அகநாழிகை ..... ஒரு புத்தகப்பிரியர்

புத்தகங்களைப் படித்துவிட்டு அலமாரிகளிலோ,
ட்ரங்குப் பெட்டிகளிலோ ,எடைக்கோ போடுவது
அறிந்ததுதான்... ஆனால் படுக்கையிலும் இரண்டு
அடிக்கு புத்தகங்களுடன் வாழ்பவர் சாரு.. இதில்
எனக்கு அவர் மீது ஏற்பட்ட வியப்பைவிட அவர்
மனைவி அவந்திகாவின் மேல்தான் வியப்பு
அதிகம்.. "மனைவி அமைவதெல்லாம் இறைவன்
கொடுத்த வரம்".. "சாருவுக்கு மகனும் கூட"..

சாருவின் சில பல கதைகள் கட்டுரைகள் படித்து
இருந்தாலும் ... நன்கு பழகிய ஒருவரை நீண்ட
நாட்களுக்குப் பின் ஒரு ரயில் பயணத்தில் சந்தித்து
கையசைத்துப்பிரியும் வலியை ....அவர்
வார்த்தைகளில் படித்தபோது இன்னும் அதிகமாக
உணர முடிந்தது ...


அகநாழிகை வெளியீட்டு விழாவில் சாரு வந்த
போது தன்மனைவி உடல் நலமில்லாமல்
ஆஸ்பத்திரியில் படுத்திருந்தபோதும் (தற்போது
நலமாக வீட்டில் இருப்பதாக குறிப்பிட்டார்) தான்
புத்தகங்கள் படித்துக் கொண்டிருந்ததாகவும் கூறினார்
அஜயன் பாலா கூறும்போது நிறைய பேர் சாருவின்
வெறித்தனமான ரசிகர்களாக இருப்பதைக்
குறிப்பிட்டார் .ஆனால் சாருவின் எழுத்து பற்றி
கேட்டால் ஒன்றும் தெரியாது என்றும் ஆனாலும்
சாருவைப் பிடிக்கும் என்றும் சொல்பவர்கள்
அதிகம் என்றும் தெரிவித்தார்..

சுஜாதா, ஜெயகாந்தன் நிறையப் படித்து
இருக்கிறோம், சாருவும் கூட ஆனால் தற்போது
கேட்டால் அவர்கள் நம்மிடம் உருவாக்கிய
கருத்துக்கள். எண்ணப் பகிர்வுகள் தாக்கங்கள்
இவற்றைப்பகிரலாமே தவிர ஒவ்வொரு கட்டுரை,
கதை பெயர் ,கதாபாத்திரம் என விளக்கிவிட
முடியாது ..நம் எண்ணங்கள் நிறைய எண்ணங்களின்
தொகுப்பாக தற்போது வலைத்தளம் மூலம்
இன்னும் விரிவுபட்டதாக இருக்கிறது ... சாருவின்
கோணல் பக்கங்கள் மற்றும் நளினி ஜமீலா பற்றிய
பதிவு அருமை எனலாம்.. இன்னும் தன் சுய விருப்பு
வெறுப்புகளையும் எந்தவித தயக்கமுமில்லாமல்
பகிர்ந்துகொள்ளக்கூடியவர் சாரு.. தன்னையே
சாத்தான் என்று சொல்லிக் கொள்ளக் கூடிய
தைரியம் மிக்கவர். எழுத்தில் எந்தப் பாசாங்கும்
இருக்காது .

தற்போது தன்னுடைய புத்தக வெளியீட்டு
விழாவில் கல்கியை ஒரு புத்தகம் வெளியிடச்
செய்து ஒரு சின்ன அட போட வைத்து விட்டார்..
பத்து புத்தகங்களை ஒரே நேரத்தில் வெளியிட்டு
என் மதிப்பில் இன்னும் உயர்ந்து விட்டார் சாரு..

புத்தக வெளியீட்டின் போது பூங்கொத்தைப் பெற்றுக்
கொண்டதும் பூக்களைப் போன்றதொரு புன்னகை
செய்தார் சாரு.. இருவரும் சமவயது காலத்தவர்கள்
தானென்றாலும் ஞாநி பெரிய சகோதரர் போலவும்
சாரு சின்ன சகோதரர் போலவும் இருந்தார்கள்..
தமிழில் பேசுவது .,எழுதுவது .,மற்றைய கருத்துக்
கள் மற்றும் முழு நேர எழுத்துப் பணியில்
இருப்பது ., சுதந்திரமான எண்ணங்கள் கொண்ட
படைப்புகள் எல்லாவற்றிலும் இருவரும் ஒரே
மாதிரி இருந்தார்கள் ..

நமக்கு முன்னோடிகளான சு.ரா. போன்றவர்களின்
எழுத்துக்களுக்கு பதில் குறிப்பு எழுதுவதும்
ஞாநியின் "ஓ பக்கங்களுக்கு" பதிலடியாக
"ஒளவ் பக்கங்கள்" எழுத நினைத்ததாக குறிப்
பிட்டதும் , சாதீய மனோ பாவத்தோடு இருப்பவர்
களாக மற்றவர்களைச் சித்தரிப்பதும் சிறிது
நெருடலாக இருக்கிறது..

நொச்சிக்குப்பம் சென்று தன் கணவருக்காக மீன்
வாங்கி வந்து கருவாடு செய்துதரும் அவந்திகாவின்
கணவராக இருக்கும் சாரு( இந்தப் பகிர்விற்குப்
பிறகு தான் -- அதாவது அவந்திகா தனக்கு மட்டு
மல்ல -- தன்னைச் சுற்றி இருக்கும் அனைவருக்குமே
பரிந்து உவக்கக் கூடியவள் என்ற -- சாருவின்
வார்த்தைகள்தான் பிடித்ததாய் இருக்கிறது) வெறுப்
புணர்வு அற்று எழுத வேண்டும் என்பதே என்
போன்ற வாசகியரின் விருப்பம்..

அவந்திகாவின் சாருவிற்கு --புத்தகங்களின்
பிரியருக்கு -- இது ஏற்புடையதாக இருக்கு
மென நினைக்கிறேன் ..