந்திழுத்தன. 


மெனு என்னவோ வழக்கம்போல உள்ள மெனுதான். டொமேட்டோ சூப். 

செவ்வாய், 28 ஜனவரி, 2020

கொல்லம் ( கொய்லோன் ) - குமரகம். மை க்ளிக்ஸ். KOLLAM ( QUILON) TO KUMARAKOM, MY CLICKS.

கடவுளின் தேசத்தைப் பார்க்க வேண்டுமா ? கேரளா குமரகம் வாங்க என்ற விளம்பரங்களைப் பார்த்திருக்கலாம். ஒருமுறை கடவுளின் தேசத்தைப் பார்க்கும் வாய்ப்புக் கிட்டியது. வேம்பநாடு ஏரியும் குமரகமும் பறவைகளும் ஈர்த்தன.

மூன்று நாள் விடுமுறை கிடைக்க கும்பகோணத்தில் இருந்து திருச்சி, மதுரை அங்கேயிருந்து திருவனந்தபுரம் சென்று அனந்தபத்மநாப சுவாமி கோவில்,ஆற்றுக்கால் பகவதி கோவில், கொச்சுவெளி பீச், கோவளம் பீச், பாலோடு, பொன்முடி எல்லாம் பார்த்துவிட்டு கொயிலோன் வந்தோம்.

கொயிலோனில் புத்தம்புதுக் காலை. ரயில்வே ஸ்டேஷனிலேயே இட்லி சாம்பார். (தேங்காய் அரைச்சுவிட்ட வாழைக்காய் குழம்பு :) ) சாப்பிட்டோம். ட்ரெயினிலேயே ஏழுமணிக்கு ப்ரெட் ஆம்லெட் சாப்பிட்டு இருந்தாலும் ஒன்பது மணிக்குப் பசித்தது.


கொயிலோன் ரயில்வே ஸ்டேஷன் நெருங்குகிறது. தகதகக்கும் சூரியன் எழுகிறது.

திங்கள், 27 ஜனவரி, 2020

மூன்று சகோதரர்களும் மூன்று பிரபலங்களின் பொன்மொழியும்.

2481. This susu boy resembles the Manneken Pis.

குழந்தைகள் பிறந்தபோது அம்மா குழந்தைகளுக்குக் கொடுத்த விளையாட்டுச் சாமான்களோடு இருந்தது.

கதவைத் திறந்தால் ரொட்டேட் ஆகுது. இந்த பொம்மை நிற்கும் மேடைக்குக் கீழே நீர் நிரப்பும்படி இருக்கு..

ஞாயிறு, 26 ஜனவரி, 2020

ஷ்லாஸ்பர்க் ஸோலிங்கன் கேஸில் - டாய்ச்சஸ் கிளிங்கன் மியூசியம்.

கத்தி கபடாவெல்லாம் இந்தியாவில் ஜெய்ப்பூர் போன்ற சில அரண்மனை மியூசியங்களில் மட்டுமே பார்க்கமுடியும். அதேபோல்தான் ஜெர்மனியிலும் ஸோலிங்கன் அருங்காட்சியகத்திலும் கத்திகளின் அணிவகுப்பு.

தோழி கௌசியும் அவர் கணவரும் தங்கள் காரில் இந்த ஷ்லாஸ்பர்க் ஸோலிங்கன் கேஸிலுக்கு அழைத்துச் சென்றார்கள். பன்னிரெண்டாம் நூற்றாண்டில் கட்டப்பட்ட இந்தக் கோட்டை அதன் பின் பல்வேறு மராமத்துப் பணிகளால் மீண்டு அழகாக இன்னும் காட்சி அளிக்குது. 1185 இல் இருந்து 1225 வரை ஆண்ட எங்கள்பர்ட் - 2 என்னும் ராஜா கம்பீரமா கோட்டையின் தலைவாயிலில் குதிரையில் ஆரோகணித்து வரவேற்கிறார்.

ராஜாவின் கோட்டை கொத்தளம் என்பதால் கேடயம்,வில்,அம்பு, தலைக்கவசம் எல்லாம் இருந்தாலும் அங்கே இருந்த மியூசியத்தில் கத்திதான் ப்ரதான அம்சம். ஏனெனில் இதை மட்டும் கண்ணாடிக் கூண்டுக்குள் பாதுகாப்பா காட்சிப்படுத்தி இருக்காங்க. :)


சனி, 25 ஜனவரி, 2020

இராமன் செய்தது நியாயமா ?

இராமன் செய்தது நியாயமா ?
ஒருவரை நேருக்கு நேர் நின்று எதிர்ப்பது ஒரு விதம். ஆனால் ஒருவரை மறைந்திருந்து தாக்குதல் இன்னொரு விதமான போர்முறை. இராமன் வாலியை அப்படி மறைந்திருந்து தாக்கிக் கொன்றான். அதனால் வாலியின் மனதில் ”பகைவனல்லாத தன்னை இராமன் மறைந்திருந்து அம்பெய்ந்து கொன்றானே. அவன் செய்தது நியாயமா” என்ற கேள்வி உறுத்திக்கொண்டே இருந்தது. அதை இலக்குவனிடம் கேட்டான். அதன் பின் தெளிந்தான். அந்தக் கதை என்னவென்று பார்ப்போம் வாருங்கள் குழந்தைகளே.
அன்றலர்ந்த பூக்கள் நிரம்பிக் கிடக்கின்றன. வாலி அவற்றை எடுத்துக் கொண்டு காலை பகல் மாலை என்று மூன்று வேளையும் எட்டுத் திக்கும் சென்று சிவனுக்கு அர்ச்சித்து வணங்குபவன். சிவநேயச் செல்வன். பக்தியிலும் ஆட்சி நெறியிலும் வல்லமை, வலிமை கொண்டவன் என்பதால் வாலி என வழங்கப்பட்டான்.
அன்று காலையும் தன் பூஜை புனஸ்காரங்களை முடித்து வந்து அமர்ந்தான் வாலி. வெளியே சுக்ரீவனின் அறைகூவல் கேட்கிறது. வாலியின் தம்பிதான் அவன். போருக்கு வரும்படி ஏன் அறைகூவல் விடுக்கிறான் அவன். என்னாயிற்று இன்று அவனுக்கு. வாலி உணவை விடுத்துத் தன் கதையை எடுத்துக்கொண்டு கிளம்புகிறான்.

வெள்ளி, 24 ஜனவரி, 2020

வெளி பீச்சும், வெங்காயத் தாமரைகளும். மை க்ளிக்ஸ். VELI BEACH & WATER HYACINTH. MY CLICKS.

கேரளா, திருவனந்தபுரத்தின் கொச்சு வெளி பீச் மிக அழகானது. பீச்சை எட்டுமுன் ஒரு நன்னீர் ஏரி. அதில் மிதக்கும் உணவகம்.  அழகான பெண்மைச் சிற்பங்கள். 

வாங்க வெங்காயத்தாமரை மிதக்கும் ஏரிக்குப் போய் ஒரு ரைடிங்க் போயிட்டு பீச்சையும் பார்த்துட்டு வருவோம். 





வியாழன், 23 ஜனவரி, 2020

புதுவயல் கைலாஸ விநாயகர் கோவில்.

கடந்தவருடம் நவம்பர் 10 ஆம் தேதியன்று புதுவயல் கைலாஸ விநாயகர் கோவில் கும்பாபிஷேகம் நடைபெற்றது . உறவில் நிறையத் திருமண நிகழ்வுகள் இருந்ததால் கும்பாபிஷேகத்துக்குச் செல்ல இயலவில்லை.

கும்பாபிஷேகத்துக்காக ஒரு மலர் வெளியிடப்போவதாகவும் அதற்குப் பங்களிப்புச் செய்யுமாறும் அந்த மலர்க் கமிட்டியின் மெம்பர் திரு முத்து பழனியப்பன் அவர்கள் ( காரைக்குடி கம்பன் கழகம் ) ஃபோன் செய்தார்.

உடனே ஒரு பாடல் எழுதி அனுப்பி விட்டேன். அந்த மலர் கடந்த 5.1.2020 அன்று கோவிலுக்கு அருகே உள்ள ஒரு கல்யாண மண்டபத்தில் வெளியிடப்பட்டது.  அது பற்றியும் போன வாரம் இடுகை ஒன்று வெளியிட்டுள்ளேன்.

இந்நூலைப் பதிப்பித்த ஆர் எம் கே வி பிரிண்டர்ஸின் உரிமையாளர் கவிதா பழனியப்பன் உங்க பாடல்தான் முதலில் வந்தது பிரிண்டுக்கு என்று சொன்னார். மகிழ்வாய் இருந்தது.எல்லாம் விநாயகன் செயல்.

ஊருக்கு நடுவே அமைந்துள்ளது இந்தக் கைலாஸ விநாயகர் கோவில். கோவில் எதிரே உள்ள ஊரணியைச் சுற்றிலும் ஒரே கடைகள் மயம். புதிதாய்க் கும்பாபிஷேகம் ஆனதால் புதுக்கருக்கு அழியாமல் மின்னிக் கொண்டிருக்கிறது கோவில். இதன் பிரகார மதில்கள் எனக்கு வியப்பூட்டின. அது என்ன என்று கடைசியில் பாருங்கள்.

சிறிய ராஜ கோபுரம் . முன் மண்டபத்தோடு காட்சி அளிக்கிறது.

புதன், 22 ஜனவரி, 2020

சீதை சிறைப்படக் காரணமான சூர்ப்பணகை. தினமலர் சிறுவர் மலர் - 49.

சீதை சிறைப்படக் காரணமான சூர்ப்பணகை.
நல்லவர் ஒருவர் எந்தக் காரணமும் இல்லாமலே துயர்ப்பட நேரும். அது அவங்க தப்பு இல்லை. தன் துர்நோக்கம் நிறைவேற அவங்களை இப்பிடிப் பகடைக்காயா சிலர் பயன்படுத்திக்குவாங்க. அப்படிப்பட்ட துர்நோக்கம் கொண்ட சூர்ப்பனகை தன் எண்ணம் நிறைவேற ஒன்றுமறியா சீதையைப் பகடையாகப் பயன்படுத்திக்கிட்டா. உள்ளபடி அவள் காழ்ப்புணர்வு சீதை மேலே இல்லை. பின்னே யார் மேலேன்னு பார்க்கலாம் வாங்க குழந்தைகளே.
பிரம்மாவின் புத்திரர் புலத்திய மகரிஷி. அவரது மகனான விச்ரவசுவுக்கும் அவரது இரண்டாம் மனைவியான கேசிக்கும் பிறந்தவர்கள்தான் இராவணன், கும்பகர்ணன், சூர்ப்பணகை, விபீஷணன்.
சூர்ப்பணகைக்கு உரிய பருவம் வந்ததும் காலகேயர் என்னும் தங்கநிற அரக்கர் வம்சத்தைச் சார்ந்த வித்யுத்சிகுவன் என்பாருக்குத் திருமணம் செய்து வைத்தார்கள். சூர்ப்பணகையும் இயல்பிலேயே அழகானவள். இருவரும் இன்பமாக வாழ்ந்து வந்தார்கள்.
ஒருமுறை இராவணன் தன் புஜபராக்கிரமத்தைக் காட்ட வேண்டிக் காலகேயர்களுடன் போரிட்டான். அப்போது வித்யுத்சிகுவனை சூழ்ச்சி செய்து இராவணன் கொன்று விடுகிறான். இதைக்கேட்டுத் துடித்த சூர்ப்பணகை போர்க்களத்துக்கு ஓடிவருகிறாள். அண்ணனாயினும் தன் கணவன் சாவுக்குக் காரணமானவனை அதே போல் சூழ்ச்சியால் வெல்வேன் என சபதமேற்கிறாள்.

செவ்வாய், 21 ஜனவரி, 2020

ஐபிசிஎன் - 2019 நூல். IBCN - 2019.


ஐபிசிஎன் - 2019 நூல். 


துபாயில் 2017 இல் நடைபெற்ற ஐபிசிஎன் மாநாட்டையும் அதில் இடம்பெற்ற தொழில் முனைவோரின் பேட்டிகளையும் தொகுத்துப் போட்டிருக்கிறார்கள். இதில் எண்டர்ப்ரைனர்ஸ் ஆஃப் தெ வீக்  (EOTW COMMITTEE ) கமிட்டி மெம்பராக நம்மையும் அறிமுகம் செய்திருப்பதால் அதை அறிவிக்கவே இந்த இடுகை.

திங்கள், 20 ஜனவரி, 2020

பசுக்கள் மேய்த்து ஞானம் பெற்ற சுவேதகேது.

பசுக்கள் மேய்த்து ஞானம் பெற்ற சுவேதகேது.
பள்ளிக்கூடத்தில் சரியாகப் படிக்காத மாணவர்களை ஆசிரியர்கள் நீ மாடு மேய்க்கத்தான் லாயக்கு எனத் திட்டுவார்கள். மாடு மேய்ப்பது அவ்வளவு சுலபமா என்ன ? நன்கு படித்திருந்தும் தன் ஆசிரியர் மாடு மேய்க்கச் சொன்னதற்காகக் கோபப்படாமல் பசுக்களை மேய்த்து அவற்றின் மூலம் ஞானம் பெற்ற சுவேதகேது என்பவன் கதையைப் பார்ப்போம் வாருங்கள் குழந்தைகளே.
உத்தாலக ஆருணி என்றொரு முனிவர் இருந்தார். அவருடைய மகன்தான் சுவேதகேது. அறிவும் ஆற்றலும் நிரம்பப் பெற்றவன். உத்தாலக முனிவரே சுவேதகேதுவுக்குக் கற்பித்து வந்தார் . ஆனாலும் அவனுக்கு உரிய வயது வந்ததும் அவனைக் கல்வி கற்க வேறொரு குருவிடம் அனுப்பினார்.
அவன் அக்குருவிடம் சென்று வேதங்கள், உபநிஷதங்கள், பிரம்மசூத்திரங்கள் பற்றிக் கற்றுக் கொண்டான். அதன் பின் தன் தந்தையிடம் திரும்பி வந்தான். அப்போது அவனது தாயை வேறொரு முனிவர் தானமாகப் பெற்றுச் செல்ல முயல அதைத் தடுத்து நிறுத்தினான். மேலும் “ஒரு பெண் பிறந்ததும் முதலில் தந்தை, திருமணத்துக்குப்பின் கணவன், முதுமையில் மகன் ஆகியோர் மட்டுமே கவனித்துக்கொள்ள உரிமை பெற்றவர் , மற்றையோருக்கு  தானமளிக்க பெண் ஒன்றும் பொருள் அல்ல” என்பதை உரக்கச் சொல்லி நிலைநாட்டினான்.

கம்பராமாயணம் – 6 தொகுதிகள் ஒரு பார்வை


கம்பராமாயணம் – 6 தொகுதிகள் ஒரு பார்வை

கம்பராமாயணம் பத்தாயிரத்து ஐநூறு பாடல்களையும் ஆறு காண்டங்களையும் 118 படலங்களையும் உடையது. இதை ஒருவர் செய்யுள் வடிவில் படித்து உணர்ந்து உய்ய ஓரிரு ஆண்டுகள் பிடிக்கலாம். ஆனால் உமா பதிப்பகம் வெளியிட்டுள்ள இக்கம்பராமாயணம் அவற்றின் சாறைப் பிழிந்து பக்குவமாய்ப் பருகத் தருகிறது.

கம்பன் அடிசூடி திரு பழ. பழனியப்பன் அவர்கள் எழுதிய இந்நூல் ஆறு தொகுப்புகளாக வெளிவந்துள்ளது. பாலகாண்டம், அயோத்தியா காண்டம், ஆரண்ய காண்டம், கிட்கிந்தா காண்டம், சுந்தர காண்டம், யுத்த காண்டம் என்று ஆறு காண்டங்களை ஆறு தனி நூல்களாகப் பொழிப்புரையுடன் தொகுத்திருக்கிறார்கள்.

ஞாயிறு, 19 ஜனவரி, 2020

அனந்தபத்மநாப சுவாமி கோவில். மை க்ளிக்ஸ். ANANDHAPADMANABA SWAMY TEMPLE. MY CLICKS.

திருவனந்தபுரம், அனந்தபத்மநாப சுவாமி கோவிலுக்குச் சென்று வந்தோம். மிகப் பிரம்மாண்டமான கோபுரம். நடைகள். ஸ்ரீரங்கப்பட்டினா ஆதி ரங்கநாத சுவாமியைப் போல திருச்சி ஸ்ரீரங்கனைப் போல என்னைக் கவர்ந்தவர் அனந்தபத்மநாபசுவாமியும். திருவட்டாறு ஆதிகேசவர் கோவில் போல அமைந்திருக்கிறது இக்கோவில் என்கிறார்கள். பெருமாளுக்கு நேர் கீழேதான் நிலவறை இருக்கிறது.

இங்கே அனந்த சயனத்தில் கிடந்த கோலம். அதனால்தான் அனந்த பத்மநாபர். மூன்று கதவுகளின் வழியே சுவாமியைத் தரிசிக்க வேண்டும். முதல் கதவில் திருவடி தரிசனம், அடுத்ததில் நாபிக்கமலம் பிரம்மாவோடு, மூன்றாவதில் முகவடிவு தரிசனம்.  தைலக்காப்பில் தகதகக்கிறார் பெருமாள். பிரம்மாண்டம்.

தெற்கு வாயில் வழியே சென்றோம். ஆண்கள் சட்டை அணியாமல்  வெற்றுடம்புடன் துண்டு போர்த்தி வேஷ்டி அணிந்து செல்லலாம். செல்ஃபோனையும் இன்ன பிறவற்றையும் அவர்களிடம் ஒப்படைத்து சேஃப்டி லாக்கரில் வைத்து விட்டுச் செல்லவேண்டும். லாக்கர், வேஷ்டி, துண்டுக்கு தனியாகப் பணம் கட்டி வேண்டும்.

பயங்கர செக்யூரிட்டி கெடுபிடி. பின்னே நிலவறையில் டன் கணக்கில் தங்கம் இருக்கின்றதல்லவா. திரு அனந்தபுரம் என்ற பேரே இவரால்தான் ஏற்பட்டது.

தென்னிந்தியா ஸ்டைலில் கோபுரம். முதலில் இந்த ஆற்றுக்கால், ஆலாபாட், கல்யாண் ஆகிய நகைக்கடைகளையும் முத்தூட் ஃபைனான்ஸையும் கடந்து கோவிலுக்குப் போவோம் வாங்க.

இது ஏதோ 1891 இல் கட்டப்பட்ட காவல் கோபுரம் போல் இருக்கு. மார்க்கெட் பகுதி.


வங்கி போலத் தெரியுது.

சனி, 18 ஜனவரி, 2020

அனைத்துலகத் தமிழ் எழுத்தாளர்கள் சங்கம்.

அனைத்துலத் தமிழ் எழுத்தாளர் சங்கத் தலைவரான திரு பாரதிசுகுமாரன் ஐயா அவர்களின் முகநூல் பதிவைப் பகிர்வதில் மகிழ்கிறேன்.

///// *மகாகவி பாரதி பிறந்த நாளை எழுத்தாளர் தினமாக அறிவிக்க வேண்டும்...*
*அனைத்துலகத் தமிழ் எழுத்தாளர்கள் சங்கம் தொடக்க விழாவில் கோரிக்கை.*
சென்னை.11, சென்னை சாலி கிராமத்தில் உள்ள தமிழ்நாடு பத்திரிகையாளர் சங்க அலுவலகத்தில், உலகத் தமிழ் எழுத்தாளர்கள் சங்கத்தின் தொடக்க விழா இன்று நடைபெற்றது..
எழுத்தாளர். சும்மாடு.ஜெ.வ.கருப்புசாமி வரவேற்புரையாற்ற, தமிழ்ச்செம்மல் முத்துக்குமாரசாமி அவர்கள் தலைமையில் கூட்டம் தொடங்கியது.
தமிழ்நாடு அரசின் மகாகவி பாரதியார் விருதாளர். பாவரசு.பாரதிசுகுமாரன், சங்கத்தின் நோக்கம் குறித்தும் எதிர்கால வேலைத் திட்டம் குறித்தும் கருத்துரை வழங்கிட, அதன்மீது பத்திரிகையாளர் சங்கத்தின் மாநிலத் தலைவர்.டி.எஸ்.ஆர்.சுபாஷ், தமிழ்நாடு அரசின் பாரதிதாசன் விருதாளர். கவிஞர்.தியாரூ, திரைப்பட இயக்குநர். ஈ.ராமதாஸ், எழுத்தாளர். பெருமாள் ஆச்சி, தமிழ் இயலன், பரணி.சுப.சேகர், கவி.செங்குட்டுவன்,க.நா.கல்யாணசுந்தரம், ப.தமிழரசன்,அகநம்பி, தஞ்சை எழிலன், ஆகியோர் பேசினர்.

வெள்ளி, 17 ஜனவரி, 2020

ஸ்ரீரங்கப்பட்டினா ஸ்ரீரங்கநாதஸ்வாமி கோயில்.

மைசூர் செல்லும் வழியில் திப்பு சுல்தான் கேட், ஸ்ரீரங்கப்பட்டிணம் ஸ்ரீரங்கநாதர் கோயில் எல்லாம் பார்த்துவிட்டுத்தான் மைசூர் அரண்மனை பிருந்தாவன் பார்க்கச் சென்றோம்.

இக்கோயில் நம்மூர் அமைப்பில் ஐந்து நிலை ராஜ கோபுரத்துடன் வரவேற்றது. கும்பாபிஷேக வேலைகள் நடந்து கொண்டிருந்தன அப்போது.


வியாழன், 16 ஜனவரி, 2020

கம்பன் கண்ட மனிதன்.

காரைக்குடி கார்த்திகேயன் பள்ளியில் (4.1.2020) இன்று " கம்பன் கண்ட மனிதன் " ( கம்பன் கண்ட மனிதன்/தெய்வம்/தொண்டன் ஆகிய தலைப்புகளில் மாணாக்கர்களே தேர்ந்தெடுத்தது ), என்ற தலைப்பில் பேச்சுப்போட்டி நிகழ்ந்தது.

இந்நிகழ்வில் திருமிகு கண்ணன், திருமிகு. மா. சிதம்பரம் இவர்களோடு நானும் நீதிபதியாய்ப் பங்கேற்றேன். மிக நிறைவான நிகழ்வு.

புதன், 15 ஜனவரி, 2020

செருக்கைத் துறந்த சுகர். தினமலர் சிறுவர்மலர் - 48.

செருக்கைத் துறந்த சுகர்.
நான் எனது என்ற செருக்குக் கொண்ட மனிதனை யாரும் அண்டுவதில்லை. செருக்குக் கொண்ட மனிதன் தனித்து விடப்படுகிறான். ஆனால் செருக்கு அகன்று தன்னை உணர்ந்து பிறரை மதிப்பவன் மேன்மகனாகப் போற்றப்படுவான். அப்படிச் செருக்குக் கொண்ட சுகரைப் பற்றியும் தன் செருக்கை அவர் அகற்றி மேன்மகனாக ஆனது பற்றியும் பார்ப்போம் குழந்தைகளே.
பதினெண்புராணங்களையும் இயற்றியவர் வேத வியாசர். அவர் ஒரு முறை பச்சைக்கிளி உருவில் இருந்த கிருதாசீ என்ற தேவ கன்னிகையின் மேல் விருப்பம் கொண்டதால் அவர்களுக்கு சுகப் பிரம்மர் என்ற குழந்தை பிறந்தது. தாயைப் போல சுகப் பிரம்மருக்கும் மூக்குக் கிளிமூக்குப் போல அமைந்து இருந்தது.

இளம் வயதிலேயே அறிவுக்கூர்மை மிக்கவராக விளங்கினார் சுகர். ஆயினும் அவருக்கு பிரம்ம ஞானம் என்றால் என்ன எனப் புரியவில்லை. இது பற்றி அவர் தன் தந்தை வியாசரிடம் கேட்கிறார்.

செவ்வாய், 14 ஜனவரி, 2020

கம்பர் எழுதிய இராமகாதை ( அயோத்திக் காண்டம்) - ஒரு பார்வை.

கம்பர் எழுதிய இராமகாதை ( அயோத்திக் காண்டம்) - ஒரு பார்வை.


கம்பர் அருளிய இராமகாதை ( அயோத்திக் காண்டம்) – ஒரு பார்வை.

இராமாயணத்தை எத்தனை முறை வேண்டுமானாலும் படிக்கலாம். அதுவும் ஒவ்வொருவர் வசப்பட்டும் அதுவரை தென்படாத வித்யாசமான பாதை ஒன்றிற்கு அழைத்துச் செல்லும். இந்த நூலைத் தொகுத்து உரை கண்ட சொ முருகப்பனார் அது நூலாக்கம் பெறுமுன்பு இறைவனடி சேர்ந்ததால் இதற்கு நூல்முகம் எழுதியதாகக் குறிப்பிட்டு இருக்கிறார் ராய. சொ. அவர்கள்.

திங்கள், 13 ஜனவரி, 2020

பட்டாளத்து வீடு :- ஒரு பார்வை


பட்டாளத்து வீடு :- ஒரு பார்வை

சமீபத்தில் படித்த மிகச் சிறந்த சிறுகதைத் தொகுப்பு சாம்ராஜின் பட்டாளத்து வீடு. வெகுஜன வாசிப்புக்கு ஏற்ற அதே சமயம் நுண்ணிய இலக்கியத் தரமும் இயைந்து இருக்கும் நூல் இது.

ஞாயிறு, 12 ஜனவரி, 2020

வள்ளுவர் அறிவகம் இராம்மோகன் ஐயாவும் காந்திய சிந்தனையாளர் ம. பா. குருசாமி ஐயாவும்.

2461. மரப்பாச்சி இலக்கிய வட்டம் மாதாந்திரக் கூடுகை

2462. அழைப்பிதழ் வந்தும் என்னால் கலந்து கொள்ள இயலவில்லை. கானாடுகாத்தானில் நடைபெற்ற நிகழ்ச்சியை ஒருங்கிணைத்த நண்பர் நலந்தா ஜம்புலிங்கம் அவர்களின் முகநூல் பக்கத்தில் இருந்து பகிர்கிறேன்.

சொ. முருகப்பனாரும் பாரதியாரும்.

நலந்தா = நல்ல புத்தகக்கடை என்ற புத்தகக்கடையைக் காரைக்குடியில் நடத்தி வரும் திரு நலந்தா ஜம்புலிங்கம் அவர்கள் சிறந்த எழுத்தாளர் & பதிப்பாளரும் கூட. மிக சிறந்த எழுத்தாளுமைகளுடன் தொடர்பில் உள்ளவர். என் எழுத்தைப் பற்றி அவர் கூறியுள்ளவற்றைப் படிக்கும்போது சிறிது கூச்சம் ஏற்பட்டது. அதோடு சொ. முருகப்பனாரின் இராமகாதை பற்றியும் கூறி  இருக்கிறார். வாசித்துப் பாருங்கள்.


(இந்தப் புகைப்படம் பாரதி காரைக்குடி வந்தபோது எடுத்தது. பாரதியாரின்  வலது பக்கம் இராய சொ அவர்களும் இடது பக்கம் சொ முருகப்பனாரும் அமர்ந்திருக்கிறார்கள். )

சனி, 11 ஜனவரி, 2020

அன்பெனும் பிடிக்குள்..


அன்பெனும் பிடிக்குள்..

இது ஒரு மணிவிழா மலர். ஆனால் இதன் கட்டுக்கோப்பும் இவ்விழா நாயகரின் சாதனைகளும் என்னை இந்நூல் பற்றி எழுதச் செய்கின்றன.

2019 நவம்பர் 3 ஆம் தேதி நடைபெற்ற திரு நடேசன் அவர்களின் மணிவிழா மற்றும் நகரத்தார்களின் பண்பாட்டுக் கலாச்சார விஷயங்கள் மேன்மைகள் அடங்கிய பொக்கிஷம் இது.

சிவகங்கைப் புத்தகத் திருவிழாவில் எனது நூல்கள்.

சிவகங்கையில் தமிழ்நாடு அறிவியல் இயக்கத்தின் புத்தகக் கண்காட்சி 9 ஆம் தேதி முதல் 12 ஆம் தேதிவரை நடைபெறுகிறது. 

இக்கண்காட்சியில் சிவகங்கை மாவட்டப் படைப்பாளிகள் அரங்கில் எங்கள் நூல்களும் விற்பனைக்கு உள்ளன. 

வெள்ளி, 10 ஜனவரி, 2020

காக்கைச் சிறகினிலே - ஒரு பார்வை.

காக்கைச் சிறகினிலே - ஒரு பார்வை.

விருது அரசியலை விரிவாக அலசுகிறது தலையங்கம். கல்விக்கூடக் கொலைகள்/தற்கொலைகள் பற்றிக் காட்டமாய்த் தாக்குகிறது ஒரு கட்டுரை. கவிஞர் சேரனுடன் நேர்காணல் ஈழ இனப் படுகொலையைக் கண்டிக்கிறது.

இராணுவ முகாம்களுக்குள் இருக்கும் எனது வீடு என்ற தீபச்செல்வன் கட்டுரை பூமி யாருடையது என்ற கேள்விகளை எண்ணமெங்கும் நிறைத்தது. இன ஒடுக்குமுறை என்பது எவ்வளவு மலினமான செயல்பாடு. யதீந்திராவின் இந்தியாவும் ஈழத்தமிழர் பிரச்சனையும் விரிவான அலசல்.

வியாழன், 9 ஜனவரி, 2020

புதுவயல் கைலாஸ விநாயகர் கும்பாபிஷேக மலரில் எனது பாடல்.

நேற்று புதுவயல் கைலாஸ விநாயகர் கோயில் கும்பாபிஷேக மலர் வெளியிடப்பட்டது. மலருக்கு பாடல் ஒன்று எழுதிக் கேட்டிருந்தார்கள். மூன்று மாதம் முன்பு அனுப்பியிருந்தேன். நேற்று மலருக்குக் கட்டுரை பாடல் எழுதியவர்களுக்கு மேடையில் சிறப்பு செய்தார்கள்.

கோவிலூர் சீர் வளர் சீர் திரு மெய்யப்ப ஞான தேசிக ஸ்வாமிகள் தலைமையேற்க , திரு சபா அருணாசலம் உரையாற்றினார். இன்னும் பலர் பேசியதும் மலர் வெளியிட்டதும் சீக்கிரமே முடிந்துவிட்டது. நாங்கள் 5 மணிக்குத்தான் புறப்பட்டுச் சென்றோம்.



நான் போடியம் பின்னே நின்றதால் தலைவரால் இருந்த இடத்திலிருந்து புகைப்படம் எடுக்க இயலவில்லை . அதனால் வீடியோ மட்டும். :)

புதன், 8 ஜனவரி, 2020

மக்களோடு துறவெய்திய மன்னன்.

மக்களோடு துறவெய்திய மன்னன்.
அளவற்ற பொன், பொருள், மண், மனை, பதவி, படை கொண்ட ஒரு மன்னன் துறவெய்தும் போது அவனுடைய குடும்பத்தினரும் துறவெய்தினார்கள். இன்பம் தரும் லோகாயதப் பொருட்களை விடுத்து அவர்கள் அனைவரும் தாபதர் பள்ளிகளில் அடைக்கலமானது ஏன் ?. அனைவருக்கும் ஒரே சமயம் இப்படித் துறவு மனப்பான்மை வரக் காரணமென்ன ? அப்படித் துறவுக்கு மக்களை இட்டுச் சென்ற மன்னன் யார் என்பதை எல்லாம் பார்ப்போம். வாருங்கள் குழந்தைகளே.
ஏமமாபுரம் மிக அழகான நாடு. அந்நாட்டு மன்னன் சச்சந்தன். மாவீரனான அவன் மனைவியின் பெயர் விசயை. சச்சந்தனின் அமைச்சர் கட்டியங்காரன் என்பான் ஒரு நம்பிக்கைத் துரோகி.. சூது வஞ்சனையால் மன்னன் சச்சந்தனைக் கொன்று ஆட்சியைக் கைப்பற்றுகிறான். மன்னன் சச்சந்தன் ராணி விசயையும் அவள் வயிற்றில் வளரும் தன் குழந்தையும்  நம்பிக்கையான ஒற்றர் மூலம் மயிற்பொறியில் ஏறித் தப்பிக்க வழி சொல்லிவிட்டு இறக்கிறான்.

மைசூரு சாமுண்டீஸ்வரி அம்மன் கோவில்

மைசூருக்குச் சென்றால் சாமுண்டியைத் தரிசிக்காமல் அந்தப் பயணம் நிறைவு பெறுமா என்ன.

பெங்களூருவில் இருந்து மைசூருக்குச் சென்றவுடன் ( ஒரு நாள் சிட்டி டூர் ) அங்கே காலையில் செயிண்ட் ஃபிலோமினா சர்ச், அரண்மனை ( புடவைக் கடைகள் ) பார்த்தபின் சாமுண்டி கோவிலுக்கும் அதன் பின் பிருந்தாவனுக்கும் வந்தோம்.



செவ்வாய், 7 ஜனவரி, 2020

மனோசக்தி - ஒரு பார்வை.

மனோசக்தி - ஒரு பார்வை.

கட்டுப்பாடு பற்றியும் கணக்குப் பார்த்து செலவழிப்பது பற்றியும் இயம்புகிறது தலையங்கம்.  இது ஒரு உடலியல் உளவியல் மாத இதழ். ஏமாறாதே ஏமாற்றாதே நல்ல விழிப்புணர்வுக் கட்டுரை.

நினைவாற்றலை வளர்த்துக்கொள்வது, மற்றவர்களை அளவோடு பாராட்டுவது ஆகிய கட்டுரைகளோடு தாழ்வு மனப்பான்மை இருப்பவரிடம் ஈகோவும் இருக்கும் என்பதைத் தெளிவு படுத்திய கட்டுரை என்னை ஆச்சர்யப்பட வைத்தது.

திங்கள், 6 ஜனவரி, 2020

தெருவோர வியாபாரிகள். மை க்ளிக்ஸ். STREET VENDORS. MY CLICKS.

பெங்களூருவில் இருந்து மைசூர் செல்லும் வழியில் பத்மநாப சுவாமி கோவிலின் வாசலில் இந்தக் கடை உள்ளது. விநாயகர் என்பதால் எடுத்தேன். அதன்பின் பார்த்தால் புத்தர், நந்தி,  உரல், குழவி, தொப்பிகள் என்று கலவையாக இருக்கு :)



பேபி பூமர்ஸ் + ஜெனரேஷன் எக்ஸ் வெர்சஸ் மில்லென்னியல்ஸ் + ஜெனரேஷன் இஸட்.

பேபிபூமர்ஸும் மில்லெனியல்ஸும்.

அதென்ன பேபி பூமர்ஸ் என்கின்றீர்களா. அவங்க தாங்க 1940 களில் வதவதன்னு பிள்ளைகளைப் பெத்துப் போட்ட சமூகம். அப்ப மில்லெனியல்ஸுன்னா என்னன்னு கேக்குறீங்களா. சொல்றேன். 1980 களில் அரசாங்கம் பெருகிவரும் மக்கள் தொகையைக் குறைக்கக் குடும்பக் கட்டுப்பாடுத் திட்டமா ”நாம் இருவர் நமக்கிருவர்”னு அறிவிச்சுது. 2000 ஆம் வருடங்களில் ”நாம் இருவர் நமக்கு ஒருவர்”னு அறிவிச்சுது. இப்ப 2020 களில் நம்ம இளைய சமூகம் நாமே இருவர் நமக்கேன் ஒருவர் அப்பிடின்னு கேக்குற நிலைக்கு வந்திருக்கு. இவங்கதான் இந்த மில்லென்னியல்ஸ்.

சனி, 4 ஜனவரி, 2020

பாலோடு, மை க்ளிக்ஸ். PALODE. MY CLICKS.

இன்னெழில் கொஞ்சும் கேரளாவில் வாழும் நண்பர் ஒருவரின் அழைப்பிற்கிணங்க திருவனந்தபுரம் சென்று வந்தோம். அத்தோடு கோவளம் பீச், கொச்சுவேலி பீச், பாலோடு, பொன்முடி ஆகிய இடங்களையும் கண்டு களித்தோம். இத்துடன் திருவனந்தபுரத்தில் பத்மநாபசுவாமி கோவில் , ஆற்றுக்கால் பகவதி அம்மன் ஆலயம் ஆகியனவும் தரிசிக்கக் கிட்டின.

திருவனந்தபுரத்தில் இருந்து பாலோடுக்குச் சென்று அங்கிருந்து பொன்முடி சென்றோம். பாலோட்டில் அவர் மாமியார் வீட்டில் அருமையான காலை உணவு. உன்னியப்பம்,குழியப்பம் , இட்லி, சட்னி, சாம்பார் என அசத்தியதோடு மதிய உணவாக தேங்காய் எண்ணெயில் பொறித்த கோழிக்கறியும், கேரள அரிசிச் சோறும், கப்பக்கிழங்கு மசியலும் பருப்புக் கடையலும் செய்து கொடுத்தனுப்பினார்கள்.

முதல் மூன்று புகைப்படங்கள்  திருவனந்தபுரத்தில் எடுத்தது


இந்தத் தலைவரின் ( சிலை ) பெயர் எல்லாம் தெரியவில்லை.

வெள்ளி, 3 ஜனவரி, 2020

படச்சுருள் - ஒரு பார்வை.


படச்சுருள் – ஒரு பார்வை.

டிஸ்கவரியில் நவம்பர் 2015 இல் வாங்கி வந்த இதழை அன்றே படித்துவிட்டாலும் இன்றுதான் வலைத்தளத்தில் அதைப் பதிவிட முடிந்தது. சினிமாவுக்கென ஒரு இதழ். நடுப்பக்கப் படங்கள் இல்லாமல் அசட்டுப் பிசட்டு ஜோக்குகள், நையாண்டி இல்லாமல் சீரியஸான பேட்டிகளுடன் அதுவும் பெண் சினிமா இயக்குநர்/ஆவணப்பட இயக்குநர், நடிகைகள் முழுக்க முழுக்க ஆக்கிரமித்திருக்கும் இதழ் இது.

பி லெனின், தியோடர் பாஸ்கரன், யமுனா ராஜேந்திரன், சொர்ணவேல், ட்ராட்ஸ்கி மருது, லீனா மணிமேகலை ஆகியோ இதன் ஆலோசனைக் குழுவினர். இவர்களில் சொர்ணவேல், லீனா மணிமேகலை ஆகியோரின் கட்டுரைகளும் பேட்டிகளும் இடம் பெற்றுள்ளன.

வியாழன், 2 ஜனவரி, 2020

மூவாயிரம் ஆண்டுகள் வாழ்ந்த மூலன். தினமலர் சிறுவர்மலர் - 47.

மூவாயிரம் ஆண்டுகள் வாழ்ந்த மூலன்
இக்காலத்தில் ஒருவர் நோய் நொடியின்றி ஐம்பது, அறுபது ஆண்டுகள் முதல் நூறாண்டுகள் வரை எளிதில் வாழலாம். ஆனால் ஒரு மனிதன் கிட்டத்தட்ட மூவாயிரம் ஆண்டுகள் உயிர் வாழ்ந்திருக்கிறார். அது மட்டுமல்ல ஆண்டுக்கு ஒன்று என்ற கணக்கில் மூவாயிரம் பாடல்களும் எழுதி இருக்கிறார். அவர் யாரென்று அறிய ஆவலாய் இருக்கிறீர்கள்தானே குழந்தைகளே. வாருங்கள் அவர் பற்றிச் சொல்லுகிறேன்.
திருவாடுதுறை என்னும் ஊரில் மூலன் என்றொரு ஆயர் இருந்தார். அவ்வூரின் அருகில் இருந்த சாத்தனூர் என்ற ஊரில் வாழ்ந்த குடும்பஸ்தர்களின் ஆநிரைகளை அதிகாலையில் வீடுதோறும் சென்று ஓட்டிக்கொண்டு பகல் பொழுதில் புல்வெளிகளிலும், காடுகளிலும், உழவு முடிந்த வயல்களிலும் மேய்த்து மாலையில் அதனதன் இல்லம் கொண்டு சேர்ப்பது அவர் பொறுப்பு.
அப்படி மேய்த்துவரும்போது ஒருநாள் மாலையாகியது. ஆநிரைகள் வீடு திரும்ப வேண்டும். அவை தம் மேய்ப்பரைத் தேடிக் குரல் எழுப்புகின்றன. அந்தியோ மங்கி வருகின்றது. ஆனால் அவரைப் பாம்பு ஒன்று தீண்டியதால் மேய்ச்சல் நிலத்தில் விழுந்து கிடக்கிறார். ஆநிரைகள் ஒன்றன்பின் ஒன்றாகத் தம் மேய்ப்பர் விழுந்து கிடப்பதைப் பார்த்து அவலக் குரல் எழுப்புகின்றன. சில மோந்து பார்க்கின்றன. ஒரு சிலவற்றின் கண்களிலிருந்து கண்ணீர் வடிகின்றது.

புதன், 1 ஜனவரி, 2020

”எழுத்தும் நானும்” தமிழ்நாடு முற்போக்கு எழுத்தாளர் சங்கம்.

இன்று தமிழ்நாடு முற்போக்கு எழுத்தாளர் சங்கத்தின் ( காரைக்குடிக் கிளை)  கூட்டத்தில் எழுத்தும் நானும் என்ற தலைப்பில் உரையாற்றினேன்.

கார்த்திகேயன் பள்ளியில் நடைபெற்றது இந்நிகழ்வு.  தமிழ்நாடு முற்போக்கு எழுத்தாளர் சங்கத்தின் ( காரைக்குடி-சிவகங்கை ) மாவட்டத்  தலைவர் திருமிகு ஜீவ சிந்தன் அவர்கள் உரையாடும்படிக் கேட்டு  இந்த அழைப்பிதழை அனுப்பி வைத்தார்கள்.

கிட்டத்தட்டப் பன்னிரெண்டு ஆண்டுகளாக காரைக்குடியில் செயல்படுகிறது இச்சங்கம் . வாராவாரம் சனிக்கிழமைகளில் த.மு.எ.ச. வின் கூட்டம் நடைபெறுவது குறிப்பிடத்தக்கது.

இரண்டு நாட்கள் முன்பு காலமான த.மு.எ.ச. நிறுவனர் டி. செல்வராஜ் அவர்களுக்கு அஞ்சலி செலுத்தியபின் கூட்டம் ஆரம்பிக்கப்பட்டது.


Related Posts Plugin for WordPress, Blogger...