சும்மா: ஐந்தொகையும் பேரேடும் முறைச்சிட்டைகளும், அந்தக்கால எழுத்துக்களும்.

வியாழன், 2 மார்ச், 2017

ஐந்தொகையும் பேரேடும் முறைச்சிட்டைகளும், அந்தக்கால எழுத்துக்களும்.

கொஞ்சம் கணக்குப் பார்க்கலாம் வாங்க. !

ஒவ்வொரு விசேஷத்தின் போதும் நோட்டுப் போட்டு செலவைக் 661*கணக்கெழுதி வைப்பது அந்தக்காலத்து வழக்கம். பைசா சுத்தமாக டாலி ஆகிவிடும். 662.வெண்ணலை என்ற பேச்சே கிடையாது.

பொதுவாகவே செலவுக் கணக்கெழுதி வைப்பதால் வேண்டாததை வாங்கும் பழக்கம் குறைகிறது. அநாவசிய செலவு எது எனத் தெரிந்து விடுகிறது. வீட்டுச் செலவைக் கூட 663*ஐந்தொகை 664* பேரேடு போட்டு எழுதி வைப்பார்கள் சிலர்.

வருடத்துக்கு 665* உப்பு புளி வாங்குவது முதல் கொண்டு துணி மணி , நகை நட்டு, சொந்த 666.*அனுவல் செலவுகள், அன்றாட செலவுகள், கோயில் செலவுகள், திருப்பணிகள், அன்னதானம் செய்வது, படைப்பு, பூசை, பொங்கல், காவடி, மகேசுவர பூஜை, தானம் கொடுப்பது, கொடுக்கல் வாங்கல், அடுத்தவர் வீட்டு அனுவலில் 667*முறை கொடுத்தது கொண்டது, நோய் நொடிச் செலவு, பிரயாணச் செலவு, மளிகை, சந்தை, கரண்ட், தண்ணீர், பால், வேலைக்காரர் சம்பளம்,அவ்வளவும் 668*புள்ளி விவரத்தோடு நோட்டுப் புத்தகங்களில் குறிக்கப்பட்டிருக்கும்.

முன்பு 669*ஓலைகளில் குறித்து வைப்பார்கள். அது 670*நாற்பது பக்க நோட்டாக மாறி விட்டது. இப்போது மடிக்கணினி. ஆனால் யாரும் அதிகம் புள்ளி விவரத்தோடு எழுதி வைப்பதில்லை.

இடம், வீடு, மனை, வண்டி வாங்கிய/விற்ற விபரங்களும் தனித்தனி நோட்டுகளில் வரவு செலவுக் கணக்குகளாக எழுதி வைக்கப்பட்டிருக்கும்.! கையிருப்பு, வங்கி இருப்பு, சொத்து விபரம் அனைத்தும் மனப்பாடமாக சொல்லக்கூடிய மனிதர்கள் இப்போது இல்லை. எல்லாம் கணினி மயம். 671*கோயில் இடத்தை லீசுக்கு எடுத்து வீடுகள் கட்டி வாடகைக்கு விடுவதுண்டு. அந்த நோட்டுகளும் இதில் இருக்கும்.

வீட்டில் ஏகப்பட்ட அனுவல்களில் எழுதப்பட்ட நோட்டுப் புத்தகங்கள் இருந்தன. அவற்றை அம்மா ஒருநாள் 672*கைப்பொட்டியில் இருந்து கொண்டுவந்து கொடுத்தார்கள். நமக்கு ப்லாக் போஸ்ட் ஆச்சே. மேலும் ஆவணப் படுத்தலாம் என்று வைத்திருந்தேன்.

673*பேரேடு என்பது அளவில் பெரிய நோட்டாக இருக்கும். அதில் பற்று வரவு இருக்கும். 674*ஐந்தொகை என்பதும் பெரிய நோட்டுதான். இதில் வரவு செலவைப் பிரித்துத் தனித்தனியாக 675*ஹெட்டர் போட்டு எழுதி இருப்பார்கள். இது இரண்டும் இதில் நான் பகிரவில்லை. இதிலிருப்பது எல்லாம் அனுவலில் வைத்த சாமான்கள், அதற்கு ஆன செலவுக் கணக்குகள் மட்டுமே.

திருமணம் மட்டுமல்ல, குடிபுகுதல், மார்கழி திருவாதிரைப் புதுமை, 676.*காப்புக்கட்டுப் புதுமை, சூள்பிடி, தீர்த்தம் குடித்தது, மருந்து குடித்தது, தீர்த்தமாடப் போனது, விளையாட்டுப் பொட்டி வேவு, பிள்ளை பிறந்தது, சமைந்தது, கேதம் என நல்லது கெட்டது அனைத்திற்கும் கணக்கு வழக்கு உண்டு. அதே போல் திருமணம் போன்ற ஒவ்வொரு விசேஷத்திற்கும் 677* முறைச்சிட்டை என்று ஒன்று உண்டு. கொடுத்ததுக்கெல்லாம் கணக்கு வைச்சிக்கணும். :) யார் யாருக்கு என்னென்ன கொடுத்தோம்னும் கணக்கு வைச்சிக்கணும். :)

678*திருமண சீர் சாமான் சிட்டைகள் என்றொரு நோட்டு உண்டு.பெண்ணுக்குத் தாய் வீட்டில் கொடுத்த சாமான், மாமியார் வீட்டிலிருந்து பெண்ணுக்குப் பரப்பி வைத்த சாமான், மாப்பிள்ளைக்குப் பெண் வீட்டார் வைத்த சாமான், பெண் வீட்டிலிருந்து மாமியாருக்குக் கொடுத்த சாமான், 679*மருமகளை வேற வைப்பதற்குத் 680*தீஞ்சாமான் ( தனிக்குடித்தனம் வைப்பதற்குக் 681. கொட்டிக் கொடுப்பது) கொடுப்பது, என எழுதி வைப்பார்கள்.

682* பேசி முடித்துக் கொண்டதற்கு என நோட்டில் எழுதி மஞ்சள் தடவி வைப்பார்கள். 683*திருமணம் முடிந்து முதல் மூன்று வருடங்களுக்கு தீபாவளி, பொங்கல், பிள்ளையார் நோன்பு ஆகியவற்றுச் சீர் கொடுக்க நோட்டுகள் உண்டு.

அதே போல் என்னென்ன முறைக்கு/பண்டிகைக்கு என்னென்ன சாமான்கள் 684*பலகாரங்கள் எனவும் எழுதிக் கொள்வார்கள். இப்போது எல்லாம் பணமயம். திருமணத்தின்போதே அனைத்துக்கும் ஒரு தொகை. இல்லாவிட்டால் இருவீட்டிலுமே இது வேண்டாம், எதற்கு என்று மறுத்து விடுகிறார்கள்.

என் அத்தைகளின் திருவாதிரைப் புதுமை. இதில் இன்னொன்றையும் கவனிக்கலாம். 685* உ சிவமயம் என்றுதான் ஆரம்பிப்பார்கள். 686* உள் பக்கம் அவரவர் வணங்கும் கடவுள் துணை போட்டிருப்பார்கள். இதில் 687*அண்ணாமலையார் துணை என்று போட்டிருக்கின்றார்கள். அதே போல் வருடத்தை 688* வரு என்று சேர்த்து எழுதுவார்கள். தமிழ் மாதத்தை 689*ன்மீ என்றும் தேதியை 690* உ என்றும் எழுதுவார்கள்.

691* எழுதும் முறை. ப் - ப, - க் - க, க் - கு சேர்ந்து வந்தால் அதைச் சேர்த்து ஓரெழுத்தாகவே எழுதுவார்கள். அதே போல் 692* புள்ளிகளை அழுத்தம் திருத்தமாக வைப்பார்கள்.

மேலும் 693* தமிழ் மொழியில்தான் எண்களை எழுதுவார்கள். க என்றால் ஒன்று. உ என்றால் இரண்டு. ங என்றால் மூன்று.

694* ரூபாய்- அணா - பைசா விபரத்தில் நோட்டில் குறிக்கப்பட்டிருக்கும். துவரம்பருப்பு 25 படியும் உளுந்தம் பருப்பு 30 படியும் 65/- ரூபாய்க்கு வாங்கி இருக்காங்க :) !

695 * வரவு, செலவு & மிச்சம் :)

என் சின்ன அத்தையின் திருமணம் 696* கெட்டி செய்துகொண்ட விபரம்.

697* ஸ்ரீதனம்.

698*ரூபாய் 3500/- என்பது அப்போது ஒரு வராகன்.

699*வெள்ளியையும் வராகனெடையில்தான் குறிப்பிடுவார்கள்.

700* வைரமோதிரம், கைக்கெடிகாரத்தோடு, சிவப்பு ஓலைக்கொட்டான் வந்தவர்களுக்குப் பாக்குப் பணம் கூடக் குறிப்பிட்டிருக்கின்றார்கள். !

701* ஸ்ரீ தெண்டாயுத பாணி துணை. இது எனது பெரியப்பத்தா திருமண வீட்டில் வைத்த வெள்ளிச் சாமான்களின் விபரம் அடங்கிய நோட்டுப் புத்தகம். !!! ஓ மை காட். ஏறக்குறைய 80 வருடத்துக்கு மேற்பட்டது !

இதில் க என்றால் ஒன்று. உ என்றால் இரண்டு. ங என்றால் மூன்று. இரண்டு இருந்தால் 702* ஜோடி என்றும் , பல பொருட்கள் கொண்டது என்றால் 703* உருப்படி இத்தனை என்றும் எழுதுவார்கள். மூடி இருந்தால் மூடியுடன் என்றும் குறிப்பிடுவார்கள். :)

இது அவர்கள் மகள், எங்கள் பெரிய அத்தை சரஸ்வதி அவர்களுக்கு வைத்தது.

704 * 1923 ஆம் வருட நோட்டு ! அதுவும் இரங்கோனில் இருந்து ஆங்கில தமிழ் எழுத்துக்களில் ப்ரிண்ட் செய்யப்பட்டது !.

சரஸ் - பெரியத்தையின் திருவாதிரைப் புதுமை.

அத்தையின் திருமணத்தில் வைத்த மற்ற சாமான்கள் விபரம். 705* வீட்டில், வைத்த, புஸ்தகம் என்பதை எல்லாம் சேர்த்து எழுதி இருக்காங்க பாருங்க. அதே போல் புள்ளிகள் அழுத்தம் திருத்தமாக அம்சமா இருக்கு :)

706* நில விளக்கு, விளக்கிடுகிற சட்டி, கடகால் வாளி, கொட்டான், கூஜாச் சொம்பு, கம்போஸாத் தாம்பாளம், சிலேட்டு விளக்கு, பிள்ளையார் நோம்பு அடுக்குச் சட்டி, மைசூர் அடுக்கு, மாப்பிள்ளை, பெண் சாப்பிடுகிற ப்ளேட், லோட்டா, ஐஸ் டம்ளர், நெய்ச்சட்டி என எழுத்துக்களும் பாத்திரங்களின் பேர்களும் வித்யாசம் !

707* காப்பி டவறா !, கிலுக்கி, பொங்கி மரவை, கரகச் செம்பு, சோத்துக் கரண்டி , தாளம் ஜோடி, குலம்வாழும் பிள்ளை, மூக்குப் போகணி, குழவி, கத்திரிக்காய்.

708* கொப்பி கொட்டுறது உருப்படி 13 - 1 செட், ஏடு எழுத்தாணி, மருந்துக்கிண்ணம், முக்காலி, உலக்கைப் பூண்.

அத்தை திருமணத்தில் செய்த நகைகள் விபரம். 109* அப்போது காசு மாலை, மாங்கா மாலை, ஒட்டியாணம், காதில் பலவித அணிகள், வைரத்தோடு, மூக்குத்தி, காப்புகள், ப்ரேஸ்லெட்டுகள், ப்ரூச்சுகள், கையில் வங்கிகள், காலில் கொலுசு, மூன்று அல்லது ஐந்து வைர நகைகள் என விதம் விதமாகப் போடுவார்கள்.

அப்போவெல்லாம் 710* அறுபத்துநாலு பக்க நோட்டுப் போல இருக்கு ! இந்த நோட்டில் விலை இரண்டணா ஆறு பைசா. என் அப்பாவின் காப்புக் கட்டுப் புதுமைக்கு ( முதலாம் பிறந்தநாள் விழா ) செய்த செலவுக் கணக்கு விபர நோட்டு. :)