சும்மா: ரைன் நீர்வீழ்ச்சி.மை க்ளிக்ஸ். RHINE/RHEINFALL.MY CLICKS.

75 அடி உயரத்தில் இருந்து பாயும் அருவியைத் தூரத்தே இருந்து பார்த்தால் அவ்வளவு உயரம் தெரிவதில்லை. ஆனால் இதன் அருகே படகுச் சவாரி செய்யும்போது தெரியும் இதன் உயரம். 490 அடி அகலம் இருக்கிறது என்பதும் இதன் சிறப்பம்சம். தூரத்தே தெரிவதுதான் வொர்த் கேஸில் எனப்படும் வியூ பாயிண்ட். இங்கிருந்து ரைன்நதியைப் பார்வையிடலாம்.

யூரோப் முழுவதும் அநேக நாடுகளில் பாயும் ரைன் நதி இங்கே ஸ்விட்ஜர்லாந்து ஸ்காஃப்ஹௌஸன் நகரையும் ஸூரிச் நகரையும் தொட்டு அருவியாகிப் பொழிகிறது.

ஆகஸ்ட் 1 ஆம் தேதி சுற்றுலாப் பயணிகளைக் கவர இங்கே வாணவேடிக்கை நடத்தப்படுகிறது.

மிகச் சரிவான பாதையில் சென்று இந்த அருவியைத் தரிசிக்க வேண்டி இருக்கிறது.

பொங்கிப் பெருகும் இந்த அருவி குளிர்காலங்களில் உறைந்துவிடும். 14,000 இருந்து 17, 000 ஆண்டுகளுக்கு முற்பட்ட ஐஸ் ஏஜ் காலத்தில் பாறைகளின் அரிப்பால் உருவானது இந்த அருவி.

ஸூரிச் பக்கம் பார்வையாளர்கள் நதியைப் பார்வையிட ( அப்ஸர்வேஷன் டெக் ) யூத் ஹாஸ்டல் என்ற இடம் இருக்கிறது. ஸ்விட்ஜர்லாந்தின் கொடி பறக்குது.

பயணிகள் படகில் அருவியின் விளிம்பு வரை சவாரி செய்து மீள்கிறார்கள் வொர்த் கேஸில் துறைக்கு.

அங்கே அநேக ரெஸ்டாரெண்டுகள் உள்ளன. அவற்றில் அமர்ந்தும் பார்வையிடலாம்.

பசுங்கானகத்தில் நீந்தினோம்.

லாஃபன்கேஸில் என்ற கோட்டையும் அருகே அமைந்திருக்கு. இந்த அருவியிலிருந்து நீர் மின்சாரம் எடுக்க முயற்சி செயப்பட்டு அதன் பின் அதை பல்வேறு காரணங்களுக்காகக் கைவிட்டுட்டாங்க.

ஆனால் இது டூரிஸ்ட் அட்ராக்‌ஷனா டாலர்களையும் யூரோக்களையும் கொட்டிக் குவிக்குது.

சுற்றிலும் ஒரே ஹோட்டல்களும் உணவகங்களும் தங்குமிடங்களும்தான்.

போட் ரைட் எல்லாம் போக நேரமில்லை. அதனால படகுத்துறையில் ஒரு க்ளிக்.

இந்த ஊருக்கெல்லாம் தனித்தனியாய்ப் போயிட்டு வந்தால்தான் நல்லா பாரக்க முடியும். அதனால ஒரே வீச்சில் ஓடிப்போய் பார்த்துட்டு வந்துட்டம்னாத்தான் நாம நம்ம பயணத்திட்டத்தை முடிக்க முடியும். இல்லாட்டா இங்கேயே ஒரு நாள் முழுக்க செலவாயிடும்.

ஒரு அருவியைச் சுற்றி எத்தனை விதமான பொழுதுபோக்குகள் , கேளிக்கைகள், கொடிகள். மக்கள் வெள்ளம்.

சின்ன தடுப்பணை வேற. பக்கத்துலேயே நதிமீது ஒரு வாங்கிங் போற பாலம்.

வெளிநாட்டுக்காரங்க வாழ்க்கையைக் கொண்டாடுறாங்க.

ஆர்ப்பரித்துச் செல்லும் அருவியும் நதியும்.

மௌனசாட்சியங்களாய் மரங்கள் ஆமோதித்து நின்றிருக்க நாமும் மேலேறி வந்து நதி தந்த குளிர்ச்சியில் இருந்து ஒரு கப் காஃபி அருந்தி சூடுபடுத்திக் கொண்டோம்.

மிக அருமையான புத்துணர்வு தந்த காஃபி.

மேலேயிருந்து ரைன் நதியை ஒரு பார்வையிட்டுட்டு நம்ம கோச்’சுக்குத் திரும்பினோம். தூரத்தில் ஒரு படகு அருவியின் போக்கில் ஆலவட்டம் போட்டு நனைந்து நீந்திக் கொண்டிருந்தது. :)