குங்குமம் தோழியில் குட்டி ராஜாக்களும் சுட்டி தேவதைகளும்.

1. வளர்ந்து கொண்டே
போகிறாள் மகள்
குழந்தையாகிறேன் நான்.

2. அட்டைப் பெட்டியில் நீ
விளையாடிய பொம்மைகளை
அடுக்குகிறேன்.
நீ எழுந்ததும் உயிர்பெறும்
ஆசையில் காத்திருக்கின்றன அவை.


3.குழந்தையைப்
பலர் கொஞ்சுகிறார்கள்.
தனியாக அது
கொஞ்சிக் கொண்டிருக்கிறது
தன் பொம்மையை.

4.வண்டிச் சத்தம்
கேட்கும்போதெல்லாம்
அழுதாயாமே என்னைத்தேடி
தூங்கும் உன் கன்னத்தில்
உப்பு ரோடுகள்.

5. அழகு இறக்கை விரித்தபடி
என் கைப்பூவில் தொற்றி அமர்கிறது
எதிர்வீட்டுக் குழந்தை
வண்ணத்துப் பூச்சியாய்.

டிஸ்கி:- இந்தக் குழந்தைக் கவிதைகள் 2012 குங்குமம் தோழியில்  வெளியானவை.