திங்கள், 30 ஏப்ரல், 2018

காதல் வனம் :- பாகம் .17. மகர்மச் யா மஹாதேவ்



காதல் வனம் :- பாகம் .17. மகர்மச் யா மஹாதேவ்

”சாதுர்யம் பேசாதேடி என் சலங்கைக்குப் பதில் சொல்லடி.. ” பாடிக்கொண்டிருந்தது அந்த மஹேந்திராதாரில் மாட்டி இருந்த பென் ட்ரைவ்.  

”இன்னொருத்தி நிகராகுமோ எனக்கின்னொருத்தி நிகராகுமோ.. ” இப்பவெல்லாம் என்ன என்னவோ பாட்டைக் கேட்டுக் குட்டிச்சுவராகிப் போய்க்கொண்டிருக்கிறாள் தேவி. நல்ல வேளை சீரியல் எல்லாம் பார்க்காமல் இருக்காளே. நினைத்துப் பெருமூச்சு விட்டார் சாம்.

மெர்க்கராவின் எஸ்டேட்.கொண்டை ஊசி வளைவுகளில் மடிக்கேரி என்று கன்னட எழுத்துக்கள் மின்னின. காஃபி எஸ்டேட்டின் வனப்புக்குள் புகுந்து புகுந்து சென்றது அந்த ஜீப்.

இன்ஸ்டண்ட் காஃபி பவுடர் தயாரிக்கும் கம்பெனியிலிருந்து காஃபியின் தவிர்க்கமுடியாத அரோமா எழும்பிக்கொண்டிருந்தது. பாசம் பிடித்த மண்ணில் பச்சையமிட்டிருந்தன ஏலச்செடிகளும் மிளக்குக் கொடிகளும்.

”கொஞ்சம் காஃபி சாப்பிட்டுட்டு பின்னே எஸ்டேட் போவோம் தேவி”  ஆம் என்றும் சொல்லாமல் இல்லை என்றும் சொல்லாமல் டேஷ்போர்டில் செல்ஃபோனை வைத்தாள் தேவி. அது பன்னெடுங்காலமாக இருக்கும் அவர்களது கம்பெனி. கரவுசெறிவான பேலன்ஸ்ஷீட் உள்ளது. வருடாந்திர நிகரலாபம் பல லகரங்கள். பங்குச்சந்தையில் ஏ பிளஸ் கம்பெனிகளில் சிறந்ததாக லிஸ்டட் ஆகியிருந்தது. ஆன்யுவல் ரிப்போர்ட்டுடன் ஷேர்ஹோல்டர்களுக்கு டிவிடெண்டுகளே வருடம் தோறும் பல ஆயிரங்கள் கொடுப்பார்கள். வளர்ச்சிப்பாதையில் சென்று கொண்டிருக்கும் குடும்ப பிஸினஸ்களில் ஒன்று. 

எத்தனை எத்தனை ரசனையான பயணங்கள் மேற்கொண்டிருக்கிறார்கள் இருவரும். இப்போதெல்லாம் மெக்கானிக்கலான பயணங்கள் ஆகிவிட்டது. எந்த ஆரம்பமும் இல்லாமல் முடிவும் இல்லாமல் ஏதோ ஒரு பயணப்பாதையில் தான் மட்டும் தனித்துச் செல்வது போன்ற கனவுகள் அவளுக்கு வரத்துவங்கி இருந்தன.

பாண்டி எம் ஜி ஆர் ரீஜன்ஸியில் அழகோவியங்கள்.

பாண்டிச்சேரி லாஸ்பேட், ஈஸிஆர் ரோட்டில் இருக்கிறது எம் ஜி ஆர் ரீஜன்ஸி  கம்ஃபர்ட் ஹோட்டலும், பொன்னுச்சாமி உணவகமும்.

நான்கு மாடிகள் கொண்ட இந்த ஹோட்டலில் அசைவ உணவுகள் பிரசித்தம். பொதுவாக பாண்டியின் ஹோட்டல்கள் சனி ஞாயிறுகளில் களை கட்டுகின்றன. மற்ற நாட்களில் கொஞ்சம் காத்தாடுகின்றன.
இந்த ஹோட்டலின் இண்டீரியர் அழகு. ஆனால் அதிகமான பொருட்களை வைத்து அடைத்தது போலாகிவிட்டது. ஓவியங்கள் கண்ணைக் கவர்கின்றன. இது ரிஸப்ஷன்.

திருவானைக்காவலில் டெம்பிள் இன்ன்.

திருச்சி திருவானைக்காவல் கோவிலுக்கருகில் இருக்கிறது டெம்பிள் இன். இங்கேயிருந்து ஸ்ரீரங்கம் பக்கம்.

சமயபுரத்தில் அன்று ஏதோ திருவிழா. திங்கள் இரவிலிருந்து நடைபயணத்திலும் பால்குடம் சுமந்தும் மக்கள் வெள்ளம் சென்று கொண்டிருந்தது. வழியெங்கும் உணவு தண்ணீர்ப்பந்தல்கள்.

பாலம் இன்னும் கட்டிக் கொண்டே இருக்கிறார்கள். எனவே பைபாஸ் வழியாக சட்டென்று உள்ளே வர முடியவில்லை. எத்தனை மாதத்தில் பாலம் முடியுமோ. இருக்கும் சந்து பொந்தெல்லாம் நுழைந்து காரில் ஒருவழியாக ஹோட்டலை அடைந்தோம்.

இதுவும் பட்ஜெட் ஹோட்டலே. ரூம் எல்லாம் பெரிதாகக் கவரவில்லை. ஆனால் இங்கே உணவுத் தரம் ஏ க்ளாஸ். இங்கே தங்குபவர்களை விட ஹோட்டலில் உணவருந்தவரும் கூட்டமே அதிகமா இருக்கு.
காலையில் பஃபே. ஆனால் இட்லி , தோசை, பொங்கல், வடை என்று வேண்டியதை கேட்டு வாங்கிக் கொள்ளலாம். சட்னி  வகைகளை நமக்கே நமக்கென்று ஒரு பெரிய ப்ளேட்டில் கிண்ணங்களை அடுக்கிக் கொடுத்து விடுகிறார்கள். சாம்பார் அட்டகாசம்.

திருக்கடையூரில் சதாபிஷேகம்.

திருக்கடையூர் அமிர்தகடேஸ்வரர் கோயில் பக்த மார்க்கண்டேயரை யமனிடமிருந்து காத்த திருத்தலம். எனவே அங்கே ஆயுஷ் ஹோமம், 59 ஆவது பிறந்தநாள் ( உக்ரத சாந்தி ) , சாந்திக் கல்யாணம், 75 ஆவது பிறந்தநாள் ( விஜயரத சாந்தி )   சதாபிஷேகம், பூர்ணாபிஷேகம், மகுடாபிஷேகம் செய்து கொள்ள வருபவர்கள் அதிகம்.

அங்கே கோயிலின் அருகே தங்குமிடங்கள் ஹோட்டல் சதாபிஷேகம், கனகாபிஷேகம், மணிவிழா ஆகியன உள்ளன. இதில் சதாபிஷேகத்தில் பலமுறை தங்கி இருக்கிறோம். இந்த முறை புகைப்படம் எடுத்தேன்.

பட்ஜெட் ஹோட்டல்கள்தான் எல்லாமே. ரூம் வாடகை. ஆயிரம் ரூபாய் ஒரு நாளைக்கு.

சித்திரைக் கோலங்கள்.

இந்தக் கோலங்கள் 3. 5. 2018 குமுதம் பக்தி ஸ்பெஷலில் வெளிவந்துள்ளன.


சனி, 28 ஏப்ரல், 2018

உறங்காப்புளிக்குள் உறைந்திருந்த குருகூர் நம்பி. தினமலர் சிறுவர்மலர் -15.

உறங்காப்புளிக்குள் உறைந்திருந்த குருகூர் நம்பி.
தாமிரபரணி ஆறு சலசலத்தோடிக் கொண்டிருக்கிறது. அதன் கரையில் அமைந்திருக்கிறது குருகூர் என்ற ஊர். அந்த ஊரில் மிகப் பெரிய புளியமரம் ஒன்றிருந்தது. மிக நீண்ட அடர்ந்த கிளைகள், நல்ல சாட்டை சாட்டையாய்ப் புளியம்பழங்கள் நிரம்பி இருந்தன. அதன் ஒருபுற வேரும் கிளைகளும் நீரைத் துழாவிக் கொண்டிருந்தன.
அந்த மாபெரும் புளியமரத்தில் பல்வேறு பறவைகளும் கானம் பாடிக் கொண்டிருந்தன. இரவில்கூட அம்மரத்தின் இலைகள் சலசலத்துக் கொண்டிருக்கும்.  எனவே அதை ஊரார் உறங்காப்புளி என அழைத்தார்கள். அந்தப் புளியமரத்தில் ஒரு மிகப் பெரும் பொந்து ஒன்று இருந்தது. அங்கே அமர்ந்திருக்கும் ஒருவரைத்தான் நாம் பார்க்கப் போகின்றோம்.
ஆமாம். யார் அவர்? ஏன் அந்தப் பொந்துக்குள் அமர்ந்திருக்கிறார். இத்தனைக்கும் அவருக்குப் பதினாறே வயதுதான். இச்சிறுவயதில் அங்கே அமர்ந்திருக்கக் காரணம் என்ன ?

வெள்ளி, 27 ஏப்ரல், 2018

வேதங்களைக் காத்த கல்விக் கடவுள். தினமலர் சிறுவர்மலர் - 14.


வேதங்களைக் காத்த கல்விக் கடவுள்.

ங்கும் இருள் சூழ்ந்திருக்கிறது. அறியாமையின் இருள். நான்கு வேதங்கள் கொண்டுதான் பிரம்மன் படைப்புத்தொழிலைச் செய்துவந்தார். ஆனால் இதென்ன அந்த வேதங்களை திடீரென எங்கிருந்தோ வந்த இரு குதிரைகள் திருடிச் சென்றுவிட்டனவே. அதனால் சூழ்ந்த இருள் பிரம்மனின் மனத்தில் மருளை உருவாக்கிவிட்டது. தன் தந்தையாராகிய விஷ்ணுவிடம் ஓடிச் சென்று முறையிடுகிறார்.

“தந்தையே .. வேதங்களை இரு குதிரைகள் திருடிச் சென்றுவிட்டன. அவற்றைக் காப்பாற்றித் தாருங்கள். “

”என்னது குதிரைகளா.. எதற்காகத் திருடிச் சென்றார்கள் “

” ஆம் தந்தையே குதிரைகளேதான். தாங்களே புதிய உயிர்களைப் படைக்க எண்ணிப் பறித்துச் சென்றார்கள் அப் பரிகள் ”

”எங்கே சென்றன. ?”

“அவை பாதாளலோகம் நோக்கிச் சென்றன.அங்கே ஒளித்து வைத்திருக்கின்றன. அவற்றை நீங்கள் மீட்டுத்தந்தால்தான் நான் சிருஷ்டிகளை உருவாக்க இயலும்.”

வேதங்களை மீட்க விஷ்ணு ஒரு உபாயம் செய்தார். அதற்காக ஒரு வித்யாசமான வடிவையும் எடுத்தார்.

செவ்வாய், 24 ஏப்ரல், 2018

வாக்கைக் காத்த கங்காதத்தன். தினமலர் சிறுவர்மலர் - 13.


வாக்கைக் காத்த கங்காதத்தன்.

சூரியன் வடக்கு நோக்கி நகர்கிறது. குருக்ஷேத்திரப் போர் பூமி. ரத்தமும் சதையும் நாலாபக்கம் நிண வாசமுமாக இருக்கிறது. எட்டாம் நாள் போர் அது. அங்கே அம்புகளையே படுக்கையாகக் கொண்டு ஒருவர் வீழ்ந்து கிடக்கிறார். என்னது அம்புப் படுக்கையா ஆம் அம்புப் படுக்கையேதான். அவ்வளவு மனோ வலிமை வாய்ந்தவர் யார்.?

விஷ்ணுவின் ஆயிரம் நாமங்களையும் துதித்தபடி வானோக்கி இருக்கிறது அந்த தேஜசான முகம். யார் முகம் அது ? நெருங்கிப் போய்ப் பார்ப்போமா. அஹா இது கங்கையின் புதல்வன் தேவவிரனின் முகம் அல்லவா. தந்தைக்காக திருமணம் மறுத்து பிரம்மச்சர்ய விரதம் பூண்ட பீஷ்ம பிதாமகர் அல்லவா அங்கே வீழ்ந்து கிடக்கிறார்.

கௌரவப் படையின் சேனாபதியான அவர் மட்டுமா வீழ்ந்து கிடக்கிறார் .  அநியாயத்தின் பக்கம் நின்றதால் அங்கே சத்தியமும் வாக்கு தத்தமும் அல்லவா வீழ்ந்து கிடக்கிறது. அவரை வீழ்த்தியது எது ?

அவரைப் பற்றித் தெரிந்து கொள்ள நாம் அஸ்தினாபுரம் அரண்மனைக்குப் போவோம்.

சனி, 21 ஏப்ரல், 2018

பிரமனால் சாபம் விலகிய சாம்பன். தினமலர் சிறுவர்மலர் - 12.

பிரமனால் சாபம் விலகிய சாம்பன்.

ந்திரபாகா நதிக்கரையில் நீர் பொங்கிச் சென்றுகொண்டிருந்தது. மனிதர்களின் கசடகற்றிக் கலங்கி கலங்கிக் கொண்டிருந்தது. தினம் பூக்கும் சூரிய தேவன் தன் வெப்பத்தால் அதைத் தூய்மையாக்கிக் கொண்டிருந்தார்.

அந்த இடத்தின் பெயர் சாம்பபுரம். அது தேவர்களுக்கெல்லாம் தேவன் சூரியன் உறையும் இடம். அதற்கு ஏன் சாம்பபுரம் என்ற பெயர் ஏற்பட்டது? ஜாம்பவதியின் புதல்வன் சாம்பன் ஏன் ரோகம் பீடித்த உடலுடன் அங்கே சூரியதேவனைப் பற்றிக்கொண்டு தவமியற்றிக் கொண்டிருக்கிறார்.

தந்தையே மகனுக்கு சாபம் அளிக்க முடியுமா.. அதுவும் கொடுவினையாகிய தொழுநோய் பீடிக்கும்படி.? சில நிகழ்வுகள் நிகழ வேண்டியே இந்த சாபம் உண்டானது. அவை என்னென்ன நிகழ்வுகள். ?

அட்சய திரிதியை கோலங்கள்.

இந்தக் கோலங்கள் 19.4.2018 குமுதம் பக்தி ஸ்பெஷலில் வெளியானவை.

வெள்ளி, 20 ஏப்ரல், 2018

தேனம்மைலெக்ஷ்மணனின் படைப்புலகம். 76 - 100 கேள்விகளும் பதில்களும்.


”தேனம்மை லெக்ஷ்மணனின் படைப்புலகம்” என்ற நூலுக்காக கவிதாயினி முபின் சாதிகாவுடன் கலைஞன் பதிப்பகத்தின் 100 கேள்விகளும் என்னுடைய பதில்களும்

76.ஆண்-பெண் என்ற பிளவு உளவியல் ரீதியானதா சமூகவியல் ரீதியானதா?

உடலியல் ரீதியானதும் கூட. அது சமூக ரீதியாகப் பரிணமிக்கிறது. உள்ளத்தால் இருவருமே டாமினட் ஆகத்தான் நினைத்துக் கொள்கிறார்கள். சீரற்ற முறையில் சமூகம் ஏற்றி வைத்ததை இன்று அது நம் மீது சாற்ற நாம் அனுபவிக்கிறோம்.

77.ஆண்மைக்குரியது பெண்மைக்குரியது என்பது இயல்பானதா வலிந்து உருவாக்கப்பட்டதா?

உடலியல் கூறுகள் பொறுத்து உருவாக்கப்பட்டது. (தினம் வெளியே சென்று பேருந்தைப் பிடித்தோ, ஆட்டோவிலோ அல்லது அலைந்தோ வேலைக்குச் சென்று வருவதை என் உடல்கூறு தாங்குவதில்லை. ) அதே போல் கவிதையிலும் அப்படித்தான். முரட்டுப் பாய்ச்சலாய் எழுதும் பெண்களையும் மெல்லிய உணர்வோடு கவிதை புனையும் ஆண்களையும் தரிசிப்பதால் இது இருபாலாருக்கும் பொதுவானதுதான்.

78.இந்தப் பிளவை எப்படிப் புரிந்துகொள்ளமுடியும்?

ஆணைப் போல உடல் & மன வலிமை உள்ள பெண்கள் இருக்கிறார்கள். அதே போல் பெண்ணைப் போல மெலிந்த இதயம் படைத்த ஆண்கள் இருக்கிறார்கள். இது அவரவர் எதிர்கொள்ள வேண்டியது.

79.இதிலிருந்துதான் ஆண் மேலாதிக்கம் உருவானதா?

முன்பு இருக்கலாம். ஆண் மேலாதிக்கம் என்ற ஒன்றே இப்போது இல்லை. வீடுகளில் விட்டுக்கொடுத்து வேலை செய்பவர்கள் பெரும்பாலும் ஆண்களே. அப்படியானால் இப்போது பெண்கள் நடந்துகொள்வதும் எழுதுவதும் பெண் மேலாதிக்கம் என்று கொள்ளலாமா.

80.பெண்ணியம் ஆண்களையும் உள்ளடக்கியதுதானே?

பெண்ணியம் என்பது தனது சுதந்திரத்தையும் சுயநலத்தையும் மட்டும் பேணுவதல்ல. அதில் அடுத்த மனிதருக்கான கருணை இருந்தால் அது ஆண்களையும் உள்ளடக்கியதுதான்.

வியாழன், 19 ஏப்ரல், 2018

தேனம்மைலெக்ஷ்மணனின் படைப்புலகம் . 51 - 75 கேள்விகளும் பதில்களும்.


”தேனம்மை லெக்ஷ்மணனின் படைப்புலகம்” என்ற நூலுக்காக கவிதாயினி முபின் சாதிகாவுடன் கலைஞன் பதிப்பகத்தின் 100 கேள்விகளும் என்னுடைய பதில்களும்

51.அத்தகைய எழுத்துத் தான் எப்போதும் வாசகர்களுக்குத் தேவையா?

ஆம். அவைதான் அவர்களுக்கு யதார்த்தத்தை உணர்த்துகின்றன. ஆனால் அவை நீதிநெறி விளக்கமாக இருக்க வேண்டாம்.

52.வாசகர்களின் தரம் உயர்ந்திருக்கிறதா?

நிச்சயமாக உயர்ந்திருக்கிறது. ஆனால் அதிகமாகப் புது வாசகர்கள் உருவாகவில்லை. ஆழ்ந்த எழுத்தை வாசிக்கும் இளையர்கள் சிலர் நம்பிக்கை தருகிறார்கள்.

53.வாசகர்களின் தரத்தை உயர்த்துவது எழுத்தாளர்களின் வேலையா?

நல்லபடைப்புகளைக் கொடுப்பது மட்டும்தான் எழுத்தாளர்களின் வேலை. அதைப் பகுத்துப் படித்துக் கொள்வது வாசகர்களின் தேவையின் பொருட்டு நடக்கிறது.

54.எழுத்தாளர்களும் வாசகர்களா?

அதிலென்ன சந்தேகம் J

55.எழுத்தாளர்களின் தரத்தை உயர்த்த என்ன செய்யவேண்டும்?

நிறைய வாசிப்பு, நிறைய கவனிப்பு, நிறைய அவதானிப்பு ,நிறைய நிதானிப்பு வேண்டும்.

புதன், 18 ஏப்ரல், 2018

தேனம்மைலெக்ஷ்மணனின் படைப்புலகம் 26 - 50 கேள்விகளும் பதில்களும்.


”தேனம்மை லெக்ஷ்மணனின் படைப்புலகம்” என்ற நூலுக்காக கவிதாயினி முபின் சாதிகாவுடன் கலைஞன் பதிப்பகத்தின் 100 கேள்விகளும் என்னுடைய பதில்களும்


26.உங்கள் வாசிப்பு அனுபவம் எழுதுவதற்குத் துணைபுரிகிறதா?

நிச்சயமாக. அதிகம் வாசிக்காத பொழுதுகளில் நான் வெறும் குடுவை போல காலியாக உணர்ந்திருக்கிறேன். வாசிக்கும்போது எழுத்து என் எழுதுகோலிலிருந்து தானாகவே தன்னை வெளிப்படுத்திக் கொள்ளும்.

27.பெண்ணியம் பற்றிய விழிப்புணர்வு பொதுவாகப் பெண்களிடம் அதிகரித்திருக்கிறதா?

பெண்ணியம் பற்றிய விழிப்புணர்வாக அது இல்லாமல் தவறான புரிதல்களாக அவை அதிகரித்திருக்கின்றன. உடை அணியும் சுதந்திரம், பாலியல் பற்றி சுதந்திரமாக எழுதுவது இவற்றை விடுங்கள். கல்வி வேலைவாய்ப்பு, கருத்து சுதந்திரம் இருந்தாலும் தனது தனிப்பட்ட சுதந்திரம் என்பதைப் பெரியவர்களையும் கணவனையும் மதிக்காமல் இருப்பது என்று நினைத்துக் கொண்டிருக்கிறார்கள்.  அன்று ஆண்  மற்றும் சமூகம் செய்ததைத் திருப்பி அவர்களுக்குச் செய்வது என நினைத்துக் கொண்டிருக்கிறார்கள்.

எடுத்துக்காட்டாக தங்கல் படத்தைச் சொல்லலாம். தன் பெண் விளையாட்டு வீராங்கனையாக அண்ணன் பையனை அமீர்கான் கோழி சமைக்கச் சொல்வது. அவர் பெண் உயர்வு என்பதால் அண்ணன் பையன் எங்கே தாழ்வாகப் போனான். அவன் எந்தப் பெண்களையும் எந்த விதத்திலும் இழிவு படுத்தாத போது அவனை ஏன் இழிவுபடுத்தவேண்டும். 

28.பெண்ணுக்குக் குடும்பம்தான் இன்னும் பாதுகாப்பான அமைப்பா?

அது ஒவ்வொரு பெண்ணின் தனிப்பட்ட முடிவைச் சார்ந்தது. என்னைப் பொறுத்தவரை திருமணமாகிவிட்டதால் அது எனக்குப் பாதுகாப்பானதாகத் தோன்றுகிறது. டார்ம் மற்றும் பிஜிக்களும் கூட பாதுகாப்பான அமைப்புகள்தான். அது அவரவர் எதிர்கொள்ளும் சூழ்நிலைகள் பொறுத்தது. 

29.பெண்தான் குடும்பத்தை உருவாக்குபவளாக இருக்கிறாளா?

இப்போது ஆணும் குடும்பத்தை உருவாக்குபவனாக ஆகி வருகிறான். நிறையப் பொறுப்புகளை ஆண்களும் தங்கள் தோளில் சுமக்கிறார்கள்.

திங்கள், 16 ஏப்ரல், 2018

தேனம்மைலெக்ஷ்மணனின் படைப்புலகம். 1 - 25 கேள்விகளும் பதில்களும்



”தேனம்மை லெக்ஷ்மணனின் படைப்புலகம்” என்ற நூலுக்காக கவிதாயினி முபின் சாதிகாவுடன் கலைஞன் பதிப்பகத்தின் 100 கேள்விகளும் என்னுடைய பதில்களும்

1.உங்கள் இளம் வயது அனுபவங்கள் பற்றிச் செல்லுங்கள்?

ப:- இளம்வயதில் வாழ்த்துப்பாக்கள் எழுதுவதைக் கவிதை என எண்ணி இருக்கிறேன். கல்லூரிக்கு வந்தபின் கவியரங்கங்களில் கலந்து கொண்டிருக்கிறேன். அடுக்குமொழிக் கவிதைகள் எழுதி இருக்கிறேன்.

2. எப்போதும் விருப்பமாக படிக்கும் நூல்கள் எவை? என்ன காரணம்?

கவிதைகளில் ( முன்பு படித்தது ) ந. பிச்சமூர்த்தி, நீல பத்மனாபன், ஆத்மாநாம், ஆழியாள், அனார் , தாமரை, அப்துல் ரஹ்மான், வண்ணதாசன், ஈழவாணி, ரிஷான் ஷெரீஃப், நேசமித்திரன், நதனிகா ராய் கவிதைகள். ஔவை, ஆண்டாள் ஆகியோரையும் பிடிக்கும். புனைவுகளில் பஷீர், மீரான், கல்கி, ப. சிங்காரம், சுசீலா தேஷ்பாண்டே, எம் ஏ சுசீலா, திலகவதி, ஸ்டெல்லா புரூஸ் பிடிக்கும்.

3.கவிதை எழுதத் தூண்டிய அனுபவம் எது?

முதன் முதலில் கவிதை எழுதத் தூண்டியது வாசிப்பனுபவம்தான். கல்லூரிக்கு வந்தபின் கவிதை நூல்கள் வாசித்ததும் எழுதத் தோன்றியது. பதின்பருவக் கிளர்ச்சி எழுதுவதை எல்லாம் கவிதை என எண்ணத் தூண்டியது.

4. எழுதுவதில் திருப்தி இருக்கிறதா?

நிச்சயமாக. எழுத்து என்னைப் புதுப்பிக்கிறது. எழுதும் கணம் தோறும் நான் புதிதாய்ப் பிறக்கிறேன்.

5.யாருடைய எழுத்துகள் பிடிக்கும்?ஏன்?

பஷீரின் எழுத்துக்கள்தான். பரந்து விரிந்த அனுபவமும் ஹாஸ்யமும் ஒருங்கே கொண்டவை. வண்ணதாசனின் கவிதைகளும்.

6. வாழ்க்கை அனுபவம் எழுத்தை உருவாக்குகிறதா?எப்படி?

வாழ்க்கை அனுபவம்தான் அநேகமாக எழுத்தாகிறது. சில சமயம் பிறர் எதிர்கொள்ளும் அனுபவங்களும் நம்முள் புகுந்து எழுத்தாகின்றன. திருமணத்துக்கு முன் காதலைப் பற்றி எழுதிக்கொண்டிருந்தேன். திருமணமான பின் பல்லாண்டுகள் கழித்து என் வாழ்வியல் அனுபவங்களைக் கவிதையாக்கினேன்.

/// ஃபீனிக்ஸ்

கூட்டுப் புழுவைப்போல் கூண்டுக்குள் இருந்தேன்,
கூட்டை உடைத்த போது தெரிந்தது நான்
வண்ணத்துப் பூச்சிதானென்று. ...!!!!

அன்னத்தைப் போல் இல்லையே என வருந்தினேன்,
என் குரல் வெளிப்பட்ட போது தெரிந்தது நான்
குயில் தானென்று.....!!!

சாம்பலாகி விட்டோமென்று நினைத்தேன்,
உயிர்த்தெழுந்த போது தெரிந்தது நான்
ஒரு பீனிக்ஸ் பறவையென்று....!!!

புலங்கள் பெயரும் பறவை என இருந்தேன்....
கண்டம் விட்டுக் கண்டம் சென்று
கணங்கள் தோறும் அனுபவங்கள் சேகரித்தேன்....!!!!

விழித்துக் கொண்ட போது தெரிந்தது,
நான் வாழ நினைத்ததை விட
அற்புதமாய் வாழ்ந்து இருக்கிறேனென்று....!!!!!///

வெள்ளி, 13 ஏப்ரல், 2018

கம்பன், தஸ்தயேவ்ஸ்கி பற்றிய இலக்கியப் பங்களிப்பில் சுசீலாம்மாவும் அம்மா இலக்கிய விருது பெற்ற முனைவர் சிங்கை லெக்ஷ்மி அவர்களும்.

கம்பன் தொட்ட சிகரங்கள் என்ற தலைப்பில் மார்ச் 27 ஆம் தேதியன்று காரைக்குடிக் கம்பன் விழாவில் எனது அன்பிற்கும் மதிப்பிற்கும் உரிய அன்னை சுசீலாம்மா அவர்கள் உரையாற்றினார்கள். அது அன்றே விஜயா பதிப்பகத்தாரால் நூலாகவும் பதிப்பிக்கப்பட்டது. அதற்காகவும் தஸ்தயேவ்ஸ்கியின் நூல்களைத் தமிழில் கொணர்ந்ததற்காக ரஷ்யன் கல்சுரல் செண்டரில் விஷ்ணுபுரம் இலக்கியவட்டம் நடத்திய பாராட்டு விழாவுக்காகவும் அம்மாவுக்கும் என் அன்பையும் வாழ்த்துக்களையும் பணிவான வணக்கங்களையும் செலுத்துகிறேன். வாழ்க வளமுடன் அம்மா என்னும் தேவதை.  
அத்துடன் தமிழக அரசால் அம்மா இலக்கிய விருது பெற்ற முனைவர் சிங்கை லெக்ஷ்மி அவர்களுக்கும் பாராட்டுக்களைத் தெரிவித்துக் கொள்கிறேன். இவரின் தமிழ்ப்பணியும் போற்றுதலுக்குரியது. பல்வேறு ஆய்வு நூல்களும் கட்டுரைத் தொகுப்புகளும் எழுதிய இவர் சென்ற நான்காம் உலகத்தமிழ் கருத்தரங்கில் செட்டிநாட்டுப் பெண் படைப்பாளிகள் என்ற தலைப்பில் என் படைப்புகள் பற்றியும் ஆய்வுக் கட்டுரை சமர்ப்பித்துள்ளார். நமது செட்டிநாடு இதழின் ஆலோசகராகவும் செயல்பட்டு வருகிறார். இவருக்கும் எனது வாழ்த்துக்களும் வணக்கங்களும். 

வியாழன், 12 ஏப்ரல், 2018

சீர்மிகு சென்னையின் முப்பெரும் சக்திகள்.

ஈஸ்வரா வானும் மண்ணும்
ஹேண்ட்ஷேக் பண்ணுது உன்னால் ஈஸ்வரா.
நீரும் நெருப்பும் ஃப்ரெண்ட்ஷிப் ஆனது உன்னாலீஸ்வரா.
மயிலையிலே கபாலீசுவரா.
கயிலையிலே பரமேஸ்வரா..

என்ற பாடல் எனக்கு ரொம்பப் பிடிக்கும். மயிலை கபாலீஸ்வரரை ஒரு இரவு நேரத்தில் சென்று தரிசித்த போது இந்த கோபுர மின்விளக்கு  அலங்காரம் கண்ணைக் கவர்ந்தது.

ஏழு நிலை கொண்ட ராஜ கோபுரம் கிழக்கிலும் மூன்று நிலை கொண்ட கோபுரம் மேற்கிலும் அமைந்துள்ளது.  கற்பகாம்பாள் மயில் ரூபத்தில் தவமிருந்து கபாலீஸ்வரரை  வணங்கி வந்ததால் இந்த ஊருக்கு மயிலாப்பூர் என்று பெயர். எப்போதும் ஏதேனும் விசேஷம் நடந்து கொண்டிருக்கும் கோயில் இது. அகந்தை கொண்ட பிரம்மாவின் தலையைக் கிள்ளியதால் இவர் கபாலீஸ்வரர் என்று அழைக்கப்படுகிறார்.

ஏழாம் நூற்றாண்டில் பல்லவர்களால் கட்டப்பட்ட இக்கோயிலில் ஜெகத்தீஸ்வரர், அருணாசலேஸ்வரர், விஸ்வநாதர்,  சந்திரசேகரர், அண்ணாமலையார், உண்ணாமுலையார், மீனாக்ஷி சுந்தரேஸ்வரர், திருஞான சம்பந்தர், பூம்பாவை ஆகியோருக்கு தனிச்சந்நிதி உள்ளது. அறுபத்துமூவர், நர்த்தன விநாயகர், முருகன் வள்ளி தெய்வானை ஆகியோரும் அருள் பாலிக்கிறார்கள்.

 இக்கோயிலின் ஒரு வாயிலில் எந்த வாகனம் எந்தக் காரணத்துக்காக என்று போர்டில் எழுதி வைத்துள்ளார்கள்.  தீர்த்தம் கபாலி தீர்த்தம் , ஸ்தலவிருட்சம் புன்னை மரம்.

கோயிலுக்குள்ளேயே கோசாலையும் அமைந்துள்ளது. !!

உகுநீர்க்கல்லில் ஒரு வட்டுலா. நீலமும் மஞ்சளும்.

கர்நாடகா போய் காவிரியைத் தொட்டு சந்தோசப்பட்ட நிமிடங்களை மறக்கமுடியுமா . உகுநீர்க்கல்னா ஹொக்கனேக்கல்தான். 

எங்க புள்ளைங்க கர்நாடகாவுல வேலை பார்க்குறாங்க. எதேச்சையா ( அநேகமா எல்லா ட்ரெஸும் கறுப்பு கலர்ல வைச்சிருப்பானுங்க. ) கறுப்பு டீ சர்ட் போட்டுட்டுப் போனா என்ன காவிரிக்காகவான்னு ஆஃபிஸுல கேட்டானுங்களாம். கெதக்குன்னுச்சாம் புள்ளைக்கு. வீட்டுக்கு பார்த்து உஷாராப் போ அப்புன்னாங்களாம்.

ஒவ்வொரு தரமும் போராட்டம் நடத்தும்போதெல்லாம் இருதலைக் கொள்ளி எறும்பா தவிக்க வேண்டியிருக்கே. இங்கே கஷ்டப்படுற  நம்ம மக்களும் அங்கே கஷ்டப்படுற  நாம பெத்த மக்களும் நல்லா இருக்கோணும் சாமி. அம்புட்டுத்தான் நம்ம வேண்டுதல். காவிரியே நீ கண் திறந்து பொங்கிப் பெருகி வந்து எல்லா இடைஞ்சலையும் தவிடு பொடியாக்கு.

பொங்கிப் பெருகுது.

புல்வெளி புல்வெளிதன்னில்.. மை க்ளிக்ஸ். MY CLICKS.

இவ்ளோ பெரிய புல்வெளி வேறெங்கே லால்பாக்தான். :)

வெய்யிலுக்கு இதமா லால்பாகை ஒரு சுற்றுச் சுற்றி புல்வெளியில் அமர்ந்துட்டு வரலாம் வாங்க. புல் வெளியில் இல்ல.. அங்கே இருக்குற பெஞ்சுல :)

பெண் ஏன் அடிமையானாள் ? ஒரு பார்வை.


பெண் ஏன் அடிமையானாள் ? ஒரு பார்வை.

ஈ வெ ராமசாமிப் பெரியார் அவர்கள் 1942 இல் எழுதிய கட்டுரைகளின் தொகுப்பே இந்நூல். 76 வருடங்கள் கழித்து இன்றும் இக்கட்டுரைகள் சொல்லும் கருத்துக்கள் வெகு ஜனத்திற்கு அதிர்ச்சி அளிப்பனவாகவும் கைக்கொள்ள இயலாததாகவுமே இருக்கும்போது 1942 இல் இதற்கு ஏற்பட்ட எதிர்ப்பு அதிகமாகத்தான் இருந்திருக்கும்.

புதன், 11 ஏப்ரல், 2018

பச்சைக் கிளிகளும் தாமரை மண்டபமும்.

ஒரு உறவினர் இல்லத் திருமணத்தில் கலந்து கொண்டேன். மிக மிக க்ராண்டாக காரைக்குடியே வியக்கும் வண்ணம் பி எல் பி பேலஸில் நடந்த திருமணம் அது. அதன் சில காட்சிகளும் உணவு வகைகளும் உங்கள் பார்வைக்கு.

வாசலில் வரவேற்பு அலங்காரம். கார் பார்க்கிங்கிற்கென தனி ஏரியாவே ஒதுக்கி இருந்தார்கள்.
காலை உணவை ப்ரிண்ட் அடித்தே கொடுத்துவிட்டார்கள். பால் பேணி, பாதாம் அல்வா, மைசூர் போண்டா, சிவப்பரிசிப் பணியாரம், பாலக் பூரி, பீட்ரூட் பூரி, இட்லி, பொங்கல், பனீர் தோசை, டாங்கர் சட்னி, அவியல் , சன்னா மசாலா, சாம்பார் என பத்துவகைப் பலகாரம்.
காரைக்குடி மட்டுமல்ல சுற்றி உள்ள ஊரின் பெருமக்கள் அனைவரும் கலந்துகொண்ட விழாவாக அது இருந்தது.

காதல் வனம் :- பாகம் 16. கதை கேளு.. கதை கேளு…


காதல் வனம் :- பாகம் 16. கதை கேளு.. கதை கேளு…

”கதை கேளு கதை கேளு சுகமான கதை கேளு..மைக்கேல் மதன காம ராஜன் கதையை நல்லா கேளு “ என்று பாடிக் கொண்டிருந்தது காரின் 106.4. எஃப் எம்.

சவுண்டைக் குறைத்த ஸாம் இன்னிசைத்த ஃபோனை டாஷ்போர்டிலிருந்து எடுத்தார். அவரது பிஸினஸ் பார்ட்னரும் நண்பருமான குமார்தான் ஃபோன் செய்திருந்தார்.

பயணத்தின்போது சைலண்டில் போட்டு டாஷ்போர்டில் போடவேண்டுமென்பது தேவியின் கட்டளை. ப்ளூ டூத்தும் உபயோகிக்கக் கூடாது. அன்று சைலண்ட் மோடில் போட மறந்துவிட்டார். காரின் வைப்பர்கள் சர் சர் என அசைந்து கொண்டிருந்தன.

”என்ன விஷயம் குமார் ?” ஸ்பீக்கரில் போட்டு விட்டு வெளியே பார்த்தபடி ட்ரைவ் செய்துகொண்டிருந்தார். 

”எங்க இருக்கடா.. ?”

“ஹாஸ்பிட்டல் போயிட்டு இருக்கேன்பா.. என்ன விஷயம் ?”

”நம்ம புது பிஸினஸ் பத்திப் பேசத்தான் ஒரு விளம்பர கம்பெனி செலக்ட் செய்திருக்கேன். சரி எப்ப வருவ ஆஃஃபீசுக்கு. ?”

”லஞ்சுக்கு அப்புறம்.. வேணா ஈவினிங் ஒயிட்ஸ் ரோட் டெல்மா வந்திடு. அங்கே மீட் பண்ணுவோம் “

“ஏன் அங்கே.. கௌதம் மேனர் போலாம். ரிலாக்ஸ்டா இருக்கும். “

“இல்ல டெல்மாவுல ஒரு சர்ப்ரைஸ் இருக்கு. அப்புறம் ட்ரிங்க்ஸ் அலவ்ட் இல்ல. இன்னிக்கு நான் சீக்கிரம் வீட்டுக்குப் போகணும் வேற. “

டாக்டர் ஸ்கேன் ரிப்போர்ட்டைப் பார்த்தபடி புருவத்தைச் சுருக்கிக் கொண்டிருந்தார்.

ஏதேனும் ப்ராப்ளமோ. ?

கவலை தோய்ந்த முகத்தோடு அமர்ந்திருந்த ஸாமின் முன்னால் அமர்ந்தார் டாக்டர் ரூபாவதி.

தேன்பாடல்கள். 29. பூக்களும் பாக்களும் அடுக்குத் தொடர்கள்.

1. ஷெண்பகமே ஷெண்பகமே. இது அந்தப் பெண்ணையா இல்லை. அந்தப் பசுவையா என்று இனம் பிரிக்க முடியாமலும் காவியத் தரத்திலும் உள்ள ஒரு கட்டுத்தறிப் பாடல். :)



2. மல்லிகையே மல்லிகையே மாலையிடும் மன்னவன் யார் சொல்லு என்று தேவயானியும் ரம்பாவும் பாடும் பாடல். சகோதரிக்குள்ளான ஒரு பரஸ்பர பாசமும் அன்பும்  பொங்கும் பாடல்.



செவ்வாய், 10 ஏப்ரல், 2018

ஸ்ரீ மஹா கணபதிம். அம்புவி தாங்கும் அறமே.

ஸ்ரீ மஹா கணபதிம்.

அம்புவி தாங்கும் அறமே போற்றி
மலைமகள் உகக்கும் மைந்த போற்றி
கலையெலாம் காக்கும் கற்பகம் போற்றி
கரிமா முகனைக் காய்ந்தாய் போற்றி
கரிமுகம் படைத்த கணபதி போற்றி.

ஸ்ரீ மஹா கணபதிம்.

தோழியின் வீட்டில் வரவேற்கும் விநாயகர்.
கெஸ்ட் ஹவுஸ் வாசலில்.

ஸ்ரீ மஹா கணபதிம். ஓமெனும் சொல்லின் உருவே.

ஸ்ரீ மஹா கணபதிம்.

ஓமெனும் சொல்லின் உருவே போற்றி.
நாமம் ஆயிரம் நயப்பாய் போற்றி
வேழ முகத்து விநாயகா போற்றி
ஏழைக்(கு) இரங்கும் ஏரம்ப போற்றி
செம்பொன் சிவனின் சேயே போற்றி.

ஸ்ரீ மஹா கணபதிம் நமஹ.
நெல்லிமரத்துப் பிள்ளையார்.
சூரக்குடிப் பிள்ளையார்.

திங்கள், 9 ஏப்ரல், 2018

பழனி முருகன் கோவிலில் பக்தர்கள் அவதி.

பங்குனி உத்திரத்திற்கு அடுத்த நாள் விடுமுறை என்பதால் பழனிக்குச் சென்றிருந்தோம். அங்கே கடல் அலைபோல் கூட்டம். அசந்தே போனோம். நடக்கக்கூட இடமில்லை. மலை முழுவதும் பால் காவடி, பன்னீர்க்காவடி, சர்க்கரைக் காவடிகளும் இன்னும் பல காவடிகளும் அணிவகுத்தன.

இதோ பறவைக்காவடியாக கிரேனில் நால்வர் வரும் காட்சி. பார்த்ததும் புல்லரித்தது. இறையருளால் அன்றி இது சாத்யமே இல்லை. இன்னுமொருவர் டிவிஎஸ் 50 இல் கழுத்தில் சூலம் குத்தி முதுகில் ஆறு வாள்கள் ( இடப்பக்கம் மூன்று வலப்பக்கம் மூன்று ) செருகியபடி ஓட்டி வந்தார். இவர்கள் அனைவரும் யானையடிப்பாதையில் மலை ஏறினார்கள்.

தங்கியிருந்த இடத்தில் இருந்து கேபிள் காருக்கு ஆட்டோவில் வந்தோம். ஒரே வெய்யில் வேறு வின்ஞ்சிலும் டிக்கட் விலை வாரியாக க்யூ. அதிலும் அதிக விலை டிக்கெட்டுக்கு அதிக க்யூ. வெய்யில் கொளுத்துகிறது. மணியோ பதினொன்று. விஞ்சுக்குச் சென்றாலும் அதே கதிதான். கிட்டத்தட்ட மூன்று மணி நேரம் கழித்துத்தான் விஞ்சோ, கேபிள் காரோ ஏற முடியும் அவ்வளவு க்யூ.

அதன் பின் ஒரு குதிரை வண்டி பிடித்து யானையடிப் பாதை வழியாகப் போகலாம் என்று போனால் குதிரை வண்டியை விட்டு இறங்கும்போது வலது பாதம் சுரீரென சுளுக்கோ ரத்தக் கட்டோ பிடித்தால்போல வலித்தது. முருகா இது என்ன சோதனை என்று அங்கேயே அமர்ந்தால் ரங்க்ஸ் நீ இங்கேயே இரு என்றார். அங்கே உக்காரவா இவ்வளவு தூரம் வந்தது.

கலகலப்பு - 2 தாறுமாறு. ஒரு பார்வை.



ஹோலிப்பண்டிகை விமர்சையாகக் கொண்டாடப்பட்ட தமிழ்ப் படம். ஆமா அந்தப் பொடி எல்லாம் சுவாசிச்சா கெடுதல் இல்லையா.. ஒரு லாரி இல்லை. ஒரு கண்டெயினர் முழுக்க கலர் பொடி கொண்டாந்து கொட்டியிருப்பாங்க போல.

டெல்லியில் இருந்தபோது இப்பிடி வண்ணங்களையும் பீச்சாங்குழல்லயும் பலூன்லயும் வண்ண நீரையும் நிரப்பி அடிப்பாங்க. அதுக்காகவே வெள்ளை உடை உடுத்தியிருப்பாக டெல்லிவாலாக்கள். :)

போர் விவசாயமும் அவள் விருதுகளும்.

1761. 600 கிமீ பயணத்துல ஒரு கடை கூட திறந்திருக்கவில்லை. தமிழர்களின் ஒற்றுமை அற்புதம்.

1762. சாலியமங்கலம். ஒரு காலத்துல வயல் இருந்த ஊர். இன்னிக்கும் பயிர்பச்சை இருக்கு போர் உபயத்துல. வயல்தான் இல்ல.

1763. மன்னார்குடி வீட்டுல லேசா மழை பேஞ்சாலே ஊத்தெடுக்கும். இன்னிக்கு வாய்க்கால் வறண்டு கிடக்க போர் விவசாயம். காலக் கொடுமை.

1764.எதிரிகளே இல்லாமல் போவது அபாயகரமான நிலை. தேக்கத்திற்கு வழிவகுக்கும்.

1765. வருஷப் பிறப்பன்று எண்ணெய் தேய்ச்சு தலை முழுகுறது தமிழ் கலாச்சாரமா.. சொல்லவே இல்ல.. ;) ( நல்லா சொல்லுறாய்ங்கய்யா டீடெயிலு :)

#மீராஹெர்பல்#அவள்விகடன்அவார்ட்ஸ்

பூக்களின் பின்னால்.. - நமது மண்வாசத்தில் மரபுக் கட்டுரை.

பூக்களின் பின்னால்..

நேரு என்றால் அவர் நெஞ்சில் சுமந்திருக்கும் ரோஜாப்பூ சட்டென நினைவுக்கு வரும். புன்னகை பூத்தல், நறுமுகை, மென்னகை அரும்புதல், முல்லைச் சிரிப்பு, இவை எல்லாமே மலர் தொடர்பான சொற்கள். மலர்விழி, பூங்குழலி, மல்லிகா, ரோஜா, பைரோஸ், ஜாஸ்மின், தாமரை, செந்தாமரை, குறிஞ்சி, வாணி, திலகம், செண்பகம், வள்ளி, புஷ்பா, மாலா, ஃப்ளோரா, ஃப்ளாரன்ஸ், என்று நம்மூர்ப் பெண்களின் பெயர்களிலும் சரி மலர்கள் மணம் வீசுவன.

பெண்கள் பருவமடைந்துவிட்டால் புஷ்பவதியாகிவிட்டாள் என்பார்கள். பொதுவாகவே பூக்கள் என்பவை பெண்களைக் குறிப்பவைதான். அநேகப் பூக்களின் அமைப்புக்கள் கூட பெண்களின் அங்கங்களின் குறிக்க உபயோகப்படுத்தப்படுகின்றன. தலையைக் குனியும் தாமரையே, செங்காந்தள் விரல்கள், எள்ளுப் பூ நாசி, முல்லைப் பற்கள், மாதுளம்பூமேனி நிறத்தாள், முருக்கம்பூ மேனி நிறத்தாளே ஆகியன அவற்றுள் சில.ஆசிய மேற்கத்திய கலை ஓவியங்களில் பெண்ணுறுப்பின் அடையாளம் பெண்மையின் அடையாளமாகப் பூக்கள் குறிக்கப்படுகின்றன. தேன் ,மகரந்தப் பை, சூல் ஆகியனவும் பெண்களின் கரு உறுப்புகளோடு ஒப்புமை சொல்லப்படுகின்றன. அவ்வளவு ஏன் ஹிமாலயப் பகுதிகளில் பெண் உருவில் நாரிலதா என்று பெயர் கொண்ட பூக்கள் பூப்பதாகச் செய்தி உண்மையா என்று தெரியவில்லை.

சனி, 7 ஏப்ரல், 2018

மலாயில் மொழிபெயர்க்கப்பட்ட எங்கள் கவிதைகள்.

1ஆதிரா முல்லை

சிப்பி
தன் மீது விழத் தயாராக இருந்தது
அந்த மழைத்துளி
அப்போதே
ஏற்றுக் கொண்டிருக்க வேண்டும்
முகமேந்தி
அந்தக் குளிர்ச்சியை
வடவாடைக் காற்றாலோ
வனசாரியின் ஈர்ப்பாலோ
விலகிச் சென்றதந்த
இதமான முதல் துளி

வசப்படாத
வாழ்க்கையைக் கடப்பது
எப்படி என்று
வழக்கிடும் இதயத்தோடு
வாழ்தல்
வழக்காகிப் போக
ஏக்கங்கள் தாங்கிச் செல்லும்
அந்த மழைத்துளியைச்
சந்திக்கும் போதெல்லாம்
வாய்க்காத முத்தத்துக்காய்
ஏங்கியபடி
வான் நோக்கிக் கிடந்தந்த
சின்னச் சிப்பி!

வெள்ளி, 6 ஏப்ரல், 2018

ஸீக்வீன் ரெஸிடென்ஸியும் டெல்மாவின் ரோகன்ஜோஷும் ஷவர்மாவும்.

அசைவ உணவுப் பிரியரா நீங்க. ?அடுத்த முறை சென்னை வரும்போது தங்க வேண்டிய இடம் எதுவா வேணா இருக்கட்டும் ஆனா ஒரு முறையாவது ஒயிட்ஸ் ரோட்டில் உள்ள டெல்மாவுல சாப்பிட்டுப்பாருங்க. அவ்வளவு ருசி. அவ்வளவு ஐட்டம் இருக்கு. ஆஃப்கன், அராபிக், பெர்ஷியன், காஷ்மீரி, காண்டினெண்டல் உணவு வகைகள் அருமையான பக்குவத்துல தயார் செய்கிறாங்க. ஹலால் என்பதால் அதன் ருசியும் தரமும் அட்டகாசமா இருக்கு.
இது ஒயிட்ஸ் ரோட்டில் உள்ள ஸீக்வீன் ரெஸிடென்ஸி ஹோட்டல். இதன் பக்கத்திலேயே டெல்மா ரெஸ்டாரெண்டும் இருக்கு. மவுண்ட்ரோட்டுக்கு ரொம்பப் பக்கம். இதன் பக்கமா ஒரு ரத்ன விநாயகர் கோவிலும் அம்மன் கோவிலும் இருக்கு. சத்யம் சினிமாஸ் பார்க்கிங்க்குக்கு அடுத்த ஹோட்டல் இது.
ரூம் நீட் & க்ளீன். வேணும்னா அடிஷனல் பெட் உண்டு. வாடகை ஒரு நாளைக்கு 2000/- ரூ ஜி எஸ் டி தனி. அடிஷனலா தங்குறவங்களுக்கு 300 ரூ. எக்ஸ்ட்ரா. இதுக்கும் ஜி எஸ்டி உண்டு.

திருவண்ணாமலை எஸ் டி டி ரெஸிடென்ஸி.

திருவண்ணாமலை வாழைத்தோட்டத் தெருவில் இருக்கும் எஸ் டி டி ரெஸிடென்ஸி கோயிலுக்கு ஓரளவு அருகில் உள்ளது. ஒரு நாள் வாடகை ரூ . 1250. /- இன்னொருவர் தங்கினால் 250 ரூ எக்ஸ்ட்ரா.

இங்கே காலை உணவு வழங்கப்படுவதில்லை. பக்கத்தில் இருக்கும் பாலாஜி பவனில்தான் வாங்கிக் கொள்ள வேண்டும். இங்கே பூரி கிழங்கு சான்ஸே இல்லை. வெகு ருசி. சாம்பாரும் இட்லியும் கூட  சூப்பர். தினம் மதியம் சுண்டவத்தல் குழம்பு ரொம்பவே ஸ்பெஷல். காஃபி , டீ போன்றவையும் விலை குறைவே. இண்டர்காமில் அழைத்தால் ஹோட்டல்காரர்கள் உடனடியாக சர்வீஸ் செய்வார்கள்.

கோயிலுக்கு தரிசனம் செய்ய வருவோர் தங்க பல்வேறு விடுதிகள் இருந்தாலும் ப்ரைவஸி வேண்டும் என்போர் இங்கே தங்கலாம். கிரிவலம் வந்தபின் இரண்டு நாட்கள் நான் இங்கே தூங்கிக் கொண்டே இருந்தேன். :)

வாசலில் காட்சி தரும் விநாயகர் கொள்ளை அழகு. இவரிடம் வேண்டிக் கொண்டுதான் கிளம்பினேன்.
எனக்குப் பிடித்த காரிடார்.
உள்ளே அறையின் அமைப்பு.
Related Posts Plugin for WordPress, Blogger...