சும்மா: சாரட்டில் மாப்பிள்ளை அழைப்பும் பெண்ணுக்குக் கொடுக்கும் சீரும்.

சனி, 9 ஜூலை, 2016

சாரட்டில் மாப்பிள்ளை அழைப்பும் பெண்ணுக்குக் கொடுக்கும் சீரும்.

என் அப்பா அம்மா திருமணத்தின்போது வெண்குதிரையில் மாப்பிள்ளை அழைப்பு நிகழ்ந்திருக்கிறது. அதே போல் சமீபத்தில் ஒரு நண்பர் வீட்டில் மாப்பிள்ளை அழைப்பு சாரட்டில் நிகழ்ந்தது. அதையும் இன்னொரு உறவினர் வீட்டில் பெண்ணுக்கு வைத்த சாமான்களையும் பகிர்ந்துள்ளேன்.

அதோஓ மாப்பிள்ளை வரார். மாப்பிள்ளை வரார் குதிரை வண்டியிலே. !

முன்னேயே குடை பிடித்து ட்ரம்ஸ் வாத்தியக் கலைஞர்களோடு ஜோக்கர் வரார். !

முகூர்த்தத்துக்கு நேரமாச்சு வேகமா வாங்க. ! :)

நாதஸ்வரக் கலைஞர்களும் முன்னே வர

வெண்புரவி சாரட்டில்

பெருமித மாப்பிள்ளை. ! கூட மாமக்காரர். - அம்மான்.

வீட்டுவாயிலில் இறங்கியபின் ஸ்லேட்டு விளக்கு வைத்து ஆலாத்தி எடுத்து பெண் எடுக்கிக் காண்பிப்பார்கள். !

இன்னொரு உறவினரின் வீட்டில் திருமணச் சீர் பொருட்கள். பெண்ணுக்கும் மாமியாருக்கும் பெண் வீட்டில் வைத்ததும் . பெண்ணுக்காக மாமியார் வீட்டில் பரப்பியதும்.

மாமியாருக்குப் பெண்வீட்டில் கொடுப்பது. அடுப்பு கோலமிட்ட பொங்கல் தவலை. கட்டு சாதக் கூடை, கோலக்கூட்டு, 7 வாளி, மூன்று தூக்கு, சட்டி தட்டு அதில் மளிகைச் சாமான்கள்.

வெள்ளிச் சாமான்கள். குத்துவிளக்கு, பிள்ளைக் குடம், பால் செம்பு, தேங்காய் மரவை, விளக்குச்சட்டி மூடி, குழவி, கத்திரிக்காய், பிள்ளையார், 2 மாடவிளக்குகள், உலக்கைப் பூண்கள், டம்ளர், சந்தனப் பேலா, குங்குமச் சிமிழ், சங்கு, சடங்குத் தட்டு, சாப்பிடும் தட்டு, படி.

பித்தளைச் சாமான்கள், இவற்றை வெங்கலச் சாமான்கள் என்பார்கள்.

கெய்சர், இட்லிச் சட்டி, காசாணி அண்டா, பதினோரு அடுக்கு, பித்தளைத் தூக்குகள் குடங்கள், செம்புச் சாமான்கள், வாளிகள் , தாம்பாளங்கள். கரண்டிகள், விளக்குகள் மரவைகள், பொங்கல் முறித்தவலைகள். டம்ளர்கள்.தராசு,

எவர் சில்வர் சாமான்கள். இது கடல் போல எல்லாச் சாமானும் இருக்கும். பாதிக்கடை இங்கேதான்.

பெண்ணுக்கு மாமியார் வீட்டில் பரப்பும் சாமான்கள். பட்டுப் புடவைகள், சிந்தடிக் புடவைகள், சுடிதார், நைட்டி, உள்ளாடைகள், அழகு சாதனப் பொருட்கள், சூட்கேஸ், ஹாண்ட்பேக், செருப்பு, குளிக்கும் அண்டா, பக்கெட், சாப்பிடும் தட்டு, தங்க வைர நகைகள், வெள்ளிச் சாமான்கள் இன்னபிற

மிக்ஸி மற்றும் நான்ஸ்டிக் குக்வேர்.& அடுப்பு.&ஃபேன்ஸி பொருட்கள், டைனிங் டேபிளில் உபயோகப்படுத்தும் பொருட்கள்.

அலுமினியச் சாமான்கள். சம்புடங்கள், அடுக்குச் சட்டிகள், வாளிகள், பேஸின்கள், கரண்டிகள் , தவலைகள், பரிமாறும் வாளிகள். ட்ரே. காபித் தட்டுகள்.

மரச் சாமான்கள்.உலக்கை, குந்தாணிகள், சப்பாத்திக் கட்டை, சோத்துக் குத்துக் கட்டை, காய்கறி கொட்டிவைக்கும் மரவைகள், கரண்டிகள், பல்லாங்குழி, இடியாப்ப, முறுக்குக் கட்டைகள், அகப்பைகள், அரிவாள் மணைகள், தீப்பெட்டி பதத்துப் போகாமல் போட்டு வைக்கும் டப்பா,

மங்குச் சாமான்கள்.

பனா காது வைத்த மங்குச் சட்டிகள், மோர் உறை ஊற்றும் சட்டிகள், எண்ணெய்த் தூக்குகள், சாமான் கொட்டி வைக்கும் தூக்குகள், எச்சிப் பணிக்கம், தாளிக்கும் செட், ஊறுகாய் செட் கிண்ணங்க்ளோடு, பேஸின்கள், தட்டுகள், மூடிபோட்ட சட்டிகள், அவிச்சு ஊத்துற சட்டிகள் கிண்ணங்கள். காபி கெட்டில். ஊறுகாய் ஜாடிகள். ஜக்குகள்.

ப்ளாஸ்டிக் சாமான்கள். மூடி போட்ட அரிசி பக்கெட்டுகள் , ஐஸ் ஃப்ளாஸ்குகள், கூடைகள், டப்பாக்கள், சம்படங்கள், காய்கறி நறுக்கும் பாத்திரங்கள், கொட்டி வைக்கும் டப்பாக்கள் பேசின்கள். சோப்பு பவுடர் டப்பாக்கள். ஃப்ளாஸ்குகள், வாளிகள். விளையாட்டுச் சாமான்கள்.

இரும்புச் சாமான்கள் இதில் இடம் பெறவில்லை. அதே போல் ஜாடிகளும் குப்பைத் தகரங்களும் எச்சில் இலை வாளிகளும் கூட. இன்னும் மெத்தைகள்,தலையணைகள், அலமாரிகள், ட்ரெஸிங் டேபிள், கட்டில், மாப்பிள்ளை சாமான்கள் இன்னபிற வஸ்துக்களும் . இப்போது மாப்பிள்ளை சாமான்களுக்கும் மற்ற சாமான்களுக்கும் ( டிவி, ஃபிரிஜ் , வாஷிங் மெஷின், டேபிள் ஃபேன், இன்னுமுள்ள பொருட்களுக்குப் ) பணமாகக் கொடுத்துவிடுகின்றார்கள். சிலர் எல்லாவற்றிற்கும் பணமாகவும் கொடுக்கிறார்கள். சிலர் சில்வர் புழங்கக் கொடுத்துவிடுகின்றார்களே தவிர ஒன்றுமே வைப்பதுமில்லை. , பரப்புவதுமில்லை.

ஐஸ் பாக்ஸ், குக்கர்கள், அடுப்பு.

சமுக்காளம் , மர அலமாரி - இது அடுப்படி அலமாரி, மெத்தைப் பாய்கள், கைப்பொட்டிகள்.

6 கருத்துகள்:

கோமதி அரசு9 ஜூலை, 2016 அன்று 9:11 PM
நான் தேவகோட்டை நகரத்தார் திருமணம் பார்த்து இருக்கிறேன்.
சாமான் பரத்துவது பார்த்து இருக்கிறேன். வழி வழியாக கைமாறும் பொருட்களும் உண்டு. நீங்கள் சொல்வது போல் பராமரிக்க முடியாமல் கஷ்டபடுவர்கள் இருக்கிறார்கள்.
பதிலளிநீக்கு
பதில்கள்
வெங்கட் நாகராஜ்10 ஜூலை, 2016 அன்று 7:05 AM
அம்மாடி.... எத்தனை எத்தனை பொருட்கள் - இதை எல்லாம் பயன்படுத்தப் போகிறார்களா என்ன....
பதிலளிநீக்கு
பதில்கள்
Yarlpavanan10 ஜூலை, 2016 அன்று 9:51 AM
அருமையான பதிவு
பதிலளிநீக்கு
பதில்கள்
'பரிவை' சே.குமார்11 ஜூலை, 2016 அன்று 12:23 AM
வாவ்.. நம்ம பக்கத்து நகரத்தார் திருமணம்...
பதிலளிநீக்கு
பதில்கள்
Thenammai Lakshmanan2 ஆகஸ்ட், 2016 அன்று 12:14 PM
ஆம் கோமதி மேம்

ஆம் வெங்கட்சகோ. வீடு பெரிது. விசேஷங்கள் அடிக்கடி வரும் அதனால் வாடகைக்கு எடுக்காமல் பயன்படுத்துவார்கள்.

நன்றி யாழ்பாவண்ணன் சகோ

நன்றி குமார் சகோ ஆம் :)
பதிலளிநீக்கு
பதில்கள்
Thenammai Lakshmanan2 ஆகஸ்ட், 2016 அன்று 12:16 PM
வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!
பதிலளிநீக்கு
பதில்கள்