வியாழன், 30 ஆகஸ்ட், 2018

இரவு - எல் கேயின் நூலுக்கு என் இன்னுரை.

இரவு :- முன்னுரை.


எனது முன்னுரையுடன் இன்னொரு இன்னூல்.

நூல் வெற்றி பெறவும் திக்கெட்டும் உங்கள் புகழ் பெருகவும் மனமார்ந்த வாழ்த்துக்கள் கார்த்திக் !



கார்த்திக் லெக்ஷ்மி நரசிம்மனின் சிறுகதைத் தொகுப்பான இது மென்மையான உணர்வுகளால் பின்னப்பட்டது. நீதி, நேர்மை, நியாயம் ஆகியவற்றில் நம்பிக்கை கொண்டுள்ள சராசரி மனிதர்களின் எண்ணப்போக்கைப் பிரதிபலிப்பது. மேலும் இவரது கதைகள் குண்டு வைத்தல், குழந்தைப்பேறின்மை, இணையத்திற்கு அடிமையாதல் போன்றவற்றை இன்றைய சூழலில் மனிதன் எப்படி எதிர்கொள்வது என்ற இன்றையப் ப்ரச்சனையைப் பேசுகின்றன.
ஆச்சர்யமாக இத்தொகுப்பின் நடுவில் ஒரு க்ரைம் & த்ரில் தொடரும் இடம்பெற்றுள்ளது. மிக சுவாரசியமாக தனக்கு க்ரைம்தொடர் எழுத வரும் என்பதையும் நிரூபித்துள்ளார் கார்த்திக்.
தவறு செய்தவன் தண்டனை கொள்வான் என்பது முதல் கதையான இரவு மெய்ப்பிக்கிறது. மணிக்கணக்குப் பிசகாமல் நகரும் கதை. சட்டென்று தீர்ப்புக் கூறிவிட்ட முடிவு மிகவும் பொருத்தம். வாழ்வில் நன்மையில் நம்பிக்கையும் தீமையை விட்டு விலகியும் இருக்கக் கற்பிக்க இம்மாதிரிக் கதைகள் இன்றைய தேவை.

செவ்வாய், 28 ஆகஸ்ட், 2018

பள்ளத்தூர் அளகஞ் செட்டியார், காளியாயா ஏழூர்ப் பொதுப் படைப்பு.

மெய்யாத்தா படைப்பு வீட்டில்தான் கம்புகட்டி க்யூவில் மக்கள் சென்று பார்த்திருக்கிறேன். அதற்குப் பின் பள்ளத்தூர் அள. கா பொதுப்படைப்பு வீட்டில் மாநாடு அளவு கூட்டத்தைப் பார்த்து வியந்தேன்.

பள்ளத்தூர், பலவான்குடி, புதுவயல், , கடியாபட்டி, காரைக்குடி&தேவகோட்டை, கொத்தமங்கலம், கோட்டையூர் என்ற ஏழூரைச் சேர்ந்த இரணிக்கோவில் பங்காளிகள் 2 வருஷத்துக்கு ஒரு முறை பள்ளத்தூரில் அளகஞ்செட்டியார், காளியாத்தா பொதுப்படைப்பு படைக்கிறார்கள். யார் வேண்டுமானாலும் வந்து வணங்கலாம். 

அதற்கு 5000 பேர் அளவில் கலந்து கொள்கிறார்கள். படைப்பு வீடு நிறைந்து இருக்கிறது. அன்று மூன்று வேளையும் சாப்பாடு நடந்துகொண்டே இருக்கிறது. 

படைப்புப் பணியாரத்தை ( நெய்யில் ஊற்றப்படும் கருப்பட்டிப் பணியாரம் )நீண்ட வரிசையாக அமர்ந்து மகளிர் ஊற்றுகிறார்கள். பாற்சோறு போன்றவை அண்டாக்களில் சமைக்கப்படுகின்றன. 

உள்ளே வளைவில் இரட்டை வீடுகள் மூன்று இணைக்கப்பட்டு அளகஞ்செட்டியார் காளியாத்தா ஆகியோருக்கான படையல்கள் சுவரில் பூக்களால் அமைக்கப்பட்டு அதன் பின் ( ஏழு வேஷ்டி துண்டுகள் ஒரு அறையிலும், ) ( ஏழு புடவை அணிமணிகள் இன்னொரு அறையிலும் ) வைக்கப்பட்டு ஏழு பள்ளயங்கள் முறையே படைக்கப்பட்டு உள்ளன. 

மிகப் பிரம்மாண்டமான இப்படைப்பைக் கண்டு முன்னோர் தரிசனம் பெற கிட்டத்தட்ட 2 முதல் மூன்று மணி நேரம் வீட்டின் வளவுகளில் க்யூவில் நிற்கவேண்டி உள்ளது. ஆறு வரிசையாக க்யூவை விட்டார்கள். 

மாலையில் பள்ளயம் போட்டுப் படைக்கப்பட்டவுடன் வேண்டிக் கொண்டு குழந்தைகளுக்கான தொட்டி கட்ட டோக்கன் வாங்கியவர்கள் மட்டும் அனுமதிக்கப்படுகிறார்கள். 100 டோக்கன்கள் அன்று வழங்கப்பட்டிருந்தன. ஆறு தொட்டில்கள் கட்டப்பட்டிருந்தன. இதற்கு தாலாட்டுப் பாட்டுப் பாடியும் சிலர் குழந்தைகளுக்குத் தொட்டில் கட்டினார்கள்.   

இது அளகஞ் செட்டியார் என்ற மாப்பிள்ளைக்கும் காளியாயா என்ற மாமியாருக்கும் - ஆயாவுக்கும் படைக்கப்படும் படைப்பாகும். இப்படைப்புப் பற்றிய மேலதிகத் தகவல்கள் கிடைத்தவுடன் பகிர்கிறேன். 


இப்படைப்புப் பற்றிய சில சிறப்புத் தகவல்களில் ஒன்று மறுநாள் இங்கே மங்கலப் பொருட்கள் 50 லட்ச ரூபாய் வரை ஏலம் போகின்றன என்பதுதான்.   


படைப்பு வீட்டில் எல்லாமே பிரம்மாண்டம்.

கார் ஆசுபத்திரியும் குலைநடுங்க வைத்த வெள்ளமும்.

1861. ஆலம் விழுதுகள் போல் உறவுகள் ஆயிரம் இருந்துமென்ன. வேரென இருந்தவரைக் காணலியே..

1862. உற்றம் சுற்றம் சூழச் செல்வதற்கும் கொடுத்துவைத்தவர்கள் மிகச் சிலரே.

1863. பருவம் முகிழ்த்த சூதகம்
பச்சிளம் பிறப்பின் சீராம்.
நரைத்த திரைத்த கேதம்
ஞமனின் நடுவன் சீராம்

மூங்கில் நுணலாய்
உருவம் சாய்த்த
இரும்பது துரும்பாய்
உள்ளம் ஒய்த்த
உவப்பை ஒழித்த
பெருங்கழி ஓதம்
நுதலின் நிபந்தம்.

1864. காற்றின் இசைவுக்கேற்ப
நடனமாடிக்கொண்டிருக்கிறது
அசைவறியாப் பூ.

1865. தென்மேற்குப் பருவக்காற்று தேனிப்பக்கம் வீசுதம்மா சாரல் இன்பத் தூறல்.. :) <3 p="">

1866. ரம்புட்டான் கிலோ 200 ரூ. ஆனா குரங்கு மாதிரி கீறி பிச்சு தின்ன வேண்டி இரிக்கி.. ஹிஹி...

திங்கள், 27 ஆகஸ்ட், 2018

ஸ்யமந்தகமணி படுத்திய பாடு. தினமலர். சிறுவர்மலர் - 32.


ஸ்யமந்தகமணி படுத்திய பாடு.

ண்டவனைக் கூட அபவாதத்தில் ஆழ்த்திய பொருள் என்றால் அது ஸ்யமந்தகமணி என்றொரு ரத்னஹாரம்தான். அதற்கு என்ன சிறப்பு அது என்ன அபவாதத்தைக் கொண்டு வந்தது என்று பார்ப்போம் குழந்தைகளே.

துவாரகையில் சத்ராஜித் என்பவர் வசித்துவந்தார். அவருடைய பக்தியைப் பாராட்டி சூரியபகவான் கொடுத்ததுதான் ஸ்யமந்தகமணி என்றொரு ஹாரம். அது சாதாரண ஹாரம் மட்டுமல்ல. அது இருக்கும் இடம் மங்கலம் பொங்கும். ஆரோக்கியம் அளிக்கும் அது மட்டுமல்ல தினமும் எட்டு தோலா தங்கமும் கொடுக்கும்.

இப்பிடியாகப்பட்ட பொருள் ஒரு சாதாரண மனிதனிடம் இருப்பதை விட துவாரகையின் ராஜாவான உக்ரசேனரிடம் இருந்தால் தேச நலனுக்கும் நாட்டு மக்களின் செழிப்புக்கும் உதவுமே என்று கிருஷ்ணர் நினைத்தார். அதனால் அதை ராஜா உக்ரசேனருக்கு வழங்குமாறு அறிவுறுத்தினார்.

ஆனால் சத்ராஜித்துக்கு அதைக் கொடுக்க விருப்பம் இல்லை. அந்த ஸ்யமந்தகமணியை அணிந்துகொண்டு அவனது தம்பி ப்ரசேனன் என்பவன் வேட்டைக்குச் சென்றான். அங்கு அவன் மிருகங்களைத் துன்புறுத்தியதால் ஸ்யமந்தகமணியின் புனிதம் குறைந்தது. ஒரு சிங்கம் அவனை வேட்டையாடி அந்த மணியை வாயில் கவ்விச் சென்றது.

வெள்ளி, 24 ஆகஸ்ட், 2018

ஷண்முகநாதபுரத்தின் ( ஆராவயல் ) மூன்று கோயில்கள்.

ஆராவயல் மீனாக்ஷி சுந்தரேஸ்வரர், வீரமாகாளி அம்மன், ஷண்முக விநாயகர்  இம்மூன்று கோயில்களும் அக்கம் பக்கமாக அமைந்துள்ளன. அது மட்டுமல்ல இந்த வீரமாகாளி அம்மன் கோவிலில் இன்னொரு சிறப்பும் இருக்கிறது. அது என்னவென்று பின்னர் சொல்லி இருக்கிறேன்.

சமீபத்தில்தான் அதாவது 1. 7. 2018 அன்று  ஆறாவயலில் இம்மூன்று கோவில்களுக்கும் ஒருங்கே கும்பாபிஷேகம் நடந்தன. எங்கள் பாட்டி ஆயா வீடு உள்ள ஊர் ( மஞ்சி வீடு ) என்பதால் எனக்கு ஆறாவயல் மிகப் பிடித்தமான ஊர்.

பன்னிரெண்டு ஆண்டுகளுக்கு ஒரு முறை கட்டாயம் இக்கோயில்களுக்குக் கும்பாபிஷேகம் நிகழ்ந்து வருகிறது. ஒவ்வொரு திருமணத்தின் போதும் மாப்பிள்ளை அழைப்பு இங்கே இருந்துதான் நடைபெறும்.

ஆறாவயலில் திருவிழா சமயத்தில் நடைபெறும் கூத்தைப் பார்க்கப் பெரும்கூட்டம் கூடும். சின்னப் பிள்ளையில் அங்கே ஓரிரு சமயம் சென்று கூத்துக்களைப் பார்த்திருக்கிறோம். ஆரம்பிக்க வெகு நேரம் ஆகிவிடும் என்பதால் ( பாய் எல்லாம் கொண்டு சென்று அமர்ந்து கொண்டு பார்ப்பார்கள் ) உறங்கி விட்டதும் உண்டு.

பக்கத்திலேயே ஊரணியும் பெரு மரங்களும் சூழ கோயிலின் பின் புறத்தில் கூத்து மேடையில் கூத்து நடைபெறும்.

மீனாக்ஷி சுந்தரேஸ்வரர் கோயில் மிக அழகானது.  நூற்றாண்டுகளுக்கு முற்பட்ட கோவில் இது. வெளியே மிகப் பிரம்மாண்டமான யாக சாலை இருந்தது. கோவிலின் எதிரே நீண்ட பொட்டலும் அதன் பின் பள்ளி ஒன்றும் அமைந்துள்ளது.

இந்த வருடம் கும்பாபிஷேகம் நடந்தபோது திருடர்கள் ஜாக்கிரதை  என்ற போர்டில் இருந்தவர்களைப் பார்த்தால் திருடர்கள் என்றே நம்ப மாட்டோம். ஆனால் திருடர்கள் பற்றிய எந்தக் கவலையுமில்லாமல் அங்கே வந்திருந்த ஷண்முகநாதபுரம் பெருமக்களோ வீட்டில் & லாக்கரில் இருந்த அம்புட்டு வைர நகைகளையும் வஞ்சனை இல்லாமல் வாரி அணிந்து கொண்டு டிசைனர் பட்டுக்களில் உலா வந்து கொண்டிருந்தார்கள்.

அநேகர் வெளிநாட்டு வாசிகள். தங்கள் ஊரின் கோவில் கும்பாபிஷேகத்தில் கலந்து கொள்ள அனைவரும் ஸ்பெஷல் டிக்கெட் எடுத்து வந்திருந்தார்கள். அனைவரின் வீடுகளிலும் விருந்து உபசாரங்கள் சக்கைப் போடு போட்டுக் கொண்டிருந்தன.

எனது உறவினர்கள் சிலர் அங்கே கும்பாபிஷேகப் பணியில் தொண்டாற்றிக் கொண்டிருந்தாலும் சூரிய  அனல் வெப்பம், & கூட்டம் காரணமாக தூரத்தில் இருந்து பார்த்துவிட்டுத் திரும்பி இருந்தோம்.

நாற்பத்தியெட்டு நாட்களுக்குள் ஒரு முறை சென்று வணங்கினால் கும்பாபிஷேகத்தில் வணங்கிய  பலன் கிடைக்கும் என்றாலும் செல்ல தாமதாகிக் கொண்டே இருந்தது. ஒருவழியாக சென்று தரிசித்தோம். கூட்டமே இல்லாமல் நாங்கள் மட்டும்.

முதலில் மீனாக்ஷி சுந்தரேஸ்வரர் கோவில். :- 

அற்புதமான தரிசனம் . மீனாக்ஷி சுந்தரேஸ்வரர் கோயில் மூன்று நிலை ராஜகோபுரம் கொண்டது. செந்தாமரை மலர்களில் நின்று காவல் காக்கும் துவார பாலகர்கள் , துவாரகி சக்திகள், பிரம்மா, விஷ்ணு, சிவன், நரசிம்மர், விநாயகர், முருகன், தட்சிணா மூர்த்தி , துர்க்கை, ஆகியோர் கோபுரத்தைக் காத்துக் கொண்டிருந்தார்கள்.

கோயில் விரிவு படுத்தப்பட்டிருக்கின்றது.

விளையாட்டு வினையாகும். தினமலர். சிறுவர்மலர் - 31.


விளையாட்டு வினையாகும். :-

ன்னனானால் என்ன மகரிஷி ஆனால் என்ன ? எதில்தான் விளையாடுவது என்ற வரைமுறை இருக்கிறது. அப்படி இல்லாமல் ஒரு ராஜா  தவமியற்றிக் கொண்டிருக்கும் முனிவரின் கழுத்தில் விளையாட்டாக ஒரு செத்த பாம்பை மாலையாகப் போட்டுவிட்டான். அந்த முனிவரின் மகன் உக்கிரத்துடன் விழித்து கமண்டல நீரை அவன்மேல் தெளித்து ஒரு வாரத்துக்குள் அவன் நாகத்தால் இறப்பான் என பிடி சாபம் கொடுத்துவிட்டார். அதனால் என்னென்ன குளறுபடிகள் ஏற்பட்டன. அவை எப்படி நீங்கின என்று பார்ப்போம் குழந்தைகளே.

குருஷேத்திரப்போர் முடிந்த சமயம். ஹஸ்தினாபுர அரண்மனையில் அர்ஜுனனின் மகன் அபிமன்யுவின் இறப்பிற்குப் பிறகு அவரது பேரன் பரீட்சித்து மன்னர் ஆட்சிக்கு வந்தார். இவரது தாய் உத்தரை. உலகிற்கே மன்னர், தான் ஒரு சக்கரவர்த்தி என்ற மமதை அவரிடம் இருந்தது.

வியாழன், 23 ஆகஸ்ட், 2018

காதல் வனம் :- பாகம் .19. கறையான்கள்.


காதல் வனம் :- பாகம் .19. கறையான்கள்.

தேவி கருமாரியம்மா சிறந்த உபகாரி. அவள் தேசம் எல்லாம் காக்கும் அருள் செல்வி அவதாரி “ என்று பாடிக்கொண்டிருந்தது பெரியபாளையத்தம்மன் கோவிலின் லௌட் ஸ்பீக்கர். அன்று ஆடி வெள்ளியாதலால் புற்றுக்குப் பால் ஊற்ற பெண்கள் கூட்டம் க்யூ கட்டி நின்றது.

கூட்டத்துக்கு நடுவில் வாழையிலையில் தட்டு வைத்து அதில் மூன்று மாவிளக்கு உருண்டைகள் வைத்து அதற்கு மஞ்சள் குங்குமம் பூ வைத்து நடுவில் குழியாக்கி நெய் ஊற்றித் திரிப் போட்டு ஏற்றி வைத்துக் கொண்டிருந்தார் நீலாக்கா. சிறிது நேரத்தில் காரின் அருகில் வந்து மாவிளக்கைக் கொடுத்துவிட்டு ”தேவிம்மா கூட்டம் கொஞ்சம் கம்மியான மாதிரி இருக்கு. அதுனால சீக்கிரம் எட்டிப்பார்த்துக் கும்பிட்டு வந்துடலாம் வாம்மா” என்றார்.

ஷார்ஜா - அரேபிய கலாச்சார நினைவுச் சின்னமும் வனவாழ் உயிரின மையமும், பாலைவன அருங்காட்சியகமும்.

ஷார்ஜா - அரேபிய கலாச்சார நினைவுச் சின்னமும் வனவாழ் உயிரின மையமும், பாலைவன அருங்காட்சியகமும்.

தலைப்பே ரொம்ப நீளமா இருக்கா. ஆமாம் இன்னிக்கு இதில் ஷார்ஜாவில் இருக்கும் மூன்று முக்கிய இடங்களைப் பற்றிப் பகிர்ந்திருக்கிறேன்.

முதலில் அரேபிய கலாச்சார நினைவுச் சின்னமும்  அடுத்ததா வனவாழ் உயிரினக் காப்பக மையமும், மூன்றாவதா பாலைவன வாழ்வியலின் வரலாறும் அதன் அருங்காட்சியகமும். ( MONUMENT , ZOO & MUSEUM  )

1. SHARJAH ARAB CULTURE CAPITAL MONUMENT 1998.

2. ARABIA'S WILDLIFE CENTRE.

3. THE NATURAL HISTORY MUSEUM DESERT PARK.



1998 இல் ஷார்ஜாவின் உச்ச நீதிமன்றத்தின் அங்கத்தினரும் ஆட்சித் தலைவருமான  மாட்சிமை தாங்கிய டாக்டர் ஷேக் சுல்தான் பின் முகம்மது அல் காஸிம் அவர்கள் யுனெஸ்கோவின் டைரக்டர் ஜெனரல் ஃபெடரிக்கோ மேயர் அவர்களுடன் இணைந்து திறந்து வைத்ததுதான் இந்த ஷார்ஜா அரேபிய கலாச்சார நினைவுச்சின்னம். இது அல் தாஹித் ரோட்டில் அமைந்துள்ளது.  


துபாய் மாலில் இசை நடன நீரூற்று.

புர்ஜ் கலீஃபா ஏரியில் இந்த இசை வண்ண நீரூற்று மிகப் பிரபலம். மைசூர் பிருந்தாவன் கார்டன், டெல்லியின் ம்யூசிக் ஃபவுண்டன் ஆகியவற்றை எல்லாம் விட மிகப் பெரியது.   6, 600 விளக்கு & 25 வண்ண ப்ரொஜெக்டர்களால் இது இயக்கப்படுதாம். ! $ 218 மில்லியன் டாலர்கள் செலவு செய்து  சுமார் 30 ஏக்கர்ல இதை அமைச்சிருக்காங்க.

இயந்திரங்கள் ( ஜெட் & துப்பாக்கி )  மூலமாகவும், சுழற்சியின் மூலமாகவும் இந்த நீரூற்று இயக்கப்படுதாம். உலகத்தரம் வாய்ந்த இசை இசைக்கப்பட இந்த நீரூற்று செயல்படத்துவங்குது. இதுலேருந்து வர்ற வெளிச்சத்தை 20 மைல் தொலைவிலிருந்து கூட பார்க்கலாம்னு சொல்றாங்க.
2009 அக்டோபர் ல நாங்க போயிருந்த போது இத பார்த்தோம். இப்போதான் போஸ்ட் போடுறேன் :)

ஸ்ரீ மஹா கணபதிம். அருள்பொழி கண்ணால் அருள்வாய் போற்றி.

ஸ்ரீ மஹா கணபதிம். அருள்பொழி கண்ணால் அருள்வாய் போற்றி.

மருள்சேர் மனத்தின் மாயை அகல
அருள்பொழி கண்ணால் அருள்வாய் போற்றி
கருஉயிர் அனைத்தும் தன்னுள் காக்கப்
பெருவயிறு வாய்த்த பிள்ளாய் போற்றி
இருவேறு கூறுகள் இணைந்தாய் போற்றி.

ஸ்ரீ மஹா கணபதிம்.

ப்ரஸன்ன மஹால் கணபதி.
தாம்பரம் இரட்டை விநாயகர்.

புதன், 22 ஆகஸ்ட், 2018

செவ்வாய், 21 ஆகஸ்ட், 2018

நேர்த்தியும் மனநிறைவும்.

நான்காம் ஆண்டில் வாசிப்பை நேசிக்க வைத்த நமது மண்வாசம். 

வானம் வெய்யிலைத் துறந்திருந்த அந்த ஜூலை மாத 12- ஆம் நாள் காலைப்பொழுதில், நமது மண்வாசம் இதழின் நான்காம் ஆண்டு துவக்க விழா நடைபெற்றது மதுரை தானம் அறக்கட்டளையின் நிர்வாகக் கட்டிடத்தில். மிக அருமையான அந்தக்கூட்டத்தில் கிட்டத்தட்ட 300 சுய உதவிக் குழுக்களின் தலைவிகளும், நமது மண்வாசம் இதழில் பங்களிப்புச் செய்துவரும் பேராசிரியர்களும், மருத்துவர்களும், இதழாளர்களும் எழுத்தாளர்களுமாக அரங்கை நிரக்கச் செய்திருந்தார்கள்.
காலை பத்து மணிக்கு திரு பால்பாண்டி அவர்கள் இறைவணக்கம் பாடினார்கள். சிறப்பு விருந்தினர்கள் முனைவர் திரு. கு. ஞானசம்பந்தன் அவர்கள் குத்துவிளக்கினை ஏற்ற தொடர்ந்து ஐந்து திருமுகங்களையும் மருத்துவர் வடிவேல் முருகன் மற்றும் சுய உதவிக்குழுக்களின் தலைவி சாந்தி மதுரேசன் ஆகியோர் ஏற்றினார்கள்.

ஞாயிறு, 19 ஆகஸ்ட், 2018

சிறப்பானதைக் கொடுத்த சபரி. தினமலர். சிறுவர்மலர் - 30.

சிறப்பானதைக் கொடுத்த சபரி
சாதாரணாமாகவே பிறருக்கு நாம் ஒன்றைக் கொடுக்க வேண்டுமென்றால் நல்லதையே கொடுக்க வேண்டும். அதுவும் அவதார புருஷனான இராமபிரான் வரப்போகிறார் என்றால் அவருக்கு சிறப்பானதைத்தானே கொடுக்க வேண்டும். அதனால் மரங்களிலிருந்து நல்ல பழங்களைப் பறித்துக் கொண்டிருக்கிறாள் அந்த வேடுவப் பெண். ஓராண்டு ஈராண்டல்ல எட்டு வயதிலிருந்தே அவள் தினமும் அப்படி என்ன சிறப்பான பழங்களை சேகரிக்கிறாள் என்று பார்ப்போம் வாருங்கள் குழந்தைகளே.
ரிஷியமுகம் ஆசிரமம். அங்கே முனிபுங்கவர்கள் ரிஷிகள் வேதம் ஓதும் சப்தமும், ஹோமத்தின் புகையும் வானோங்குகிறது. இதுதான் சரியான இடம் என்று மதங்க முனிவரின் குடிலுக்கருகில் சென்று அமர்கிறாள் ஒரு சின்னஞ்சிறுமி. அவளுக்கு எட்டு வயதிருக்கும். காதோலைக் குருத்தணிந்து தலையை சேவற்கொண்டையிட்டு காலில் தண்டையயும் அரையில் சிற்றாடையும் அணிந்த அப்பெண்ணின் முகத்தில் தேஜஸ் ஒளிவிடுகிறது.
திருமண சமயம் வீட்டை விட்டு ஆசிரமத்துக்கு ஓடி வந்த அவளைத் தேடி அவளது வேடுவத் தந்தை வருகிறார். ”அம்மாடி பெண்ணே. உன் விருப்பத்துக்கு மாறா திருமணம் செய்யமாட்டோம். நீ ஆசைப்பட்டபடி எந்த ஆட்டையும் பலி கொடுக்காம ஆயிரம் ஆட்டையும் விடுதலை செய்து விட்டுட்டோம். நீ திரும்ப வீட்டுக்கு வா “ என்கிறார். மகளோ மறுக்கிறாள்.

வெள்ளி, 17 ஆகஸ்ட், 2018

அவள் விகடனில் எனக்குப் பிடித்த நகைச்சுவை நூல்.

அவள் விகடனில் படி படி படி என்ற தலைப்பில் எனக்குப் பிடித்த நகைச்சுவை நூல் பற்றிக் கூறும்படி நிருபர் தினேஷ் கேட்டிருந்தார்.

அவரிடம் நான் கூறியவற்றை இங்கே பாருங்கள். :)


https://www.vikatan.com/avalvikatan/2018-aug-21/entertainment/143128-favourite-books-of-famous-people.html

செவ்வாய், 14 ஆகஸ்ட், 2018

சிவப்புப் பட்டுக் கயிறு நூலுக்கு பரிசு.

மகிழ்வுடன் பகிர்கிறேன். 

கம்பம் பாரதி தமிழ் இலக்கியப் பேரவையின் பதக்கம் & சான்றிதழ் பரிசினை எனது சிறுகதைத் தொகுப்பான "சிவப்புப் பட்டுக் கயிறு" பெற்றுள்ளது.





திங்கள், 13 ஆகஸ்ட், 2018

தாயைக் காத்த தனயன்.( கத்ருவைக் காத்த கருடன்.) தினமலர். சிறுவர்மலர் - 29.


தாயைக் காத்த தனயன்.( கத்ருவைக் காத்த கருடன்.)

தாய் சொல்லைத் தட்டாத தனயன்களைப் பார்த்திருக்கிறோம். ஆனால் தாயைக் காத்த தனயன் என்றால் அதில் முதலிடம் வகிப்பது கருடன் மட்டுமே. அவர் தாயான வினதைக்கு நேர்ந்த இக்கட்டு என்ன அதை அவர் எப்படிக் களைந்து தன் தாயைக் காப்பாற்றினார் என்று பார்ப்போம் குழந்தைகளே.

கஸ்யபர் என்ற முனிவருக்கு கத்ரு, வினதை என்று இரு மனைவிகள் இருந்தார்கள். கத்ருவுக்கு கருடன், அருணன் என்று இரு மகன்களும், வினதைக்கு ஆயிரம் நாகங்கள் மகன்களாகவும் பிறந்தார்கள். கத்ருவின் புதல்வர்களும் வினதையின் புதல்வர்களும் தாய்ப்பாசம் மிக்கவர்கள். தங்கள் தாய் சொல்லைத் தட்டாதவர்கள்.

சனி, 11 ஆகஸ்ட், 2018

பூக்கூடையும் முறைமாமனும்.

கூடை கூடையாய் இயற்கை சேமிப்போம்.
கூடி வாழ்ந்தவர்கள் உபயோகப்படுத்தியபொருள்தான் கூடை. சற்றேறக்  குறைய 30, 40 ஆண்டுகளுக்கு முன் சந்தைக்குச் செல்ல, கடைகளுக்குச் செல்ல மக்கள் கூடைகளைத்தான் பயன்படுத்தினார்கள். கூட்டுக்குடும்பத்துக்கு ஏற்றமாதிரி எல்லாவகையான பொருட்களையும் வாங்கித் தூக்கித் தலையிலும் சுமக்கலாம் இடுப்பிலும் சுமக்கலாம். பயணப் பொழுதுகளிலும் துணி மணி எடுத்துச் செல்லக் கூடைகளின் பயன்பாடு அதிகம். அன்றைக்குச் சந்தைக்குச் செல்பவர்கள் அங்கேயே விற்கும் விதம் விதமான கூடைகளையும் வீட்டு உபயோகத்துக்காக வாங்கி வருவார்கள்.
கூடை பின்னுவதை கூடை பின்னுதல்/முடைதல் என்றும். அதன் வாயை முடைவதைப் பட்டி பொத்துதல் என்றும் சொல்வது வழக்கு. கைப்பிடி உள்ள கூடைகள், கைப்பிடி இல்லாத கூடைகள் என்றும் இவற்றை வகை பிரிக்கலாம். ஒரேமாதிரி எண்ணிக்கையிலும் அளவிலும் ஓலையைப் பிரித்துக் கத்தியால் ஓரத்தை வழுவழுப்பாகச் சீய்த்துக் கொண்டு அல்லது ஒயர்களைப் பிரித்துக் கொண்டு காலில் வைத்து இடுக்கிப் பிடித்து பேஸ் எனப்படும் அடிமட்டத்தைக் கைகளால் கெட்டியாக இறுக்கிப் பின்னுகிறார்கள். அதன் பின் குறிப்பிட்ட பேஸ் முடிந்ததும் தட்டுச் சுற்றில் உயரமாகப்பின்னுகிறார்கள்.

வெள்ளி, 10 ஆகஸ்ட், 2018

மணக்குள விநாயகர். கஜானனை பூஜிக்கும் லெக்ஷ்மி.

புதுச்சேரி மணக்குள விநாயகர ஆலயம் மிக அழகானது. இது பதினைந்தாம் நூற்றாண்டிற்கு முற்பட்ட கோவில். தொள்ளைக்காது சித்தர் என்பவர் ஒரு மணற்குளத்தங்கரையில் உருவாக்கி வழிபட்டு வந்த விநாயகர் இவர். எனவே கருவறை அமைந்திருக்கும் இடமே ஒரு கிணறு போன்ற நீர்நிலைமேல் என்கிறார்கள். பக்கத்திலேயே ஒரு குழியில் எப்போதும் வற்றாமல் நீர் நிரம்பி நிற்கிறது என்றும் சொல்கிறார்கள்.

பிள்ளையார்பட்டிக் கோவிலுக்குப் பின்  அருளாட்சி வெகுவாகப் பொலிய நான் பார்த்த விநாயகருக்கான தனிக்கோவில் இது. சுமார் 35 லட்சரூபாய் மதிப்பிலான ஏழரைக்கிலோ தங்கத் தகட்டால் செய்யப்பட்ட தங்கத்தேர் கொண்ட கோவில் இது. தங்கத்தேர் மட்டுமல்ல. கோபுரம் கூட தங்கத்தால் வேயப்பட்ட கோவிலாம். !

புதுவை கடற்கரைக்கும், அரசு அலுவலகங்களுக்கும் அரவிந்தர் ஆசிரமத்துக்கும் பக்கத்தில் உள்ளது. மிக அழகான நீண்ட தூய சாலைகள் கொண்டது புதுவை.

இக்கோவிலில் வெளிக்கோபுரம் விநாயகரின் விதம் விதமான சுதைச் சிற்பங்களால் அழகூட்டப்பட்டுள்ளது. கோவில் முழுக்கவும் உட்புறமும் வெளிப்புறமும் விதம் விதமான விநாயகர் சிற்பங்களாலும், ஓவியங்களாலும் அழகூட்டப்பட்ட கோவில் இது.

மணல் குள விநாயகர் என்பது மருவி மணக்குள விநாயகர் ஆகியுள்ளது.

உள்ளே பெற்றோர் தம்பியுடன் விநாயகர் தனி மண்டபத்தில். உள் மண்டபம் பூரா விநாயகரின் புடைப்புச் சிற்பங்களும் ஓவியங்களும் அழகூட்டுகின்றன.

விஷ்ணுப்பிரியாவில் தீபிகா படுகோனே. !

ஆர்வியில் ரூம் ரெண்ட் அதிகமாகிவிட்டது. அதனால் கோவை பஸ் நிலையத்துக்கு அருகில் இருக்கும் விஷ்ணுப்பிரியாவில் ரூம் ரெண்ட் குறைவு என்பதால் தங்குவதுண்டு. அதிகமில்லை. இங்கேயும் இருவருக்கு 1500 இலிருந்து 1700 வரை.

காலையில் பஃபே உண்டு உண்டு. கோவையே ஒரே ஜிலு ஜிலு குளு குளுவென இருப்பதால் ஏசி ரூம் எடுத்தது வேஸ்ட்தான். பக்கத்திலேயே சவுத் இந்தியன் ஃபில்டர் காஃபி பித்தளை டவரா டம்பளரில் ( டபரா டம்ளர் ) அட்டகாசம்.

இங்கே ஒரு குறிப்பிட்ட சிறப்பு அம்சம். எல்லா ஃபர்னிச்சரும் லெதரால் செய்யப்பட்டது போல் இருந்தது.

இங்கே தீபிகா படுகோனேவைப் பார்த்து அசந்தேன். அத பின்னாடி போட்டிருக்கேன். :)


லிஃப்ட் .. கண்ணாடி.

ஆடிக்கிருத்திகை கோலங்கள்.

ஆடிக்கிருத்திகை கோலங்கள்.

வியாழன், 9 ஆகஸ்ட், 2018

காரைக்குடிச் சொல்வழக்கு, பிச்சோடாவும் சித்தாடையும்.

981. மருக்கா -  இன்னொரு தரம்.

982. பிச்சோடா - கொண்டை. சின்ன கொண்டை. கோடாலி முடிச்சுப் போல.

983. பெரியாச்சி - பாட்டி, ஆயா, வீட்டின் பெரிய பெண்மணி, முதிய பெண்மணி, அதிகாரம் உள்ளவர், தாயார்.

984. ஒத்துப்பார்த்தல் - சிட்டைஒத்துப் பார்த்தல், சாமான் ஒத்துப் பார்த்தல். சரி பார்த்தல்.

985. யாது இல்லை - ஞாபகம் இல்லை.

குற்றாலம் என்னும் தேனூர் !!!

செங்கோட்டை எக்ஸ்ப்ரஸ்ஸில் ஒரு நாள் அதிகாலையில் தென்காசி வந்தாச்சு. ஆனால் ட்ரெயின் ஒரு மணி நேரம் லேட்.

தென்மேற்குப் பருவக் காற்றும் மேற்குத் தொடர்ச்சி மலைகளுமாக பசுமை வயல்களுடன் மரம் செடி கொடிகளுடன் குளுகுளுவென அற்புத தரிசனம் தந்தது. ஜிலுஜிலுவென்று ஏசி போட்டதுபோல் இருந்தது. அங்கேயே இருக்கலாம்போல் ஒரு எண்ணம் வந்தது.

தென்காசி. காற்று அதிகம் என்பதால் இங்கே காற்றாலைகள் ( விண்ட்மில்)  அதிகம் பொருத்தப்பட்டுள்ளன . குற்றாலம் அருவிகள் நிரம்பிய ஊர். இதற்குத் தேனூர் என்றொரு பேரும் உண்டாம். டபுள் குஷியோடு தேனூரின் அருவி நீரில் நனையச் சென்றோம் )

ஜூலை, ஆகஸ்ட், செப்டம்பர்தான் குற்றாலத்தில் சீசன். சாரல் திருவிழா எல்லாம் நடக்கும். ஆறுமாசம் க்ளைமேட் அப்புறம் காத்தாடும் என்றார் ஆட்டோக்காரர்.

இங்கே நான்கு ஆறுகள் பிறக்கின்றன. ஒன்பது அருவிகள் புறப்படுகின்றன. குற்றால நாதர் கோவிலும் சித்திர சபையும் வெகு பிரசித்தம். சிறுவர் பூங்கா, அருங்காட்சியகம் எல்லாம் உண்டு.  பராசக்தி மகளிர் கல்லூரியைப் பார்த்தேன்.

இதோ மெயின் அருவி.

ஆனால் அது ஒரு ஆடி வெள்ளி என்பதால் ஒரே கூட்டம். அதுவும் ஆண்கள் பக்கம் கூட்டம் கம்மி.

பெண்கள் பக்கம் கூட்டம் அதிகம் என்பதால் க்யூ. போலீஸ் கூட்டத்தை ஒழுங்குபடுத்திக் கொண்டிருந்தது.

புதன், 8 ஆகஸ்ட், 2018

மாயப்பிசாசும் மனயானையும்

1841. எழுத்தை உபாசிப்பவர்கள்முன் நேசமும் எழுதுபொருள்தான்.

1842. உணர்ந்து உணர்ந்து படைக்கப்படும் எழுத்துக்களை வருடும்போது மணலைப்போல தட்டுப்படுகிறது சுயமும்.

1843. எளிமையும் குளுமையும் நிரம்பியதுதான் என்றாலும் இருண்மையையும் தருகிறது வனத்தின் நேயம்.

1844. செடிகளைத் துறந்து தொடர் ஓட்டங்களில் தொலையும்போது சப்பாத்திக்கள்ளிப்பூவைப்போல பூத்துச் சிரிக்கிறது என்னை எள்ளும் என் மனம்.

1845. அடர்வண்ணங்களுக்குள் ஒளிந்துதான் இருக்கின்றன இளவண்ணங்களும். நிறப்பிரிகை இனங்காட்டுகிறது எல்லா வண்ணங்களையும்.

செவ்வாய், 7 ஆகஸ்ட், 2018

தமிழ் வளர்த்த நகரத்தார்கள் நூலில் என்னைப் பற்றியும்.

மகிழ்வுடன் பகிர்கிறேன் .

நகரத்தார் திருமகள் இதழில் முனைவர் கரு முத்தையா அவர்கள் " தமிழ் வளர்த்த நகரத்தார்கள் " என்ற தலைப்பில் எழுதி வந்த கட்டுரைகள் தொகுக்கப்பட்டு மணிவாசகர் பதிப்பகத்தால் நூலாக்கம் செய்யப்பட்டு காவிரிப் பூம்பட்டினம் பட்டினத்தார் திருவிழாவில் வெளியிடப்பட்டுள்ளது. என்னைப் பற்றியும் ஒரு கட்டுரை அதில் இடம்பெற்றுள்ளது பெரும்பேறு. நன்றி திருமதி ரோஜா முத்தையா, திரு.கரு முத்தையா & மணிவாசகர் பதிப்பகம்.  

பதிப்பகம் :- மணிவாசகர் பதிப்பகம்
நூலின் பெயர் :- தமிழ் வளர்த்த நகரத்தார்.
நூலின் விலை ரூ. 150/-.

தென்காசி சௌந்தர்யாவில் மேக்னெடிக் கீ கார்ட்.

தென்காசி மிக அழகான ஊர். எங்கும் பச்சைப் பசுமை. தூரத்து வயல்கள், பசும் மலைகள். இந்த மேற்குத்தொடர்ச்சி மலைகளைத் தாண்டினால் கேரளாவாம்.

எங்கெங்கு நோக்கினும் அருவிகளில் குளியலாடச் செல்லும் மக்கள். ஜூலை, ஆகஸ்ட் , செப்டம்பர் மாதங்களில் இங்கே ஒரே கூட்டமும் போக்குவரத்து நெரிசலுமாக இருக்கிறது.

ஆடி வெள்ளியும் அதுவுமாக அக்கம் பக்கம் ஊர்களில் இருந்து இங்கே வருபவர்கள் அதிகம்.

உலகம்மன் காசி விசுவநாதர் ஆலயம் ஒன்பது நிலைகளுடன் மிகக் கம்பீரமாக நிற்கிறது. பதிநாலாம் நூற்றாண்டுக் கோயில் . அம்மனுக்கு, பெருமானுக்கு, சோமாஸ் ஸ்கந்தனுக்கு என்று தனித்தனிக் கோவில்களுடன் கூடிய கோவில். மிகப் பெரும் பிரகாரங்கள் கொண்ட பிரகாரங்கள்.

சாப்பாடு எல்லாம் சீப்தான். மீல்ஸ் 70. இட்லி தோசை எல்லாம் இருவருக்கு நூற்றைம்பது ரூபாய்க்குள் வரும். டீ 15 ரூ.

இந்த ஹோட்டல் சௌந்தர்யாவில் ஒன்லி போர்டிங்தான். மீல்ஸ் பஃபே எதுவும் கிடையாது. கேட்டால் ரூம் சர்வீஸில் சொல்லி வாங்கித் தருகிறார்கள்.

அமைதியான ஊர். ஒருவாரம் தங்கி ஒவ்வொரு அருவியாகக் குளிக்கலாம். மெயின் அருவியில் க்யூ, ஐந்தருவி பரவாயில்லை. ஆனால் வீட்டில் வெந்நீரில் குளியலாடியவர்களுக்கு ( அதாவது எனக்கு ) அங்கே அருவியில் நிற்பது சுவாசத்தை நிறுத்தி மூச்சுத் திணறியது.

திருஞான சம்பந்தருக்கும் கோவில் உள்ளது. ஐந்தருவி செல்லும் வழியில் அமைந்த சித்திர சபை பார்த்தோம் அபாரம் !

 குற்றாலம் இங்கிருந்து 4 கிமீ தொலைவில் உள்ளது.
இந்த ஹோட்டல் மூன்றடுக்கு மாளிகை. வைஃபை, கார் பார்க்கிங், ரூம் சர்வீஸ், ஏசி, ஹாட்வாட்டர் அனைத்தும் உண்டு.

ஈரோடு புத்தகத் திருவிழாவில் சிவப்புப் பட்டுக் கயிறு.

ஈரோடு புத்தகக் கண்காட்சி டிஸ்கவரி அரங்கு எண் 11-ல் எனது சிறுகதைத்தொகுப்பு, “சிவப்பு பட்டுக் கயிறு “ கிடைக்கும்.


கம்பம் பாரதி தமிழ் இலக்கியப் பேரவையின் பதக்கம் & சான்றிதழ் பரிசினை எனது சிறுகதைத் தொகுப்பான "சிவப்புப் பட்டுக் கயிறு" பெற்றுள்ளது.

திங்கள், 6 ஆகஸ்ட், 2018

நமது மண்வாசம் நான்காம் ஆண்டுவிழாவில் பெண்மொழி வெளியீடு.

நான்காம் ஆண்டில் வாசிப்பை நேசிக்கவைத்த நமது மண் வாசம்

நமது மண்வாசம் இதழின் நான்காம் ஆண்டு துவக்க விழா நடைபெற்றது மதுரை தானம் அறக்கட்டளையின் நிர்வாகக் கட்டிடத்தில். மிக அருமையான அந்தக்கூட்டத்தில் கிட்டத்தட்ட 300 சுய உதவிக் குழுக்களின் தலைவிகளும், நமது மண்வாசம் இதழில் பங்களிப்புச் செய்துவரும் பேராசிரியர்களும், மருத்துவர்களும், இதழாளர்களும் எழுத்தாளர்களுமாக அரங்கை நிரக்கச் செய்திருந்தார்கள்.

புதன், 1 ஆகஸ்ட், 2018

குரட்டி ஸ்ரீ ஆறடி சாத்தையனார் கோவில்.


குரட்டி ஸ்ரீ ஆறடி சாத்தையனார் கோவில்.

குன்றக்குடியில் இருந்து நான்கைந்து கிலோமீட்டர் தொலைவில் அமைந்துள்ளது குரட்டி ஸ்ரீ ஆறடி சாத்தையனார் கோவில். எல்லா ஐயனார் கோவில்களும் போல இருந்தாலும் இது இன்னும் மிரட்சியோடு கூடிய அழகு.

அமைவிடமே ஒரு ஆற்றின் மேல் என்பதால் இவர் ஆறடி ஐயனார். கோவிலின் இடப்புறம் அந்தப்பக்கட்டு ஒரு கண்மாய் தெரிகிறது. அதன் நீர்த்தடம் வரும் ஆற்றுப்பாதை கோவிலின் வலப்புறம் ஒரு மாபெரும் ஆற்றுப்பாதை. மதகடி போல் காட்சி தந்தது.

கம்பன் அடிப்பொடி புகழ்த்திருநாளில் சாகித்ய விருதாளர்களுக்குப் பாராட்டு.


கம்பன் அடிப்பொடி புகழ்த்திருநாளில் சாஹித்ய விருதாளர்களுக்குப் பாராட்டு.

காரைக்குடி மலர் ஹோட்டலின் செண்பக அரங்கில் கடந்த 28. 7. 2018 ஞாயிறு மாலை கம்பன் அடிப்பொடியின் 37 ஆவது புகழ்த்திருநாள் நடைபெற்றது.  கம்பன் கழகத்தார் ஏற்பாடு செய்திருந்த இந்நிகழ்வில் காரைக்குடியைச் சேர்ந்த இரு சாஹித்ய அகாதமி விருதாளர்களுக்கும் பாராட்டு விழா நடத்தப்பட்டது.
Related Posts Plugin for WordPress, Blogger...