சும்மா: காரைக்குடி வீடுகளில் ஓவியப் படங்கள். PAINTINGS OF CHETTINAD HERITAGE HOUSES. பாகம் 13.

திங்கள், 9 நவம்பர், 2015

காரைக்குடி வீடுகளில் ஓவியப் படங்கள். PAINTINGS OF CHETTINAD HERITAGE HOUSES. பாகம் 13.

காரைக்குடி வீடுகளில் இம்மாதிரியான 202. ஓவியப் படங்களைக் காணமுடியும். கிருஷ்ணர் ராதை , குழந்தைகள் அம்மாக்கள், தேவதைகள் கண்ணுக்கு விருந்தாய் பல புகைப்படங்கள் மாட்டப்பட்டிருக்கும். ஆனா இது 203. ஆங்கிலேயர் வருகைக்குப் பின்னான கால கட்டத்தில் நிகழ்ந்திருக்கும்னு தோணுது. ஏனெனில் பெரும்பாலான ( கிருஷ்ணர் ராதை, புராண இதிகாச சம்பவங்கள் தவிர ) ஆங்கில மாதுக்களும் அவர்களின் அழகு ( அம்மண ! ) குழந்தைகளும் தோட்டத்தில் அல்லது மரத்தைச் சுற்றி ஆடும் படங்கள்தான்.

மேலே பாருங்க என்னா சேட்டை என்னா சேட்டை. ரெண்டு பயலுக அந்தர் பல்டி அடிக்கிறானுங்க ரெண்டு பேர் கை கோர்த்து தட்டாமாலை சுத்துறானுங்க. வீட்டுல வைச்சு மேய்க்க முடியலன்னு தோட்டத்துக்கோ மரத்தடிக்கோ தள்ளிட்டு வந்துட்டாங்க போல அம்மாக்கள். ஆனா பாருங்க எல்லாம் ஒன்னு ரெண்டுல்ல கிட்டத்தட்ட ஒன்றரை டஜன் குழந்தைகள். !

ஆனா அம்மாக்கள் இருவர்தான். ஒருவர் கைக்குழந்தை தேவதையை முத்தாடுகிறார். அவரின் முழங்காலைப் பற்றி தன்னைக் கொஞ்சமாட்டாரன்னு ஒன்னு பார்த்துட்டு இருக்கு. இன்னொருவரின் உடைக்குள் முகத்தை மூடிப் பொதித்துக் கொள்கிறது குழந்தை. அந்த அம்மா கையில் ஒரு தோல் குடுவை. மரத்தின் பீடத்தின் மேல் நிற்கும் இரண்டு குட்டி வாண்டுகள் கீழே நிற்கும் குழந்தை மேல் தண்ணீரைப் பீச்சி அடிக்கின்றன. ! பூக்களால் கட்டப்பட்ட கயிறை வைத்து ஸ்கிப்பிங்க் போல ஒரு ஆட்டம் வேறு நிகழ்கிறது அந்தப் பக்கம்.

இரவு நேரத்தில் குளக்கரையில் பெண்கள் கைகோர்த்து ஆடிப் பாடும் ஓவியம். மரங்களுள்ளுள் ஒளிந்து வாலிபர்கள் பார்த்து ரசிப்பது திகில் & த்ரில். ( அவர்களுக்கு :) கூந்தலும் உடைகளும் பறப்பது இரவின் தண்ணென்ற குளிர்ச்சியோடு அழகாய்த் தீட்டப்பட்டுள்ளது.

யாரிந்த தேவதைன்னு தெரியல. தேவதைகள் சூழ்ந்து நிற்க தேவதைக் கனவில் ஆழ்ந்து துயில்கிறாள். ஸ்நோ வொயிட் போல இருக்கா. ஆனா சரியா தெரியல. கனவு காணும் சிண்ட்ரல்லாவாவும் இருக்கலாம். :) கிட்டத்தட்ட பதினோரு தேவதைகள் உடைகள் கொட்டுது, நகைகள் எடுத்து வருது. பூங்கொத்தோடு காத்திருக்கு ஒன்று. துயில் எழுப்ப இரண்டு மூன்று. எழுந்தவுடன் க்ரீடம் வைக்க ஒன்னு. அவள் தலைமாட்டில் அமர்ந்து இரண்டு பேசிக்கொண்டிருக்கின்றன வேறு. என்னென்ன எல்லாம் செய்யலாம்னு லிஸ்ட் செக் பண்றாங்களோ. இல்லை இதெல்லாம் அவள் கனவில் காணும் உருவங்களா. மேனிஃபெஸ்டேஷன்..?

அன்னங்கள் நீந்தும் ஆற்றங்கரை ஓரம் இளமாலை வெய்யிலில் ஒரு சிலை. பெண் போலத்தான் தெரியுது பின்புறம் ஒரு நாய் அல்லது வளர்ப்பு மிருகம் நிக்குது.

திரும்ப குழந்தைகளைக் கொஞ்சும் தாயும் அவர்களைச் சுற்றும் தேவதைகளும் க்யூட். :) உணவுண்ணப் பறந்து வரும் புறாக்களும்., குழந்தையைக் கொஞ்சும் தாயை ஏக்கத்தோடு பார்க்கும் ஏஞ்சல்ஸும் கொள்ளை அழகு.

காரைக்குடியில் நிறைய வீடுகளில் 204. ரவிவர்மா ஓவியங்கள், 205. தஞ்சாவூர் பெயிண்டிங்க்ஸ் காணப்படும். 206. ராமர் பட்டாபிஷேகம், 207. கருடனில் மஹாவிஷ்ணு ஸ்ரீ தேவி பூதேவியுடன், 208, பழனிமலை முருகர், சரஸ்வதி என தெய்வத் திருவுருவங்களுக்கு உடைகள் தைக்கப்பட்டு, கண்ணாடி கற்கள் வண்ண நூல்கள் மூலம் அலங்கரிக்கப்பட்டிருக்குது.