சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு
சாதனை அரசிகள், ங்கா, அன்னபட்சி,பெண் பூக்கள், சிவப்புப் பட்டுக் கயிறு

வெள்ளி, 11 நவம்பர், 2016

வெஜிடபிள் ஆம்லெட்:- ( அடை ). கோகுலத்தில்

வெஜிடபிள் ஆம்லெட்:- ( அடை )

தேவையானவை :-
பொட்டுக்கடலை மாவு – அரை கப், கடலை மாவு – அரை கப், கார்ன்ஃப்ளோர் – ஒரு டீஸ்பூன், பால் – ஒரு கப், துருவிய காய்கறிக் கலவை – ஒரு கப், ( காரட், பீன்ஸ், முட்டைக் கோஸ், நூல்கோல், பீட்ரூட்,) பச்சை மிளகாய் – 1, பெரிய வெங்காயம் – 1, கொத்துமல்லித்தழை – 1 டீஸ்பூன், வரமிளகாய்த்தூள் – கால் டீஸ்பூன், கரம் மசாலா தூள் – கால் டீஸ்பூன், இஞ்சி பூண்டு பேஸ்ட் – அரை டீஸ்பூன், மிளகு சீரகத் தூள் – அரை டீஸ்பூன், மஞ்சள் தூள் – கால் டீஸ்பூன், உப்பு – அரை டீஸ்பூன், எண்ணெய் – 20 மிலி.

செய்முறை:-
பொட்டுக் கடலை மாவு, கடலை மாவு, மைதா கார்ன் ஃப்ளோர், உப்பு மிளகாய்த்தூள், மஞ்சள் தூள் மிளகு சீரகத்தூள், கரம் மசாலாத்தூள், இஞ்சி பூண்டு பேஸ்ட், பொடியாகத் துருவிய காய்கறிகள், பெரிய வெங்காயம் கொத்துமல்லித்தழை போட்டு நன்கு கலக்கவும். இதில் பாலை சிறிது சிறிதாக ஊற்றி அடிக்கவும். பால் தேவைப்பட்டால் இன்னும் சிறிது சேர்த்து தோசை மாவு பதத்துக்குக் கரைத்துக் கொள்ளவும். தோசைக்கல்லில் சிறிது எண்ணெய் தடவி ஆம்லெட்டுகளாக சுட்டு திருப்பிப் போட்டு எண்ணெய் விட்டு வேகவைத்து தக்காளிச் சட்னியுடன் பரிமாறவும். 

வெஜிடபிள் ஆம்லெட் நல்ல நார்ச்சத்து மிகுந்த உணவாகும். காய்கறிகள் மற்றும் பொட்டுக் கடலையின் சத்துகள் முழுமையா கிடைக்குது. எளிதில் ஜீரணமாகக் கூடியது. பொட்டுக் கடலையில் இரும்புச் சத்து, லைசீன், ஐசோலூசின், ட்ரிப்ஃபோபேன், மற்றும் அரோமேட்டிக் அமினோ அமிலம் ஆகிய அமினோ அமிலங்கள், முழுமையான புரதங்கள் இருக்குது. கடலைப் பருப்பு ஞாபகசக்திக்கு உதவுது. இஞ்சி பூண்டு சீரகம் மிளகுத்தூள் செரிமானத்துக்கு உதவுது. பசியைத் தூண்டுது.

பொட்டுக் கடலையிலும் கடலைப் பருப்பிலும் காய்கறிகளிலும்  இருக்கும் நார்ச்சத்து செரிமானப் பிரச்சனைகளைத் தீர்க்குது. துத்தநாகம், ஃபோலேட், கால்சியம், புரதச்சத்துகள் நிரம்பியது . எளிதில் கரையக்கூடிய கொழுப்பு சிறிய அளவில் இருக்குது.

70% கலோரீஸ் பொட்டுக் கடலையில் இருந்து கிடைக்குது. இதில் சோடியம், ப்ரோட்டீன், ஃபேட் சிறிய அளவில் இருக்கின்றன. கார்போஹைட்ரேட் 27 சதம் இருக்கு. இதில் கரையாத கொழுப்பு, இனிப்பு, கொலஸ்ட்ரால் எதுவுமே இல்லை.

உடல் ஊட்டத்துக்கும் வளர்ச்சிக்கும் பொட்டுக் கடலையும் கடலைப்பருப்பும் உதவுகின்றன. விட்டமின், மினரல், தாது உப்புகள், கனிமச் சத்துகள் காய்கறிகள், கொத்துமல்லித்தழை  மூலம் கிடைக்குது. பாலில் விட்டமின் பி இருக்கு. கால்சியம் இருப்பதால் எலும்புகளின் உறுதிக்கும் உதவுது.கண்பார்வையைத் தெளிவாக்குது.

அவ்வப்போது இந்த வெஜிடபிள் ஆம்லெட் / அடையைச் செய்து சாப்பிட்டு வருவதன் மூலம் குழந்தைகளுக்கு நல்ல ஊட்டம் கிடைக்கும்.
பர்ப்பிள் கலர் கேபேஜ் சாலட்டை பாராட்டியதற்கு நன்றி  ஆர்.ஜே. ஹரிராஜ், ஆர். ஏ. விஜயபாலா,ஆர். ஜி காயத்ரி, ஆர். ஜே ஜெய்ஹரிதா, செல்வமருதூர். !!!

7 கருத்துகள் :

ஸ்ரீராம். சொன்னது…

சுவை!

Ajai Sunilkar Joseph சொன்னது…

படிக்கும்போதே இத்தனை ருசியா...?

Jeevalingam Yarlpavanan Kasirajalingam சொன்னது…

அருமையான வரிகள்

உலகத் தமிழ் வலைப்பதிவர்கள்
https://plus.google.com/u/0/communities/110989462720435185590

பரிவை சே.குமார் சொன்னது…

ஆஹா....

திண்டுக்கல் தனபாலன் சொன்னது…

வாழ்த்துகள் சகோதரி...

Thenammai Lakshmanan சொன்னது…

நன்றி ஸ்ரீராம்

நன்றி ஜோசப்

நன்றி யாழ்பாவண்ணன் சகோ

நன்றி குமார் சகோ

நன்றி டிடி சகோ

Thenammai Lakshmanan சொன்னது…

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!

கருத்துரையிடுக

சும்மா ( பத்தி ) உங்க கருத்தையும் பதிவு செய்ங்க :)

Related Posts Plugin for WordPress, Blogger...