சும்மா: துபாய் - புர்ஜ் கலீஃபா.

திங்கள், 24 ஆகஸ்ட், 2020

துபாய் - புர்ஜ் கலீஃபா.

துபாய் - புர்ஜ் கலீஃபா

புர்ஜ் கலீஃபா டவர்ஸ் துபாயில் நாங்கள் பார்த்த மறக்கமுடியாத டவர். உலகிலேயே மிக உயரமான டவர். அதைப் பற்றி முன்னொரு இடுகையில் குறிப்பிட்டு இருக்கிறேன்.

ஸ்கந்தர் சஷ்டிக்காகப் போய்விட்டு வந்தபோது ( இந்தியன் பப்ளிக் ஸ்கூல், துபாயில் நடந்தது ). இந்தப் படங்களை எடுத்தேன்.

அங்கே வில்லா எனப்படும் வீடுகள் மிக அழகான அமைக்கப்பட்டிருந்தன.

அவை மட்டுமல்ல அங்கே இருந்த தோட்டங்களும் கவினுற கட்டமைக்கப்பட்டிருந்தன. பாலையிலும் பூக்கள். !!!

ஸ்கைக்ராப்பர்ஸ் எனப்படும் கட்டிடங்கள் துபாயில் அநேகம். ஒன்றை ஒன்று மிஞ்சும் உயரம். இவற்றில் புர்ஜ் கலீஃபா மிகவும் உயரம். வில்லாக்கள் எனப்படும் தனி வீடுகளின் முன் பக்கமும் கார் பார்க்கிங்கும்.

கந்தர்சஷ்டி விழா நடந்த பள்ளியில் பிள்ளைகளின் கைவண்ணம். கந்தர் சஷ்டி பற்றியும் முன்னேயே சில இடுகைள் எழுதி உள்ளேன்.

இது கல்ஃப் நியூஸ் அலுவலகம். மிக அழகான கருடன்/வல்லூறு/ராஜாளி/பருந்தை இதன் ஐகானாக வைத்துள்ளார்கள். இந்த அலுவலகத்தின் எதிரில் இன்னும் இரண்டு ஸ்கை ஸ்க்ராப்பர் கட்டிடங்கள். கல்ஃப் நியூஸ். :) இதுவும் அதே அலுவலகமே.

இது வழியில் இருந்த ஒரு மசூதி. நம்மூர் போல ஒரு மினார் மட்டும் இருக்கு. ஆனால் தொழுகைச் சத்தம் எல்லாம் கேட்பதில்லை. அமைதியாக இருக்கும்.

இது புர்ஜ் கலீஃபா பில்டிங்கின் தரைத்தளம். வித்யாசமாக இருந்தது என எடுத்தேன். இங்கேயே ஐஸ் ஸ்கீயிங், ஸ்கேட்டிங், ஐஸ் ஹாக்கி விளையாட அமைக்கப்பட்ட ஐஸ் ரிங்க் தளம். சிறுவயதுப் பையன்கள் ப்ராக்டீஸ் செய்து கொண்டிருந்தார்கள்.

இதோ இரவில் ஜொலிக்கும் ஒருகட்டிடம். புர்ஜ் கலீஃபாவின் அருகே அநேக கட்டிடங்கள். இரவின் மின்னும் வெளிச்சத்தில் நாற்கரச் சாலைகள் ஒளிவிடுகின்றன.

மேலேயிருந்து பார்க்கும்போது அற்புதக் காட்சிதான். 124 ஆவது மாடி!!! கட்டிடமே கொஞ்சம் ஜெர்க் ஆவது போலிருக்கிறது. எவ்வளவு தூரம் பரந்து விரிந்த நகரம்.!. பாலையில் பூத்த கட்டிடங்கள். அநேகமும் ஷாப்பிங் மால்கள்தான்.