Ar Vidhya Lakshmi Rajasekar பதிவு:
தேவானை l திருநிலை l ஒப்பிலாள் l உண்ணா l ஒமையா மற்றும் சில செட்டிநாட்டு பெண்கள்… தேனம்மை லெக்ஷ்மணன்
எங்கிருந்து ஆரம்பிப்பது என்று புரியாத நிலையில் இருக்கிறேன். முதல் சில கதைகள் செட்டிநாடு சார்ந்த பெண்களின் வாழ்வியலும், அவர்களின் குடும்ப சூழலில் கணவன், அவர்களின் வியாபாரம், அதை சார்ந்த அவர்களின் வாழ்வியல், பெரும்பாலும் இன்னொரு திருமணம், அதை சுற்றிய புரிதல், சமூக கட்டமைப்பில் சகித்து வாழ்தல் என்பதாக இருக்கிறது. என்னை பெரிதும் ஈர்த்த விஷயங்கள், இந்த கதைகளில் சொல்லப்படும் செட்டிநாட்டு வீட்டின் அறிமுகங்களும், அவர்கள் பயன்பாட்டில் இருந்த சொல்லாடல்கள், பழக்கவழக்கங்கள் போன்றவை புதிதாக இருந்தது.
