சும்மா: காரைக்குடி வீடுகள். கானாடுகாத்தான் அரண்மனை. CHETTINAD HERITAGE HOUSES. பாகம்

புதன், 30 செப்டம்பர், 2015

காரைக்குடி வீடுகள். கானாடுகாத்தான் அரண்மனை. CHETTINAD HERITAGE HOUSES. பாகம் - 10.

173. மாட மாளிகை கூட கோபுரம் என்பார்களே அதைப் போன்ற வீடுகள் கொத்தமங்கலம், ஆத்தங்குடி ஆகிய ஊர்களில் பார்க்கலாம். இது காரைக்குடியில் எடுத்ததுதான். மாடியில் 174. இரட்டைத் தூண்கள் கொண்ட வளைவு எவ்வளவு அழகாக இருக்கிறது. ஏதோ அரசர் அங்கே காட்சி தந்து ஆணை பிறப்பிக்கப் போகிறாரோ என எண்ணும்படி இருக்கிறது இந்த வீட்டின் அமைப்பு :)

புதுமையும் பழமையும் கலந்த வீடுகளில் இதுவுமொன்று.

வீட்டின் வெளிப்பக்கம் சாமி சிலைகள் வைப்பது ஸ்பெஷாலிட்டி. அதிலும் சிலர் வீடுகளில் லெக்ஷ்மியை சிலையாக வடித்திருப்பார்கள். இரு புறமும் யானைகள் காவலிருப்பதால் கெஜலெக்ஷ்மி :) லெக்ஷ்மியைச் சுற்றிலும் கோயில் போல திருவாச்சி இருக்கிறது.

175. இது செட்டிநாட்டரசரின் அரண்மனை. நித்தமும் பலர் இங்கே விசிட் செய்கிறார்கள். முகப்பு , பட்டாலை, அரங்கம் போன்ற ரிசப்ஷன் ஹால், மூன்று கட்டுகள், வண்ணக் கண்ணாடி ஜன்னல்கள், ஆர்ச்சுகள், அழகான லாபி, முன்கோப்பு, வண்ணம் கருக்காத சுவர்கள், கார் ஷெட்டுகள், குதிரை லாயங்கள் என மிகப் பிரம்மாண்டமாக மிரட்டும் அரண்மனை இது. பல படங்களிலும் பார்த்திருக்கலாம்.

அதே கானாடு காத்தானில் இன்னொரு வீடு. இந்த வீட்டில் பாருங்கள் 176. தெருவிலிருந்து வீட்டுச் சுவருக்கு முட்டுக் கொடுத்து அமைத்திருக்கிறார்கள். வீட்டை செம்புராங் கற்களால் & 177. பட்டியல் கற்களால் ஸ்ட்ராங்காகக் கட்டியதோடு மட்டுமல்ல. அதை இறங்காமலோ சுவர் பழுதாகி தளராமலோ பார்த்துப் பார்த்துக் கட்டி இந்தக் கற்களால் ஆன முட்டும் கொடுத்து அமைத்திருக்கிறார்கள். பக்கத்தில் அந்தக் காலத்திய குதிரை வண்டி லாயம் & இந்தக் காலத்திய கார் ஷெட். விதம் விதமான ஜன்னல்களையும் சாளர அமைப்புகளையும் பாருங்கள். பலகணிகள் பலவிதம். :)

பிரம்மாண்ட யானைத் தும்பிக்கைகள் போன்ற தூண்கள் அழகா மேங்கோப்பில் அணிவகுக்கும் மரச்சட்டங்கள் அழகா. ? :) இங்கே பச்சைக் கலரில் தெரியும் ஸ்கீர்ன் அமைப்பை 178. மரவு தட்டி என்பார்கள். மரச்சட்டங்களால் அமைக்கப்பட்டு மரப் பலகைகளால் (அல்லது திரைத் துணிகளால் சில தட்டிகள் மூடப்பட்டிருக்கும் ) மூடப்பட்டிருக்கும் இதை டெம்ப்ரரி தடுப்பாகவோ, ஸ்க்ரீனாகவோ பயன்படுத்துவார்கள்.

179. வண்ண ஜன்னல்கள். இந்த ஜன்னல்களை இரண்டு இரண்டாக மடித்து ஜன்னல் பக்கமே மடக்கி விடலாம். இந்த திண்ணை போன்ற அமைப்பில் அமர்ந்து வெளியே பெய்யும் மழையை, குட்டித் தோட்டத்தை அங்கே பாடித் திரியும் பறவைகளை, பறந்து திரியும் வண்ணத்துப் பூச்சிகளை வேடிக்கை பார்ப்பது சுவாரசியமானது. கீழே ஆத்தங்குடிக் கற்கள் போன்ற டிசைன் கற்கள் பதிக்கப்பட்டு அழகூட்டுகின்றன. சுவற்றில் அந்தக்கால சுவிட்ச் பாக்ஸ். & 180. கறுப்பு சுவிட்சுகள். !

பல ஆண்டுகளுக்கு முன்னான ஸ்ட்ராங்க் ஷாண்ட்லியர்ஸ்.. மிக அழகு :)

பிரம்மாண்ட ஜன்னல்களும் வெளித் தூண் அமைப்புகளும். பழைய வீடுகளை இந்த சிமிண்ட் ஷேடில் பார்ப்பது ஒரு பரவசத்துக்கு உரிய அனுபவம். :) அந்த துருப்பிடித்த கம்பிகளின் அருகே உட்பக்கமாக அமர்ந்து சிவன்கோயில் கோபுரத்தைப் பார்த்து கோபுர தரிசனம் கோடிப் புண்ணியம் என்று சொன்னதுண்டு. சமவயதுப் பிள்ளைகளுடன் விடுமுறைக் காலங்களில் பலகதைகள் கதைத்ததுண்டு. மேற்கே சாயும் வெய்யில் ஓவியம் தீட்ட மெல்லிய அனலையும் நிழலாடும் மரத்தையும் பறவைகளையும் ரசிப்பது சுகானுபவம்.