சும்மா: பெஸ்ட் வெஸ்டர்ன் பார்க் ஹோட்டல். டாய்ரி. BEST WESTERN PARK HOTEL. THOIRY.

ஜெனிவாவில் ஐக்கிய நாடுகளின் சபையைப் பார்த்துவிட்டு இந்த ஹோட்டலுக்கு அசதியுடன் வந்து சேர்ந்தோம்.

ஏழாம் நாள் இரவு ஞாயிறன்று இரவு. மிக அருமையான இரவு உணவை உண்டுவிட்டு உறங்க இந்த ஹோட்டலுக்கு வந்தோம். பெஸ்ட் வெஸ்டர்ன் பார்க் ஹோட்டல் உள்ளபடியே பெஸ்ட் ஹோட்டல்தான்.

ஃபயர் எக்ஸ்டிங்ஷருடன் மிக நீளமான காரிடார்கள். யூரோப் டூர் முழுவதிலும் நாங்கள் பார்த்ததிலும் தங்கியதிலும் மிக மிக வசதியான ஹோட்டல் மட்டுமல்ல, இங்கே உள்ள அறையில் சமைத்துத் துவைத்துக் குடித்தனமே செய்ய முடியும். அதற்கு ஏற்ற பொருட்கள் அனைத்துமே உள்ளன.

நால்வர் அமரும் டைனிங் டேபிள். கண்ணாடி மேசை கொள்ளை அழகு.

இங்கே ஹாலிலேயே ஒரு சோஃபாவும் ஒரு குட்டி பெட்டும். பெட்ரூமில் டபிள் பெட்.

இதுதான் கிச்சன். அஹா. மேலே ஓவன். கப்போர்ட்ஸ், எலக்ட்ரிக் சிம்னி. கீழே இண்டக்‌ஷன்/ ஹாட் ஸ்டவ். பக்கத்தில் வாஷ்பேஸின்.

இதுதான் மாஸ்டர் பெட்ரூம். இந்த புகைப்படங்களில் இருக்கும் மாடல்/நடிகை யாரெனத் தெரியவில்லை.

படுக்கைகளில் தலையணையாக சதுரத் திண்டுகள். குளித்தவுடன் துடைக்க துவாலைகள்.

நால்வர் அமரும் டைனிங் டேபிள் போக இது சர்வீஸ் டேபிள். இதில் எலக்ட்ரிக் கெட்டில் அதனருகே பால் குட்டி டப்பாக்களில், இன்ஸ்டண்ட் காஃபி பவுடர், டீ பேக்ஸ், சுகர் சாஷேக்கள். தண்ணீர் பாட்டில்.

கிச்சன் மேடைக்குக் கீழே டிஷ்வாஷர் & ஃப்ரிட்ஜ். ! முழுவதும் மரத்தரை. தண்ணீர் எல்லாம் போட்டு வீணாக்கிவிடக்கூடாது.

இது பாத்ரூமேதான் !!!

இங்கேயும் டவல்கள், டிஷ்யூக்கள், ஆளுயரக் கண்ணாடி.

எதிர்த்தாற்போல் குளியல்தொட்டி. இதற்கு ஹாஃப் கண்ணாடிக் கதவு. உள்ளே ஹாண்ட் ஷவரும் உண்டு. ரைட்டில் திருப்பினால் குளிர் நீர், லெஃப்டில் திருப்பினால் வெந்நீர்.

துவாலை போடும் கைப்பிடி & துணி காயப்போடும் ஸ்டாண்ட் !

இங்கு டாய்லெட் மட்டும்தான். இத்தாலி ஹோட்டல்கள் போல் இரண்டு டாய்லெட் சீட் இல்லை. டிஷ்யூவிலேயே சுத்தம் செய்து கொள்ளணும்.

அப்படியே குளித்து விட்டு வந்துவிடலாம்.

மூவபிள் ஷேவிங் கண்ணாடி. :)

கீழே எலக்ட்ரிக் ஷேவர் & நாம கொண்டு போன மக்.. ( டாய்லெட்டில் தண்ணீர் பிடித்து உபயோகிக்கக் கைவசம் கொண்டு சென்றிருந்தோமாக்கும் :)

பாத்ரூமுக்கு வெளியே வந்ததும் ட்ரெஸ் செய்துகொள்ள ட்ரெஸ்ஸிங் டேபிள் கண்ணாடி. நம்ம லக்கேஜுகள்.

கிச்சன் மேலேயே காஃபிக் கோப்பைகளும் மதுக்கோப்பைகளும் :)

இந்த ஹோட்டலின் இன்னொரு சிறப்பம்சம். பெட்ரூமில் இருந்து வெளியே உள்ள தோட்டத்து லானுக்குச் சென்று அமர்ந்து கொள்ளலாம். இரவில் குளிரியது.

காலையில் செம வெய்யில். வெளியே சேர் எல்லாம் போட்டிருந்தார்கள். ஒரு இனிய சர்ப்ரைஸ்தான். பெரியவர்கள் வந்து தங்கி சமைத்து சாப்பிட்டுச் செல்லலாம். :)

காலையிலும் அதே நீளக் காரிடார்களைக் கடந்து ப்ரேக்ஃபாஸ்டுக்கு சென்றோம்.

காம்ப்ளிமெண்டரி ப்ரேக்ஃபாஸ்ட்.

ரிஷப்ஷனுக்கு முன்னால் இந்த ஃபஸ்பால் விளையாடலாம். !

ரிஸப்ஷனில் வெயிட் செய்ய சோஃபாக்கள்.

முதல்நாள் இரவு உணவு. ரொம்ப ருசியான வட இந்திய உணவு. சப்பாத்தி, பாசுமதி அரிசி சாதம், சிக்கன் க்ரேவி, தால், வெங்காயம், காய்கறிகள், ஊறுகாய், அப்பளம், ஏதோ ஒரு பாயாசம். செம டேஸ்ட்.

இந்தியர்கள் உணவு வகைகள் கறிகள் நிரம்பியது என்பதால் டைனிங் ஹால் எல்லாம் வெளியே தனித்து இருக்கின்றன. இங்கும் முன் பக்கம் தனியே இருந்தது மட்டுமல்ல கிச்சன் கூட அதன் பக்கமாக தனியாக இருந்தது !!!