இருப்பு என்பது வலை

நிலவு பொழிவது போல் ஆளை விழுங்க.,
மழை பொழிவது போல் தழுவிக்கொள்ள.,
சட்டை உரித்த பாம்பாய் சுயம் உரிந்து கிடக்க.,
பச்சோந்தி போல சேர்ந்த வர்ணம் அடைந்தேன்..

அன்றிலைப்போல் அல்ல., கவரிமானும் அல்ல.,
அன்றன்று அடிக்கும் அலையில் கரை கடந்தேன்..
நிலையாமை யாக்கை அறிவேன்..
நிலையற்ற நிலை அடைந்தேன்..


எப்போதும் உண்டு ஒரு உண்மை...
ஏற்றாற்போல் மாற்றுகின்ற தன்மை...
எல்லோருக்கும் கைவந்தது கண்டேன்..
என்னுடைமையும் ஆகக் கொண்டேன்..

இப்படித்தான் இருப்பது என்பது ஒரு கலை....
எப்படியும் இருக்கலாம் என்பது ஒரு நிலை..
அப்படியும் இப்படியும் முடிவில்லாத தளை ...
எப்படி இருந்தாலும் இருப்பு என்பது வலை...