நாண(ந)யம் நாகப்பன்

"தோட்டத்தில் எல்லாவிதைகளும்
ஒரே நேரத்தில் விதைக்கப்பட்டு
ஒரே சூரியன் கீழ்
ஒரே கிணற்றின் தண்ணீரில்...

ஒன்று மட்டும் ஆழமாய் வேர்பாய்ச்சி
அகலமாய் கிளைபரப்பி
அண்டமெல்லாம் விரிந்து.... "

அதுதான் நாண(ந)யம் நாகப்பன் அவர்கள் .

வங்கிகள்., பத்திரிக்கை .,பல்கலைகழகங்கள்.,
பங்கு வர்த்தகம் என்று எல்லாவற்றிலும்
வெற்றிக்கொடி நாட்டும் சமூகத்தில் பிறந்தவர்..
எம்.பி.ஏ. பட்டதாரி.. உழைத்துப் பொருளீட்டத்
தேவை இல்லாத குடும்பத்தில் பிறந்தும் தனக்கென
ஒர் முத்திரை பதித்தவர் ..

சென்னைப் பங்கு சந்தையின் இயக்குநர்களில்
ஒருவர்.. தமிழகத்தின் முன்னணிப் பங்குத்
தரகர்களில் ஒருவர் ..

பங்கு வர்த்தகம் ஏற்ற இறக்கம் காணும்
போதெல்லாம் இவரது பேட்டியை தவறாது
அனைத்து தொலைக்காட்சிகளிலும் காணலாம்..
பணம் செய்ய விரும்பு என்ற இவரதுதொடர்
விகடனில்வந்தபோது தினம் தவறாது
படித்தவர்களில் நானும் ஒருத்தி..
பணம் செய்யும் யுக்திகளைவிட பணம் பண்ண
வேண்டும் என்ற உத்வேகம்தான் முக்கியம்
என்று கூறுவார் இவர்..

அஞ்சலக சேமிப்புத்திட்டம்., தங்கத்தில் முதலீடு
செய்வது., இன்ஷுரன்ஸ்., ஃபிக்ஸட் டெப்பாஸிட்
இவற்றைவிட ம்யூச்சுவல் ஃபண்ட்., பங்குச்
சந்தையில் முதலீடு செய்வது சிறந்தது எனக்
கூறுவார்.. தினம் தினம் வாங்கி விற்பதை விட
நீண்ட கால முதலீடே சிறந்தது என்பதும்
அவர் கருத்து..

நாணயம் விகடன் சார்பாக பல்வேறு வாசகர்கள்
முதலீட்டாளர்களுடன் தமிழகத்தின் பல்வேறு
ஊர்களில் செல்வத்தைப் பெருக்கும் வழிகள்
பற்றிய கூட்டங்கள் நடத்தி இருக்கிறார்..

தன்னைத்தானே செதுக்கிக் கொண்ட சிற்பம் இவர்..
96 வயதிலும் (இறக்கும் ஒரு வாரம் முன்பு வரை
கூட) ஷேர் பிஸினஸ் செய்துவந்தவர் இவருடைய
தந்தை திரு. வள்ளியப்ப செட்டியார்.. இவர்
தந்தையிடம் பெற்றதும் தானே கற்றதும் அதிகம்..

மத்திய நிதி அமைச்சர் சமூகத்தின் வழி வந்த
அவர் விகடன் எனர்ஜி பக்கங்களில் சொன்னதை
உங்களிடம் பகிர்ந்து கொள்ள விழைகிறேன்...

இன்றைய இளைஞர்களுக்கு மிக மிக
முக்கியமானது நிதி திட்டமிடுதல்.. இளம்
வயதிலேயே நிதி திட்டமிடுதலைத் தொடங்க
வேண்டும்..இளைஞர்கள் தங்களின் ஆடம்பரத்
தேவைகளைக் குறைத்துக் கொண்டு எளிய
வாழ்க்கை வாழ வேண்டும்.. அப்போதுதான்
சந்தோஷம் ஆயுள் வரை நீடிக்கும்...

எனவே மக்களே..! பணம் செய்ய விரும்புங்க..!
உங்களுக்கும் உங்க குடும்பத்தார்க்கும்
என் பொங்கல் வாழ்த்துச் செய்தி இதுதான்...!!!