செவ்வாய், 22 ஆகஸ்ட், 2017

சொக்கேட்டான் கோயில்

 சொக்கேட்டான்  கோயில், சொற்கேட்ட  விநாயகர் ,சொற்கேட்டான்   கோயில், சொல் கேட்ட ஐயா ஆகிய பெயர்களோடு விளங்கும் விநாயகரை சிலநாள் முன்பு தரிசித்தோம்
Sorkettan koil
காரைக்குடிக்குப் பக்கமுள்ள பள்ளத்தூர் வேலங்குடியில் கோயில் கொண்டிருக்கும் இறைவனே சொற்கேட்ட விநாயகர். இவரின் சன்னதி வாசலில் நின்று என்ன வேண்டிக் கொண்டாலும் அது அப்படியே பலிக்கும் என்பதால் பக்தர்களின் சொல் கேட்ட விநாயகர் என்ற பெயர் பொருத்தமாய் விளங்குகிறது. இதைப் பேச்சு வழக்கில் சொக்கேட்டான் கோயில் = சொக்கட்டான் கோயில்  என்கிறார்கள்.
Sorkettan Vinayagar

திங்கள், 21 ஆகஸ்ட், 2017

குருநானக் ஜிரா சாஹிப்பில் அம்ரித் குண்ட்

பிதாரில் 1948   இல் கட்டப்பட்ட  இந்த குருத்வாரா  சீக்கியர்களின்  சிறந்த வழிபாட்டுத்தலம். இது முதல்  குரு குருநானக்கிற்கு அர்ப்பணிக்கப்பட்டுள்ளது.



குமரகம், ஆலப்புழா மை க்ளிக்ஸ் MY CLICKS.

கடவுளின் தேசம் என்றறியப்படக் கூடிய கேரளாவில் கட்டாயம் பார்க்கவேண்டிய இடங்களில் குமரகம், ஆலப்புழா படகுவீடுகளும் ஒன்று. இந்தியாவின் வெனிஸ் என்று இதை ஒரு ஆங்கில ஆட்சியாளர் புகழ்ந்தாராம்.

படகுவீடுகள், படகுப் போட்டி , மீன் பிடித்தல், பறவைகள் சரணாலயம், ரெசார்ட்டுகள் ஆகியன அடங்கியது குமரகம்.

இந்திய டூரிஸத்தில் இந்த இடத்துக்கு முக்கிய இடம்  உண்டு. இங்கே செல்லாத வெளிநாட்டினர் குறைவு. ஒரு விடுமுறை நாளில் நாங்களும் திருவனந்தபுரத்தில் இருந்து கொல்லம் வந்து இந்த இடத்துக்கு சென்று வந்தோம்.

பேக்வாட்டர்ஸ்  எனப்படும் இதில் போட் ஹவுசில் தங்கி இருப்பதை விட போட்டிங் சென்றுவருவது கொஞ்சம்  செலவு கம்மி. 1000 ரூபாயில் இருவர் மூன்று மணி நேரம் போட்டில் சென்று வரலாம்.

வறுத்த மீன் எல்லாம் தின்னல ஆனா பழம்பொரி சாப்பிட்டேன் :)
படகுவீடு பக்கத்திலும் தூரத்திலும் .

தாராசுரம் மை க்ளிக்ஸ் . MY CLICKS.

தொல்பொருள் துறையால் பாதுகாக்கப்படும் கோயில் இது. இதை பற்றி முன்பேயே பல பதிவுகள்  எழுதி இருக்கிறேன். இப்போ புகைப்படங்கள் மட்டும் பகிர்ந்துள்ளேன்


குங்குமம் டாக்டரில் ஹெல்தி ரெசிபி கும்மாயம் !

கும்மாயம்/ஆடிக்கூழ்:-

தேவையானவை:-

கும்மாய மாவுபச்சரிசி 1 கப்., பாசிப்பருப்பு 1 கப்., வெள்ளை உளுந்து 1 கப்பை வெறும் வாணலியில் வெதுப்பி பொடித்துசலிக்கவும்.) இதிலிருந்து ஒரு கப் மட்டும் எடுத்துக் கொள்ளவும். - 1கப் 200 கி்ராம்.
கருப்பட்டி + வெல்லம் = 1 1/2 கப் 200 கிராம்
நெய்+நல்லெண்ணெய் = 100+50 கிராம்.
தண்ணீர் - 4 கப்

செய்முறை:-
பானில் நல்லெண்ணெய் 50 கிராம்., நெய் 50 கிராம் ஊற்றி மாவை ஒரு நிமிடம் வாசனை வரும்வரை வறுக்கவும்இன்னொரு பாத்திரத்தில் தண்ணீர் 4 கப் ஊற்றி வெல்லம்., கருப்பட்டியை போட்டு அடுப்பில் வைக்கவும்கரைந்தவுடன்வடிகட்டி மாவில் ஊற்றி கட்டிகளில்லாமல் கரைக்கவும்பின் அடுப்பில் வைத்து கைவிடாமல் கிளறவும்கையில்ஒட்டாமல் கெட்டியாக கண்ணாடியைப் போல வரும்வரை கிளறி மிச்ச நெய்யைஊற்றி இறக்கவும்சுடச் சுட பரிமாறவும்.

இது பச்சிளம் குழந்தைகளுக்கும் பதின்பருவப் பெண்களுக்கும் கர்ப்பிணிகளுக்கும் ஏற்றது. அனைத்து வயதுப் பிரிவினருக்கும் ஏற்றதுதான் என்றாலும் பச்சிளம் வயதில் இடுப்பெலும்பு பலம் பெற இதைச் செய்துகொடுப்பது வழக்கம்.

விதம் விதமான விநாயகர் கோலங்கள்

விநாயகர்  கோலங்கள்


கொம்புத்தேனும் குணத்தேளும்

1541.செப்டம்பர் வந்திருச்சா. :)

#ஹைபர்நேஷன்லேருந்து சீக்கிரம் முழிச்சிட்டனா :)

1542. கையைத் தொட்டுத் தொட்டுப் பொட்டு வைத்துக் கொண்டிருக்கிறது  மழை.

1543. SARVESHU KALESHU MAMANUSMAR.. ( சதா சர்வ காலமும் நாமஜெபம்..)

1544. ஸ்டேடசை லைக் பண்றத விட ஃபோட்டோவை லைக் பண்றது சிக்கல் இல்லாத வேலையா இருக்கு :)

1545. குடிக்காதே

குடிக்காதேன்னு சொன்னாலும்

கேக்க மாட்டேங்குது

சாப்பிடும்போது தண்ணி குடிக்காதேன்னா

ரெண்டு வாய் சாப்பிட்டதுமே.  விக்குறமாதிரி இருக்கே. :)

#செல்ஃப்_அட்வைஸ். :)

1546. அடிக்கடி சிஸ்டத்துல காணாம போயிடுறமே.. வீட்டுல இருக்கவங்க நம்மள கண்டுபிடிச்சு ரியல் வேர்ல்டுக்குக் கொண்டு வர வேண்டியிருக்கே.. இது.. INCEPTION AA SPY KIDS AA.. :) : )

கிருஷ்ணர் கோலங்கள்

கிருஷ்ணர் கோலங்கள்


சனி, 12 ஆகஸ்ட், 2017

ஷரண பஸவேஷ்வரரும் கூடலசங்கம் சங்கமேஸ்வரர் கோயிலும்.



குல்பர்காவிலிருந்து பிதார் செல்லும் வழியில் பசவண்ணா அவர்கள் பிறந்த கூடலசங்கம் சங்கமேஸ்வரர் கோயிலுக்குச் சென்று வந்தோம். ( மாலையில் புத்தவிஹார், குல்பர்கா கோட்டையும் , மறுநாள் பிதார் குருத்துவாராவும், பிதார் கோட்டையும் சென்றுவந்தோம். )

இந்த கூடலசங்கம் கோயில் லிங்காயத் சமூகத்தினரின் புனித தல யாத்திரை இடமாக இருக்கிறது. 

////பசவண்ணா என்பவர் 12 - ஆம் நூற்றாண்டின் கர்நாடகாவின் மன்னர் பிஜாலா 1 அவர்கள் ஆட்சியில் அளிக்கப்பட்ட புலவர் ஆதரவின் கீழ் இருந்த கன்னடப் புலவர், சமூக சீர்திருத்தவாதி மற்றும் துறவியாவார். பசவண்ணா கடவுள் சிவனின் தீவிர பக்தர் ஆவார். அவரது புரட்சிகரமான இயக்கம் தென்னிந்தியாவில் வீரசைவம் சங்கத்திற்கு (லிங்காயத் சமூகம்) எழுச்சியைத் தந்தது. கூடல சங்கமா அல்லது குடல சங்கமா என்கிற இடத்தில் பசவண்ணா தனது குழந்தைப் பருவத்தைக் கழித்தார் மற்றும் அங்கேயே இறந்தார். எனவே லிங்காயத்களுக்கும் வீரசைவத்தைப் பின்பற்றுபவர்களுக்கும் அவ்விடம் மிகவும் முக்கியமான புனித யாத்திரைத் தலங்களுள் ஒன்றாகும். மத நல்லிணக்கம் மற்றும் சமத்துவம் கூடலசங்கம் சங்கமேஸ்வரா கோயில் (சங்கமநாதா கோயில்) மற்றும் ஐக்ய மண்டபா (பசவண்ணாவின் சமாதி அல்லது கல்லறை) ஆகியவற்றிற்கு புகழ் வாய்ந்ததாக அறியப்படுகிறது. சித்ர துர்காவில் நீங்கள் தவறவிடக்கூடாத 5 அதி அற்புத இடங்கள்!! பசவண்ணாவின் இலக்கியங்கள் மற்றும் பழமையான கர்நாடகாவின் தொல்பொருட்களின் தொகுப்பைக் கொண்ட ஒரு அருங்காட்சியகமும் கூட அங்குள்ளது. குடலா சங்கமா பாகல்கோட் மாவட்டத்தில் உள்ள கிருஷ்ணா மற்றும் மாலாபிரபா ஆகிய நதிக்கரைகளிலுள்ள ஒரு சிறிய கிராமமாகும். கர்நாடகாவிலுள்ள மிகப் பெரிய பக்தி இயக்கத்தின் ஒரு பகுதியாக இந்த சுவாரஸ்யமான இடங்களில் ஒன்று திகழ்கிறது. பாகல்கோட் ஹோலி ஹப்பாவிற்கு புகழ் பெற்றதாகும். இந்தப் பண்டிகை பண்டைக் காலத்திலிருந்து அதன் ஆட்சியாளர்களால் அவர்களது மக்களிடையே மத நல்லிணக்கம் மற்றும் சமத்துவம் ஆகியவற்றை மேம்படுத்த மிகப்பெரிய அளவில் கொண்டாடப்பட்டு வந்தது. முன்பெல்லாம் இது 6 நாள் கொண்டாட்டமாக கொண்டாடப்படும்.////



பசவண்ணா 1105 ஆம் ஆண்டு பிறந்தவர். பெற்றோர். மதராசா, மதராம்பிகை, வசனாஸ் எனப்படும் கவிதைகள் மூலம் சமூகப் புரட்சியை உருவாக்கியவர். பால் வர்க்க பேதங்களைக் களையச் சொன்னவர், மூடநம்பிக்கையை ஒழிக்கச் சொன்ன இவர் தாலி அணிவதற்கு பதிலாக லிங்கம் இஷ்டலிங்கா என்ற கழுத்தணியை அணியச் சொல்லி இருக்காராம்.


வெள்ளி, 11 ஆகஸ்ட், 2017

கல்புராகி கந்தூர் மாலின் மேல் மதுரா இன்ன்.



குல்பர்கா சென்றிருந்தபோது நாங்கள் தங்கியிருந்த ஹோட்டல் மதுரா இன். இது ஒரு ஷாப்பிங்க் மாலின் மாடியில் அமைக்கப்பட்டுள்ளது வித்யாசமா இருந்தது. இது ரயில்வே ஸ்டேஷனுக்கு அருகிலேயே இருப்பது சௌகரியமா இருந்தது.




எனக்குப் பிடித்த காரிடார்.



குல்பர்காவை கர்நாடகாவில் கல்புராகி என்கிறார்கள். அங்கே சர்தார் வல்லபாய் பட்டேல் சௌக் ( ரவுண்டானா போல் ) என்ற இடத்தில் இந்த ஹோட்டல் அமைந்துள்ளது.

குற்றங்களே நடைமுறைகளாய் – ஒரு பார்வை.




குற்றங்களே நடைமுறைகளாய் – ஒரு பார்வை.

பிரபல பத்ரிக்கையாளர் ப திருமலை அவர்களின் மிகவும் காத்திரமான கட்டுரைகள் அடங்கிய தொகுப்பு இது. பல்லாண்டுகளாய் இதுதான் நடைமுறை என்று சுதந்திரத்துக்குப் பின்னும் சிலவற்றை வரட்டுப் பிடிவாதத்தோடு பிடித்துக்கொண்டு யதார்த்த உலகத்துக்குப் பொருந்தாதவற்றைக் கல்வி என்று கற்பித்துக் கொண்டிருப்பவற்றையும் இன்ன பிற சமூக, அரசியல், சுற்றுச்சூழல் கடைமட்டத்தனங்களையும் காட்டமாய்ச் சுட்டுகின்றன இவை.  

மூடத்தனமாய் நாம் தொடர்ந்துகொண்டிருப்பதைத் தெளிய வைக்கின்றன கட்டுரைகள். நம்மைச் சுற்றி நடக்கும் அக்கிரமங்களை சராசரிக் குடிமகளாக இருந்தும் தட்டிக் கேட்கவில்லையே என்று ரத்தக் கொதிப்பை ஏற்படுத்துகிறது இவரது எழுத்து. நிறைய விஷயங்கள் தெரிந்தும் அவை அப்படித்தான் என்று கடந்துவிடும் நம் பொறுப்பற்றதனங்கள்தான் இவை நீடிக்கக் காரணம் என்று புள்ளி விபரங்களோடு அடுக்குகிறார் கட்டுரையாளர்.

வியாழன், 10 ஆகஸ்ட், 2017

மலைகள் - மை க்ளிக்ஸ். MY CLICKS.

பயணப்பாதையில் தென்படும் மலைகள்தான் எவ்வளவு விதம். பாறைகளாய், காடுகளாய், பசுமை போர்த்தி என்று விதம் விதமான மலைகளை பெங்களூருவில் இருந்து ஹோசூர் செல்லும் வழியில் பார்த்தேன்

மலைகள் அதிகம் காணப்படுவது ஹைதையில்தான் என்றாலும் அவை மாபெரும் பாறைகளாகவும் கோட்டைகள் அமைந்தது போன்று சிதைந்தும் காணப்படும்.

ஆனால் பெங்களூருவில் கலந்து கட்டி அனைத்துமே காணப்பட்டன.

சில பசுமை போர்த்தியும் சில வெட்டிக்கூறாக்கப்பட்டுக் கொட்டி வைத்த மாதிரியும். இருந்தன

மடிவாலா ஐயப்பன் கோயிலும் செண்டை மேளமும்.

கி கம்

ந க த ர காம்

தி ரி கி ட ந க த ர கம்

ந க த ர கம்

தி கம் தி கம்

த்

தி ரி கி ட ந க த ர கம். என்று ஓங்கி ஒலிக்க ஆரம்பிக்கிறது செண்டை வாத்தியம். இது முதன் முதலில் கணபதி கை என்று வணக்கம் தெரிவிக்க வாசிக்கப்படுவது.

தொடர்ந்து த கி ட என்று சாதகம் தொடருமாம். அங்கே நாம் கேட்ட ஒலி இதை எல்லாம் கலந்து கட்டி இருந்தது.

புதன், 9 ஆகஸ்ட், 2017

பிறந்தநாள், புத்தாண்டு, பொங்கல், தீபாவளி வாழ்த்து அட்டைகள்.



பத்துப் பதினைந்து வருடங்களுக்கு முன்பு வரை பிறந்தநாள், புத்தாண்டு, பொங்கல், தீபாவளிக்கு வாழ்த்து அட்டைகள் அனுப்பும் பழக்கம் இருந்திருக்கு. இப்போ எல்லாம் ஈ கார்ட்தான். அதுவும் வாட்ஸப்பில் எக்கச்சக்கமாகக் குவியும்.

ஆனா போஸ்ட்மேன் கொண்டு வந்து தரும்போது அந்தக் கார்டை வாங்கி யார் அனுப்பி இருக்காங்கன்னு பார்த்து மகிழ்வதில் ஒரு சஸ்பென்ஸும் த்ரில்லும் இருந்ததை மறுக்க முடியாது. நாம் ரொம்ப ஸ்பெஷல் ஆயிட்டமாதிரி ஃபீல் பண்ண வைப்பவை இந்த பர்த்டே கார்ட்ஸ்தான். 

அதுவும் கல்லூரிப் பருவத்தில் அசெம்ப்ளியில் நம்ம பிறந்தநாளை அனௌன்ஸ் செய்து கார்ட்ஸை கலெக்ட் செய்துக்குங்கன்னு ப்ரசிடெண்ட் கத்தையா கார்ட்ஸைக் காட்டும்போது ஏற்படுற உற்சாகத்துக்கு அளவில்லை. பந்தாவாப் போய் வாங்கிட்டு அன்னிக்குப் பூரா கெத்தா அலையிறது J

ரொம்ப முன்னே எல்லாம் தீபாவளிக்கு விதம் விதமா தீபம் கார்ட்ஸும்., பொங்கலுக்குப் பொங்கல்பானை, கரும்பு, விவசாயி, சூரியன் கோலங்கள் ஆகிய கார்ட்ஸும் , புத்தாண்டு கிறிஸ்மஸ் அப்பிடின்னா கிறிஸ்மஸ் தாத்தாவும் மெழுகுவர்த்திகளும் ஸ்பெஷலா இடம் பெற்றிருக்கும்.

அதுவும் பொங்கல் தீபாவளின்னா அநேகமா சாமி பட கார்ட்ஸ்தான். முருகன் ரொம்ப கார்ட்ல இருப்பார். உள்ளே பிரிச்சா ஆறு தாமரையும் முருகனும் இதழ் இதழா எழுந்து வர்றமாதிரி கட் பண்ணி வைச்சிருப்பாங்க. அதுமாதிரி இயற்கைக்காட்சிகள்ல பறவைகள் பூக்களை கட் செய்து தத்ரூபமா நகர்றமாதிரி கட் பண்ணி இருப்பாங்க. அது ஒரு த்ரில் அனுபவம். 

அதே போல் சில மியூசிக் பர்த் டே கார்ட்ஸ திறந்தா அது ஆட்டோமேட்டிக்கா ஹாப்பி பர்த்டே பாட்டெல்லாம் பாடும். ஓராயிரம் தரம் எல்லாரையும் ஓரக்கண்ணால பார்த்துக்கிட்டே அந்தக் கார்டை மடக்கி மடக்கிப் பிரிச்சு ஹாப்பி பர்த்டே பாடலை ரசிக்கிறது உண்டு.  J
 
மத்த நாட்கள்ல அதிகம் பேசாத அல்லது லெட்டர் காண்டாக்ட் இல்லாத  உறவு முறைகள் கூட இந்த விசேஷ தினங்கள்ல ஒண்ணு கூடி கார்ட் அனுப்பிருவாங்க. ’உங்கள நாங்க மறக்கல’ங்கிறமாதிரி.
அப்பிடி வந்த பல கார்டுகள சேமிக்கல.. இது ஏதோ மிச்சம் மீதி இருந்தத எடுத்துப் போட்டிருக்கேன். J

ஒன்றிரண்டு இதுல திருமண மற்றும் திருமணநாள் வாழ்த்தும், பரிட்சைக்கு வாழ்த்தும், முதல் தரத்தில் வெற்றிபெற்றதுக்காகவும் அனுப்பப்பட்டிருக்கு. 

அதுவும் வசந்திக்கா, சுசீலாம்மான்னு என் மனசுக்குப் பிடிச்சவங்க அனுப்புன கார்டைப் பார்த்ததும் ரொம்ப நெகிழ்ந்து போயிட்டேன். சுசீலாம்மாவோட பல கடிதங்கள் வேற இன்னிக்குப் படிச்சேன். இந்தக் கடிதப் போக்குவரத்து எல்லாம் எப்ப நின்னுச்சுன்னு நினைச்சா திருமணம் ஆகி ஓரிரு ஆண்டுகள்ல குறைஞ்சிருக்குன்னு தோணுது. 1998 லேருந்துதான் செல்ஃபோனே உபயோகிக்கிறேன்..அதிலும் 2016 லேருந்துதான் செல்ஃபோனில் இண்டர்நெட் பார்க்கிறேன். இப்போ ஒரு செகண்ட்தான். எல்லாரையும் ரீச் பண்ணிடலாம். ஆனா அப்போ எல்லாமே லெட்டர்தான். J






இந்தப் ஸ்பெஷல் அக்கேஷனல் வாழ்த்துக்களை என் நாத்தனார்கள், கொழுந்தனார்கள் & அவர்கள் குடும்பத்தினர், மாமனார், மாமியார், தோழிகள் ( மீனா, மீனாக்ஷி, உமாமகேஸ் ( பிரபல எழுத்தாளர் ) , சுசீலாம்மா, வசந்திக்கா, எனது மாமா ( மலேஷியாவிலிருந்து மற்றும் உறவினர்கள் அனுப்பி இருக்கிறார்கள். !

உத்தர ஓவியங்களும் தேக்குமரப்படிகளும், சுவற்றலமாரிகளும். :-


காரைக்குடி வீடுகளில் சுவரில் வரந்தை ஓவியங்கள் பார்த்திருக்கிறேன். ஜன்னல்களில் ஓவியங்கள் பார்த்திருக்கிறேன். ரவிவர்மா ஓவியப்படங்கள் தஞ்சாவூர் ஓவியங்கள் ஃப்ரேமிடப்பட்டுப் பார்த்திருக்கிறேன். ஆனால் முதன் முறையாக ஒரு வீட்டில் உத்தரத்தில் ஓவியத்தைப் பார்த்தேன்


நடுவில் இருக்கும் சாண்ட்லியரும் மத்த ஓவிய வேலைப்பாடுகளும் அருமையாக இருந்தன. எனாமல் பெயிண்டிங்கா தெரியவில்லை.



வீடுகளின் மேங்கோப்புக்களை ( சீலிங் ) தேக்கு மரத்தால் அமைத்திருப்பார்கள். அந்த மேங்கோப்புகளுக்கு சப்போர்ட்டாக மர உத்தரங்கள் இருக்கும். இந்த உத்தரங்களில் நான்கு ஓவியங்களை மட்டும் ஒரு இல்லத்தில் பார்த்தேன். இன்னும் கூட இருக்கலாம்.


செவ்வாய், 8 ஆகஸ்ட், 2017

இந்திராஜான் சேப்பலும், ஸந்தான கணபதி ஸஞ்சீவி ஆஞ்சநேயரும்.



காரைக்குடியில் இந்திராஜான் ஹாஸ்பிட்டலைத் தெரியாதவர்கள் இருக்கமுடியாது. செக்காலையில் டாக்டர் சுகுமாரியம்மாவுக்குப் பின்னால் பிரபலமான டாக்டர் இந்திராஜான். இவரது தந்தை மெனா மெனா வீதியில் உள்ள ஜான் மெடிக்கல்ஸ் நடத்திவந்தார் என நினைக்கிறேன். 

எங்கள் தலைமுறையில் பெரும்பாலோர் இந்த உலகுக்கு வந்ததும் பார்த்த முதல் முகம் சுகுமாரியம்மாவுடையதாகத்தான் இருக்கும்.



இந்திராஜானம்மா ஹாஸ்பிட்டல்லுக்குச் சென்றிருந்தபோது இந்த தியான இடத்தைப் பார்த்தேன். ( கல்லூரிகளில் சேப்பல்ஸூன் ஸைலன்ஸ் ) என்று எழுதி இருப்பதன் முழு அர்த்தமும் இங்கே புரிந்தது.



ரிசப்ஷனை அடுத்து ஒரு வளைவும் ஓபன் முற்றமும் செடிகொடிகள் கொண்ட பூங்காவும் இருக்கு. சிலுவை அமைப்பில் அமைந்திருந்த சேப்பலின் பகுதி அழகு. சூரிய வெளிச்சம் வரும்வண்ணம் செய்யப்பட்டிருப்பது சிறப்பு. பெண்களுக்கான சிறப்பு மருத்துவமனை என்றே இதைச் சொல்லலாம். வயதால் மிகத் தளர்ந்தாலும் இந்திராஜான் அவர்களும் அவர்களின் கணவரும் இந்த ஜான் மெடிக்கல் செண்டரைத் திறம்பட நிர்வாகித்து வருகிறார்கள்.  

பொண்ணுக பெஞ்ச்.

பொண்ணுக பெஞ்ச்.

பள்ளிகளில், கல்லூரிகளில் மெக்காலே கல்வித் திட்டம் தேவையில்லை, ஆங்கில வழிக் கல்வி தேவையில்லை, தாய்மொழிக் கல்விதான் தேவை என்று அவ்வப்போது சர்ச்சை எழுந்து கொண்டிருக்கிறது.

ஆனால் ஜாலியா இருக்க விடாம படி படின்னு  வீட்டை விட்டுத் தொரத்துறாய்ங்க., நம்மள எல்லாம் பள்ளிக்கூடத்துக்கும் காலேஜுக்கும் அனுப்பிட்டாய்ங்களே என்று கஷ்டப்பட்டுப் படிப்பதுபோல் ரெண்டு புக்கைக் கையில் வைத்து பாவ்லா காட்டிக் கொண்டு நண்பர்களுடன் ஊர்சுற்றிக்கொண்டு அரட்டை அடிக்கும் பசங்க பொதுவாக அமரத் தேர்ந்தெடுப்பது வகுப்பறையின் கடைசி பெஞ்ச்தான். அதுனால அந்த பெஞ்சுக்கு மாப்பிள்ளை பெஞ்ச்னு பேரு. 

திங்கள், 7 ஆகஸ்ட், 2017

கோபாலன் இன்னோவேஷன் மால், பெங்களூரு.



பெங்களூருவில் வாராவாரம் செவ்வாய்க்கிழமை சினிமா பார்ப்பதுதான் எனக்கும் ரங்க்ஸுக்கும் வேலை. அது ஹாலிவுட், பாலிவுட், டோலிவுட் எதானாலும் சரி.



சென்னை எக்ஸ்ப்ரஸ், மெட்ராஸ் கேஃப், தலைவா, லூப்பர், ட்ரான்ஸ்போர்ட்டர், அயர்ன் மேன், டேகன், எ குட் டே டு டை ஹார்ட், மிஷின் இம்பாஸிபிள், வுல்ஃப் ஆஃப் வால் ஸ்ட்ரீட்., ஸ்கைஃபால் எல்லாம் சென்னைக்கு வரும் முன்பே பார்த்து ப்லாகிலும் ரிவியூ போடுவதுண்டு. சிலவற்றுக்கு விட்டுப் போய்விடும்.


கும்பக்கலசம் இல்லாத தரங்கம்பாடி மாசிலாமணிநாதர் கோயில்



கோபுரம் இருக்கு ஆனா கும்ப கலசம் இல்லை. இப்பிடி ஒரு கோயிலைத் தரங்கம்பாடிக் கடற்கரையில் பார்த்தேன். கோபுரம் முழுமையா இதே அமைப்புலதா கும்பம் இல்லாமக் கட்டப்பட்டிருக்கு. 

கோயிலுக்குப் பின்னாடி வேற பிட்டு பிட்டா கோயில் மண்டபங்கள் இருக்குறமாதிரி தனித்தனிக் கட்டிடங்கள் இருக்கு.



புகார், தரங்கம்பாடி. ஆக்ரோஷ அலைகள். மை க்ளிக்ஸ் MY CLICKS.



புகார், தரங்கம்பாடி. ஆக்ரோஷ அலைகள். மை க்ளிக்ஸ் MY CLICKS.



ஆக்ரோஷ அலைகள் என்றால் கிழக்குக் கடற்கரையோரம் பாண்டி, காரைக்கால், புகார், தரங்கம்பாடியில் பார்க்கலாம். சென்னை திருவான்மியூர் கோவளம் பகுதிகளிலும் வாட்டர் கரண்ட் எனப்படும் வெகுவேக ஆள் இழுக்கும் அலைகளின் கொந்தளிப்பு உண்டு. 

சிங்கப்பூரிலும் கூட சிலாஸோ கடற்கரை கூட அலைவேகத்தைச் சமாளிக்கப் பாறைகளால் தடுப்பு அமைக்கப்பட்டிருக்கும். அதேபோல்தான் பாண்டியும். புகாரிலும் தரங்கம்பாடியிலும் கூட அந்தத் தடுப்பு முறைகளைப் பார்த்தேன்.

புகார் , தரங்கம்பாடி சென்றிருந்தபோது என்னைக் கவர்ந்த விஷயம் இந்த அலைகள்தான். ஆனால் அதே சமயம் பயமாகவும் இருந்தது. சிலேரென்று பாறைமேலும் தெறித்து ஆள் நனைத்து ஆள் அடித்து நின்றிருந்த பாறையில் இருந்து வழுக்க வைத்தது.

பாலசந்தர் படங்களில் இம்மாதிரி அலைகளைப் பார்க்கலாம். ( மோகம் என்னும் தீயில் என்ற பாடலில் சிவகுமார் தவம் செய்வதுபோல் பாறையில் அமர்ந்திருக்க அவரை விழுத்தாட்டுவது போல வந்து செல்லும் அலைக்குத் தக்க பாடல்தான் ) ) வெகு வேக ஆக்ரோஷ அலைகள் கொஞ்சம் கவர்ச்சியானவைதான். அதே சமயம் ஆபத்தானவையும் கூட.

கோவாவில் விதம் விதமான கடற்கரைகளும் அதன் நிலப்பரப்புகளும் அழகு,. பாறை, மண், கல், பச்சைப்பாறைகள், மணல் என்றிருக்கும் எல்லாவகை பீச்சிலும் நண்டு சிப்பி கிடைக்கும். பிச்சாவத்தில் இருந்து பரங்கிப்பேட்டை பீச் வரை அரை நாள் படகில் சென்று சிப்பிகள் பொறுக்கிச் சேர்த்த அனுபவம் மறக்க இயலாது. 

மும்பை அஷ்டலெக்ஷ்மி கடற்கரையும் பாறைகளாலானது. ஜுகு பீச்சில் மணலில் நடக்கலாம். அலை பற்றி ரொம்ப ஞாபகமில்லை. கேட்வே ஆஃப் இண்டியா கடற்கரை படகுப் பயணத்துக்கானது. எலிஃபேண்டா குகைக்கு மட்டுமில்ல சும்மா ஒரு ரவுண்ட் அடிச்சும் கொண்டு வந்து விட்டுடுவாங்க. 

சென்னை மெரினா, விஜிபி கடற்கரைகள் வாக்கிங்க் ஸ்தலங்கள். நடந்து நடந்து கால் வலிக்கும். சுனாமி தவிர மத்த நேரத்துல ரொம்ப படுத்தாது. ஆனாலும் காவல்துறையினர் குளியலாடுறவங்களை கட்டுப்படுத்திக்கிட்டுத்தான் இருக்காங்க.

கேரளா கோவளம் கொச்சு வெளி கடற்கரைகள் கொஞ்சம் வித்யாசம். கடலை ஒட்டியே ஏகப்பட்ட தென்னை மரங்கள். அதிலும் கோவளம் வெளிநாட்டினரின் சொர்க்கம். கடற்கரைக் கடைகளில் குடிக்கலாம், கடல் உணவுகள் தின்னலாம். அர்த்த ராத்திரியிலும் நீந்தலாம். கடற்கரை தாழ்வான இடத்தில் இருக்கு. 

மகாபலிபுரம் கடற்கரையைவிடக் கவர்ந்த இடம் அதன் கோயில்கள்தான். திருச்செந்தூர் கடலில் நீராடலாம். மணப்பாடு உவரி கடற்கரைகள் நாம் பள்ளமான ஊரில் இருப்பது போல் தோற்றம் காட்டும். எப்பவேணா உன்ன மூழ்கடிப்பேன்கிறமாதிரி. கன்யாகுமரி கடற்கரையும் அலைகளின் சொர்க்கலோகம்தான். இங்கே மாதிரி சிப்பிப் பொருட்களின் கடையை எங்கேயும் பார்க்க முடியாது. 

ஷார்ஜா கார்னிஜ் பகுதிகளில் கடல் உள்வாங்கி ஏரி அமைப்பில் இருப்பதால் அலையே இருக்காது. அதில் உள்ள வாக்கிங் பாத்தில் உயரக் கட்டிடங்களையும் ஈச்ச மரங்களையும் மசூதியையும் பார்த்தபடி நடக்கலாம். 

சோம்நாத்தின் கடற்கரை அலைகள் மென்மையானவை. ஆனால் அங்கே ஏற்பட்ட அனுபவங்கள் விசித்திரமானவை. அமானுஷ்யமானவை . அங்கே குளியலாட அனுமதி இல்லை. தங்குமிடத்திலிருந்து கடலைப் பார்க்கலாம். கடற்கரைக்குச் சென்றாலும் கடலைப் பார்க்கலாம். அது ஏனோ ஆள்விழுங்கிக் கடற்கரை போன்று அச்சத்துடனே பராமரிக்கப்படுகிறது. நிறையப் பேரைக் கடல் கொண்டிருக்கிறது.

ராமேஸ்வரம் கடற்கரைதான் அலையே இல்லாத பீச். தேவிபட்டினத்தில் கூட அவ்வளவு அலை இல்லை. ஆனால் சேதுக்கரையில் செம அலை. எப்படித்தான் நம்ம ஹனுமான் ஜி ராமருக்காக அந்த ஆக்ரோஷ அலைகளில் பாலம் அமைத்தாரோ. 

ஒரு விஷயத்தில் அமிழ்வதை அலை என்ற சொல்லால் குறிப்பதுண்டு. உணர்வலைகள், நினைவலைகள், ஆனந்த அலைகள் என்று. இந்த் ஆக்ரோஷ அலைகளிலும் கொஞ்ச நேரம் கால் நனைத்துப் பாருங்கள். புத்துணர்வாக இருக்கும். ஆனாலும் ஜாக்கிரதையா நில்லுங்க. J

நான் கால் நனைத்த ஆக்ரோஷ அலைகள்.

அப்பிடி சொல்றத விட என்னை நனைத்த ஆக்ரோஷ அலைகள்னு சொல்லலாம்  
இவை புகார் அலைகள்


சனி, 5 ஆகஸ்ட், 2017

ஸ்ரீ சேது பந்தன ஜெயவீர ஆஞ்சநேயர்.


திருப்புல்லாணிக்கு அருகில் ஸ்ரீ சேதுக்கரை ஜெயவீர ஆஞ்சநேயர் கோயில் சமுத்திரத்தைப் பார்த்து அமைந்திருக்கிறது.


ஆடி அமாவாசை போன்ற தினங்களில் இங்கேயும் ராமேஸ்வரத்திலும் பிதுர் தர்ப்பணம் நடைபெறும். ஆனால் இங்கே கோயிலுக்கு எதிரே பத்தடியிலேயே கடலும் அதை ஒட்டி சீரற்ற படிகளும் சிதைந்த சிலைகளுமாகக் காட்சி அளிக்கின்றன. நடப்பதே சிரமமாய் இருந்தது.



முதலில் ஒரு விநாயகர் கோயில் அமைந்திருக்கிறது.



கோயிலின் வெளி முகப்பில் ராமர் சீதை லெக்ஷ்மணன் ஆஞ்சநேயரின் சுதைச்சிற்பம் அமைக்கப்பட்டுள்ளது. மஹாலெக்ஷ்மியும் அருள் பாலிக்கிறார்.

வெள்ளி, 4 ஆகஸ்ட், 2017

வாழ்வியல் விதைகள் – ஒரு பார்வை.


வாழ்வியல் விதைகள் – ஒரு பார்வை.

22 ஆளுமைகளைப் பற்றிய கட்டுரைகளின் தொகுப்பு இந்நூல். பிரபல பத்ரிக்கையாளர் ப திருமலை அவர்களின் எட்டுக் கட்டுரைகளும், மற்ற கல்வியளாளர்களின் கட்டுரைகளும் இடம் பெற்றுள்ளன.

மனிதகுலத்துக்குச் சேவைசெய்த பலரை நாம் அறிந்திருப்போம் ஆனால் முழுமையான தகவல்கள் தெரிந்திராது. அக்குறையைப் போக்குகிறது இந்நூல். அது போக பெருஞ்சாதனை செய்த சிலரை நாம் அறிந்திருக்க மாட்டோம். அவர்களையும் நமக்கு அடையாளம் காட்டுகிறது இந்நூல். 

தில்லையாடி வள்ளியம்மை, கவிமணி தேசிக விநாயகம் பிள்ளை, அரசஞ்சண்முகனார், சாவித்ரிபாய் பூலே, நாமக்கல் கவிஞர், வீரமாமுனிவர், ஜெகதீஷ் சந்திரபோஸ், தியாகி விஸ்வநாததாஸ், உஷா மேத்தா, மொரார்ஜி தேசாய், பகத் சிங், மாவீரர் திப்பு சுல்தான், ராமாமிர்தம் அம்மையார், கேப்டன் லெக்ஷ்மி, தோழர் ப ஜீவா, அன்னை தெரசா, வல்லபாய் படேல், பரிதிமாற் கலைஞர், ஆறுமுக நாவலர், லாலா லஜபதி ராய், வைத்தியநாதய்யர், ரமாபாய் ரானடே ஆகியோர் பற்றிய அரிய தகவல்கள் அடங்கிய என்சைக்ளோபீடியா இது. 

திருப்பூர் விநாயகாவில் ஒரு நாள்.



பார்க் கல்லூரியின் மகளிர் மன்ற துவக்கவிழாவுக்காக சிறப்பு விருந்தினராக அழைக்கப்பட்டிருந்தபோது பெங்களூரில் இருந்து போக்கு வரத்துச் ( ட்ரெயின் டிக்கெட் ) செலவு, தங்க இடம் ஏற்பாடு செய்திருந்தார்கள். டிக்கெட் ஆன்லைனில் புக் செய்யப்பட்டு கைபேசியில் மெசேஜ் வந்துவிட்டது. 

முகநூலில் நண்பரான திரு திருமாறன் ஜெயராமன் சார் என்னை அவர்கள் கல்லூரியில் பெண்கள் மன்றத்தைத் துவக்கி வைத்து இருபது நிமிடம் உரையாற்ற அழைத்திருந்தார். ( 20 நிமிடம் பேசி முடித்ததும் ’இன்னும் கொஞ்சம் பேசி இருக்கலாம் நீங்க. நல்லா இருந்தது’ என்றார் ! )



முதல்வர் திரு திருமாறன் ஜெயராமன் அவர்கள் ஏற்பாட்டின்படி தொலைபேசியில் கல்லூரியின் பெண்கள் மன்றம் சார்பாக ஒரு  பேராசிரியை பேசினார் ( மல்லிகா என்று நினைவு ). ரயில்வே ஸ்டேஷனை ஒட்டி விநாயகா என்ற ஹோட்டலில் தங்க ஏற்பாடு செய்யப்பட்டிருப்பதாகவும் அதிகாலை என்பதால் தான் ரிசீவ் செய்ய வர இயலவில்லை எனவும் மன்னிப்புக் கேட்டு கல்லூரிப் பெயரை ஹோட்டல் ரிஸப்ஷனில் சொன்னால் ரூம் தருவார்கள் என்றார்.


பீரங்கிக்கும் அஞ்சாத வீரன் அழகுமுத்துக்கோன்

பீரங்கிக்கும் அஞ்சாத வீரன் அழகுமுத்துக்கோன்

கண் எதிரே நிறுத்திவைக்கப்பட்டிருக்கிறது, மனிதரை மட்டுமல்ல கோட்டை கொத்தளங்களையும் தூள்தூளாக்கும் இரக்கமற்ற இரும்பு பீரங்கி. இடது பக்கம் மூன்று தளபதிகள், வலது பக்கம் மூன்று தளபதிகள் நடுவில் கைகளிலும் கால்களிலும் விலங்கு பூட்டப்பட்டு இரும்புச் சங்கிலிகளால் பிணைக்கப்பட்டு அஞ்சா நெஞ்சன் வீரன் அழகு முத்துக்கோன் நிறுத்தப்பட்டிருக்கிறார். அவரது கண் எதிரே அவரது 248 படைவீரர்களின் வலது கைகளையும் வெட்டி எறிகிறது கோரக் குணம் படைத்த கும்பினியப் படை.

” வரி கட்டினால் உயிர் மிஞ்சும் . ஒப்புக் கொள்கிறாயா, இல்லாவிட்டால் எங்கள் பீரங்கி உன்னைத் தூளாக்கும் “ எனக் கும்பினியப் படை வினவ , நம் சொந்த மண்ணுக்கே கப்பம் கட்டும் இழிநிலையிலா இருக்கிறோம் என்று கொந்தளித்த வீரன் அழகு முத்து முழங்கினார் இவ்வாறு. ”தாய்மண்ணின் மானத்தை இழப்பதை விட உயிரை இழப்பதே மேல் “

வியாழன், 3 ஆகஸ்ட், 2017

பிதார் பாப்நாஷ் ஷிவ் மந்திர் - பிதார் பாபநாசம் சிவன் கோயில்.



பாப்நாஷ் என்றால் பாவங்களை அழிப்பவர் என்று அர்த்தம். இங்கே வந்து பாப்நாஷ் அருவியில் நீராடி சிவனை வணங்குபவரின் பாவங்கள் தொலையும் என்பது நம்பிக்கை. சிவன் ராத்திரி இங்கே ரொம்ப ஸ்பெஷல். ஹைதையிலிருந்து குல்பர்கா சென்றுவிட்டு பிதார் வரும் ( பிதார் - உட்கிர் ) வழியில் இக்கோயிலுக்குச் சென்றோம். காரோட்டி இதன் சிறப்பைச் சொல்லி அழைத்துச் சென்றார். நீளச் செம்மண் பாதை போய்க்கொண்டே இருந்தது. அதன்பின் வந்தது கோயில்.



பாபநாஷில் அமைந்திருக்கும் பூர்வகோயில் சிதைந்துவிட்டதால் புதிதாகக் கட்டப்பட்டுக் கொண்டிருக்கும் கோயில் இது. ( 2014 இல் ).

இப்போ கூகுள் பண்ணிப்பார்த்தீங்கன்னா செங்கலர்ல ஜொலிக்குது கோபுரம். 

கும்பகோணம் – மை க்ளிக்ஸ் MY CLICKS



கும்பகோணத்தில் இருந்தபோது எடுத்த புகைப்படங்கள் இவை. அங்கே பாலாற்றின் பக்கம் வீடு. 

இந்தச் செங்கல்கள் புதிய வீடு கட்டுவதற்காக வைக்கப்பட்டு கலரே மாறிடுச்சு. அப்புறம் கட்டினாங்க. J



அவற்றின் அருகே ஒரு ஜோடி ஆடுகள் அசைபோட்டபடி. 



மணக்கும் சந்தனம், நமது மண் வாசத்துக்காக

”அரைச்ச சந்தனம் மணக்கும் குங்குமம் அழகு நெற்றியிலே ”என்ற பாடலைக் கேட்டிருக்கலாம். அகில், பச்சைக்கற்பூரம், கஸ்தூரி மஞ்சள், கோரோசனை போன்ற இயற்கையான வாசனைப்பொருட்களிலே சந்தனம் வகிக்கும் இடம் முக்கியமானது. வெய்யில் காலம் வந்தாலே சந்தனத்தின் பயன்பாடு அதிகமாகிவிடும். வேர்க்குருவைத் தடுக்கவும் குளிர்ச்சிக்காகவும் சந்தனத்தை அரைத்து உடலில் பூசிக் கொள்வதுண்டு. ஆனால் வேட்கையைத் தூண்டும் சந்தனம் என்று

புதன், 2 ஆகஸ்ட், 2017

தமிழ் வளர்ச்சியில் மின்னிதழ்கள் :- காற்றுவெளி.

காரைக்குடி அழகப்பா பல்கலைக்கழகத்தில் வரும் ஆகஸ்ட் மாதம் அழகப்பா பல்கலைக்கழகத்தின் தமிழ்ப்பண்பாட்டு மையம் மற்றும் கல்வியாளர்கள் சங்கமத்தின் தமிழ்வளர்ச்சிக் குழுமம் இணைந்து நடத்தும் பன்னாட்டுக் கருத்தரங்கம் நடைபெறவுள்ளது.

இதில் 21-ம் நூற்றாண்டில் தமிழின் நோக்கும் போக்கும் என்ற தலைப்பில் நடக்கப் போகும் கருத்தரங்கத்துக்கு பின்வரும் 21 தலைப்புகளில் ஆய்வுக்கட்டுரை அனுப்ப விழைபவர்கள் அனுப்பலாம்.

தமிழ்ப்பண்பாட்டு மையம் மற்றும் கல்வியாளர்கள் சங்கமம் – பன்னாட்டுக் கருத்தரங்கம் – 2017. https://honeylaksh.blogspot.com/2017/07/2017.html

இக்கட்டுரை ஆய்வுக்காக நான் தேர்ந்தெடுத்த தலைப்பு மின்னிதழ்கள் பற்றியது.

"தமிழ் வளர்ச்சியில் மின்னிதழ்கள். "

எனவே மின்னிதழ்கள், இணைய இதழ்கள் பற்றி முழுமையான விபரம் சேகரித்துக்கொண்டிருக்கிறேன்.

உங்கள் மின்னிதழ் ஆரம்பிக்கப்பட்டது எப்போது ? ஆரம்பித்தது யார், எந்த வருடம், எதை முக்கியத்துவப்படுத்தி இது செயல்படுகிறது , இதன் நோக்கம், தமிழ் வளர்ச்சியில் இதன் பங்கு, இதுவரை இதன் ஆசிரியராக, நிர்வாகியாக செயல்பட்டு வருபவர் யார், மின்னிதழ் நடத்துவதில் மேற்கொண்ட சங்கடங்கள், இடையூறுகள், அவற்றை எப்படிக் களைந்தீர்கள்,  இம்மின்னிதழ் மூலம் அடைந்த சாதனைகள், விருதுகள், சிறப்புத் தகவல்களை, சிறப்பிதழ்கள், பற்றிப் பகிர்ந்துகொள்ள வேண்டுகிறேன்

/////திண்ணை, உயிரோசை, கீற்று , வார்ப்பு, வல்லினம், வல்லமை,அதீதம், முத்துக் கமலம்,  வலைச்சரம்,  சுவடு, பூவரசி, தகிதா, புதிய” , அவள் பக்கம்தென்றல், காற்று வெளி, பண்ணாகம், லங்காஸ்ரீ, சொல்வனம். அமீரத்தின் தமிழ்த் தேர், தமிழ் ரைட்டர்ஸ் போர்ட்டல், கவிசூரியன்.////

ஏ 4 தாளில் நான்கு பக்கமே வரும் கட்டுரை என்பதால் சுருக்கி அனுப்பவேண்டும். ஆனால் என் வலைத்தளத்தில் ஒவ்வொரு மின்னிதழ் பற்றியும் ஆகஸ்ட் மாதத்தில் இருந்து விரிவான தகவல்கள் வெளியாகும்.

எனவே உங்கள் மின்னிதழ்கள் பற்றிய விரிவான தகவல்களை எனக்கு honeylaksh@gmail.com என்ற ஈமெயில் ஐடிக்கு அனுப்பி உதவ வேண்டுகிறேன். வேறு மின்னிதழ்கள் பற்றியும் தெரிந்தால் அதன் ஈமெயில் ஐடி , விபரங்கள் அனுப்பி உதவ வேண்டுகிறேன்.

எல்லா மின்னிதழ்கள் பற்றியும் முழுமையான ஒரு தொகுப்பாகஇது அமையவேண்டும் என்பது எனது பேரவா.

வரும் ஜூலை 15 க்குள் அனுப்ப வேண்டும் என்பதால் ஜூலை 10 ஆம் தேதிக்குள் உங்கள் மின்னிதழ் விபரங்கள் எனக்குக் கிடைத்தால் நலம்.

அன்பும் நன்றியும்,

தேனம்மைலெக்ஷ்மணன். 


என எல்லா மின்னிதழ்களுக்கும் நான் மின்னஞ்சல் அனுப்பியும் நான்கைந்து மின்னிதழ்களில் இருந்து மட்டுமே பதில் கிடைத்தன. எனவே அவற்றை வைத்து என் ஆய்வை முடிக்கமுடியாது என்பதால் என் வலைத்தளத்தில் வெளியிடுவதில் மகிழ்கிறேன்.


இதை அவரது சுயவிவரத்தில் இருந்து எடுத்தேன். நன்றி முல்லை அமுதன் சார்.




முல்லைஅமுதன் எனும் பெயரில் 80களில் இருந்து எழுதி வரும் மகேந்திரன் இரத்தினசபாபதி அவர்கள் திருகோணமலை பெருந்தெரு தமிழ்க் கலவன் பாடசாலை, யாழ்/செங்குந்தா இந்துக் கல்லூரி, கனகரத்தினம் மத்திய மகா வித்தியாலயம், மானிப்பாய் இந்துக் கல்லூரி, ஆகியவற்றில் தன் கல்வியைத் தொடர்ந்தார்.  

தமிழ் வளர்ச்சியில் மின்னிதழ்கள். - வலைச்சரம்...



காரைக்குடி அழகப்பா பல்கலைக்கழகத்தில் வரும் ஆகஸ்ட் மாதம் அழகப்பா பல்கலைக்கழகத்தின் தமிழ்ப்பண்பாட்டு மையம் மற்றும் கல்வியாளர்கள் சங்கமத்தின் தமிழ்வளர்ச்சிக் குழுமம் இணைந்து நடத்தும் பன்னாட்டுக் கருத்தரங்கம் நடைபெறவுள்ளது.

இதில் 21-ம் நூற்றாண்டில் தமிழின் நோக்கும் போக்கும் என்ற தலைப்பில் நடக்கப் போகும் கருத்தரங்கத்துக்கு பின்வரும் 21 தலைப்புகளில் ஆய்வுக்கட்டுரை அனுப்ப விழைபவர்கள் அனுப்பலாம்.

தமிழ்ப்பண்பாட்டு மையம் மற்றும் கல்வியாளர்கள் சங்கமம் – பன்னாட்டுக் கருத்தரங்கம் – 2017. https://honeylaksh.blogspot.com/2017/07/2017.html

இக்கட்டுரை ஆய்வுக்காக நான் தேர்ந்தெடுத்த தலைப்பு மின்னிதழ்கள் பற்றியது.

"தமிழ் வளர்ச்சியில் மின்னிதழ்கள். "

எனவே மின்னிதழ்கள், இணைய இதழ்கள் பற்றி முழுமையான விபரம் சேகரித்துக்கொண்டிருக்கிறேன்.

உங்கள் மின்னிதழ் ஆரம்பிக்கப்பட்டது எப்போது ? ஆரம்பித்தது யார், எந்த வருடம், எதை முக்கியத்துவப்படுத்தி இது செயல்படுகிறது , இதன் நோக்கம், தமிழ் வளர்ச்சியில் இதன் பங்கு, இதுவரை இதன் ஆசிரியராக, நிர்வாகியாக செயல்பட்டு வருபவர் யார், மின்னிதழ் நடத்துவதில் மேற்கொண்ட சங்கடங்கள், இடையூறுகள், அவற்றை எப்படிக் களைந்தீர்கள்,  இம்மின்னிதழ் மூலம் அடைந்த சாதனைகள், விருதுகள், சிறப்புத் தகவல்களை, சிறப்பிதழ்கள், பற்றிப் பகிர்ந்துகொள்ள வேண்டுகிறேன்

/////திண்ணை, உயிரோசை, கீற்று , வார்ப்பு, வல்லினம், வல்லமை,அதீதம், முத்துக் கமலம்,  வலைச்சரம்,  சுவடு, பூவரசி, தகிதா, புதிய” , அவள் பக்கம்தென்றல், காற்று வெளி, பண்ணாகம், லங்காஸ்ரீ, சொல்வனம். அமீரத்தின் தமிழ்த் தேர், தமிழ் ரைட்டர்ஸ் போர்ட்டல், கவிசூரியன்.////

ஏ 4 தாளில் நான்கு பக்கமே வரும் கட்டுரை என்பதால் சுருக்கி அனுப்பவேண்டும். ஆனால் என் வலைத்தளத்தில் ஒவ்வொரு மின்னிதழ் பற்றியும் ஆகஸ்ட் மாதத்தில் இருந்து விரிவான தகவல்கள் வெளியாகும்.

எனவே உங்கள் மின்னிதழ்கள் பற்றிய விரிவான தகவல்களை எனக்கு honeylaksh@gmail.com என்ற ஈமெயில் ஐடிக்கு அனுப்பி உதவ வேண்டுகிறேன். வேறு மின்னிதழ்கள் பற்றியும் தெரிந்தால் அதன் ஈமெயில் ஐடி , விபரங்கள் அனுப்பி உதவ வேண்டுகிறேன்.

எல்லா மின்னிதழ்கள் பற்றியும் முழுமையான ஒரு தொகுப்பாகஇது அமையவேண்டும் என்பது எனது பேரவா.

வரும் ஜூலை 15 க்குள் அனுப்ப வேண்டும் என்பதால் ஜூலை 10 ஆம் தேதிக்குள் உங்கள் மின்னிதழ் விபரங்கள் எனக்குக் கிடைத்தால் நலம்.

அன்பும் நன்றியும்,

தேனம்மைலெக்ஷ்மணன். 


என எல்லா மின்னிதழ்களுக்கும் நான் மின்னஞ்சல் அனுப்பியும் நான்கைந்து மின்னிதழ்களில் இருந்து மட்டுமே பதில் கிடைத்தன. எனவே அவற்றை வைத்து என் ஆய்வை முடிக்கமுடியாது என்பதால் என் வலைத்தளத்தில் வெளியிடுவதில் மகிழ்கிறேன். 


வலைச்சரம் குறித்து அனுப்பிய சகோ தமிழ்வாசி ப்ரகாஷ் அவர்களுக்கு நன்றிகள்.


தமிழ் வளர்ச்சியில் மின்னிதழ்கள்.

வலைச்சரம்...
26.02.2007ல் வலைச்சரம் சிந்தாநதி எனும் மூத்த பதிவரால் ஆரம்பிக்கப்பட்டு  பதிவர் பொன்ஸ் அவர்கள் முதல் பொறுப்பாசிரியராக பொறுப்பேற்றார். அதன் பிறகு 30-04-2007-இல் பதிவர் முத்துலட்சுமி அவர்களும், 04/05/2008-இல் இருந்து சீனா ஐயா அவர்களும், பொறுப்பாசிரியராக இருக்கிறார்கள்வலைச்சரக் குழுவில் சீனா ஐயாவுடன் இணைந்து கடந்த மூன்று வருடங்களுக்கு மேலாக  உள்ளேன்.

Related Posts Plugin for WordPress, Blogger...