இந்த விழாவில் நான் பேசுவதைக் கேட்க விருப்பம் கொண்டு என் அம்மாவும் அப்பாவும் அங்கே வந்திருந்தார்கள். அவர்களுக்கும் சிறப்பு வரவேற்பு அளிக்கப்பட்டது. நன்றி தாளாளர்களுக்கு. :)
பளு தூக்கும் போட்டியில் வெற்றி பெற்ற அனுராதா. இவர் நேற்று கௌரவிக்கப்பட்டார். இவ்வாறு தனித் திறன் பெற்ற பெண்களுக்கு ஜெ ஜெ கல்லூரிகளில் இலவசமாகக் கல்வியும் , ஹாஸ்டல் வசதியும் வழங்கப்படுகிறது. பாராட்டுக்கள் அனுராதாவுக்கு.
இதில் 5 கல்லூரிகளின் முதல்வர்களும் ( துணை முதல்வர் திருமதி சுதா, திருமதி அபிராம சுந்தரி, திருமதி சுமித்திரா, திருமதி அழகம்மை ) அறங்காவலர் திருமதி கவிதா சுப்பிரமணியன் அவர்களும் உரையாற்றினார்கள்.
போட்டிகளில் பங்கேற்று வெற்றி பெற்ற மகளிருக்கு பரிசுகள் வழங்கினேன். கலை நிகழ்ச்சிகள் நடைபெற்றது. உங்க பேச்சு ஒரு புத்தகம் படித்ததற்கு ஒப்பாக சிறப்பாக இருந்தது என்று கூறினார் ஒரு முதல்வர். உங்க ரோல் மாடலா உங்க ஆசிரியை திருமதி எம். ஏ. சுசீலாம்மாவை குறிப்பிட்டீங்க. அது போல என்னுடைய ரோல் மாடலும் அவங்கதான் என்றார் அழகம்மை என்ற முதல்வர் ( ஜெ ஜெ காலேஜ் ஆஃப் எஜுகேஷன் ).
கிட்டத்தட்ட 20 ஆண்டுகளுக்கு முன் மிக அதிகமாக கல்லூரிகள் இல்லாத புதுக்கோட்டையில் உருவான ஜெ ஜெ ஆர்ட்ஸ் & ஸயின்ஸ் காலேஜ் இன்று 5 கல்லூரிகளாகவும், ஒரு பள்ளிக்கூடமாகவும் பெருகி உள்ளது. இதில் தாளாளர் சுப்பிரமணியன் மற்றும் கவிதா சுப்பிரமணியனின் உழைப்பால் உருவானது என்றாலும் இதன் விதையை ஊன்றியவர் திருமதி கவிதா அவர்களின் தாயார் திருமதி சரோஜா ஆச்சி அவர்கள்.
அடிப்படையில் ஆசிரியை ஆன அவர்களின் பெருமுயற்சியாலேயே இந்தக் கல்வி நிறுவனங்கள் இப்படிப் பல்கிப் பெருகி உள்ளன. ஒரு பாவை விளக்குப் போல தன்னிடம் இருந்த கல்வி என்னும் ஒளி கொடுத்து நிறையப் பெண் குழந்தைகளுடைய வாழ்வெனும் தீபத்தை ஒளிவிடச் செய்த சரோஜா ஆச்சிக்கு இந்த மகளிர் தின சிறப்பு வாழ்த்துக்கள்.
வாழ்க வளமுடன் நலமுடன். !
”இனிய மகளிர் தின வாழ்த்துக்கள் என் அனைத்து சகோதரிகளுக்கும். “
அருமை:). மகிழ்ச்சி தேனம்மை.
பதிலளிநீக்குமகளிர் தின வாழ்த்துகள்.
நன்றி ராமலெக்ஷ்மி.:)
பதிலளிநீக்குவலைப்பதிவர் ஒற்றுமை ஓங்கட்டும்.!
பதிலளிநீக்குஎன்றும் நம்முள் வலிமை பெருகட்டும்.!