ரியாத் தமிழ்ச்சங்கம் - கல்யாண் நினைவுப் போட்டியில் மூன்றாம் பரிசுக்கு நன்றி.

கல்யாண் நினைவு கவிதைப் போட்டியினை என்னுடைய வலைத்தளத்தில் பகிர்ந்திருந்தேன். அதன் முடிவுகள் வெளியாகி விட்டன. அதில் தோழி கீதா முதல் பரிசும், சஹிதா இரண்டாம் பரிசும் ,  நான் மூன்றாம் பரிசும், தோழி ராமலெக்ஷ்மி ராஜன் சிறப்பு ஆறுதல் பரிசும் பெற்றிருக்கிறோம்.

நன்றி ரியாத் தமிழ்ச் சங்கத்துக்கும், நடுவர்கள் அபுல் கலாம் ஆசாத், ராஜ சுந்தர் ராஜன், மற்றும் நம் அன்பிற்குரிய நண்பர் பாரா என்ற பா ராஜாராம். :)


முக்கியமா இதை முகநூலில் பகிர்ந்திருந்த நண்பர் திரு ஷேக் முகம்மதுவுக்கும், முகநூலில் நான் இருந்த அந்த நேரம் அதில் கமெண்ட் செய்திருந்த அன்பு சகோ ஸ்டார்ஜனுக்கும் ஸ்பெஷல் நன்றிகள். :) 

ஸ்டார்ஜன் போட்ட கருத்தை ஒட்டியே இதைப் பகிர்ந்தேன். பரிசு கிடைத்த விபரம் அறிந்தபின் ஷேக் முகம்மது யார் எனத் தேடி நட்பு அழைப்புக் கொடுத்து நண்பராக்கிக் கொண்டேன்.  நடுவர் குழாமில் ஒருவர் ”இது சிறப்பான வாழ்வியல் பார்வை கொண்ட கவிதை “ என்று கூறினாராம். 

நாமும் பங்குபெறுவோம் என நினைத்துத்தான் ட்ராஃப்டில் இருந்ததை அனுப்பினேன். இன்னும் சிறப்பான கவிதையை அனுப்பி இருக்கலாமே என இப்போது நினைக்கிறேன்...   :) எனினும் நன்றி நட்புள்ளங்களுக்கு.

/////அன்புடையீர்,

ரியாத் தமிழ்ச்சங்கம் எழுத்துக்கூடம் நடாத்திய கல்யாண் நினைவு - உலகளாவிய கவிதைப்போட்டியின் முடிவுகள் அதிகாரபூர்வமாக அறிவிக்கப்பட்டிருக்கிறது.உலகமெங்கிலிருந்தும் பலநூற்றுக்கணக்கான கவிஞர்கள் பங்கேற்றிருந்த இப்போட்டியில்
வென்றவர்கள் பட்டியல் இதோ...

முதல் பரிசு : (ரூபாய் 5000/-)
கவிதாயினி.திருமதி கீதாசங்கர் Geetha Shanker நைஜீரியா

இரண்டாம்பரிசு : (ரூபாய் 3000/-)
கவிதாயினி.திருமதி சஹிதா அக்பர் Shahidha Shahi புதுக்கோட்டை

மூன்றாம் பரிசு : (ரூபாய் 2000/-)
கவிதாயினி.திருமதி தேனம்மை லட்சுமணன், தேனம்மை லெக்ஷ்மணன் கவிதைகள் கும்பகோணம்.

*
சிறப்பு ஆறுதல் பரிசுகள் (ரூபாய் 1000 பரிசு)

1. கவிஞர்.திரு. கணேசகுமாரன் Ganesa Kumaran, நாகை, சென்னை
2. கவிஞர்திரு. ஜவஹர்லால் ,தூத்துக்குடி
3. கவிஞர்திரு. கலாம் ஷேக் அப்துல் கதிர், துபாய்
4. கவிதாயினி.திருமதி. ராமலட்சுமி ராஜன் , பெங்களூர்
5. கவிஞர்.திரு. அ.கி.வரதராசன் சிங்கப்பூர்.

*
ரியாத் தமிழ்ச்சங்கத்தின் அன்புக் கோரிக்கையை ஏற்று பொது நடுவர்களாக பரிசுக்குரியவர்களைத் தேர்ந்தெடுத்த மதிப்பிற்குரிய திருவாளர்கள்
1. அபுல் கலாம் ஆசாத்.
2. ராஜா சுந்தர ராஜன்
3. ப.ராஜாராம்

ஆகியோருக்கு இதயப்பூர்வமான நன்றிகள்.
*

பரிசு அனுப்பப் படும் விவரங்கள் பின்னர் அறிவிக்கப்படும். வெற்றிப் பெற்றவர்களுக்கு வாழ்த்துகளையும், பங்கேற்ற அனைத்துக் கவிஞர் பெருமக்களுக்கு பாராட்டுகளையும் நன்றியறிதலையும் தெரிவித்துக் கொள்கிறோம்.////

பரிசு பெற்ற அனைவருக்கும் வாழ்த்துக்கள்.. தேர்ந்தெடுத்தமைக்கு ரியாத் தமிழ்ச்சங்கத்துக்கு நன்றிகள்.