சும்மா: பிறந்தநாள் வாழ்த்துக்களும் ஃபோரம் மாலும்.

2721. ப்லாகர் டாஷ்போர்ட், ஃபேஸ்புக் ஹோம்பேஜ் இதெல்லாம் மாத்துறேன் மாத்துறேன்னு ஏன் அப்பப்போ குடைச்சல் குடுக்குறாங்க. இருக்கதே நல்லாத்தானே இருக்கு. எழுதவே நேரம் கிடைக்கலியாம். இது வேற இம்சை

2722. நாளும் கிழமையும் நலிந்தோருக்கு இல்லை. விடுமுறை நாளும் வலைப்பதிவருக்கு இல்லை.

2723. விவசாயக் கடனை தள்ளுபடி செய்யலாம். அது இயற்கைப் பேரிடரினால் மீளமுடியாதது.

கல்விக்கடனைக் கட்டாமல் இருப்பது நியாயமா? பெற்று வளர்த்த பெற்றோரைப் புறக்கணிப்பது போன்றது அது.

வீட்டுக்கடனை வட்டியோடு மூன்று மாதம் தள்ளுபடி செய்யச் சொல்வதும் சரிதானா? அந்தப் பணமே பலர் போட்ட டெபாசிட்டிலிருந்து கடன் கொடுப்பதுதான். அப்போ அவர்களுக்கும் ( ஏற்கனவே 5.5 பர்சண்ட் ஆகக் குறைந்து விட்டது வட்டி ) மூன்று மாதம் வட்டி தர முடியாது என்று சொன்னால் ஏற்றுக் கொள்வார்களா ?

வங்கிகளை திவாலாக்கி விடாதீர்கள். ஏற்கனவே நன்றாக சேவை செய்த பல வங்கிகள் மெர்ஜ் ஆகிவிட்டன.

2724. தயங்காமல் வந்தமர்ந்த தட்டாரப் பூச்சி

2725. ஒரு பரிசு

2726. எங்கெங்கோ இருந்தும் முகநூலால் ஒன்று சேர்ந்தோம். கொரோனா கெடுபிடிக்காலத்திலும் பிறந்தநாளை மறவாமல் வாழ்த்திய அன்புத் தம்பியர், தங்கையர், சகோ, தோழர், தோழியர் அனைவருக்கும் மனம் கனிந்த நன்றிகள். மீண்டும் ஒருமுறை உங்கள் பிரியங்களில் நனைந்து எழுந்தேன். பத்ரமா இருங்க. வாழ்த்திய, வாழ்த்த விரும்பிய அனைவருக்கும் பேரன்பு. 🤩😍வாழ்க வளமுடன்.

2727. சோறு முக்கியம் அமைச்சரே

2728. எங்கள் வீட்டு தேவதைகள்

2729. பிறந்தநாள் வாழ்த்து. நன்றி மோகன்ராஜ்.

///கவிஞர்களை பிரசவித்த ஜூலைக்கு நன்றி; நா. முத்துகுமார், வைரமுத்து, பழனிபாரதி என, அடுத்தடுத்து வந்த பிறந்த நாள்கள் கொண்டாடித் தீர்க்கப்பட்டன; அந்த வரிசையில் இன்று பிறந்த நாள் காணும் உங்களுக்கும் இதம் தரும் தேன் தமிழ் சொல்லெடுத்து வாழ்த்துகிறேன்

எங்கள் கவியே

வாழிய நீடுழி///

இன்னும் இரு வாழ்த்துக்கள். :)

///சொல்லாகி பொருளாகி உயிராகி ஊனாகி மெய்யாகி துடிப்பாகி விழியாகி வழியாகி திருவாகி நிறையாகி நிரலாகி நீக்கமற மகிழ்ச்சி நிறைத்திருக்கும் தேனம்மை! வாழிய நூறாண்டு!///

///புதிதாய் பிறந்த புத்தாரகையே! பொங்கும் அறிவுப் புனலே! பேரன்புச் சுனையே!

அளந்தறியா அன்பாழியே! தண்தழலே! தவிப்பே! தகிப்பே! ஆளுமையே!நன்னீரே! நற்றுணையே!கணையே! கவணே! உருவகமே! உவமேயமே!

திருமுகமே! தீரா நதியே! புவியிலுதித்த புதினமே! இன்று போலென்றும் பொலிவாய் செழிப்பாய் களிப்பாய் உவப்பாய் வாழிய! வாழியவே!////

2730. மிக நீண்ட வேனிலைப் போல

நகர்ந்து கொண்டிருக்கிறது கொரோனா

ஒவ்வொரு வீட்டின் வாசலிலும்

விடியற்காலைக் குடுகுடுப்பைக்காரனைப்போல

உலவி நிமித்தம் சொல்கிறது.

ஒதுங்கி ஒளிந்திருந்து அனைவரும்

ஒட்டுக்கேட்டபடி பதுங்கி இருக்கிறார்கள்.

நல்லகாலம் பொறக்குதோ இல்லையோ

கெட்டகாலம் ஒழியட்டுமென

வீட்டுக்குள்ளேயே பித்துப் பிடித்தவர்கள்போல

புதைகுழிப் பேய்களாய்

விழிவிரித்துக் கிடக்கிறார்கள் மனிதர்கள்.

குடுகுடுப்பைச் சத்தம் தேய்ந்து ஓய்ந்தபின்னும்

வாசல்படிகள் திறக்கப்படுவதேயில்லை.

சுயசிறைக்குள் ஒருவரை ஒருவர் பார்த்து மிரண்டு

அவநம்பிக்கையோடு தள்ளியே நிற்கிறார்கள்.

2731.நமது மண்வாசம் ஆரம்பித்து ஐந்து ஆண்டுகளாக அதன் வாசகியாகவும் அதில் எழுதும் எழுத்தாளராகவும் இருந்துள்ளேன். மரபு, அறிவியல், பாரம்பர்யம் , மருத்துவம், உடல்நிலை, மனநிலை , உலக நடப்புப் பற்றி நிறைய விஷயங்களை அதில் எழுத வாய்ப்புக் கிடைத்துள்ளது. அதன்மூலம் பல்வேறு வாசகியரையும் பெற்றுள்ளேன்.

எனது கட்டுரைகள் கவிதைகள் இடம் பெற்றதுடன் எனது மூன்று நூல்களும் - ”பெண்மொழி, மஞ்சளும் குங்குமமும், பெண் அறம் ”- தானம் அறக்கட்டளை மூலம் நூலாக்கம் பெற்றுப் பல்வேறு மகளிரையும் சென்றடைந்துள்ளன. மஞ்சளும் குங்குமமும் நூலில் வளரிளம் பெண்களுக்கான போட்டிகள் நடத்தப்பட்டுப் பரிசில்களும் வழங்கி கௌரவித்துள்ளது தானம் அறக்கட்டளை.

மகளிர்க்குத் தேவையான எல்லா விபரங்களையும் கொடுத்து மகளிர்குழுக்கள் அனைத்தையும் இணைக்கும் ஒற்றைச் சரடாக விளங்கி வருகிறது நமது மண்வாசம் இதழ். தொடர்ந்து மகளிர்க்கான இதழ் ஒன்று ஐந்தாண்டுகளாக இவ்வாறு சேவை புரிந்து வருவது பாராட்டுக்கு உரியது. வாழ்த்துக்கள் தொடரட்டும் நமது மண்வாசத்தின் சேவையும் அதன் மூலம் எங்கள் எழுத்தாக்கமும்.

அன்பும் நன்றியும்

தேனம்மைலெக்ஷ்மணன்.

2732. நாம செய்றத நச்சுன்னு சொல்லி இருக்கார் ஒரு முகநூல் நண்பர். சமீப காலமா ஆண் குழந்தைகள் & கணவரின் மனப்போக்கை அவதானிக்கும்போது நாம் அவங்களுக்கு எவ்வளவு மனநெருக்கடி கொடுத்திருக்கோம்னு புரியுது. இன்னும் காலம் தாழ்ந்திடல. எல்லாத்தையும் அவங்க பக்கம் தள்ளிவிட்டு நாம மட்டும்தான் கரெக்ட்டுங்கிற எண்ணப்போக்கை மாத்திக்குவோம் .

2733. வீடே கோவில்

வீட்டினரே தெய்வம்

இன்னும் ஒரு வருடத்துக்கு

இதுதான் பாதுகாப்புக் கவசம்

ரணம் ருணம் தவிர்க்கத்

தனிமையைக் கற்பிக்கும்

கொரோனா யட்சிணியோ

ராட்சசனோ பேயோ பூதமோ

பிசாசோ கருப்போ தெரியவில்லை.

ஆனால் நேசம் பாசம் நெருக்கமென

இன்னுமுள்ள ஆயுளை

நெகிழும் உறவுகளோடு