சாட்டர்டே ஜாலி கார்னர் . லலிதா முரளியின் ஊட்டி வரை உறவு.

லலிதா முரளியைத் தெரியாதவங்க ஃபேஸ்புக்கில இருக்க முடியாது.

தெரியாதவங்களுக்கு.. சூரியக் கதிர், இவள் புதியவள், புதிய தலைமுறை ஆகியவற்றில் இவங்களோட கட்டுரைகளும், குங்குமம் தோழியில் முக நூல் ஸ்டேடஸ்களும் வெளியாகி இருக்கின்றன. என்னோட செல்லத் தங்கையில் இவரும் ஒருவர்.

அவங்ககிட்ட ஒரு கேள்வி.

உங்களுக்கு சாப்பாடு ஊட்டி விட்டது யார். எப்போ?


இதுக்கு அவங்களோட பதில் :- 

சாப்பாடு ஊட்டினது நினைவு தெரிஞ்சப்போ முரளி..கல்யாணத்துல..

தெரியாதப்போன்ன்னா அப்பா ஊட்டினாரு..

கல்யாணத்துல சாப்பிடும் போது மனைவிக்கு கணவனும் கணவனுக்கு மனைவியும் ஊட்டணும்..அதுல நா முரளிக்கு ஜிலேபி ஊட்டினேன்...பாதி சாப்பிட்டு தர சொன்னாங்க...ஆனா அந்த மனுசன் ஜிலேபிய நா வாயில வெக்கிறதுக்குள்ள லபக்குனு பிடுங்கி கையோட கடிச்சுட்டார்..:௦)

அவர் எனக்கு லட்டு குடுத்தார்..பிச்சு குடுத்தார் கையில..எனக்கு ஒரே வெக்கமா இருந்துச்சு..ஃப்ரெண்ட்ஸ் எல்லாம் ஊட்டி விடணும் சொன்னவுடனே அழகா என் மூஞ்சிய திருப்பி தாவாக்கட்டய பிடிச்சு கொஞ்ச கொஞ்சமா ஊட்டினார் நான் சாப்பிடும் வரை டைம் கொடுத்து...எனக்கு ரொம்ப பிடிச்ச நிகழ்ச்சி இது.

 
--- ஹாஹாஹா  . உங்க ”ஊட்டி(விட்ட) வரை உறவை” ப்  பகிர்ந்து எங்க சாட்டர்டேயை ஜாலிடே ஆக்கினதுக்கு நன்றி  லலிதா முரளி.