நெட் போதை

விடிந்ததும் எழுந்ததும்
லாப்டாப்பின் சுவிட்சை
சொடுக்குவதுதான் சுப்ரபாதம்...
தூக்கம் கண்ணை கழட்டும் வரை..

பல்தேய்த்துக் கொண்டே
ஜிமெயில்., யாஹூ., வலைத்தளம்
மேய்ந்தது போக இப்போது
அதிபோதை உச்சமாக முகப்புத்தகம்...

காபியோடு ஒரு குட்மார்னிங் டாகிங்.,
டிபனோடு ஒரு வியூ நோட்.,
லஞ்சோடு ஒரு போட்டோ டாகிங்..,
டின்னரோடு ஒரு குட்நைட் டாகிங்..


யாராவது எதிலாவது
டாக் செய்யாவிட்டால்
இருக்கிறோமோ என்ற சந்தேகம்..

வாரம் ஒரு முறையேனும்
ப்ரொஃபைல் பிக்சர் மேனியாவில்
புகைப்படம் மாற்றி..,

பாத்ரூமில்தான் எடுப்பதில்லை..
காபி குடிப்பதும்., குழுவாய் சந்திப்பதும்.,
ஃபோட்டோ கமெண்ட்ஸ் போடுவதுவும்..,
பாட்டுக்கள் கேட்பதுவும்..,

நோட்டிஃபிகேஷன் வைரஸில்
பாராட்டித் தீர்ப்பதும்.,
ஹோமில் நுழைந்து
எல்லாவற்றையும் விரும்புவதும்...,

கமெண்ட் போடுவதும்.,
ஸ்மைலி போடுவதும்...,
போட்ட கமெண்ட்ஸை லைக்பண்ணுவதும்..,
டவுன்லோடு செய்வதுவும்.,

லிங்குகளை அடுக்குவதும்..,
மெயிலில் டாக் செய்து படுத்துவதும்..,
குருப்பிலோ., ஃபான் க்ளப்பிலோ
சேரச்சொல்லி அழைப்பதுவும்..,

யம்மா யம்மா யம்மம்மா.,
புசிப்பவை ருசிப்பவை
(கஞ்சா.,பீடி., சிகரெட்., சுருட்டு.,
பான்., ப்ரவுன் சுகர்., ஹஷீஷ்.,
ஹெரோயின்., பெத்தடின்.,
பாக்கெட் சாராயம்., மது., கள்ளு.,
சொண்டிச் சோறு., போதை ஊசி.,)
மட்டும் போதையில்லை..

அதிதீவிரமாகக் களைய...
திருத்த வேண்டிய போதை இது..
இதில் ஆழ்ந்து முயங்கி
நேரம் காலம் இல்லாமல்..,

உணவு உண்ணாமல்.,
ஒழுங்காக உறங்காமல்.,
கழுத்தெலும்பும் கண்ணும் பழுதாகி.,
மனிதன் தின்னும் வலையில்
வலை தின்னும் மனிதனாகி..,

வருங்கால நோவு இதுதான்..
வரையறுத்துக் கொள்ளுங்கள் நேரத்தை..
வெர்ச்சுவல் சாட்டிஸ்ஃபாக்‌ஷனில்
வீணாகி விடாமல்..

டிஸ்கி 1:- சர்வதேச போதை ஒழிப்பு தினக் கவிதையாக 26. 6 2010 யூத்ஃபுல் விகடனில் வெளிவந்துள்ளது..

டிஸ்கி 2:- அன்பு நண்பர் அஜயன் பாலாவின் 115 தமிழ் அறிஞர்களின் வாழ்வியல் குறிப்பு கொண்ட நூல் தமிழிலும் ஆங்கிலத்திலும் வெளிவந்திருக்கிறது.. வாழ்த்துக்கள் அஜயன்.. பகிர்வுக்கு நன்றி மணிவண்ணன்..

டிஸ்கி 3 :- செம்மொழி மாநாட்டுப் பட்டிமன்றத்தில்
பங்கேற்ற அன்பு நண்பர் S.Ve. சேகருக்கு
வாழ்த்துக்கள்.