பழையனூர் நீலி கதை
பலாலயத்துக்
காளிக்கு அடங்கிய பழையனூர் நீலி என்றொரு பேயுருக் கொண்டவள் இருந்தாள். ஒரு முனிவரைச்
சந்தித்ததும் அவள் உயிர்க்கொலை புரியும் ரத்த தாகமடங்கி உண்மைப் பொருளைப் பற்றி உய்ந்தாள்.
தன் தீவினை அடங்கி நல்வினை மேலோங்க ஜினதர்மத்தில் பற்றுக் கொண்டு அதைப் பரப்பினாள்.
அதைப் பற்றிப் பார்ப்போம் வாருங்கள் குழந்தைகளே.
பாஞ்சாலத்தின் தலைநகரம் புண்டரவர்த்தனம். அதன் அரசன் கொடுத்துச் சிவந்த கரங்களை உடைய சமுத்திரசாரன். யாராலும் வெல்ல முடியாத அவனுடைய அரண்மனை வாயிலில் யானை சேனை, படை பட்டாளமெல்லாம் செல்லும் சப்தம் கடல் அலைபோல் முழங்கும். சூரியன் உள்ளே நுழைய முடியாத அளவு அகில், சந்தனப் புகைகள் மேலெழும்பி வானத்தை மறைக்கும் என்றால் அந்நகரின் சிறப்பை உணர்ந்து கொள்ளுங்கள்.
