எனது நூல்கள்.

வெள்ளி, 22 நவம்பர், 2019

இருகூறாய்ப் பிறந்த ஜராசந்தன். தினமலர். சிறுவர்மலர் - 42.

இருகூறாய்ப் பிறந்த ஜராசந்தன்
ஒருவரே இரு பாதி உருவங்களாகப் பிறக்கமுடியுமா. அப்படிப் பிறந்து ஒன்றான ஒருவன்தான் ஜராசந்தன். இவன் ஏன் இருகூறு உருவமாய்ப் பிறந்தான் எப்படி ஒன்றானான் என்பதை எல்லாம் பார்ப்போம் வாருங்கள் குழந்தைகளே.
மகத நாட்டை பிரகத்ரதன் என்ற மன்னன் ஆண்டு வந்தான். அவன் காசி மன்னரின் இரு புதல்வியரையும் மணந்துகொண்டான். ஆனால் இருவருக்குமே பல்லாண்டுகளாகப் புத்திரப் பாக்கியம் வாய்க்கவில்லை. மன்னனோ மனம் ஒடிந்து காட்டுக்குச் சென்று அங்கே சந்திர கௌசிகர் என்ற முனிவரைக் கண்டு அவருக்குப் பணிவிடை செய்துவந்தான்.
அவனுக்குப் பிள்ளையில்லாப் பெருங்குறையை அறிந்திருந்த அம்முனிவர் ஒரு மாம்பழத்தைக் கொடுத்து அதை மகாராணியிடம் உண்ணக் கொடுக்குமாறு கூறினார். அவனுக்கோ இரு பட்டமகிஷிகள். அதனால் அக்கனியை இருபாதியாக்கி இருவருக்கும் உண்ணக் கொடுத்தான்.
இருவரும் சூலுற்றனர். குழந்தை பிறக்கும் நேரமும் வந்தது. மன்னனோ ஆவலுடன் காத்திருந்தான். ஆனால் ஐயகோ ஈதென்ன இரு மகாராணியருக்கும் பாதிப் பாதியாகப் பிள்ளைகள் இறந்தே பிறந்திருக்கின்றனவே. மன்னன் அடைந்த துயருக்கு அளவே இல்லை.

தினமலர் சிறுவர்மலரில் அரும்புகள் கடிதம். பாகம் - 5.

தினமலர் சிறுவர் மலரில் இதுவரை 50 வாசகர் கடிதங்கள் வரை இதிகாச புராணக்கதைகளைப் பாராட்டி வெளியாகி உள்ளன. படித்ததோடு நின்றுவிடாமல் சிரத்தை எடுத்து அதைப் பாராட்டிக் கடிதம் எழுதித் தெரிவித்த வாசகர்களின் அன்புக்கு நன்றி.



எறிபத்தரின் கதையைப் பாராட்டிய ஸ்ரீரங்கம் வாசகர் திரு. ப. சரவணன் அவர்களுக்கு நன்றி.


இதிகாச புராணக் கதைகள் வாழ்க்கைக்குத் தேவையான பாடத்தைக் கற்றுக் கொடுப்பதாகப் பாராட்டிய புதுகை வாசகி திருமிகு. எஸ். பூஜாஸ்ரீ அவர்களுக்கு நன்றி.


அகம்பாவம் ஆணவம் அழிவைத்தரும். பணிவும் பண்பும்தான் உயர்வைத்தரும் என்று உணர்த்தியதாக இதிகாச புராணக் கதைகளைப் பாராட்டிய ஸ்ரீரங்கம் வாசகி. திருமிகு. எஸ். கவிதா அவர்களுக்கு நன்றி.


நசிகேதனின் கதையைப் பாராட்டிய திருவையாறு வாசகர். திரு. கா. தரணிவேலன் அவர்களுக்கு நன்றி.


புராணக் கதைகள் நல்லெண்ணத்தை வளர்ப்பதாகப் பாராட்டிய ஆடுதுறை வாசகர். திரு. ச. ராம்சுதன் அவர்களுக்கு நன்றி.


நல்ல குணத்தையும் பழக்க வழக்கத்தையும் வளர்ப்பதாக புராணக் கதைகளைப் பாராட்டிய மணச்சநல்லூர் வாசகி திருமிகு. பாலஅபர்ணா அவர்களுக்கு நன்றி.


இதிகாசப் புராணக் கதைகளைப் பாராட்டிய நாலாநல்லூர் வாசகர் திரு. ஏ. பிரசன்னா அவர்களுக்கு நன்றி.


அதிபத்தரின் கதையைப் பாராட்டிய வந்தவாசி வாசகர். திரு. காசிதாசன் அவர்களுக்கு நன்றி.


இதிகாச புராணக் கதைகள் விழிப்புணர்வைத் தருவதாகப் பாராட்டிய தக்கோலம் வாசகர் திரு. மு. பயாசுதீன் அவர்களுக்கு நன்றி.


உன்னத உள்ளம் கொண்ட உறங்காவில்லியின் கதையைப் பாராட்டிய சேலம் வாசகர். திரு. இ. இசக்கி அவர்களுக்கு நன்றி.

இந்தக் கடிதங்களை எல்லாம் வெளியிட்டு ஊக்கம் அளிக்கும் தினமலர் சிறுவர்மலர் இதழுக்கும் ஆசிரியருக்கும் நன்றி. 

வியாழன், 21 நவம்பர், 2019

புதன், 20 நவம்பர், 2019

தீச்செயலால் அழிந்த தாடகை. தினமலர் சிறுவர்மலர் - 41.

தீச்செயலால் அழிந்த தாடகை
அழகானவர்களாக வலிமை உள்ளவர்களாகப் பிறந்தும் சிலர் தீச்செயல்கள் செய்வதால் அழிந்து படுகிறார்கள். அவர்களுக்கு உதாரணமாகத் தாடகை என்ற இயக்கர்குலப் பெண்ணைச் சொல்லலாம். தாடகை யார், அவளை ஏன் அழித்தார்கள், அவளை அழித்தவர்கள் யார் எனப் பார்க்கலாம் வாருங்கள் குழந்தைகளே.
அரக்கர் குலத்திலும் மிகவும் நற்பண்புகள் கொண்டவன் சுகேது. இவனுக்குக் குழந்தைப்பேறு இல்லாமையால் பிரம்மனைக் குறித்துத் தவம் செய்தான். பல்லாண்டுகளாய் இவன் செய்த கடுந்தவத்தால் மகிழ்ந்த பிரம்மா மயில்போன்ற அழகும் மதயானையை ஒத்த வலிமையும் உள்ள மகள் பிறப்பாள் என்று வரம் அளிக்கிறார். அதன்படிப் பிறந்தவள்தான் தாடகை.
இவள் திருமணப் பருவம் எய்தியதும் இவளது தந்தை சுகேது இவலை சுந்தன் என்ற இயக்கனுக்கு மணம் புரிந்துவைத்தான். இவர்களுக்கு மாரீசன், சுவாகு என்ற இருமகன்கள் பிறந்தனர்.
எல்லாம் சுமுகமாகவே போய்க்கொண்டிருந்தது. ஆனால் ஒரு முறை சுந்தன் அகத்தியரின் ஆசிரமத்துக்கு வந்து அங்கேயிருந்த மரங்களை எல்லாம் பிடுங்கி எறிந்தான். அகத்தியர் கோபம் கொண்டு அவனை நோக்க அவன் சாம்பலானான். இதைப் பார்த்து வெகுண்டாள் தாடகை

செவ்வாய், 19 நவம்பர், 2019

டூயிஸ்பர்க்கில் ரோடு துடைக்கும் ட்ரக்ஸ்.

ஃப்ளைட் ஏறிப் போயாச்சு , போய் சுத்தமான ரோடப் பார்த்தாச்சு  என்று பாடத்தான் ஆசை.

விடிகாலையில் அதாவது ஆறு மணிக்கே ரோட்டில் மெல்லிசாக தினமும் கடகடவென சத்தம் கேட்கும். கார்பேஜ் கலெக்‌ஷன் மற்றும் ரோடு துடைக்கத்தான் இந்த மினி சத்தம் எனக் கண்டு கொள்ள நாளாயிற்று.

ஒருநாள் கிச்சன் கதவைத் திறந்து பார்த்தால் தூரத்தில் குட்டியானை போன ஒன்று தும்பிக்கையைத் தரையில் தடவிக் கொண்டு தட தடவெனத் தாறுமாறாக ஓடி வந்தது.

சுவாரசியம் அதிகப்பட அது என்ன என்று நின்று நிதானித்துக் கவனித்தேன். சீராக இல்லாமல் அதகளம் செய்யும் யானை போல் ரோடு முழுவதும் குறுக்கும் நெடுக்கும் எட்டுப் போட்டுக் கொண்டிருந்தது அது. நீங்களே புகைப்படங்களில் அதன் அதகளத்தைப் பாருங்களேன்.

குப்பை மட்டுமில்லாமல் சாலையில் ஒட்டும் பிசுக்குகளையும் நீக்குகிறது இது. ஆர்கானிக் வேஸ்ட், இன்னார்கானிக் வேஸ்ட் ப்ளாஸ்டிக் என இது தரம் பிரித்துச் சேர்த்தும் விடுமாம். ரோட்டில் குண்டூசி கூடக் கிடக்க முடியாது . அப்படி சுத்தம் செய்கிறது.

குளிர்காலத்தில் பயன்படுவது மேன் ட்ரக் மெஷின்ஸ். அது கொட்டிக் கிடக்கும் பனியை எல்லாம் வாரி வழித்து எறிந்து விடுமாம். வீடுகளின் அமைப்பையே பாருங்களேன். கூம்பு வடிவக் கூரைகள். அதிலும் ஓடுகள் பதித்தது. இந்த அமைப்பினால்தான் கூரைகளில் படியும் பனி அனைத்தும் கீழே வழியும். சூரியனைக் கண்டதும் உருகி இறங்கவும் வசதி. ஆனால் ரோட்டில் விழும் பனியை இந்த மாதிரி ட்ரக்ஸ் மூலம்தான் சுத்தம் செய்ய முடியும். அதன் பெயர்தான் மேன் ட்ரக் மெஷின்ஸ்.

பாரம்பரிய ஓடுகள் பதிக்கும் முறை அனைத்துக் கட்டிடங்களிலும் உண்டு. இப்படி வைத்தால்தான் அரசாங்கம் வீடு கட்டும் ப்ளானையே அப்ரூவ் செய்யும். இல்லாட்டி பனித்தங்கி தண்ணியா உருகித் தேங்கி வீடே நாஸ்தியாகிரும்ல.


தூரத்தில் கடகடவென ஓடிவந்து எங்கோ கடைப்பக்கம் திரும்புகிறது இந்த ட்ரக்.

திங்கள், 18 நவம்பர், 2019

பேசும் புதிய சக்தி - ஒரு பார்வை


பேசும் புதிய சக்தி

புதிதான ஒரு நூல் வாசிக்கக் கிடைத்தது. நூல் விமர்சனம் என்பதையே பத்ரிக்கைகள் வாரத்தில் ஒருநாள் பு(து)த்தகம், புதுவரவு என்ற பெயர்களில் செய்துகொண்டிருக்க இந்நூலோ நிறைய நூல் விமர்சனங்களோடு வந்திருந்தது வியப்பு.

ஞாயிறு, 17 நவம்பர், 2019

பஸ், ட்ராம், சிட்டி ட்ரெயின் , மெட்ரோ, மோனோ ரயில்.

ஜெர்மனி சென்றதும் அங்கே உலாவந்த பஸ், ட்ராம், மெட்ரோ மற்றும் சிட்டி, ஸ்டேட் ட்ரெயின்களில் பயணித்தோம் . சாலையின் நடுவில் ட்ராம் ட்ராக் அமைக்கப்பட்டிருக்கிறது.  இருபுறமும் பேருந்துத் தடம். வித்யாசமான அமைப்பு !. புல்லட் ட்ரெயின்கள் கூட ஓடுவதாகச் சொல்கிறார்கள். பொதுவாகவே மணிக்கு 200 மைல் வேகத்தில் பறக்கும் ட்ரெயின்கள் இவை. 

ரயில் டிக்கட்டை பேரம் பேசி வாங்கமுடியாது என்று ஜோக்கெல்லாம் இங்கேதான் செல்லுபடியாகும். ஆனால் ஜெர்மனியிலும் யூரோப் முழுமையும் டிக்கெட் பாஸ் வாங்கலாம். மேலும் முன்பே பாஸ் வாங்கிவிட்டு மூன்று மாதங்களுக்கு ஸ்டேட் விட்டு ஸ்டேட் குறைந்த விலையில் முன்பே டிக்கெட் புக் செய்து சென்று வரும் வசதியும் உண்டு. 

லீவு நாளில் கார்டுக்கு ரெண்டு பேர் ஏழு மணிக்கு மேல் சிட்டிக்குள் எங்கு வேண்டுமானாலும் சென்று வரலாம். ஃப்ளைட் போல் முன்பே புக் செய்தால் ரயில் டிக்கெட் ஃபேர் குறைவு.

நம்மூரு போல இங்கேயும் பஸ் ட்ரெயின் பாஸ் உண்டு. பஸ்ஸிலும் ட்ரெயினிலும் எல்லாரும் டிக்கெட்டை ஸ்வைப் செய்தபின்தான் போய் அமரவேண்டும். இல்லாவிட்டால் டிக்கெட் செக்கிங் வரும்போது பிரச்சனையாகிவிடும்.

தனித்தனி ட்ராம் ஸ்டாப் , பஸ் ஸ்டேஷன்களில் பரவாயில்லை.  ஆனால் சிட்டி, ஸ்டேட் ஸ்டேஷன்களில் ட்ரயின் எங்கே சென்று எங்கிருந்து வருகிறது என்பதைக் கண்டு கொள்ள கொஞ்சம் மொழிப்பயிற்சியும் ஞானதிருஷ்டியும் அதீத புத்திசாலித்தனமும் வேண்டும். இல்லாவிட்டால் எதிர்திசையில் எங்கேயோ போய் விடுவோம் அர்த்த ராத்திரியில்.

இங்கே பயில வரும் மாணவர்களுக்கு ஃப்ரீ பாஸ் உண்டு. தினமும் மாலை ஏழுமணியிலிருந்தும் வார இறுதியில் இரண்டு நாட்களும் சிட்டிக்குள் ட்ராம், பஸ், ட்ரயினில் சென்று வர நூறு யூரோ டிக்கெட் பாஸ் யதேஷ்டம். இதிலேயே இன்னும் ஒருவரையும் இதே நேரத்தில் மட்டுமே கூட்டிச் செல்லலாம்.

காலை பத்துமணிக்கு மேல் செல்லவேண்டும் என்றால் பணம் கூடுதலாகக் கட்ட வேண்டும்.

இது டூயிஸ்பர்க்கில் வரும் ட்ராம்.

சனி, 16 நவம்பர், 2019

சிலம்பை உடைத்து நீதி கேட்ட கண்ணகி. தினமலர் சிறுவர்மலர் - 40.

சிலம்பை உடைத்து நீதி கேட்ட கண்ணகி
பெண்கள் சாத்வீகமானவர்கள். அதிலும் கண்ணகி என்ற பெண் மிகவும் சாதுவானவள். சாது மிரண்டால் காடு கொள்ளாது என்பார்கள். நீதி தவறிய பாண்டிய மன்னனின் மேல் கோபம் கொண்டு சிலம்பை உடைத்தது மட்டுமல்ல அவள் சாபமிட்டதும் மதுரை மாநகரமே தீப்பற்றி எரிந்தது. அத்தகைய சக்தி வாய்ந்த கண்ணகி பற்றியும் அவளுக்குப் பாண்டிய மன்னன் இழைத்த அநீதி பற்றியும் அறிந்து கொள்ளுவோம் வாருங்கள் குழந்தைகளே.
காவிரிப் பூம்பட்டினத்தில் இரு பெரும் வணிகர்கள் வசித்து வந்தார்கள். அவர்களுள் மாசாத்துவான் என்ற வணிகனுக்குக் கோவலன் என்ற மகனும், மாநாயகன் என்ற வணிகனுக்குக் கண்ணகி என்ற மகளும் இருந்தார்கள். இருவருக்கும் அவர்கள் பெற்றோர் திருமணம் செய்துவைத்தார்கள். இருவரும் இனிதே இல்லறம் நடத்தி வந்தனர்.
ஒருமுறை சோழன் அவையில் மாதவி என்ற நடனமங்கை அற்புதமாக நடனமாடினாள். தலைக்கோல் அரிவை என்று பட்டம்பெற்று நாளொன்றுக்கு ஆயிரத்தெட்டுக்கழஞ்சுப் பொன் பெறும் சிறப்புப் பெற்றவள். கோவலன் அவள்பால் கவரப்பட்டுக் கண்ணகியை மறந்து மாதவியுடன் இல்லறம் நடத்தலானான். அவர்கட்கு மணிமேகலை என்ற புனிதமகள் பிறந்தாள்.

வெள்ளி, 15 நவம்பர், 2019

வாசிப்பை வளர்க்கும் ஷாப்பிங் மால்கள் - இன்ஃபர்மேஷன் லைப்ரரி.

ஜெர்மனியிலும் சரி, யூரோப் முழுவதும் சரி. ரயில் நிலையங்களில் ப்ரஸ் & புக்ஸ் என்னும் புத்தகக் கடைகளும், ரெவே, கொடி, அல்டி, லிடில், ரியல், நெட்டோ, போகோ போன்ற ஷாப்பிங் மால்களிலும் பயணப் பாதையில் மோட்டல்களிலுமே  புத்தகக் கடைகளைப் பார்க்கலாம். பாதிக்குப் பாதி ஆஃபரிலும் கூட புத்தகங்கள் கிடைக்கின்றன ! முக்காலே மூணு சதம் அந்தந்த தேசத்தின் மொழிகளில்தான் கிடைக்கின்றன. ஆங்கிலப் புத்தகங்கள் ரொம்பக் கம்மி. ( ஆங்கிலம் மாதிரியே இருக்கும். ஆனால் அது ஜெர்மன், ஃப்ரெஞ்ச், இத்தாலி :) . கட்டுரைகள், த்ரில்லர்கள், ரொமாண்டிக் நாவல்களோடு இங்கே சமையல் புத்தகங்களும் , குழந்தைகளுக்கான நூல்களும் கூட கொட்டிக் கிடக்கின்றன.

ரயிலில் நின்று கொண்டோ உட்காந்து கொண்டோ வாசிப்பவர்களை இந்நாடுகளில் அதிகமும் பார்க்கலாம். இவர்கள் என்னைக் கவர்ந்ததால் அங்கே எடுத்த புத்தகசாலைப் புகைப்படங்களைப் பகிர்ந்திருக்கிறேன். வாசிப்பவர்களை எடுக்க என் கூட வரும் என் மகன் தடா போட்டுவிடுவார்.

இவை அனைத்தும் ஸ்விஸ், இத்தாலி, வெனிஸ், ரோம், போன்ற நகரங்களைக் கடந்து செல்லும்போது இருக்கும் மோட்டல்களில் எடுத்தவை.


இது டிட்லிஸ்ஸிலிருந்து வெனிஸ் செல்லும் வழியில் எடுத்தது.

50 முதல் 70 சதம் வரை ஆஃபர் ! ஆண்ட்ரியா கேமில்லரி  கலெக்‌ஷன்ஸ் அதிகம்.

ஸ்ரீ மஹா கணபதிம். கணபதியே வருவாய் அருள்வாய்.

கணபதியே வருவாய் அருள்வாய்
(கணபதியே)
மனம் மொழி மெய்யாலே தினம் உன்னைத் துதிக்க
மங்கள இசை என்தன் நாவினில் உதிக்க
(கணபதியே)

ஏழு சுரங்களில் இன்னிசை பாட
எங்கணும் இன்பம் பொங்கியே ஓட
தாளமும் பாவமும் ததும்பிக் கூத்தாட
தரணியில் யாவரும் புகழ்ந்து கொண்டாட
(கணபதியே)

தூக்கிய துதிக்கை வாழ்த்துக்கள் அளிக்க
தொனியும் மணியென க­ரென் றொலிக்க
ஊக்குக நல்லிசை உள்ளம் களிக்க
உண்மை ஞானம் செல்வம் கொழிக்க

(கணபதியே)

ஸ்ரீ மஹா கணபதியே நமஹ. 


கோவை ஆர் எஸ் புரம் அன்னபூரணாவின் கீழ்த்தளத்தில் இருக்கும் விநாயகர்.

வியாழன், 14 நவம்பர், 2019

கணக்கில் பிசகாத விசாரசருமர். தினமலர் சிறுவர்மலர் - 39.

கணக்கில் பிசகாத விசாரசருமர்.
இருவர் அல்லது மூவர் கொண்ட ஒரு குடும்பத்தின் கணக்கு வழக்கை நிர்வகிக்கவே சிரமமாய் இருக்கிறது. யாரும் வரவு செலவைக் கணக்கெழுதி வைப்பதில்லை. ஆனால் ஆலயத்தின் அதுவும் ஈரேழு பதினான்கு லோகத்தையும் படைத்துக் காக்கும் சிவபெருமானின் ஆலயத்தின் வரவு செலவுக் கணக்குகளையும், சிவனுக்கு அளிக்கப்படும் உணவு, உடை ஆகியற்றையும் பல்லாயிரம் ஆண்டுகளாக நிர்வகித்து வருகிறார் ஒருவர். நித்யதியானத்தில் இருந்தாலும் அவரின் கணக்கு பிசகாது. அவர் யார், அவருக்கு சிவாலயத்தின் கணக்கை நிர்வகிக்கும் வேலை எப்படிக் கிடைத்தது என்று பார்ப்போம் வாருங்கள் குழந்தைகளே.
சோழநாட்டின் மணியாற்றின் கரையில் குழந்தைகள் விளையாடிக் கொண்டிருக்கிறார்கள். நீரில் துளைந்தும் நிலத்தில் குதித்தும் மர விழுதுகளில் ஊஞ்சலாடியும் மகிழ்ந்து கொண்டிருந்தார்கள் அவர்கள்.  அவர்களில் ஒரு ஞானக் குழந்தையும் இருந்தது. சேய்ஞலூர் என்ற ஊரில் வாழ்ந்த எச்சதத்தன், பவித்திரை ஆகிய தம்பதிகளின் மகன்தான் அவன். விசார சருமன் என்ற பெயர் கொண்ட அச்சிறுவனுக்கு அப்போது ஏழு வயது.
குழந்தைகள் விளையாடும் இடத்தில் சில இடையர்கள் மாடு மேய்த்துக் கொண்டிருந்தார்கள். அவ்வப்போது அவை இடையர்கள் ஓட்டிச் செல்லும் தடத்தை விட்டுப் பெயர்ந்து போய்க் கொண்டிருந்தன. அவற்றை அவர்கள் ஒன்றாக நடக்கும்படி விரட்டி மரக்கொம்பால் அடித்தனர். வாயில்லா ஜீவன்களான அவற்றின் துன்பம் கண்டு துடித்த விசாரசருமர் தானே அப்பசுக்களை மேய்ப்பதாகவும் அவற்றை அடிக்க வேண்டாமெனவும் கேட்டுக் கொண்டார். இடையர்களும் ஒப்புக் கொண்டனர்.

புதன், 13 நவம்பர், 2019

கனவுதாசன் என்றொரு கவி ஆளுமை

கனவுதாசன் என்றொரு கவி ஆளுமை



கனவுதாசனின் நினைவு முற்றமெங்கும் கவிதைப்பூக்கள். அவை போதவிழ்ந்து நறுமணம் பரப்பும்போது முகிழ்க்கும் தேனில் உமர்கய்யாம் கவிதைகள் போல் நம்மையும் போதைக்குள்ளாக்குகின்றன, சில தெளியவும் வைக்கின்றன. ஆகாசவீதியில் சூரியனைப் பந்தாடுவதும் புதை சேறைச் சுனைநீராக்குவதும் இவருக்கே சாத்தியம்.
இவரின் கவிதைகள் ஹைக்கூ, க்ளரிஹ்யூ வகையிலும் பூத்துள்ளன. முருகன், மானகிரி, காரைக்குடி, கம்பன் கழகம், கண்ணதாசன், சென்னை, பாரதி , இளங்குடி மேடைக்காளி, கொல்லங்காளி , பிள்ளையார், இளங்கோவடிகள், சுந்தரர் பரவை நாச்சியார் , பட்டுக்கோட்டையார் , கொப்புடையம்மன், தளக்காவூர் அதளநாயகி, கருப்பர் , வர்ஷா கல்யாணி , பாலமுரளி கிருஷ்ணா, முத்துக்குமார், மனோரமா, நா. காமராசன், கவிக்கோ, ஆண்டாள், ஸ்ரீதேவி, பாலகுமாரன் என்று தொடர்ந்து பூக்கின்றன இவரது கவிதைகள்.

தினமலர் சிறுவர்மலரில் அரும்புகள் கடிதம். பாகம் - 4.

தினமலர் சிறுவர் மலரில் இதுவரை 50 வாசகர் கடிதங்கள் வரை இதிகாச புராணக்கதைகளைப் பாராட்டி வெளியாகி உள்ளன. படித்ததோடு நின்றுவிடாமல் சிரத்தை எடுத்து அதைப் பாராட்டிக் கடிதம் எழுதித் தெரிவித்த வாசகர்களின் அன்புக்கு நன்றி.


புராணக் கதைகளைப் பாராட்டிய திருவையாறு வாசகர் திரு. கா. தரணிவேலன் அவர்களுக்கு நன்றி.

திங்கள், 11 நவம்பர், 2019

விஞ்ஞானி ரகுபதி விருது.

காரைக்குடியில் இருக்கும் சிக்ரியுடன் இணைந்து தமிழ்நாடு அறிவியல் இயக்கம் இந்த ஆண்டும் ( 2 வது ஆண்டு ) காரைக்குடி பெரியார் சிலையின் அருகில் இருக்கும் ஹோட்டல் சுபலெக்ஷ்மியில் புத்தகக் கண்காட்சி நடத்தியது.

அந்தக் கண்காட்சியின் கடைசி நாளன்று சிவகங்கை மாவட்ட எழுத்தாளர்களைச் சிறப்பித்து விஞ்ஞானி விருது கொடுத்துக் கௌரவப்படுத்தினார்கள். சிவகங்கை மாவட்ட எழுத்தாளர்களில் ஒருவராக நானும் கௌரவிக்கப்பட்டேன்.

ஞாயிறு, 10 நவம்பர், 2019

தூய்மை இந்தியாவும் கழிப்பறைக் கனவுகளும்

தூய்மை இந்தியாவும் கழிப்பறைக் கனவுகளும்
உணவு உடை உறையுள் ஒரு மனிதனுக்கு அத்யாவசியம் என்பார்கள். அத்தோடு சுகாதாரமான கழிப்பறையும் ஒவ்வொரு குடும்பத்துக்கும் ஒவ்வொரு பெண்ணிற்குமான அடிப்படைத் தேவை என்று சொல்வேன். 2019 நவம்பர் 12 இல் என் வலைத்தளத்தில் எழுதிய கட்டுரை ஒன்றில் சீர்காழி வைத்தீஸ்வரன் கோவில் சாலையில் செம்மொழி நூலகம் ஒன்று திறக்கப்படக் காத்திருக்க அதனைச் சுற்றியுள்ள பகுதிகளில் மனிதர்கள் திறந்த வெளியில் மலசலம் கழிப்பதைப் பற்றியும் நூலகத்தோடு கழிப்பிடத் தேவையின் அத்யாவசியம் பற்றியும் எழுதி இருந்தேன். அனைவருக்குமான கழிப்பறையின் தேவைகள் இப்போது நனவாகி வருவது குறித்து மகிழ்ச்சியாக இருக்கிறது.
வீட்டிற்குள் கழிவறை இல்லாத காரணத்தால் நகரமோ, கிராமமோ, முள்ளும் கல்லும் நிறைந்த காட்டுப்பகுதிகளில், திறந்த வெளிகளில், வயல்வெளிகளில், ரயில்வே தண்டவாளங்களுக்கருகில் , கண்மாய்க் கரைகளில் காலைக் கடன் கழிக்கும் மக்களை முன்பு பெருவாரியாகப் பார்க்க முடியும்.
இந்தியன் ரயில்வே தண்டவாளங்கள்தான் உலகத்திலேயே நீண்ட திறந்தவெளிக் கழிவறைகள். இந்தத் திறந்தவெளிக் கழிவறைகளில் இருந்து மக்களை விடுவித்து கிராமப்புறங்களை மேம்படுத்தக் கொண்டு வந்த திட்டம்தான் ஸ்வச்சபாரத் மிஷன் கிராமின் திட்டம். சில கிராமங்களில் இன்றும் சுகாதாரமான கழிப்பறைகள் கொண்ட வீடுகள் இல்லை. நிர்மல் பாரத் அப்யான் திட்டம் கழிவறை கட்ட நிதி உதவி செய்கிறது.

செவ்வாய், 5 நவம்பர், 2019

மிரோஸ்லாவ் ஹோலுப் கவிதைகள் – ஒரு பார்வை.


மிரோஸ்லாவ் ஹோலுப் கவிதைகள் – ஒரு பார்வை.

சரித்திரம் பூகோளம் இதிகாசம் புராணம் வரலாறு விஞ்ஞானம் கணிதம் வானவியல் பொதுத் தகவல்கள் தொன்மம் அனைத்தும் நிரம்பித்ததும்பும் கவிதைகள்தான் மிராஸ்லாவ் ஹோலுப் கவிதைகள். ஒருவர் இக்கவிதைகளைப் படிக்கத் தொடங்கிவிட்டால் நிச்சயம் ஒரு ட்ரான்ஸ்ஃபார்மேஷன் நடைபெறும். புதிய பரிமாணத்தில் வெளிப்படுத்தப்பட்டிருக்கும், காட்சிக்குட்படும் கவிதைகள் இவை.

ஷார்ஜா (2019 ) புத்தகக் கண்காட்சியில் எனது நூல்கள்.

என் மதிப்பிற்குரிய நண்பர்களுக்கு வணக்கம்.


38-வது சார்ஜா உலகப் புத்தகக் காட்சியில் 7வது கூடம். டிஸ்கவரி அரங்கம் ZD 16 இல் எனது மூன்று நூல்கள் விற்பனைக்கு உள்ளன.

சிவப்புப் பட்டுக் கயிறு - சிறுகதைத் தொகுப்பு,
விடுதலை வேந்தர்கள் - கட்டுரைத் தொகுப்பு,
காதல் வனம் - நாவல் .

Writter Kavimathy, Panneerselvam Sumathi , ஃபக்ருதீன் இப்னுஹம்துன், ஷேக் முகம்மது, கலியமூர்த்தி ஆகிய சகோதரர்களும், அபுல்கலாம் ஆஸாத்ஜி, ஐயனார் ஆகிய அமீரக நண்பர்களும் டிஸ்கவரி அரங்குக்கு வருகை தந்து சிறப்பிக்க வேண்டுகிறேன்.

இக்கண்காட்சி நவம்பர் 9 ஆம் தேதி வரை நடைபெறுகிறது. எனவே அமீரக நண்பர்கள் பயன்பெற வேண்டுகிறேன். 

திங்கள், 4 நவம்பர், 2019

உன்னத உள்ளம் கொண்ட உறங்காவில்லி. தினமலர் சிறுவர்மலர் - 38.

உன்னத உள்ளம் கொண்ட உறங்காவில்லி
இனம் மதம் சாதி பார்த்து ஒருவரை உயர்ந்தவர் என்றும் இன்னொருவரைத் தாழ்ந்தவர் என்றும் கற்பித்துக் கொள்கின்றோம். ஆனால் அதுதவறு என நிரூபிக்கிறது உறங்காவில்லி என்பவரின் கதை. இயல்பிலேயே நல்ல உள்ளம் கொண்ட அவரையும் அவரைப் போலவே நல்லுள்ளம் படைத்த அவரது மனைவி பொன்னாச்சி பற்றியும் அறிந்து கொள்வோம் வாருங்கள் குழந்தைகளே.
சாலையில் வெய்யில் தகிக்கிறது. மக்கள் எல்லாம் வீடுகளில் ஒண்டிக்கொண்டு இருக்கிறார்கள். சிலர் திண்ணையில் அமர்ந்து விசிறியால் வீசி ஆசுவாசம் செய்து கொண்டிருக்கிறார்கள். அப்போது ஒரு காட்சியைப் பார்த்து அனைவரும் பரிகாசப் புன்னகை செய்கிறார்கள். சிலர் நமட்டுத்தனமாய்க் கிண்டலடிக்கிறார்கள்.
அச்சாலையில் அப்போது ஒரு மனிதன் தன் மனைவிமேல் வெய்யில் படாமல் குடைபிடித்தபடி செல்கிறான். அவன்தான் உறங்காவில்லி. அவனது மனைவி பெயர் பொன்னாச்சி. பொதுமக்கள் பார்க்கிறார்களே. தன்னை ஏளனம் செய்வார்களே என்ற எண்ணம் கிஞ்சித்தும் இன்றி அவன் தன் மனைவிக்குக் குடைபிடித்தபடி செல்கிறான்.

திங்கள், 28 அக்டோபர், 2019

ஓம் சாயி சரணம்


அற்புதத் திருவே
ஆனந்தத் திருவே
ஓம் சாயி சரணம்

பொற்பதத் திருவே
புண்ணியத் திருவே
ஓம் சாயி சரணம்

வெள்ளி, 25 அக்டோபர், 2019

பொதுத்தேர்வும் படைப்புச் சக்தியும்.

2361. ஐந்தாம் எட்டாம் வகுப்பு மாணவர்களுக்குப் பொதுத்தேர்வு வைப்பதால் குழந்தைகளின் கல்வித்தரமும் ஆசிரியர்களின் பொறுப்புணர்வும் மேம்படுமா..
முதலில் பாடத்திட்டங்களை ஒழுங்குபடுத்த வேண்டும். ஐசிஎஸ்சி, சிபி எஸ்சி,ஸ்டேட்போர்ட், மெட்ரிக்குலேஷன் எத்தனை விதக் கல்வி முறைகள்.
கல்வி என்பது விரும்பிக் கற்பதாக இருக்க வேண்டும்.. இதெல்லாம் எப்ப மாறும்.

2362. To learn german language the fees for 2 months is 1,000 € only. 😵.
Anyhow happy to see the name of Johann Wolfgang Von " Goethe Institut"



வியாழன், 24 அக்டோபர், 2019

ப்ரஸ்ஸில்ஸ், மை க்ளிக்ஸ். BRUSSELS, MY CLICKS.

பெல்ஜியம் ப்ரஸ்ஸில்ஸுக்கு யூரோப் டூர் சென்றிருந்தபோது சென்றோம்.

லண்டனில் இருந்து ஆரம்பிப்பதற்கு பதிலாக நாங்கள் ஜெர்மனியில் இருந்து ப்ரஸ்ஸில்ஸுக்குச் சென்று ஸ்டார் டூர்ஸ் கோச்சில் ஏறிக்கொண்டோம்.

மிக அருமையான ஊர். ரயில்வே ஸ்டேஷனையே காணக் கண்கோடி வேண்டும். இது ஒரு பக்க லான் தான். தரை முழுவதும் பச்சையும் மஞ்சளும் கட்டமிட்டிருக்க ஒரு பக்க சுவரில் பச்சையும் மறுபக்க சுவரில் சந்தன மஞ்சளும் என்று அமர்க்களம். இப்புறம் பார்த்தால் அவள் பச்சைக்கிளி அப்புறம் பார்த்தால் அவள் மஞ்சள் காட்டு மைனா. 
இங்கே உள்ள கட்டிடங்கள் அனைத்தையும் காணக் கண்கோடி வேண்டும்.  அவ்வளவு அழகு.

செவ்வாய், 22 அக்டோபர், 2019

தாலிஸ் ட்ரெயினும் பீட்ரூட் சிப்ஸும் . THALYS TRAIN.

பாரிஸ் நோர்ட் ஸ்டேஷனில் இருந்து ஜெர்மனி டூயிஸ்பர்க் வரைக்கும் தாலிஸ்/டாலிஸ் ட்ரெயினில் வந்தோம். ரொம்ப ஸ்பெஷலான அந்த ட்ரெயின் பத்தி இங்கே :) இது ப்ரென்ச் - பெல்ஜியன் ஹை ஸ்பீட் ட்ரெயின். இது ப்ரஸல்ஸ் வழியாகத்தான் ஜெர்மனி வருகிறது. 1996 இல் இருந்து இந்த ட்ரெயின் ஓடிக்கிட்டு இருக்கு. இப்போ 23 வருஷம் ஆச்சு !. பிரமாதமான சர்வீஸ்.


ஸ்கந்தர் சஷ்டிக் கோலங்கள்.

ஸ்கந்தர் சஷ்டிக் கோலங்கள்.

திங்கள், 21 அக்டோபர், 2019

மௌனத்தின் குரல் – ஒரு பார்வை

மௌனத்தின் குரல் – ஒரு பார்வை

ஒவ்வொரு பெண்ணும் கட்டாயமாகவோ சூழ்நிலை கருதியோ தன் வாழ்வியல் சூழலில் கடைப்பிடிக்கும் மௌனம் ஒரு கட்டத்தில் உரக்க ஒலித்தே ஆகவேண்டும் என்ற வேட்கையாகவே வெளிப்பட்டுள்ளது இந்நாவல். ஐந்து வருடங்களுக்கு முன்பு படித்தேன். இன்றும் ஒரு முறை. அந்த விறுவிறுப்பும் யதார்த்தவிஷயங்களும் குறையாமலே இருந்தது.

ஜெயா என்ற நாயகி மூலம் சொல்லப்படும் கதையில் கதையாசிரியரே ஜெயா என்ற பாத்திரத்தைக் கையாண்டு தன்போக்காக அவள் எண்ணச் சிதறல்களை விளக்கி இருக்கிறார். அந்தக் கதாபாத்திரமும் ஒரு எழுத்தாளராக வருகிறாள். அதுவும் அவள் மட்டுறுத்தப்பட்டு எழுதுவதும் எதையும் உடைத்து விரித்து எழுதாமல் இருப்பதற்கு நம் போன்ற பூர்ஷ்வா, மத்தியவர்க்க, மேல்ஜாதி பயம் என்று காமத்தால் சீண்டப்படுவதும் படிக்கப் படிக்க வியப்பு கூடிக்கொண்டேதான் போனது.

ஞாயிறு, 20 அக்டோபர், 2019

சூரியப்ரபை சந்திரப்ரபை.

சூரியப்ரபை சந்திரப்ரபை.

விவசாயம் பொய்த்துக் கொண்டிருந்தது. தண்ணீர் வரத்து இல்லாமல் கொள்ளிடம் கருவாட்டு மணலாய்ச் சுருண்டிருந்தது. கால்வாயும் வாய்க்காலும் வெள்ளமாய்ப் பொங்கி மடைதிறந்து முப்போகம் விளைந்த பூமியில் இன்று போர் போட்டு ஒரு போக விவசாயம். வந்தால் வெள்ளமும் புயலும் வந்து கெடுக்கிறது. இல்லாவிட்டால் பாயிவரப்பான்கள் அணையைத் திறக்க மாட்டேன் என்கிறான்கள். ”கோபாலா காப்பாத்து.” கவலையோடு பட்டாலையில் குறிச்சியில் சாய்ந்திருந்தார்கள் ஆவுடையப்பன் செட்டியார்.
”அப்பச்சி” என்று அழைத்தாள் லெச்சுமி. மாசமான வயிறு சொலிந்து இருந்தது. லேசான சோகையோடு கால் மாற்றிக் கால் வைத்தபடி நின்றிருந்தாள். வலி பின்னி எடுத்தது. இது சூட்டு வலியோ.
”சொல்லாத்தா. இடுப்பை நகத்துதா. இந்தா தங்கண்ணன் கிட்ட காரை எடுக்கச் சொல்லி இருக்கேன் சுகுமாரம்மாவுக்கு ஃபோன் பண்ணி இருக்கேன். எப்ப வேணாலும் வாங்கன்னு இருக்காக. உங்க ஆத்தா இருந்திருந்தா நல்லா இருந்திருக்கும்.”
”அப்பச்சி நீங்கதான் எனக்குத் தாய் தகப்பன்.”கைகளை இறுக்கிப் பிடித்துக் கொண்டாள் லெச்சுமி. கண் கலங்கியது இருவருக்கும். 
”நீ கவலைப்படாதாத்தா. அக்கினியாத்தாளும் நரியங்குடிக் கருப்பரும் தொணையிருப்பாக.” கையைத் தட்டிக் கொடுத்துப் பிடித்துக் கொண்டார்கள் ஆவுடையப்பன் செட்டியார்.
’மூணும் பொண்ணாப் போச்சு. அடுத்தாவது மகளுக்கு மகனைக் கொடுங்கப்பா பழனி தெண்டாயுதபாணி. ராச கோபாலா ’
அப்பச்சி சாமி வீட்டைத் திறந்து உள்ளே போய் விபூதி எடுத்துவந்து பூசுவதற்கும் அடுத்தடுத்த வலி வெடுக் வெடுக்கென அவளைத் தாக்கவும் சுருண்டு கொண்டிருந்தாள் லெச்சுமி. ஆத்தாப்பொண்ணு கையைப் பிடித்து அமர்ந்திருந்த ஆவுடையப்பனுக்கு மகளைப் பார்த்து மனசு நிலை கொள்ளவில்லை.

சனி, 19 அக்டோபர், 2019

இரணியூர்க் காளி

காரைக்குடி அருகில் உள்ளது இரணியூர். இது நகரத்தாரின் ஒன்பது கோவில்களில் ஒன்று. இக்கோவில் விமானத்தைத் தரிசித்தாலே இறைவனைத் தரிசித்ததற்குச் சமம். இன்னும் வக்கிர அமைப்பில் அமைந்த தெய்வச் சிலைகள், குபேரன், ஹிரண்யவதம், அரியும் அரனும் ஒன்றென உணர்த்தும் சம்பவங்கள், ஹிரண்யகசிபுவை அழித்தபின் ஆக்ரோஷமாய் அலைந்த நரசிம்மத்தை ஆற்றுப்படுத்தி ஆட்கொண்ட சிவன், அதனால் ஆட்கொண்டநாதர் & நரசிம்மேஸ்வரர் என்று பெயர் பெற்ற மூலவர் இன்னும் பல சிறப்புகள் உண்டு இரணியூருக்கு.

நரசிம்மரின் கோபம் கண்டு தங்கையான உமையும் உக்கிரமடைந்து அதன் பின் நவதுர்க்கைகளாக உள்மண்டபத்திலும் அஷ்டலெக்ஷ்மிகளாக வெளி மண்டபத்திலும் இரணியூர் ஆட்கொண்ட நாதர் கோவிலில் காட்சி தருகிறார்கள். தமிழரின் தொன்மையான சிற்பக்கலைக்கு எடுத்துக்காட்டு இக்கோயில்.

இத்தோடு கோபம் கொண்ட காளி, நரசிம்மர் ( நீலமேகப் பெருமாள் ) ஆகியோரை ஆற்றுப்படுத்தியபின் அவர்களுக்கும் தனிக்கோவில்கள் அமைக்கப்பட்டுள்ளன. இரணியூர்க் கோவில் பற்றியும் நீலமேகப் பெருமாள் பற்றியும் முன்பே பல்வேறு இடுகைகளில் குறிப்பிட்டுள்ளேன்.

இது இரணிக்காளி கோவில் பற்றியது. இக்கோவில் இரணியூர் ஆட்கொண்ட நாதர் கோவிலில் இருந்து சிறிது தொலைவில் அமைந்துள்ளது. தனியான ஆரண்யம்போன்ற இடத்தில் வாய்க்கால்கள் சூழ உள்ள இடத்தில் ஏகாந்தமாகக் கோவில் கொண்டிருக்கிறாள் இரணிக் காளி.

அடிக்கடி கோபம் கொள்ளும் இரணிக்கோவிலில் பிறந்த பெண் பிள்ளைகளை இரணிக் காளி வந்திருச்சு என்று பேச்சு வழக்கில் சொல்வது வழக்கம். நான் கூட இரணிக்காளிதான் என் அம்மாவின் சொல்வழக்கில். எனவே அவள் மீது மிகுந்த ப்ரேமையுண்டு.

ஒவ்வொரு தரமும் ஆட்கொண்டநாதர் கோவிலுக்கு மட்டுமே சென்றுவிட்டு வந்து விடுவோம். இந்த முறை என் காளியையும் தரிசித்தேன். புகைப்படம் எடுக்கலாமோ கூடாதோ என்ற பயத்தில் கர்ப்பக்ரகத்தை எடுக்கவில்லை. மிக எளிமையாகக் கோவில் கொண்டிருக்கிறாள் உக்கிரக்காளி. காற்றில் கூட கோப மூச்சு அனலாடுகிறது.


முன் மண்டபம் கர்ப்பக் கிரஹம் இவ்வளவே கோவில். ஆனால் அவள் சக்தி அளப்பரியது. ஈரேழு லோகத்திலும் நிறைந்திருப்பவளுக்கு இந்த இடம் ஒரு அடையாள வணக்கத்துக்குரிய இடம். அவ்வளவே.

வெள்ளி, 18 அக்டோபர், 2019

கருணை விழிகள் – ஒருபார்வை


கருணை விழிகள் – ஒருபார்வை


இராஜேஸ்வரி கோதண்டம் அவர்கள் நிறைய நூல்களை மொழிபெயர்த்துள்ளார். கிட்டத்தட்ட 100 நூல்களுக்கு மேல் இருக்கும். இவருடைய சரளமான மொழிபெயர்ப்பினால் அவை நமக்கு மொழிபெயர்ப்பு என்றே தெரியாதவண்ணம் நம் தமிழ் மண்ணின் கதைகள் போல் இருக்கும். பெயர்களையும் உணவு, இடங்களையும் வைத்துத்தான் நாம் அவற்றை பக்கத்து மாநிலங்கள் என்று உணரமுடியும். 

இராமானுஜரை ஏற்கனவே பிடிக்கும் எனக்கு. இராஜேஸ்வரி அவர்களின் மொழிபெயர்ப்பில் மிக அருமையான இந்நூல் என் மனந்தொட்டது என்றால் மிகையில்லை.

அர்த்தமுள்ள இந்துமதம் – ஒர் பார்வை.


அர்த்தமுள்ள இந்து மதம் – ஒர் பார்வை.

கவிஞர் கண்ணதாசன் எழுதிய மனவாசம் வனவாசம் இன்னும் பல நூல்கள் படித்திருந்தாலும் அர்த்தமுள்ள இந்துமதம் என்ற கட்டுரைகள் தொகுப்பு திரும்ப வாசிக்கத் தூண்டிய ஒன்று. இன்றைய காலகட்டத்துக்கு ஏற்றாற்போல இல்லாமல் நிறைய மாற்றங்கள் ஏற்பட்டிருந்தாலும் அவர் ஆத்மார்த்தமாக நிறைய விஷயங்களை உணர்ந்து அதை விவரித்திருப்பது சிறப்பு.

இந்தப் புத்தகங்கள் எல்லாமே கிட்டத்தட்ட 1973 இல் இருந்து 2009 வரை 80 எடிஷன்கள்வரை பதிப்பிக்கப்பட்டிருப்பது சிறப்பு. பாவம், புண்ணியம், விதி ,ஊழ்வினை, பூர்வஜென்மம், பிராப்தம் குறித்து அநேக கட்டுரைகள் அமைந்துள்ளன.

வியாழன், 17 அக்டோபர், 2019

மனைவி கிடைத்தாள் – ஒரு பார்வை


மனைவி கிடைத்தாள் – ஒரு பார்வை

1980 களிலேயே ஸ்ப்ளிட் பர்சனாலிட்டியை, மனித மன விகாரங்களை, கீழ்த்தரங்களை , தந்திரங்களை மிகத் தெளிவாகக் கூறிய கதைகள் இவை. இக்கதைகளைப் படிக்கும்போது அன்றைக்கு நேர்ந்த இப்படியும் கூட மனிதர்கள் உண்டா என்ற விவரிக்க இயலா பிரமிப்பும் சரளமான வாசிப்பும் இன்றைக்கும் நிகழ்வது அதிசயம்.

மொத்தமே மூன்று கதைகள்தான். முதல் இரண்டு கதைகளும் குறுநாவல் வகை. கேரக்டரும் முதல் கதையில் மூன்றுதான். நான்காவதாக ஆசிரியர் முடிவில் பேசுகிறார். சுபம் என்று போட இதென்ன சினிமாவா இல்லை ஃபேரிடேல்ஸா. ஆனால் வாழ்வின் உச்சபட்ச அபத்தமாக இருக்கிறது நண்பனின் மனைவியைக் கொலை செய்வது.

புதன், 16 அக்டோபர், 2019

30 பண்டிகைகள், 30 நிவேதனங்கள். குமுதம் பக்தி ஸ்பெஷல்.

இந்த இணைப்பு நூல் எனது ஏழாவது இணைப்பு நூல் வெளியீடு. குங்குமம் தோழியில் ஒன்று ( செட்டிநாட்டு உணவுகள் ) , மங்கையர் மலரில் இரண்டு ( செட்டிநாட்டு காரசார ரெஸிப்பீஸ், பழ உணவுகள் ) , குமுதம் பக்தி ஸ்பெஷலில் நான்கு  ( நவராத்திரி, தீபாவளி, விநாயகர் முதல் அனுமன் வரை, விசேஷங்களும் விதம் விதமான நைவேத்தியங்களும் )  ஆக மொத்தம் 210 ரெஸிப்பிக்களோடு ஏழு இணைப்பு நூல்கள் வெளியாகி உள்ளன. மகிழ்வுடன் நன்றி கூறுகிறேன். 



1.தமிழ் புதுவருஷம் – பனானா புட்டிங்
தேவையானவை :- செவ்வாழைப்பழம் -1, ரஸ்தாளி – 1, தேன்கதலி/கற்பூரவல்லி – 1, சிறுமலைப்பழம் – 1, தேங்காய்த்துருவல் – 1 டேபிள் ஸ்பூன், தேன் – 1 டேபிள் ஸ்பூன், ஏலக்காய்த்தூள் – கால் டீஸ்பூன்.
செய்முறை :- செவ்வாழைப்பழம், ரஸ்தாளி, தேன்கதலி, சிறுமலைப்பழம் ஆகியவற்றின் தோலை உரித்து மெல்லிய வட்டங்களாக வெட்டிக் கொள்ளவும். ஒரு தட்டில் வாழைப்பழத் துண்டுகளைப் பரப்பி அவற்றின்மேல் தேங்காய்த் துருவலைத் தூவவும். அதன் மேல் தேனை ஊற்றி ஏலப்பொடியைத் தூவி நிவேதிக்கவும்.

2.சித்திரா பௌர்ணமி – கருப்பட்டிக் கொழுக்கட்டை
தேவையானவை :- பச்சரிசி – 2 கப், கருப்பட்டி – 200 கி, தேங்காய்துருவல் – 2 டேபிள் ஸ்பூன், எள் – 1 டீஸ்பூன், உப்பு – 1 சிட்டிகை.
செய்முறை:- பச்சரிசியைக் கழுவி 2 மணிநேரம் ஊறவைத்து நீரை வடிகட்டி மிக்ஸியில் பொடித்துச் சலிக்கவும். கருப்பட்டியைப் பொடியாக்கி அரைகப் தண்ணீர் சேர்த்து சூடாக்கவும். கருப்பட்டி நன்கு கரைந்ததும் வடிகட்டி மாவில் ஊற்றி தேங்காய்த்துருவல், எள், உப்பு சேர்த்து நன்கு பிசையவும். இட்லிப் பாத்திரத்தில் பிடி கொழுக்கட்டைகளாகப் பிடித்து வைத்து 20 நிமிடம் ஆவியில் வேகவைத்து எடுத்து நிவேதிக்கவும்.

செவ்வாய், 15 அக்டோபர், 2019

துரோணர் சந்தித்த சோதனைகள். தினமலர் சிறுவர்மலர் - 37.

துரோணர் சந்தித்த சோதனைகள்.
”வில்லுக்கொரு விஜயன்” என்று நாம் அர்ஜுனன் பற்றிப் பெருமையாகக் கூறுகிறோம். இயற்கையாகவே பாண்டவரிலும் கௌரவரிலும் அவன் திறமையானவனாக இருந்தாலும் அவனை இன்னும் ஜொலிக்கச் செய்ய துரோணர் சில சோதனைகளைச் சந்திக்க வேண்டி வந்தது. அதுமட்டுமல்ல. அவர் வாழ்வே சோதனை மயம்தான் அது என்ன என்று பார்போம் குழந்தைகளே.
பரத்துவாஜ முனிவரின் புதல்வர் துரோணர். அவரின் தாய் பெயர் கிருதசி. துரோணருக்கும் கிருபாசாரியாரின் தங்கை கிருபிக்கும் திருமணம் முடிந்து அஸ்வத்தாமன் என்ற அழகான குழந்தை பிறந்தது. அவன் சிரஞ்சீவியாக இருப்பான் என்று ஈசனிடம் வரம் பெற்றுப் பிறந்தவன். துரோணர் பரசுராமரிடம் வில் வித்தை பயின்றவர். என்ன இருந்து என்ன துரோணரை வறுமை வாட்டியது.
சிறு குழந்தையான அஸ்வத்தாமன் பாலுக்கு அழும்போதெல்லாம் சாதக்கஞ்சியைப் பால் என்று புகட்டும் துயரத்துக்கு ஆளானாள் கிருபி. அப்போதுதான் துரோணருக்குத் தன் குருகுல நண்பரான துருபதன் என்ற பாஞ்சால தேச அரசன் தான் பட்டத்துக்கு வந்ததும் தன் நாட்டில் பாதியைத் தருவதாக நட்புமுறையில் சொன்ன வாக்கு நினைவு வந்தது.

திங்கள், 14 அக்டோபர், 2019

கலெக்‌ஷன்ஸ் - 2 . மை க்ளிக்ஸ். COLLECTIONS. MY CLICKS.

ஹைதையில் எங்கள் வீட்டின் அருகே உள்ள முனையில் இப்படி வளையல்களைக் கடை பரப்பி இருந்தார்கள். கண்ணாடி வளையல்களின் நிறம் கொள்ளை அழகு. சூடியாங் :)



ஞாயிறு, 13 அக்டோபர், 2019

சிவகங்கை மாவட்ட எழுத்தாளர்களுள் ஒருவராக..

தமிழ்நாடு அறிவியல் இயக்கமும் காரைக்குடி புத்தகக் கண்காட்சியும் இணைந்து நடத்தும் இரண்டாவது புத்தகக் கண்காட்சி  - 2019, காரைக்குடி சுபலெக்ஷ்மி மஹாலில் நடைபெற்று வருகிறது.


வியாழன், 10 அக்டோபர், 2019

பொன்முடி - 2 , மை க்ளிக்ஸ். PONMUDI - 2 MY CLICKS.

கேரளாவின் திருவனந்தபுரத்தில்  அமைந்துள்ளது பொன்முடி. மேற்குத்தொடர்ச்சி மலைகளின் தொடர்ச்சி இது. கடல் மட்டத்தில் இருந்து 1100 மீட்டர் உயரத்தில் இருக்கிறது.

இங்கே ஒரு சம்மருக்கு நண்பர் குடும்பத்தோடு சென்று வந்தோம். மிக இதமான குளிர். பகலில் சிறிது வெய்யில் அதிகம்தான். இங்கே ட்ரெக்கிங் செய்பவர்கள் அதிகம் என்று சொன்னார்கள். அகஸ்தியர் கூடம் , வனவிலங்கு சரணாலயம் பார்க்க வரும் கூட்டம் அதிகமாம். ஆயுர்வேத சிகிச்சைக்கூடங்களும் உள்ளன என்றார்கள்.

அதோ தெரிவதுதான் தங்கச்சிகரம் பொன்முடி.


செவ்வாய், 8 அக்டோபர், 2019

சனி, 5 அக்டோபர், 2019

அன்பாலே ஆண்டவனைக் கட்டிய பூசலார். தினமலர் சிறுவர்மலர் - 36.

அன்பாலே ஆண்டவனைக் கட்டிய பூசலார்.
ஒருவர் தன் வாழ்க்கையில் நிறைய உதவி செய்தவர்களை நினைத்து ”உங்களுக்கு மனசுக்குள்ள கோயில் கட்டிக் கும்பிடுறேன்” என்று புகழாரமாகச் சொல்வார்கள். நிஜமாகவே மனசுக்குள் கோவில் கட்டினார் ஒருவர். அதுவும் மாபெரும் ராஜா ஒருத்தர் கஷ்டப்பட்டுக் கட்டின நிஜக்கோயிலுக்குக் கூடப் போகாமல் அன்பாலே அமைந்த இந்த ஆலயத்துலதான் முதல்ல எழுந்தருள்வேன். ராஜாவே கட்டினதா இருந்தாலும் எல்லாம் அடுத்தபடிதான்னு சிவனே கனவுல சொன்னாராம். அது என்னன்னு பார்ப்போம் வாருங்கள் குழந்தைகளே.
காஞ்சி மாநகரம். கைலாசநாதருக்காகக் கற்றளியில் மாபெரும் கோவில் அமைத்துக் கொண்டிருந்தான் மன்னன் காடவர்கோன். பார்ப்பவர் அனைவரும் வியக்கும் வண்ணம் மாபெரும் யாளிகளும் சிம்மங்களும் நந்திகளும், யானைகளும் கொண்டதாக உருப்பெற்றுக் கொண்டிருந்தது அந்தக் கோவில். அதன் கொடுங்கைகள் எல்லாம் கல்லாலே அமைக்கப்பட்டு பார்ப்பவர்க்கு அதுதான் உண்மையான கைலாயமோ என்று மயக்கம் ஏற்படும் அளவுக்கு இருந்தது.
அதே சமயம் தொண்டை நாட்டில் திருநின்றவூர் என்ற ஊரில் வாழ்ந்து வந்த பூசலார் என்ற எளியவர் இறைவனுக்குக் கோயில் கட்ட விரும்பினார். ஆனால் அவரிடம் அதற்கேற்ற பொருள் வசதி இல்லை.  ஆனால் மனதிலேயே கோவிலுக்குத் தேவையான கற்கள், மரம் ஆகியன இருப்பதாக எண்ணி பூமி பூஜை செய்து திருக்கோயில் கட்டும் பணியை ஆரம்பித்தார்.

வெள்ளி, 4 அக்டோபர், 2019

சிறுபிழையும் பொறுக்காத எறிபத்தர். தினமலர் சிறுவர்மலர் - 35.

சிறுபிழையும் பொறுக்காத எறிபத்தர்
ஒருவர் சிறுபிழை செய்தாலும் பொறுக்காமல் தான் ஏந்திய மழு என்ற ஆயுதத்தால் தண்டித்து விடுவார் எறிபத்தர் என்பார். அதுவும் அவர் உயிராய்க் கருதும் சிவனடியார்களுக்குத் துன்பம் ஏற்பட்டால் பொறுப்பாரா. தன் பரசு என்னும் ஆயுதத்தைக் கொண்டு அவர்களை தண்டித்தார் ஆயினும் அவர் சிவகணங்களின் தலைவராய் உயர்ந்தார் அது எப்படி எனப் பார்ப்போம் குழந்தைகளே.
கொங்குநாட்டில் கருவூர் என்ற ஊரில் மாசி மாதம் ஹஸ்த நட்சத்திரத்தில் பிறந்தவர் எறிபத்தர். இவர் அன்பும் பண்பும் ஒருங்கே கொண்டவராயினும் சிவபக்தர்களுக்கு இடையூறு ஏற்பட்டால் பொறுக்க மாட்டார். அப்படி இடையூறு செய்தவர்களை தன் மழுப்படையால் தண்டித்து விடுவார். அவ்வளவு கோபக்காரர்.
ஒருமுறை சிவகாமியாண்டார் என்பார் சிவனுக்கு சார்த்த அதிகாலையில் எழுந்து தூய நறுமணமிக்க மலர்களைக் கொய்து தனது பூக்குடலையில் எடுத்துத் தலையில் சுமந்து கொண்டு திருக்கோயில் நோக்கிச் சென்று கொண்டிருந்தார். அந்த அதிகாலையில் அலங்காரமாக நகர் உலா வந்து கொண்டிருந்தது புகழ்ச்சோழர் என்ற அரசரின் பட்டத்து யானை. கூடவே நான்கு பக்கமும் நான்கு பாகர்களும் யானையின் மேல் அமர்ந்து அங்குசத்தால் குத்தியபடி ஒருபாகனுமாக மொத்தம் ஐந்துபாகன்கள் சூழ அது நடந்து சென்று கொண்டிருந்தது.

கலெக்‌ஷன்ஸ் - 1. மை க்ளிக்ஸ், COLLECTIONS. MY CLICKS.

கோவளம் பீச்சின் கடைகளில் எடுத்தது இந்தப் புகைப்படம்.



வியாழன், 3 அக்டோபர், 2019

டைகர் & டர்ட்டில் மாஜிக் மவுண்டன். TIGER & TURTLE MAGIC MOUNTAIN.

இரும்பு அதிகமாகக் கிடைப்பதால் ஜெர்மனியில் இரும்பிலான சிலைகள் நினைவுச் சின்னங்கள், கலைச் சின்னங்களாக இங்கே நிறுவப்படுகின்றன.

அவற்றில் ஒன்றுதான் டைகர் டர்ட்டில் மாஜிக் மவுண்டன் என்பது. இதை அடையும் வழியே மிகப் பெரிய மாஜிக்தான். கிட்டே சென்று சேரும் வரை அது ஒரு மலை என்றோ அதன் மேல் இவ்வாறான மல்டிபிள் ஸ்டேர்கேஸ்  அமைப்பு இருக்கும் என்றோ நினைத்துக் கூடப் பார்க்க முடியாது.

மாலை வேளைகளில் இங்கே நடைப்பயிற்சியாகவும் சைக்கிள் ஓட்டியும் வருகிறார்கள் மக்கள். செங்குத்தான (நெட்டுக்குத்தான ) ஏற்ற இறக்கங்கள் கொண்ட குறுகலான, முள் செடிகள் நிறைந்த பாதையில் சில இளையவர்கள் சென்றுவிட நாமோ விழி பிதுங்கி சுற்றிச் சுற்றி வந்து ரோட்டுப் பாதையில் மேலேறி வந்தோம்.

வந்தால் கண்ணைக் கட்டும் இந்த அமைப்பு நிறுவப்பட்டுள்ளது. இது பற்றிய விவரம்.. இது வடமேற்கு ஜெர்மனியின் பதினைந்தாவது பெரிய நகரமான டூயிஸ்பர்க்கில் இருக்கிறது. ஆங்கர்பர்க் என்னுமிடத்தில் குட்டிக் குன்று இருக்க அதன் மேல் கால்வனைசேஷன் ஸ்டீல் எனப்படும் எஃகிரும்புடன் துத்தநாக கோட்டிங் கலவை கொண்டு தயாரிக்கப்படுவது.

2011 இல் கட்டப்பட்ட இது இருபத்தியொரு மீட்டர் உயரம் கொண்டது. இதை அமைக்க இரண்டு மில்லியன் யூரோ செலவாயிற்றாம். ( ஒரு யூரோ = 72/ ரூ )  . இதை வடிவமைத்தவர்கள் உல்ரிச் கெந்த் & ஹெய்க் மத்தர். (ULRICH GENTH & HEIKE MUTTER )



புதன், 2 அக்டோபர், 2019

முடிவல்ல .. ஆரம்பம் – ஒரு பார்வை.


முடிவல்ல .. ஆரம்பம் – ஒரு பார்வை.


பறவைகள் வருடந்தோறும் வலசை செல்லலாம். அவற்றின் வரவுநோக்கி சொந்த தேசம் மிச்சமிருக்கிறது.  ஆனால் மனிதர்கள் வலுக்கட்டாயமாக வலசை செல்ல நேர்ந்தால் என்னாகும். தாய் தேசத்தின் ஞாபகத்திலேயே மனம் காய்ந்து சருகாகிவிடும். தாய்தேசம் இருக்கிறது ஆனால் திரும்பிச் செல்ல முடியுமா. மீள்குடிகள் புகுந்து வரலாறே புரண்டு கிடக்கும் சகதிக்காடு அகதிகளைத் தன்னோடு சேர்க்குமா.
Related Posts Plugin for WordPress, Blogger...