தண்ணீர்,,! தண்ணீர்..!!

நா வரண்டு விட்டது
நான் பாலையாகிக் கொண்டு..
உப்புறைந்த மண் அள்ளிக் குடியுங்கள்
மேகங்கள் கூட இல்லா வாழ்வில்...

கிணற்றையும்., குளத்தையும் .,
நதியையும்., ஏரியையும் முடித்து...
இப்போது கடலையும் தூர்த்து...

சோதனைச் சாலையில்
உருவாக்க முடியுமா ..,
நதிக்கரையோர நாகரீகம்...?


அரை துடைக்க
மரங்களை அழித்து
காகித டிஸ்யூக்கள்...

வானம் பொய்ப்பதும்.,
வனம் கருகுவதும்
வாடிக்கையான வாழ்வு..

உங்கள் சந்ததியினருக்கு
தண்ணீரும் குளுக்கோஸ்
மாத்திரை வடிவில்....

செவ்வாயிலும் சனியிலும்
இடப் பெயர்ச்சியடையலாம்
தண்ணீர் தேடி .....
அமிலமாவது கிடைக்கும்...

சிரபுஞ்சியிலும்
அண்டார்டிக்காவிலும்
எச்சரிக்கை மணி ..

பனிப்பாறைகளாய்
வாழ்வும் இருப்பும் உருகிக்
காப்பாற்றுவார் இல்லாமல்...

மலைகளைச் சிதைப்பதும்
மரங்களை அழிப்பதும் ஆத்மஹத்தி...
பச்சையங்கள் இல்லாமல்
பாளமாகிவிடும் வாழ்வு...

அபாயச்சங்கு அலறுவதற்குள்
ஆயத்தமாகுங்கள்...
புதியன சுருக்கி
பழையன பெருக்கி...

வாகன மாசு .,குளிர்பதனங்கள் .,
நீர்நிலை ஆக்கிரமிப்பு தவிர்த்து .,
இயற்கையோடு இயைந்து நடந்து.,
தூர்த்ததெல்லாம் தூரெடுத்து.,

சேமியுங்கள் மழைநீரை ..!
வீணாக்காதீர் குடிநீரை ..!!
சந்ததியருக்காய் சொட்டுச் சொட்டாய் ..!!
செல்வம் போல நிரந்தர வைப்பாய் ...!!

http://www.vikatan.com/vc/2010/jan/vc.asp
http://youthful.vikatan.com/youth/Nyouth/index.asp
http://youthful.vikatan.com/youth/Nyouth/thenammaipoem200310.asp

மார்ச் - 22 உலக தண்ணீர் தினத்துக்காக எழுதப்
பட்ட கவிதை யூத்ஃபுல் விகடனில் வந்து இருக்கு ..