செவ்வாய், 14 ஆகஸ்ட், 2012

எதிர்பாராமல்... ( சமுதாய நண்பனில்..)

எதிர்பாராத மழையோ
ஆளடிக்கும் வெய்யிலோ
ஒதுங்கச் செய்கிறது
அருகாமை வீட்டை..

தெரியாதவர் வீட்டு வாசலில்
ஒதுங்குவது நல்லது.
தெரிந்தவர் வீட்டு
வரவேற்பறையை விட..


ஜூஸோ., காஃபியோ
துண்டோ தரும்
தொல்லையிலிருந்து
அவர்களும்..

ஈரமாகுமோ.,
அழுக்காக்கி விடுவோமோ
என தொற்றி அமரும்
கவலையிலிருந்து
நாமும் விடுபடலாம்.

டிவியை முறைப்பதோ.,
புத்தகம் புரட்டுவதோ
உரையாடுவதோ கூட
கடினமாயிருக்கிறது.

ஓசிக்குடை கேட்போமோ
என்று அவர்களும்
கேட்க வேண்டி வருமோ
எனத் தயங்கி நாமும்
சம்பந்தமில்லாத ஊர்க்கதையில்.

ஓரளவு நின்ற மழையோ
மூட்டமிடும் வெய்யிலோ
இன்பமளிக்கிறது
இருவரையும் அவஸ்தையில்
இருந்து விடுவித்து..

டிஸ்கி:- இந்தக் கவிதை செப்டம்பர் 2011  சமுதாய நண்பனில் வெளியானது. 

3 கருத்துகள் :

திண்டுக்கல் தனபாலன் சொன்னது…

அருமை... பாராட்டுக்கள்...

தொடருங்கள்... நன்றி…

Thenammai Lakshmanan சொன்னது…

நன்றி தனபால்

Thenammai Lakshmanan சொன்னது…

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...