வியாழன், 20 ஜனவரி, 2011

ஒளிதல்., பழசு., மாமிசக் கடை..

1. ஒளிதல்..
***************

எதிர் வீட்டு புஜ்ஜு
முந்தானை மூடி முட்டாச்சு..

பக்கத்து வீட்டு பாப்பு
திரைச்சீலையில் ஒளிந்து பிடித்து..


ரெண்டும் சென்ற பின்
முந்தானையும் திரையும்
ஒளிய இடமில்லாமல்..
==============================

2. பழசு..:-
***********

காலம் துவைக்கும்
கிழமைத் துணிகள்..
உரிந்து விழுந்தும்
சாயம் போகாமல்..
அதே முகப்பு..
அதே பட்டாலை..
அதே ஆல்வீடு..
அதே சுவற்றலமாரி..
அதே கண்ணாடி..
ஆற்றிலொரு கால்..
சேற்றிலொரு கால்..
விளையாட்டாய் நரை..
ஐஸ்பால்., டப்பாவாய்
முதுகிலடிக்காமல்
முகத்தில் அடித்தது
சுருக்கங்களுடன்
அவுட்டான நானாய்..

==========================

3. மாமிசக் கடை ..:-
*****************************

முதிர் ஆடுகள் சில..
இளங்கோழிகள் பல..
அபூர்வமாய்
புறாவும் ., முயலும்.,

எலியும்., பூனையும்.,
காகமும்., உடும்பும் கூட
உணவாகும் நரர்க்கு..

ரத்தம் தெறிக்க
வெட்டுப்படவே
சுயமற்றுப் பிறந்த
அப்பிராணிகள்..

சகதித் துணுக்காய்த்
தேய்த்தும் சத்தம்
அடங்காத
பூட்ஸும் துப்பாக்கியும்..

வெட்டப்படுவதும்.,
விற்கப்படுவதும்.,
சந்தைப் பொருளாவதும் குறித்து
ஏதும் செய்ய இயலாமல்..

டிஸ்கி:- ஒளிதல்., பழசு., மாமிசக் கடை இந்த மூன்று கவிதைகளும் ஜனவரி 2 ., 2011 திண்ணையில் வெளிவந்துள்ளன..

16 கருத்துகள் :

ராம்ஜி_யாஹூ சொன்னது…

ok

நட்புடன் ஜமால் சொன்னது…

ரெண்டும் சென்ற பின்
முந்தானையும் திரையும்
ஒளிய இடமில்லாமல்..]]

அழகு ...

ஜோதிஜி சொன்னது…

கவிதை எழுதும் போது இரண்டு நாட்கள் ஊற போட்டு வைத்து மறுபடியும் படித்து பார்த்தால் சில மாறுதல்களை உருவாக்க முடியும். சில சமயம் உங்களே பல ஆச்சரியங்களை உருவாக்கும்.

Chitra சொன்னது…

அக்கா... மூணாவது கவிதை படிச்சுட்டு, வெஜிட்டரியன் ஆக்கும் முயற்சி....

அமைதிச்சாரல் சொன்னது…

புறாவும் முயலும்கூடவா.. ஐயோ :-(


அழகுக்கவிதைகள்..

S.Menaga சொன்னது…

very nice akka!!

சிநேகிதன் அக்பர் சொன்னது…

மூன்று முத்துக்கள்.

ஹேமா சொன்னது…

தேனக்கா...வரவர உங்கள் கவிதைகள் அழகு கூடிக்கொண்டே போகிறது !

Philosophy Prabhakaran சொன்னது…

மூன்றாவது கவிதை மிகவும் அருமை மேடம்...

கலாநேசன் சொன்னது…

நல்கவிதை

Balaji saravana சொன்னது…

மூன்றுமே சூப்பர் தேனக்கா! :)

சி.பி.செந்தில்குமார் சொன்னது…

kavithaikalகவிதைகள் 3ம் கலக்கல்தான். ஏதாவது இமேஜ் போட்டா இன்னும் நல்லாருக்குமே.. அழகுக்கு அழகு சேர்ப்பதுபோல்....

ராமலக்ஷ்மி சொன்னது…

மூன்று கவிதைகளும் நன்று தேனம்மை.

Raja சொன்னது…

பழசு கவிதை மிகப் பிரமாதமாக இருக்கிறது...வாழ்த்துக்கள்...

தேனம்மை லெக்ஷ்மணன் சொன்னது…

நன்றி ராம்ஜி., ஜமால்., ஜோதிஜி., சித்ரா., சாரல்., மேனகா., அக்பர்., ஹேமா., பிரபா., கலாநேசன்., பாலாஜி., செந்தில் குமார்., ராமலெக்ஷ்மி., ராஜா

தேனம்மை லெக்ஷ்மணன் சொன்னது…

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...