சும்மா: க்ளார்க்ஸ் டேபிளும், கர்ணனின் கவசமும்.

திங்கள், 2 மார்ச், 2015

க்ளார்க்ஸ் டேபிளும், கர்ணனின் கவசமும்.

141. கொடைக்கானலில் கோக்கர்ஸ் வாக் மாதிரி இந்த ஹோம்பேஜ் லைக்கர்ஸ் வாக்.. ஹிட் அண்ட் ரன்..:)

142. ஒரு முறை ருசித்துவிட்டால் பணத்தின் ருசியைப் போல எந்த உணவும் ருசிப்பதில்லை.

143. நெருங்கி வருபவர்களுக்கெல்லாம் ஒன்றென்றால் துடிக்கும் மனது. அவ்வப்போது அனைத்திலிருந்தும் விலக்கி வைக்கிறது.

‪#‎ஞானம்‬

144. வேலை செய்பவர் விம்பாரைக் கரைப்பதும் பிள்ளைகளைக் காய் வாங்க அனுப்பினால் விலையும் பெரிதாகத் தெரிவதில்லை. -- கடமையைத் தட்டிக்கழிச்சிட்டோம்னு சந்தோஷமோ.. :)

#நாமே இவற்றைச் செய்யும்போது எல்லாத்திலும் கஞ்சூஸாகி விடுகிறோமே..:)

145. வஸ்தாதுகளையும் பிஸ்கோத்து ஆக்கிவிடுகிறது காலம்.
பிஸ்கோத்துகளையும் வஸ்தாது ஆக்கிவிடுகிறது காதல்..:)

# Fakhrudeen Ibnu Hamdun அருமை.

இதையே வெண்பாம்'ல சொல்லப் பார்க்கிறேன்:

வஸ்தாதும் பிஸ்கோத்தே வன்மைமிகு காலத்தில்
பிஸ்கோத்தே பிஸ்தான்னா லவ்வு

146. ---எங்க அண்ணன் க்ளார்க்ஸ் டேபிள் கேட்டுச்சு.
---அப்பிடின்னா.. அப்பிடி ஒரு டேபிள் எங்க வீட்ல இல்லையே..
---லாகிர்தம் புக் இருக்கா.. அதுதான்..
--- அதுவா இருக்கே.. இந்தா.. ( ஙே)
--‪#‎எட்டாம்_வகுப்பிலேயே_பல்பு_வாங்கியோர்_சங்கம்‬.

147. யார் சொல்வதையும் காது கொடுத்து ஒருவர் கேட்காவிட்டால் அவர் சொல்வதைக் கேட்க கடைசியில் யாரும் மிஞ்ச மாட்டார்கள்.

148. மழை நூலைப் பிரித்து விளையாடுகிறது காற்று.
நிறுத்தி வைக்கப்பட்ட இடத்திலிருந்து கிளம்பி நாளை மழையோடு மழையாய் ஹுசைன் சாகரில் கரைந்து விட
ஆயத்தமாயிருக்கிறார் விநாயகர். சாய் குடித்தபடி காத்துக்கொண்டிருக்கிறார்கள் வாத்தியமிசைத்து நடனமாடி இரவை உடைப்பவர்கள். பழக்கமில்லாத ஒவ்வொன்றும் பழக்கப்பட்டதாகி விடுகின்றது. ஒவ்வொரு ஊருக்கும் நாம் புதியவர்களாகிவிடுகிறோம் ஆண்டொன்று போனால் வயதொன்று ஆனாலும் . அறியாதவர்களின் விழி விரியும்போது நம் முகங்களும் புதிய முகங்களாய் மாறிவிடுகின்றன. நாமும் காத்திருக்கிறோம் விநாயகரைப் போல்.

149.அட அப்ரெண்டீசுகளா. 2013 , 2009 ல வந்த போஸ்ட் எல்லாம் கமெண்ட் போட்டு நோட்டிஃபிகேஷன் வருது.நீங்கள்ளாம் இத்தன நாளா தூங்கிட்டுருந்தீங்களா.

‪

#‎டாக்_புண்ணியவான்களே_எத்தனைபேரு_கிளம்பியிருக்கீங்க__
ரிலீஸ்_ஆகி_ஆகி_கைவலிக்குது‬.

150. தமிழே தெரியாத நம் நண்பர் லிஸ்டில் இல்லாத சிலர் நம் தமிழ்ப் பதிவை லைக் பண்ணும்போது தோணுது .. மொழிபெயர்த்துப் படிச்சு லைக் போடுறாங்களோ என்னா ஒரு தமிழ்ப் பற்று.. அடடா.. !!!

151. டின் டின், ஆஸ்ட்ரிக்ஸ், ஹாரி பாட்டர், வேதாளர், ரிப்கெர்பி, சிஸ்கோ பாஞ்சோ,இரும்புக்கை மாயாவி, லேடி மாடஸ்தி, மாண்ரெக் லொதார், ஜானி,
இவங்க புத்தகம் எல்லாம் & பாப்பா மலர், பாலமித்ரா, அம்புலி மாமா, கோகுலம். இதெல்லாமும் எனக்கு ரொம்ப ரொம்பப் பிடிச்சது மலர் அடிக்க வராதீங்க.

152. மனசைக் கொடுமைப்படுத்த எத்தனை வழி வைத்திருக்கிறோம். அதில் நான் யார் எதைச் சார்ந்திருக்கிறேன். என் பெருமிதம் என்ன என்ற இசைகேடு எண்ணமும் பங்கு வகிக்கிறது.

153. கற்பிதப் பெருமைகள் கர்ணனின் கவசமாய்ப் பொருந்தி இருக்கின்றன. ப்ரபஞ்சத்துடன் கலந்து கிடக்கிறது ஆன்ம நிர்வாணம். மரண பர்யந்தம் உரிக்க இயலா உடையுடன் போராடிக்கொண்டிருக்கிறது உடல்.

154. மதம் பீடித்து மடிந்து கிடக்கிறது சாதீ. ஒட்டிக்கொண்டிராத ஒன்றின்மேல் பற்றுதலாய் மொய்த்துக்கொண்டிருக்கிறது மன ஈ.

155. பட்டாம்பூச்சிகள் பறந்தபின்னும் பூக்களின் வெளியில் சிதறிக்கிடக்கின்றன நிறங்கள். மகரந்தமெடுத்த கால்களில் தொற்றிச் செல்கின்றன தேன் துளிகள். பறக்குமுன் சிதறிய முன் மகரந்தங்களால் சூலுற்றுக் குவிகிறது பூ. இரவின் ரகசியத்தில் எங்கோ சிறகடித்துக்கொண்டிருக்கிறது ஏதோ ஒரு பட்டாம் பூச்சியும் நாணமுற்றுக் கவிழ்கிறது ஏதோ ஒரு பூவும்.

156.நிறைய விஷயங்களில் நாம ஞானத் தெளிவோட இருக்கதா நாமே நினைச்சுக்குறோம். விஷயம் வீர்யமா தாக்கக்கூட வேண்டாம். வெளிப்பட்டாலே போதும் நாம் எவ்வளவு அஞ்ஞானியா பாசம் வச்சிருக்கோம்னு புரியும்.