புதன், 22 மார்ச், 2017

சின்னவள் – ஒரு பார்வை.



சின்னவள் – ஒரு பார்வை.


அப்பாக்களுக்குத் தங்கள் பெண்கள் என்றுமே தேவதைகள். ஒவ்வொரு மனிதனும் அப்பாவாகும்போது ஆசீர்வதிக்கப்படுகிறான். அதிலும் பெண்குழந்தைகளின் அப்பாவுக்கு தாய், தாரம் மகள் என மூன்று தாய்கள். தாயிடமும் மனைவியிடமும் கடுமையாகக் கோபிக்கும் ஆண்கள் தங்கள் மகளின் கிள்ளை மொழியின் முன் குழந்தையாகிவிடுவார்கள். தந்தைக்கு வாய்த்த குட்டி சிநேகிதியாகிறாள் மகள்.


தான் தன் மனைவிக்குச் சுதந்திரம் கொடுக்கிறோமா என்று நினைத்துப் பார்க்காத ஆண்கள் கூட தன் மகள் வேலைக்குச் செல்லவேண்டும். சொந்தக் காலில் சுதந்திரமாய் நிற்க வேண்டும். அவள் மனங்கவர்ந்த ஆணை மணக்க வேண்டும் என நினைப்பதுண்டு. மகள் செய்யும் சின்னஞ்சிறு தவறுகள் கூட கண்ணில் படுவதில்லை. J மனைவியின் முன் கடுமைக்காரக் கணவன்கள் கூட மகளின் முன் விரும்பியே வெகுளித் தகப்பன்களாகிறார்கள்.

தாயுமான தகப்பன்களில் மீரா செல்வகுமாரும் ஒருவர். மூன்றே நாளில் தனது சின்னமகள் பற்றி எழுதிய கவிதைகளைப் புத்தகமாக்கம் செய்து தன் மகளின் பிறந்தநாளன்று சர்ப்ரைஸாக மனைவி கவிஞர் ஸ்வாதி முன்னிலையில் இந்தப் புத்தகத்தை தன் பெரிய மகள் சக்தியிடம் கொடுத்து வெளியிடச் செய்து சின்னமகளைப் பெற்றுக்கொள்ளச் செய்திருக்கிறார். இவ்வளவு விரைவில் புத்தகமாக்கம் செய்து அளித்த காகிதம் பதிப்பகத்தார் ( நெய்வேலி )  மிகுந்த அன்புக்கும் பாராட்டுக்கும் உரியவர்கள்.

மனதோடு பேசும் கவிதைகள், மகளோடு பேசும் கவிதைகள், படிப்பவரையே மகளாக உணரவைக்கும் கவிதைகள் என பிரியம் பேசும் கவிதைகள் அனைத்துமே. நமக்கொரு பெண்ணில்லையே என்று படிப்பவரை ஏங்கவைத்துவிடும் கவி வரிகள் அற்புதம். உணர்வுகளாலும் பாசத்தாலும் நெய்யப்பட்ட கவிதைகள்.

என்னை அசைத்த சில வரிகள்.

கூடுகள் கலைவது போல
வீடுகள் கலைந்தன.

ஒரு யானையாய்
ஒடுங்கிப் படுக்கிறேன்.

வேண்டுகிறேன்
“கார்காலம் “ !

எப்படி
இறக்கி வைக்கப்
போகிறேன் ?
அந்த இறுக்கத்தை.

சுருங்கச் சொல்லி விளங்க வைக்கும் பாணி இவருடையது.

என்னை அசத்திய சில வரிகள்.

பண்டிகை உடையினை
நீயே எடு என்கிறாள்
தேர்ந்தெடுக்க வேண்டும்
என்னை அப்பனாய்
தேர்ந்தெடுத்த
சின்னவளுக்கு.
திரௌபதிப் பாத்திரத்தின்
ஒற்றைப் பருக்கையாய்
இருக்கிறாள்
சின்னவள்.

வாதங்களால்
என்னை வெல்பவள்
பிடிவாதங்களால்
சில நேரங்களில்
தவிக்க விடுகிறாள்.

அப்பூதி அடிகள் மேலும் மெக்காலே மேலும் நமக்கும் கோபம் கிளம்புவதில் வியப்பில்லை. சமாதானமாகாத தந்தை ஒரு திருத்தொண்டனாகிறார். மருதாணி வைத்திருக்கும் மகளின் கைச்சிவப்பில் காணாமல் போகும் கோபம், பால்யத்தின் கதை கேட்டுக் கைபிடித்து வழியாவது, கால் சட்டையும் மேல் சட்டையும் மகளின் வசமாகி தந்தையைப் புதுசு எடுத்துக் கொள்ளச் சொல்லும் குறும்பு, தந்தையை அழகாக்கியபின் “ அய்யோ மிக அழகாக மாறிப்போயிருந்தது அவள் முகம் “ ” தேவதையின் வீட்டில் தினந்தோறும் தீபாவளி “ என்ற வரிகளின் செம்மை, குளியலறைக்குள் சிறைவைக்கும் சின்ன மகளின் தீர்ப்புக்குக் கட்டுப்படுவது, சைக்கிள் கற்றுக் கொடுத்தால் மகள் தன்னைத் தவிர்த்துப் போய்விடுவாளோ  என அன்பின் இம்சைகள் எங்கெங்கும்.

சப்பாத்திக்கள்ளி சாப்பாடான இளமை, சின்னவளின் விரலில் ஒரு துளி ரத்தம் கண்கசிய வைத்தது.

எவ்வளவு சொல்லியும் மகளின் மேல் கொண்ட பிரியத்தை முழுமையாகச் சொல்ல முடியவில்லையாம். தகப்பன்சாமியான மீரா செல்வகுமாரின் அன்புப் பிரவாகம் நூல் எங்கும் பெருக்கெடுத்து ஓடுகிறது. அதில் நாம் கூட நம் தந்தையின் பிரியத்தைச் சந்திக்கலாம்.

அட்டைப்படத்தில் சின்னத் தாயவளாய்ப் புடவை சுற்றி நிற்கும் தனது மகளெனும் முழுமை பெற்ற கவிதைக்குக் குட்டி தேவதைக்குப் பொக்கிஷமான இந்நூலைத் சூட்டி அழகு பார்த்திருக்கிறார் செல்வகுமார். ஒவ்வொரு தகப்பனும் தனது மகளெனும் தேவதையை பெறாமல் பெற்ற தாயை இந்நூலில் தரிசிக்கலாம்.  

நூல் :- சின்னவள் ( கவிதைத் தொகுதி )
ஆசிரியர்:- மீரா செல்வகுமார்
பதிப்பகம் :- காகிதம் பதிப்பகம், நெய்வேலி,
விலை :- ரூ 70.


11 கருத்துகள் :

மீரா செல்வக்குமார் சொன்னது…

அன்பும் நன்றியும்....

Geetha M சொன்னது…

அருமையான விமர்சனம்...

Nesam 2008 சொன்னது…

Ella appakalukkum than magalai konja theriyum, rasikka theriyum. Anaal ellarukkum kavidhai mozhi ezhudha theriyadhu. Appadi ezhuda theriyadha ovvoru thandhaiyin ullangalai kannadi pol pradhipalikum chinnaval, appakalai mattum alla ammakalaiyum kavarndhu vidugiral. Adhigam maganai konjum ammakkalum chinnavalai kondadalam. Sila varigalil ennaiyum ariyamal negizhchiyil kannil kanneer vandhu vittadhu. Adhanalo ennavo Penkuzhandhai illadha yekkathai vidhaithu vittal indha chinnaval. Kavignar Meera . Selvakumar ayya ezhudhiya ezhuthukkalai neengal azhagaga vilakiyirupadhan moolam innum milirgiral chinnaval.

ஸ்ரீராம். சொன்னது…

அழகான விமர்சனம்.

வெங்கட் நாகராஜ் சொன்னது…

நல்லதொரு விமர்சனம். புஸ்தகாவில் படித்து விட்டேன். நண்பர் செல்வாவிற்கு வாழ்த்துகள்.

G.M Balasubramaniam சொன்னது…

இரண்டாம் முறையாக சின்னவள் பற்றி வலையில்காண்கிறேன் பெண்குழந்தைகள் இல்லாதவர்களுக்கு வயசுகாலத்தில் அந்தக் குறையைத் தீர்ப்பது பேரக் குழந்தைகளே நானும் என் பேரனும் என்று பதிவில் நிறையவே எழுதி இருக்கிறேன் எல்லாமே அவர்களொரு குறிப்பிட்ட வயது வருமவரைதான் ஒரு வேளை பெண்குழந்தைகள் மாறுவதே இல்லையோ

திண்டுக்கல் தனபாலன் சொன்னது…

...அழகான விமர்சனம்...

mohamed althaf சொன்னது…

அருமை

Thenammai Lakshmanan சொன்னது…

நன்றி செல்வகுமார்

நன்றி கீதா

நன்றி நேசம்

நன்றி ஸ்ரீராம்

நன்றி வெங்கட் சகோ

நன்றி பாலா சார்

நன்றி டிடி

நன்றி மொஹம்மத்

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

Paridhaianban.blogspot.vom சொன்னது…

எங்கள் அன்புத் தோழன் செல்வா பாசக்காரன்.தோழமையின் அடையாளம் .சின்னவள் பற்றிய அறிமுகம் மிக இனிமை .நன்றிகள் தேனம்மை

Thenammai Lakshmanan சொன்னது…

நன்றி பரிதியன்பன் :)

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...