பிஃப்ரவரி மாத லேடீஸ் ஸ்பெஷலில் மணிமேகலை., ஜலீலா., ருக்கு அம்மா., டாக்டர் வசந்திபாபு மற்றும் நான்.

பிஃப்ரவரி மாத லேடீஸ் ஸ்பெஷல் இதழ் சுய தொழில் சிறப்பிதழா மலர்ந்திருக்கு. மகளிர் சுய தொழில் பக்கங்கள் புதிதாக ஆரம்பிக்கப்பட்டு இருக்கு. மார்க்கெட்டிங் உதவிக்காகவும் லேடீஸ் ஸ்பெஷல் ஒரு திட்டத்தை உருவாக்கியுள்ளது. தாங்கள் தயாரிக்கும் பொருட்களை விற்க., வகுப்புகள் எடுப்பதை அறிவிக்க., தங்கள் தொழிலை மேம்படுத்த ., விரிவுபடுத்த என்று எல்லாவற்றுக்கும் உதவியாக http://www.ladiessecialshopping.com/ உருவாக்கியுள்ளோம்.

உலகெங்கும் உள்ள சகோதரிகள் தாங்கள் ஏதாவது பொருட்கள் வாங்க வேண்டுமென்றால் இந்த இணையதளத்தைப் பார்த்துத் தெரிந்து கொள்ளலாம்,

ஒவ்வொரு மாதமும் வெளிவரும் போராடி ஜெயித்த பெண்களின் கதைகள் வித்யாசமா இருக்கும் . அடிப்படையில் புத்திஸ்டாகவும்., தலித் என்று சொல்லிக்கொள்வதில் தன்னை முன்னிருத்தி பல நல்ல முயற்சிகளையும்., செயல்களையும் சாதனைகளையும் செய்துள்ள சாஸ்த்ரி பவன் பெண்கள் ஊழிய நலச் சங்கத் தலைவி., மற்றும் தலித் பெண்கள் ஊழியர் நலச் சங்கத் தலைவியுமான திருமதி மணிமேகலையினை பேட்டி கண்டதை பெருமையாகக் கருதுகிறேன்.. வாய்ப்பு ஏற்படுத்திக் கொடுத்த தங்கை கீதா இளங்கோவனுக்கு நன்றிகள்.

இந்த மாத ப்லாகர் அறிமுகத்தில் நம்ம அருமைத் தங்கை ஜலீலா கமல் .. மிக சிறப்பான சமையல் குறிப்புகளும் கான்சர் பற்றியும் பகிர்ந்து இருக்காங்க.. நன்றி ஜலீலா..

வழக்கம் போல நம்ம ருக்கு அம்மாவின் திருக்குறள் கதைகள்.. ஒரு அப்பா தன் குழந்தையின் மேல் எப்படி கவனம் எடுத்துக்குறார் என்பதைப் பற்றி சிறப்பான சிறுகதை.. நல்ல குறளோடு.. படிச்சு பாருங்க..

எங்கள் கல்லூரியின் தேவதை., எங்கள் அன்பின் ஒட்டு மொத்த குத்தகைதாரி.. (இவர்கள் மோனோஆக்டிங் மற்றும் பல திறமைகளைப் பார்த்து வியந்துதான் நாமும் ஏதாவது இப்படி செய்ய வேண்டும் என்ற ஊக்கம் ஏற்பட்டு கல்லூரியில் கலைநிகழ்ச்சிகளில் பங்கு பெற்றதுண்டு..) அன்பின் வசந்தி அக்கா என்ற டாக்டர் வசந்தி பாபு அவர்களை பல வருடங்களுக்குப் பிறகு ஆர்க்குட்டில் சந்தித்தேன்.. இவர்கள் HOME SWEET HOME என்ற கவுன்சிலிங் கிளினிக் வைத்திருக்கிறார்கள். மனநல ஆலோசகராக இருக்கிறார்கள்.. குழந்தைகளை நல்ல முறையில் வளர்ப்பது பற்றி அவர்கள் கூறியவற்றை தொகுத்துள்ளேன்.. சைக்கலாஜிகல் ட்ரீட்மெண்ட் குழந்தைகளுக்கு தேவை இல்லை., பெற்றோராகிய நமக்குத்தான் என அழுத்தம் திருத்தமான பகிர்வு அது.. எல்லாத்தையும் அடுத்து அடுத்து பகிர்வேன்.. நன்றி மக்காஸ்.. நன்றி கிரிஜாம்மா..:))

டிஸ்கி..1..:- லேடீஸ் ஸ்பெஷலை லிங்கில் பதிவேற்றும் ஊழியருக்கு திருமணம்.. எனவே லிங்கில் தாமதமாகத்தான் வெளிவரும்.. அவருக்கு சிறப்பான மணவாழ்க்கை அமைய வாழ்த்துக்கள்..

டிஸ்கி ..2..:- மார்ச் மாத லேடீஸ் ஸ்பெஷல் மகளிர் தின சிறப்பிதழா மலரப் போகுது.. அதுக்கு உங்க படைப்புக்களை அனைத்து வலைப்பதிவர்களும் அனுப்பி வைங்க.. கதை., கவிதை., கட்டுரை எதுவானாலும்.. பிஃப்ரவரி 10 ஆம் தேதிக்குக்குள்ள அனுப்பி வைங்க.. சிறப்பானது வெளியாகும்.

டிஸ்கி..3..:- ஆண் ., பெண் வலைப்பதிவர்கள் அனைவரும் அனுப்பலாம்.. அனுப்ப வேண்டிய மெயில் ஐடி . thenulakshman@gmail.com