அன்பின் நியோ. ....இது எதிர் பதிவு அல்ல.. தன்னிலை விளக்கம்..

அன்பின் நியோ..

முதல் முதல் என் தளத்தில் பின்னூட்டமிட்டு இருந்தீர்கள்,. மகிழ்வாய் இருந்தது.. நான் இதுவரை 200 இடுகைகளுக்கு மேல் எழுதி இருக்கிறேன்..
எதிர் கருத்துக்கள் எதுவும் இதுவரை இல்லை.. எனவே நானும் எதிர் இடுகைகளோ., எதிர் கவுஜைகளோ எழுதியது இல்லை. சந்தர்ப்பம் வாய்த்ததுமில்லை.. இதுவும் எதிர் இடுகையோ .. மறு வினையோ அல்ல. ஒரு தன்னிலை விளக்கம்தான்..

எந்தக் காலதிலும் வலைப்பதிவர் ஒற்றுமை எந்தக் காரணத்தாலும் குலையாமலிருக்க வேண்டும் என எண்ணுபவருள் நானும் ஒருவள்..
குடும்பம் ., குழந்தை., விருந்தினர் ., விடுமுறை., சுற்றுலா.. என்ற பல விஷயங்களுக்கு நடுவிலும் தான் நினைத்தவற்றைப் பகிர பெண்கள் வலைத்தளத்தில் எழுதி வருகிறோம்.. கவிதையோ., கட்டுரைகளோ., சமையல் குறிப்போ., தையலோ.. எல்லாம்.. முடிந்தவரை அனைவரும் சிறப்பாகவே கொடுக்கிறார்கள்..


ஆனால் போபால் விஷவாயு சம்பவத்தின் மேல் அனைவருக்கும் இரக்கம் உண்டு .. அதனை சரியான முறையில் வெளிப்படுத்த சமயம் வாய்க்கவில்லை என்றே கருதுகிறேன்... நீங்கள் சொன்ன 30 பதிவர்களில் சிலர் பெயரைத்தான் நான் அறிந்திருக்கிறேன்.. படிக்க இயலாதது நேரக் குறைவே தவிர.. வேண்டாம் என்பதல்ல.. சில நாட்கள் முன்பு நடந்த சில மனஸ்தாபங்கள் கூட எனக்கு சரிவரத் தெரியாது.. எல்லாம் சரி ஆகிவிடும் என நினைக்கிறேன்..

என்னுடைய பதிவில் இடுகை இடுவது., மற்றையோருக்கு பின்னூட்டமிடுவது., மேலும் மற்றதோழமைகள் (முகப்புத்தகத்தில்) நம்மை டாக் செய்யும் இடுகைகளுக்கு பின்னூட்டம் இடுவது என நேரம் போதவில்லை.. எந்நேரமும் அமர முடிவதில்லை.. ஒரு மணி நேரத்தில் 10 வலைத்தளங்கள்தான் வாசித்துப் பின்னூட்டமிட முடியும்.. அதுவும் வீட்டிலுள்ளோர் என்ன எந்நேரமும் இதில் என கோபித்துக் கொள்ளாமலிருந்தால்., நெட்டோ ., கரண்டோ பிரச்சனை இல்லாமலிருந்தால்.., குழந்தைகள் தொந்தரவு செய்யாமலிருந்தால்.. .... இத்தனையும் உங்களுக்கு இருக்காது என எண்ணுகிறேன்..

நடுவில் ஒரு பத்ரிக்கைக்காகவும் செயல் படுவதால்.. பல் முனைப்போடு செயல் பட வேண்டியுள்ளது..

நான் கல்லூரி முடித்த சமயம் .. அதைக்கேட்டு எவ்வளவு கோபம் வந்தது எவ்வளவு துடித்தேன் என்பதெல்லாம் உங்களுக்குத் தெரியாது.... அப்போது எல்லாம் பெரும்பாலும் பத்ரிக்கைகள் மூலம்தான் தெரியும். தொலைக்காட்சி அரிது.. அப்போது புதுமைப் பெண்கள் போல இருந்த கோபம் இல்லை எனினும் கழிவிரக்கம் ஏற்படுகிறது இப்போதும்... சிலவற்றை நினைத்து வருந்த முடிகிறதே தவிர .. பகிர முடிவதில்லை... என் செய்ய..

இதில் நிச்சயம் எங்களுக்கு போதிய விவரங்கள் கிடைக்கவில்லை ., சேகரித்து இடுகை இட நேரம் கிடைக்கவில்லை என்பதே உண்மை.. நிச்சயம் ஒரு பெண் சம்பந்தப் பட்டிருந்தால் உங்களுக்கு அறிவு பூர்வமான இடுகைகளை விட உணர்வு பூர்வமான இடுகைகள்தான் அதிகம் வந்து இருக்கும்.. எதையும் காக்கும் சக்தியும் நாங்கள்தான் எதையும் மனதளவில் தாங்க இயலாத சக்தியும் நாங்கள்தான்..

ஒரு பொது நிகழ்வில் .. எல்லோருடைய பங்களிப்பும் இருக்க வேண்டும் அதிலும் பெண்களும் ஈடு பாடு காட்ட வேண்டும் என்ற உங்கள் ஆதங்கம் எனக்குப் புரிகிறது.. நாங்களும் முயல்கிறோம்.. முடிந்தவரை எதனைப் பற்றியும் நன்கு தெரிந்தே கருத்துச் சொல்ல வேண்டும் என நினைக்கிறேன்.. நண்பா..

எழுதி வைத்த இடுகைகள் சில கூட தாமதமாகத்தான் வெளியிட நேரிடுகிறது.. எதற்கு நேரம் வேண்டும் முதலில் ..

எனவே நேரக் குறைவு.. என்பதுதானே தவிர அக்கறை இல்லை ஈடுபாடு இல்லை., கவலை இல்லை என்பதல்ல.. புரிந்து கொள்வீர்கள் என நினைக்கிறேன்.. எங்களை.. என்றும் நட்புடன் அன்பு அக்கா தேன்..

வலைப்பதிவர் ஒற்றுமை ஓங்கட்டும்..!
என்றும் நம்முள் வலிமை பெருகட்டும் ..!!

டிஸ்கி..:- எல்லாரும் எனக்கும் நியோவுக்கும் ஏதோ மிஸண்டர்ஸ்டாண்டிங் என நினைக்கிறார்கள்.. அப்படி எதுவுமே இல்லை... எனவே அவரின் இந்த இ்டுகை இணைப்பை இங்கே கொடுக்கிறேன்..
போபால் விபத்தில் எந்த ஒரு பெண்ணும் உயிர் இழக்கவில்லை..