கரூர் கல்யாணவெங்கட்ரமணர், கல்யாண பசுபதீஸ்வரர், மாரியம்மன், கொடுமுடி மகுடேஸ்வரர் கோயில்கள் ;-

முதலில் சென்றது மகாமாரி என்று கருவூரை ஆடசி செய்யும் மாரியம்மன் திருக்கோயில்தான். பொங்கும் அவள் அருளாட்சியில் நனைந்து மனம் குளிர்ந்தது. அம்மை போன்ற உஷ்ணாதிக்க நோய்களைத் தீர்ப்பதோடு வாழ்வை வளமும் நலமும் பெறச் செய்யும் அம்மன் இவள். கிழக்கு நோக்கிய சந்நிதியில் நான்கு கரங்களுடன் அருள்பாலிக்கிறாள் சக்தி.

மண்ணில் பிறந்து மண்ணை அடைகிறோம் என்பதற்காக இங்கே திருமண்தான் பிரசாதமாக வழங்கப்படுகிறது. மஞ்சள் நீர்க் கம்பம் உற்சவம் விசேஷம். கம்பத்துக்கு தயிர் சாதம் படையலிட்டு சாமி கும்பிடுவார்கள். 

அடுத்து.,

தான்தோன்றிமலை கல்யாண வெங்கட்ராமணர் கோயிலுக்கு ஒரு மாலை வேளையில் சென்றோம்

ஒரு சிறு குன்றின்மேல் ஒரு பாறையில் தானே சுயம்புவாகத் தோன்றி ஸ்ரீதேவி பூதேவியுடன் காட்சி அளிக்கும்  வெங்கட்ரமணரைத் தரிசித்தோம். 500 வருடங்கள் பழமை வாய்ந்த கோயில் இது.

கெம்பேகவுடா ஏர்போர்ட், பெங்களூரு. மை க்ளிக்ஸ் MY CLICKS.

பெங்களூரு தேவனஹள்ளியில் அமைந்துள்ள கெம்பேகவுடா ஏர்போர்ட்டுக்கு சென்றிருந்தபோது எடுத்தவை இந்தப் புகைப்படங்கள்.

ஏர்போர்ட் மிகவும் ஜாஜ்வல்யமாக இருந்தது அந்த அர்த்தராத்தியின் இரண்டுமணிப் பொழுதிலும்.  பிடிஎம் லே அவுட்டில் இருந்த எங்கள் வீட்டுக்கு வரும்வழியில் திரும்பி வரும்போது உறங்கிவிட ஃப்ளைஓவரில் கார்க்காரரும் சொக்கி எங்களை வானுலகம் அனுப்பப் பார்த்தார். என்பதாலேயே இந்த ஏர்போர்ட் விசிட் முக்கியமானதாகிவிட்டது. யப்பாடா தப்பிச்சு வந்து பிலாக் போஸ்ட் போட்டுட்டோம். கேட்டா பூனை க்ராஸ் பண்ணுச்சுக்குங்கிறார் !

தேசியக்கொடியினைப் பார்த்ததும் நாட்டுப்பற்று துளிர்விட்டது :)

கரூர் ஆர்த்தி .

கரூரில் தங்க அழகான ஹோட்டல் ஆர்த்தி. மேற்கு பிரதட்ஷணம் ரோட்டில் அமைந்துள்ள இது திண்ணப்பா தியேட்டரின் பக்கம் உள்ளது.  மிக வசதியான இந்த ஹோட்டலில் சில நாட்கள் தங்கி கல்யாண பசுபதீஸ்வரர், தான்தோன்றி ஈசுவரர், கொடுமுடி, கரூர் மாரியம்மா ஆகிய தெய்வங்களை வணங்கி வந்தோம். பஸ்ஸ்டாண்டு பக்கம். ஆட்டோவும் சீப்தான்.

அங்கே என்னைக் கவர்ந்த செந்நிற ரிஷப்ஷன் ( பவளம் ! ) பிள்ளையார்.

இங்கே முன்புறம் லவ்பேர்ட்ஸும் வாத்துக்களும் வளர்த்து வருகிறார்கள். "ஆத்தி ! இது வாத்துக் கூட்டம்" என்று தனி இடுகையே போடுமளவுக்கு படம் எடுத்து வைத்துள்ளேன்.

நவக்ரஹ கோயில் தரிசனம் :- திங்களூர் சந்தோஷ வாழ்வருளும் சந்திர பகவான்

திங்களூர் கும்பகோணத்தில் இருந்து 33 கிமீ தூரத்தில் உள்ளது. மூலவர் கைலாசநாதர். இறைவி பெரியநாயகி, நாவுக்கரசராலும் சுந்தரராலும் பாடல் பெற்ற தலம்.அப்பூதி அடிகளின் மகனைப் பாம்பு தீண்ட திருநாவுக்கரசர் இறைவனிடம் இறைஞ்சித் திருப்பதிகம் பாடி அவனை உயிர்ப்பித்த தலம்.

மிகச்சிறிய அழகான கோயில். இக்கோயில் கிழக்குமுகமாக பெரியநாயகி அம்மன் சந்நிதி அமைந்துள்ளது.. தெற்கு நோக்கிய சந்நிதியில் கைலாசநாதர் எழுந்தருளி உள்ளார். அவருக்கு எதிரில் எல்லாக் கோயில்களிலும் சந்திரன் சூரியன் இருக்கும் இடங்களில் அவர்கள் முறையே  எழுந்திருக்கிறார்கள். கோஷ்ட தெய்வமாக சிவனுக்கு எதிரில் வாயிற்புறத்தில் இடப்புற சந்நிதியில் எழுந்திருக்கும் சந்திரனே இத்தலத்தில் சந்திர பகவானாக வணங்கப்படுகிறார். 

 பாற்கடலைக் கடைந்தபோது வெளிப்பட்ட ஐராவதம், உச்சைசிரவஸ், லக்ஷ்மி, அமிர்தம் ஆகியவற்றோடு அமிர்தகலசம் தாங்கி வெளிப்பட்டவர் சந்திரன்.

நவக்ரஹக் கோயில் தரிசனம்:- திருநாகேஸ்வரம் ராஜவாழ்க்கை நல்கும் ராகுபகவான்

"ராகுவைப் போலக் கொடுப்பவரும் இல்லை, ராகுவைப் போலக் கெடுப்பவரும் இல்லை" என்று சொல்வார்கள் நல்ல திருமண வாழ்க்கை அமையக் காரணகர்த்தா ராகுபகவான். போககாரன் என்று குறிப்பிடுவார்கள். இங்கே ராகு மங்கள ராகுவாக தன துணைவியர் நாகவள்ளி, நாககன்னி ( சிம்ஹி, சித்ரலேகா  ) யுடன் எழுந்து அருள்பாலிக்கிறார். நீண்ட ஆயுளும், சகல சம்பத்தும் அளிக்க வல்லவர் ராகு. இவர் ஆட்சி நடைபெற்றால் அந்த ஜாதகர் ராஜவாழ்க்கை வாழ்வார் என்பது ஜோதிட கணிப்பு. இவரது சுழற்சி ஒன்றரை ஆண்டுகள்.  ராகுவுக்கு உகந்த நிறம் நீலம். உகந்த மலர் மந்தாரை. உரிய ரத்னம் கோமேதகம். தான்யம் உளுந்து, நைவேத்தியம் உளுந்துப்பொடி சாதம் .

மூலவர் செண்பகாரண்யேஸ்வரர், இறைவி கிரிகுஜாம்பாள். நாகராஜன் வழிபட்ட ஈசன் எனவே நாகநாத ஸ்வாமி என்றழைக்கப்படுகிறார். கும்பகோணத்தில் இருந்து 6 கிமீ  அமைந்துள்ளது. ஸ்தலவிருட்ஷம் செண்பகம். தீர்த்தம் நாகதீர்த்தம் மற்றும் சூரிய தீர்த்தம் உட்பட பன்னிரு தீர்த்தங்கள். சூரிய புஷ்கரணி இது.

ராகு பாம்பின் உடல் கொண்டதால் காலசர்ப்பதோஷம், களத்திர தோஷம், புத்திர தோஷம், சர்ப்ப தோஷம், மாங்கல்ய தோஷம், நீக்கும் ஸ்தலம் இது.  இங்கு பூஜை செய்தால் ராகு தசை ராகுபுத்தி நடப்பவர்களுக்கு ராகு தோஷம் நிவர்த்தியாகும் என்கிறார்கள்.

நவக்ரஹ கோயில் தரிசனம்:- திருநள்ளாறு சாயாபுத்திரன் சனி பகவான்.

திருநள்ளாறு தர்பாரண்யேஸ்வரர், கோயிலில் ஒரு நாள் அதிகாலை  நேரத்தில் சனீஸ்வரருக்கு அபிஷேகம் காணும் பாக்கியம் கிட்டியது. பொதுவாக கூட்டமான நேரத்தில் முண்டியடித்துச்  சென்று வணங்கியே  பழக்கம். அன்று ஏனோ நாலைந்து பேர் நிற்க நாமும் முன்னே சென்று நன்கு தரிசிக்கும் வாய்ப்புக்கு கிட்டியதில் மிக மகழ்ச்சியாக இருந்தது. எல்லா அபிஷேகமும் முடிந்து  வெள்ளிக்கவசத்தில் ஜொலித்தார் அழகியகுட்டிசனீஸ்வரர்.

சனி, ராகு, கேது ஆகியோரின் பெயர்ச்சி எல்லாவற்றையும் விட முக்கியத்துவம் வாய்ந்ததாகிறது. ஏழரை சனி, அஷ்டம சனி, அர்த்தாஷ்டம சனி, ஜென்ம சனி என்றாலே எல்லாரும் கிடுகிடுத்துப் போவார்கள். என்னென்ன சோதனை எல்லாம் வைச்சிருக்கோ சனி பகவான் என்று.

முப்பதாண்டுகளுக்கு ஒரு முறை மாற்றமும் இரண்டரை ஆண்டுகளுக்கு ஒரு முறை சுழற்சியும் இவரால்  ஒவ்வொரு ஜாதகத்திலும் இடம்பெறும். ஒவ்வொருவரின் வாழ்விலும் முதல் சுற்று மங்கு சனி என்றும் இரண்டாம் சுற்று பொங்கு சனி என்றும் மூன்றாம் சுற்று மரணச்சனி என்றும் வழங்கப்படுகிறது.

விநாயகர், நளன், தயரதச் சக்கரவர்த்தி ஆகியோரும் சனீஸ்வரரின் பார்வைக்குத் தப்பியவர்கள் அல்லர்.

நவக்ரஹ கோயில் தரிசனம். :- சூரியனார் கோவிலில் சிவசூரியநாராயணரை நோக்கும் மங்களகுரு..

சூரியனின் பொன்னிறக் கதிர்கள் எங்கெங்கும் பிரகாசமாகப் பரவி இருக்க மந்தகாசமான அந்த அதிகாலை வேளையில் சூரியனார் கோவிலுக்குள் நுழைந்தோம். ஆயிரம் கரங்கள் நீட்டி அணைக் கின்ற தாய்போல கதகதப்பாக எம்மைச் சூழ்ந்திருந்தார் சூரியனார்.

நவக்ரஹங்களில் முதன்மையானவர். நவக்ரஹங்களின் நாயகன். பயிர்பச்சைகள் உயிர்த்தெழக் காரணமானவர். இந்த உலகத்தைத் தன் கிரணங்களால் தினம் புதிப்பிப்பவர். ஏழுகுதிரைகள் பூட்டிய இரதத்தில் வலம் வருபவர். அதிகாரம் தலைமைப்பண்புக்குக் காரணமானவர். ஆளுமைத்தன்மை மிக்கவர். சூரியனிலிருந்து வெடித்துச் சிதறியதுதான் பூமி ( பிக்பாங் தியரி ) என்பது அறிவியல் கூற்று.

சூரியன். சூரியனுக்காக எழுப்பப்பட்டுள்ள கோயில் கும்பகோணம் அருகே உள்ள சூரியனார் கோயில்.  குலோத்துங்க சோழனால் கிபி பதினோராம் நூற்றாண்டு கட்டப்பட்டது.

நவக்ரஹ கோயில் தரிசனம்:- கஞ்சனூரில் சுபம், சுகமீயும் சுக்கிரமூர்த்தி.

அதிகாலை வெய்யில் சுகமாய் வருட கிழக்கு நோக்கிய ஐந்துநிலை இராஜகோபுரம் நம்மைக் கம்பீரமாக வரவேற்கிறது.  பணங்காசு அதிகம் பெற்றவரைப் பார்த்து அவருக்கென்ன "சுக்ர திசை அடிச்சிருக்கு" என்று சொல்வார்கள். சுக்ரதிசை நடந்தால் தொட்டதெல்லாம் பொன்னாகும். அப்படிப்பட்ட பொன்னார்மேனியன் சுக்கிரனை வணங்கும் வாய்ப்புக்கு கிட்டியது. 

ரோஸ் அரளி மாலையுடன் சுக்கிரனைப் பார்க்க நடையை எட்டிப் போட்டோம்.

கஞ்சனூர் அக்னீஸ்வரர் கோவில் 2000 வருடம் பழமை வாய்ந்தது. மூலவர் அக்னீஸ்வரர்,  இறைவி கற்பகாம்பிகை. சோழர் காலக் கற்றளிக் கோயில் இது. அப்பர் பாடல்பெற்ற திருத்தலம். ஸ்தலமரம் பலாசு, தீர்த்தம் அக்கினி தீர்த்தம், பராசர தீர்த்தம்.

நவக்ரஹ கோயில் தரிசனம் :- கீழப்பெரும்பள்ளம் கேண்மை மிக்க கேதுபகவான்

ஞானகாரகன் கேது என்று சொல்லப்படுவதுண்டு. கால சர்ப்ப தோஷ ஜாதகம் என்றோ காலசர்ப்ப  யோக ஜாதகம் என்றோ  ஒரு ஜாதகத்தில் லக்கினத்தில் ராகுவோ கேதுவோ இடம்பெற்று  அதிலிருந்து ஏழாம் எட்டாம் இடத்திற்குள் மற்ற கிரகங்கள்  இடம்பெற்றிருந்தால் இவ்வாறு அழைப்பார்கள்.

சகட யோகக்காரர்கள் என்றும் சொல்வதுண்டு. சகடம் ( கிணற்றில் நீர் இறைக்கப் பயன்படும் கருவி போல் ) அவர்கள் வாழ்வு நிலை மேலேஏறிக் கீழிறங்கி திரும்ப மேலேறிக் கொண்டிருக்கும். அப்படிப்பட்டவர்கள் கேதுவை வணங்கினால் நிலைமை சீராகும்.

கீழப்பெரும்பள்ளம் நவக்ரஹக் கோயில்களில் சிறிய அழகிய கோயில். வெளிநிலையில் ரிஷபாரூடர் காட்சி அளிக்க எதிரே ஒரு ஆலமரம் நாகர்களால் நிரம்பி இருக்கிறது. நாகர்கள் மேலெல்லாம் பக்தர்கள் திருமணத் தடை நீக்க அணிவித்த மஞ்சள் கயிறுகள், மஞ்சள்  கிழங்குகளோடு மூடி இருக்கின்றன. குழந்தைப்பேறு வேண்டி கட்டப்பட்ட மஞ்சள் தொட்டில்கள் காற்றில் சரசரக்கின்றன. இது நாகதோஷ பரிகார ஸ்தலம்.

நவக்ரஹ கோயில் தரிசனம் :- திருவெண்காடு பிள்ளை இடுக்கி அம்பாளும் புதபகவானும்

கும்பகோணத்தில் இருந்து திருவெண்காடு 52 கிமீ தூரத்தில் உள்ளது. காலை வேளையில் சென்று ஈசனுக்கும் அம்பிகைக்கும் திருவனந்தல் பார்த்தோம்.

இக்கோயில் சோழர் காலத்தில் கட்டிடப்பட்டது. கிபி 1000 இல் இருந்து தற்போது வரை அழகாகப் புதுப்பிக்கப்பட்டுப் பராமரிக்கப்பட்டு வருகிறது.

வெண்காந்தள் மலர்கள் நிரம்பிய காடாக இருந்ததால் இது திருவெண்காடு என அழைக்கப்பட்டது.

நவக்ரஹ கோயில் தரிசனம் :- புள்ளிருக்குவேளூரில் மங்களம் தரும் அங்காரகன்.

வைத்தீஸ்வரன் கோயில் வைத்தியநாதர் கோயிலில் மங்களம் தரும் அங்காரகன் குடிகொண்டிருக்கிறார். இங்கே மூலவர் வைத்தியநாதர் , தாயார் தையல்நாயகி, முத்துக்குமாரசுவாமி, அங்காரகன் ஆகியோரைத் தரிசித்தல்  விசேஷம். 

சிவனின் நெற்றிக்கண்ணில் இருந்து  வடிந்த  வியர்வைத்துளியில் உதித்தவர் அங்காரகன். அந்தத் துளி கீழே விழாமல் பூமாதேவி தாங்கி வளர்த்ததால் இவர் பூமிகாரனாகவும் திகழ்கிறார். இன்னொரு கதையில் இந்த நெற்றிப் பொறியை அக்கினி கங்கையில் சேர்த்ததால் அங்காரகன் தோன்றினார் என்கிறார்கள். அக்கினி தேவனுக்கும் விகேசிக்கும் பிறந்தவர் அங்காரகன் என்றும் இவர் விநாயகரை வணங்கி  தவமிருந்து அமரபதவி அடைந்தார் என்றும் கூறுகிறது இன்னொரு கதை. உஜ்ஜயினியில் தோன்றியவர் என்றும் கூறுகிறது ஒரு கதை. 

செந்நிறகிரகம்  செவ்வாய்

புள் இருக்கு வேள் ஊர்   என்றால் முருகன், ருக்வேதம் ,கருடன் ( ஜடாயு, சம்பாதி) சூரியன் ஆகியோர்  வணங்கி அருள் பெற்றதாக சொல்கிறார்கள்.

நவக்ரஹ கோயில் தரிசனம் - ஆலங்குடி ஆலமர் ஈசன்.

கும்பகோணத்தில் இருந்து பதினேழு கிலோமீட்டர்  தூரத்தில் உள்ளது ஆலங்குடி. இறைவன் ஆபத்சகாயேஸ்வரர்.  இறைவி  ஏலவார்குழலி அம்மை.

பாற்கடலைக்கடைந்தபோது வெளிவந்த விஷத்தை இறைவன் அருந்தி தேவர்களைக் காப்பாற்றியதால்  ஆபத்சகாயேஸ்வரர் என்று பெயர். அதனாலேயே இவ்வூருக்கு ஆலங்குடி என்று பெயர்.

ஆலங்குடியில் ஆலமர் ஈசனைத்  தரிசிக்கும் பேறு கிட்டியது. "குரு பார்க்கக் கோடி நன்மை" என்பார்கள். மழையும் இருளும் போட்டிபோட்டுத் தாக்கியபோதும் ஆலங்குடி சென்று  அத்தகைய குருவை அருகே தரிசித்ததில் மிகவும் மகிழ்ந்தோம்.

பிரகஸ்பதி, வியாழன் என்றழைக்கப்படும் இவரின் பார்வை இருந்தால்தான் திருமணம் நடைபெறும்.

ஸ்ரீ மஹா கணபதிம் - ஸ்ரீதோரண கணபதி ஸ்துதி.

சக்தி மேகல்வாசம் சகல கல்யாண மூர்த்திம்
அங்குச பாச ஹஸ்தம் கிரீட மகுட தாத்ரீம்
அஷ்ட லக்ஷ்மீ சகிதம் தோரண கோபுர நேத்ரம்
ருணமோசன கணேசம் நௌமி ஸதா ப்ரசன்னம்!

கடன் தீர்க்கும் கணபதியைத் தோரண கணபதி என்கிறார்கள். இங்கே எல்லா கணபதியையும் பகிர்ந்துள்ளேன். ஆனால் தோரண கணபதி ஸ்துதியைப் போட்டிருக்கிறேன். தோரண கணபதி ஒவ்வொரு ஆலயத்திலும் அம்பிகையின் வலப்புறம் தனிசந்நிதியில் வீற்றிருப்பார் :) நம்முடைய பிறவிக் கடனைத் தீர்க்கும்படி இந்த விநாயக சதுர்த்தியில் வேண்டிக் கொண்டேன்.

ஸ்ரீ மஹா கணபதிம்.

ஆங் சொல்ல மறந்துட்டேன் நம்ம நெல்லிமரத்துப் பிள்ளையார் கோயிலில் வரும் செப்டம்பர் ஒன்றாம் தேதி - 1. 9. 2017. அன்று காலை கும்பாபிஷேகம். எல்லாரும் வந்து தரிசித்து அருள் பெறுக. 

இவர்தான் நம்ம நெல்லிமரத்துப் பிள்ளையார். 

இவர் நம்ம சந்தான கணபதி சஞ்சீவி ஆஞ்சநேயருடன்

ஒரு திருமண வரவேற்பில் அழகு கணபதி

ஸ்ரீ வெங்கட்ரமணா ரெசிடென்சியும் சாரங்கபாணி கோயிலருகில் சுடச்சுட இட்லியும

கும்பகோணம்வாசிகள் கொடுத்து வைத்தவர்கள். ஊர்தான் நாற்றம் பிடித்த ஊர்.  ( ஆசிலேட்டிங் பாப்புலேஷன் அதிகம் என்பதால் இருக்கலாம். ) ஆனால் உணவுவகைகளோ அட்டகாசம். காசுக்கேத்த பலகாரங்கள்.கிடைக்கும். அங்கே ரயில்வே ஸ்டேஷனில் கிடைக்கும் அருமையான பில்டர் காபியில் உற்சாகமான நாள் ஆரம்பிக்கும்.

எல்லா ஹோட்டல்களிலும் இட்லி  சாம்பார் நல்லா இருக்கும். ஆனா எக்ஸ்பெஷலி சாரங்கபாணி கோயிலுக்கருகில் இட்லி சாப்பிட்டுப் பாருங்க. அசந்து போவீங்க ஆனா அதுக்கு நீங்க இரவுவரை காத்திருக்கணும். ஏன்னா ராத்திரி ஆறு மணியிலிருந்து பத்து மணிவரைதான் இட்லி கிடைக்கும். இதுபோக பட்டர் ரோஸ்ட், பொடி தோசை,மசால்தோசை, அடை , பரோட்டா என விதம் விதமான விருந்து உண்டு. சாம்பார் சட்னியுடன் மிளகாய் சட்னியும் ஸ்பெஷல். அதோடு முக்கியமான விஷயம் இட்லிப்பொடி  நல்லெண்ணெயும் உண்டு.  மறக்காம கேட்டு வாங்கி  சாப்பிடுங்க.

என்னடா வெங்கட்ரமணா பத்தி சொல்ல வந்துட்டு சாப்பாட்டுப் புராணமா இருக்கேன்னு பார்க்குறீங்களா முதல்ல சோறு முக்கியம் அமைச்சரே. :)

வெங்கட்ரமணா இருவர் தங்க ஏற்ற பட்ஜெட் ஹோட்டல். ஆயிரம் ரூபாய்தான் நாள் வாடகை .

பெங்களூரில் மனம்தொட்ட தொட்டம்மா, சிக்கம்மா,வ(பண)னசங்கரி, வரசித்தி விநாயகர்.

கிராம தேவதைகளாக நம்மூரில் காளியம்மா மாரியம்மா இருப்பதுபோல் பெங்களூருரில் தொட்ட இடமெல்லாம் தொட்டம்மா கோயில் இருக்கிறது.

தொட்டம்மா என்றால் அனைத்து மாரியம்மன்களுக்கும் மூத்த சகோதரி என்று அர்த்தமாம்.

மகிஷாசுரனை அழித்த துர்க்கைதான் தொட்டம்மா என அழைக்கப்படுகிறார். ரேணுகா, எல்லம்மா என்றெல்லாமும் அழைக்கப்படுகிறார்.

பரோக்ஷ் !

பரோக்ஷ் ! பார்த்ததும் அதிர்ந்தேன். ஆனால் நச் என்ற முடிவில் திகைத்தேன். இப்படியும் எடுக்க முடியுமா ஹேட்ஸ் ஆப் டு தெ டைரக்டர் கணேஷ் ஷெட்டி !.

பகிர்ந்தமைக்கு நன்றி சுசீலாம்மா !

///கர்நாடக மாநிலம் உடுப்பியருகே உள்ள ஒரு கிராமத்தில் நிகழ்ந்த [2015] . ஒரு மிகச்சிறிய உண்மைச்சம்பவத்தைத் துளு மொழியில் சுவாரசியமான குறும்படமாக்கியிருக்கிறது கணேஷ் ஷெட்டியின் ’’பரோக்‌ஷ்’’. தென்னை மரங்கள் அடர்ந்த தோப்பை ஒட்டி அதையே வாழ்வாதாரமாய்க்கொண்டு வாழும் ஒரு குடும்பம்.

சாப்பிட வாங்க – மின் புத்தகம். முன்னுரை

சாப்பிட வாங்க – மின் புத்தகம்.

THERE IS NO SINCERE LOVE THAN THE LOVE OF FOOD – GEORGE BERNARD SHAW.

ஃபிப் மாசம் அனுப்பிய மின்னூலுக்கு ஜூலை மாசம் முன்னுரை தருவது கொஞ்சம் இல்ல ரொம்பவே சோம்பேறித்தனமான செயல்தான். மன்னிச்சூ வெங்கட் சகோ. J

உணவில்லாமல் உயிர் வாழ்வது கண்டுபிடிக்கப்படலை இன்னும். உணவுதான் நம் ஊனாய், உணர்வாய் மாறி உயிர் கொடுக்குது. சாதாரணமா நாம் தினம் சாப்பிடும் சாப்பாட்ல ஏகப்பட்ட பிடிக்கும் பிடிக்காதது வைத்திருப்போம். ஆனா பேச்சிலரா வாழும் ஊரில் மற்றும் பயணம் செய்யும் ஊரில்  கிடைக்கும் உணவுகளைப் பிடித்தோ பிடிக்காமலோ சாப்பிட வேண்டி வரும். அதே பழக்கத்துல எல்லா உணவுகளையும் சாப்பிடப் பழகிடுவோம். அதுவே சிறப்புத்தான்.

மேலும் ஒவ்வொரு ஊரிலும் கிடைக்கும் சீசனல் மற்றும் ரீஜனல் பொருட்கள், காய்கனிகள்  கொண்டு தயாரிக்கப்படும் உணவுதான் அந்தந்தப் பருவத்துக்கு ஏற்றதா இருக்கும். அதை நான் டெல்லியில் இருந்தபோது உணர்ந்திருக்கேன். எக்ஸ்பெஷலி விண்டர்ல நிறைய காய் சீப்பா கிடைக்கும். அதை சாப்பிட்டா நல்லது. ஆனா அப்போ தமிழ்நாடு மாதிரி அதிகம் புளி சேர்த்த உணவுகள் ஜீரணமாகாது. அதைத் தவிர்க்கணும்னு தெரிஞ்சிக்கிட்டேன்.

சில மொக்கைக் குறிப்புகள் :- 8

**நிலவுடன்  உருண்டு
இருளுடன் இணையுமுன்
பெருநெருப்பொன்று
உரசி எழுகிறது தினசரி..
சூரியனாம்.

**நிலவு வராதபோதும்
நட்சத்திரம் இல்லாதபோதும்
இருளும் கருக்கிருட்டும்கூட கைவிட்டபோதும்
தினமும் பரந்து விரிந்த கண்களோடு
நிச்சயம் உண்டு
ஜன்னலோரம் எட்டிப்பார்த்து
அவள் இருப்பை உறுதி செய்யும்
இளஞ்சூட்டு வெய்யில்.

**வண்ணக் காடொன்றில்
கைகாட்டி மரமாய் அலைகிறது
பட்டாம்பூச்சி இறக்கைகளோடு

**வேண்டாத பொருட்களால்
திணறிக் கிடக்கிறது வீடு
மனத்தைப் போல.

சொக்கேட்டான் கோயில்

 சொக்கேட்டான்  கோயில், சொற்கேட்ட  விநாயகர் ,சொற்கேட்டான்   கோயில், சொல் கேட்ட ஐயா ஆகிய பெயர்களோடு விளங்கும் விநாயகரை சிலநாள் முன்பு தரிசித்தோம்

Sorkettan koil

காரைக்குடிக்குப் பக்கமுள்ள பள்ளத்தூர் வேலங்குடியில் கோயில் கொண்டிருக்கும் இறைவனே சொற்கேட்ட விநாயகர். இவரின் சன்னதி வாசலில் நின்று என்ன வேண்டிக் கொண்டாலும் அது அப்படியே பலிக்கும் என்பதால் பக்தர்களின் சொல் கேட்ட விநாயகர் என்ற பெயர் பொருத்தமாய் விளங்குகிறது. இதைப் பேச்சு வழக்கில் சொக்கேட்டான் கோயில் = சொக்கட்டான் கோயில்  என்கிறார்கள்.

Sorkettan Vinayagar

குருநானக் ஜிரா சாஹிப்பில் அம்ரித் குண்ட்

பிதாரில் 1948   இல் கட்டப்பட்ட  இந்த குருத்வாரா  சீக்கியர்களின்  சிறந்த வழிபாட்டுத்தலம். இது முதல்  குரு குருநானக்கிற்கு அர்ப்பணிக்கப்பட்டுள்ளது.

குமரகம், ஆலப்புழா மை க்ளிக்ஸ் MY CLICKS.

கடவுளின் தேசம் என்றறியப்படக் கூடிய கேரளாவில் கட்டாயம் பார்க்கவேண்டிய இடங்களில் குமரகம், ஆலப்புழா படகுவீடுகளும் ஒன்று. இந்தியாவின் வெனிஸ் என்று இதை ஒரு ஆங்கில ஆட்சியாளர் புகழ்ந்தாராம்.

படகுவீடுகள், படகுப் போட்டி , மீன் பிடித்தல், பறவைகள் சரணாலயம், ரெசார்ட்டுகள் ஆகியன அடங்கியது குமரகம்.

இந்திய டூரிஸத்தில் இந்த இடத்துக்கு முக்கிய இடம்  உண்டு. இங்கே செல்லாத வெளிநாட்டினர் குறைவு. ஒரு விடுமுறை நாளில் நாங்களும் திருவனந்தபுரத்தில் இருந்து கொல்லம் வந்து இந்த இடத்துக்கு சென்று வந்தோம்.

பேக்வாட்டர்ஸ்  எனப்படும் இதில் போட் ஹவுசில் தங்கி இருப்பதை விட போட்டிங் சென்றுவருவது கொஞ்சம்  செலவு கம்மி. 1000 ரூபாயில் இருவர் மூன்று மணி நேரம் போட்டில் சென்று வரலாம்.

வறுத்த மீன் எல்லாம் தின்னல ஆனா பழம்பொரி சாப்பிட்டேன் :)

படகுவீடு பக்கத்திலும் தூரத்திலும் .

தாராசுரம் மை க்ளிக்ஸ் . MY CLICKS.

தொல்பொருள் துறையால் பாதுகாக்கப்படும் கோயில் இது. இதை பற்றி முன்பேயே பல பதிவுகள்  எழுதி இருக்கிறேன். இப்போ புகைப்படங்கள் மட்டும் பகிர்ந்துள்ளேன்

குங்குமம் டாக்டரில் ஹெல்தி ரெசிபி கும்மாயம் !

கும்மாயம்/ஆடிக்கூழ்:-

தேவையானவை:-

கும்மாய மாவு( பச்சரிசி 1 கப்., பாசிப்பருப்பு 1 கப்., வெள்ளை உளுந்து 1 கப்பை வெறும் வாணலியில் வெதுப்பி பொடித்துசலிக்கவும்.) இதிலிருந்து ஒரு கப் மட்டும் எடுத்துக் கொள்ளவும். - 1கப் 200 கி்ராம்.

கருப்பட்டி + வெல்லம் = 1 1/2 கப் 200 கிராம்

நெய்+நல்லெண்ணெய் = 100+50 கிராம்.

தண்ணீர் - 4 கப்

செய்முறை:-

பானில் நல்லெண்ணெய் 50 கிராம்., நெய் 50 கிராம் ஊற்றி மாவை ஒரு நிமிடம் வாசனை வரும்வரை வறுக்கவும். இன்னொரு பாத்திரத்தில் தண்ணீர் 4 கப் ஊற்றி வெல்லம்., கருப்பட்டியை போட்டு அடுப்பில் வைக்கவும். கரைந்தவுடன்வடிகட்டி மாவில் ஊற்றி கட்டிகளில்லாமல் கரைக்கவும். பின் அடுப்பில் வைத்து கைவிடாமல் கிளறவும். கையில்ஒட்டாமல் கெட்டியாக கண்ணாடியைப் போல வரும்வரை கிளறி மிச்ச நெய்யைஊற்றி இறக்கவும். சுடச் சுட பரிமாறவும்.

இது பச்சிளம் குழந்தைகளுக்கும் பதின்பருவப் பெண்களுக்கும் கர்ப்பிணிகளுக்கும் ஏற்றது. அனைத்து வயதுப் பிரிவினருக்கும் ஏற்றதுதான் என்றாலும் பச்சிளம் வயதில் இடுப்பெலும்பு பலம் பெற இதைச் செய்துகொடுப்பது வழக்கம்.

விதம் விதமான விநாயகர் கோலங்கள்

விநாயகர்  கோலங்கள்

கொம்புத்தேனும் குணத்தேளும்

1541.செப்டம்பர் வந்திருச்சா. :)

#ஹைபர்நேஷன்லேருந்து சீக்கிரம் முழிச்சிட்டனா :)

1542. கையைத் தொட்டுத் தொட்டுப் பொட்டு வைத்துக் கொண்டிருக்கிறது  மழை.

1543. SARVESHU KALESHU MAMANUSMAR.. ( சதா சர்வ காலமும் நாமஜெபம்..)

1544. ஸ்டேடசை லைக் பண்றத விட ஃபோட்டோவை லைக் பண்றது சிக்கல் இல்லாத வேலையா இருக்கு :)

1545. குடிக்காதே

குடிக்காதேன்னு சொன்னாலும்

கேக்க மாட்டேங்குது

சாப்பிடும்போது தண்ணி குடிக்காதேன்னா

ரெண்டு வாய் சாப்பிட்டதுமே.  விக்குறமாதிரி இருக்கே. :)

#செல்ஃப்_அட்வைஸ். :)

1546. அடிக்கடி சிஸ்டத்துல காணாம போயிடுறமே.. வீட்டுல இருக்கவங்க நம்மள கண்டுபிடிச்சு ரியல் வேர்ல்டுக்குக் கொண்டு வர வேண்டியிருக்கே.. இது.. INCEPTION AA SPY KIDS AA.. :) : )

கிருஷ்ணர் கோலங்கள்

கிருஷ்ணர் கோலங்கள்

ஷரண பஸவேஷ்வரரும் கூடலசங்கம் சங்கமேஸ்வரர் கோயிலும்.

குல்பர்காவிலிருந்து பிதார் செல்லும் வழியில் பசவண்ணா அவர்கள் பிறந்த கூடலசங்கம் சங்கமேஸ்வரர் கோயிலுக்குச் சென்று வந்தோம். ( மாலையில் புத்தவிஹார், குல்பர்கா கோட்டையும் , மறுநாள் பிதார் குருத்துவாராவும், பிதார் கோட்டையும் சென்றுவந்தோம். )

இந்த கூடலசங்கம் கோயில் லிங்காயத் சமூகத்தினரின் புனித தல யாத்திரை இடமாக இருக்கிறது. 

////பசவண்ணா என்பவர் 12 - ஆம் நூற்றாண்டின் கர்நாடகாவின் மன்னர் பிஜாலா 1 அவர்கள் ஆட்சியில் அளிக்கப்பட்ட புலவர் ஆதரவின் கீழ் இருந்த கன்னடப் புலவர், சமூக சீர்திருத்தவாதி மற்றும் துறவியாவார். பசவண்ணா கடவுள் சிவனின் தீவிர பக்தர் ஆவார். அவரது புரட்சிகரமான இயக்கம் தென்னிந்தியாவில் வீரசைவம் சங்கத்திற்கு (லிங்காயத் சமூகம்) எழுச்சியைத் தந்தது. கூடல சங்கமா அல்லது குடல சங்கமா என்கிற இடத்தில் பசவண்ணா தனது குழந்தைப் பருவத்தைக் கழித்தார் மற்றும் அங்கேயே இறந்தார். எனவே லிங்காயத்களுக்கும் வீரசைவத்தைப் பின்பற்றுபவர்களுக்கும் அவ்விடம் மிகவும் முக்கியமான புனித யாத்திரைத் தலங்களுள் ஒன்றாகும். மத நல்லிணக்கம் மற்றும் சமத்துவம் கூடலசங்கம் சங்கமேஸ்வரா கோயில் (சங்கமநாதா கோயில்) மற்றும் ஐக்ய மண்டபா (பசவண்ணாவின் சமாதி அல்லது கல்லறை) ஆகியவற்றிற்கு புகழ் வாய்ந்ததாக அறியப்படுகிறது. சித்ர துர்காவில் நீங்கள் தவறவிடக்கூடாத 5 அதி அற்புத இடங்கள்!! பசவண்ணாவின் இலக்கியங்கள் மற்றும் பழமையான கர்நாடகாவின் தொல்பொருட்களின் தொகுப்பைக் கொண்ட ஒரு அருங்காட்சியகமும் கூட அங்குள்ளது. குடலா சங்கமா பாகல்கோட் மாவட்டத்தில் உள்ள கிருஷ்ணா மற்றும் மாலாபிரபா ஆகிய நதிக்கரைகளிலுள்ள ஒரு சிறிய கிராமமாகும். கர்நாடகாவிலுள்ள மிகப் பெரிய பக்தி இயக்கத்தின் ஒரு பகுதியாக இந்த சுவாரஸ்யமான இடங்களில் ஒன்று திகழ்கிறது. பாகல்கோட் ஹோலி ஹப்பாவிற்கு புகழ் பெற்றதாகும். இந்தப் பண்டிகை பண்டைக் காலத்திலிருந்து அதன் ஆட்சியாளர்களால் அவர்களது மக்களிடையே மத நல்லிணக்கம் மற்றும் சமத்துவம் ஆகியவற்றை மேம்படுத்த மிகப்பெரிய அளவில் கொண்டாடப்பட்டு வந்தது. முன்பெல்லாம் இது 6 நாள் கொண்டாட்டமாக கொண்டாடப்படும்.////

பசவண்ணா 1105 ஆம் ஆண்டு பிறந்தவர். பெற்றோர். மதராசா, மதராம்பிகை, வசனாஸ் எனப்படும் கவிதைகள் மூலம் சமூகப் புரட்சியை உருவாக்கியவர். பால் வர்க்க பேதங்களைக் களையச் சொன்னவர், மூடநம்பிக்கையை ஒழிக்கச் சொன்ன இவர் தாலி அணிவதற்கு பதிலாக லிங்கம் இஷ்டலிங்கா என்ற கழுத்தணியை அணியச் சொல்லி இருக்காராம்.

கல்புராகி கந்தூர் மாலின் மேல் மதுரா இன்ன்.

குல்பர்கா சென்றிருந்தபோது நாங்கள் தங்கியிருந்த ஹோட்டல் மதுரா இன். இது ஒரு ஷாப்பிங்க் மாலின் மாடியில் அமைக்கப்பட்டுள்ளது வித்யாசமா இருந்தது. இது ரயில்வே ஸ்டேஷனுக்கு அருகிலேயே இருப்பது சௌகரியமா இருந்தது.

எனக்குப் பிடித்த காரிடார்.

குல்பர்காவை கர்நாடகாவில் கல்புராகி என்கிறார்கள். அங்கே சர்தார் வல்லபாய் பட்டேல் சௌக் ( ரவுண்டானா போல் ) என்ற இடத்தில் இந்த ஹோட்டல் அமைந்துள்ளது.

குற்றங்களே நடைமுறைகளாய் – ஒரு பார்வை.

குற்றங்களே நடைமுறைகளாய் – ஒரு பார்வை.

பிரபல பத்ரிக்கையாளர் ப திருமலை அவர்களின் மிகவும் காத்திரமான கட்டுரைகள் அடங்கிய தொகுப்பு இது. பல்லாண்டுகளாய் இதுதான் நடைமுறை என்று சுதந்திரத்துக்குப் பின்னும் சிலவற்றை வரட்டுப் பிடிவாதத்தோடு பிடித்துக்கொண்டு யதார்த்த உலகத்துக்குப் பொருந்தாதவற்றைக் கல்வி என்று கற்பித்துக் கொண்டிருப்பவற்றையும் இன்ன பிற சமூக, அரசியல், சுற்றுச்சூழல் கடைமட்டத்தனங்களையும் காட்டமாய்ச் சுட்டுகின்றன இவை.  

மூடத்தனமாய் நாம் தொடர்ந்துகொண்டிருப்பதைத் தெளிய வைக்கின்றன கட்டுரைகள். நம்மைச் சுற்றி நடக்கும் அக்கிரமங்களை சராசரிக் குடிமகளாக இருந்தும் தட்டிக் கேட்கவில்லையே என்று ரத்தக் கொதிப்பை ஏற்படுத்துகிறது இவரது எழுத்து. நிறைய விஷயங்கள் தெரிந்தும் அவை அப்படித்தான் என்று கடந்துவிடும் நம் பொறுப்பற்றதனங்கள்தான் இவை நீடிக்கக் காரணம் என்று புள்ளி விபரங்களோடு அடுக்குகிறார் கட்டுரையாளர்.

மலைகள் - மை க்ளிக்ஸ். MY CLICKS.

பயணப்பாதையில் தென்படும் மலைகள்தான் எவ்வளவு விதம். பாறைகளாய், காடுகளாய், பசுமை போர்த்தி என்று விதம் விதமான மலைகளை பெங்களூருவில் இருந்து ஹோசூர் செல்லும் வழியில் பார்த்தேன்

மலைகள் அதிகம் காணப்படுவது ஹைதையில்தான் என்றாலும் அவை மாபெரும் பாறைகளாகவும் கோட்டைகள் அமைந்தது போன்று சிதைந்தும் காணப்படும்.

ஆனால் பெங்களூருவில் கலந்து கட்டி அனைத்துமே காணப்பட்டன.

சில பசுமை போர்த்தியும் சில வெட்டிக்கூறாக்கப்பட்டுக் கொட்டி வைத்த மாதிரியும். இருந்தன

மடிவாலா ஐயப்பன் கோயிலும் செண்டை மேளமும்.

கி கம்

ந க த ர காம்

தி ரி கி ட ந க த ர கம்

ந க த ர கம்

தி கம் தி கம்

த்

தி ரி கி ட ந க த ர கம். என்று ஓங்கி ஒலிக்க ஆரம்பிக்கிறது செண்டை வாத்தியம். இது முதன் முதலில் கணபதி கை என்று வணக்கம் தெரிவிக்க வாசிக்கப்படுவது.

தொடர்ந்து த கி ட என்று சாதகம் தொடருமாம். அங்கே நாம் கேட்ட ஒலி இதை எல்லாம் கலந்து கட்டி இருந்தது.

பிறந்தநாள், புத்தாண்டு, பொங்கல், தீபாவளி வாழ்த்து அட்டைகள்.

பத்துப் பதினைந்து வருடங்களுக்கு முன்பு வரை பிறந்தநாள், புத்தாண்டு, பொங்கல், தீபாவளிக்கு வாழ்த்து அட்டைகள் அனுப்பும் பழக்கம் இருந்திருக்கு. இப்போ எல்லாம் ஈ கார்ட்தான். அதுவும் வாட்ஸப்பில் எக்கச்சக்கமாகக் குவியும்.

ஆனா போஸ்ட்மேன் கொண்டு வந்து தரும்போது அந்தக் கார்டை வாங்கி யார் அனுப்பி இருக்காங்கன்னு பார்த்து மகிழ்வதில் ஒரு சஸ்பென்ஸும் த்ரில்லும் இருந்ததை மறுக்க முடியாது. நாம் ரொம்ப ஸ்பெஷல் ஆயிட்டமாதிரி ஃபீல் பண்ண வைப்பவை இந்த பர்த்டே கார்ட்ஸ்தான். 

அதுவும் கல்லூரிப் பருவத்தில் அசெம்ப்ளியில் நம்ம பிறந்தநாளை அனௌன்ஸ் செய்து கார்ட்ஸை கலெக்ட் செய்துக்குங்கன்னு ப்ரசிடெண்ட் கத்தையா கார்ட்ஸைக் காட்டும்போது ஏற்படுற உற்சாகத்துக்கு அளவில்லை. பந்தாவாப் போய் வாங்கிட்டு அன்னிக்குப் பூரா கெத்தா அலையிறது J

ரொம்ப முன்னே எல்லாம் தீபாவளிக்கு விதம் விதமா தீபம் கார்ட்ஸும்., பொங்கலுக்குப் பொங்கல்பானை, கரும்பு, விவசாயி, சூரியன் கோலங்கள் ஆகிய கார்ட்ஸும் , புத்தாண்டு கிறிஸ்மஸ் அப்பிடின்னா கிறிஸ்மஸ் தாத்தாவும் மெழுகுவர்த்திகளும் ஸ்பெஷலா இடம் பெற்றிருக்கும்.

அதுவும் பொங்கல் தீபாவளின்னா அநேகமா சாமி பட கார்ட்ஸ்தான். முருகன் ரொம்ப கார்ட்ல இருப்பார். உள்ளே பிரிச்சா ஆறு தாமரையும் முருகனும் இதழ் இதழா எழுந்து வர்றமாதிரி கட் பண்ணி வைச்சிருப்பாங்க. அதுமாதிரி இயற்கைக்காட்சிகள்ல பறவைகள் பூக்களை கட் செய்து தத்ரூபமா நகர்றமாதிரி கட் பண்ணி இருப்பாங்க. அது ஒரு த்ரில் அனுபவம். 

அதே போல் சில மியூசிக் பர்த் டே கார்ட்ஸ திறந்தா அது ஆட்டோமேட்டிக்கா ஹாப்பி பர்த்டே பாட்டெல்லாம் பாடும். ஓராயிரம் தரம் எல்லாரையும் ஓரக்கண்ணால பார்த்துக்கிட்டே அந்தக் கார்டை மடக்கி மடக்கிப் பிரிச்சு ஹாப்பி பர்த்டே பாடலை ரசிக்கிறது உண்டு.  J

 

மத்த நாட்கள்ல அதிகம் பேசாத அல்லது லெட்டர் காண்டாக்ட் இல்லாத  உறவு முறைகள் கூட இந்த விசேஷ தினங்கள்ல ஒண்ணு கூடி கார்ட் அனுப்பிருவாங்க. ’உங்கள நாங்க மறக்கல’ங்கிறமாதிரி.

அப்பிடி வந்த பல கார்டுகள சேமிக்கல.. இது ஏதோ மிச்சம் மீதி இருந்தத எடுத்துப் போட்டிருக்கேன். J

ஒன்றிரண்டு இதுல திருமண மற்றும் திருமணநாள் வாழ்த்தும், பரிட்சைக்கு வாழ்த்தும், முதல் தரத்தில் வெற்றிபெற்றதுக்காகவும் அனுப்பப்பட்டிருக்கு. 

அதுவும் வசந்திக்கா, சுசீலாம்மான்னு என் மனசுக்குப் பிடிச்சவங்க அனுப்புன கார்டைப் பார்த்ததும் ரொம்ப நெகிழ்ந்து போயிட்டேன். சுசீலாம்மாவோட பல கடிதங்கள் வேற இன்னிக்குப் படிச்சேன். இந்தக் கடிதப் போக்குவரத்து எல்லாம் எப்ப நின்னுச்சுன்னு நினைச்சா திருமணம் ஆகி ஓரிரு ஆண்டுகள்ல குறைஞ்சிருக்குன்னு தோணுது. 1998 லேருந்துதான் செல்ஃபோனே உபயோகிக்கிறேன்..அதிலும் 2016 லேருந்துதான் செல்ஃபோனில் இண்டர்நெட் பார்க்கிறேன். இப்போ ஒரு செகண்ட்தான். எல்லாரையும் ரீச் பண்ணிடலாம். ஆனா அப்போ எல்லாமே லெட்டர்தான். J

இந்தப் ஸ்பெஷல் அக்கேஷனல் வாழ்த்துக்களை என் நாத்தனார்கள், கொழுந்தனார்கள் & அவர்கள் குடும்பத்தினர், மாமனார், மாமியார், தோழிகள் ( மீனா, மீனாக்ஷி, உமாமகேஸ் ( பிரபல எழுத்தாளர் ) , சுசீலாம்மா, வசந்திக்கா, எனது மாமா ( மலேஷியாவிலிருந்து மற்றும் உறவினர்கள் அனுப்பி இருக்கிறார்கள். !