குங்குமப்
பொட்டின் மங்கலம்.
”குங்குமம் மங்கல மங்கையர்
குங்குமம், குங்குமம் மதுரை மீனாக்ஷி குங்குமம்” என்ற பாடலும், ”குங்குமப் பொட்டின்
மங்கலம் நெஞ்சமிரண்டின் சங்கமம்” என்ற பாடலும் குங்குமத்தின் மங்களகரத்தை அறிவிக்கின்றன.
”மனாலக்கலவை” என்று குங்குமத்தை புலவர் குமட்டூர் கண்ணனார் பதிற்றுப்பத்தில்
விவரிக்கிறார்.
”மலைபடு திரவியம்”
என்று மிளகு, அகில், குங்குமத்தை தமிழ் இலக்கிய அகராதி தெரிவிக்கிறது. இவற்றிலிருந்து
மணமான மகளிர் வகிட்டில் குங்குமம் வைக்கும் பழக்கம் சங்ககாலத்தில் இல்லாதிருந்தும்
குங்குமத்தின் பயன்பாடு இருந்திருக்கிறது எனத் தெரிகிறது.
இந்தக் குங்குமத்தில் மல்லிகை மணம் தாழம்பூ மணம் கொண்டவையும் உண்டு. அதேபோல் சிவப்பு நிறம் மட்டுமில்லாமல் பிங்க் நிறம், பச்சை நிறம் ஆரஞ்சு நிறம் அரக்கு நிறக் குங்குமங்களும் உண்டு. மதுரை மீனாட்சி குங்குமம், காசிக்குங்குமம் சிலோன் குங்குமம் ஆகியனவும் புழக்கத்தில் உள்ளன.