புஸ்தகாவில் என் முதல் மின்னூல் . ”பெண்மொழி”

புஸ்தகாவில் என் முதல் மின்னூல் . ”பெண்மொழி”
புஸ்தகாவில் என் முதல் மின்னூல் . ”பெண்மொழி”

செவ்வாய், 28 பிப்ரவரி, 2017

மை க்ளிக்ஸ். துளசியும் ஊஞ்சலும். MY CLICKS. TULSI & SWING.

ஒரு பாரம்பரிய வீட்டில் எடுத்த ஷாட்ஸ். :)

துளசி இருக்கும் தொட்டியில் விநாயகர் வீற்றிருக்கிறார்.
ஓங்கி உயர்ந்த துளசி.
நீலமும் வெள்ளையும் வண்ணக்கோலம். பெருமாளின் சின்னங்கள் சுற்றிலும்.

திங்கள், 27 பிப்ரவரி, 2017

சனி, 25 பிப்ரவரி, 2017

சாட்டர்டே போஸ்ட். தென்கிழக்கு ஆசியாவின் முதல் தண்டாயுதபாணி கோயில் பற்றி தெக்கூர் இராமநாதன்.

தெக்கூரைச் சேர்ந்த முகநூல் நண்பர் இராமநாதன் மிகச் சிறப்பான தகவல்களை அவ்வப்போது பகிர்வார். செட்டி நாட்டின் பாரம்பரிய வீடுகள், உணவுகள், பழக்க வழக்கங்கள், திருவிழாக்கள், திருமண நடைமுறைகள், வீட்டு விசேஷங்கள், படைப்புகள், பூசைகள், கோயில் திருப்பணிகள், கண்ணகி, பட்டினத்தார் பற்றிய பல பதிவுகள் மனங்கவர்ந்தவை.

இன்றைய இளைஞர்கள் அரசியல் பொதுநலம் ஆகியவற்றில் சிறப்பாக செயலாற்றுகிறார்கள்.சிலர் இலக்கியம், ஆன்மீகம் ஆகியவற்றிலும் மரபு சார்ந்த விஷயங்களிலும் கவனம் செலுத்தி ஆவணப்படுத்துகிறார்கள். அவர்களுள் ஒருவர் தெக்கூர் இராமநாதன். அவரது சீரிய பணிகளுக்காக அவரை வாழ்த்துவோம்.

{{ஜோதி இராமநாதன் என்பது அவர் பெயர் ஊடகங்களில் தற்போது இராமு இராமநாதன் என்ற பெயரில் கணக்குகள் வைத்துக்கொண்டு என்  பதிவுகளை பதிவு செய்கிறார்.  சொந்த ஊர் ஆ.தெக்கூர்  (கோவில்  மாத்தூர் மணலூர் )
தற்போது பணி நிமித்தமாக சென்னையில் உள்ளார். பெற்றோர் வடலூரில் உள்ளனர். பள்ளிபடிப்பு நெய்வேலியி புனித சின்னப்பர் பள்ளி மற்றும்
 கடலூர் மஞ்சகுப்பம் புனிதவளனார் பள்ளியில். கல்லூரிப்படிப்பை சென்னை செங்குன்றம் அருகில் உள்ள ஜெயசூர்யா பொறியியல் கல்லுரியில் B.E (ece) 2014கில் முடித்துள்ளார்.  தற்போது சென்னையில் ஒரு தனியார் தொலைத்தொடர்பு துறை நிறுவனத்தில் பொறியாளராக தற்போது பணி செய்கிறார் }}
அவரிடம் நம் சாட்டர்டே போஸ்டுக்காக ஆன்மீகம் சம்பந்தமாக ஏதும் எழுதித்தரும்படிக் கேட்டபோது தென்கிழக்கு ஆசியாவிலேயே முதல் முதலாக ஸ்தாபிக்கப்பட்ட தண்டாயுதபாணி கோயில் பற்றி எழுதி அனுப்பி உள்ளார். அதை உங்களுடன் பகிர்வதில் மகிழ்கிறேன்.



தென்கிழக்கு ஆசியாவின் முதல் தண்டாயுதபாணி கோவில் :
நாட்டுக்கோட்டை நகரத்தார்கள் கொண்டுவிற்க சென்ற இடமெங்கும் ஏரகத்து முருகனின் திருக்கை வேலை கொண்டு சென்று நிறுவி வழிபடும் வழக்கம் கொண்டவர்கள். அதுபோல மலேயா மண்ணில் பினாங்கில் கி.பி. 1818ஆம் ஆண்டு ஆரம்பத்தில் தொழில் துவங்கிய நகரத்தார்கள், பினாங்கு நீர்வீழ்ச்சி அருகில் 1800 வாக்கில் தோட்டத்தொழிலார்களாகவும் கூலிகளாகவும் வெள்ளையர்களால் குடியேற்றப்பட்ட தமிழர்கள் நீர்விழ்ச்சியை ஒட்டிய பகுதியில்  தாமிர வேல் ஒன்றை நிறுவிய வழிபட்டு வந்தனர். அதனை தொழில்துவங்க வந்த நகரத்தார்களும் நீர்விழ்ச்சி பகுதியில் வழிபட்டும் வந்தனர்.

புதன், 22 பிப்ரவரி, 2017

மை க்ளிக்ஸ். சாலையோர வியாபாரிகளும் உணவுகளும். STREET VENDORS, MY CLICKS.

சாலையோர வியாபாரிகள் என்று எடுக்கவில்லை. எடுத்தபுகைப்படங்களை ஒழுங்கமைத்துப் போட்டுள்ளேன். :)

#கருமமே கண்ணாயினார்.

நுங்கு சம்மர் ஃபேவரைட்
#என் பாதைக்கு நான் ராஜா.

பஞ்சுமிட்டாய்
மைசூர் பிருந்தாவன்.

செவ்வாய், 21 பிப்ரவரி, 2017

இரணிக்கோயில் கோபுரங்களும் திருச்சுற்று மதிலில் பள்ளிகொண்டபெருமாளும் நான்முகனும்.

இரணிக்கோயில் பற்றி முன்பே எழுதி இருக்கிறேன். அதன் வெளிப்பிரகாரமாக வந்து எடுத்த கோபுரப்படங்களை இங்கே பகிர்ந்துள்ளேன்.

மிகவும் வடிவான  சிற்பங்களோடு பொலிந்தன கோபுரங்கள். சிவபுரந்தேவியின் அருளாட்சி.
இன்னொரு கோணத்தில்.
லாங்க் ஷாட் :)
பக்கத்திலிருக்கும் பிள்ளையார் கோயில் கோபுரம்.
தெளிவாக.. லெக்ஷ்மி சரஸ்வதியுடன் சிவபுரந்தேவியும். லெக்ஷ்மி பக்கத்தில் யானையும் சரஸ்வதி பக்கத்தில் மயிலும். கரும்பும் பாசம் அங்குசமும் சுமந்த சிவபுரந்தேவி.

திருவாச்சியை ஒட்டிய இரு புறமும் சிங்கங்கள். சாமரம் வீசும் பணிப்பெண்கள்கூட என்ன கம்பீரம்.

மத ஒற்றுமையும் மன ஒற்றுமையும்.

1301. அரசன் அன்று கொல்வான். நீதி நின்று கொல்லுதோ.

1302. மத ஒற்றுமை & மன ஒற்றுமை.

1303. மனதை சுழட்டி சுழட்டி அடிக்கும் பாடல். இவங்க நடிக்கிறாங்களா.. உண்மையிலேயே இருக்காங்களான்னு நெனைக்க வைச்ச பாடல். சிம்ரன் என்னோட எவர் ஃபேவரைட்.. பிரஷாந்த் நல்ல டான்சர்.. பட் இதுல உருகி உருகி பாடுறார். ரமேஷ் அரவிந்த நல்ல நடிகர். ஆனா நிறைய படங்கள் சப்போர்டிங்க் ஆர்டிஸ்டாவே செய்திருக்கார்..


”ஒரு பொய்யாவது சொல் கண்ணே உன் காதலன் நான்தான் என்று.. ”

1304. எப்பவும் நமக்கு ஃபேரி டேல்ஸும் நடுவுல கொஞ்சம் கஷ்டமும். ( அழுவாச்சியும் ) ஹாப்பி எண்டிங்கும் பிடிக்கும்தானே.. மில்ஸ் அண்ட் பூன் அண்ட் ரமணி சந்திரன் கதைகள் மாதிரி..

1305. தாங்க்ஸ் தங்க்ஸ் சுபா

//ஃபேஸ்புக்ல குறிப்பிட்டு சொல்லக்கூடிய உறவுகள்ல,ரொம்ப உரிமையோட நான் குறிப்பிடறது தேனக்கா... இவங்க, சமையல்,எழுத்து,டெகரேஷன்,தெளிவா விஷயங்களைப் பகிர்ந்து கொள்வது இப்படி எல்லாத்துறைகளில் சிறந்து விளங்கக் கூடியவங்க. அதையும் தாண்டி, எப்போதும் சிரிச்ச முகத்தோட, அன்பா, ஆசையா பேசறது, என்கிட்ட மட்டும் இல்லை,இவங்க எல்லாரோடையும் இப்படித்தான் பழகுவாங்க. இவங்களோட மிகப்பெரிய ப்ளஸ் இது தான்.

அவங்க என்கிட்ட துபாய்ல உள்ள அன்றாட வாழ்க்கையைப் பத்தி, நான் போடுகின்ற கோலத்தைப் பத்தி கேட்டுருந்தாங்க. நான் எனக்குப் பிடித்த துபாய் கோவிலைப் பத்தி தகவல்களைத் தந்தேன். அவங்களுடைய ப்ளாக்ஸ்பாட்ல என்னுடைய தகவல்களைப் பதிவு பண்ணியிருக்காங்க.

தேனக்கா, நன்றின்னு சொன்னா, அது வழக்கமான ஒன்றாகிவிடும். அதனால “ஐ லவ் யூக்கா!!!!! //

-- தாங்க்ஸ் கண்மணி :)

திங்கள், 20 பிப்ரவரி, 2017

தேர்வு நேர கண் பாதுகாப்பு ஆலோசனை குறிப்புகள்.

தேர்வு நேர கண் பாதுகாப்பு ஆலோசனை குறிப்புகள்.

- அ போ இருங்கோவேள்,
மேலாளர் - பயனாளிகள் கல்வி மற்றும் ஆலோசனை,
சங்கர நேத்ராலயா, சென்னை 600 006.
இ-மெயில்: irungovel@gmail.com,

Inline image 1

து மாணவர்களுக்கு தேர்வு நேரம்.

பலரும் இரவும் பகலும் படித்துக் கொண்டே இருப்பீர்கள்.

பொதுவாக நாம் அனைவருமே நமது நடைமுறை வாழ்க்கைக்கு தேவையான 75 முதல் 80% செய்திகளை நமது கண்கள் மூலமாகவே தெரிந்து கொள்கிறோம். மேலும் கற்றல் என்னும் தொடர் நிகழ்வை 80% கண்கள் மூலமாகவே செயல்படுத்துகிறோம்.  

நமது தேர்வு வெற்றியியில் நமது கண்களுக்கு மிக முக்கியமான பங்கு இருக்கின்றது. எனவே உங்களுக்கு தேர்வுக்கால கண் பராமரிப்பு குறிப்புகளை கவனமாக கையாளுங்கள்.

1. முகத்தினை குறிப்பாக கண்களை அடிக்கடி குளிர்ந்த நல்ல நீரினால் கழுவுவது நல்லது.

2. தூக்கம் வரும் போது, தூக்கத்தினை தவிர்ப்பதற்காக கண்களை ஈரமாக்கிக்கொண்டு வலுக்கட்டாயமாக படிப்பது தவறு. அப்படிப்பட்ட சூழ்நிலைகளில் சிறிது நேரம் கண்களை மூடி ஓய்வு எடுத்துக் கொள்வது அல்லது சிறிது நேரம் தூங்கி எழுந்திருப்பது நல்லது.

ஞாயிறு, 19 பிப்ரவரி, 2017

ஆரண்யா ஆர்கானிக் ஃபார்மிங் சிறப்புப் பயிற்சி.

மருந்து தெளிச்ச காய்கனிகளையே வாங்கி சாப்பிட்டுட்டு இருக்கோம். இயற்கை முறையில் விவசாயம் பத்தி ஆரண்யா அல்லி நிறைய சொல்லித்தராங்க.

நிறையப்பேருக்கு ஆர்கானிக் ஃபார்மிங்னா என்ன அதை எப்பிடி செய்றதுன்னு தெரிஞ்சிக்க ஆர்வம் இருக்கும்.

சனி, 18 பிப்ரவரி, 2017

சாட்டர்டே ஜாலி கார்னர் - ஆகாயகாதலன் தேவராஜன் ஷண்முகம். :)

முகநூல் நண்பர் தேவராஜன். எம்.ஏ. தமிழ்இலக்கியம் பயின்றவர். . பூர்வீகம் நாகப்பட்டினம் மாவட்டம்- திருக்கண்ணபுரம். வசிப்பது காஞ்சீபுரம். 17 ஆண்டுகள் பத்திரிகைப்பணி. 500க்கும் அதிகமான கட்டுரைகள், பேட்டிகள், சிறுகதைகள், கவிதைகள் பிரசுரம். அச்சு புத்தகங்கள் 10 மற்றும் மின்புத்தகங்கள் 10 வெளியீடு என்று பிரமிக்க வைக்கிறார். 

தினமலரில் ஃபேஸ்புக் பிரபலங்களின் கதைகள் வெளிவரக் காரணமாயிருந்தவர். ( அதுல நாமளும் ஒரு ஆளுல்லா :) 

இடையறாத பத்ரிக்கை & எழுத்துப் பணியில் ஈடுபட்டிருக்கும் அவரிடம் சாட்டர்டே ஜாலிகார்னருக்காக ஏதும் எழுதித்தரும்படிக் கேட்டிருந்தேன். அவர் வித்யாசமாக ஆகாயம் பத்தி எழுதி இருந்தார் !. 

நானும் இதுபோல் எல்லாம் ஆகாயத்தை ரசித்திருக்கிறேன் என்பது ஆச்சர்யம். நீங்களும் கூட ரசித்திருக்கலாம். கொஞ்சம் ஆகாய உலா போய் வருவோம் வாருங்கள்.  உங்கள் பார்வைக்குப் புலப்படும் கொஞ்சம் ஆகாயம் . :)

  
///நான் ஆகாய காதலன் ! 

மாதத்தில் ஒரு நாளாவது நீங்கள் பவுர்ணமி வானத்தை ரசித்திருக்கிறீர்களா? தன்னந்தனியே பொன்மாலை நேரங்களில் நடந்து செல்லும்போது அன்னார்ந்து வானம் பார்த்ததுண்டா? இதற்கு ஆமெனில் உங்களுக்கு இந்தக்கட்டுரை சுவாரஸ்யம் தரும். இல்லை என்பவர்கள் படிப்பதில் நேரம் வீணடிக்க வேண்டாம்! 

பகல் ஆண். இரவு பெண். பூமி பெண். வானம் ஆண். அஃறிணைக்கு பால் பிரிப்பது சரியா என்றெல்லாம் யோசிக்காதீர்கள். எனக்கும் வானத்துக்குமான புரிதலில் இவை எல்லாம் சரியே. வானம் எனக்கு இளங்காலையில் தோழன். மதிய நேரத்தில் ஆசிரியன். மாலையில் காதலன். இரவில் தாய். நானும் வானமும் எந்த பருவத்திலும் பிரிந்ததே இல்லை. என் துயரத்திலும் சந்தோஷத்திலும் வெற்றியிலும் தோல்வியிலும் வானத்தைப் பார்ப்பேன். சிலநிமிடங்களில் நான் ஜென் நிலைக்கு உறைந்துவிடுவேன். 

வெள்ளி, 17 பிப்ரவரி, 2017

கைகேயி படைத்த கம்பன்.

 கம்பனல்லவா கைகேயியைப் படைத்தான். கைகேயி எங்கே கம்பனைப் படைத்தாள் எனக் குழம்புகிறதல்லவா. ஆம் அப்படித்தான் நானும் எண்ணி இருந்தேன். ஆனால் கைகேயி படைத்த கம்பனை நானும் அங்கே கண்டேன். அவ்வாறு கைகேயி படைத்த கம்பனை உருவாக்கி உலவவிட்டு கைகேயின்மேல் கழிவிரக்கத்தை உண்டு செய்தவர் கம்பனடி சூடி. திரு பழ பழனிப்பன் அவர்கள்.

/////காரைக்குடி கம்பன் கழகத்தின் பிப்ரவரி மாதக் கூட்டம் 04.02.2017 அன்று கிருஷ்ணா கல்யாண மண்டபத்தில் நடைபெற்றது. இக்கூட்டத்திற்குக் கம்பன் அறநிலையின் தலைவர் திரு சக்தி திருநாவுக்கரசு அவர்கள் தலைமை வகித்தார். கம்பன் அடிசூடி பழ. பழனியப்பன் அவர்கள் ‘‘கைகேயி படைத்த கம்பன்” என்ற தலைப்பில் மீனாட்சி பழனியப்பா நினைவு அறக்கட்டளைப் பொழிவை நிகழ்த்தினார்.////

இனி சொற்பொழிவில் என்னைக் கவர்ந்த சில விளக்கங்கள். நினைவில் இருத்தியவற்றைப் பகிர்கிறேன். பிழையிருப்பின் பொறுத்தருள்க.

கம்பன் அறநிலையின் தலைவர் திரு சக்தி திருநாவுக்கரசு அவர்கள் நட்பிற்காகத் தலைமை ஏற்க வந்ததாகக் கூறினார்.
வந்திருந்த அனைவரையும் அன்போடு வரவேற்று மிக நீண்ட முன்னுரைக்குப் பின் கைகேயி எப்படிக் கம்பனைப் படைத்தாள் என நிறுவினார் திரு கம்பனடி சூடி அவர்கள். அவர் ஒரு வழக்குரைஞர்/அறிஞர் என்பது இலட்சத்து ஓராவது தடவையும் நிரூபணமாயிற்று :)

பெருந்துறை ராயல் பார்க்கில் இரு நாட்கள்.

பெருந்துறை ராயல் பார்க்கில் இருநாட்கள் தங்க நேர்ந்தது. பக்கத்தில்தானே செங்கோட்டு வேலவனும் திண்டல் வேலவனும். இருவரையும் தரிசிக்க இருநாட்கள் வேண்டுமே.

பெருந்துறை ராயல் பார்க் காம்பாக்டான ஹோட்டல். ரூம் சர்வீஸில் காஃபி மட்டுமே அருந்தினோம். இதோடு ஒட்டிய செட்டிநாடு ராயல் பார்க் ஹோட்டல் இருக்கு . ஆனால் அதன் உணவு பிடிக்கல..காலை பஃபே உண்டு. அது பற்றியும் ராயல் பார்க்கின் அழகு ஓவியங்கள் பற்றியும் அடுத்த இடுகைகளில் விரிவா சொல்றேன்.
டாலி வேலைக்கு ஆட்கள் தேவையாம், விருப்பமுள்ளவர்கள் அணுகலாம். :)
பக்கத்திலிருக்கும் ராயல் செட்டிநாட்டு ஹோட்டல் சுவரில் பெயிண்டிங். நான் இது பத்தி சொல்லல. இன்னும் சிறப்பான பெயிண்டிங்க்ஸ் ஹோட்டல் லாபிகளில் இருக்கு.
இன்னும் கொஞ்சம் இசை, நடனம், கேளிக்கை.
எனக்குப் பிடித்த காரிடார்கள். :) இங்கே இருந்த ஓவியங்கள் அழகு.

மை க்ளிக்ஸ். ஹெல்தி ஸ்நாக்ஸ். HEALTHY SNACKS. MY CLICKS.

ஆரோக்ய உணவுகள் என்ற தலைப்பில் தொகுத்து அளித்திருக்கிறேன். நம் நாட்டு பாரம்பரிய மாலை உணவுகளான அவிச்ச வேர்க்கடலை, பட்டாணி, கொண்டக்கடலை சுண்டல், பனங்கிழங்கு, சோளக்கருது, மரவள்ளிக்கிழங்கு, சர்க்கரை வள்ளிக்கிழங்கு, கொழுக்கட்டை, ட்ரை ஃப்ரூட்ஸ் & நட்ஸ், இவையே குழந்தைகளுக்கு அளிக்க வேண்டிய மாலை உணவுகளாகும்.

ஃபாஸ்ட் ஃபுட்டை எல்லாம் ஒதுக்கிட்டு இந்தப் பாரம்பரிய உணவை குழந்தைகளுக்குப் பழக்குங்க. அப்புறம் ஃபோலிக் ஆசிட் குறைபாடு, கண் பார்வைக்குறைபாடு, சத்துக்குறைச்சல் , ரத்தசோகை, எல்லாம் வரவே வராது.

இரும்புச்சத்து, புரதம், விட்டமின்ஸ், மினரல்ஸ்,துத்தநாகம், மக்னீஷியம் நிரம்பிய உணவுகள் இவை.

பிள்ளையார் பட்டியில் ஒரு சுண்டல் கடை. அந்தப் பல்லுப்பல்லா சீவின மாங்காய் நெம்ப அழகா இருக்கில்ல. :) சுண்டலுக்கு டேஸ்டே கீத்துத் தேங்காயிலும் பல்லு மாங்காயிலும்தான் ஒளிஞ்சிருக்கு. பட் ரங்ஸுக்கு வெங்காயம் கேரட் தக்காளி எலுமிச்சை கொத்துமல்லிக் கலவைதான் பிடிக்கும். :)
அவிச்ச பனங்கிழங்கு, இதுவும் பிள்ளையார்பட்டிதான்.
துபாய்லேருந்து தம்பி வாங்கி வந்த பேரீச்சை, பிஸ்தா ( இந்த பிங்க் கலர் சால்ட் கோட்டட் பிஸ்தா ரொம்ப ருசி ) . பேரீச்சையும் பிஸ்தாவும் 4 போதும். அதிகம் வேணாம்.

புதன், 15 பிப்ரவரி, 2017

அதியமான் கோட்டை ஆதி பைரவரும் பூசணிப் பிஞ்சு தீபமும்.

இந்தியாவிலேயே இரண்டு இடங்களில்தான் உன்மந்திர/உன்மத்த பைரவர் கோயில்கள் இருக்கின்றன. அவற்றில் ஒன்று காசியிலும் இன்னொன்று தர்மபுரியிலும் இருக்கின்றன. இக்கோயில் 1200 வருடப் பழமை வாய்ந்தது. மிக உக்ரம் வாய்ந்த சக்தியான கோயில். சிவன் மூர்த்தி  ( சிலை) இல்லாமல் மஹாவீரரின் சிலை மட்டும் பைரவர் மூர்த்தி ( சிலை) யுடன் இங்கே ப்ரதிஷ்டை செய்யப்பட்டிருப்பது விசேஷம்.

நமது காலச்சக்கரத்தின் அதிபதி காலபைரவர்தான் . நம் காலக்கணக்கை ஆரம்பித்து வைப்பவரும் முடித்து வைப்பவரும்  இவரே. . இவரிடமே எல்லா சிவன் கோயில்களிலும் ( கோயில் சாவிப் பொறுப்பை ஒப்படைத்து வணங்கும் பூசையும்  ) அர்த்தசாம பூசையும் , ( அனுமதி பெற்று காலையில் கோயிலைத் திறந்து தினசரி நடைமுறை வழிபாடுகளை மேற்கொள்ளும் பூசை ) திருவனந்தலும் நடைபெறும்.

தர்மபுரியில் உள்ள காலபைரவர் கோயில் மிகவும் சக்தி வாய்ந்தது. இது ஒன்பதாம் நூற்றாண்டில் அதியமான் மன்னனால் கட்டப்பட்டது. இங்கே இருந்துதான் போருக்குச் செல்லும்முன் அவர் தனது  வீர வாளை வைத்து வணங்கிச் செல்வாராம். அதன் பின் அவருக்கு வெற்றிக் கோட்டையாகிவிட்டது அதியமான் கோட்டை. அவரது குலதெய்வமானார் காலபைரவர்.அரசர் காலத்தில்  கோட்டையின் சாவி இவரிடமே ஒப்படைக்கப்பட்டுள்ளது. 

இன்னும் சில விசேஷங்களும் உண்டு. இங்கே ஒன்பது நவக்ரகங்களும் கோயிலின் மஹா மண்டபத்தின் மேற்கூரையில் பொறிக்கப்பட்டுள்ளன. எனவே இவற்றின் வழியாக வரும்போது நவக்கிரக தோஷங்கள் நீங்குமாம். அதே போல உன்மந்திர பைரவர் திருமேனியில் பன்னிரெண்டு ராசிகளும் 27 நட்சத்திரங்களும் அடக்கம்.

தலையில் மேஷத்தில் இருந்து பாதத்தில் மீனம் வரை ( சிரசு தலை மேல் அக்கினிப் பிழம்பு  - மேஷம், முகம் - ரிஷபம், கழுத்து - மிதுனம், மார்பு - கடகம், இரண்டு கால்களுக்கும் மேல்  - சிம்மம், வயிறு - கன்னி, ஆண்குறி - துலாம், தொடை - விருச்சிகம், முட்டி - தனுசு , முட்டியின் கீழ்ப்பகுதி - மகரம், பாதம் - கும்பம், பாத விரல் - மீனம் ) அடங்கி உள்ளதால் சம்பந்தப்பட்ட ராசிக்காரர்கள் அந்த ஸ்தானங்களை நோக்கி வணங்க தோஷம் நீங்கும் என்று குறிப்பிடப்பட்டிருக்கிறது. 

திங்கள், 13 பிப்ரவரி, 2017

மஹா சிவராத்திரிக் கோலங்கள்.

மஹா சிவராத்திரிக் கோலங்கள்.

சாந்திலெட்சுமணன் படைத்த கம்ப ரசமும், புக்ஃபேர் பாப்கார்னும்.

1281. வான் மேகம் கடலை நோக்கிச் செல்லும்போது நீறு பூசிய சிவபெருமான் போல வெண்ணிறம் கொண்டும், கடலில் நீர் கொண்டு திரும்பும்போது திருமாலின் கருத்த நிறம் கொண்டும் இருக்கும் என்று சொல்லும் சைவ வைணவ சமரசப் பாடல்.

“நீறு அணிந்த கடவுள் நிறத்த வான்
ஆறு அணிந்து சென்று, ஆர்கலி மேய்ந்து, அகில்
சேறு அணிந்த முலைத்திருமங்கை தன்
வீறு அணிந்தவன் மேனியின் மீண்டவே “

---

“பூ நிரைத்தும் மென் தாது பொருந்தியும்
தேன் அளாவியும், செம்பொன் விராவியும்
ஆனை மா மத ஆற்றோடு அளாவியும்
வான வில்லை நிகர்த்தது அவ்வாரியே ! “

பல நிறப்பூக்களை வரிசைப்படுத்தியும், அதில் மகரந்தப் பொடி பொருந்தியும், தேன் கலந்தும், செம்பொன் கலந்தும், யானைகளின் மதநீர் கலந்தும் செல்லும் அவ்வாற்றின் வெள்ளம் வானவில்லை ஒத்திருந்ததாம்.

-- அட அடா என்ன ஒரு தமிழ்ச் சுவை. இத எழுதியது நம்ம ப்ளாகர் திருமதி சாந்தி லெட்சுமணன், வானொலி தமிழ் அறிவிப்பாளர், போர்ட் பிளேயர்.

-- காரைக்குடி கம்பன் கழகமும் அந்தமான் தமிழ் இலக்கிய மன்றமும் இணைந்து நடத்திய கம்பராமாயண மூன்றாவது உலகத்தமிழ் ஆய்வுக் கருத்தரங்கக் கட்டுரைகளின் தொகுப்பு நூலான “கம்பனில் இயற்கை” என்ற நூலில் தமிழ்த் தேன் அருந்திச் செம்மாந்தேன் :)

1282. கா. லூ. க.

கூலிங் க்ளாஸோட
வந்தாரே.. ரொம்ப ரொமாண்டிக்கா..
கம்பெல் பண்ணி
கண் பார்க்க ஆசைப்பட்டா..

.
ஐயோ தொத்திக்கிச்சு
மெட்ராஜ் ஐ..

EYE யோடு EYE சேர்க்கும் காலங்களே..

1283. வணக்கம்  அக்கா.
உங்களது இரண்டாவது புத்தகம் 'ங்கா' விற்கு வாழ்த்துக்கள்.
இங்கு டெல்லியில் இந்த மாதம் 25 முதல் மார்ச் 4 வரை
புத்தகக் கண்காட்சி (International book fair) நடக்க இருக்கிறது. அதற்கு டிஸ்கவரி
பாலஸில் இருந்து தங்களது புத்தகங்கள் விற்பனைக்கு வருமா?
வாங்கிப் படிக்க ஆவலாக உள்ளேன்.
இல்லையெனில் ஆன்லைனில்தான் ஆர்டர் செய்ய வேண்டும்.
நன்றி. ///

காயத்ரி ஞானம், நியூ டெல்லி.


-- அஹா நன்றி காயத்ரி ஞானம். நீங்க சென்னையில் உள்ள டிஸ்கவரி புத்தக நிலையத்தில் ஆர்டர் செய்தும் வாங்கிக்கலாம்.

1284. சோத்தைப் பார்த்து பயப்படுற தலைமுறையா ஆகிட்டோம். எண்ணெய், பால், கோழி, அரிசி, காய்கறி, கீரை பழம்ன்னு நீளுது இந்த லிஸ்ட். எத சாப்பிட்டாலும் ஐயறவா இருக்கு.

சுடச் சுட டிஃபன்.

காலை உணவு என்பது இன்றியமையாதது. ஒரு துண்டு ரொட்டியாவது சாப்பிட்ட வேண்டும். பலமணி நேரம் காலியாகக் கிடக்கும் வயிற்றுக்கு சரிவிகித உணவு கொடுத்தால்தான் மயக்கம், உடல் சோர்வு, நாளடைவில் தோன்றும் பல்வேறு வியாதிகளில் இருந்து தப்பிக்கலாம்.

மூளை & கண்ணுக்கு அதிகம் வேலை கொடுப்பவர்கள் கார்போஹைட்ரேட் ஓரளவு எடுத்துக்கணும். ஏன்னா கார்போஹைட்ரேட் உணவுகள்தான் போதுமான இயங்கு சக்தியை கொடுக்குது. அட்லீஸ்ட் ரெண்டு இட்லியாவது எடுத்துக்கணும்.

ஒரு ஜான் வயித்துக்குத்தானே உழைக்கிறோம். அதை அலட்சியப்படுத்திட்டு அப்புறம் அதிகப்படி அமிலம் சுரந்து அல்சர், வாய்ப்புண், சீரற்ற இரத்த அழுத்தம் உடல் எடை குறைவு , பலகீனம் தாக்காம தப்பிக்கலாம்.

பேலியோ போன்றவற்றில் அதிக புரதம் எடுத்துக்குறாங்க. ஒவ்வொருவர் உடல் நிலைக்கும் தக்கவாறு மருத்துவர் ஆலோசனையின் படி அதையும் பின்பற்றுவது நலம்.

இயற்கை உணவுகளோ, சமைத்த உணவுகளோ காலை ஆகாரம் என்பது ரொம்ப முக்கியமான ஒன்று.  எனவே என்னுடைய உணவுப் புகைப்படங்களை இத்துடன் பகிர்ந்துள்ளேன். இதைப்பார்த்துப் பசியெடுத்து ஒழுங்கா சாப்பிட்டீங்கன்னா நலம்.. நலமறிய ஆவல். :)

ஏதோ ஒரு ஹோட்டலில் தங்கி இருந்தபோது ஆர்டர் செய்த காலை உணவு ( இருவருக்கு :) ( அநேகமா கோவை ஆர்வி யாக இருக்கும். ) சப்பாத்தி & மசால் தோசை.
அவிநாசி ரோட்டில் இருக்கும் சரவணபவனில் மல்லி சேவை.
அங்கேயே இனிப்பு குழிப்பணியாரம்.
வீட்டில் ட்ரை ஜாமூன், கவுனிஅரிசி, வெள்ளைப்பணியாரம்.

சனி, 11 பிப்ரவரி, 2017

சாட்டர்டே போஸ்ட். குழந்தைக்கும் கேட்டராக்டா - கண்பிரச்சனை பற்றி திரு அ போ இருங்கோவேள்


சாட்டர்டே போஸ்டுக்காக மதிப்பிற்குரிய முகநூல் நண்பர் திரு அ போ இருங்கோவேள் அவர்களிடம் கேட்டிருந்தேன். அவர் சங்கர நேத்திராலயாவில் பணிபுரிவதால் கண்நலம் பற்றி அனுப்புங்கள் என்று கேட்டதற்கு இந்தக் கட்டுரையை அனுப்பி இருந்தார்.

தற்போது அனைவருக்கும் கண் பிரச்சனை வந்து கொண்டிருக்கிறது. ஃபேஸ்புக், வாட்ஸப் , தொலைக்காட்சி , கைபேசி என கண்ணை சலிக்க வைக்கும் அளவு செய்திகள் குமிகின்றன. கண்ணைக் கண்போல் பாதுகாக்க சில கருத்துக்கள் அளிப்பார் என எதிர்பார்த்திருக்க ஒரு குழந்தைக்கு கேட்டராக்ட் என்பதைக் கண்டுபிடித்து அதைக் குணமாக்கிய விதத்தை எழுதி இருந்தார். மேலும் கண் பராமரிப்புப் பற்றியும் விவரங்கள் அளித்துள்ளார். ..

”என்னது குழந்தைக்கும் கேட்டராக்டா” என அதிர வைத்த கட்டுரை இதோ உங்கள் பார்வைக்கு.

/// ண்ணனுக்கு முதலாவது பிறந்த நாள்.
காலையில் ஆயுஷ் ஹோமம் முடிந்து வீட்டில் உள்ள தாத்தாக்கள், பாட்டிகள், மாமாக்கள், மாமிகள், சித்தப்பா, பெரியப்பா, பெரியம்மா, சித்தி எல்லோருடைய ஆசியையும் வாங்கி விட்டு தூங்கி எழுந்து விட்டு, மாலையில் நடைபெற்ற பர்த்டே பார்ட்டிக்கு அப்பா அம்மாவின் நண்பர்கள், குட்டீஸ். சுட்டீஸ் என்று ஒரே கலகப்பாக இருந்தது.
ஹாப்பி பர்த்டே பாட்டு பாடி, கேக் வெட்டி, குழந்தைகள் விளையாட்டு எல்லாம் முடிந்து ஒவ்வொருவராக கிளம்பியபோது தான் நானும் அந்த பார்ட்டியில் கலந்து கொண்டு குழந்தை கண்ணனுக்கு வாங்கி வந்திருந்த பரிசை கொடுத்தேன்.
குழந்தை பரிசு பார்சலை வாங்குவதற்கு சிரமப்பட்டான்.
“குழந்தை ரொம்ப டயர்டாகி விட்டான்” - என்று அவனுடைய அம்மா சொல்கிறாள்.

வெள்ளி, 10 பிப்ரவரி, 2017

மழலை கிருஷ்ணர் (குலம் வாழும் பிள்ளை தவழும் ) தவழ்ந்த மதுராபுரி. ( ஹாலிடே நியூஸ் பத்ரிக்கையில். )

குலம் வாழும் பிள்ளை தவழும் மதுராபுரி. 


குலம் வாழும் பிள்ளை என்று - தவழும் கிருஷ்ணர் விக்ரகம் கொட்டிக் கிடக்கும் ஊர், கருட புராணத்தில் குறிப்பிடப்பட்டுள்ள முக்தி அளிக்கும் –ஸப்தபுரி என்ற ஏழு வைணவத் தலங்களில் ( அயோத்தி, காசி, மாயாபூர், காஞ்சிபுரம், அவந்திகா, துவாரகா, மதுரா )  ஒன்றான ஊர், எந்தச் சப்தமுமில்லாமல் சமரசத்தோடு மசூதியும் மந்திரும் பக்கம் பக்கமாக அமைந்த ஊர், சூரசேன வம்சத்தில் வந்த கம்சன் என்னும் மாமனிடம் இருந்து ( பிறந்தவுடன் சிறையிலிருந்து ) கிருஷ்ணர் தப்பிப் பிழைத்த ஊர், சாலையில் எங்கு சென்றாலும் பசுக்கள் நிறைந்து ஆயர்பாடியோ என்று எண்ணவைக்கும் ஊர், விரஜபூமி என்றழைக்கப்படும் ஊர் , யமுனை ஆற்றங்கரையில் அமைந்திருக்கும் ஊர் உத்தரப் ப்ரதேசத்தில் இருக்கும் மதுரா.

இஷ்வாகு வம்சத்தில் வந்த சத்ருக்னன், லவணாசுரன் என்னு அரக்கனை அழித்து யமுனை நதிக்கரையில் அர்த்த சந்திர வடிவத்தில் மாடமாளிகைகள் கூட கோபுரங்களோடு இந்நகரை நிர்மாணித்ததாக இராமாயணத்தில் கூறப்பட்டுள்ளதாம். அதன் பின் யாதவ வம்சத்தில் வந்த வசுதேவர் ஆட்சிசெய்திருக்கிறார். புரூரவாவுக்கும் ஊர்வசிக்கும் பிறந்த ஆயுவினால் உருவாக்கப்பட்டது இந்நகரம் என்றும் சொல்லப்படுது.

மூன்றாம் நூற்றாண்டில் இது மெதோரான்னு சொல்லப்பட்டதா இங்கே பயணம் செய்த மெகஸ்தனீஸ் குறிப்பிடுகிறார். பாஹியானும் யுவான் சுவாங்கும் இங்க ஒரு காலத்துல – ஆறாம் நூற்றாண்டுல - புத்தமதம் வேரூன்றி விளங்கியதா சொல்றாங்க. பத்தாம் நூற்றாண்டுலயும் பதினாலாம் நூற்றாண்டுலயும் முகமது கஜனியின் படையெடுப்பாலயும் சிக்கர்ந்தர் லோதியின் படையெடுப்பாலயும் இந்நகரத்தோட கோயில்கள் சிதைக்கப்பட்டதா சொல்றாங்க. முகலாயச் சக்கரவர்த்தி ஜாமி ( ஜும்மா ) மஸ்ஜித்ன்னு ஒன்றை கிருஷ்ணர் பிறந்த இடத்துல கட்டி இருக்காரு. அதுக்கு பக்கத்துல கட்டப்பட்ட மந்திர்  துவாரகீஷ் மந்திர்னு சொல்லப்படுது. மிகப்பெரும் கிருஷ்ணர் சிலை கொண்ட இக்கோயிலை பதினெட்டாம் நூற்றாண்டுல சேத் கோகுல்தாஸ் பரீக் அப்பிடீங்கிற குவாலியரைச் சேர்ந்த பணக்காரர் கட்டி இருக்கார்.   


வியாழன், 9 பிப்ரவரி, 2017

வீரம் மிக்க ராணி அவந்திபாய் லோதி.

வீரம் மிக்க ராணி அவந்திபாய் லோதி

சுதந்திரப் போராட்ட வீராங்கனைகளில் ராணி அவந்திபாய் லோதியும் ராணி அப்பக்கா சௌதாவும் முன்னோடிகளாகத் திகழ்ந்தவர்கள். 

ராணி அவந்திபாய் லோதி :-

மத்தியப் பிரதேசத்திலிருக்கும் ராம்கார்க் ராஜ்ஜியத்தின் ராஜாவான விக்ரமாதித்யசிங்கின் மனைவி ராணி அவந்திபாய் லோதி. வாரிசு இல்லாமல் ராஜா உடல் நலிவுற்று இறந்தார். பிரிட்டிஷ் அரசு ராஜாவின் இறப்புக்குப் பின் ராணி பதவியில் அமர்ந்து அரசாட்சி செய்த் த்.ாடு பிடிக்கும் ஆசையில் இரந்த ங்கிலேய அர ஆண் வாரிசுகள் மட்டுமஆளண்டும் என்று சட்டம் போட்ட. பெண் அரசாள்வதைத் தடுப்பதா எனக் கொந்தளித்த ராணி தனது நாட்டை மீட்க உறுதி பூண்டார். 

1857 இல் நான்காயிரம் வீரர்களைத் திரட்டி ஆங்கிலேயர் அதிகாரத்துக்கு எதிராகப் போர் தொடுத்தார். மிகத்தீரத்துடன் போர் புரிந்தும் கூட நவீனக் கருவிகளுடன் போரிட்ட ஆங்கிலேயப் படைக்கு முன்னால் ராணியின் படைகள் தாக்குப்பிடிக்க முடியவில்லை. தோல்வியைத் தழுவ விருப்பமில்லாமல் வீரம் மிக்க ராணி அவந்திபாய் 1858, மார்ச்20 ஆம் தேதி தனது வாளினால் தன்னைத் தானே மாய்த்துக் கொண்டார். 

இவருக்கு வீர வணக்கம் தெரிவிக்கும் முகமாக அரசு ஜபல்பூர் அணைக்கு இவர் பேரைச் சூட்டி உள்ளது. மகாராஷ்டிரா அரசாங்கமும் தபால் துறையும் இவரது வீரத்துக்கு அஞ்சலி செலுத்தும்விதமாக அஞ்சல்தலையை வெளியிட்டுள்ள.

லேடீஸ் ஸ்பெஷலில் பெண்பூக்கள்.

ஃபிப்ரவரி 2017 லேடீஸ் ஸ்பெஷல் இதழில் படித்துப் பாருங்கள் பகுதியில் எனது நான்காவது கவிதைத் தொகுதியான “பெண்பூக்கள்” நூல் அறிமுகம் கிடைத்துள்ளது. 


இரு வேறு மனம் :- ( மூன்றாம் பரிசு பெற்ற கவிதை )

இரு வேறு மனம் :-

அவனுக்கும் அவளுக்குமிடையில் எதுவுமில்லை
ஒற்றை வாக்குவாதம் தாங்கும் சின்னச் சுவர்கூட
வரப்புத் தகராறில்லை வாய்க்கால் வெட்டவில்லை
பொட்டலாய்க் கிடக்கு வாழ்க்கை
உறவின் உரசல்கள் எங்குமே இல்லை
ஈர்ப்பாக எதுவுமே தோணவில்லை.
எதையும் ரத்து செய்யாமல்
என்னவோ வாழ்ந்து கொண்டிருக்கிறார்கள்.

புதன், 8 பிப்ரவரி, 2017

வேஷ்டி ஒண்ணும் வேஸ்ட் இல்லீங்க.( நமது மண்வாசம் இதழில் )


வேஷ்டி ஒண்ணும் வேஸ்ட் இல்லீங்க.

ஆண்கள் அணியும் வேஷ்டி என்பது நம் மரபுசார்ந்த உடை.  தறியில் நீளமாக  செவ்வகவடிவில் நெய்யப்பட்டு வெட்டப்படுவதால் இதற்கு வேட்டி என்று பெயர். பொதுவாக ஆண்கள் இடுப்பைச் சுற்றி அணியும் ஆடைக்கு வேட்டி என்று பெயர். ஆனாலும் கேரளப் பெண்கள் அணியும் இரட்டை முண்டு என்பதும் இரண்டு வேஷ்டிகளை இடுப்பில் ஒன்றும் மேலாடையாக ஒன்றும் அணிந்து கொள்வதே.

கிமு  5 ஆம் நூற்றாண்டிலேயே நம்முடைய ஆண்கள் வேஷ்டிதான் உடுத்தி வந்தார்கள். மாபெரும் மன்னர்கள்கூட இடையில் கச்சைகட்டி வேட்டியை பஞ்சகச்ச பாணியில் உடுத்தியிருப்பார்கள். இதுவும் இந்தியத் திருநாடு முழுவதும் வெவ்வேறு பாணியில் உடுத்தப்படும் உடைதான்.

சங்க இலக்கியங்களின் சான்று ஆவணமாகத் திகழும் சிவகங்கை மாவட்டம் கீழடி கிராமத்தில் நடைபெற்ற தொல்லியல் துறை நடத்திய அகழாய்வின் முடிவில் பல்வேறு பொருட்களோடு நூல் நூற்கும் தக்ளியும் கிடைத்திருக்கிறது. இதுவே அம்மக்கள் நூல் நூற்று ஆடை நெய்து அணிந்திருப்பதைக் காட்டுகிறது.

செவ்வாய், 7 பிப்ரவரி, 2017

மை க்ளிக்ஸ். கோலமயிலும் நீல மயிலும். MY CLICKS.

அடி மஞ்சக்கிழங்கே என்ற பாட்டு ஞாபகம் வந்தது இந்த மஞ்சள் மீனைப் பார்த்ததும்.
முகுந்தா முகுந்தா கிருஷ்ணா கிருஷ்ணா என்ற தசாவதாரப் பாடல் நினைவுக்கு வருதுல்ல :)  அலமாரில ஒட்டுற மாக்னெட் கிருஷ்ணா. கிளியைப் பார்க்கும் கிருஷ்ணா எனக்கு ரொம்பப் பிடிச்சிருந்தது :)

வீராங்கனை கிட்டூர் ராணி சென்னம்மா. :- கோகுலம் - விடுதலை வேந்தர்கள் -1

வீராங்கனை கிட்டூர் ராணி சென்னம்மா. :-

நமது நாடு சென்ற நூற்றாண்டுகளில் ஆங்கிலேயரிடம் அடிமைப்பட்டுக் கிடந்தது. அப்போது சுதந்திரம் வேண்டி சாமான்யர்களும் புரட்சியாளர்களும் போராடியது போல சாம்ராஜ்யம் ஆண்டவர்களும் அந்நியரின் ஆக்கிரமிப்புக்கு அடிபணியாமல் போராடினர்.  அவர்களுள் சிலரின் வீர சரித்திரத்தைக் காண்போம்.

கர்நாடகாவில் கிட்டூர் என்ற ஊரின் பேரைக் கேட்டாலே நம் நாட்டை ஆக்கிரமிக்க முயன்ற ஆங்கிலேயர்கள் கிடுகிடுத்தது ஒரு காலம். மாபெரும் ராஜாக்களுக்கு இணையாக ஆங்கிலேயர் ஆட்சிக்கு அடிபணியாத வீர ராணிகள் இந்தியாவில் வாழ்ந்திருக்கிறார்கள். ஜான்சி ராணி லெக்ஷ்மிபாய், ராணி ஜல்காரிபாய், ராணி அப்பக்கா தேவி சௌதா, ராணி அவந்திபாய், வீரமங்கை ராணி வேலு நாச்சியார் என்ற வீர ராணிகளின் வரிசையில் கிட்டூரை ஆண்ட ராணி சென்னம்மா மிக முக்கியமானவர்.  

முதலில் கர்நாடகத்தைச் சேர்ந்த ராணி சென்னம்மாவைப் பற்றிப் பார்ப்போம். இவர் விடுதலைப் போராட்ட வீராங்கனைகள் அனைவருக்கும் முன்னோடி.. பதினேழாம் நூற்றாண்டிலேயே ஆங்கிலேயருக்குக் கப்பம் கட்டுவதை எதிர்த்துப் போரிட்டு வீரமரணம் அடைந்தவர்.

திங்கள், 6 பிப்ரவரி, 2017

பயண உணவுகள். பால் ஜலேபி.

பயண உணவுகள் பயணப் பாதைகளிலும் பயணம் முடிந்த பின்னும் கிடைத்தவை. நாம் பயணித்துச் சென்ற சில ஊர்களில் உணவுப் பிரச்சனை ஏற்படுவதுண்டு. சாதம் ஒரு வேளையாவது வேண்டும் என்பதால் எலக்ட்ரிக் ரைஸ் குக்கர் எடுத்துச் செல்வதுண்டு. ஆனால் சில உணவுகள்  ரங்க்ஸ் அலுவலகம்  சம்பந்தப்பட்ட உயரதிகாரிகளின் இல்லத்தரசிகள் நம் மேல் அன்பாகச் செய்து அனுப்பியவை. !

சில நண்பர்கள் இல்லத்தில் அருந்தியவை. பயண உணவு என்பதன் ஸ்பெஷல் என்னன்னா அது உடல்நலத்தைக் கெடுக்காததா இருக்கணும். எந்த உபாதையையும் உண்டாக்காம நம்ம நாக்கோட டேஸ்ட் பட்ஸையும் உயிர்ப்பிக்கணும். இங்கே நான் போட்டிருக்க எல்லாமே அப்பிடி நம்மை உயிர்ப்பிச்சவை. நன்றி அனைவருக்கும். !

சிலது ட்ரெயின் சிலது ஹோட்டலில் சாப்பிட்டதும் இருக்கு.

இது ரங்க்ஸ் சாப்பிடாம கொண்டு வந்தது. தன்பத் எஸ்ப்ரஸ்னு நினைக்கிறேன்.

Related Posts Plugin for WordPress, Blogger...