குமுதமும் யவண்டம் வைரவன் செட்டியார் அவர்களும்..

குமுதம் .. எங்கள் வாழ்வில் மறக்கமுடியாத பெயர். வங்கிகள்., பல்கலைக்கழகங்கள்., கோயில் திருப்பணிகள்., தமிழிசைச் சங்கம்., சினிமா., எனப் பல துறைகளிலும் வேரோடிய நகரத்தார் பதிப்பங்களிலும் தங்கள் பங்களிப்பைச் செய்துள்ளார்கள். நிறைய புத்தக நிறுவனங்கள் ( வானதிபதிப்பகம்., மணிமேகலை., மணிவாசகர்., செல்வி ) என பதிப்பங்களுக்கு நடுவில் தேவி ப்ரஸ் என்பதும் குமுதம் ஆதிகாலத்தில் வெளியிடப்பட்ட ஒரு இடமாகும். இன்றைய குமுதம் அலுவலகம் இருக்கும் இடத்தில்தான் தேவி ப்ரஸ் இருந்திருக்கிறது.

குமுதம் நிறுவனர்கள் எஸ் ஏ பி அவர்களும்., யவண்டம் ( அன்றைய ரெங்கோனில் யவண்டம் என்ற ஊரில் கொண்டு விக்கச் சென்றதால் இந்தப் பெயர்) வைரவன் செட்டியார் அவர்களும் சின்னத்தா பெரியத்தா மகன்கள். வைரவன் செட்டியார் புதுவயலுக்கு பிள்ளை வளர வந்து விட்டார்கள். இருந்தாலும் இருவருக்கிடையேயும் அன்பும் தொடர்பும் இருந்தது. எஸ் ஏ பி அவர்களின் கல்லூரி (திருச்சி செயிண்ட் ஜோசப் காலேஜ்) நண்பர் பார்த்தசாரதி. இவர்கள் மூவரும் சேர்ந்து குமுதம் பத்ரிக்கையைத் தொடங்கினார்கள். இது வைரவன் செட்டியாருக்கு சொந்தமான தேவி பிரஸ்ஸில் அச்சடிக்கப்பட்டது.

தொடர்ந்து சில உடல் நலக்குறைவுகளால் அதில் கவனம் செலுத்த முடியாமல்., தன்னுடைய பிள்ளைகளையும் கேட்காமல் அதில் இருந்து வெளிவந்துவிட்டார்கள் வைரவன் செட்டியார் அவர்கள்.

இன்று குமுதம் ஆல்போல் தழைத்து கிளைவிட்டு அருகு போல் வேரோடி தமிழர்களின் வாழ்வோடு ஒன்றிணைந்து இருக்கிறது. அதன் வேராய் இருந்தவர்களுள் இவரும் ஒருவர் -- என் தம்பி மனைவியின் அப்பத்தா வீட்டு ஐயா -- எங்கள் உறவினர் என்பதே மகிழ்ச்சியாய் இருக்கிறது. வாழ்க குமுதம்.!!வளர்க அதன் பணிகள்..!!!!