தாய் சொல்லைத் தட்டாதவன். தினமலர். சிறுவர்மலர் - 24.

தாய் சொல்லைத் தட்டாதவன்.

இரவின் சில்வண்டுப் பூச்சிகள் கத்திக்கொண்டிருக்கின்றன. சில்லென்று மலையமாருதம் வீசுகிறது. எங்கெங்கோ கானக மிருகங்கள் உறுமும் சத்தம். விருட்சங்களின் கொடிகள் கால்களில் சிக்குகின்றன. அரவமா, ஆலமா என்று தெரியாத இருட்டு. மேடும் பள்ளமுமான பாதை, சதுப்பாய் நீர் தேங்கியிருக்கும் குட்டை. ஆனால் எதற்கும் கலங்காமல் ஒரு சிறுவன் கையில் வில் அம்பு ஏந்தித் தன்னந்தனியனாய் அந்தக் கானகத்துக்குள் கொடிகளை விலக்கிக் கொண்டு முன்னேறிச் செல்கிறான்.

வனராஜன் போல் கம்பீரமாகச் செல்லும் அவனுக்கு எந்த பயமுமில்லை. நாடாளும் தகுதி படைத்த இளவரசன் அவன். அவன் ஏன் கானகத்துள் செல்கிறான். எதைத் தேடிச் செல்கிறான் ? எல்லாம் அவன் தாய் பந்தளநாட்டு ராணிக்காகத்தான். அவளுக்கு ஏற்பட்ட தலைவலியை நீக்க புலிப்பால் கொணர புலியைத் தேடி அவன் காட்டுக்குள் செல்கிறான்.

துபாய் டெஸர்ட் சஃபாரி. DESERT SAFARI ( DUBAI )

துபாய் செல்பவர்கள் தவறாமல் செல்ல வேண்டிய பயணம் டெஸர்ட் சஃபாரி.

மணல் குன்றுகளில் ஜீப்புகள், பைக்குகளில் செல்லும் சாகசப் பயணம்தான் டெஸர்ட் சஃபாரி.

உல்டி வரும், வயிறு பிரச்சனை உள்ளவர்கள், குழந்தைகள், முதியவர்கள் போவதைத் தவிர்ப்பது நலம்.

மணற்பாங்கான குன்றுகளில் ஏறி இறங்கி 20 லிருந்து 30 நிமிஷம் வயிறு வாய்க்கு வரும்வரை இந்த க்ரூஸர்களில் அமரவைத்து பெல்ட் போட்டு ஓட்டிச் செல்வார்கள். பாதியில் அம்மா அப்பா இறக்கிவிடுங்க என்று கத்தக் கூட வாயைத் திறக்க முடியாது. ஒரே தலைசுத்தல்தான். :) எனவே பிபி இருப்பவர்கள் யோசித்துப் பயணிக்கவும்.

மதியம் 3 - 3.30 வாகில் நம்மை துபாய்க்கும் ஷார்ஜாவிற்கும் நடுவில் குறிப்பிட்ட ஹோட்டல் அல்லது பிக்கப் பாயிண்டில் ஏற்றிக் கொள்வார்கள்.  ஒரு நபருக்குக் கட்டணம் 150 திர்ஹாம் என நினைக்கிறேன்.

மாமல்லபுரம் கடற்கரைக் கோயில்.

மாமல்லபுரம் கடற்கரைக் கோயில்.

கருங்கற்களால் ஆன கட்டுமானக் கோவில் பாணி வகையில் மிகப் பழமையான கட்டிடம் முகுந்த நாயனார் கோவில் ஆகும். இதற்குப் பின் வந்தவை முறையே கலங்கரை விளக்குக்கு மேல் தட்டிலும் கடற்கரையிலும் எழுப்பட்டுள்ள கணேச்சுவரர், ராஜசிம்மேச்சுவரர். க்ஷத்திரிய சிம்மேச்சுவரர் முதலியவையும் ஆகும்.

சிரத்தைக்கு எடுத்துக்காட்டு சிரவணகுமாரன். தினமலர் சிறுவர்மலர் - 23.

சிரத்தைக்கு எடுத்துக்காட்டு சிரவணகுமாரன்.

வித்தைகளைக் கற்றுக் கொள்வதில் சிரத்தை உள்ளவர்களைப் பார்த்திருக்கிறோம். விளையாட்டில் கூட சிரத்தை எடுத்து விளையாடி வெற்றிக் கோப்பைகளைக் கைப்பற்றுபவர்களைப் பார்த்திருக்கிறோம். படிப்பில் சிரத்தை எடுத்து சூரப்புலி என்று பட்டம் பெற்றவர்களைப் பார்த்திருக்கிறோம். ஆனால் பெற்றவர்களின் மேல் பக்திசிரத்தை எடுத்து சேவை செய்த ஒருவனைப் பற்றிக் கூற வேண்டுமானால் அதில் சிரவணகுமாரன்தான் முதலிடம் வகிப்பான். யார் அந்த சிரவணன். அப்படி அவன் என்ன செய்தான்?

அயோத்தி மாநகரின் கானகம் அது. அங்கே உலவிய துஷ்ட மிருகங்கள் நகருக்குள்ளும் புகுந்த மக்களைத் தொல்லைப்படுத்தின. முற்றி விளைந்த பயிர்களை யானைகள் கபளீகரம் செய்தன. கால்நடைகளை புலிகள் , சிங்கங்கள் வேட்டையாடின. மக்கள் மன்னனிடம் முறையிட்டனர், அந்தத் தொல்லைகளில் இருந்து விடுவிக்கும்படி.

கானக மிருகங்களை வேட்டையாடப் புறப்பட்டார் தயரத சக்கரவர்த்தி. எதிர்நோக்கப் போகும் இன்னலைப் புரியாமல் அவரது குதிரையோ படை பட்டாளங்களை விட்டு இருண்ட கானகத்தின் உள்பகுதிகளுக்குப் பாதை மாறிப் பிரிந்து வெகுதூரம் சென்றுவிட்டது. நடை தளர்ந்த குதிரையை விட்டுக் கீழே இறங்கினார் சக்கரவர்த்தி, எங்கோ ஒரு யானை நீரருந்தும் சத்தம் குபுக் குபுக் எனக் கேட்டது. அச்சத்தம் வந்த இடம் நோக்கி தயரதரின் அம்பு பாய்ந்தது.

சிவன்மலை சுப்ரமண்யசுவாமி கோயில்.

திருப்பூர் பார்க் கல்லூரியில் மகளிர் மன்ற நிகழ்வுக்கு சிறப்பு விருந்தினராக அக்கல்லூரியின் முதல்வர் திருமாறன் ஜெயமாறன் அவர்களால் சில வருடங்களுக்கு முன்பு அழைக்கப்பட்டிருந்தேன். நிகழ்ச்சியில் சிறப்பு விருந்தினராகப் பங்கேற்க பெங்களூருவில் இருந்து இருவருக்கு ஏசி இரண்டாம் வகுப்பு ட்ரெயின் டிக்கெட்டும், திருப்பூரில் தங்க ஏசி ரூமும் புக் செய்ததோடு காலையில் இருந்து இரவு கிளம்பும் வரை ஒரு பேராசிரியரும் பேராசிரியையும் எங்கள் பயணத் திட்டத்தையும் உணவு ஏற்பாடுகளையும் கவனித்துக் கொண்டார்கள். மறக்கமுடியாத நிகழ்வு அது. பரிசுப்பொருட்கள், பொன்னாடை, பணமுடிப்பு என்று வேறு கொடுத்து சிறப்புச் செய்திருந்தார்கள்.

நிகழ்வு முடிந்து மாலையில் சிவன் மலை மற்றும் திருப்பூர் வெங்கடேச பெருமாள் கோயில் இன்னும் சில கோவில்களுக்கு  சென்றுவர கார் ஏற்பாடு செய்து கொடுத்தார். சிறப்பான தரிசனம் பெற்றோம்.

கோயிலுக்குச் செல்லும் வழியிலும் மலை மேலும் ஒரே ப்ளாஸ்டிக் குப்பைதான் இயற்கைக்கு இடராக இருந்தது. இது சிவன் மலையா இல்லை ப்ளாஸ்டிக் மலையா என்று எண்ணுமளவு.

487 படிகளாம். நாங்கள் காரிலேயே மலைக்குச் சென்றதால் களைப்பு தெரியவில்லை. சிவன் அருளாலே அவன் மகன் தாள் வணங்கி வந்தோம்.

என் மாடித் தோட்டத்தில் ஏகப்பட்ட அறுவடை.

பூத்ததைப் பார்த்தோம் , காய்ச்சதைப் பார்த்துவிட கனிஞ்சதையும் முத்தினதையும் பழுத்ததையும் பார்த்தோம். ஏன்னா நாங்க இருக்கும் வீட்டில் இருந்து மாடித்தோட்டம் போட்ட வீடு தூஊஊரம். சோ வாரம் ஒருமுறைதான் போக முடியும்.

30 லேருந்து 40 வெல் க்ரோ பைகள், அதுல செடியோடவே கொண்டாந்துட்டாங்க. சிலதை மட்டும் அப்ப வந்து தூவுனாங்க.கீரை விதை மாதிரி. ஒவ்வொரு பேகையும் நாலு கல்லு வைச்சு அது மேல வைச்சாங்க. அந்த ஸ்பெஷல் கல்லு ரெண்டு டப்பா வந்தது. அப்புறம் கழி கொண்டு வந்து ஊன்றி அதுல இந்த க்ரீன் நெட்டைப் போட்டு நல்லா கட்டுனாங்க. ஒரு நாள் வேலை. இதெல்லாம் ஒரு வேன்ல வந்துது.

தோட்டம் போட்டவுடன் தோட்டம் போட்டுக் கொடுத்த மனுஷன்  அப்பவே சொன்னாரு, பதினைஞ்சாயிரம் கொடுத்துப் போட்டா எல்லாரும் மூணு மாசத்துல 15,000 ரூபாய்க்கு காய் அறுவடை பண்ணனும்னு நினைப்பாங்க. நீங்க அப்பிடி இல்லையே என்றார். இல்லை என்று இடம் வலமாக பலமாகத் தலையாட்டினோம். ஆனா மூணு மாசத்துல முக்கா கிலோ தக்காளி எடுத்திருப்போம். அரைகிலோ கத்திரி, அரை கிலோ வெண்டை ஒரு கொத்து பச்சை மிளகாய். 300 ரூபாய்க்குக் காய் எடுத்திருப்பமா தெரியல. ஆனா நம்ம தோட்டத்துக்காய்னு நினைக்கும்போது விலையாவது ஒண்ணாவது..  உரம், பூச்சி மருந்து, மரபணு காய் என்ற பயமில்லாமல் இருந்ததே அதுவே ஐஸ்வர்யம். ( நாம அதுக்குள்ள இடம் விட்டு இடம் மாத்தி திரும்ப க்ரீன் கொட்டகை லேபர் கூலி, வேன் கூலி எல்லாம் சேர்த்து அது 20,000/- ஆ எகிறிருச்சு )

ஆனால் வாராவாரம் செல்வதால் வெண்டைக்காய் முக்காலே மூணுவீசம் முத்திடும். விடுவமா சூப் வைச்சு சாப்பிட்டோம். லெமன் கிராஸை எதுல போடலாம்னு தெரியல.. :(

பாவக்காய் பழமாய்ப் போயிடும். அதத்தான் ஜூஸ் அடிச்சுக் குடிக்க முடியல :)

தோட்டம் போட்டுக்குடுத்தவர் மீன் கரைசல் & இன்னோரு வெல்லக் கரைசல் கொடுத்தாரு. அதை குடியிருப்பவர்களிடம் கொடுத்து தண்ணீரில் கரைத்துப் பூவாளியில் தெளிக்கும்படி சொல்லி வந்தோம்.  அவர்களுக்கும் விளைச்சலில் பங்கு உண்டு. :)

கீழே தோட்டத்தில் முருங்கை, பலா, வாழை எல்லாம் உண்டு. அது எல்லாம் அவர்களுக்கே. இந்த வல்லாரை,முருங்கைக்கீரை, பசலைக்கீரை இதெல்லாம் நமக்கு :)

காரைக்குடிக்கருகே சித்திரகுப்தர் கோயில் ( கேது ஸ்தலம் )

காஞ்சீபுரத்தில்தான் சித்திரகுப்தர் கோயில் பார்த்திருக்கிறோம் ஆனால் இங்கே காரைக்குடியில் இருந்து பிள்ளையார்பட்டி போகும் வழியில் லெக்ஷ்மி ( குபேரன் ) ஞான சரஸ்வதி, ஐயப்பன் ஆகிய கோயில்கள் உள்ளன.அதை ஒட்டியே இந்த சித்திரகுப்தர் கோயிலும் உள்ளது. தனியார் நிர்வாகம். காலை 7 மணி முதல் திறந்திருக்கிறது.

உள்புறம் புனரமைப்பு வேலைகள் நடைபெறுவதால் பிரகாரம் வர இயலவில்லை. அங்கேயே விளக்குக்கான எண்ணெய் விற்கிறார்கள். வாங்கி கோயிலுக்குக் கொடுக்கலாம். 7 தீபம் ஏற்றி 7 முறை வணங்கினால் சிறப்பு என்றும் போட்டிருக்கிறார்கள்.

குபேரகணபதியும் சித்திரகுப்தரும் அருள் பாலிக்கும் அழகு ஆலயம். ஆனால் புகைப்படம் எடுக்க அவர்கள் விடவில்லை. எனவே வெளியே வந்து ஒரு க்ளிக்.

காஞ்சியை அடுத்து சித்திர குப்தருக்கு அமைந்துள்ள தனி ஆலயம். ஸ்ரீ சித்திர குப்தர் கேது கிரகத்தின் அதிபதி. ஞானத்தையும் மோட்சத்தையும் அளிப்பவர். சுவாமியின் தீபாராதனைக்குத்தேவையான விளக்கெண்ணெய் கொடுத்து தீபம் பார்க்கவும் என்று போர்டில் எழுதி இருக்கிறார்கள்.

மெஹ்திப்பட்டிணம் பல்லேடியம் ஹாலில் கோரேஸ் இல்ல விருந்து.

அழகிகள் அணிவகுத்து வழங்கிய ரோஜாப்பூ மில்க்‌ஷேக் போன்ற வெல்கம் ட்ரிங்ஸுடன் சங்கராபரணம் குழைந்து கொண்டிருக்க ஒரு பக்கம் சாலட் தட்டுகளும் முளைகட்டிய பயறுவகைகளும் சூழ அமர்ந்திருக்கும் கல் விநாயகர்.

இன்னொரு புறம் தஹி குஸியா, பெல்பெப்பர் கட்லெட், பானி பூரி, சௌமின், அமெரிக்கன் வெஜ் சாப்சூயி, பாவ்பாஜி, ப்ராகோலி ஷோர்பா, தம் ஆலு, ஆலு டிக்கி,  மட்டர் பனீர், பஞ்சாபி ஷாஹி பனீர் க்ரேவி , பட்டர் நான், மிர்ச்சி பகோரா , நவ்ரத்னபுலாவ் என களை கட்டிக் கொண்டிருக்க.

மூன்றாவது இடத்தில் விதம் விதமான ஐஸ்க்ரீம் டெஸர்ட்டுகளுடன் பதினைந்து வகைப்பழங்கள். எதை எடுக்க எதை விட. கிவி, லிட்சி, பைனாப்பிள், ஆப்பிள், ஸ்ட்ராபெர்ரி, சப்போட்டா, மாம்பழம், மாதுளை, சீட்லெஸ் கறுப்பு திராட்சை, பச்சை திராட்சை, பப்பாளி, தர்ப்பூசணி, மலை வாழைப்பழம், செர்ரி, கிர்ணி என கலந்து கட்டி மணம் வீசிக்கொண்டிருந்தது.

இதெல்லாம் மெஹ்திப்பட்டிணத்தில் பல்லேடியம் ஹாலில் ஒரு கல்யாண ரிசப்ஷனுக்குக் கலந்து கொள்ளச் சென்றபோது எடுத்தது, உண்டது , கண்டது.

பெஸ்ட் பெங்களூரு பில்டிங்க்ஸ். மை க்ளிக்ஸ். BEST BENGALURU BUILDINGS. MY CLICKS.

சதுரம், செவ்வகம் இவ்வடிவிலேயே நாம் கட்டிடங்களைக் கண்டு களித்திருக்கிறோம். ஆனால் இங்கே சிலிண்ட்ரிக்கல், எஸ்கிமோஸ் குடில் போல் அரைவட்டக் கோளவடிவில் மற்றும்  ட்ரை ஆங்கிள் ஷேப்பிலும் கட்டிடங்கள் கட்டப்பட்டிருந்தன. எங்கே என்று கேட்கின்றீர்களா. இங்கேதாங்க இந்தியாவில்தாங்க அதுவும் நம்ம பெங்களூருவில்தாங்க. ஒரு உலா போய் வரலாம் வாங்க.

 பெங்களூருவில் பிடிஎம் லே அவுட்டில் சில காலம் இருந்தோம்.  சில்க் போர்ட், கே ஆர் புரம் ஆகிய பகுதிகளுக்குச் செல்லும்போது எடுத்த வித்யாசமான கட்டிடங்களின்  சில புகைப்படங்கள் இங்கே. உலகத்தரத்தில் கட்டப்பட்ட கட்டிடங்கள் மட்டுமல்ல  வெளிப்புறத் தோற்றத்திலும் இவை மனம் கவரும்படி டிசைன் செய்யப்பட்டிருக்கின்றன. இரு பில்டிங்குகளுக்கு இடையேயான ஒரு குட்டிப் பாலம் பாருங்கள். இவை ஆச்சன் மார்க்கெட்டுக்குச் செல்லும் வழியில் எடுத்தது.

சில்க் போர்ட் செல்லும் வழியில்

பணக்கொத்தும் குபேரர்களும் தேவதைகளும்.

ஒரு திருமண சீர் மிகுந்த சீரும் சிறப்புமாக இருந்தது. ஊஞ்சலில் ஏகாந்தமாகக் காற்று வாங்கும் பிள்ளையார்.

பயறு கார்ட் & பார்பி டால்.

தாம்பரம் வைத்தியநாதரும் இரட்டை விநாயகரும்.

தாம்பரத்தில் ( பெரும்பாக்கத்தில் ) கோயில் கொண்டிருக்கிறார்கள் இந்த வைத்தியநாதரும் & தையல்நாயகி அம்மனும் . அங்கே உள்ள ஒரு மெயின் ரோட்டில் இரட்டைப் பிள்ளையார் கோயில் ரொம்ப வித்யாசமாக இருந்தது.

இந்த பெரும்பாக்கம் வைத்தியநாதர் கோயில் கட்டப்பட்டு பதினைந்து ஆண்டுகள் ஆயிருக்கலாம். சமீபத்தில் கும்பாபிஷேகம் செய்யப்பட்டு ஜொலிக்கிறது. அங்கங்கே வசதியான ஃப்ளாட்டுகள் இருக்கின்றன. ஆனால் கோயிலருகே அவ்வளவாக வீடுகள் இல்லை.

ஆனால் கோயில் ஜொலிக்கிறது. வெளியே ஒரு அரசமரமும் நாகர்களும் விநாயகரும்.

ஸ்ரீ வைத்தியநாதர் விடையேறு பாகனாகக் காட்சி அளிக்கிறார்.

ஆனித்திருமஞ்சனக் கோலங்கள்.

ஆனித்திருமஞ்சனக் கோலங்கள்.

அயல் சினிமா – ஒரு பார்வை.

அயல் சினிமா – ஒரு பார்வை.

முதலில் ஜூலை மாதம் முதலாம் ஆண்டில் அடி எடுத்து வைக்கும் அயல் சினிமாவுக்கு வாழ்த்துக்கள். நூல் வெளியிடுவதும் அதை பொது ஜனத்திடம் கொண்டு சேர்ப்பதும் ப்ரயத்தனமான காரியமாக இருக்க. டிஸ்கவரியில் மட்டுமே கிட்டத்தட்ட 50 வகையான இலக்கிய சிற்றிதழ்கள் பார்த்தேன். டிஸ்கவரியே வெளியிட்டு வரும் நூல்தான் அயல்சினிமா.

80 வயதில் உலக கின்னஸ் சாதனை படைத்த கனகலெக்ஷ்மி ஆச்சி.

கைவினை வேலைப்பாடுகளில் கின்னஸ் சாதனை படைத்திருக்கும் கனகலெக்ஷ்மி ஆச்சிக்கு 83 வயது என்றால் நம்பமுடிகிறதா. திரைத்துறையிலும் அரசியலிலும் மிகப் ப்ரபலமானவர்கள் இவரது இரு சகோதரர்கள். அவர்களைப் பற்றிக் கட்டுரையின் கடைசியில் குறிப்பிட்டிருக்கிறேன். 

இவர் தன் கைவேலைப்பாடுகளில் தேர்ந்தெடுத்திருக்கும் நிறங்களின் கலவை என்னை அசத்துகிறது. அதேபோல் பர்ஃபெக்ட் வொர்க்கும் கூட. 

க்ரோஷா வேலைப்பாடு, தஞ்சாவூர் பெயிண்டிங், பென்சில் ட்ராயிங், எம்பிராய்டரி , பூக்கள் தயாரிப்பு, ஆயில் மற்றும் கான்வாஸ் பெயிண்டிங் என்று அனைத்துத் துறையிலும் தனது கைவினைப் பொருட்களைச் செய்துள்ளார். 

டிவியில் தினம் மூன்று – ஏழெட்டு மணி நேரம் தகாத உறவுகளையும் உறவு உணர்வுச் சண்டைகளையும் வன்முறை எண்ணங்களையும் கிளப்பும் சீரியல்களை இன்றைய பெரியோர்கள் பார்த்து உறவுகளிடம் குதர்க்கமாக நடந்து கொண்டிருக்க இவரோ இந்த வயதிலும் தன்னம்பிக்கையோடும் மலர்ச்சியோடும் தான் கைக்கொண்ட கைவினை வேலைப்பாடுகளில் மனதைச் செலுத்தி விதம் விதமான பொருட்களைப் படைத்துக் கொண்டிருக்கிறார். 

இன்றைய பெரியவர்களில் விதிவிலக்காக இருக்கும் இவருக்கு முதலில் ஒரு சிரம் தாழ்ந்த வணக்கம். இனி இவர்பற்றிய விவரங்கள். 

ஆராவமுதனும் ஆதித்யாவும் ஆராதனாவும் ஆத்திச்சூடிக் கதைகளும் – 7 :-

ஆராவமுதனும் ஆதித்யாவும் ஆராதனாவும் ஆத்திச்சூடிக் கதைகளும் – 7 :-

”குட்டீஸ் என்ன பண்றீங்க”. தனது ஈஸிசேரில் சாய்ந்து டிவி பார்த்துக் கொண்டிருந்த ஆராவமுதன் பெட்ரூமை நோக்கிக் குரல் கொடுத்தார்.

அங்கே பெருத்த அமைதி நிலவிக்கொண்டிருந்தது. அவர்கள் இருவரும் அடித்துக் கொள்ளும் சப்தம் கேட்டால்கூடக் கலங்காத ஆராவமுதன் இருவரும் அமைதியாக இருப்பதைக் கண்டால் கலங்கி விடுவார். ஏனெனில் ஏதோ அவர்களை பாதித்த விஷயம் நடந்திருக்கலாம் என்பதை அவருடைய அனுபவ அறிவு சொல்லிவிடும்.

உள்ளே அவரது மருமகள் ரம்யா பாடம் நடத்திக் கொண்டிருந்தாள். நடுவில் வேலையாக கிச்சனுக்குச் சென்றிருந்தாள். கால்மணி நேரமாக சப்தமில்லாமல் இருவரும் என்ன செய்துகொண்டிருக்கிறார்கள் என்று போய் எட்டிப் பார்த்தார்.

துணையெழுத்து - ஒரு பார்வை.

துணையெழுத்து.

ஆனந்த விகடனில் தொடராக வந்தபோதே நானும் என்னுடைய மூத்த மகனும் போட்டிபோட்டுக்கொண்டு படிப்போம். எஸ். ராமகிருஷ்ணனின் எழுத்தில் என் மகனுக்கு மிகவும் பிடித்த சொல்லாடல் ‘வேலையற்றவனின் பகல்பொழுது’ இத்தனைக்கும் இதைப்படிக்கும்போது அவனுக்கு 11, 12 வயதுதான் இருக்கும். ஆனால் இத்தொடரில் இல்லாத சைக்கிள் பற்றிய பார்வை ராமகிருஷ்ணனின் எண்ணப்போக்கில் இருந்து வேறாக இருந்தது.

ஒரு தேசாந்திரியாக ட்ராவலாக் பாணி, சில சிறுகதைகள், சில தொன்மக் கதைகள் மற்றும்   ஆங்கிலச் சிறுகதைகள், பழமொழிகள், கவிதைகள்  மற்றும் எல்லாருக்குமான விசனத் தொனியோடு முடிக்கும் கட்டுரையிலான ஆதங்கம் அனைத்தும் சேர்ந்து இந்நூலை மிக சுவாரசியமானதாக்கி இருக்கிறது.

விராமதியின் இமயமும் மானகிரி ஜோடி நவக்ரஹமும் . மை க்ளிக்ஸ். MY CLICKS.

பால் நினைந்தூட்டும் தாயினும்
சாலப்பரிந்து நீ பாவியேனுடைய
ஊனினை உருக்கி உள்ளொளி பெருக்கி
உலப்பிலா ஆனந்தமாய
தேனினைச் சொரிந்து புறம்புறம் திரிந்த
செல்வமே சிவபெருமானே
யானுனைத் தொடர்ந்து சிக்கெனப் பிடித்தேன்
எங்கெழுந் தருளுவதினியே !

-- மாணிக்கவாசகர் திருவிழா

சகோதர ஒற்றுமையை பலப்படுத்தும் திருமயம் ஸ்ரீ கோட்டை பைரவர்.

சகோதர ஒற்றுமையை பலப்படுத்தும் திருமயம் ஸ்ரீ கோட்டை பைரவர்.

பைரவர்தான் காக்கும் தெய்வம் காவல் தெய்வம். ஒவ்வொரு கோட்டையிலும் பைரவர் காவல் தெய்வமாக இருப்பதைக் காண்கிறேன். தர்மபுரியின் அதியமான் கோட்டையிலும் கூட பைரவர்தான் காவல் தெய்வம்.  

சென்னைக்குச் செல்லும்போதும், திருச்சி புதுக்கோட்டைக்குச் செல்லும்போதும், வரும்போதும் இந்தத் திருமயம் கோட்டை பைரவரை தரிசித்துச் செல்வது வழக்கம். பஸ்ஸிலிருந்தே மக்கள் வேண்டுதல் பணத்தை கோயிலைக் கடக்கும்போது சாலைகளில் போடுவார்கள் முன்பு. இப்போது காரில் செல்பவர்கள் இங்கே தேங்காய் உடைத்து வழிபட்டுச் செல்கிறார்கள். 

ஆசியான் கவிஞர்கள் சந்திப்பின் அழகிய தருணங்கள்.

ஆசியான் கவிஞர்கள் சந்திப்பில் கலந்துகொள்ள வந்த கவிஞர்கள் முதலில் வள்ளல் அழகப்பர் மியூசியம் சென்று வந்தார்கள்.

தோழிகள் வாட்ஸப்பில் அனுப்பிய புகைப்படங்களையும் பகிர்ந்துள்ளேன்.

செட்டிநாட்டின் பாரம்பர்ய வீடுகளைப் பாதுகாப்போம்.

மேன்மாடங்களையும் நிலாமுற்றங்களையும் இயற்கைவண்ண ஓவியங்களையும் சலவைக்கல் தளங்களையும்   கோட்டைகள் போன்று இரும்புக்குமிழ் பொருத்திய நுழைவாயில்களையும் அரசர்கள் ஆளும் கோட்டைகளில் மட்டுமல்ல. நகரத்தார்கள் வாழும் நாட்டுக்கோட்டையிலும் காணலாம்.மியான்மரின் ஷ்வேனந்தா மடாலயத்தின் தேக்குமரச்சிற்பக் கலைபோன்ற தொகுப்புச் சிற்ப வேலைப்பாடுகளை ஒவ்வொரு இல்லத்தின் நிலைக்கதவிலும் நாம் கண்டு களிக்க முடியும்.   

செட்டிநாட்டு இல்லங்கள் திராவிடக் கட்டிடக்கலை பாணியில் அமைந்திருந்தாலும்  இந்தோ இஸ்லாமிய வேலைப்பாடுகளாலும் அழகு பொலிபவை.   வீடுகளின் நுழைவாயில்களில் காப்பாய் கடவுளர்களின் சிலை வைக்கப்பட்டிருப்பதும் நிலைவாயில்களிலும் அவர்கள் சிற்பமாய் அரசோச்சுவதும் காட்சிக்கு விருந்தாகும். இப்படியாகப்பட்ட கோட்டைபோன்ற வீடுகளின் இன்றைய நிலை என்ன ?

தமிழ்நாட்டின் மேம்பட்ட நகர்ப்புறக் கட்டிடக்கலைக்கு சாட்சியமாய் எஞ்சி இருப்பது செட்டிநாட்டின் பாரம்பர்ய இல்லங்களே. மற்ற மாவட்டங்களில் உள்ள பாரம்பர்ய இல்லங்கள் பொருளாதாரக் காரணங்களால் நலிவுற்றும் நில விற்பனைக்கு இரையாகியும் வருகின்றன. சொல்லப்போனால் எழுபது ஆண்டுகளுக்கு முன், மியான்மர் மற்றும் மலேயாவின் விடுதலைக்குப் பிறகு ஏற்பட்ட பொருளாதாரச் சிக்கல்களைக் கொண்டுவிக்கச் சென்ற செட்டிநாட்டினரும் சந்திக்க நேரிட்டது.

புளுகுப்பெட்டிகளும் உளறுவாயர்களும்.

1801. தன் வாயால் கெடும்.,
..

தவளைகள் பலவிதம்

1802. ஒரு ஸ்டேட்மெண்ட் விட்டுட்டு ஸ்டேட் விட்டு ஸ்டேட் போற ஆள் தன் ஸ்டேசஸ் தப்புன்னு ஒப்புக்காதவரை என்ன பண்ண முடியும். கொத்தில்லா ..

- உளறுவாயர்கள்.

1803. "ஙஞணநமன ங்கிற எதிர்ப்பெல்லாம் செல்லாதோ. அரிவாள்தான் பேசும்னு நினைக்கிறேன். தேங்காயைக்கூட பத்து தரம் உருட்டி சுத்தி வெட்ற வீரத்தமிழச்சி நானு. ஒரு மன்னாப்பூக்கூட கேக்க வைக்க முடியாம அருவாள கீழே போடுறேன். கோவத்த விட வெயிட்டா இருக்கு ருத்திரம். தெய்வம் நின்னு கொல்லும். விட்டுத் தள்ளு.

1804. Kalyana oonjal JilJil  <3 p="">

1805. பேப்பர் நியூஸெல்லாம் பார்த்தா ... புளுகுறதுக்கு ஒரு அளவே இல்லையா. 3:)

1806. தங்கள் மெனுவைத் தாங்களே எழுதிக் கொடுத்து வாங்கி சாப்பிட அது என்ன ஹாஸ்பிட்டலா இல்லை ஹோட்டலா 3:)

சாம்பலில் உயிர்த்த அங்கம்பூம்பாவை. தினமலர் சிறுவர்மலர் - 22.

சாம்பலில் உயிர்த்த அங்கம்பூம்பாவை.

ஆளுடையபிள்ளை வரப்போகிறாராம். திருமயிலையில் ஒரே பரபரப்பாயிருந்தது. திருவொற்றியூரில் இருக்கும் அவரை சிவநேசர் அழைத்துவருகிறாராம். பாதையெல்லாம் பூக்கள். எப்போதும் ஓயாத அலைகளால் நனைந்திருக்கும் அந்த நெய்தல் நிலம் அன்று அந்த சாலையில் தூவியிருந்த மலர்களில் இருந்து சிந்திய தேன் துளிகளால் நனைந்திருந்தது. மெத்தை விரித்ததுபோல் அவ்வளவு பூக்கள்.

அதோ வந்துவிட்டது ஆளுடையபிள்ளையின் சிவிகை. பூக்களில் மிதந்த படகு போல் வந்து இறங்கியது பல்லாக்கு. அந்தச் சிவிகையிலிருந்து சிவத்தொண்டாலும் செந்தமிழ்த் தொண்டாலும் கனிந்திருந்த திருஞானசம்பந்தப் பெருமான் இறங்குகிறார். உடலிலும் நெற்றியிலும் சிவச்சின்னங்கள் தரித்து வணக்கத்துக்குரிய சிவனடியாராக சிவநேசரின் வேண்டுகோளை நிறைவேற்ற அங்கே எழுந்தருளியே விட்டார்.

சீர்காழிச் செம்மல் எதற்காக வந்திருக்கிறார் ? அவரை ஏன் சிவநேசச் செல்வர்  அழைத்து வருகிறார் என்றெல்லாம் மக்கள் கேள்வி கேட்டுக் கொண்டார்கள். ஒரு சாரார் சொன்னார்கள்,. எல்லாம் சிவநேசரின் மகள் அங்கம் பூம்பாவையை மணந்துகொள்ளத்தான். ஆனால் ஐயகோ அவள்தான் இப்போது சாம்பலாகிவிட்டாளே. ஒரு குடத்தில் பிடி சாம்பலும் எலும்புமாக மிஞ்சி இருப்பவளைக் காட்டவா அழைத்துவந்தார் என்றார்கள் சிலர்.  

பசிப்பிணி போக்கிய பெண் துறவி. தினமலர் சிறுவர்மலர் - 21.

பசிப்பிணி போக்கி  (பவத்திறம் அறுத்த) பெண் துறவி.

புத்த விஹாரங்கள் ஸ்தூபிகளோடு உயர்ந்து நிற்கின்றன. காவி உடை உடுத்திய பிக்குகள் வரிசையாக வந்து புத்தம் சரணம் கச்சாமி. தன்மம் சரணம் கச்சாமி எனக் கூறி வழிபட்டுச் செல்கிறார்கள். எங்கெங்கும் புத்த பிக்குகள், பிக்குணிகள் காணப்படுகிறார்கள்.

பவத்திறம் அறுத்தல் என்றால் பிறப்பறுக்க வேண்டுதல். இளமை, யாக்கை, செல்வம் இம்மூன்றும் நிலையில்லாதது என்பதை உணர்ந்த அத்துறவிகளுள் சின்னஞ்சிறு பெண் துறவியும் நடந்து செல்கிறாளே. அவள் முகத்தில் பெரும் அமைதியும் பேரன்பும் பொலிகிறதே. இளம் வயதில் துறவியானாலும் எந்த இடசங்கத்தையும் பொருட்படுத்தாத வீரம் தெரிகிறதே. கம்பீரமான அந்தப் பெண் துறவி யார். ? அவள் இளமைக்கு ஏற்பட்ட இடைஞ்சல்களை எப்படிக் கடந்தாள் எப்படி இச்சிறு வயதிலேயே ஞானப் பெண்ணானாள். ?

அஞ்சறைப் பெட்டி மருந்திருக்க அலோபதி மருந்தெதற்கு? ( நமது மண்வாசம் )

அஞ்சறைப் பெட்டி மருந்திருக்க அலோபதி மருந்தெதற்கு?

இன்றைக்கெல்லாம் நாற்பத்தியைந்து வயதைத் தாண்டிய இருவர் சந்தித்துக் கொண்டால் உங்களுக்கு இரத்த அழுத்தம், தைராய்டு , இனிப்பு நீர் எப்படி இருக்கு என்று குசலம் விசாரித்துக் கொள்வதைக்காண முடியும். 

இந்தத் தலைமுறையில் உள்ள அநேகம் பேருக்கு இரத்த அழுத்தம், தைராய்டு, இனிப்பு நீர் போன்றவற்றில் ஏதோ ஒன்றாவது இருக்கு.  கலர் கலரா அட்டை அட்டையா மாத்திரைகளை தினம் சாப்பிட வேண்டி இருக்கு. நம்ம ஆரோக்யத்தை பேண ஒவ்வொரு தமிழர் வீட்டுக்குள்ளேயும் ஒரு மருந்துப் பெட்டி இருக்கும்போது நாம் ஆங்கில மருந்துகளை நாடி ஓடுறோம். சிறுவாட்டுக் காசு என்று வீட்டுச் செலவு போக உள்ள பணத்தை அப்போதைய பெண்கள் சேமிப்பதெல்லாம் அஞ்சறைப் பெட்டியிலேதான். அந்த அஞ்சறைப் பெட்டிதான் நம்ம ஆரோக்யப் பெட்டி. அது எப்பிடின்னு பார்க்கலாம் வாங்க.

கடுகு, உளுந்தம்பருப்பு, சின்னச்சீரகம், பெருஞ்சீரகம், வெந்தயம், மிளகு, பெருங்காயம் , பட்டை, கிராம்பு, ஏலக்காய் இவைதான் அதுல வைக்கப்பட்டிருக்கும். அஞ்சு அறை உள்ள பெட்டின்னு பேருக்குச் சொல்றது ஆனால் அது ஏழு கப்புகள் கொண்டதாகவோ இல்லாட்டி ஆறு அல்லது எட்டு அல்லது பத்து கிண்ணங்கள் கொண்டதாகவும் இருக்கும்.

கிராம தெய்வக் கோலங்கள்.

கிராம தெய்வக் கோலங்கள்.

சப்தகன்னியர்
சுடலை மாடசாமி, கோட்டை, வேட்டை
காளியம்மா கபால மாலை
கருப்பர் ஆணி காலணி
பழமுதிர்ச்சோலை ராக்காயி சுனை
பூரணை புஷ்கலை ஐயனார்
முனியையா அரிவாள்
சோலை ஆண்டவர் புரவி.

தெலுங்கானா பொம்மலாட்டமும் துள்ளியெழுந்த பாம்பும்.

ஹைதராபாத் ஷில்பாராமத்தில் சோகன்லால் பட் இயக்கிய பொம்மலாட்டத்தில்தான் இத்தனை கலாட்டாவும். இதனை தெலுங்கில் காத்புட்லி ( KATHPUTLI ) என்கிறார்கள்.

தோல்பாவைக் கூத்துகள், பொம்மலாட்டங்கள் ஆகியன இரண்டு மூன்று ( நௌதங்கி சாலை ஓர உணவகமான சைபர் பேர்ள் ( CYBER PEARL ) மற்றும் மாதாப்பூர் ஒலிம்பியா மித்தாய் ஷாப்பிலும்) உணவகங்களிலும் நடப்பதாகக் கூறுகிறார்கள்.

ஹைதையில் பொது நிகழ்வுகள், திருவிழாக்கள், கலாச்சார கிராமத்தின் கோடைத்திருவிழா, மக்கள் கூடுமிடங்கள், சந்தை ஆகியவற்றில் கூட இந்த பொம்மலாட்டங்கள் ( பப்பட் ஷோ ) நிகழ்த்தப்படுகின்றன. ஹைதை மக்கள் மிக விரும்பிப் பார்க்கும் ஷோ இது எனலாம். குழந்தைகளை வெகுவாகக் கவர்ந்த ஷோவும் கூட.

வெய்யிலுக்குகந்த கீரை உணவுகள். மை க்ளிக்ஸ். DISHES FROM GREENS. MY CLICKS.

கீரையில் வடை பஜ்ஜி போண்டா என்று எண்ணெயில் குளிக்காமல் எளிதாய் செய்து சாப்பிட இதோ சில கீரை உணவு வகைகள்.

கருவேப்பிலை சட்னியுடன் இட்லி. பெஸ்ட் அப்படைஸர். இரும்புச் சத்து. இரத்த விருத்தி, சுத்திகரிப்பு செய்யும், பசி தூண்டும் , முடி வளரும். ஜீரணம் சமப்படும். துர்நாற்றம் போக்கும்.

மேத்தி பரோட்டா. வெந்தயக்கீரை ரொட்டி. குளிர்ச்சி, குடல்புண் ஆற்றும். டயபடீஸ் பேஷண்டுகளுக்கு நல்லது.

துபாய் டு அபுதாபி. பார்ட் - 2 மை க்ளிக்ஸ் DUBAI TO ABU DHABI PART - 2. MY CLICKS.

துபாயிலிருந்து அபுதாபி வரை செல்லும் வழியில் பாலைவனம் பரந்து விரிந்திருக்கும். சமதளம்தான். பாலைச் செடிகளும் குத்துப் புதர்களும் ஆங்காங்கே காணப்படும். கண்ணை எரிக்கும் வெய்யில். நீண்ட ஹைவே.

ஓரிரு விளம்பர போர்டுகள்.

நிர்ணயிக்கப்பட்ட வேகத்தில்தான் போக வேண்டும். அங்கங்கே சர்வயலன்ஸ் காமிரா உண்டு. கண்காணிப்பு அதிகம்.போகிறபோக்கில் இடித்துவிட்டு ஓடிவிட முடியாது.

கட்டிடத்தின் இன்னொரு வகை.

டமாரத்தை செருகி வைத்ததுபோல் !

துபாய் டு அபுதாபி. பார்ட் - 1 மை க்ளிக்ஸ் DUBAI TO ABU DHABI PART - 1 MY CLICKS.

துபாய்லேருந்து அபுதாபி போகவேண்டிய தேவை என்னன்னு கேக்குறீங்கதானே. அங்கேதானே வுட் மார்க்கெட் இருக்கு. எத்தனை விதமான ஃபர்னிச்சர்ஸ் வேணுமோ அத்தனையும் கிடைக்கும். தம்பி காரில் கூட்டிச் சென்றதால் அங்கே உள்ள உறவினர் இல்லத்துக்கும் வுட் மார்க்கெட்டுக்கும் சென்று வந்தோம்.

பார்த்துப் பார்த்து கண்ணே வலித்துவிட்டது போகும் வழியில் இருந்த பில்டிங்குகளையும் அதன் பின் அந்த வுட் கடையில் இருந்த ஃபர்னிச்சர்களையும் . யே யப்பா எல்லாவற்றிலும் அரபுநாடுகள் பிரம்மாண்டம்தான்.

உலகத்தில் உள்ள ஆர்க்கிடெக்ஸர் பலவும் அங்கே காணலாம். விதம் விதமான அடுக்குமாடிக் கட்டிடங்கள். புவி ஈர்ப்பு விசையையும் மீறி டிசைன் டிசைனாகக் கட்டப்பட்ட கட்டிடங்களை அண்ணாந்து பார்த்துக் கழுத்தே வலிக்கும்.

இன்னும் இருபத்தி ஐந்து.

1.எங்கு படித்தீர்கள்? எது சொந்த ஊர்?

ப்ரிகேஜி எல்கேஜி யூகேஜி காரைக்குடியில் உள்ள அழகப்பா மாண்டிசோரியில் படித்தேன். முதலாம் இரண்டாம் வகுப்புகளை ராஜமன்னார்குடியில் உள்ள செயிண்ட் ஜோசப் கான்வெண்டில் படித்தேன். அதன் பின் மூன்றாம் வகுப்பு முதல் எட்டாம் வகுப்புவரை ராஜமன்னார்குடியில் கணபதி விலாஸில் படித்தேன். ஒன்பதாம் வகுப்பிலிருந்து ப்ளஸ்டூவரை செயிண்ட் ஜோசப் ( தூய வளனார் பெண்கள் மேல்நிலைப்பள்ளியில் ) படித்தேன். மதுரை ஃபாத்திமா கல்லூரியில் இளங்கலை வேதியல் படித்தேன். எனது சொந்த ஊர் காரைக்குடி. 

2.இளமையில் புத்தகங்கள் படிக்கும் ஆர்வம் இருந்ததா

இளமையில் புத்தகம் படிக்கும் பேராவலால் தூண்டப்பட்டிருந்தேன். தினமணிக்கதிரில் வெளிவந்த என் பெயர் கமலாதாஸை நான் விரும்பிப் படிக்கும்போது நான் நான்காம் வகுப்புப் படித்துக் கொண்டிருந்தேன். அதன் பின் பைண்டட் புத்தகங்களாக வாஷிங்டனில் திருமணம் ( சாவி ) இவள் அல்லவோ பெண் ( மணியன் ) ஆகியோரது கதைகளை விரும்பிப் படித்திருக்கிறேன். இந்துமதி, சிவசங்கரி, அனுராதா ரமணன், பாலகுமாரன், சுஜாதா ஆகிய வெகுஜன எழுத்தாளர்கள் என்னைக் கவர்ந்திருக்கிறார்கள். ஜெயகாந்தனை படித்துவிட்டு இவர் ரொம்ப மண்டைக்கனம் பிடித்த ஆள் என நினைத்திருக்கிறேன்.

3.நவீன கவிதைகளை எப்போது படித்தீர்கள்

கல்லூரிப்பருவத்தில் படித்தேன். பெரும்பாலும் மு மேத்தா, வைரமுத்து, அப்துல் ரஹ்மான் ஆகியோரது கவிதைகளைப் படித்திருக்கிறேன். கலாப்ரியா, வண்ணதாசன், ந பிச்சமூர்த்தி, ஆத்மாநாம், பிரமீள், நீல பத்மனாபன், கண்ணதாசன் ஆகியோரது கவிதைகளை வாசித்திருக்கிறேன். ”தற்காலத்தில் பெண்களின் நிலைமை “ என்ற தலைப்பில் எனது தமிழ் ஆசிரியை ( அசடனையும் குற்றமும் தண்டனையையும் மொழிபெயர்த்து முப்பெரும் விருது வாங்கியவர் ) எம் ஏ சுசீலா அவர்கள் ஆராய்ச்சி செய்து வந்தார்கள். அதற்காக வாங்கிய புத்தகங்களை எங்களுக்கு வாசிக்கக் கொடுப்பார்கள். அப்படிப் படித்ததுதான் இந்த நூல்கள்.

அழகு கொஞ்சும் ஆழப்புழா. மை க்ளிக்ஸ். AZHAPUZHA MY CLICKS.

கடவுளின் தேசத்தில் இருநாட்கள் தங்கும் வாய்ப்புக் கிடைத்தது. அது தண்ணீர் தேசம். நதிமூலம் ரிஷிமூலம் பார்க்கக்கூடாது என்பார்கள். அதுபோல் கிட்டே சென்று பார்த்தால் காமிராவின் கண்களுக்கு அழகாக இருக்கும் இடம் கொஞ்சம் கொசமுசதான்.  தண்ணீர்ப் பறவைகள், மீன்கள், பாம்புகள், தாவரங்கள். ஓரிரு நாட்கள் தங்கலாம். வெய்யில் பிச்சு எரியுது. மீன் சாப்பாடு பரவாயில்லை.

ரப்பர் மரக்காடுகள், பலாமரங்கள், நேந்திரன் வாழைகள், மிளகு, தென்னைகள் சூழ் நீர் உலகு . மலைக்காடு.  ஆனால் குளுகுளுப்பெல்லாம் இல்லை.

கொஞ்சம் வரட்சியான முதுமை கொண்ட சீரான உடையணிந்த மகளிர் அநேகம். உழைப்பாளிகள். தளதள கேரளப் பெண்கள் எல்லாம் சினிமாவில் நடிக்க சென்னை வந்துவிட்டார்கள். அமயம் சமயத்துக்கு ஒரு சாயா சாப்பிட ஒரு நாயர் கடை கூடக் கிடையாது. எல்லாரும் சினிமாவிலும் எல்லா நயா நுக்கட்களிலும் டீ ஆத்திக் கொண்டிருக்கிறார்கள்.

பக்தியில் பெருகிய தேசி கேரளவாசிகளும் பெருவாரி நகைக்கடைகளும் ( ஆற்றுக்கால், ஆலாபட், கல்யாண் ) கொண்டதாக இருக்கிறது திருவனந்தபுரம். கொய்லோன் ரொம்ப கிராமப்புறம் மாதிரி இருக்கிறது. கேரள ஆரிய வைத்திய சாலை ஒன்று கூட தட்டுப்படவே இல்லை. கொச்சி துறைமுக நகரம். ஓரளவு புழக்கமா இருக்கு. சென்னை மாதிரி 2 இரயில்வே ஸ்டேஷன் இருக்கு. சரியாகப் பார்த்துச் செல்வது உத்தமம்.

பழம்பொரியும், சக்குவரட்டியும், உண்ணியப்பமும், பழ போண்டாவும், சுக்கு, சீரக வெள்ளமும் கிடைக்கிறது. கப்பு கப்பாகப் பாயாசம் கூட ஃப்ரெண்ட்ஸ் வீட்டில் கிடைக்கும் ஆனால் சிங்கிள் கப் சாயா கிடைக்காது. ஏனெனில் அங்கே மாடு என்றாலே பாலுக்கில்லை,  கறிக்குத்தான்.

மீனுக்கும் கேரள மட்டையரிசிக்கும், கப்பைக்கிழங்குக்கும் முடையே இல்லை. மீன் வறுவல் சும்மா உங்க காரம் எங்க காரம் இல்லை. இரண்டு நாட்கள் உதட்டிலிருந்து குதம் வரை எரியும் காரம்.

மணிக்கணக்குக்கும் போட் ஹவுஸ் கிடைக்குது. பொதுவா முள் இல்லாமல்  மீன் சாப்பிட ஆசைப்படுபவர்கள் (சொல்லப்போனா வஞ்சிரம் மட்டும் தின்னும் பார்ட்டீஸ் )  இந்த ஹொகனேக்கல், கேரளா இங்கெல்லாம் சாப்பிட்டால் மீனை வெறுத்துவிடும் அபாயம் உண்டு. வீட்டில் ஒற்றை முள் கொண்ட வஞ்சிரத்தில் வாழைக்காய் போல் சாத்வீக ஃப்ரை செய்து சாப்பிடலாம்.

எல்லாப் பொருளிலும் உறையும் பரப்பிரம்மம் மாதிரி தேங்காயை எங்கெங்கும் எதிலும் காணலாம். எண்ணெய், பால், கடலக்கறி, அவியல், மிளகூட்டல், துவரன், குழம்பு, தீயல், எரிசேரி, புளிசேரி, நேந்திரன் சிப்ஸ், பலாப்பழ சுக்குவரட்டி , குழியப்பம், அல்வா, போளி, பாயாசம், இலை அடை, பொங்கல், அசைவ உணவுகள், என எங்கெங்கும் தேங்காயின் ஆட்சி. விதம் விதமாய் தேங்காயை சித்திரவதை செய்து சமைப்பது எப்படி என இவங்ககிட்ட கத்துக்கலாம். ஹிஹி.

 பேர் தெரியா நீர்ப் பறவைகள் அநேகம். ஆனால் எல்லாம் காகம் போல் கன்னங்கரேல் என்று இருக்கு. காமிராவில் சுடும்முன் எல்லாம் விடுஜூட்தான். பேறு பெற்றோர் பறவையை ( காமிராவில் )  நச்சென்று சுட முடியும்.

கிழக்கும் மேற்கும் வடக்கும் தெற்கும் நீரை அளந்து ஞானம் பெறலாம். நாளுக்கு 8,000ரூ  வாடகை. நான்கு மணி நேரத்துக்கு ஆயிரம் ரூபாய். வாங்க. வள்ளத்துல போய் வருவோம்.

அந்த வெய்யிலையும் அனுபவித்துக் கொண்டிருந்தது ஒரு வெள்ளைக்காரத்தம்பதி.